ମୁଂଡକ ଉପନିଷଦ୍ – ପ୍ରଥମ ମୁଂଡକ, ପ୍ରଥମ କାଂଡଃ
ଓଂ ଭ॒ଦ୍ରଂ କର୍ଣେ॑ଭିଃ ଶୃଣୁ॒ୟାମ॑ ଦେଵାଃ । ଭ॒ଦ୍ରଂ ପ॑ଶ୍ୟେମା॒କ୍ଷଭି॒-ର୍ୟଜ॑ତ୍ରାଃ । ସ୍ଥି॒ରୈରଂଗୈ᳚ସ୍ତୁଷ୍ଟୁ॒ଵାଗ୍ମ୍ ସ॑ସ୍ତ॒ନୂଭିଃ॑ । ଵ୍ୟଶେ॑ମ ଦେ॒ଵହି॑ତଂ॒-ୟଁଦାୟୁଃ॑ । ସ୍ଵ॒ସ୍ତି ନ॒ ଇଂଦ୍ରୋ॑ ଵୃ॒ଦ୍ଧଶ୍ର॑ଵାଃ । ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ । ସ୍ଵ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମିଃ । ସ୍ଵ॒ସ୍ତି ନୋ॒ ବୃହ॒ସ୍ପତି॑-ର୍ଦଧାତୁ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
॥ ଓଂ ବ୍ରହ୍ମଣେ ନମଃ ॥
॥ ପ୍ରଥମମୁଂଡକେ ପ୍ରଥମଃ ଖଂଡଃ ॥
ଓଂ ବ୍ରହ୍ମା ଦେଵାନାଂ ପ୍ରଥମଃ ସଂବଭୂଵ ଵିଶ୍ଵସ୍ୟ କର୍ତା
ଭୁଵନସ୍ୟ ଗୋପ୍ତା । ସ ବ୍ରହ୍ମଵିଦ୍ୟାଂ ସର୍ଵଵିଦ୍ୟାପ୍ରତିଷ୍ଠାମଥର୍ଵାୟ
ଜ୍ୟେଷ୍ଠପୁତ୍ରାୟ ପ୍ରାହ ॥ 1॥
ଅଥର୍ଵଣେ ୟାଂ ପ୍ରଵଦେତ ବ୍ରହ୍ମାଽଥର୍ଵା ତାଂ
ପୁରୋଵାଚାଂଗିରେ ବ୍ରହ୍ମଵିଦ୍ୟାମ୍ ।
ସ ଭାରଦ୍ଵାଜାୟ ସତ୍ୟଵାହାୟ ପ୍ରାହ
ଭାରଦ୍ଵାଜୋଽଂଗିରସେ ପରାଵରାମ୍ ॥ 2॥
ଶୌନକୋ ହ ଵୈ ମହାଶାଲୋଽଂଗିରସଂ-ଵିଁଧିଵଦୁପସନ୍ନଃ ପପ୍ରଚ୍ଛ ।
କସ୍ମିନ୍ନୁ ଭଗଵୋ ଵିଜ୍ଞାତେ ସର୍ଵମିଦଂ-ଵିଁଜ୍ଞାତଂ ଭଵତୀତି ॥ 3॥
ତସ୍ମୈ ସ ହୋଵାଚ ।
ଦ୍ଵେ ଵିଦ୍ୟେ ଵେଦିତଵ୍ୟେ ଇତି ହ ସ୍ମ
ୟଦ୍ବ୍ରହ୍ମଵିଦୋ ଵଦଂତି ପରା ଚୈଵାପରା ଚ ॥ 4॥
ତତ୍ରାପରା ଋଗ୍ଵେଦୋ ୟଜୁର୍ଵେଦଃ ସାମଵେଦୋଽଥର୍ଵଵେଦଃ
ଶିକ୍ଷା କଲ୍ପୋ ଵ୍ୟାକରଣଂ ନିରୁକ୍ତଂ ଛଂଦୋ ଜ୍ୟୋତିଷମିତି ।
ଅଥ ପରା ୟୟା ତଦକ୍ଷରମଧିଗମ୍ୟତେ ॥ 5॥
ୟତ୍ତଦଦ୍ରେଶ୍ୟମଗ୍ରାହ୍ୟମଗୋତ୍ରମଵର୍ଣ-
ମଚକ୍ଷୁଃଶ୍ରୋତ୍ରଂ ତଦପାଣିପାଦମ୍ ।
ନିତ୍ୟଂ-ଵିଁଭୁଂ ସର୍ଵଗତଂ ସୁସୂକ୍ଷ୍ମଂ
ତଦଵ୍ୟୟଂ-ୟଁଦ୍ଭୂତୟୋନିଂ ପରିପଶ୍ୟଂତି ଧୀରାଃ ॥ 6॥
ୟଥୋର୍ଣନାଭିଃ ସୃଜତେ ଗୃହ୍ଣତେ ଚ
ୟଥା ପୃଥିଵ୍ୟାମୋଷଧୟଃ ସଂଭଵଂତି ।
ୟଥା ସତଃ ପୁରୁଷାତ୍ କେଶଲୋମାନି
ତଥାଽକ୍ଷରାତ୍ ସଂଭଵତୀହ ଵିଶ୍ଵମ୍ ॥ 7॥
ତପସା ଚୀୟତେ ବ୍ରହ୍ମ ତତୋଽନ୍ନମଭିଜାୟତେ ।
ଅନ୍ନାତ୍ ପ୍ରାଣୋ ମନଃ ସତ୍ୟଂ-ଲୋଁକାଃ କର୍ମସୁ ଚାମୃତମ୍ ॥ 8॥
ୟଃ ସର୍ଵଜ୍ଞଃ ସର୍ଵଵିଦ୍ୟସ୍ୟ ଜ୍ଞାନମୟଂ ତପଃ ।
ତସ୍ମାଦେତଦ୍ବ୍ରହ୍ମ ନାମ ରୂପମନ୍ନଂ ଚ ଜାୟତେ ॥ 9॥
॥ ଇତି ମୁଂଡକୋପନିଷଦି ପ୍ରଥମମୁଂଡକେ ପ୍ରଥମଃ ଖଂଡଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ମୁଂଡକ ଉପନିଷଦ୍ - ପ୍ରଥମ ମୁଂଡକ, ପ୍ରଥମ କାଂଡଃ?
ମୁଂଡକ ଉପନିଷଦ୍ - ପ୍ରଥମ ମୁଂଡକ, ପ୍ରଥମ କାଂଡଃ is a Upanishads available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ମୁଂଡକ ଉପନିଷଦ୍ - ପ୍ରଥମ ମୁଂଡକ, ପ୍ରଥମ କାଂଡଃ online?
Yes. The imported text is available directly on this page for online reading and recitation.
Can I download ମୁଂଡକ ଉପନିଷଦ୍ - ପ୍ରଥମ ମୁଂଡକ, ପ୍ରଥମ କାଂଡଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.