ஶ்ரீமத்³ப⁴க³வத்³கீ³தா மூலம் – த³ஶமோத்⁴யாய:

ஓம் ஶ்ரீபரமாத்மனே நம:
அத² த³ஶமோத்⁴யாய: ।
விபூ⁴தியோக:³

ஶ்ரீப⁴க³வானுவாச
பூ⁴ய ஏவ மஹாபா³ஹோ ஶ்ருணு மே பரமம் வச: ।
யத்தேஹம் ப்ரீயமாணாய வக்ஷ்யாமி ஹிதகாம்யயா ॥ 1 ॥

ந மே விது³: ஸுரக³ணா: ப்ரப⁴வம் ந மஹர்ஷய: ।
அஹமாதி³ர்ஹி தே³வானாம் மஹர்ஷீணாம் ச ஸர்வஶ: ॥ 2 ॥

யோ மாமஜமனாதி³ம் ச வேத்தி லோகமஹேஶ்வரம் ।
அஸம்மூட:⁴ ஸ மர்த்யேஷு ஸர்வபாபை: ப்ரமுச்யதே ॥ 3 ॥

பு³த்³தி⁴ர்ஜ்ஞானமஸம்மோஹ: க்ஷமா ஸத்யம் த³ம: ஶம: ।
ஸுக²ம் து³:க²ம் ப⁴வோபா⁴வோ ப⁴யம் சாப⁴யமேவ ச ॥ 4 ॥

அஹிம்ஸா ஸமதா துஷ்டிஸ்தபோ தா³னம் யஶோயஶ: ।
ப⁴வந்தி பா⁴வா பூ⁴தானாம் மத்த ஏவ ப்ருத²க்³விதா⁴: ॥ 5 ॥

மஹர்ஷய: ஸப்த பூர்வே சத்வாரோ மனவஸ்ததா² ।
மத்³பா⁴வா மானஸா ஜாதா யேஷாம் லோக இமா: ப்ரஜா: ॥ 6 ॥

ஏதாம் விபூ⁴திம் யோக³ம் ச மம யோ வேத்தி தத்த்வத: ।
ஸோவிகம்பேன யோகே³ன யுஜ்யதே நாத்ர ஸம்ஶய: ॥ 7 ॥

அஹம் ஸர்வஸ்ய ப்ரப⁴வோ மத்த: ஸர்வம் ப்ரவர்ததே ।
இதி மத்வா பஜ⁴ந்தே மாம் பு³தா⁴ பா⁴வஸமன்விதா: ॥ 8 ॥

மச்சித்தா மத்³க³தப்ராணா போ³த⁴யந்த: பரஸ்பரம் ।
கத²யந்தஶ்ச மாம் நித்யம் துஷ்யந்தி ச ரமந்தி ச ॥ 9 ॥

தேஷாம் ஸததயுக்தானாம் பஜ⁴தாம் ப்ரீதிபூர்வகம் ।
த³தா³மி பு³த்³தி⁴யோக³ம் தம் யேன மாமுபயாந்தி தே ॥ 1௦ ॥

தேஷாமேவானுகம்பார்த²மஹமஜ்ஞானஜம் தம: ।
நாஶயாம்யாத்மபா⁴வஸ்தோ² ஜ்ஞானதீ³பேன பா⁴ஸ்வதா ॥ 11 ॥

அர்ஜுன உவாச
பரம் ப்³ரஹ்ம பரம் தா⁴ம பவித்ரம் பரமம் ப⁴வான் ।
புருஷம் ஶாஶ்வதம் தி³வ்யமாதி³தே³வமஜம் விபு⁴ம் ॥ 12 ॥

ஆஹுஸ்த்வாம்ருஷய: ஸர்வே தே³வர்ஷிர்னாரத³ஸ்ததா² ।
அஸிதோ தே³வலோ வ்யாஸ: ஸ்வயம் சைவ ப்³ரவீஷி மே ॥ 13 ॥

ஸர்வமேதத்³ருதம் மன்யே யன்மாம் வத³ஸி கேஶவ ।
ந ஹி தே ப⁴க³வன்வ்யக்திம் விது³ர்தே³வா ந தா³னவா: ॥ 14 ॥

ஸ்வயமேவாத்மனாத்மானம் வேத்த² த்வம் புருஷோத்தம ।
பூ⁴தபா⁴வன பூ⁴தேஶ தே³வதே³வ ஜக³த்பதே ॥ 15 ॥

வக்துமர்ஹஸ்யஶேஷேண தி³வ்யா ஹ்யாத்மவிபூ⁴தய: ।
யாபி⁴ர்விபூ⁴திபி⁴ர்லோகானிமாம்ஸ்த்வம் வ்யாப்ய திஷ்ட²ஸி ॥ 16 ॥

கத²ம் வித்³யாமஹம் யோகி³ம்ஸ்த்வாம் ஸதா³ பரிசிந்தயன் ।
கேஷு கேஷு ச பா⁴வேஷு சிந்த்யோஸி ப⁴க³வன்மயா ॥ 17 ॥

விஸ்தரேணாத்மனோ யோக³ம் விபூ⁴திம் ச ஜனார்த³ன ।
பூ⁴ய: கத²ய த்ருப்திர்ஹி ஶ்ருண்வதோ நாஸ்தி மேம்ருதம் ॥ 18 ॥

ஶ்ரீப⁴க³வானுவாச
ஹந்த தே கத²யிஷ்யாமி தி³வ்யா ஹ்யாத்மவிபூ⁴தய: ।
ப்ராதா⁴ன்யத: குருஶ்ரேஷ்ட² நாஸ்த்யந்தோ விஸ்தரஸ்ய மே ॥ 19 ॥

அஹமாத்மா கு³டா³கேஶ ஸர்வபூ⁴தாஶயஸ்தி²த: ।
அஹமாதி³ஶ்ச மத்⁴யம் ச பூ⁴தானாமந்த ஏவ ச ॥ 2௦ ॥

ஆதி³த்யானாமஹம் விஷ்ணுர்ஜ்யோதிஷாம் ரவிரம்ஶுமான் ।
மரீசிர்மருதாமஸ்மி நக்ஷத்ராணாமஹம் ஶஶீ ॥ 21 ॥

வேதா³னாம் ஸாமவேதோ³ஸ்மி தே³வானாமஸ்மி வாஸவ: ।
இந்த்³ரியாணாம் மனஶ்சாஸ்மி பூ⁴தானாமஸ்மி சேதனா ॥ 22 ॥

ருத்³ராணாம் ஶங்கரஶ்சாஸ்மி வித்தேஶோ யக்ஷரக்ஷஸாம் ।
வஸூனாம் பாவகஶ்சாஸ்மி மேரு: ஶிக²ரிணாமஹம் ॥ 23 ॥

புரோத⁴ஸாம் ச முக்²யம் மாம் வித்³தி⁴ பார்த² ப்³ருஹஸ்பதிம் ।
ஸேனானீனாமஹம் ஸ்கந்த:³ ஸரஸாமஸ்மி ஸாக³ர: ॥ 24 ॥

மஹர்ஷீணாம் ப்⁴ருகு³ரஹம் கி³ராமஸ்ம்யேகமக்ஷரம் ।
யஜ்ஞானாம் ஜபயஜ்ஞோஸ்மி ஸ்தா²வராணாம் ஹிமாலய: ॥ 25 ॥

அஶ்வத்த:² ஸர்வவ்ருக்ஷாணாம் தே³வர்ஷீணாம் ச நாரத:³ ।
க³ந்த⁴ர்வாணாம் சித்ரரத:² ஸித்³தா⁴னாம் கபிலோ முனி: ॥ 26 ॥

உச்சை:ஶ்ரவஸமஶ்வானாம் வித்³தி⁴ மாமம்ருதோத்³ப⁴வம் ।
ஐராவதம் கஜ³ேந்த்³ராணாம் நராணாம் ச நராதி⁴பம் ॥ 27 ॥

ஆயுதா⁴னாமஹம் வஜ்ரம் தே⁴னூனாமஸ்மி காமது⁴க் ।
ப்ரஜனஶ்சாஸ்மி கந்த³ர்ப: ஸர்பாணாமஸ்மி வாஸுகி: ॥ 28 ॥

அனந்தஶ்சாஸ்மி நாகா³னாம் வருணோ யாத³ஸாமஹம் ।
பித்ரூணாமர்யமா சாஸ்மி யம: ஸம்யமதாமஹம் ॥ 29 ॥

ப்ரஹ்லாத³ஶ்சாஸ்மி தை³த்யானாம் கால: கலயதாமஹம் ।
ம்ருகா³ணாம் ச ம்ருகே³ந்த்³ரோஹம் வைனதேயஶ்ச பக்ஷிணாம் ॥ 3௦ ॥

பவன: பவதாமஸ்மி ராம: ஶஸ்த்ரப்⁴ருதாமஹம் ।
ஜ²ஷாணாம் மகரஶ்சாஸ்மி ஸ்ரோதஸாமஸ்மி ஜாஹ்னவீ ॥ 31 ॥

ஸர்கா³ணாமாதி³ரந்தஶ்ச மத்⁴யம் சைவாஹமர்ஜுன ।
அத்⁴யாத்மவித்³யா வித்³யானாம் வாத:³ ப்ரவத³தாமஹம் ॥ 32 ॥

அக்ஷராணாமகாரோஸ்மி த்³வந்த்³வ: ஸாமாஸிகஸ்ய ச ।
அஹமேவாக்ஷய: காலோ தா⁴தாஹம் விஶ்வதோமுக:² ॥ 33 ॥

ம்ருத்யு: ஸர்வஹரஶ்சாஹமுத்³ப⁴வஶ்ச ப⁴விஷ்யதாம் ।
கீர்தி: ஶ்ரீர்வாக்ச நாரீணாம் ஸ்ம்ருதிர்மேதா⁴ த்⁴ருதி: க்ஷமா ॥ 34 ॥

ப்³ருஹத்ஸாம ததா² ஸாம்னாம் கா³யத்ரீ ச²ந்த³ஸாமஹம் ।
மாஸானாம் மார்க³ஶீர்ஷோஹம்ருதூனாம் குஸுமாகர: ॥ 35 ॥

த்³யூதம் ச²லயதாமஸ்மி தேஜஸ்தேஜஸ்வினாமஹம் ।
ஜயோஸ்மி வ்யவஸாயோஸ்மி ஸத்த்வம் ஸத்த்வவதாமஹம் ॥ 36 ॥

வ்ருஷ்ணீனாம் வாஸுதே³வோஸ்மி பாண்ட³வானாம் த⁴னஞ்ஜய: ।
முனீனாமப்யஹம் வ்யாஸ: கவீனாமுஶனா கவி: ॥ 37 ॥

த³ண்டோ³ த³மயதாமஸ்மி நீதிரஸ்மி ஜிகீ³ஷதாம் ।
மௌனம் சைவாஸ்மி கு³ஹ்யானாம் ஜ்ஞானம் ஜ்ஞானவதாமஹம் ॥ 38 ॥

யச்சாபி ஸர்வபூ⁴தானாம் பீ³ஜம் தத³ஹமர்ஜுன ।
ந தத³ஸ்தி வினா யத்ஸ்யான்மயா பூ⁴தம் சராசரம் ॥ 39 ॥

நாந்தோஸ்தி மம தி³வ்யானாம் விபூ⁴தீனாம் பரந்தப ।
ஏஷ தூத்³தே³ஶத: ப்ரோக்தோ விபூ⁴தேர்விஸ்தரோ மயா ॥ 4௦ ॥

யத்³யத்³விபூ⁴திமத்ஸத்த்வம் ஶ்ரீமதூ³ர்ஜிதமேவ வா ।
தத்ததே³வாவக³ச்ச² த்வம் மம தேஜோம்ஶஸம்ப⁴வம் ॥ 41 ॥

அத²வா ப³ஹுனைதேன கிம் ஜ்ஞாதேன தவார்ஜுன ।
விஷ்டப்⁴யாஹமித³ம் க்ருத்ஸ்னமேகாம்ஶேன ஸ்தி²தோ ஜக³த் ॥ 42 ॥

ஓம் தத்ஸதி³தி ஶ்ரீமத்³ப⁴க³வத்³கீ³தாஸூபனிஷத்ஸு ப்³ரஹ்மவித்³யாயாம் யோக³ஶாஸ்த்ரே
ஶ்ரீக்ருஷ்ணார்ஜுனஸம்வாதே³ விபூ⁴தியோகோ³ நாம த³ஶமோத்⁴யாய: ॥1௦ ॥