Narayaniyam Dashaka 17

uttānapādanṛpatērmanunandanasya
jāyā babhūva suruchirnitarāmabhīṣṭā ।
anyā sunītiriti bharturanādṛtā sā
tvāmēva nityamagatiḥ śaraṇaṃ gatā’bhūt ॥1॥

aṅkē pituḥ suruchiputrakamuttamaṃ taṃ
dṛṣṭvā dhruvaḥ kila sunītisutō’dhirōkṣyan ।
āchikṣipē kila śiśuḥ sutarāṃ suruchyā
dussantyajā khalu bhavadvimukhairasūyā ॥2॥

tvanmōhitē pitari paśyati dāravaśyē
dūraṃ duruktinihataḥ sa gatō nijāmbām ।
sā’pi svakarmagatisantaraṇāya puṃsāṃ
tvatpādamēva śaraṇaṃ śiśavē śaśaṃsa ॥3॥

ākarṇya sō’pi bhavadarchananiśchitātmā
mānī nirētya nagarāt kila pañchavarṣaḥ ।
sandṛṣṭanāradanivēditamantramārga-
stvāmārarādha tapasā madhukānanāntē ॥4॥

tātē viṣaṇṇahṛdayē nagarīṃ gatēna
śrīnāradēna parisāntvitachittavṛttau ।
bālastvadarpitamanāḥ kramavardhitēna
ninyē kaṭhōratapasā kila pañchamāsān ॥5॥

tāvattapōbalaniruchCh-vasitē digantē
dēvārthitastvamudayatkaruṇārdrachētāḥ ।
tvadrūpachidrasanilīnamatēḥ purastā-
dāvirbabhūvitha vibhō garuḍādhirūḍhaḥ ॥6॥

tvaddarśanapramadabhārataraṅgitaṃ taṃ
dṛgbhyāṃ nimagnamiva rūparasāyanē tē ।
tuṣṭūṣamāṇamavagamya kapōladēśē
saṃspṛṣṭavānasi darēṇa tathā”darēṇa ॥7॥

tāvadvibōdhavimalaṃ praṇuvantamēna-
mābhāṣathāstvamavagamya tadīyabhāvam ।
rājyaṃ chiraṃ samanubhūya bhajasva bhūyaḥ
sarvōttaraṃ dhruva padaṃ vinivṛttihīnam ॥8॥

ityūchiṣi tvayi gatē nṛpanandanō’sā-
vānanditākhilajanō nagarīmupētaḥ ।
rēmē chiraṃ bhavadanugrahapūrṇakāma-
stātē gatē cha vanamādṛtarājyabhāraḥ ॥9॥

yakṣēṇa dēva nihatē punaruttamē’smin
yakṣaiḥ sa yuddhaniratō viratō manūktyā ।
śāntyā prasannahṛdayāddhanadādupētā-
ttvadbhaktimēva sudṛḍhāmavṛṇōnmahātmā ॥10॥

antē bhavatpuruṣanītavimānayātō
mātrā samaṃ dhruvapadē muditō’yamāstē ।
ēvaṃ svabhṛtyajanapālanalōladhīstvaṃ
vātālayādhipa nirundhi mamāmayaughān ॥11॥