Uddhava Geetha – Chapter 2

atha dvitīyō’dhyāyaḥ ।

śrīśukaḥ uvācha ।
gōvindabhujaguptāyāṃ dvāravatyāṃ kurūdvaha ।
avātsīt nāradaḥ abhīkṣṇaṃ kṛṣṇaupāsanalālasaḥ ॥ 1॥

kō nu rājan indriyavān mukundacharaṇāmbujam ।
na bhajēt sarvataḥ mṛtyuḥ upāsyaṃ amarauttamaiḥ ॥ 2॥

taṃ ēkadā dēvarṣiṃ vasudēvaḥ gṛha āgatam ।
architaṃ sukhaṃ āsīnaṃ abhivādya idaṃ abravīt ॥ 3॥

vasudēvaḥ uvācha ।
bhagavan bhavataḥ yātrā svastayē sarvadēhinām ।
kṛpaṇānāṃ yathā pitrōḥ uttamaślōkavartmanām ॥ 4॥

bhūtānāṃ dēvacharitaṃ duḥkhāya cha sukhāya cha ।
sukhāya ēva hi sādhūnāṃ tvādṛśāṃ achyuta ātmanām ॥ 5॥

bhajanti yē yathā dēvān dēvāḥ api tathā ēva tān ।
Chāyā iva karmasachivāḥ sādhavaḥ dīnavatsalāḥ ॥ 6॥

brahman tathā api pṛchChāmaḥ dharmān bhāgavatān tava ।
yān śrutvā śraddhayā martyaḥ muchyatē sarvataḥ bhayāt ॥ 7॥

ahaṃ kila purā anantaṃ prajārthaḥ bhuvi muktidam ।
apūjayaṃ na mōkṣāya mōhitaḥ dēvamāyayā ॥ 8॥

yayā vichitravyasanāt bhavadbhiḥ viśvataḥ bhayāt ।
muchyēma hi añjasā ēva addhā tathā naḥ śādhi suvrata ॥ 9॥

śrīśukaḥ uvācha ।
rājan ēvaṃ kṛtapraśnaḥ vasudēvēna dhīmatā ।
prītaḥ taṃ āha dēvarṣiḥ harēḥ saṃsmāritaḥ guṇaiḥ ॥ 10॥

nāradaḥ uvācha ।
samyak ētat vyavasitaṃ bhavatā sātvatarṣabha ।
yat pṛchChasē bhāgavatān dharmān tvaṃ viśvabhāvanān ॥

11॥

śrutaḥ anupaṭhitaḥ dhyātaḥ ādṛtaḥ vā anumōditaḥ ।
sadyaḥ punāti saddharmaḥ dēvaviśvadruhaḥ api ॥ 12॥

tvayā paramakalyāṇaḥ puṇyaśravaṇakīrtanaḥ ।
smāritaḥ bhagavān adya dēvaḥ nārāyaṇaḥ mama ॥ 13॥

atra api udāharanti imaṃ itihāsaṃ purātanam ।
ārṣabhāṇāṃ cha saṃvādaṃ vidēhasya mahātmanaḥ ॥ 14॥

priyavrataḥ nāma sutaḥ manōḥ svāyambhuvasya yaḥ ।
tasya agnīdhraḥ tataḥ nābhiḥ ṛṣabhaḥ tat sutaḥ smṛtaḥ ॥ 15॥

taṃ āhuḥ vāsudēvāṃśaṃ mōkṣadharmavivakṣayā ।
avatīrṇaṃ sutaśataṃ tasya āsīt vēdapāragam ॥ 16॥

tēṣāṃ vai bharataḥ jyēṣṭhaḥ nārāyaṇaparāyaṇaḥ ।
vikhyātaṃ varṣaṃ ētat yat nāmnā bhārataṃ adbhutam ॥ 17॥

saḥ bhuktabhōgāṃ tyaktvā imāṃ nirgataḥ tapasā harim ।
upāsīnaḥ tat padavīṃ lēbhē vai janmabhiḥ tribhiḥ ॥ 18॥

tēṣāṃ nava navadvīpapatayaḥ asya samantataḥ ।
karmatantrapraṇētāraḥ ēkāśītiḥ dvijātayaḥ ॥ 19॥

nava abhavan mahābhāgāḥ munayaḥ hi arthaśaṃsinaḥ ।
śramaṇāḥ vātaḥ aśanāḥ ātmavidyāviśāradāḥ ॥ 20॥

kaviḥ hariḥ antarikṣaḥ prabuddhaḥ pippalāyanaḥ ।
āvirhōtraḥ atha drumilaḥ chamasaḥ karabhājanaḥ ॥ 21॥

ētē vai bhagavadrūpaṃ viśvaṃ sadasad ātmakam ।
ātmanaḥ avyatirēkēṇa paśyantaḥ vyacharat mahīm ॥ 22॥

avyāhata iṣṭagatayāḥ surasiddhasiddhasādhya
gandharvayakṣanarakinnaranāgalōkān ।
muktāḥ charanti munichāraṇabhūtanātha
vidyādharadvijagavāṃ bhuvanāni kāmam ॥ 23॥

taḥ ēkadā nimēḥ satraṃ upajagmuḥ yat ṛchChayā ।
vitāyamānaṃ ṛṣibhiḥ ajanābhē mahātmanaḥ ॥ 24॥

tān dṛṣṭvā sūryasaṅkāśān mahābhagavatān nṛpaḥ ।
yajamānaḥ agnayaḥ viprāḥ sarvaḥ ēva upatasthirē ॥ 25॥

vidēhaḥ tān abhiprētya nārāyaṇaparāyaṇān ।
prītaḥ sampūjayān chakrē āsanasthān yathā arhataḥ ॥ 26॥

tān rōchamānān svaruchā brahmaputraupamān nava ।
paprachCha paramaprītaḥ praśraya avanataḥ nṛpaḥ ॥ 27॥

vidēhaḥ uvācha ।
manyē bhagavataḥ sākṣāt pārṣadān vaḥ madhudviṣaḥ ।
viṣṇōḥ bhūtāni lōkānāṃ pāvanāya charanti hi ॥ 28॥

durlabhaḥ mānuṣaḥ dēhaḥ dēhināṃ kṣaṇabhaṅguraḥ ।
tatra api durlabhaṃ manyē vaikuṇṭhapriyadarśanam ॥ 29॥

ataḥ ātyantikaṃ kahēmaṃ pṛchChāmaḥ bhavataḥ anaghāḥ ।
saṃsārē asmin kṣaṇārdhaḥ api satsaṅgaḥ śēvadhiḥ nṛṇām ॥

30॥

dharmān bhāgavatān brūta yadi naḥ śrutayē kṣamam ।
yaiḥ prasannaḥ prapannāya dāsyati ātmānaṃ api ajaḥ ॥ 31॥

śrīnāradaḥ uvācha ।
ēvaṃ tē niminā pṛṣṭā vasudēva mahattamāḥ ।
pratipūjya abruvan prītyā sasadasi ṛtvijaṃ nṛpam ॥ 32॥

kaviḥ uvācha ।
manyē akutaśchit bhayaṃ achyutasya
pādāmbujaupāsanaṃ atra nityam ।
udvignabuddhēḥ asat ātmabhāvāt
viśvātmanā yatra nivartatē bhīḥ ॥ 33॥

yē vai bhagavatā prōktāḥ upāyāḥ hi ātmalabdhayē ।
añjaḥ puṃsāṃ aviduṣāṃ viddhi bhāgavatān hi tān ॥ 34॥

yān āsthāya naraḥ rājan na pramādyēta karhichit ।
dhāvan nimīlya vā nētrē na skhalēna patēt iha ॥ 35॥

kāyēna vāchā manasā indriyaiḥ vā
buddhyā ātmanā vā anusṛtasvabhāvāt ।
karōti yat yat sakalaṃ parasmai
nārāyaṇāya iti samarpayēt tat ॥ 36॥

bhayaṃ dvitīyābhinivēśataḥ syāt
īśāt apētasya viparyayaḥ asmṛtiḥ ।
tat māyayā ataḥ budhaḥ ābhajēt taṃ
bhaktyā ēka īśaṃ gurudēvatātmā ॥ 37।
avidyamānaḥ api avabhāti hi dvayōḥ
dhyātuḥ dhiyā svapnamanōrathau yathā ।
tat karmasaṅkalpavikalpakaṃ manaḥ
budhaḥ nirundhyāt abhayaṃ tataḥ syāt ॥ 38॥

śruṇvan subhadrāṇi rathāṅgapāṇēḥ
janmāni karmāṇi cha yāni lōkē ।
gītāni nāmāni tat arthakāni
gāyan vilajjaḥ vicharēt asaṅgaḥ ॥ 39॥

ēvaṃ vrataḥ svapriyanāmakīrtyā
jātānurāgaḥ drutachittaḥ uchchaiḥ ।
hasati athaḥ rōditi rauti gāyati
unmādavat nṛtyati lōkabāhyaḥ ॥ 40॥

khaṃ vāyuṃ agniṃ salilaṃ mahīṃ cha
jyōtīṃṣi sattvāni diśaḥ drumādīn ।
sarit samudrān cha harēḥ śarīraṃ
yatkiñcha bhūtaṃ praṇamēt ananyaḥ ॥ 41॥

bhaktiḥ parēśa anubhavaḥ viraktiḥ
anyatra ēṣa trikaḥ ēkakālaḥ ।
prapadyamānasya yathā aśnataḥ syuḥ
tuṣṭiḥ puṣṭiḥ kṣut apāyaḥ anughāsam ॥ 42॥

iti achyuta aṅghriṃ bhajataḥ anuvṛttyā
bhaktiḥ viraktiḥ bhagavat prabōdhaḥ ।
bhavanti vai bhāgavatasya rājan
tataḥ parāṃ śāntiṃ upaiti sākṣāt ॥ 43॥

rājā uvācha ।
atha bhāgavataṃ brūta yat dharmaḥ yādṛśaḥ nṛṇām ।
yathā charati yat brūtē yaiḥ liṅgaiḥ bhagavat priyaḥ ॥ 44॥

hariḥ uvācha ।
sarvabhūtēṣu yaḥ paśyēt bhagavat bhāva ātmanaḥ ।
bhūtāni bhāgavati ātmani ēṣa bhāgavatauttamaḥ ॥ 45॥

īśvarē tat adhīnēṣu bāliśēṣu dviṣatsu cha ।
prēmamaitrīkṛpāupēkṣā yaḥ karōti sa madhyamaḥ ॥ 46॥

archāyāṃ ēva harayē pūjāṃ yaḥ śraddhayā īhatē ।
na tat bhaktēṣu cha anyēṣu saḥ bhaktaḥ prākṛtaḥ smṛtaḥ ॥

47॥

gṛhītvā api indriyaiḥ arthānyaḥ na dvēṣṭi na hṛṣyati ।
viṣṇōḥ māyāṃ idaṃ paśyan saḥ vai bhāgavata uttamaḥ ॥ 48॥

dēhaindriyaprāṇamanaḥdhiyāṃ yaḥ
janmāpiayakṣut bhayatarṣakṛchChraiḥ ।
saṃsāradharmaiḥ avimuhyamānaḥ
smṛtyā harēḥ bhāgavatapradhānaḥ ॥ 49॥

na kāmakarmabījānāṃ yasya chētasi sambhavaḥ ।
vāsudēvēkanilayaḥ saḥ vai bhāgavata uttamaḥ ॥ 50॥

na yasya janmakarmabhyāṃ na varṇāśramajātibhiḥ ।
sajjatē asmin ahambhāvaḥ dēhē vai saḥ harēḥ priyaḥ ॥ 51॥

na yasya svaḥ paraḥ iti vittēṣu ātmani vā bhidā ।
sarvabhūtasamaḥ śāntaḥ saḥ vau bhāgavata uttamaḥ ॥ 52॥

tribhuvanavibhavahētavē api akuṇṭhasmṛtiḥ
ajitātmasurādibhiḥ vimṛgyāt ।
na chalati bhagavat pada aravindāt
lavanimiṣa ardhaṃ api yaḥ saḥ vaiṣṇava agryaḥ ॥ 53॥

bhagavataḥ uruvikrama aṅghriśākhā
nakhamaṇichandrikayā nirastatāpē ।
hṛdi kathaṃ upasīdatāṃ punaḥ saḥ
prabhavati chandraḥ iva uditē arkatāpaḥ ॥ 54॥

visṛjati hṛdayaṃ na yasya sākṣāt
hariḥ avaśa abhihitaḥ api aghaughanāśaḥ ।
praṇayaḥ aśanayā dhṛta aṅghripadmaḥ
saḥ bhavati bhāgavatapradhānaḥ uktaḥ ॥ 55॥

iti śrīmat bhāgavatē mahāpurāṇē pāramahaṃsyāṃ
saṃhitāyāṃ ēkādaśaskandhē nimijāyantasaṃvādē dvitīyaḥ
adhyāyaḥ ॥