Ashtavakra Gita Chapter 11

aṣṭāvakra uvācha ॥
bhāvābhāvavikāraścha svabhāvāditi niśchayī ।
nirvikārō gataklēśaḥ sukhēnaivōpaśāmyati ॥ 11-1॥

īśvaraḥ sarvanirmātā nēhānya iti niśchayī ।
antargalitasarvāśaḥ śāntaḥ kvāpi na sajjatē ॥ 11-2॥

āpadaḥ sampadaḥ kālē daivādēvēti niśchayī ।
tṛptaḥ svasthēndriyō nityaṃ na vāñChati na śōchati ॥ 11-3॥

sukhaduḥkhē janmamṛtyū daivādēvēti niśchayī ।
sādhyādarśī nirāyāsaḥ kurvannapi na lipyatē ॥ 11-4॥

chintayā jāyatē duḥkhaṃ nānyathēhēti niśchayī ।
tayā hīnaḥ sukhī śāntaḥ sarvatra galitaspṛhaḥ ॥ 11-5॥

nāhaṃ dēhō na mē dēhō bōdhō’hamiti niśchayī ।
kaivalyamiva samprāptō na smaratyakṛtaṃ kṛtam ॥ 11-6॥

ābrahmastambaparyantamahamēvēti niśchayī ।
nirvikalpaḥ śuchiḥ śāntaḥ prāptāprāptavinirvṛtaḥ ॥ 11-7॥

nānāścharyamidaṃ viśvaṃ na kiñchiditi niśchayī ।
nirvāsanaḥ sphūrtimātrō na kiñchidiva śāmyati ॥ 11-8॥