ତୈତ୍ତିରୀୟ ଉପନିଷଦ୍ – ଆନନ୍ଦଵଲ୍ଲୀ
(ତୈ. ଆ. 8-1-1)
ଓଂ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟ॑-ଙ୍କରଵାଵହୈ । ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ । ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
ବ୍ର॒ହ୍ମ॒ଵିଦା᳚ପ୍ନୋତି॒ ପରମ୍᳚ । ତଦେ॒ଷା-ଽଭ୍ୟୁ॑କ୍ତା । ସ॒ତ୍ୟ-ଞ୍ଜ୍ଞା॒ନମ॑ନ॒ନ୍ତ-ମ୍ବ୍ରହ୍ମ॑ । ୟୋ ଵେଦ॒ ନିହି॑ତ॒-ଙ୍ଗୁହା॑ୟା-ମ୍ପର॒ମେ ଵ୍ୟୋ॑ମନ୍ନ୍ । ସୋ᳚-ଽଶ୍ନୁ॒ତେ ସର୍ଵା॒ନ୍କାମା᳚ନ୍ଥ୍ସ॒ହ । ବ୍ରହ୍ମ॑ଣା ଵିପ॒ଶ୍ଚିତେତି॑ ॥ ତସ୍ମା॒ଦ୍ଵା ଏ॒ତସ୍ମା॑ଦା॒ତ୍ମନ॑ ଆକା॒ଶସ୍ସମ୍ଭୂ॑ତଃ । ଆ॒କା॒ଶାଦ୍ଵା॒ୟୁଃ । ଵା॒ୟୋର॒ଗ୍ନିଃ । ଅ॒ଗ୍ନେରାପଃ॑ । ଅ॒ଦ୍ଭ୍ୟଃ ପୃ॑ଥି॒ଵୀ । ପୃ॒ଥି॒ଵ୍ୟା ଓଷ॑ଧୟଃ । ଓଷ॑ଧୀ॒ଭ୍ୟୋ-ଽନ୍ନମ୍᳚ । ଅନ୍ନା॒ତ୍ପୁରୁ॑ଷଃ । ସ ଵା ଏଷ ପୁରୁଷୋ-ଽନ୍ନ॑ରସ॒ମୟଃ । ତସ୍ୟେଦ॑ମେଵ॒ ଶିରଃ । ଅୟ-ନ୍ଦକ୍ଷି॑ଣଃ ପ॒କ୍ଷଃ । ଅୟମୁତ୍ତ॑ରଃ ପ॒କ୍ଷଃ । ଅୟମାତ୍ମା᳚ । ଇଦ-ମ୍ପୁଚ୍ଛ॑-ମ୍ପ୍ରତି॒ଷ୍ଠା । ତଦପ୍ୟେଷ ଶ୍ଲୋ॑କୋ ଭ॒ଵତି ॥ 1 ॥
ଇତି ପ୍ରଥମୋ-ଽନୁଵାକଃ ॥
ଅନ୍ନା॒ଦ୍ଵୈ ପ୍ର॒ଜାଃ ପ୍ର॒ଜାୟ॑ନ୍ତେ । ୟାଃ କାଶ୍ଚ॑ ପୃଥି॒ଵୀଗ୍ ଶ୍ରି॒ତାଃ । ଅଥୋ॒ ଅନ୍ନେ॑ନୈ॒ଵ ଜୀ॑ଵନ୍ତି । ଅଥୈ॑ନ॒ଦପି॑ ୟନ୍ତ୍ୟନ୍ତ॒ତଃ । ଅନ୍ନ॒ଗ୍ମ୍॒ ହି ଭୂ॒ତାନା॒-ଞ୍ଜ୍ୟେଷ୍ଠମ୍᳚ । ତସ୍ମା᳚ଥ୍ସର୍ଵୌଷ॒ଧମୁ॑ଚ୍ୟତେ । ସର୍ଵଂ॒-ଵୈଁ ତେ-ଽନ୍ନ॑ମାପ୍ନୁଵନ୍ତି । ୟେ-ଽନ୍ନ॒-ମ୍ବ୍ରହ୍ମୋ॒ପାସ॑ତେ । ଅନ୍ନ॒ଗ୍ମ୍॒ ହି ଭୂ॒ତାନା॒-ଞ୍ଜ୍ୟେଷ୍ଠମ୍᳚ । ତସ୍ମା᳚ଥ୍ସର୍ଵୌଷ॒ଧମୁ॑ଚ୍ୟତେ । ଅନ୍ନା᳚ଦ୍ଭୂ॒ତାନି॒ ଜାୟ॑ନ୍ତେ । ଜାତା॒ନ୍ୟନ୍ନେ॑ନ ଵର୍ଧନ୍ତେ । ଅଦ୍ୟତେ-ଽତ୍ତି ଚ॑ ଭୂତା॒ନି । ତସ୍ମାଦନ୍ନ-ନ୍ତଦୁଚ୍ୟ॑ତ ଇ॒ତି । ତସ୍ମାଦ୍ଵା ଏତସ୍ମାଦନ୍ନ॑ରସ॒ମୟାତ୍ । ଅନ୍ୟୋ-ଽନ୍ତର ଆତ୍ମା᳚ ପ୍ରାଣ॒ମୟଃ । ତେନୈ॑ଷ ପୂ॒ର୍ଣଃ । ସ ଵା ଏଷ ପୁରୁଷଵି॑ଧ ଏ॒ଵ । ତସ୍ୟ ପୁରୁ॑ଷଵି॒ଧତାମ୍ । ଅନ୍ଵୟ॑-ମ୍ପୁରୁଷ॒ଵିଧଃ । ତସ୍ୟ ପ୍ରାଣ॑ ଏଵ॒ ଶିରଃ । ଵ୍ୟାନୋ ଦକ୍ଷି॑ଣଃ ପ॒କ୍ଷଃ । ଅପାନ ଉତ୍ତ॑ରଃ ପ॒କ୍ଷଃ । ଆକା॑ଶ ଆ॒ତ୍ମା । ପୃଥିଵୀ ପୁଚ୍ଛ॑-ମ୍ପ୍ରତି॒ଷ୍ଠା । ତଦପ୍ୟେଷ ଶ୍ଲୋ॑କୋ ଭ॒ଵତି ॥ 1 ॥
ଇତି ଦ୍ଵିତୀୟୋ-ଽନୁଵାକଃ ॥
ପ୍ରା॒ଣ-ନ୍ଦେ॒ଵା ଅନୁ॒ପ୍ରାଣ॑ନ୍ତି । ମ॒ନୁ॒ଷ୍ୟାଃ᳚ ପ॒ଶଵ॑ଶ୍ଚ॒ ୟେ । ପ୍ରା॒ଣୋ ହି ଭୂ॒ତାନା॒ମାୟୁଃ॑ । ତସ୍ମା᳚ଥ୍ସର୍ଵାୟୁ॒ଷମୁ॑ଚ୍ୟତେ । ସର୍ଵ॑ମେ॒ଵ ତ॒ ଆୟୁ॑ର୍ୟନ୍ତି । ୟେ ପ୍ରା॒ଣ-ମ୍ବ୍ରହ୍ମୋ॒ପାସ॑ତେ । ପ୍ରାଣୋ ହି ଭୂତା॑ନାମା॒ୟୁଃ । ତସ୍ମାଥ୍ସର୍ଵାୟୁଷମୁଚ୍ୟ॑ତ ଇ॒ତି । ତସ୍ୟୈଷ ଏଵ ଶାରୀ॑ର ଆ॒ତ୍ମା । ୟଃ॑ ପୂର୍ଵ॒ସ୍ୟ । ତସ୍ମାଦ୍ଵା ଏତସ୍ମା᳚ତ୍ପ୍ରାଣ॒ମୟାତ୍ । ଅନ୍ୟୋ-ଽନ୍ତର ଆତ୍ମା॑ ମନୋ॒ମୟଃ । ତେନୈ॑ଷ ପୂ॒ର୍ଣଃ । ସ ଵା ଏଷ ପୁରୁଷଵି॑ଧ ଏ॒ଵ । ତସ୍ୟ ପୁରୁ॑ଷଵି॒ଧତାମ୍ । ଅନ୍ଵୟ॑-ମ୍ପୁରୁଷ॒ଵିଧଃ । ତସ୍ୟ ୟଜୁ॑ରେଵ॒ ଶିରଃ । ଋଗ୍ଦକ୍ଷି॑ଣଃ ପ॒କ୍ଷଃ । ସାମୋତ୍ତ॑ରଃ ପ॒କ୍ଷଃ । ଆଦେ॑ଶ ଆ॒ତ୍ମା । ଅଥର୍ଵାଙ୍ଗିରସଃ ପୁଚ୍ଛ॑-ମ୍ପ୍ରତି॒ଷ୍ଠା । ତଦପ୍ୟେଷ ଶ୍ଲୋ॑କୋ ଭ॒ଵତି ॥ 1 ॥
ଇତି ତୃତୀୟୋ-ଽନୁଵାକଃ ॥
ୟତୋ॒ ଵାଚୋ॒ ନିଵ॑ର୍ତନ୍ତେ । ଅପ୍ରା᳚ପ୍ୟ॒ ମନ॑ସା ସ॒ହ । ଆନନ୍ଦ-ମ୍ବ୍ରହ୍ମ॑ଣୋ ଵି॒ଦ୍ଵାନ୍ । ନ ବିଭେତି କଦା॑ଚନେ॒ତି । ତସ୍ୟୈଷ ଏଵ ଶାରୀ॑ର ଆ॒ତ୍ମା । ୟଃ॑ ପୂର୍ଵ॒ସ୍ୟ । ତସ୍ମାଦ୍ଵା ଏତସ୍ମା᳚ନ୍ମନୋ॒ମୟାତ୍ । ଅନ୍ୟୋ-ଽନ୍ତର ଆତ୍ମା ଵି॑ଜ୍ଞାନ॒ମୟଃ । ତେନୈ॑ଷ ପୂ॒ର୍ଣଃ । ସ ଵା ଏଷ ପୁରୁଷଵି॑ଧ ଏ॒ଵ । ତସ୍ୟ ପୁରୁ॑ଷଵି॒ଧତାମ୍ । ଅନ୍ଵୟ॑-ମ୍ପୁରୁଷ॒ଵିଧଃ । ତସ୍ୟ ଶ୍ର॑ଦ୍ଧୈଵ॒ ଶିରଃ । ଋତ-ନ୍ଦକ୍ଷି॑ଣଃ ପ॒କ୍ଷଃ । ସତ୍ୟମୁତ୍ତ॑ରଃ ପ॒କ୍ଷଃ । ୟୋ॑ଗ ଆ॒ତ୍ମା । ମହଃ ପୁଚ୍ଛ॑-ମ୍ପ୍ରତି॒ଷ୍ଠା । ତଦପ୍ୟେଷ ଶ୍ଲୋ॑କୋ ଭ॒ଵତି ॥ 1 ॥
ଇତି ଚତୁର୍ଥୋ-ଽନୁଵାକଃ ॥
ଵି॒ଜ୍ଞାନଂ॑-ୟଁ॒ଜ୍ଞ-ନ୍ତ॑ନୁତେ । କର୍ମା॑ଣି ତନୁ॒ତେ-ଽପି॑ ଚ । ଵି॒ଜ୍ଞାନ॑-ନ୍ଦେ॒ଵାସ୍ସର୍ଵେ᳚ । ବ୍ରହ୍ମ॒ ଜ୍ୟେଷ୍ଠ॒ମୁପା॑ସତେ । ଵି॒ଜ୍ଞାନ॒-ମ୍ବ୍ରହ୍ମ॒ ଚେଦ୍ଵେଦ॑ । ତସ୍ମା॒ଚ୍ଚେନ୍ନ ପ୍ର॒ମାଦ୍ୟ॑ତି । ଶ॒ରୀରେ॑ ପାପ୍ମ॑ନୋ ହି॒ତ୍ଵା । ସର୍ଵାନ୍କାମାନ୍ଥ୍ସମଶ୍ନୁ॑ତ ଇ॒ତି । ତସ୍ୟୈଷ ଏଵ ଶାରୀ॑ର ଆ॒ତ୍ମା । ୟଃ॑ ପୂର୍ଵ॒ସ୍ୟ । ତସ୍ମାଦ୍ଵା ଏତସ୍ମାଦ୍ଵି॑ଜ୍ଞାନ॒ମୟାତ୍ । ଅନ୍ୟୋ-ଽନ୍ତର ଆତ୍ମା॑-ଽଽନନ୍ଦ॒ମୟଃ । ତେନୈ॑ଷ ପୂ॒ର୍ଣଃ । ସ ଵା ଏଷ ପୁରୁଷଵି॑ଧ ଏ॒ଵ । ତସ୍ୟ ପୁରୁ॑ଷଵି॒ଧତାମ୍ । ଅନ୍ଵୟ॑-ମ୍ପୁରୁଷ॒ଵିଧଃ । ତସ୍ୟ ପ୍ରିୟ॑ମେଵ॒ ଶିରଃ । ମୋଦୋ ଦକ୍ଷି॑ଣଃ ପ॒କ୍ଷଃ । ପ୍ରମୋଦ ଉତ୍ତ॑ରଃ ପ॒କ୍ଷଃ । ଆନ॑ନ୍ଦ ଆ॒ତ୍ମା । ବ୍ରହ୍ମ ପୁଚ୍ଛ॑-ମ୍ପ୍ରତି॒ଷ୍ଠା । ତଦପ୍ୟେଷ ଶ୍ଲୋ॑କୋ ଭ॒ଵତି ॥ 1 ॥
ଇତି ପଞ୍ଚମୋ-ଽନୁଵାକଃ ॥
ଅସ॑ନ୍ନେ॒ଵ ସ॑ ଭଵତି । ଅସ॒ଦ୍ବ୍ରହ୍ମେତି॒ ଵେଦ॒ ଚେତ୍ । ଅସ୍ତି ବ୍ରହ୍ମେତି॑ ଚେଦ୍ଵେ॒ଦ । ସନ୍ତମେନ-ନ୍ତତୋ ଵି॑ଦୁରି॒ତି । ତସ୍ୟୈଷ ଏଵ ଶାରୀ॑ର ଆ॒ତ୍ମା । ୟଃ॑ ପୂର୍ଵ॒ସ୍ୟ । ଅଥାତୋ॑-ଽନୁପ୍ର॒ଶ୍ନାଃ । ଉ॒ତାଵି॒ଦ୍ଵାନ॒ମୁଂ-ଲୋଁ॒କ-ମ୍ପ୍ରେତ୍ୟ॑ । କଶ୍ଚ॒ନ ଗ॑ଚ୍ଛ॒ତୀ(3) । ଆହୋ॑ ଵି॒ଦ୍ଵାନ॒ମୁଂ-ଲୋଁ॒କ-ମ୍ପ୍ରେତ୍ୟ॑ । କଶ୍ଚି॒ଥ୍ସମ॑ଶ୍ନୁ॒ତା(3) ଉ॒ । ସୋ॑-ଽକାମୟତ । ବ॒ହୁସ୍ୟା॒-ମ୍ପ୍ରଜା॑ୟେ॒ୟେତି॑ । ସ ତପୋ॑-ଽତପ୍ୟତ । ସ ତପ॑ସ୍ତ॒ପ୍ତ୍ଵା । ଇ॒ଦଗ୍ମ୍ ସର୍ଵ॑ମସୃଜତ । ୟଦି॒ଦ-ଙ୍କିଞ୍ଚ॑ । ତଥ୍ସୃ॒ଷ୍ଟ୍ଵା । ତଦେ॒ଵାନୁ॒ପ୍ରାଵି॑ଶତ୍ । ତଦ॑ନୁ ପ୍ର॒ଵିଶ୍ୟ॑ । ସଚ୍ଚ॒ ତ୍ୟଚ୍ଚା॑ଭଵତ୍ । ନି॒ରୁକ୍ତ॒-ଞ୍ଚାନି॑ରୁକ୍ତ-ଞ୍ଚ । ନି॒ଲୟ॑ନ॒-ଞ୍ଚାନି॑ଲୟନ-ଞ୍ଚ । ଵି॒ଜ୍ଞାନ॒-ଞ୍ଚାଵି॑ଜ୍ଞାନ-ଞ୍ଚ । ସତ୍ୟ-ଞ୍ଚାନୃତ-ଞ୍ଚ ସ॑ତ୍ୟମ॒ଭଵତ୍ । ୟଦି॑ଦ-ଙ୍କି॒ଞ୍ଚ । ତତ୍ସତ୍ୟମି॑ତ୍ୟାଚ॒କ୍ଷତେ । ତଦପ୍ୟେଷ ଶ୍ଲୋ॑କୋ ଭ॒ଵତି ॥ 1 ॥
ଇତି ଷଷ୍ଠୋ-ଽନୁଵାକଃ ॥
ଅସ॒ଦ୍ଵା ଇ॒ଦମଗ୍ର॑ ଆସୀତ୍ । ତତୋ॒ ଵୈ ସଦ॑ଜାୟତ । ତଦାତ୍ମାନଗ୍ଗ୍ ସ୍ଵୟ॑ମକୁ॒ରୁତ । ତସ୍ମାତ୍ତଥ୍ସୁକୃତମୁଚ୍ୟ॑ତ ଇ॒ତି । ୟଦ୍ଵୈ॑ ତଥ୍ସୁ॒କୃତମ୍ । ର॑ସୋ ଵୈ॒ ସଃ । ରସଗ୍ଗ୍ ହ୍ୟେଵାୟଂ-ଲଁବ୍ଧ୍ଵା-ଽଽନ॑ନ୍ଦୀ ଭ॒ଵତି । କୋ ହ୍ୟେଵାନ୍ୟା᳚ତ୍କଃ ପ୍ରା॒ଣ୍ୟାତ୍ । ୟଦେଷ ଆକାଶ ଆନ॑ନ୍ଦୋ ନ॒ ସ୍ୟାତ୍ । ଏଷ ହ୍ୟେଵା-ଽଽନ॑ନ୍ଦୟା॒ତି । ୟ॒ଦା ହ୍ୟେ॑ଵୈଷ॒ ଏତସ୍ମିନ୍ନଦୃଶ୍ୟେ-ଽନାତ୍ମ୍ୟେ-ଽନିରୁକ୍ତେ-ଽନିଲୟନେ-ଽଭୟଂ
ପ୍ରତି॑ଷ୍ଠାଂ-ଵିଁ॒ନ୍ଦତେ । ଅଥ ସୋ-ଽଭୟ-ଙ୍ଗ॑ତୋ ଭ॒ଵତି । ୟ॒ଦା ହ୍ୟେ॑ଵୈଷ॒ ଏତସ୍ମିନ୍ନୁଦରମନ୍ତ॑ର-ଙ୍କୁ॒ରୁତେ । ଅଥ ତସ୍ୟ ଭ॑ୟ-ମ୍ଭ॒ଵତି । ତତ୍ତ୍ଵେଵ ଭୟଂ-ଵିଁଦୁଷୋ-ଽମ॑ନ୍ଵାନ॒ସ୍ୟ । ତଦପ୍ୟେଷ ଶ୍ଲୋ॑କୋ ଭ॒ଵତି ॥ 1 ॥
ଇତି ସପ୍ତମୋ-ଽନୁଵାକଃ ॥
ଭୀ॒ଷା-ଽସ୍ମା॒ଦ୍ଵାତଃ॑ ପଵତେ । ଭୀ॒ଷୋଦେ॑ତି॒ ସୂର୍ୟଃ॑ । ଭୀଷା-ଽସ୍ମାଦଗ୍ନି॑ଶ୍ଚେନ୍ଦ୍ର॒ଶ୍ଚ । ମୃତ୍ୟୁର୍ଧାଵତି ପଞ୍ଚ॑ମ ଇ॒ତି । ସୈଷା-ଽଽନନ୍ଦସ୍ୟ ମୀମାଗ୍ମ୍॑ସା ଭ॒ଵତି । ୟୁଵା ସ୍ୟାଥ୍ସାଧୁୟୁ॑ଵା-ଽଧ୍ୟା॒ୟକଃ । ଆଶିଷ୍ଠୋ ଦୃଢିଷ୍ଠୋ॑ ବଲି॒ଷ୍ଠଃ । ତସ୍ୟେୟ-ମ୍ପୃଥିଵୀ ସର୍ଵା ଵିତ୍ତସ୍ୟ॑ ପୂର୍ଣା॒ ସ୍ୟାତ୍ । ସ ଏକୋ ମାନୁଷ॑ ଆନ॒ନ୍ଦଃ । ତେ ୟେ ଶତ-ମ୍ମାନୁଷା॑ ଆନ॒ନ୍ଦାଃ ॥ 1 ॥
ସ ଏକୋ ମନୁଷ୍ୟଗନ୍ଧର୍ଵାଣା॑ମାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ । ତେ ୟେ ଶତ-ମ୍ମନୁଷ୍ୟଗନ୍ଧର୍ଵାଣା॑ମାନ॒ନ୍ଦାଃ । ସ ଏକୋ ଦେଵଗନ୍ଧର୍ଵାଣା॑ମାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ । ତେ ୟେ ଶତ-ନ୍ଦେଵଗନ୍ଧର୍ଵାଣା॑ମାନ॒ନ୍ଦାଃ । ସ ଏକଃ ପିତୃଣା-ଞ୍ଚିରଲୋକଲୋକାନା॑ମାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ । ତେ ୟେ ଶତ-ମ୍ପିତୃଣା-ଞ୍ଚିରଲୋକଲୋକାନା॑ମାନ॒ନ୍ଦାଃ । ସ ଏକ ଆଜାନଜାନା-ନ୍ଦେଵାନା॑ମାନ॒ନ୍ଦଃ ॥ 2 ॥
ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ । ତେ ୟେ ଶତମାଜାନଜାନା-ନ୍ଦେଵାନା॑ମାନ॒ନ୍ଦାଃ । ସ ଏକଃ କର୍ମଦେଵାନା-ନ୍ଦେଵାନା॑ମାନ॒ନ୍ଦଃ । ୟେ କର୍ମଣା ଦେଵାନ॑ପିୟ॒ନ୍ତି । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ । ତେ ୟେ ଶତ-ଙ୍କର୍ମଦେଵାନା-ନ୍ଦେଵାନା॑ମାନ॒ନ୍ଦାଃ । ସ ଏକୋ ଦେଵାନା॑ମାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ । ତେ ୟେ ଶତ-ନ୍ଦେଵାନା॑ମାନ॒ନ୍ଦାଃ । ସ ଏକ ଇନ୍ଦ୍ର॑ସ୍ୟା-ଽଽନ॒ନ୍ଦଃ ॥ 3 ॥
ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ । ତେ ୟେ ଶତମିନ୍ଦ୍ର॑ସ୍ୟା-ଽଽନ॒ନ୍ଦାଃ । ସ ଏକୋ ବୃହସ୍ପତେ॑ରାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ । ତେ ୟେ ଶତ-ମ୍ବୃହସ୍ପତେ॑ରାନ॒ନ୍ଦାଃ । ସ ଏକଃ ପ୍ରଜାପତେ॑ରାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ । ତେ ୟେ ଶତ-ମ୍ପ୍ରଜାପତେ॑ରାନ॒ନ୍ଦାଃ । ସ ଏକୋ ବ୍ରହ୍ମଣ॑ ଆନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥ 4 ॥
ସ ୟଶ୍ଚା॑ୟ-ମ୍ପୁ॒ରୁଷେ । ୟଶ୍ଚାସା॑ଵାଦି॒ତ୍ୟେ । ସ ଏକଃ॑ । ସ ୟ॑ ଏଵଂ॒ଵିଁତ୍ । ଅସ୍ମାଲ୍ଲୋ॑କାତ୍ପ୍ରେ॒ତ୍ୟ । ଏତମନ୍ନମୟମାତ୍ମାନମୁପ॑ସଙ୍କ୍ରା॒ମତି । ଏତ-ମ୍ପ୍ରାଣମୟମାତ୍ମାନମୁପ॑ସଙ୍କ୍ରା॒ମତି । ଏତ-ମ୍ମନୋମୟମାତ୍ମାନମୁପ॑ସଙ୍କ୍ରା॒ମତି । ଏତଂ-ଵିଁଜ୍ଞାନମୟମାତ୍ମାନମୁପ॑ସଙ୍କ୍ରା॒ମତି । ଏତମାନନ୍ଦମୟମାତ୍ମାନମୁପ॑ସଙ୍କ୍ରା॒ମତି । ତଦପ୍ୟେଷ ଶ୍ଲୋ॑କୋ ଭ॒ଵତି ॥ 5 ॥
ଇତ୍ୟଷ୍ଟମୋ-ଽନୁଵାକଃ ॥
ୟତୋ॒ ଵାଚୋ॒ ନିଵ॑ର୍ତନ୍ତେ । ଅପ୍ରା᳚ପ୍ୟ॒ ମନ॑ସା ସ॒ହ । ଆନନ୍ଦ-ମ୍ବ୍ରହ୍ମ॑ଣୋ ଵି॒ଦ୍ଵାନ୍ । ନ ବିଭେତି କୁତ॑ଶ୍ଚନେ॒ତି । ଏତଗ୍ମ୍ ହ ଵାଵ॑ ନ ତ॒ପତି । କିମହଗ୍ମ୍ ସାଧୁ॑ ନାକ॒ରଵମ୍ । କିମହ-ମ୍ପାପମକର॑ଵମି॒ତି । ସ ୟ ଏଵଂ-ଵିଁଦ୍ଵାନେତେ ଆତ୍ମା॑ନଗ୍ଗ୍ ସ୍ପୃ॒ଣୁତେ । ଉ॒ଭେ ହ୍ୟେ॑ଵୈଷ॒ ଏତେ ଆତ୍ମା॑ନଗ୍ଗ୍ ସ୍ପୃ॒ଣୁତେ । ୟ ଏ॒ଵଂ-ଵେଁଦ॑ । ଇତ୍ୟୁ॑ପ॒ନିଷ॑ତ୍ ॥ 1 ॥
ଇତି ନଵମୋ-ଽନୁଵାକଃ ॥
ଓଂ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟ॑-ଙ୍କରଵାଵହୈ । ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ । ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
॥ ହରିଃ॑ ଓମ୍ ॥
॥ ଶ୍ରୀ କୃଷ୍ଣାର୍ପଣମସ୍ତୁ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ତୈତ୍ତିରୀୟ ଉପନିଷଦ୍ - ଆନନ୍ଦଵଲ୍ଲୀ?
ତୈତ୍ତିରୀୟ ଉପନିଷଦ୍ - ଆନନ୍ଦଵଲ୍ଲୀ is a Upanishads available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ତୈତ୍ତିରୀୟ ଉପନିଷଦ୍ - ଆନନ୍ଦଵଲ୍ଲୀ online?
Yes. The imported text is available directly on this page for online reading and recitation.
Can I download ତୈତ୍ତିରୀୟ ଉପନିଷଦ୍ - ଆନନ୍ଦଵଲ୍ଲୀ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.