கீ³தகோ³விந்த³ம் சதுர்த:² ஸர்க:³ – ஸ்னிக்³த⁴ மது⁴ஸூத³ன:

॥ சதுர்த:² ஸர்க:³ ॥
॥ ஸ்னிக்³த⁴மது⁴ஸூத³ன: ॥

யமுனாதீரவானீரனிகுஞ்ஜே மந்த³மாஸ்தி²தம் ।
ப்ராஹ ப்ரேமப⁴ரோத்³ப்⁴ராந்தம் மாத⁴வம் ராதி⁴காஸகீ² ॥ 25 ॥

॥ கீ³தம் 8 ॥

நிந்த³தி சந்த³னமிந்து³கிரணமனு விந்த³தி கே²த³மதீ⁴ரம் ।
வ்யாலனிலயமிலனேன க³ரலமிவ கலயதி மலயஸமீரம் ॥
ஸா விரஹே தவ தீ³னா மாத⁴வ மனஸிஜவிஶிக²ப⁴யாதி³வ பா⁴வனயா த்வயி லீனா ॥ 1 ॥

அவிரலனிபதிதமத³னஶராதி³வ ப⁴வத³வனாய விஶாலம் ।
ஸ்வஹ்ருத³யர்மணீ வர்ம கரோதி ஸஜலனலினீத³லஜாலம் ॥ 2 ॥

குஸுமவிஶிக²ஶரதல்பமனல்பவிலாஸகலாகமனீயம் ।
வ்ரதமிவ தவ பரிரம்ப⁴ஸுகா²ய கரோதி குஸுமஶயனீயம் ॥ 3 ॥

வஹதி ச க³லிதவிலோசனஜலப⁴ரமானனகமலமுதா³ரம் ।
விது⁴மிவ விகடவிது⁴ந்துத³த³ந்தத³லனக³லிதாம்ருததா⁴ரம் ॥ 4 ॥

விலிக²தி ரஹஸி குரங்க³மதே³ன ப⁴வந்தமஸமஶரபூ⁴தம் ।
ப்ரணமதி மகரமதோ⁴ வினிதா⁴ய கரே ச ஶரம் நவசூதம் ॥ 5 ॥

ப்ரதிபத³மித³மபி நிக³ததி மாத⁴வ தவ சரணே பதிதாஹம் ।
த்வயி விமுகே² மயி ஸபதி³ ஸுதா⁴னிதி⁴ரபி தனுதே தனுதா³ஹம் ॥ 6 ॥

த்⁴யானலயேன புர: பரிகல்ப்ய ப⁴வந்தமதீவ து³ராபம் ।
விலபதி ஹஸதி விஷீத³தி ரோதி³தி சஞ்சதி முஞ்சதி தாபம் ॥ 7 ॥

ஶ்ரீஜயதே³வப⁴ணிதமித³மதி⁴கம் யதி³ மனஸா நடனீயம் ।
ஹரிவிரஹாகுலப³ல்லவயுவதிஸகீ²வசனம் பட²னீயம் ॥ 8 ॥

ஆவாஸோ விபினாயதே ப்ரியஸகீ²மாலாபி ஜாலாயதே தாபோபி ஶ்வஸிதேன தா³வத³ஹனஜ்வாலாகலாபாயதே ।
ஸாபி த்வத்³விரஹேண ஹந்த ஹரிணீரூபாயதே ஹா கத²ம் கந்த³ர்போபி யமாயதே விரசயஞ்ஶார்தூ³லவிக்ரீடி³தம் ॥ 26 ॥

॥ கீ³தம் 9 ॥

ஸ்தனவினிஹிதமபி ஹாரமுதா³ரம் ।
ஸா மனுதே க்ருஶதனுரதிபா⁴ரம் ॥
ராதி⁴கா விரஹே தவ கேஶவ ॥ 1 ॥

ஸரஸமஸ்ருணமபி மலயஜபங்கம் ।
பஶ்யதி விஷமிவ வபுஷி ஸஶங்கம் ॥ 2 ॥

ஶ்வஸிதபவனமனுபமபரிணாஹம் ।
மத³னத³ஹனமிவ வஹதி ஸதா³ஹம் ॥ 3 ॥

தி³ஶி தி³ஶி கிரதி ஸஜலகணஜாலம் ।
நயனனலினமிவ விக³லிதனாலம் ॥ 4 ॥

நயனவிஷயமபி கிஸலயதல்பம் ।
கலயதி விஹிதஹுதாஶவிகல்பம் ॥ 5 ॥

த்யஜதி ந பாணிதலேன கபோலம் ।
பா³லஶஶினமிவ ஸாயமலோலம் ॥ 6 ॥

ஹரிரிதி ஹரிரிதி ஜபதி ஸகாமம் ।
விரஹவிஹிதமரணேன நிகாமம் ॥ 7 ॥

ஶ்ரீஜயதே³வப⁴ணிதமிதி கீ³தம் ।
ஸுக²யது கேஶவபத³முபுனீதம் ॥ 8 ॥

ஸா ரோமாஞ்சதி ஸீத்கரோதி விலபத்யுத்க்ம்பதே தாம்யதி த்⁴யாயத்யுத்³ப்⁴ரமதி ப்ரமீலதி பதத்யுத்³யாதி மூர்ச்ச²த்யபி ।
ஏதாவத்யதனுஜ்வரே வரதனுர்ஜீவேன்ன கிம் தே ரஸாத் ஸ்வர்வைத்³யப்ரதிம ப்ரஸீத³ஸி யதி³ த்யக்தோன்யதா² நாந்தக: ॥ 27 ॥

ஸ்மராதுராம் தை³வதவைத்³யஹ்ருத்³ய த்வத³ங்க³ஸங்கா³ம்ருதமாத்ரஸாத்⁴யாம் ।
விமுக்தபா³தா⁴ம் குருஷே ந ராதா⁴-முபேந்த்³ர வஜ்ராத³பி தா³ருணோஸி ॥ 28 ॥

கந்த³ர்பஜ்வரஸஞ்ஜ்வரஸ்துரதனோராஶ்சர்யமஸ்யாஶ்சிரம் சேதஶ்சந்த³னசந்த்³ரம:கமலினீசிந்தாஸு ஸந்தாம்யதி ।
கிந்து க்லாந்திவஶேன ஶீதலதனும் த்வாமேகமேவ ப்ரியம் த்⁴யாயந்தீ ரஹஸி ஸ்தி²தா கத²மபி க்ஷீணா க்ஷணம் ப்ராணிதி ॥ 29 ॥

க்ஷணமபி விரஹ: புரா ந ஸேஹே நயனனிமீலனகி²ன்னயா யயா தே ।
ஶ்வஸிதி கத²மஸௌ ரஸாலஶாகா²ம் சிரவிரஹேண விலோக்ய புஷ்பிதாக்³ராம் ॥ 3௦ ॥

॥ இதி கீ³தகோ³விந்தே³ ஸ்னிக்³த⁴மாத⁴வோ நாம சதுர்த:² ஸர்க:³ ॥