கீ³தகோ³விந்த³ம் அஷ்டம: ஸர்க:³ – விலக்ஷ்ய லக்ஷ்மீபதி:

॥ அஷ்டம: ஸர்க:³ ॥
॥ விலக்ஷ்யலக்ஷ்மீபதி: ॥

அத² கத²மபி யாமினீம் வினீய ஸ்மரஶரஜர்ஜரிதாபி ஸா ப்ரபா⁴தே ।
அனுனயவசனம் வத³ந்தமக்³ரே ப்ரணதமபி ப்ரியமாஹ ஸாப்⁴யஸூயம் ॥ 49 ॥

॥ கீ³தம் 17 ॥

ரஜனிஜனிதகு³ருஜாக³ரராக³கஷாயிதமலஸனிவேஶம் ।
வஹதி நயனமனுராக³மிவ ஸ்பு²டமுதி³தரஸாபி⁴னிவேஶம் ॥
ஹரிஹரி யாஹி மாத⁴வ யாஹி கேஶவ மா வத³ கைதவவாத³ம் தாமனுஸர ஸரஸீருஹலோசன யா தவ ஹரதி விஷாத³ம் ॥ 5௦ ॥

கஜ்ஜலமலினவிலோசனசும்ப³னவிரசிதனீலிமரூபம் ।
த³ஶனவஸனமருணம் தவ க்ருஷ்ண தனோதி தனோரனுரூபம் ॥ 2 ॥

வபுரனுஹரதி தவ ஸ்மரஸங்க³ரக²ரனக²ரக்ஷதரேக²ம் ।
மரகதஶகலகலிதகலதௌ⁴தலிபிரேவ ரதிஜயலேக²ம் ॥ 3 ॥

சரணகமலக³லத³லக்தகஸிக்தமித³ம் தவ ஹ்ருத³யமுதா³ரம் ।
த³ர்ஶயதீவ ப³ஹிர்மத³னத்³ருமனவகிஸலயபரிவாரம் ॥ 4 ॥

த³ஶனபத³ம் ப⁴வத³த⁴ரக³தம் மம ஜனயதி சேதஸி கே²த³ம் ।
கத²யதி கத²மது⁴னாபி மயா ஸஹ தவ வபுரேதத³பே⁴த³ம் ॥ 5 ॥

ப³ஹிரிவ மலினதரம் தவ க்ருஷ்ண மனோபி ப⁴விஷ்யதி நூனம் ।
கத²மத² வஞ்சயஸே ஜனமனுக³தமஸமஶரஜ்வரதூ³னம் ॥ 6 ॥

ப்⁴ரமதி ப⁴வானப³லாகவலாய வனேஷு கிமத்ர விசித்ரம் ।
ப்ரத²யதி பூதனிகைவ வதூ⁴வத⁴னிர்த³யபா³லசரித்ரம் ॥ 7 ॥

ஶ்ரீஜயதே³வப⁴ணிதரதிவஞ்சிதக²ண்டி³தயுவதிவிலாபம் ।
ஶ்ருணுத ஸுதா⁴மது⁴ரம் விபு³தா⁴ விபு³தா⁴லயதோபி து³ராபம் ॥ 8 ॥

ததே³வம் பஶ்யந்த்யா: ப்ரஸரத³னுராக³ம் ப³ஹிரிவ ப்ரியாபாதா³லக்தச்சு²ரிதமருணச்சா²யஹ்ருத³யம் ।
மமாத்³ய ப்ரக்²யாதப்ரணயப⁴ரப⁴ங்கே³ன கிதவ த்வதா³லோக: ஶோகாத³பி கிமபி லஜ்ஜாம் ஜனயதி ॥ 5௦ ॥

॥ இதி கீ³தகோ³விந்தே³ க²ண்டி³தாவர்ணனே விலக்ஷ்யலக்ஷ்மீபதிர்னாம அஷ்ட²ம: ஸர்க:³ ॥