Uddhava Geetha – Chapter 10

atha daśamō’dhyāyaḥ ।

śrībhagavān uvācha ।
mayā uditēṣu avahitaḥ svadharmēṣu madāśrayaḥ ।
varṇāśramakula āchāraṃ akāmātmā samācharēt ॥ 1॥

anvīkṣēta viśuddhātmā dēhināṃ viṣayātmanām ।
guṇēṣu tattvadhyānēna sarvārambhaviparyayam ॥ 2॥

suptasya viṣayālōkaḥ dhyāyataḥ vā manōrathaḥ ।
nānāmakatvāt viphalaḥ tathā bhēdātmadīḥ guṇaiḥ ॥ 3॥

nivṛttaṃ karma sēvēta pravṛttaṃ matparaḥ tyajēt ।
jijñāsāyāṃ sampravṛttaḥ na adriyēt karma chōdanām ॥ 4॥

yamānabhīkṣṇaṃ sēvēta niyamān matparaḥ kvachit ।
madabhijñaṃ gurṃ śāntaṃ upāsīta madātmakam ॥ 5॥

amānyamatsaraḥ dakṣaḥ nirmamaḥ dṛḍhasauhṛdaḥ ।
asatvaraḥ arthajijñāsuḥ anasūyauḥ amōghavāk ॥ 6॥

jāyāpatyagṛhakṣētrasvajanadraviṇa ādiṣu ।
udāsīnaḥ samaṃ paśyan sarvēṣu arthaṃ iva ātmanaḥ ॥ 7॥

vilakṣaṇaḥ sthūlasūkṣmāt dēhāt ātmēkṣitā svadṛk ।
yathāgniḥ dāruṇaḥ dāhyāt dāhakaḥ anyaḥ prakāśakaḥ ॥ 8॥

nirōdha utpatti aṇu bṛhan nānātvaṃ tatkṛtān guṇān ।
antaḥ praviṣṭaḥ ādhattaḥ ēvaṃ dēhaguṇān paraḥ ॥ 9॥

yaḥ asau guṇaiḥ virachitaḥ dēhaḥ ayaṃ puruṣasya hi ।
saṃsāraḥ tat nibandhaḥ ayaṃ puṃsaḥ vidyāt Chidātmanaḥ ॥ 10॥

tasmāt jijñāsayā ātmānaṃ ātmasthaṃ param ।
saṅgamya nirasēt ētat vastubuddhiṃ yathākramam ॥ 11॥

āchāryaḥ araṇiḥ ādyaḥ syāt antēvāsi uttara araṇiḥ ।
tat sandhānaṃ pravachanaṃ vidyā sandhiḥ sukhāvahaḥ ॥ 12॥

vaiśāradī sā ativiśuddhabuddhiḥ
dhunōti māyāṃ guṇasamprasūtām ।
guṇān cha sandahya yat ātmaṃ ētat
svayaṃ cha śāmyati asamid yathā agniḥ ॥ 13॥

atha ēṣāṃ karmakartṝṇāṃ bhōktṝṇāṃ sukhaduḥkhayōḥ ।
nānātvaṃ atha nityatvaṃ lōkakālāgama ātmanām ॥ 14॥

manyasē sarvabhāvānāṃ saṃsthā hi autpattikī yathā ।
tat tat ākṛtibhēdēna jāyatē bhidyatē cha dhīḥ ॥ 15॥

ēvaṃ api aṅga sarvēṣāṃ dēhināṃ dēhayōgataḥ ।
kāla avayavataḥ santi bhāvā janmādayōḥ asakṛt ॥ 16॥

atra api karmaṇāṃ kartuḥ asvātantryaṃ cha lakṣyatē ।
bhōktuḥ cha duḥkhasukhayōḥ kaḥ anvarthaḥ vivaśaṃ bhajēt ॥ 17॥

na dēhināṃ sukhaṃ kiñchit vidyatē viduṣāṃ api ।
tathā cha duḥkhaṃ mūḍhānāṃ vṛthā ahaṅkaraṇaṃ param ॥ 18॥

yadi prāptiṃ vighātaṃ cha jānanti sukhaduḥkhayōḥ ।
tē api addhā na viduḥ yōgaṃ mṛtyuḥ na prabhavēt yathā ॥ 19॥

kaḥ anvarthaḥ sukhayati ēnaṃ kāmaḥ vā mṛtyuḥ antikē ।
āghātaṃ nīyamānasya vadhyasi ēva na tuṣṭidaḥ ॥ 20॥

śrutaṃ cha dṛṣṭavat duṣṭaṃ spardhā asūyā atyayavyayaiḥ ।
bahu antarāya kāmatvāt kṛṣivat cha api niṣphalam ॥ 21॥

antarāyaiḥ avihataḥ yadi dharmaḥ svanuṣṭhitaḥ ।
tēnāpi nirjitaṃ sthānaṃ yathā gachChati tat śruṇu ॥ 22॥

iṣtvā iha dēvatāḥ yajñaiḥ svarlōkaṃ yāti yājñikaḥ ।
bhuñjīta dēvavat tatra bhōgān divyān nija arjitān ॥ 23॥

svapuṇya upachitē śubhrē vimānaḥ upagīyatē ।
gandharvaiḥ viharanmadhyē dēvīnāṃ hṛdyavēṣadhṛk ॥ 24॥

strībhiḥ kāmagayānēna kiṅkiṇījālamālinā ।
krīḍan na vēda ātmapātaṃ surākrīḍēṣu nirvṛtaḥ ॥ 25॥

tāvat pramōdatē svargē yāvat puṇyaṃ samāpyatē ।
kṣīṇapuṇyaḥ patati arvāk anichChan kālachālitaḥ ॥ 26॥

yadi adharmarataḥ saṅgāt asatāṃ vā ajitēndriyaḥ ।
kāmātmā kṛpaṇaḥ lubdhaḥ straiṇaḥ bhūtavihiṃsakaḥ ॥ 27॥

paśūn avidhinā ālabhya prētabhūtagaṇān yajan ।
narakān avaśaḥ jantuḥ gatvā yāti ulbaṇaṃ tamaḥ ॥ 28॥

karmāṇi duḥkha udarkāṇi kurvan dēhēna taiḥ punaḥ ।
dēhaṃ ābhajatē tatra kiṃ sukhaṃ martyadharmiṇaḥ ॥ 29॥

lōkānāṃ lōka pālānāṃ madbhayaṃ kalpajīvinām ।
brahmaṇaḥ api bhayaṃ mattaḥ dviparādhapara āyuṣaḥ ॥ 30॥

guṇāḥ sṛjanti karmāṇi guṇaḥ anusṛjatē guṇān ।
jīvaḥ tu guṇasaṃyuktaḥ bhuṅktē karmaphalāni asau ॥ 31॥

yāvat syāt guṇavaiṣamyaṃ tāvat nānātvaṃ ātmanaḥ ।
nānātvaṃ ātmanaḥ yāvat pāratantryaṃ tadā ēva hi ॥ 32॥

yāvat asya asvatantratvaṃ tāvat īśvarataḥ bhayam ।
yaḥ ētat samupāsīran tē muhyanti śuchārpitāḥ ॥ 33॥

kālaḥ ātmā āgamaḥ lōkaḥ svabhāvaḥ dharmaḥ ēva cha ।
iti māṃ bahudhā prāhuḥ guṇavyatikarē sati ॥ 34॥

uddhavaḥ uvācha ।
guṇēṣu vartamānaḥ api dēhajēṣu anapāvṛtāḥ ।
guṇaiḥ na badhyatē dēhī badhyatē vā kathaṃ vibhō ॥ 35॥

kathaṃ vartēta viharēt kaiḥ vā jñāyēta lakṣaṇaiḥ ।
kiṃ bhuñjīta uta visṛjēt śayīta āsīta yāti vā ॥ 36॥

ētat achyuta mē brūhi praśnaṃ praśnavidāṃ vara ।
nityamuktaḥ nityabaddhaḥ ēkaḥ ēva iti mē bhramaḥ ॥ 37॥

iti śrīmadbhāgavatē mahāpurāṇē pāramahaṃsyāṃ
saṃhitāyāmēkādaśaskandhē bhagavaduddhavasaṃvādē
daśamō’dhyāyaḥ ॥