அஷ்டாவக்ர கீ³தா த்ரயோத³ஶோத்⁴யாய:

ஜனக உவாச ॥
அகிஞ்சனப⁴வம் ஸ்வாஸ்த்²யம் கௌபீனத்வேபி து³ர்லப⁴ம் ।
த்யாகா³தா³னே விஹாயாஸ்மாத³ஹமாஸே யதா²ஸுக²ம் ॥ 13-1॥

குத்ராபி கே²த:³ காயஸ்ய ஜிஹ்வா குத்ராபி கி²த்³யதே ।
மன: குத்ராபி தத்த்யக்த்வா புருஷார்தே² ஸ்தி²த: ஸுக²ம் ॥ 13-2॥

க்ருதம் கிமபி நைவ ஸ்யாத்³ இதி ஸஞ்சிந்த்ய தத்த்வத: ।
யதா³ யத்கர்துமாயாதி தத் க்ருத்வாஸே யதா²ஸுக²ம் ॥ 13-3॥

கர்மனைஷ்கர்ம்யனிர்ப³ந்த⁴பா⁴வா தே³ஹஸ்த²யோகி³ன: ।
ஸம்யோகா³யோக³விரஹாத³ஹமாஸே யதா²ஸுக²ம் ॥ 13-4॥

அர்தா²னர்தௌ² ந மே ஸ்தி²த்யா க³த்யா ந ஶயனேன வா ।
திஷ்ட²ன் க³ச்ச²ன் ஸ்வபன் தஸ்மாத³ஹமாஸே யதா²ஸுக²ம் ॥ 13-5॥

ஸ்வபதோ நாஸ்தி மே ஹானி: ஸித்³தி⁴ர்யத்னவதோ ந வா ।
நாஶோல்லாஸௌ விஹாயாஸ்மாத³ஹமாஸே யதா²ஸுக²ம் ॥ 13-6॥

ஸுகா²தி³ரூபா நியமம் பா⁴வேஷ்வாலோக்ய பூ⁴ரிஶ: ।
ஶுபா⁴ஶுபே⁴ விஹாயாஸ்மாத³ஹமாஸே யதா²ஸுக²ம் ॥ 13-7॥