அஷ்டாவக்ர கீ³தா ஸப்தத³ஶோத்⁴யாய:

அஷ்டாவக்ர உவாச ॥
தேன ஜ்ஞானப²லம் ப்ராப்தம் யோகா³ப்⁴யாஸப²லம் ததா² ।
த்ருப்த: ஸ்வச்சே²ந்த்³ரியோ நித்யமேகாகீ ரமதே து ய: ॥ 17-1॥

ந கதா³சிஜ்ஜக³த்யஸ்மின் தத்த்வஜ்ஞோ ஹந்த கி²த்³யதி ।
யத ஏகேன தேனேத³ம் பூர்ணம் ப்³ரஹ்மாண்ட³மண்ட³லம் ॥ 17-2॥

ந ஜாது விஷயா: கேபி ஸ்வாராமம் ஹர்ஷயந்த்யமீ ।
ஸல்லகீபல்லவப்ரீதமிவேப⁴ம் நிம்ப³பல்லவா: ॥ 17-3॥

யஸ்து போ⁴கே³ஷு பு⁴க்தேஷு ந ப⁴வத்யதி⁴வாஸித: ।
அபு⁴க்தேஷு நிராகாங்க்ஷீ தாத்³ருஶோ ப⁴வது³ர்லப:⁴ ॥ 17-4॥

பு³பு⁴க்ஷுரிஹ ஸம்ஸாரே முமுக்ஷுரபி த்³ருஶ்யதே ।
போ⁴க³மோக்ஷனிராகாங்க்ஷீ விரலோ ஹி மஹாஶய: ॥ 17-5॥

த⁴ர்மார்த²காமமோக்ஷேஷு ஜீவிதே மரணே ததா² ।
கஸ்யாப்யுதா³ரசித்தஸ்ய ஹேயோபாதே³யதா ந ஹி ॥ 17-6॥

வாஞ்சா² ந விஶ்வவிலயே ந த்³வேஷஸ்தஸ்ய ச ஸ்தி²தௌ ।
யதா² ஜீவிகயா தஸ்மாத்³ த⁴ன்ய ஆஸ்தே யதா² ஸுக²ம் ॥ 17-7॥

க்ருதார்தோ²னேன ஜ்ஞானேனேத்யேவம் க³லிததீ⁴: க்ருதீ ।
பஶ்யன் ஶ்ருண்வன் ஸ்ப்ருஶன் ஜிக்⁴ரன்ன்
அஶ்னன்னாஸ்தே யதா² ஸுக²ம் ॥ 17-8॥

ஶூன்யா த்³ருஷ்டிர்வ்ருதா² சேஷ்டா விகலானீந்த்³ரியாணி ச ।
ந ஸ்ப்ருஹா ந விரக்திர்வா க்ஷீணஸம்ஸாரஸாக³ரே ॥ 17-9॥

ந ஜாக³ர்தி ந நித்³ராதி நோன்மீலதி ந மீலதி ।
அஹோ பரத³ஶா க்வாபி வர்ததே முக்தசேதஸ: ॥ 17-1௦॥

ஸர்வத்ர த்³ருஶ்யதே ஸ்வஸ்த:² ஸர்வத்ர விமலாஶய: ।
ஸமஸ்தவாஸனா முக்தோ முக்த: ஸர்வத்ர ராஜதே ॥ 17-11॥

பஶ்யன் ஶ்ருண்வன் ஸ்ப்ருஶன் ஜிக்⁴ரன்ன் அஶ்னன்
க்³ருஹ்ணன் வத³ன் வ்ரஜன் ।
ஈஹிதானீஹிதைர்முக்தோ முக்த ஏவ மஹாஶய: ॥ 17-12॥

ந நிந்த³தி ந ச ஸ்தௌதி ந ஹ்ருஷ்யதி ந குப்யதி ।
ந த³தா³தி ந க்³ருஹ்ணாதி முக்த: ஸர்வத்ர நீரஸ: ॥ 17-13॥

ஸானுராகா³ம் ஸ்த்ரியம் த்³ருஷ்ட்வா ம்ருத்யும் வா ஸமுபஸ்தி²தம் ।
அவிஹ்வலமனா: ஸ்வஸ்தோ² முக்த ஏவ மஹாஶய: ॥ 17-14॥

ஸுகே² து³:கே² நரே நார்யாம் ஸம்பத்ஸு ச விபத்ஸு ச ।
விஶேஷோ நைவ தீ⁴ரஸ்ய ஸர்வத்ர ஸமத³ர்ஶின: ॥ 17-15॥

ந ஹிம்ஸா நைவ காருண்யம் நௌத்³த⁴த்யம் ந ச தீ³னதா ।
நாஶ்சர்யம் நைவ ச க்ஷோப:⁴ க்ஷீணஸம்ஸரணே நரே ॥ 17-16॥

ந முக்தோ விஷயத்³வேஷ்டா ந வா விஷயலோலுப: ।
அஸம்ஸக்தமனா நித்யம் ப்ராப்தாப்ராப்தமுபாஶ்னுதே ॥ 17-17॥

ஸமாதா⁴னாஸமாதா⁴னஹிதாஹிதவிகல்பனா: ।
ஶூன்யசித்தோ ந ஜானாதி கைவல்யமிவ ஸம்ஸ்தி²த: ॥ 17-18॥

நிர்மமோ நிரஹங்காரோ ந கிஞ்சிதி³தி நிஶ்சித: ।
அந்தர்க³லிதஸர்வாஶ: குர்வன்னபி கரோதி ந ॥ 17-19॥

மன:ப்ரகாஶஸம்மோஹஸ்வப்னஜாட்³யவிவர்ஜித: ।
த³ஶாம் காமபி ஸம்ப்ராப்தோ ப⁴வேத்³ க³லிதமானஸ: ॥ 17-2௦॥