கீ³தகோ³விந்த³ம் ஷஷ்ட: ஸர்க:³ – குண்ட² வைகுண்ட:²

॥ ஷஷ்ட:² ஸர்க:³ ॥
॥ குண்ட²வைகுண்ட:² ॥

அத² தாம் க³ந்துமஶக்தாம் சிரமனுரக்தாம் லதாக்³ருஹே த்³ருஷ்ட்வா ।
தச்சரிதம் கோ³விந்தே³ மனஸிஜமந்தே³ ஸகீ² ப்ராஹ ॥ 37 ॥

॥ கீ³தம் 12 ॥

பஶ்யதி தி³ஶி தி³ஶி ரஹஸி ப⁴வந்தம் ।
தத³த⁴ரமது⁴ரமதூ⁴னி பிப³ந்தம் ॥
நாத² ஹரே ஜக³ன்னாத² ஹரே ஸீத³தி ராதா⁴ வாஸக்³ருஹே – த்⁴ருவம் ॥ 1 ॥

த்வத³பி⁴ஸரணரப⁴ஸேன வலந்தீ ।
பததி பதா³னி கியந்தி சலந்தீ ॥ 2 ॥

விஹிதவிஶத³பி³ஸகிஸலயவலயா ।
ஜீவதி பரமிஹ தவ ரதிகலயா ॥ 3 ॥

முஹுரவலோகிதமண்ட³னலீலா ।
மது⁴ரிபுரஹமிதி பா⁴வனஶீலா ॥ 4 ॥

த்வரிதமுபைதி ந கத²மபி⁴ஸாரம் ।
ஹரிரிதி வத³தி ஸகீ²மனுவாரம் ॥ 5 ॥

ஶ்லிஷ்யதி சும்ப³தி ஜலத⁴ரகல்பம் ।
ஹரிருபக³த இதி திமிரமனல்பம் ॥ 6 ॥

ப⁴வதி விலம்பி³னி விக³லிதலஜ்ஜா ।
விலபதி ரோதி³தி வாஸகஸஜ்ஜா ॥ 7 ॥

ஶ்ரீஜயதே³வகவேரித³முதி³தம் ।
ரஸிகஜனம் தனுதாமதிமுதி³தம் ॥ 8 ॥

விபுலபுலகபாலி: ஸ்பீ²தஸீத்காரமந்த-ர்ஜனிதஜடி³மகாகுவ்யாகுலம் வ்யாஹரந்தீ ।
தவ கிதவ வித⁴த்தேமந்த³கந்த³ர்பசிந்தாம் ரஸஜலதி⁴னிமக்³னா த்⁴யானலக்³னா ம்ருகா³க்ஷீ ॥ 38 ॥

அங்கே³ஷ்வாப⁴ரணம் கரோதி ப³ஹுஶ: பத்ரேபி ஸஞ்சாரிணி ப்ராப்தம் த்வாம் பரிஶங்கதே விதனுதே ஶய்யாம் சிரம் த்⁴யாயதி ।
இத்யாகல்பவிகல்பதல்பரசனாஸங்கல்பலீலாஶத-வ்யாஸக்தாபி வினா த்வயா வரதனுர்னைஷா நிஶாம் நேஷ்யதி ॥ 39 ॥

கிம் விஶ்ராம்யஸி க்ருஷ்ணபோ⁴கி³ப⁴வனே பா⁴ண்டீ³ரபூ⁴மீருஹி ப்⁴ராத ர்யாஹி நத்³ருஷ்டிகோ³சரமிதஸ்ஸானந்த³னந்தா³ஸ்பத³ம்।
ரதா⁴யாவசனம் தத³த்⁴வக³முகா²ன்னந்தா³ந்திகேகோ³பதோ கோ³விந்த³ஸ்யஜயந்தி ஸாயமதிதி²ப்ராஶஸ்த்யக³ர்பா⁴கி³ர:॥ 4௦ ॥

॥ இதி கீ³தகோ³விந்தே³ வாஸகஸஜ்ஜாவர்ணனே குண்ட²வைகுண்டோ² நாம ஷஷ்ட:² ஸர்க:³ ॥