ஶ்ரீமத்³ப⁴க³வத்³கீ³தா பாராயண – த்⁴யானஶ்லோகா:

ஓம் ஶ்ரீ பரமாத்மனே நம:
அத² கீ³தா த்⁴யான ஶ்லோகா:

ஓம் பார்தா²ய ப்ரதிபோ³தி⁴தாம் ப⁴க³வதா நாராயணேன ஸ்வயம்
வ்யாஸேன க்³ரதி²தாம் புராணமுனினா மத்⁴யே மஹாபா⁴ரதம் ।
அத்³வைதாம்ருதவர்ஷிணீம் ப⁴க³வதீம் அஷ்டாத³ஶாத்⁴யாயினீம்
அம்ப³ த்வாம் அனுஸந்த³தா⁴மி ப⁴க³வத்³கீ³தே ப⁴வத்³வேஷிணீம் ॥

நமோஸ்துதே வ்யாஸ விஶாலபு³த்³தே⁴ பு²ல்லாரவிந்தா³யதபத்ரனேத்ர ।
யேன த்வயா பா⁴ரத தைலபூர்ண: ப்ரஜ்வாலிதோ ஜ்ஞானமய: ப்ரதீ³ப:॥

ப்ரபன்னபாரிஜாதாய தோத்ரவேத்ரைகபாணயே ।
ஜ்ஞானமுத்³ராய க்ருஷ்ணாய கீ³தாம்ருதது³ஹே நம: ॥

வஸுதே³வஸுதம் தே³வம் கம்ஸசாணூரமர்த³னம் ।
தே³வகீபரமானந்த³ம் க்ருஷ்ணம் வந்தே³ ஜக³த்³கு³ரும் ॥

பீ⁴ஷ்மத்³ரோணதடா ஜயத்³ரதஜ²லா கா³ந்தா⁴ரனீலோத்பலா
ஶல்யக்³ராஹவதீ க்ருபேண வஹனீ கர்ணேன வேலாகுலா ।
அஶ்வத்தா²மவிகர்ணகோ⁴ரமகரா து³ர்யோத⁴னாவர்தினீ
ஸோத்தீர்ணா க²லு பாண்ட³வை ரணனதீ³ கைவர்தக: கேஶவ: ॥

பாராஶர்யவச: ஸரோஜமமலம் கீ³தார்த²க³ந்தோ⁴த்கடம்
நானாக்²யானககேஸரம் ஹரிகதா² ஸம்போ³த⁴னாபோ³தி⁴தம் ।
லோகே ஸஜ்ஜனஷட்பதை³ரஹரஹ: பேபீயமானம் முதா³
பூ⁴யாத்³பா⁴ரதபங்கஜம் கலிமலம் ப்ரத்⁴வம்ஸின: ஶ்ரேயஸே ॥

மூகம் கரோதி வாசாலம் பங்கு³ம் லங்க⁴யதே கி³ரிம் ।
யத்க்ருபா தமஹம் வந்தே³ பரமானந்த³மாத⁴வம் ॥

ஶாந்தாகாரம் பு⁴ஜக³ஶயனம் பத்³மனாப⁴ம் ஸுரேஶம்
விஶ்வாதா⁴ரம் க³க³னஸத்³ருஶம் மேக⁴வர்ணம் ஶுபா⁴ங்க³ம் ।
லக்ஷ்மீகாந்தம் கமலனயனம் யோகி³ஹ்ருத்³த்⁴யானக³ம்யம்
வந்தே³ விஷ்ணும் ப⁴வப⁴யஹரம் ஸர்வ லோகைகனாத²ம் ॥

யம் ப்³ரஹ்மாவருணேந்த்³ரருத்³ரமருத: ஸ்துன்வந்தி தி³வ்யை: ஸ்தவை:
வேதை³: ஸாங்க³பத³க்ரமோபனிஷதை³: கா³யந்தி யம் ஸாமகா³: ।
த்⁴யானாவஸ்தி²த தத்³க³தேன மனஸா பஶ்யந்தி யம் யோகி³ன:
யஸ்யாந்தம் ந விது³ஸ்ஸுராஸுரக³ணா: தே³வாய தஸ்மை நம: ॥

நாராயணம் நமஸ்க்ருத்ய நரஞ்சைவ நரோத்தமம் ।
தே³வீம் ஸரஸ்வதீம் வ்யாஸம் ததோ ஜயமுதீ³ரயேத் ॥

ஸச்சிதா³னந்த³ரூபாய க்ருஷ்ணாயாக்லிஷ்டகாரிணே ।
நமோ வேதா³ந்தவேத்³யாய கு³ரவே பு³த்³தி⁴ஸாக்ஷிணே॥

ஸர்வோபனிஷதோ³ கா³வ: தோ³க்³தா⁴ கோ³பாலனந்த³ன: ।
பார்தோ² வத்ஸ: ஸுதீ⁴ர்போ⁴க்தா து³க்³த⁴ம் கீ³தாம்ருதம் மஹத் ॥

கீ³தாஶாஸ்த்ரமித³ம் புண்யம் ய: படே²த் ப்ரயத: புமான் ।
விஷ்ணோ: பத³மவாப்னோதி ப⁴யஶோகாதி³ வர்ஜித: ॥

ஏகம் ஶாஸ்த்ரம் தே³வகீபுத்ரகீ³தம் ஏகோ தே³வோ தே³வகீபுத்ர ஏவ ।
ஏகோ மந்த்ரஸ்தஸ்ய நாமானி யானி கர்மாப்யேகம் தஸ்ய தே³வஸ்ய ஸேவா ॥

॥ ஓம் ஶ்ரீ க்ருஷ்ணாய பரமாத்மனே நம: ॥