ମାଂଡୂକ୍ୟ ଉପନିଷଦ୍
ଓଂ ଭ॒ଦ୍ରଂ କର୍ଣେ॑ଭିଃ ଶୃଣୁ॒ୟାମ॑ ଦେଵାଃ । ଭ॒ଦ୍ରଂ ପ॑ଶ୍ୟେମା॒କ୍ଷଭି॒-ର୍ୟଜ॑ତ୍ରାଃ । ସ୍ଥି॒ରୈରଂଗୈ᳚ସ୍ତୁଷ୍ଟୁ॒ଵାଗ୍ମ୍ ସ॑ସ୍ତ॒ନୂଭିଃ॑ । ଵ୍ୟଶେ॑ମ ଦେ॒ଵହି॑ତଂ॒-ୟଁଦାୟୁଃ॑ । ସ୍ଵ॒ସ୍ତି ନ॒ ଇଂଦ୍ରୋ॑ ଵୃ॒ଦ୍ଧଶ୍ର॑ଵାଃ । ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ । ସ୍ଵ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମିଃ । ସ୍ଵ॒ସ୍ତି ନୋ॒ ବୃହ॒ସ୍ପତି॑-ର୍ଦଧାତୁ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
॥ ଅଥ ମାଂଡୂକ୍ୟୋପନିଷତ୍ ॥
ହରିଃ ଓମ୍ ।
ଓମିତ୍ୟେତଦକ୍ଷରମିଦଗ୍ମ୍ ସର୍ଵଂ ତସ୍ୟୋପଵ୍ୟାଖ୍ୟାନଂ
ଭୂତଂ ଭଵଦ୍ ଭଵିଷ୍ୟଦିତି ସର୍ଵମୋଂକାର ଏଵ
ୟଚ୍ଚାନ୍ୟତ୍ ତ୍ରିକାଲାତୀତଂ ତଦପ୍ୟୋଂକାର ଏଵ ॥ 1 ॥
ସର୍ଵଗ୍ମ୍ ହ୍ୟେତଦ୍ ବ୍ରହ୍ମାୟମାତ୍ମା ବ୍ରହ୍ମ ସୋଽୟମାତ୍ମା ଚତୁଷ୍ପାତ୍ ॥ 2 ॥
ଜାଗରିତସ୍ଥାନୋ ବହିଷ୍ପ୍ରଜ୍ଞଃ ସପ୍ତାଂଗ ଏକୋନଵିଂଶତିମୁଖଃ
ସ୍ଥୂଲଭୁଗ୍ଵୈଶ୍ଵାନରଃ ପ୍ରଥମଃ ପାଦଃ ॥ 3 ॥
ସ୍ଵପ୍ନସ୍ଥାନୋଽଂତଃପ୍ରଜ୍ଞଃ ସପ୍ତାଂଗ ଏକୋନଵିଂଶତିମୁଖଃ
ପ୍ରଵିଵିକ୍ତଭୁକ୍ତୈଜସୋ ଦ୍ଵିତୀୟଃ ପାଦଃ ॥ 4 ॥
ୟତ୍ର ସୁପ୍ତୋ ନ କଂଚନ କାମଂ କାମୟତେ ନ କଂଚନ ସ୍ଵପ୍ନଂ
ପଶ୍ୟତି ତତ୍ ସୁଷୁପ୍ତମ୍ । ସୁଷୁପ୍ତସ୍ଥାନ ଏକୀଭୂତଃ ପ୍ରଜ୍ଞାନଘନ
ଏଵାନଂଦମୟୋ ହ୍ୟାନଂଦଭୁକ୍ ଚେତୋମୁଖଃ ପ୍ରାଜ୍ଞସ୍ତୃତୀୟଃ ପାଦଃ ॥ 5 ॥
ଏଷ ସର୍ଵେଶ୍ଵରଃ ଏଷ ସର୍ଵଜ୍ଞ ଏଷୋଽଂତର୍ୟାମ୍ୟେଷ ୟୋନିଃ ସର୍ଵସ୍ୟ
ପ୍ରଭଵାପ୍ୟୟୌ ହି ଭୂତାନାମ୍ ॥ 6 ॥
ନାଂତଃପ୍ରଜ୍ଞଂ ନ ବହିଷ୍ପ୍ରଜ୍ଞଂ ନୋଭୟତଃପ୍ରଜ୍ଞଂ ନ ପ୍ରଜ୍ଞାନଘନଂ
ନ ପ୍ରଜ୍ଞଂ ନାପ୍ରଜ୍ଞମ୍ । ଅଦୃଷ୍ଟମଵ୍ୟଵହାର୍ୟମଗ୍ରାହ୍ୟମଲକ୍ଷଣଂ
ଅଚିଂତ୍ୟମଵ୍ୟପଦେଶ୍ୟମେକାତ୍ମପ୍ରତ୍ୟୟସାରଂ ପ୍ରପଂଚୋପଶମଂ
ଶାଂତଂ ଶିଵମଦ୍ଵୈତଂ ଚତୁର୍ଥଂ ମନ୍ୟଂତେ ସ ଆତ୍ମା ସ ଵିଜ୍ଞେୟଃ ॥ 7 ॥
ସୋଽୟମାତ୍ମାଧ୍ୟକ୍ଷରମୋଂକାରୋଽଧିମାତ୍ରଂ ପାଦା ମାତ୍ରା ମାତ୍ରାଶ୍ଚ ପାଦା
ଅକାର ଉକାରୋ ମକାର ଇତି ॥ 8 ॥
ଜାଗରିତସ୍ଥାନୋ ଵୈଶ୍ଵାନରୋଽକାରଃ ପ୍ରଥମା ମାତ୍ରାଽଽପ୍ତେରାଦିମତ୍ତ୍ଵାଦ୍
ଵାଽଽପ୍ନୋତି ହ ଵୈ ସର୍ଵାନ୍ କାମାନାଦିଶ୍ଚ ଭଵତି ୟ ଏଵଂ-ଵେଁଦ ॥ 9 ॥
ସ୍ଵପ୍ନସ୍ଥାନସ୍ତୈଜସ ଉକାରୋ ଦ୍ଵିତୀୟା ମାତ୍ରୋତ୍କର୍ଷାତ୍
ଉଭୟତ୍ଵାଦ୍ଵୋତ୍କର୍ଷତି ହ ଵୈ ଜ୍ଞାନସଂତତିଂ ସମାନଶ୍ଚ ଭଵତି
ନାସ୍ୟାବ୍ରହ୍ମଵିତ୍କୁଲେ ଭଵତି ୟ ଏଵଂ-ଵେଁଦ ॥ 10 ॥
ସୁଷୁପ୍ତସ୍ଥାନଃ ପ୍ରାଜ୍ଞୋ ମକାରସ୍ତୃତୀୟା ମାତ୍ରା ମିତେରପୀତେର୍ଵା
ମିନୋତି ହ ଵା ଇଦଂ ସର୍ଵମପୀତିଶ୍ଚ ଭଵତି ୟ ଏଵଂ-ଵେଁଦ ॥ 11 ॥
ଅମାତ୍ରଶ୍ଚତୁର୍ଥୋଽଵ୍ୟଵହାର୍ୟଃ ପ୍ରପଂଚୋପଶମଃ ଶିଵୋଽଦ୍ଵୈତ
ଏଵମୋଂକାର ଆତ୍ମୈଵ ସଂଵିଁଶତ୍ୟାତ୍ମନାଽଽତ୍ମାନଂ-ୟଁ ଏଵଂ-ଵେଁଦ ॥ 12 ॥
॥ ଇତି ମାଂଡୂକ୍ୟୋପନିଷତ୍ ସମାପ୍ତା ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ମାଂଡୂକ୍ୟ ଉପନିଷଦ୍?
ମାଂଡୂକ୍ୟ ଉପନିଷଦ୍ is a Upanishads available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ମାଂଡୂକ୍ୟ ଉପନିଷଦ୍ online?
Yes. The imported text is available directly on this page for online reading and recitation.
Can I download ମାଂଡୂକ୍ୟ ଉପନିଷଦ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.