ଲକ୍ଷ୍ମୀ ନୃସିଂହ କରାଵଲଂବ ସ୍ତୋତ୍ରମ୍
ଶ୍ରୀମତ୍ପୟୋନିଧିନିକେତନ ଚକ୍ରପାଣେ ଭୋଗୀଂଦ୍ରଭୋଗମଣିରାଜିତ ପୁଣ୍ୟମୂର୍ତେ ।
ୟୋଗୀଶ ଶାଶ୍ଵତ ଶରଣ୍ୟ ଭଵାବ୍ଧିପୋତ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 1 ॥
ବ୍ରହ୍ମେଂଦ୍ରରୁଦ୍ରମରୁଦର୍କକିରୀଟକୋଟି ସଂଘଟ୍ଟିତାଂଘ୍ରିକମଲାମଲକାଂତିକାଂତ ।
ଲକ୍ଷ୍ମୀଲସତ୍କୁଚସରୋରୁହରାଜହଂସ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 2 ॥
ସଂସାରଦାଵଦହନାକରଭୀକରୋରୁ-ଜ୍ଵାଲାଵଳୀଭିରତିଦଗ୍ଧତନୂରୁହସ୍ୟ ।
ତ୍ଵତ୍ପାଦପଦ୍ମସରସୀରୁହମାଗତସ୍ୟ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 3 ॥
ସଂସାରଜାଲପତିତସ୍ୟ ଜଗନ୍ନିଵାସ ସର୍ଵେଂଦ୍ରିୟାର୍ଥ ବଡିଶାଗ୍ର ଝଷୋପମସ୍ୟ ।
ପ୍ରୋତ୍କଂପିତ ପ୍ରଚୁରତାଲୁକ ମସ୍ତକସ୍ୟ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 4 ॥
ସଂସାରକୂପମତିଘୋରମଗାଧମୂଲଂ ସଂପ୍ରାପ୍ୟ ଦୁଃଖଶତସର୍ପସମାକୁଲସ୍ୟ ।
ଦୀନସ୍ୟ ଦେଵ କୃପୟା ପଦମାଗତସ୍ୟ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 5 ॥
ସଂସାରଭୀକରକରୀଂଦ୍ରକରାଭିଘାତ ନିଷ୍ପୀଡ୍ୟମାନଵପୁଷଃ ସକଲାର୍ତିନାଶ ।
ପ୍ରାଣପ୍ରୟାଣଭଵଭୀତିସମାକୁଲସ୍ୟ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 6 ॥
ସଂସାରସର୍ପଵିଷଦିଗ୍ଧମହୋଗ୍ରତୀଵ୍ର ଦଂଷ୍ଟ୍ରାଗ୍ରକୋଟିପରିଦଷ୍ଟଵିନଷ୍ଟମୂର୍ତେଃ ।
ନାଗାରିଵାହନ ସୁଧାବ୍ଧିନିଵାସ ଶୌରେ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 7 ॥
ସଂସାରଵୃକ୍ଷମଘବୀଜମନଂତକର୍ମ-ଶାଖାୟୁତଂ କରଣପତ୍ରମନଂଗପୁଷ୍ପମ୍ ।
ଆରୁହ୍ୟ ଦୁଃଖଫଲିତଂ ଚକିତଃ ଦୟାଳୋ [ଆରୁହ୍ୟ ଦୁଃଖଫଲିତଂ ପତତୋ ଦୟାଳୋ] ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 8 ॥
ସଂସାରସାଗରଵିଶାଲକରାଳକାଳ ନକ୍ରଗ୍ରହଗ୍ରସିତନିଗ୍ରହଵିଗ୍ରହସ୍ୟ ।
ଵ୍ୟଗ୍ରସ୍ୟ ରାଗନିଚୟୋର୍ମିନିପୀଡିତସ୍ୟ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 9 ॥
ସଂସାରସାଗରନିମଜ୍ଜନମୁହ୍ୟମାନଂ ଦୀନଂ ଵିଲୋକୟ ଵିଭୋ କରୁଣାନିଧେ ମାମ୍ ।
ପ୍ରହ୍ଲାଦଖେଦପରିହାରପରାଵତାର ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 10 ॥
ସଂସାରଘୋରଗହନେ ଚରତୋ ମୁରାରେ ମାରୋଗ୍ରଭୀକରମୃଗପ୍ରଚୁରାର୍ଦିତସ୍ୟ ।
ଆର୍ତସ୍ୟ ମତ୍ସରନିଦାଘସୁଦୁଃଖିତସ୍ୟ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 11 ॥
ବଦ୍ଧ୍ଵା ଗଲେ ୟମଭଟା ବହୁ ତର୍ଜୟଂତଃ କର୍ଷଂତି ୟତ୍ର ଭଵପାଶଶତୈର୍ୟୁତଂ ମାମ୍ ।
ଏକାକିନଂ ପରଵଶଂ ଚକିତଂ ଦୟାଳୋ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 12 ॥
ଲକ୍ଷ୍ମୀପତେ କମଲନାଭ ସୁରେଶ ଵିଷ୍ଣୋ ୟଜ୍ଞେଶ ୟଜ୍ଞ ମଧୁସୂଦନ ଵିଶ୍ଵରୂପ । [ଲକ୍ଷ୍ମୀପତେ କମଲନାଭ ସୁରେଶ ଵିଷ୍ଣୋ ଵୈକୁଂଠ କୃଷ୍ଣ ମଧୁସୂଦନ ପୁଷ୍କରାକ୍ଷ]
ବ୍ରହ୍ମଣ୍ୟ କେଶଵ ଜନାର୍ଦନ ଵାସୁଦେଵ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 13 ॥
ଏକେନ ଚକ୍ରମପରେଣ କରେଣ ଶଂଖ-ମନ୍ୟେନ ସିଂଧୁତନୟାମଵଲଂବ୍ୟ ତିଷ୍ଠନ୍ ।
ଵାମେତରେଣ ଵରଦାଭୟପଦ୍ମଚିହ୍ନଂ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 14 ॥
ଅଂଧସ୍ୟ ମେ ହୃତଵିଵେକମହାଧନସ୍ୟ ଚୋରୈର୍ମହାବଲିଭିରିଂଦ୍ରିୟନାମଧେୟୈଃ ।
ମୋହାଂଧକାରକୁହରେ ଵିନିପାତିତସ୍ୟ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 15 ॥
ପ୍ରହ୍ଲାଦନାରଦପରାଶରପୁଂଡରୀକ-ଵ୍ୟାସାଦିଭାଗଵତପୁଂଗଵହୃନ୍ନିଵାସ ।
ଭକ୍ତାନୁରକ୍ତପରିପାଲନପାରିଜାତ ଲକ୍ଷ୍ମୀନୃସିଂହ ମମ ଦେହି କରାଵଲଂବମ୍ ॥ 16 ॥
ଲକ୍ଷ୍ମୀନୃସିଂହଚରଣାବ୍ଜମଧୁଵ୍ରତେନ ସ୍ତୋତ୍ରଂ କୃତଂ ଶୁଭକରଂ ଭୁଵି ଶଂକରେଣ ।
ୟେ ତତ୍ପଠଂତି ମନୁଜା ହରିଭକ୍ତିୟୁକ୍ତା-ସ୍ତେ ୟାଂତି ତତ୍ପଦସରୋଜମଖଂଡରୂପମ୍ ॥ 17 ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଲକ୍ଷ୍ମୀ ନୃସିଂହ କରାଵଲଂବ ସ୍ତୋତ୍ରମ୍?
ଲକ୍ଷ୍ମୀ ନୃସିଂହ କରାଵଲଂବ ସ୍ତୋତ୍ରମ୍ is a Lakshmi Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଲକ୍ଷ୍ମୀ ନୃସିଂହ କରାଵଲଂବ ସ୍ତୋତ୍ରମ୍ online?
Yes. The imported text is available directly on this page for online reading and recitation.
Can I download ଲକ୍ଷ୍ମୀ ନୃସିଂହ କରାଵଲଂବ ସ୍ତୋତ୍ରମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.