Ashtavakra Gita Chapter 17

aṣṭāvakra uvācha ॥
tēna jñānaphalaṃ prāptaṃ yōgābhyāsaphalaṃ tathā ।
tṛptaḥ svachChēndriyō nityamēkākī ramatē tu yaḥ ॥ 17-1॥

na kadāchijjagatyasmin tattvajñō hanta khidyati ।
yata ēkēna tēnēdaṃ pūrṇaṃ brahmāṇḍamaṇḍalam ॥ 17-2॥

na jātu viṣayāḥ kē’pi svārāmaṃ harṣayantyamī ।
sallakīpallavaprītamivēbhaṃ nimbapallavāḥ ॥ 17-3॥

yastu bhōgēṣu bhuktēṣu na bhavatyadhivāsitaḥ ।
abhuktēṣu nirākāṅkṣī tādṛśō bhavadurlabhaḥ ॥ 17-4॥

bubhukṣuriha saṃsārē mumukṣurapi dṛśyatē ।
bhōgamōkṣanirākāṅkṣī viralō hi mahāśayaḥ ॥ 17-5॥

dharmārthakāmamōkṣēṣu jīvitē maraṇē tathā ।
kasyāpyudārachittasya hēyōpādēyatā na hi ॥ 17-6॥

vāñChā na viśvavilayē na dvēṣastasya cha sthitau ।
yathā jīvikayā tasmād dhanya āstē yathā sukham ॥ 17-7॥

kṛtārthō’nēna jñānēnētyēvaṃ galitadhīḥ kṛtī ।
paśyan śṛṇvan spṛśan jighrann
aśnannāstē yathā sukham ॥ 17-8॥

śūnyā dṛṣṭirvṛthā chēṣṭā vikalānīndriyāṇi cha ।
na spṛhā na viraktirvā kṣīṇasaṃsārasāgarē ॥ 17-9॥

na jāgarti na nidrāti nōnmīlati na mīlati ।
ahō paradaśā kvāpi vartatē muktachētasaḥ ॥ 17-10॥

sarvatra dṛśyatē svasthaḥ sarvatra vimalāśayaḥ ।
samastavāsanā muktō muktaḥ sarvatra rājatē ॥ 17-11॥

paśyan śṛṇvan spṛśan jighrann aśnan
gṛhṇan vadan vrajan ।
īhitānīhitairmuktō mukta ēva mahāśayaḥ ॥ 17-12॥

na nindati na cha stauti na hṛṣyati na kupyati ।
na dadāti na gṛhṇāti muktaḥ sarvatra nīrasaḥ ॥ 17-13॥

sānurāgāṃ striyaṃ dṛṣṭvā mṛtyuṃ vā samupasthitam ।
avihvalamanāḥ svasthō mukta ēva mahāśayaḥ ॥ 17-14॥

sukhē duḥkhē narē nāryāṃ sampatsu cha vipatsu cha ।
viśēṣō naiva dhīrasya sarvatra samadarśinaḥ ॥ 17-15॥

na hiṃsā naiva kāruṇyaṃ nauddhatyaṃ na cha dīnatā ।
nāścharyaṃ naiva cha kṣōbhaḥ kṣīṇasaṃsaraṇē narē ॥ 17-16॥

na muktō viṣayadvēṣṭā na vā viṣayalōlupaḥ ।
asaṃsaktamanā nityaṃ prāptāprāptamupāśnutē ॥ 17-17॥

samādhānāsamādhānahitāhitavikalpanāḥ ।
śūnyachittō na jānāti kaivalyamiva saṃsthitaḥ ॥ 17-18॥

nirmamō nirahaṅkārō na kiñchiditi niśchitaḥ ।
antargalitasarvāśaḥ kurvannapi karōti na ॥ 17-19॥

manaḥprakāśasammōhasvapnajāḍyavivarjitaḥ ।
daśāṃ kāmapi samprāptō bhavēd galitamānasaḥ ॥ 17-20॥