ஶ்ரீமத்³ப⁴க³வத்³கீ³தா பாராயண – நவமோத்⁴யாய:

ஓம் ஶ்ரீபரமாத்மனே நம:
அத² நவமோத்⁴யாய:
ராஜவித்³யாராஜகு³ஹ்யயோக:³

ஶ்ரீ ப⁴க³வானுவாச
இத³ம் து தே கு³ஹ்யதமம் ப்ரவக்ஷ்யாம்யனஸூயவே ।
ஜ்ஞானம் விஜ்ஞானஸஹிதம் யஜ்ஜ்ஞாத்வா மோக்ஷ்யஸேஶுபா⁴த்॥1॥

ராஜவித்³யா ராஜகு³ஹ்யம் பவித்ரமித³முத்தமம் ।
ப்ரத்யக்ஷாவக³மம் த⁴ர்ம்யம் ஸுஸுக²ம் கர்துமவ்யயம் ॥2॥

அஶ்ரத்³த³தா⁴னா: புருஷா: த⁴ர்மஸ்யாஸ்ய பரந்தப ।
அப்ராப்ய மாம் நிவர்தந்தே ம்ருத்யுஸம்ஸாரவர்த்மனி ॥3॥

மயா ததமித³ம் ஸர்வம் ஜக³த³வ்யக்தமூர்தினா ।
மத்ஸ்தா²னி ஸர்வபூ⁴தானி ந சாஹம் தேஷ்வவஸ்தி²த: ॥4॥

ந ச மத்ஸ்தா²னி பூ⁴தானி பஶ்ய மே யோக³மைஶ்வரம் ।
பூ⁴தப்⁴ருன்ன ச பூ⁴தஸ்த:² மமாத்மா பூ⁴தபா⁴வன: ॥5॥

யதா²காஶஸ்தி²தோ நித்யம் வாயு: ஸர்வத்ரகோ³ மஹான் ।
ததா² ஸர்வாணி பூ⁴தானி மத்ஸ்தா²னீத்யுபதா⁴ரய ॥6॥

ஸர்வபூ⁴தானி கௌந்தேய ப்ரக்ருதிம் யாந்தி மாமிகாம் ।
கல்பக்ஷயே புனஸ்தானி கல்பாதௌ³ விஸ்ருஜாம்யஹம் ॥7॥

ப்ரக்ருதிம் ஸ்வாமவஷ்டப்⁴ய விஸ்ருஜாமி புன: புன: ।
பூ⁴தக்³ராமமிமம் க்ருத்ஸ்னம் அவஶம் ப்ரக்ருதேர்வஶாத் ॥8॥

ந ச மாம் தானி கர்மாணி நிப³த்⁴னந்தி த⁴னஞ்ஜய ।
உதா³ஸீனவதா³ஸீனம் அஸக்தம் தேஷு கர்மஸு ॥9॥

மயாத்⁴யக்ஷேண ப்ரக்ருதி: ஸூயதே ஸசராசரம் ।
ஹேதுனானேன கௌந்தேய ஜக³த்³விபரிவர்ததே ॥1௦॥

அவஜானந்தி மாம் மூடா⁴: மானுஷீம் தனுமாஶ்ரிதம் ।
பரம் பா⁴வமஜானந்த: மம பூ⁴தமஹேஶ்வரம் ॥11॥

மோகா⁴ஶா மோக⁴கர்மாண: மோகஜ⁴்ஞானா விசேதஸ: ।
ராக்ஷஸீமாஸுரீம் சைவ ப்ரக்ருதிம் மோஹினீம் ஶ்ரிதா: ॥12॥

மஹாத்மானஸ்து மாம் பார்த² தை³வீம் ப்ரக்ருதிமாஶ்ரிதா: ।
பஜ⁴ந்த்யனன்யமனஸ: ஜ்ஞாத்வா பூ⁴தாதி³மவ்யயம் ॥13॥

ஸததம் கீர்தயந்தோ மாம் யதந்தஶ்ச த்³ருட⁴வ்ரதா: ।
நமஸ்யந்தஶ்ச மாம் ப⁴க்த்யா நித்யயுக்தா உபாஸதே ॥14॥

ஜ்ஞானயஜ்ஞேன சாப்யன்யே யஜந்தோ மாமுபாஸதே ।
ஏகத்வேன ப்ருத²க்த்வேன ப³ஹுதா⁴ விஶ்வதோமுக²ம் ॥15॥

அஹம் க்ரதுரஹம் யஜ்ஞ: ஸ்வதா⁴ஹமஹமௌஷத⁴ம் ।
மந்த்ரோஹமஹமேவாஜ்யம் அஹமக்³னிரஹம் ஹுதம் ॥16॥

பிதாஹமஸ்ய ஜக³த: மாதா தா⁴தா பிதாமஹ: ।
வேத்³யம் பவித்ரமோங்கார: ருக்ஸாம யஜுரேவ ச ॥17॥

க³திர்ப⁴ர்தா ப்ரபு⁴: ஸாக்ஷீ நிவாஸ: ஶரணம் ஸுஹ்ருத் ।
ப்ரப⁴வ: ப்ரலய: ஸ்தா²னம் நிதா⁴னம் பீ³ஜமவ்யயம் ॥18॥

தபாம்யஹமஹம் வர்ஷம் நிக்³ருஹ்ணாம்யுத்ஸ்ருஜாமி ச ।
அம்ருதம் சைவ ம்ருத்யுஶ்ச ஸத³ஸச்சாஹமர்ஜுன ॥19॥

த்ரைவித்³யா மாம் ஸோமபா: பூதபாபா: யஜ்ஞைரிஷ்ட்வா ஸ்வர்க³திம் ப்ரார்த²யந்தே ।
தே புண்யமாஸாத்³ய ஸுரேந்த்³ரலோகம் அஶ்னந்தி தி³வ்யாந்தி³வி தே³வபோ⁴கா³ன் ॥2௦॥

தே தம் பு⁴க்த்வா ஸ்வர்க³லோகம் விஶாலம் க்ஷீணே புண்யே மர்த்யலோகம் விஶந்தி ।
ஏவம் த்ரயீத⁴ர்மமனுப்ரபன்னா: க³தாக³தம் காமகாமா லப⁴ந்தே ॥21॥

அனன்யாஶ்சிந்தயந்தோ மாம் யே ஜனா: பர்யுபாஸதே ।
தேஷாம் நித்யாபி⁴யுக்தானாம் யோக³க்ஷேமம் வஹாம்யஹம் ॥22॥

யேப்யன்யதே³வதா ப⁴க்தா: யஜந்தே ஶ்ரத்³த⁴யான்விதா: ।
தேபி மாமேவ கௌந்தேய யஜந்த்யவிதி⁴பூர்வகம் ॥23॥

அஹம் ஹி ஸர்வயஜ்ஞானாம் போ⁴க்தா ச ப்ரபு⁴ரேவ ச ।
ந து மாமபி⁴ஜானந்தி தத்த்வேனாதஶ்ச்யவந்தி தே ॥24॥

யாந்தி தே³வவ்ரதா தே³வான் பித்ரூன்யாந்தி பித்ருவ்ரதா: ।
பூ⁴தானி யாந்தி பூ⁴தேஜ்யா: யாந்தி மத்³யாஜினோபி மாம் ॥25॥

பத்ரம் புஷ்பம் ப²லம் தோயம் யோ மே ப⁴க்த்யா ப்ரயச்ச²தி ।
தத³ஹம் ப⁴க்த்யுபஹ்ருதம் அஶ்னாமி ப்ரயதாத்மன: ॥26॥

யத்கரோஷி யத³ஶ்னாஸி யஜ்ஜுஹோஷி த³தா³ஸி யத் ।
யத்தபஸ்யஸி கௌந்தேய தத்குருஷ்வ மத³ர்பணம் ॥27॥

ஶுபா⁴ஶுப⁴ப²லைரேவம் மோக்ஷ்யஸே கர்மப³ந்த⁴னை: ।
ஸன்ன்யாஸயோக³யுக்தாத்மா விமுக்தோ மாமுபைஷ்யஸி ॥28॥

ஸமோஹம் ஸர்வபூ⁴தேஷு ந மே த்³வேஷ்யோஸ்தி ந ப்ரிய: ।
யே பஜ⁴ந்தி து மாம் ப⁴க்த்யா மயி தே தேஷு சாப்யஹம் ॥29॥

அபி சேத்ஸுது³ராசார: பஜ⁴தே மாமனன்யபா⁴க் ।
ஸாது⁴ரேவ ஸ மந்தவ்ய: ஸம்யக்³வ்யவஸிதோ ஹி ஸ: ॥3௦॥

க்ஷிப்ரம் ப⁴வதி த⁴ர்மாத்மா ஶஶ்வச்சா²ந்திம் நிக³ச்ச²தி ।
கௌந்தேய ப்ரதி ஜானீஹி ந மே ப⁴க்த: ப்ரணஶ்யதி ॥31॥

மாம் ஹி பார்த² வ்யபாஶ்ரித்ய யேபி ஸ்யு: பாபயோனய: ।
ஸ்த்ரியோ வைஶ்யாஸ்ததா² ஶூத்³ரா: தேபி யாந்தி பராம் க³திம் ॥32॥

கிம் புனர்ப்³ராஹ்மணா: புண்யா: ப⁴க்தா ராஜர்ஷயஸ்ததா² ।
அனித்யமஸுக²ம் லோகம் இமம் ப்ராப்ய பஜ⁴ஸ்வ மாம் ॥33॥

மன்மனா ப⁴வ மத்³ப⁴க்த: மத்³யாஜீ மாம் நமஸ்குரு ।
மாமேவைஷ்யஸி யுக்த்வைவம் ஆத்மானம் மத்பராயண: ॥34॥

॥ ஓம் தத்ஸதி³தி ஶ்ரீமத்³ப⁴க³வத்³கீ³தாஸு உபனிஷத்ஸு ப்³ரஹ்மவித்³யாயாம்
யோக³ஶாஸ்த்ரே ஶ்ரீக்ருஷ்ணார்ஜுனஸம்வாதே³ ராஜவித்³யாராஜகு³ஹ்யயோகோ³ நாம நவமோத்⁴யாய: ॥