ஶ்ரீமத்³ப⁴க³வத்³கீ³தா மூலம் – பஞ்சத³ஶோத்⁴யாய:

ஓம் ஶ்ரீ பரமாத்மனே நம:
அத² பஞ்சத³ஶோத்⁴யாய: ।
புருஷோத்தமப்ராப்தியோக:³

ஶ்ரீப⁴க³வானுவாச
ஊர்த்⁴வமூலமத:⁴ஶாக²மஶ்வத்த²ம் ப்ராஹுரவ்யயம் ।
ச²ந்தா³ம்ஸி யஸ்ய பர்ணானி யஸ்தம் வேத³ ஸ வேத³வித் ॥ 1 ॥

அத⁴ஶ்சோர்த்⁴வம் ப்ரஸ்ருதாஸ்தஸ்ய ஶாகா² கு³ணப்ரவ்ருத்³தா⁴ விஷயப்ரவாலா:।
அத⁴ஶ்ச மூலான்யனுஸந்ததானி கர்மானுப³ந்தீ⁴னி மனுஷ்யலோகே ॥ 2 ॥

ந ரூபமஸ்யேஹ ததோ²பலப்⁴யதே நாந்தோ ந சாதி³ர்ன ச ஸம்ப்ரதிஷ்டா²।
அஶ்வத்த²மேனம் ஸுவிரூட⁴மூலமஸங்க³ஶஸ்த்ரேண த்³ருடே⁴ன சி²த்த்வா ॥ 3 ॥

தத: பத³ம் தத்பரிமார்கி³தவ்யம் யஸ்மின்க³தா ந நிவர்தந்தி பூ⁴ய:।
தமேவ சாத்³யம் புருஷம் ப்ரபத்³யே யத: ப்ரவ்ருத்தி: ப்ரஸ்ருதா புராணீ ॥ 4 ॥

நிர்மானமோஹா ஜிதஸங்க³தோ³ஷா அத்⁴யாத்மனித்யா வினிவ்ருத்தகாமா:।
த்³வந்த்³வைர்விமுக்தா: ஸுக²து³:க²ஸஞ்ஜ்ஞைர்க³ச்ச²ந்த்யமூடா⁴: பத³மவ்யயம் தத் ॥ 5 ॥

ந தத்³பா⁴ஸயதே ஸூர்யோ ந ஶஶாங்கோ ந பாவக: ।
யத்³க³த்வா ந நிவர்தந்தே தத்³தா⁴ம பரமம் மம ॥ 6 ॥

மமைவாம்ஶோ ஜீவலோகே ஜீவபூ⁴த: ஸனாதன: ।
மன:ஷஷ்டா²னீந்த்³ரியாணி ப்ரக்ருதிஸ்தா²னி கர்ஷதி ॥ 7 ॥

ஶரீரம் யத³வாப்னோதி யச்சாப்யுத்க்ராமதீஶ்வர: ।
க்³ருஹீத்வைதானி ஸம்யாதி வாயுர்க³ந்தா⁴னிவாஶயாத் ॥ 8 ॥

ஶ்ரோத்ரம் சக்ஷு: ஸ்பர்ஶனம் ச ரஸனம் க்⁴ராணமேவ ச ।
அதி⁴ஷ்டா²ய மனஶ்சாயம் விஷயானுபஸேவதே ॥ 9 ॥

உத்க்ராமந்தம் ஸ்தி²தம் வாபி பு⁴ஞ்ஜானம் வா கு³ணான்விதம் ।
விமூடா⁴ நானுபஶ்யந்தி பஶ்யந்தி ஜ்ஞானசக்ஷுஷ: ॥ 1௦ ॥

யதந்தோ யோகி³னஶ்சைனம் பஶ்யந்த்யாத்மன்யவஸ்தி²தம் ।
யதந்தோப்யக்ருதாத்மானோ நைனம் பஶ்யந்த்யசேதஸ: ॥ 11 ॥

யதா³தி³த்யக³தம் தேஜோ ஜக³த்³பா⁴ஸயதேகி²லம் ।
யச்சந்த்³ரமஸி யச்சாக்³னௌ தத்தேஜோ வித்³தி⁴ மாமகம் ॥ 12 ॥

கா³மாவிஶ்ய ச பூ⁴தானி தா⁴ரயாம்யஹமோஜஸா ।
புஷ்ணாமி சௌஷதீ⁴: ஸர்வா: ஸோமோ பூ⁴த்வா ரஸாத்மக: ॥ 13 ॥

அஹம் வைஶ்வானரோ பூ⁴த்வா ப்ராணினாம் தே³ஹமாஶ்ரித: ।
ப்ராணாபானஸமாயுக்த: பசாம்யன்னம் சதுர்வித⁴ம் ॥ 14 ॥

ஸர்வஸ்ய சாஹம் ஹ்ருதி³ ஸன்னிவிஷ்டோ மத்த: ஸ்ம்ருதிர்ஜ்ஞானமபோஹனம் ச।
வேதை³ஶ்ச ஸர்வைரஹமேவ வேத்³யோ வேதா³ந்தக்ருத்³வேத³விதே³வ சாஹம் ॥ 15 ॥

த்³வாவிமௌ புருஷௌ லோகே க்ஷரஶ்சாக்ஷர ஏவ ச ।
க்ஷர: ஸர்வாணி பூ⁴தானி கூடஸ்தோ²க்ஷர உச்யதே ॥ 16 ॥

உத்தம: புருஷஸ்த்வன்ய: பரமாத்மேத்யுதா⁴ஹ்ருத: ।
யோ லோகத்ரயமாவிஶ்ய பி³ப⁴ர்த்யவ்யய ஈஶ்வர: ॥ 17 ॥

யஸ்மாத்க்ஷரமதீதோஹமக்ஷராத³பி சோத்தம: ।
அதோஸ்மி லோகே வேதே³ ச ப்ரதி²த: புருஷோத்தம: ॥ 18 ॥

யோ மாமேவமஸம்மூடோ⁴ ஜானாதி புருஷோத்தமம் ।
ஸ ஸர்வவித்³பஜ⁴தி மாம் ஸர்வபா⁴வேன பா⁴ரத ॥ 19 ॥

இதி கு³ஹ்யதமம் ஶாஸ்த்ரமித³முக்தம் மயானக⁴ ।
ஏதத்³பு³த்³த்⁴வா பு³த்³தி⁴மான்ஸ்யாத்க்ருதக்ருத்யஶ்ச பா⁴ரத ॥ 2௦ ॥

ஓம் தத்ஸதி³தி ஶ்ரீமத்³ப⁴க³வத்³கீ³தாஸூபனிஷத்ஸு ப்³ரஹ்மவித்³யாயாம் யோக³ஶாஸ்த்ரே
ஶ்ரீக்ருஷ்ணார்ஜுனஸம்வாதே³ புருஷோத்தமயோகோ³ நாம பஞ்சத³ஶோத்⁴யாய: ॥15 ॥