அஷ்டாவக்ர கீ³தா த்ருதீயோத்⁴யாய:

அஷ்டாவக்ர உவாச ॥
அவினாஶினமாத்மானமேகம் விஜ்ஞாய தத்த்வத: ।
தவாத்மஜ்ஞானஸ்ய தீ⁴ரஸ்ய கத²மர்தா²ர்ஜனே ரதி: ॥ 3-1॥

ஆத்மாஜ்ஞானாத³ஹோ ப்ரீதிர்விஷயப்⁴ரமகோ³சரே ।
ஶுக்தேரஜ்ஞானதோ லோபோ⁴ யதா² ரஜதவிப்⁴ரமே ॥ 3-2॥

விஶ்வம் ஸ்பு²ரதி யத்ரேத³ம் தரங்கா³ இவ ஸாக³ரே ।
ஸோஹமஸ்மீதி விஜ்ஞாய கிம் தீ³ன இவ தா⁴வஸி ॥ 3-3॥

ஶ்ருத்வாபி ஶுத்³த⁴சைதன்ய ஆத்மானமதிஸுந்த³ரம் ।
உபஸ்தே²த்யந்தஸம்ஸக்தோ மாலின்யமதி⁴க³ச்ச²தி ॥ 3-4॥

ஸர்வபூ⁴தேஷு சாத்மானம் ஸர்வபூ⁴தானி சாத்மனி ।
முனேர்ஜானத ஆஶ்சர்யம் மமத்வமனுவர்ததே ॥ 3-5॥

ஆஸ்தி²த: பரமாத்³வைதம் மோக்ஷார்தே²பி வ்யவஸ்தி²த: ।
ஆஶ்சர்யம் காமவஶகோ³ விகல: கேலிஶிக்ஷயா ॥ 3-6॥

உத்³பூ⁴தம் ஜ்ஞானது³ர்மித்ரமவதா⁴ர்யாதிது³ர்ப³ல: ।
ஆஶ்சர்யம் காமமாகாங்க்ஷேத் காலமந்தமனுஶ்ரித: ॥ 3-7॥

இஹாமுத்ர விரக்தஸ்ய நித்யானித்யவிவேகின: ।
ஆஶ்சர்யம் மோக்ஷகாமஸ்ய மோக்ஷாத்³ ஏவ விபீ⁴ஷிகா ॥ 3-8॥

தீ⁴ரஸ்து போ⁴ஜ்யமானோபி பீட்³யமானோபி ஸர்வதா³ ।
ஆத்மானம் கேவலம் பஶ்யன் ந துஷ்யதி ந குப்யதி ॥ 3-9॥

சேஷ்டமானம் ஶரீரம் ஸ்வம் பஶ்யத்யன்யஶரீரவத் ।
ஸம்ஸ்தவே சாபி நிந்தா³யாம் கத²ம் க்ஷுப்⁴யேத் மஹாஶய: ॥ 3-1௦॥

மாயாமாத்ரமித³ம் விஶ்வம் பஶ்யன் விக³தகௌதுக: ।
அபி ஸன்னிஹிதே ம்ருத்யௌ கத²ம் த்ரஸ்யதி தீ⁴ரதீ⁴: ॥ 3-11॥

நி:ஸ்ப்ருஹம் மானஸம் யஸ்ய நைராஶ்யேபி மஹாத்மன: ।
தஸ்யாத்மஜ்ஞானத்ருப்தஸ்ய துலனா கேன ஜாயதே ॥ 3-12॥

ஸ்வபா⁴வாத்³ ஏவ ஜானானோ த்³ருஶ்யமேதன்ன கிஞ்சன ।
இத³ம் க்³ராஹ்யமித³ம் த்யாஜ்யம் ஸ கிம் பஶ்யதி தீ⁴ரதீ⁴: ॥ 3-13॥

அந்தஸ்த்யக்தகஷாயஸ்ய நிர்த்³வந்த்³வஸ்ய நிராஶிஷ: ।
யத்³ருச்ச²யாக³தோ போ⁴கோ³ ந து³:கா²ய ந துஷ்டயே ॥ 3-14॥