ମହେଂଦ୍ର କୃତ ମହାଲକ୍ଷ୍ମୀ ସ୍ତୋତ୍ରଂ
ମହେଂଦ୍ର ଉଵାଚ
ନମଃ କମଲଵାସିନ୍ୟୈ ନାରାୟଣ୍ୟୈ ନମୋ ନମଃ ।
କୃଷ୍ଣପ୍ରିୟାୟୈ ସାରାୟୈ ପଦ୍ମାୟୈ ଚ ନମୋ ନମଃ ॥ 1 ॥
ପଦ୍ମପତ୍ରେକ୍ଷଣାୟୈ ଚ ପଦ୍ମାସ୍ୟାୟୈ ନମୋ ନମଃ ।
ପଦ୍ମାସନାୟୈ ପଦ୍ମିନ୍ୟୈ ଵୈଷ୍ଣଵ୍ୟୈ ଚ ନମୋ ନମଃ ॥ 2 ॥
ସର୍ଵସଂପତ୍ସ୍ଵରୂପାୟୈ ସର୍ଵଦାତ୍ର୍ୟୈ ନମୋ ନମଃ ।
ସୁଖଦାୟୈ ମୋକ୍ଷଦାୟୈ ସିଦ୍ଧିଦାୟୈ ନମୋ ନମଃ ॥ 3 ॥
ହରିଭକ୍ତିପ୍ରଦାତ୍ର୍ୟୈ ଚ ହର୍ଷଦାତ୍ର୍ୟୈ ନମୋ ନମଃ ।
କୃଷ୍ଣଵକ୍ଷଃସ୍ଥିତାୟୈ ଚ କୃଷ୍ଣେଶାୟୈ ନମୋ ନମଃ ॥ 4 ॥
କୃଷ୍ଣଶୋଭାସ୍ଵରୂପାୟୈ ରତ୍ନାଢ୍ୟାୟୈ ନମୋ ନମଃ ।
ସଂପତ୍ୟଧିଷ୍ଠାତୃଦେଵ୍ୟୈ ମହାଦେଵ୍ୟୈ ନମୋ ନମଃ ॥ 5 ॥
ସସ୍ୟାଧିଷ୍ଠାତୃଦେଵ୍ୟୈ ଚ ସସ୍ୟଲକ୍ଷ୍ମ୍ୟୈ ନମୋ ନମଃ ।
ନମୋ ବୁଦ୍ଧିସ୍ଵରୂପାୟୈ ବୁଦ୍ଧିଦାୟୈ ନମୋ ନମଃ ॥ 6 ॥
ଵୈକୁଂଠେ ଚ ମହାଲକ୍ଷ୍ମୀର୍ଲକ୍ଷ୍ମୀଃ କ୍ଷୀରୋଦସାଗରେ ।
ସ୍ଵର୍ଗଲକ୍ଷ୍ମୀରିଂଦ୍ରଗେହେ ରାଜଲକ୍ଷ୍ମୀର୍ନୃପାଲୟେ ॥ 7 ॥
ଗୃହଲକ୍ଷ୍ମୀଶ୍ଚ ଗୃହିଣାଂ ଗେହେ ଚ ଗୃହଦେଵତା ।
ସୁରଭିଃ ସା ଗଵାଂ ମାତା ଦକ୍ଷିଣା ୟଜ୍ଞକାମିନୀ ॥ 8 ॥
ଅଦିତିର୍ଦେଵମାତା ତ୍ଵଂ କମଲା କମଲାଲୟେ ।
ସ୍ଵାହା ତ୍ଵଂ ଚ ହଵିର୍ଦାନେ କଵ୍ୟଦାନେ ସ୍ଵଧା ସ୍ମୃତା ॥ 9 ॥
ତ୍ଵଂ ହି ଵିଷ୍ଣୁସ୍ଵରୂପା ଚ ସର୍ଵାଧାରା ଵସୁଂଧରା ।
ଶୁଦ୍ଧସତ୍ତ୍ଵସ୍ଵରୂପା ତ୍ଵଂ ନାରାୟଣପରାୟାଣା ॥ 10 ॥
କ୍ରୋଧହିଂସାଵର୍ଜିତା ଚ ଵରଦା ଚ ଶୁଭାନନା ।
ପରମାର୍ଥପ୍ରଦା ତ୍ଵଂ ଚ ହରିଦାସ୍ୟପ୍ରଦା ପରା ॥ 11 ॥
ୟୟା ଵିନା ଜଗତ୍ସର୍ଵଂ ଭସ୍ମୀଭୂତମସାରକମ୍ ।
ଜୀଵନ୍ମୃତଂ ଚ ଵିଶ୍ଵଂ ଚ ଶଵତୁଲ୍ୟଂ ୟୟା ଵିନା ॥ 12 ॥
ସର୍ଵେଷାଂ ଚ ପରା ତ୍ଵଂ ହି ସର୍ଵବାଂଧଵରୂପିଣୀ ।
ୟୟା ଵିନା ନ ସଂଭାଷ୍ୟୋ ବାଂଧଵୈର୍ବାଂଧଵଃ ସଦା ॥ 13 ॥
ତ୍ଵୟା ହୀନୋ ବଂଧୁହୀନସ୍ତ୍ଵୟା ୟୁକ୍ତଃ ସବାଂଧଵଃ ।
ଧର୍ମାର୍ଥକାମମୋକ୍ଷାଣାଂ ତ୍ଵଂ ଚ କାରଣରୂପିଣୀ ॥ 14 ॥
ସ୍ତନଂଧୟାନାଂ ତ୍ଵଂ ମାତା ଶିଶୂନାଂ ଶୈଶଵେ ୟଥା ।
ତଥା ତ୍ଵଂ ସର୍ଵଦା ମାତା ସର୍ଵେଷାଂ ସର୍ଵଵିଶ୍ଵତଃ ॥ 15 ॥
ତ୍ୟକ୍ତସ୍ତନୋ ମାତୃହୀନଃ ସ ଚେଜ୍ଜୀଵତି ଦୈଵତଃ ।
ତ୍ଵୟା ହୀନୋ ଜନଃ କୋଽପି ନ ଜୀଵତ୍ୟେଵ ନିଶ୍ଚିତମ୍ ॥ 16 ॥
ସୁପ୍ରସନ୍ନସ୍ଵରୂପା ତ୍ଵଂ ମେ ପ୍ରସନ୍ନା ଭଵାଂବିକେ ।
ଵୈରିଗ୍ରସ୍ତଂ ଚ ଵିଷୟଂ ଦେହି ମହ୍ୟଂ ସନାତନି ॥ 17 ॥
ଵୟଂ ୟାଵତ୍ତ୍ଵୟା ହୀନା ବଂଧୁହୀନାଶ୍ଚ ଭିକ୍ଷୁକାଃ ।
ସର୍ଵସଂପଦ୍ଵିହୀନାଶ୍ଚ ତାଵଦେଵ ହରିପ୍ରିୟେ ॥ 18 ॥
ରାଜ୍ୟଂ ଦେହି ଶ୍ରିୟଂ ଦେହି ବଲଂ ଦେହି ସୁରେଶ୍ଵରି ।
କୀର୍ତିଂ ଦେହି ଧନଂ ଦେହି ପୁତ୍ରାନ୍ମହ୍ୟଂ ଚ ଦେହି ଵୈ ॥ 19 ॥
କାମଂ ଦେହି ମତିଂ ଦେହି ଭୋଗାନ୍ ଦେହି ହରିପ୍ରିୟେ ।
ଜ୍ଞାନଂ ଦେହି ଚ ଧର୍ମଂ ଚ ସର୍ଵସୌଭାଗ୍ୟମୀପ୍ସିତମ୍ ॥ 20 ॥
ସର୍ଵାଧିକାରମେଵଂ ଵୈ ପ୍ରଭାଵାଂ ଚ ପ୍ରତାପକମ୍ ।
ଜୟଂ ପରାକ୍ରମଂ ୟୁଦ୍ଧେ ପରମୈଶ୍ଵର୍ୟମୈଵ ଚ ॥ 21 ॥
ଇତ୍ୟୁକ୍ତ୍ଵା ତୁ ମହେଂଦ୍ରଶ୍ଚ ସର୍ଵୈଃ ସୁରଗଣୈଃ ସହ ।
ନନାମ ସାଶ୍ରୁନେତ୍ରୋଽୟଂ ମୂର୍ଧ୍ନା ଚୈଵ ପୁନଃ ପୁନଃ ॥ 22 ॥
ବ୍ରହ୍ମା ଚ ଶଂକରଶ୍ଚୈଵ ଶେଷୋ ଧର୍ମଶ୍ଚ କେଶଵଃ ।
ସର୍ଵେ ଚକ୍ରୁଃ ପରୀହାରଂ ସୁରାର୍ଥେ ଚ ପୁନଃ ପୁନଃ ॥ 23 ॥
ଦେଵେଭ୍ୟଶ୍ଚ ଵରଂ ଦତ୍ତ୍ଵା ପୁଷ୍ପମାଲାଂ ମନୋହରାମ୍ ।
କେଶଵାୟ ଦଦୌ ଲକ୍ଷ୍ମୀଃ ସଂତୁଷ୍ଟା ସୁରସଂସଦି ॥ 24 ॥
ୟୟୁର୍ଦୈଵାଶ୍ଚ ସଂତୁଷ୍ଟାଃ ସ୍ଵଂ ସ୍ଵଂ ସ୍ଥାନଂ ଚ ନାରଦ ।
ଦେଵୀ ୟୟୌ ହରେଃ କ୍ରୋଡଂ ହୃଷ୍ଟା କ୍ଷୀରୋଦଶାୟିନଃ ॥ 25 ॥
ୟୟତୁସ୍ତୌ ସ୍ଵସ୍ଵଗୃହଂ ବ୍ରହ୍ମେଶାନୌ ଚ ନାରଦ ।
ଦତ୍ତ୍ଵା ଶୁଭାଶିଷଂ ତୌ ଚ ଦେଵେଭ୍ୟଃ ପ୍ରୀତିପୂର୍ଵକମ୍ ॥ 26 ॥
ଇଦଂ ସ୍ତୋତ୍ରଂ ମହାପୁଣ୍ୟଂ ତ୍ରିସଂଧ୍ୟଂ ୟଃ ପଠେନ୍ନରଃ ।
କୁବେରତୁଲ୍ୟଃ ସ ଭଵେଦ୍ରାଜରାଜେଶ୍ଵରୋ ମହାନ୍ ॥ 27 ॥
ସିଦ୍ଧସ୍ତୋତ୍ରଂ ୟଦି ପଠେତ୍ ସୋଽପି କଲ୍ପତରୁର୍ନରଃ ।
ପଂଚଲକ୍ଷଜପେନୈଵ ସ୍ତୋତ୍ରସିଦ୍ଧିର୍ଭଵେନ୍ନୃଣାମ୍ ॥ 28 ॥
ସିଦ୍ଧସ୍ତୋତ୍ରଂ ୟଦି ପଠେନ୍ମାସମେକଂ ଚ ସଂୟତଃ ।
ମହାସୁଖୀ ଚ ରାଜେଂଦ୍ରୋ ଭଵିଷ୍ୟତି ନ ସଂଶୟଃ ॥ 29 ॥
ଇତି ଶ୍ରୀବ୍ରହ୍ମଵୈଵର୍ତେ ମହାପୁରାଣେ ଦ୍ଵିତୀୟେ ପ୍ରକୃତିଖଂଡେ ନାରଦନାରାୟଣସଂଵାଦେ ଏକୋନଚତ୍ଵାରିଂଶତ୍ତମୋଽଧ୍ୟାୟେ ମହେଂଦ୍ର କୃତ ଶ୍ରୀ ମହାଲକ୍ଷ୍ମୀ ସ୍ତୋତ୍ରମ୍ ।
ବାରମ୍ବାର ପଚରାଯାଉଥିବା ପ୍ରଶ୍ନ
What is ମହେଂଦ୍ର କୃତ ମହାଲକ୍ଷ୍ମୀ ସ୍ତୋତ୍ରଂ?
ମହେଂଦ୍ର କୃତ ମହାଲକ୍ଷ୍ମୀ ସ୍ତୋତ୍ରଂ is a Lakshmi Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ମହେଂଦ୍ର କୃତ ମହାଲକ୍ଷ୍ମୀ ସ୍ତୋତ୍ରଂ online?
Yes. The imported text is available directly on this page for online reading and recitation.
Can I download ମହେଂଦ୍ର କୃତ ମହାଲକ୍ଷ୍ମୀ ସ୍ତୋତ୍ରଂ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.