ஶ்ரீ கு³ருகீ³தா ப்ரத²மோத்⁴யாய:

ஶ்ரீகு³ருப்⁴யோ நம: ।
ஹரி: ஓம் ।

த்⁴யானம்
ஹம்ஸாப்⁴யாம் பரிவ்ருத்தபத்ரகமலைர்தி³வ்யைர்ஜக³த்காரணம்
விஶ்வோத்கீர்ணமனேகதே³ஹனிலயம் ஸ்வச்ச²ந்த³மானந்த³கம் ।
ஆத்³யந்தைகமக²ண்ட³சித்³க⁴னரஸம் பூர்ணம் ஹ்யனந்தம் ஶுப⁴ம்
ப்ரத்யக்ஷாக்ஷரவிக்³ரஹம் கு³ருபத³ம் த்⁴யாயேத்³விபு⁴ம் ஶாஶ்வதம் ॥

அத² ப்ரத²மோத்⁴யாய: ॥

அசிந்த்யாவ்யக்தரூபாய நிர்கு³ணாய க³ணாத்மனே ।
ஸமஸ்தஜக³தா³தா⁴ரமூர்தயே ப்³ரஹ்மணே நம: ॥ 1 ॥

ருஷய ஊசு: ।
ஸூத ஸூத மஹாப்ராஜ்ஞ நிக³மாக³மபாரக³ ।
கு³ருஸ்வரூபமஸ்மாகம் ப்³ரூஹி ஸர்வமலாபஹம் ॥ 2 ॥

யஸ்ய ஶ்ரவணமாத்ரேண தே³ஹீ து³:கா²த்³விமுச்யதே ।
யேன மார்கே³ண முனய: ஸர்வஜ்ஞத்வம் ப்ரபேதி³ரே ॥ 3 ॥

யத்ப்ராப்ய ந புனர்யாதி நர: ஸம்ஸாரப³ந்த⁴னம் ।
ததா²வித⁴ம் பரம் தத்த்வம் வக்தவ்யமது⁴னா த்வயா ॥ 4 ॥

கு³ஹ்யாத்³கு³ஹ்யதமம் ஸாரம் கு³ருகீ³தா விஶேஷத: ।
த்வத்ப்ரஸாதா³ச்ச ஶ்ரோதவ்யா தத்ஸர்வம் ப்³ரூஹி ஸூத ந: ॥ 5 ॥

இதி ஸம்ப்ரார்தி²த: ஸூதோ முனிஸங்கை⁴ர்முஹுர்முஹு: ॥

குதூஹலேன மஹதா ப்ரோவாச மது⁴ரம் வச: ॥ 6 ॥

ஸூத உவாச ।
ஶ்ருணுத்⁴வம் முனய: ஸர்வே ஶ்ரத்³த⁴யா பரயா முதா³ ।
வதா³மி ப⁴வரோக³க்⁴னீம் கீ³தாம் மாத்ருஸ்வரூபிணீம் ॥ 7 ॥

புரா கைலாஸஶிக²ரே ஸித்³த⁴க³ந்த⁴ர்வஸேவிதே ।
தத்ர கல்பலதாபுஷ்பமந்தி³ரேத்யந்தஸுந்த³ரே ॥ 8 ॥

வ்யாக்⁴ராஜினே ஸமாஸீனம் ஶுகாதி³முனிவந்தி³தம் ।
போ³த⁴யந்தம் பரம் தத்த்வம் மத்⁴யே முனிக³ணே க்வசித் ॥ 9 ॥

ப்ரணம்ரவத³னா ஶஶ்வன்னமஸ்குர்வந்தமாத³ராத் ।
த்³ருஷ்ட்வா விஸ்மயமாபன்ன பார்வதீ பரிப்ருச்ச²தி ॥ 1௦ ॥

பார்வத்யுவாச ।
ஓம் நமோ தே³வ தே³வேஶ பராத்பர ஜக³த்³கு³ரோ ।
த்வாம் நமஸ்குர்வதே ப⁴க்த்யா ஸுராஸுரனரா: ஸதா³ ॥ 11 ॥

விதி⁴விஷ்ணுமஹேந்த்³ராத்³யைர்வந்த்³ய: க²லு ஸதா³ ப⁴வான் ।
நமஸ்கரோஷி கஸ்மை த்வம் நமஸ்காராஶ்ரய: கில ॥ 12 ॥

த்³ருஷ்ட்வைதத்கர்ம விபுலமாஶ்சர்ய ப்ரதிபா⁴தி மே ।
கிமேதன்ன விஜானேஹம் க்ருபயா வத³ மே ப்ரபோ⁴ ॥ 13 ॥

ப⁴க³வன் ஸர்வத⁴ர்மஜ்ஞ வ்ரதானாம் வ்ரதனாயகம் ।
ப்³ரூஹி மே க்ருபயா ஶம்போ⁴ கு³ருமாஹாத்ம்யமுத்தமம் ॥ 14 ॥

கேன மார்கே³ண போ⁴ ஸ்வாமின் தே³ஹீ ப்³ரஹ்மமயோ ப⁴வேத் ।
தத்க்ருபாம் குரு மே ஸ்வாமின் நமாமி சரணௌ தவ ॥ 15 ॥

இதி ஸம்ப்ரார்தி²த: ஶஶ்வன்மஹாதே³வோ மஹேஶ்வர: ।
ஆனந்த³ப⁴ரித: ஸ்வாந்தே பார்வதீமித³மப்³ரவீத் ॥ 16 ॥

ஶ்ரீ மஹாதே³வ உவாச ।
ந வக்தவ்யமித³ம் தே³வி ரஹஸ்யாதிரஹஸ்யகம் ।
ந கஸ்யாபி புரா ப்ரோக்தம் த்வத்³ப⁴க்த்யர்த²ம் வதா³மி தத் ॥ 17 ॥

மம ரூபாஸி தே³வி த்வமதஸ்தத்கத²யாமி தே ।
லோகோபகாரக: ப்ரஶ்னோ ந கேனாபி க்ருத: புரா ॥ 18 ॥

யஸ்ய தே³வே பரா ப⁴க்திர்யதா² தே³வே ததா² கு³ரௌ ।
தஸ்யைதே கதி²தா ஹ்யர்தா²: ப்ரகாஶந்தே மஹாத்மன: ॥ 19 ॥

யோ கு³ரு: ஸ ஶிவ: ப்ரோக்தோ ய: ஶிவ: ஸ கு³ரு: ஸ்ம்ருத: ।
விகல்பம் யஸ்து குர்வீத ஸ நரோ கு³ருதல்பக:³ ॥ 2௦ ॥

து³ர்லப⁴ம் த்ரிஷு லோகேஷு தச்ச்²ருணுஷ்வ வதா³ம்யஹம் ।
கு³ருப்³ரஹ்ம வினா நான்ய: ஸத்யம் ஸத்யம் வரானனே ॥ 21 ॥

வேத³ஶாஸ்த்ரபுராணானி சேதிஹாஸாதி³கானி ச ।
மந்த்ரயந்த்ராதி³வித்³யானாம் மோஹனோச்சாடனாதி³கம் ॥ 22 ॥

ஶைவஶாக்தாக³மாதீ³னி ஹ்யன்யே ச ப³ஹவோ மதா: ।
அபப்⁴ரம்ஶா: ஸமஸ்தானாம் ஜீவானாம் ப்⁴ராந்தசேதஸாம் ॥ 23 ॥

ஜபஸ்தபோ வ்ரதம் தீர்த²ம் யஜ்ஞோ தா³னம் ததை²வ ச ।
கு³ருதத்த்வமவிஜ்ஞாய ஸர்வம் வ்யர்த²ம் ப⁴வேத்ப்ரியே ॥ 24 ॥

கு³ருபு³த்³த்⁴யாத்மனோ நான்யத் ஸத்யம் ஸத்யம் வரானனே ।
தல்லாபா⁴ர்த²ம் ப்ரயத்னஸ்து கர்தவ்யஶ்ச மனீஷிபி⁴: ॥ 25 ॥

கூ³டா⁴வித்³யா ஜக³ன்மாயா தே³ஹஶ்சாஜ்ஞானஸம்ப⁴வ: ।
விஜ்ஞானம் யத்ப்ரஸாதே³ன கு³ருஶப்³தே³ன கத்²யதே ॥ 26 ॥

யத³ங்க்⁴ரிகமலத்³வந்த்³வம் த்³வந்த்³வதாபனிவாரகம் ।
தாரகம் ப⁴வஸிந்தோ⁴ஶ்ச தம் கு³ரும் ப்ரணமாம்யஹம் ॥ 27 ॥

தே³ஹீ ப்³ரஹ்ம ப⁴வேத்³யஸ்மாத் த்வத்க்ருபார்த²ம் வதா³மி தத் ।
ஸர்வபாபவிஶுத்³தா⁴த்மா ஶ்ரீகு³ரோ: பாத³ஸேவனாத் ॥ 28 ॥

ஸர்வதீர்தா²வகா³ஹஸ்ய ஸம்ப்ராப்னோதி ப²லம் நர: ।
கு³ரோ: பாதோ³த³கம் பீத்வா ஶேஷம் ஶிரஸி தா⁴ரயன் ॥ 29 ॥

ஶோஷணம் பாபபங்கஸ்ய தீ³பனம் ஜ்ஞானதேஜஸ: ।
கு³ரோ: பாதோ³த³கம் ஸம்யக் ஸம்ஸாரார்ணவதாரகம் ॥ 3௦ ॥

அஜ்ஞானமூலஹரணம் ஜன்மகர்மனிவாரகம் ।
ஜ்ஞானவைராக்³யஸித்³த்⁴யர்த²ம் கு³ரோ: பாதோ³த³கம் பிபே³த் ॥ 31 ॥

கு³ருபாதோ³த³கம் பானம் கு³ரோருச்சி²ஷ்டபோ⁴ஜனம் ।
கு³ருமூர்தே: ஸதா³ த்⁴யானம் கு³ரோர்னாம ஸதா³ ஜப: ॥ 32 ॥

ஸ்வதே³ஶிகஸ்யைவ ச நாமகீர்தனம்
ப⁴வேத³னந்தஸ்ய ஶிவஸ்ய கீர்தனம் ।
ஸ்வதே³ஶிகஸ்யைவ ச நாமசிந்தனம்
ப⁴வேத³னந்தஸ்ய ஶிவஸ்ய சிந்தனம் ॥ 33 ॥

யத்பாதா³ம்பு³ஜரேணுர்வை கோபி ஸம்ஸாரவாரிதௌ⁴ ।
ஸேதுப³ந்தா⁴யதே நாத²ம் தே³ஶிகம் தமுபாஸ்மஹே ॥ 34 ॥

யத³னுக்³ரஹமாத்ரேண ஶோகமோஹௌ வினஶ்யத: ।
தஸ்மை ஶ்ரீதே³ஶிகேந்த்³ராய நமோஸ்து பரமாத்மனே ॥ 35 ॥

யஸ்மாத³னுக்³ரஹம் லப்³த்⁴வா மஹதஜ³்ஞானமுத்ஸ்ருஜேத் ।
தஸ்மை ஶ்ரீதே³ஶிகேந்த்³ராய நமஶ்சாபீ⁴ஷ்டஸித்³த⁴யே ॥ 36 ॥

காஶீக்ஷேத்ரம் நிவாஸஶ்ச ஜாஹ்னவீ சரணோத³கம் ।
கு³ருர்விஶ்வேஶ்வர: ஸாக்ஷாத் தாரகம் ப்³ரஹ்மனிஶ்சய: ॥ 37 ॥

கு³ருஸேவா க³யா ப்ரோக்தா தே³ஹ: ஸ்யாத³க்ஷயோ வட: ।
தத்பாத³ம் விஷ்ணுபாத³ம் ஸ்யாத் தத்ர த³த்தமனஸ்ததம் ॥ 38 ॥

கு³ருமூர்திம் ஸ்மரேன்னித்யம் கு³ரோர்னாம ஸதா³ ஜபேத் ।
கு³ரோராஜ்ஞாம் ப்ரகுர்வீத கு³ரோரன்யம் ந பா⁴வயேத் ॥ 39 ॥

கு³ருவக்த்ரே ஸ்தி²தம் ப்³ரஹ்ம ப்ராப்யதே தத்ப்ரஸாத³த: ।
கு³ரோர்த்⁴யானம் ஸதா³ குர்யாத் குலஸ்த்ரீ ஸ்வபதிம் யதா² ॥ 4௦ ॥

ஸ்வாஶ்ரமம் ச ஸ்வஜாதிம் ச ஸ்வகீர்திம் புஷ்டிவர்த⁴னம் ।
ஏதத்ஸர்வம் பரித்யஜ்ய கு³ருமேவ ஸமாஶ்ரயேத் ॥ 41 ॥

அனன்யாஶ்சிந்தயந்தோ யே ஸுலப⁴ம் பரமம் ஸுக²ம் ।
தஸ்மாத்ஸர்வப்ரயத்னேன கு³ரோராராத⁴னம் குரு ॥ 42 ॥

கு³ருவக்த்ரே ஸ்தி²தா வித்³யா கு³ருப⁴க்த்யா ச லப்⁴யதே ।
த்ரைலோக்யே ஸ்பு²டவக்தாரோ தே³வர்ஷிபித்ருமானவா: ॥ 43 ॥

கு³காரஶ்சாந்த⁴காரோ ஹி ருகாரஸ்தேஜ உச்யதே ।
அஜ்ஞானக்³ராஸகம் ப்³ரஹ்ம கு³ருரேவ ந ஸம்ஶய: ॥ 44 ॥

கு³காரஶ்சாந்த⁴காரஸ்து ருகாரஸ்தன்னிரோத⁴க்ருத் ।
அந்த⁴காரவினாஶித்வாத்³கு³ருரித்யபி⁴தீ⁴யதே ॥

கு³காரோ ப⁴வரோக:³ ஸ்யாத் ருகாரஸ்தன்னிரோத⁴க்ருத் ।
ப⁴வரோக³ஹரத்வாச்ச கு³ருரித்யபி⁴தீ⁴யதே ॥ 45 ॥

கு³காரஶ்ச கு³ணாதீதோ ரூபாதீதோ ருகாரக: ।
கு³ணரூபவிஹீனத்வாத் கு³ருரித்யபி⁴தீ⁴யதே ॥ 46 ॥

கு³கார: ப்ரத²மோ வர்ணோ மாயாதி³கு³ணபா⁴ஸக: ।
ருகாரோஸ்தி பரம் ப்³ரஹ்ம மாயாப்⁴ராந்திவிமோசகம் ॥ 47 ॥

ஏவம் கு³ருபத³ம் ஶ்ரேஷ்ட²ம் தே³வானாமபி து³ர்லப⁴ம் ।
ஹாஹாஹூஹூக³ணைஶ்சைவ க³ந்த⁴ர்வாத்³யைஶ்ச பூஜிதம் ॥ 48 ॥

த்⁴ருவம் தேஷாம் ச ஸர்வேஷாம் நாஸ்தி தத்த்வம் கு³ரோ: பரம் ।
கு³ரோராராத⁴னம் குர்யாத் ஸ்வஜீவத்வம் நிவேத³யேத் ॥ 49 ॥

ஆஸனம் ஶயனம் வஸ்த்ரம் வாஹனம் பூ⁴ஷணாதி³கம் ।
ஸாத⁴கேன ப்ரதா³தவ்யம் கு³ருஸந்தோஷகாரணம் ॥ 5௦ ॥

கர்மணா மனஸா வாசா ஸர்வதா³ராத⁴யேத்³கு³ரும் ।
தீ³ர்க⁴த³ண்ட³ம் நமஸ்க்ருத்ய நிர்லஜ்ஜோ கு³ருஸன்னிதௌ⁴ ॥ 51 ॥

ஶரீரமிந்த்³ரியம் ப்ராணமர்த²ஸ்வஜனபா³ந்த⁴வான் ।
ஆத்மதா³ராதி³கம் ஸர்வம் ஸத்³கு³ருப்⁴யோ நிவேத³யேத் ॥ 52 ॥

கு³ருரேகோ ஜக³த்ஸர்வம் ப்³ரஹ்மவிஷ்ணுஶிவாத்மகம் ।
கு³ரோ: பரதரம் நாஸ்தி தஸ்மாத்ஸம்பூஜயேத்³கு³ரும் ॥ 53 ॥

ஸர்வஶ்ருதிஶிரோரத்னவிராஜிதபதா³ம்பு³ஜம் ।
வேதா³ந்தார்த²ப்ரவக்தாரம் தஸ்மாத் ஸம்பூஜயேத்³கு³ரும் ॥ 54 ॥

யஸ்ய ஸ்மரணமாத்ரேண ஜ்ஞானமுத்பத்³யதே ஸ்வயம் ।
ஸ ஏவ ஸர்வஸம்பத்தி: தஸ்மாத்ஸம்பூஜயேத்³கு³ரும் ॥ 55 ॥

[பாட²பே⁴த:³ –
க்ருமிகோடிபி⁴ராவிஷ்டம் து³ர்க³ந்த⁴மலமூத்ரகம் ।
ஶ்லேஷ்மரக்தத்வசாமாம்ஸைர்னத்³த⁴ம் சைதத்³வரானனே ॥
]
க்ருமிகோடிபி⁴ராவிஷ்டம் து³ர்க³ந்த⁴குலதூ³ஷிதம் ।
அனித்யம் து³:க²னிலயம் தே³ஹம் வித்³தி⁴ வரானனே ॥ 56 ॥

ஸம்ஸாரவ்ருக்ஷமாரூடா⁴: பதந்தி நரகார்ணவே ।
யஸ்தானுத்³த⁴ரதே ஸர்வான் தஸ்மை ஶ்ரீகு³ரவே நம: ॥ 57 ॥

கு³ருர்ப்³ரஹ்மா கு³ருர்விஷ்ணுர்கு³ருர்தே³வோ மஹேஶ்வர: ।
கு³ருஸ்ஸாக்ஷாத் பரப்³ரஹ்ம தஸ்மை ஶ்ரீகு³ரவே நம: ॥ 58 ॥

அஜ்ஞானதிமிராந்த⁴ஸ்ய ஜ்ஞானாஞ்ஜனஶலாகயா ।
சக்ஷுருன்மீலிதம் யேன தஸ்மை ஶ்ரீகு³ரவே நம: ॥ 59 ॥

அக²ண்ட³மண்ட³லாகாரம் வ்யாப்தம் யேன சராசரம் ।
தத்பத³ம் த³ர்ஶிதம் யேன தஸ்மை ஶ்ரீகு³ரவே நம: ॥ 6௦ ॥

ஸ்தா²வரம் ஜங்க³மம் வ்யாப்தம் யத்கிஞ்சித்ஸசராசரம் ।
த்வம் பத³ம் த³ர்ஶிதம் யேன தஸ்மை ஶ்ரீகு³ரவே நம: ॥ 61 ॥

சின்மயவ்யாபிதம் ஸர்வம் த்ரைலோக்யம் ஸசராசரம் ।
அஸித்வம் த³ர்ஶிதம் யேன தஸ்மை ஶ்ரீகு³ரவே நம: ॥ 62 ॥

நிமிஷான்னிமிஷார்தா⁴த்³வா யத்³வாக்யாத்³வை விமுச்யதே ।
ஸ்வாத்மானம் ஶிவமாலோக்ய தஸ்மை ஶ்ரீகு³ரவே நம: ॥ 63 ॥

சைதன்யம் ஶாஶ்வதம் ஶாந்தம் வ்யோமாதீதம் நிரஞ்ஜனம் ।
நாத³பி³ந்து³களாதீதம் தஸ்மை ஶ்ரீகு³ரவே நம: ॥ 64 ॥

நிர்கு³ணம் நிர்மலம் ஶாந்தம் ஜங்க³மம் ஸ்தி²ரமேவ ச ।
வ்யாப்தம் யேன ஜக³த்ஸர்வம் தஸ்மை ஶ்ரீகு³ரவே நம: ॥ 65 ॥

ஸ பிதா ஸ ச மே மாதா ஸ ப³ந்து⁴: ஸ ச தே³வதா ।
ஸம்ஸாரமோஹனாஶாய தஸ்மை ஶ்ரீகு³ரவே நம: ॥ 66 ॥

யத்ஸத்த்வேன ஜக³த்ஸத்த்வம் யத்ப்ரகாஶேன பா⁴தி தத் ।
யதா³னந்தே³ன நந்த³ந்தி தஸ்மை ஶ்ரீகு³ரவே நம: ॥ 67 ॥

யஸ்மின் ஸ்தி²தமித³ம் ஸர்வம் பா⁴தி யத்³பா⁴னரூபத: ।
ப்ரியம் புத்ராதி³ யத்ப்ரீத்யா தஸ்மை ஶ்ரீகு³ரவே நம: ॥ 68 ॥

யேனேத³ம் த³ர்ஶிதம் தத்த்வம் சித்தசைத்யாதி³கம் ததா² ।
ஜாக்³ரத்ஸ்வப்னஸுஷுப்த்யாதி³ தஸ்மை ஶ்ரீகு³ரவே நம: ॥ 69 ॥

யஸ்ய ஜ்ஞானமித³ம் விஶ்வம் ந த்³ருஶ்யம் பி⁴ன்னபே⁴த³த: ।
ஸதை³கரூபரூபாய தஸ்மை ஶ்ரீகு³ரவே நம: ॥ 7௦ ॥

யஸ்ய ஜ்ஞாதம் மதம் தஸ்ய மதம் யஸ்ய ந வேத³ ஸ: ।
அனன்யபா⁴வபா⁴வாய தஸ்மை ஶ்ரீகு³ரவே நம: ॥ 71 ॥

யஸ்மை காரணரூபாய கார்யரூபேண பா⁴தி யத் ।
கார்யகாரணரூபாய தஸ்மை ஶ்ரீகு³ரவே நம: ॥ 72 ॥

நானாரூபமித³ம் விஶ்வம் ந கேனாப்யஸ்தி பி⁴ன்னதா ।
கார்யகாரணரூபாய தஸ்மை ஶ்ரீகு³ரவே நம: ॥ 73 ॥

ஜ்ஞானஶக்திஸமாரூட⁴தத்த்வமாலாவிபூ⁴ஷிணே ।
பு⁴க்திமுக்திப்ரதா³த்ரே ச தஸ்மை ஶ்ரீகு³ரவே நம: ॥ 74 ॥

அனேகஜன்மஸம்ப்ராப்தகர்மப³ந்த⁴விதா³ஹினே ।
ஜ்ஞானானலப்ரபா⁴வேன தஸ்மை ஶ்ரீகு³ரவே நம: ॥ 75 ॥

ஶோஷணம் ப⁴வஸிந்தோ⁴ஶ்ச தீ³பனம் க்ஷரஸம்பதா³ம் ।
கு³ரோ: பாதோ³த³கம் யஸ்ய தஸ்மை ஶ்ரீகு³ரவே நம: ॥ 76 ॥

ந கு³ரோரதி⁴கம் தத்த்வம் ந கு³ரோரதி⁴கம் தப: ।
ந கு³ரோரதி⁴கம் ஜ்ஞானம் தஸ்மை ஶ்ரீகு³ரவே நம: ॥ 77 ॥

மன்னாத:² ஶ்ரீஜக³ன்னாதோ² மத்³கு³ரு: ஶ்ரீஜக³த்³கு³ரு: ।
மமாத்மா ஸர்வபூ⁴தாத்மா தஸ்மை ஶ்ரீகு³ரவே நம: ॥ 78 ॥

கு³ருராதி³ரனாதி³ஶ்ச கு³ரு: பரமதை³வதம் ।
கு³ருமந்த்ரஸமோ நாஸ்தி தஸ்மை ஶ்ரீகு³ரவே நம: ॥ 79 ॥

ஏக ஏவ பரோ ப³ந்து⁴ர்விஷமே ஸமுபஸ்தி²தே ।
கு³ரு: ஸகலத⁴ர்மாத்மா தஸ்மை ஶ்ரீகு³ரவே நம: ॥ 8௦ ॥

கு³ருமத்⁴யே ஸ்தி²தம் விஶ்வம் விஶ்வமத்⁴யே ஸ்தி²தோ கு³ரு: ।
கு³ருர்விஶ்வம் ந சான்யோஸ்தி தஸ்மை ஶ்ரீகு³ரவே நம: ॥ 81 ॥

ப⁴வாரண்யப்ரவிஷ்டஸ்ய தி³ங்மோஹப்⁴ராந்தசேதஸ: ।
யேன ஸந்த³ர்ஶித: பந்தா²: தஸ்மை ஶ்ரீகு³ரவே நம: ॥ 82 ॥

தாபத்ரயாக்³னிதப்தானாமஶாந்தப்ராணினாம் முதே³ ।
கு³ருரேவ பரா க³ங்கா³ தஸ்மை ஶ்ரீகு³ரவே நம: ॥ 83 ॥

[பாட²பே⁴த:³ –
அஜ்ஞானேனாஹினா க்³ரஸ்தா: ப்ராணினஸ்தான் சிகித்ஸக: ।
வித்³யாஸ்வரூபோ ப⁴க³வாம்ஸ்தஸ்மை ஶ்ரீகு³ரவே நம: ॥
]
அஜ்ஞானஸர்பத³ஷ்டானாம் ப்ராணினாம் கஶ்சிகித்ஸக: ।
ஸம்யக்³​ஜ்ஞானமஹாமந்த்ரவேதி³னம் ஸத்³கு³ரு வினா ॥ 84 ॥

ஹேதவே ஜக³தாமேவ ஸம்ஸாரார்ணவஸேதவே ।
ப்ரப⁴வே ஸர்வவித்³யானாம் ஶம்ப⁴வே கு³ரவே நம: ॥ 85 ॥

த்⁴யானமூலம் கு³ரோர்மூர்தி: பூஜாமூலம் கு³ரோ: பத³ம் ।
மந்த்ரமூலம் கு³ரோர்வாக்யம் முக்திமூலம் கு³ரோ: க்ருபா ॥ 86 ॥

ஸப்தஸாக³ரபர்யந்ததீர்த²ஸ்னானப²லம் து யத் ।
கு³ரோ: பாதோ³த³பி³ந்தோ³ஶ்ச ஸஹஸ்ராம்ஶே ந தத்ப²லம் ॥ 87 ॥

ஶிவே ருஷ்டே கு³ருஸ்த்ராதா கு³ரௌ ருஷ்டே ந கஶ்சன ।
லப்³த்⁴வா குலகு³ரும் ஸம்யக்³கு³ருமேவ ஸமாஶ்ரயேத் ॥ 88 ॥

மது⁴லுப்³தோ⁴ யதா² ப்⁴ருங்க:³ புஷ்பாத்புஷ்பாந்தரம் வ்ரஜேத் ।
ஜ்ஞானலுப்³த⁴ஸ்ததா² ஶிஷ்யோ கு³ரோர்கு³ர்வந்தரம் வ்ரஜேத் ॥ 89 ॥

வந்தே³ கு³ருபத³த்³வந்த்³வம் வாங்மனாதீதகோ³சரம் ।
ஶ்வேதரக்தப்ரபா⁴பி⁴ன்னம் ஶிவஶக்த்யாத்மகம் பரம் ॥ 9௦ ॥

கு³காரம் ச கு³ணாதீதம் ரூகாரம் ரூபவர்ஜிதம் ।
கு³ணாதீதமரூபம் ச யோ த³த்³யாத்ஸ கு³ரு: ஸ்ம்ருத: ॥ 91 ॥

அத்ரினேத்ர: ஶிவ: ஸாக்ஷாத் த்³விபா³ஹுஶ்ச ஹரி: ஸ்ம்ருத: ।
யோசதுர்வத³னோ ப்³ரஹ்மா ஶ்ரீகு³ரு: கதி²த: ப்ரியே ॥ 92 ॥

அயம் மயாஞ்ஜலிர்ப³த்³தோ⁴ த³யாஸாக³ரஸித்³த⁴யே ।
யத³னுக்³ரஹதோ ஜந்துஶ்சித்ரஸம்ஸாரமுக்திபா⁴க் ॥ 93 ॥

ஶ்ரீகு³ரோ: பரமம் ரூபம் விவேகசக்ஷுரக்³ரத: ।
மந்த³பா⁴க்³யா ந பஶ்யந்தி அந்தா⁴: ஸூர்யோத³யம் யதா² ॥ 94 ॥

குலானாம் குலகோடீனாம் தாரகஸ்தத்ர தத்​க்ஷணாத் ।
அதஸ்தம் ஸத்³கு³ரும் ஜ்ஞாத்வா த்ரிகாலமபி⁴வாத³யேத் ॥ 95 ॥

ஶ்ரீனாத²சரணத்³வந்த்³வம் யஸ்யாம் தி³ஶி விராஜதே ।
தஸ்யாம் தி³ஶி நமஸ்குர்யாத் ப⁴க்த்யா ப்ரதிதி³னம் ப்ரியே ॥ 96 ॥

ஸாஷ்டாங்க³ப்ரணிபாதேன ஸ்துவன்னித்யம் கு³ரும் பஜ⁴ேத் ।
பஜ⁴னாத் ஸ்தை²ர்யமாப்னோதி ஸ்வஸ்வரூபமயோ ப⁴வேத் ॥ 97 ॥

தோ³ர்ப்⁴யாம் பத்³ப்⁴யாம் ச ஜானுப்⁴யாமுரஸா ஶிரஸா த்³ருஶா ।
மனஸா வசஸா சேதி ப்ரணாமோஷ்டாங்க³ உச்யதே ॥ 98 ॥

தஸ்யை தி³ஶே ஸததமஞ்ஜலிரேஷ நித்யம்
ப்ரக்ஷிப்யதாம் முக²ரிதைர்மது⁴ரை: ப்ரஸூனை: ।
ஜாக³ர்தி யத்ர ப⁴க³வான் கு³ருசக்ரவர்தீ
விஶ்வஸ்தி²திப்ரளயனாடகனித்யஸாக்ஷீ ॥ 99 ॥

அப்⁴யஸ்தை: கிமு தீ³ர்க⁴காலவிமலைர்வ்யாதி⁴ப்ரதை³ர்து³ஷ்கரை:
ப்ராணாயாமஶதைரனேககரணைர்து³:கா²த்மகைர்து³ர்ஜயை: ।
யஸ்மின்னப்⁴யுதி³தே வினஶ்யதி ப³லீ வாயு: ஸ்வயம் தத்​க்ஷணாத்
ப்ராப்தும் தத்ஸஹஜஸ்வபா⁴வமனிஶம் ஸேவேத சைகம் கு³ரும் ॥ 1௦௦ ॥

ஜ்ஞானம் வினா முக்திபத³ம் லப்⁴யதே கு³ருப⁴க்தித: ।
கு³ரோஸ்ஸமானதோ நான்யத் ஸாத⁴னம் கு³ருமார்கி³ணாம் ॥ 1௦1 ॥

யஸ்மாத்பரதரம் நாஸ்தி நேதி நேதீதி வை ஶ்ருதி: ।
மனஸா வசஸா சைவ ஸத்யமாராத⁴யேத்³கு³ரும் ॥ 1௦2 ॥

கு³ரோ: க்ருபாப்ரஸாதே³ன ப்³ரஹ்மவிஷ்ணுமஹேஶ்வரா: ।
ஸாமர்த்²யமபஜ⁴ன் ஸர்வே ஸ்ருஷ்டிஸ்தி²த்யந்தகர்மணி ॥ 1௦3 ॥

தே³வகின்னரக³ந்த⁴ர்வா: பித்ருயக்ஷாஸ்து தும்பு³ர: ।
முனயோபி ந ஜானந்தி கு³ருஶுஶ்ரூஷணே விதி⁴ம் ॥ 1௦4 ॥

தார்கிகாஶ்சா²ந்த³ஸாஶ்சைவ தை³வஜ்ஞா: கர்மடா²: ப்ரியே ।
லௌகிகாஸ்தே ந ஜானந்தி கு³ருதத்த்வம் நிராகுலம் ॥ 1௦5 ॥

மஹாஹங்காரக³ர்வேண ததோவித்³யாப³லேன ச ।
ப்⁴ரமந்தி சாஸ்மின் ஸம்ஸாரே க⁴டீயந்த்ரம் யதா² புன: ॥ 1௦6 ॥

யஜ்ஞினோபி ந முக்தா: ஸ்யு: ந முக்தா யோகி³னஸ்ததா² ।
தாபஸா அபி நோ முக்தா கு³ருதத்த்வாத்பராங்முகா²: ॥ 1௦7 ॥

ந முக்தாஸ்து ச க³ந்த⁴ர்வா: பித்ருயக்ஷாஸ்து சாரணா: ।
ருஷய: ஸித்³த⁴தே³வாத்³யா கு³ருஸேவாபராங்முகா²: ॥ 1௦8 ॥

இதி ஶ்ரீஸ்கந்த³புராணே உத்தரக²ண்டே³ உமாமஹேஶ்வர ஸம்வாதே³
ஶ்ரீ கு³ருகீ³தாயாம் ப்ரத²மோத்⁴யாய: ॥