அஷ்டாவக்ர கீ³தா பஞ்சத³ஶோத்⁴யாய:

அஷ்டாவக்ர உவாச ॥
யதா²ததோ²பதே³ஶேன க்ருதார்த:² ஸத்த்வபு³த்³தி⁴மான் ।
ஆஜீவமபி ஜிஜ்ஞாஸு: பரஸ்தத்ர விமுஹ்யதி ॥ 15-1॥

மோக்ஷோ விஷயவைரஸ்யம் ப³ந்தோ⁴ வைஷயிகோ ரஸ: ।
ஏதாவதே³வ விஜ்ஞானம் யதே²ச்ச²ஸி ததா² குரு ॥ 15-2॥

வாக்³மிப்ராஜ்ஞாமஹோத்³யோக³ம் ஜனம் மூகஜடா³லஸம் ।
கரோதி தத்த்வபோ³தோ⁴யமதஸ்த்யக்தோ பு³பு⁴க்ஷபி⁴: ॥ 15-3॥

ந த்வம் தே³ஹோ ந தே தே³ஹோ போ⁴க்தா கர்தா ந வா ப⁴வான் ।
சித்³ரூபோஸி ஸதா³ ஸாக்ஷீ நிரபேக்ஷ: ஸுக²ம் சர ॥ 15-4॥

ராக³த்³வேஷௌ மனோத⁴ர்மௌ ந மனஸ்தே கதா³சன ।
நிர்விகல்போஸி போ³தா⁴த்மா நிர்விகார: ஸுக²ம் சர ॥ 15-5॥

ஸர்வபூ⁴தேஷு சாத்மானம் ஸர்வபூ⁴தானி சாத்மனி ।
விஜ்ஞாய நிரஹங்காரோ நிர்மமஸ்த்வம் ஸுகீ² ப⁴வ ॥ 15-6॥

விஶ்வம் ஸ்பு²ரதி யத்ரேத³ம் தரங்கா³ இவ ஸாக³ரே ।
தத்த்வமேவ ந ஸந்தே³ஹஶ்சின்மூர்தே விஜ்வரோ ப⁴வ ॥ 15-7॥

ஶ்ரத்³த⁴ஸ்வ தாத ஶ்ரத்³த⁴ஸ்வ நாத்ர மோஹம் குருஷ்வ போ⁴: ।
ஜ்ஞானஸ்வரூபோ ப⁴க³வானாத்மா த்வம் ப்ரக்ருதே: பர: ॥ 15-8॥

கு³ணை: ஸம்வேஷ்டிதோ தே³ஹஸ்திஷ்ட²த்யாயாதி யாதி ச ।
ஆத்மா ந க³ந்தா நாக³ந்தா கிமேனமனுஶோசஸி ॥ 15-9॥

தே³ஹஸ்திஷ்ட²து கல்பாந்தம் க³ச்ச²த்வத்³யைவ வா புன: ।
க்வ வ்ருத்³தி⁴: க்வ ச வா ஹானிஸ்தவ சின்மாத்ரரூபிண: ॥ 15-1௦॥

த்வய்யனந்தமஹாம்போ⁴தௌ⁴ விஶ்வவீசி: ஸ்வபா⁴வத: ।
உதே³து வாஸ்தமாயாது ந தே வ்ருத்³தி⁴ர்ன வா க்ஷதி: ॥ 15-11॥

தாத சின்மாத்ரரூபோஸி ந தே பி⁴ன்னமித³ம் ஜக³த் ।
அத: கஸ்ய கத²ம் குத்ர ஹேயோபாதே³யகல்பனா ॥ 15-12॥

ஏகஸ்மின்னவ்யயே ஶாந்தே சிதா³காஶேமலே த்வயி ।
குதோ ஜன்ம குதோ கர்ம குதோஹங்கார ஏவ ச ॥ 15-13॥

யத்த்வம் பஶ்யஸி தத்ரைகஸ்த்வமேவ ப்ரதிபா⁴ஸஸே ।
கிம் ப்ருத²க் பா⁴ஸதே ஸ்வர்ணாத் கடகாங்க³த³னூபுரம் ॥ 15-14॥

அயம் ஸோஹமயம் நாஹம் விபா⁴க³மிதி ஸந்த்யஜ ।
ஸர்வமாத்மேதி நிஶ்சித்ய நி:ஸங்கல்ப: ஸுகீ² ப⁴வ ॥ 15-15॥

தவைவாஜ்ஞானதோ விஶ்வம் த்வமேக: பரமார்த²த: ।
த்வத்தோன்யோ நாஸ்தி ஸம்ஸாரீ நாஸம்ஸாரீ ச கஶ்சன ॥ 15-16॥

ப்⁴ராந்திமாத்ரமித³ம் விஶ்வம் ந கிஞ்சிதி³தி நிஶ்சயீ ।
நிர்வாஸன: ஸ்பூ²ர்திமாத்ரோ ந கிஞ்சிதி³வ ஶாம்யதி ॥ 15-17॥

ஏக ஏவ ப⁴வாம்போ⁴தா⁴வாஸீத³ஸ்தி ப⁴விஷ்யதி ।
ந தே ப³ந்தோ⁴ஸ்தி மோக்ஷோ வா க்ருதக்ருத்ய: ஸுக²ம் சர ॥ 15-18॥

மா ஸங்கல்பவிகல்பாப்⁴யாம் சித்தம் க்ஷோப⁴ய சின்மய ।
உபஶாம்ய ஸுக²ம் திஷ்ட² ஸ்வாத்மன்யானந்த³விக்³ரஹே ॥ 15-19॥

த்யஜைவ த்⁴யானம் ஸர்வத்ர மா கிஞ்சித்³ ஹ்ருதி³ தா⁴ரய ।
ஆத்மா த்வம் முக்த ஏவாஸி கிம் விம்ருஶ்ய கரிஷ்யஸி ॥ 15-2௦॥