𑌶𑍍𑌰𑍀 𑌲𑌕𑍍𑌷𑍍𑌮𑍀 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌂

𑌨𑌾𑌮𑍍𑌨𑌾𑌂 𑌸𑌾𑌷𑍍𑌟𑌸𑌹𑌸𑍍𑌰𑌂𑌚 𑌬𑍍𑌰𑍂𑌹𑌿 𑌗𑌾𑌰𑍍𑌗𑍍𑌯 𑌮𑌹𑌾𑌮𑌤𑍇 ।
𑌮𑌹𑌾𑌲𑌕𑍍𑌷𑍍𑌮𑍍𑌯𑌾 𑌮𑌹𑌾𑌦𑍇𑌵𑍍𑌯𑌾 𑌭𑍁𑌕𑍍𑌤𑌿𑌮𑍁𑌕𑍍𑌤𑍍𑌯𑌰𑍍𑌥𑌸𑌿𑌦𑍍𑌧𑌯𑍇 ॥ 1 ॥

𑌗𑌾𑌰𑍍𑌗𑍍𑌯 𑌉𑌵𑌾𑌚
𑌸𑌨𑌤𑍍𑌕𑍁𑌮𑌾𑌰𑌮𑌾𑌸𑍀𑌨𑌂 𑌦𑍍𑌵𑌾𑌦𑌶𑌾𑌦𑌿𑌤𑍍𑌯𑌸𑌨𑍍𑌨𑌿𑌭𑌮𑍍 ।
𑌅𑌪𑍃𑌚𑍍𑌛𑌨𑍍𑌯𑍋𑌗𑌿𑌨𑍋 𑌭𑌕𑍍𑌤𑍍𑌯𑌾 𑌯𑍋𑌗𑌿𑌨𑌾𑌮𑌰𑍍𑌥𑌸𑌿𑌦𑍍𑌧𑌯𑍇 ॥ 2 ॥

𑌸𑌰𑍍𑌵𑌲𑍌𑌕𑌿𑌕𑌕𑌰𑍍𑌮𑌭𑍍𑌯𑍋 𑌵𑌿𑌮𑍁𑌕𑍍𑌤𑌾𑌨𑌾𑌂 𑌹𑌿𑌤𑌾𑌯 𑌵𑍈 ।
𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌂 𑌜𑌪𑍍𑌯𑌮𑌨𑍁𑌬𑍍𑌰𑍂𑌹𑌿 𑌦𑌯𑌾𑌨𑌿𑌧𑍇 ॥ 3 ॥

𑌸𑌨𑌤𑍍𑌕𑍁𑌮𑌾𑌰 𑌭𑌗𑌵𑌨𑍍𑌸𑌰𑍍𑌵𑌜𑍍𑌞𑍋𑌽𑌸𑌿 𑌵𑌿𑌶𑍇𑌷𑌤𑌃 ।
𑌆𑌸𑍍𑌤𑌿𑌕𑍍𑌯𑌸𑌿𑌦𑍍𑌧𑌯𑍇 𑌨𑍄𑌣𑌾𑌂 𑌕𑍍𑌷𑌿𑌪𑍍𑌰𑌧𑌰𑍍𑌮𑌾𑌰𑍍𑌥𑌸𑌾𑌧𑌨𑌮𑍍 ॥ 4 ॥

𑌖𑌿𑌦𑍍𑌯𑌂𑌤𑌿 𑌮𑌾𑌨𑌵𑌾𑌸𑍍𑌸𑌰𑍍𑌵𑍇 𑌧𑌨𑌾𑌭𑌾𑌵𑍇𑌨 𑌕𑍇𑌵𑌲𑌮𑍍 ।
𑌸𑌿𑌦𑍍𑌧𑍍𑌯𑌂𑌤𑌿 𑌧𑌨𑌿𑌨𑍋𑌽𑌨𑍍𑌯𑌸𑍍𑌯 𑌨𑍈𑌵 𑌧𑌰𑍍𑌮𑌾𑌰𑍍𑌥𑌕𑌾𑌮𑌨𑌾𑌃 ॥ 5 ॥

𑌦𑌾𑌰𑌿𑌦𑍍𑌰𑍍𑌯𑌧𑍍𑌵𑌂𑌸𑌿𑌨𑍀 𑌨𑌾𑌮 𑌕𑍇𑌨 𑌵𑌿𑌦𑍍𑌯𑌾 𑌪𑍍𑌰𑌕𑍀𑌰𑍍𑌤𑌿𑌤𑌾 ।
𑌕𑍇𑌨 𑌵𑌾 𑌬𑍍𑌰𑌹𑍍𑌮𑌵𑌿𑌦𑍍𑌯𑌾𑌽𑌪𑌿 𑌕𑍇𑌨 𑌮𑍃𑌤𑍍𑌯𑍁𑌵𑌿𑌨𑌾𑌶𑌿𑌨𑍀 ॥ 6 ॥

𑌸𑌰𑍍𑌵𑌾𑌸𑌾𑌂 𑌸𑌾𑌰𑌭𑍂𑌤𑍈𑌕𑌾 𑌵𑌿𑌦𑍍𑌯𑌾𑌨𑌾𑌂 𑌕𑍇𑌨 𑌕𑍀𑌰𑍍𑌤𑌿𑌤𑌾 ।
𑌪𑍍𑌰𑌤𑍍𑌯𑌕𑍍𑌷𑌸𑌿𑌦𑍍𑌧𑌿𑌦𑌾 𑌬𑍍𑌰𑌹𑍍𑌮𑌨𑍍 𑌤𑌾𑌮𑌾𑌚𑌕𑍍𑌷𑍍𑌵 𑌦𑌯𑌾𑌨𑌿𑌧𑍇 ॥ 𑍭 ॥

𑌸𑌨𑌤𑍍𑌕𑍁𑌮𑌾𑌰 𑌉𑌵𑌾𑌚
𑌸𑌾𑌧𑍁 𑌪𑍃𑌷𑍍𑌟𑌂 𑌮𑌹𑌾𑌭𑌾𑌗𑌾𑌸𑍍𑌸𑌰𑍍𑌵𑌲𑍋𑌕𑌹𑌿𑌤𑍈𑌷𑌿𑌣𑌃 ।
𑌮𑌹𑌤𑌾𑌮𑍇𑌷 𑌧𑌰𑍍𑌮𑌶𑍍𑌚 𑌨𑌾𑌨𑍍𑌯𑍇𑌷𑌾𑌮𑌿𑌤𑌿 𑌮𑍇 𑌮𑌤𑌿𑌃 ॥ 𑍮 ॥

𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌮𑌹𑌾𑌦𑍇𑌵𑌮𑌹𑍇𑌂𑌦𑍍𑌰𑌾𑌦𑌿𑌮𑌹𑌾𑌤𑍍𑌮𑌭𑌿𑌃 ।
𑌸𑌂𑌪𑍍𑌰𑍋𑌕𑍍𑌤𑌂 𑌕𑌥𑌯𑌾𑌮𑍍𑌯𑌦𑍍𑌯 𑌲𑌕𑍍𑌷𑍍𑌮𑍀𑌨𑌾𑌮𑌸𑌹𑌸𑍍𑌰𑌕𑌮𑍍 ॥ 𑍯 ॥

𑌯𑌸𑍍𑌯𑍋𑌚𑍍𑌚𑌾𑌰𑌣𑌮𑌾𑌤𑍍𑌰𑍇𑌣 𑌦𑌾𑌰𑌿𑌦𑍍𑌰𑍍𑌯𑌾𑌨𑍍𑌮𑍁𑌚𑍍𑌯𑌤𑍇 𑌨𑌰𑌃 ।
𑌕𑌿𑌂 𑌪𑍁𑌨𑌸𑍍𑌤𑌜𑍍𑌜𑌪𑌾𑌜𑍍𑌜𑌾𑌪𑍀 𑌸𑌰𑍍𑌵𑍇𑌷𑍍𑌟𑌾𑌰𑍍𑌥𑌾𑌨𑌵𑌾𑌪𑍍𑌨𑍁𑌯𑌾𑌤𑍍 ॥ 10 ॥

𑌅𑌸𑍍𑌯 𑌶𑍍𑌰𑍀𑌲𑌕𑍍𑌷𑍍𑌮𑍀𑌦𑌿𑌵𑍍𑌯𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌮𑌹𑌾𑌮𑌂𑌤𑍍𑌰𑌸𑍍𑌯 𑌆𑌨𑌂𑌦𑌕𑌰𑍍𑌦𑌮𑌚𑌿𑌕𑍍𑌲𑍀𑌤𑍇𑌂𑌦𑌿𑌰𑌾𑌸𑍁𑌤𑌾𑌦𑌯𑍋 𑌮𑌹𑌾𑌤𑍍𑌮𑌾𑌨𑍋 𑌮𑌹𑌰𑍍𑌷𑌯𑌃 𑌅𑌨𑍁𑌷𑍍𑌟𑍁𑌪𑍍𑌛𑌂𑌦𑌃 𑌵𑌿𑌷𑍍𑌣𑍁𑌮𑌾𑌯𑌾 𑌶𑌕𑍍𑌤𑌿𑌃 𑌮𑌹𑌾𑌲𑌕𑍍𑌷𑍍𑌮𑍀𑌃 𑌪𑌰𑌾𑌦𑍇𑌵𑌤𑌾 𑌶𑍍𑌰𑍀𑌮𑌹𑌾𑌲𑌕𑍍𑌷𑍍𑌮𑍀𑌪𑍍𑌰𑌸𑌾𑌦𑌦𑍍𑌵𑌾𑌰𑌾 𑌸𑌰𑍍𑌵𑍇𑌷𑍍𑌟𑌾𑌰𑍍𑌥𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌧𑍍𑌯𑌾𑌨𑌮𑍍
𑌪𑌦𑍍𑌮𑌨𑌾𑌭𑌪𑍍𑌰𑌿𑌯𑌾𑌂 𑌦𑍇𑌵𑍀𑌂 𑌪𑌦𑍍𑌮𑌾𑌕𑍍𑌷𑍀𑌂 𑌪𑌦𑍍𑌮𑌵𑌾𑌸𑌿𑌨𑍀𑌮𑍍 ।
𑌪𑌦𑍍𑌮𑌵𑌕𑍍𑌤𑍍𑌰𑌾𑌂 𑌪𑌦𑍍𑌮𑌹𑌸𑍍𑌤𑌾𑌂 𑌵𑌂𑌦𑍇 𑌪𑌦𑍍𑌮𑌾𑌮𑌹𑌰𑍍𑌨𑌿𑌶𑌮𑍍 ॥ 1 ॥

𑌪𑍂𑌰𑍍𑌣𑍇𑌂𑌦𑍁𑌵𑌦𑌨𑌾𑌂 𑌦𑌿𑌵𑍍𑌯𑌰𑌤𑍍𑌨𑌾𑌭𑌰𑌣𑌭𑍂𑌷𑌿𑌤𑌾𑌮𑍍 ।
𑌵𑌰𑌦𑌾𑌭𑌯𑌹𑌸𑍍𑌤𑌾𑌢𑍍𑌯𑌾𑌂 𑌧𑍍𑌯𑌾𑌯𑍇𑌚𑍍𑌚𑌂𑌦𑍍𑌰𑌸𑌹𑍋𑌦𑌰𑍀𑌮𑍍 ॥ 2 ॥

𑌇𑌚𑍍𑌛𑌾𑌰𑍂𑌪𑌾𑌂 𑌭𑌗𑌵𑌤𑌸𑍍𑌸𑌚𑍍𑌚𑌿𑌦𑌾𑌨𑌂𑌦𑌰𑍂𑌪𑌿𑌣𑍀𑌮𑍍 ।
𑌸𑌰𑍍𑌵𑌜𑍍𑌞𑌾𑌂 𑌸𑌰𑍍𑌵𑌜𑌨𑌨𑍀𑌂 𑌵𑌿𑌷𑍍𑌣𑍁𑌵𑌕𑍍𑌷𑌸𑍍𑌸𑍍𑌥𑌲𑌾𑌲𑌯𑌾𑌮𑍍 ।
𑌦𑌯𑌾𑌲𑍁𑌮𑌨𑌿𑌶𑌂 𑌧𑍍𑌯𑌾𑌯𑍇𑌤𑍍𑌸𑍁𑌖𑌸𑌿𑌦𑍍𑌧𑌿𑌸𑍍𑌵𑌰𑍂𑌪𑌿𑌣𑍀𑌮𑍍 ॥ 3 ॥

𑌸𑍍𑌤𑍋𑌤𑍍𑌰𑌮𑍍
𑌨𑌿𑌤𑍍𑌯𑌾𑌗𑌤𑌾𑌨𑌂𑌤𑌨𑌿𑌤𑍍𑌯𑌾 𑌨𑌂𑌦𑌿𑌨𑍀 𑌜𑌨𑌰𑌂𑌜𑌨𑍀 ।
𑌨𑌿𑌤𑍍𑌯𑌪𑍍𑌰𑌕𑌾𑌶𑌿𑌨𑍀 𑌚𑍈𑌵 𑌸𑍍𑌵𑌪𑍍𑌰𑌕𑌾𑌶𑌸𑍍𑌵𑌰𑍂𑌪𑌿𑌣𑍀 ॥ 1 ॥

𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌮𑌹𑌾𑌕𑌾𑌲𑍀 𑌮𑌹𑌾𑌕𑌨𑍍𑌯𑌾 𑌸𑌰𑌸𑍍𑌵𑌤𑍀 ।
𑌭𑍋𑌗𑌵𑍈𑌭𑌵𑌸𑌂𑌧𑌾𑌤𑍍𑌰𑍀 𑌭𑌕𑍍𑌤𑌾𑌨𑍁𑌗𑍍𑌰𑌹𑌕𑌾𑌰𑌿𑌣𑍀 ॥ 2 ॥

𑌈𑌶𑌾𑌵𑌾𑌸𑍍𑌯𑌾 𑌮𑌹𑌾𑌮𑌾𑌯𑌾 𑌮𑌹𑌾𑌦𑍇𑌵𑍀 𑌮𑌹𑍇𑌶𑍍𑌵𑌰𑍀 ।
𑌹𑍃𑌲𑍍𑌲𑍇𑌖𑌾 𑌪𑌰𑌮𑌾 𑌶𑌕𑍍𑌤𑌿𑌰𑍍𑌮𑌾𑌤𑍃𑌕𑌾𑌬𑍀𑌜𑌰𑍂𑌪𑌿𑌣𑍀 ॥ 3 ॥

𑌨𑌿𑌤𑍍𑌯𑌾𑌨𑌂𑌦𑌾 𑌨𑌿𑌤𑍍𑌯𑌬𑍋𑌧𑌾 𑌨𑌾𑌦𑌿𑌨𑍀 𑌜𑌨𑌮𑍋𑌦𑌿𑌨𑍀 ।
𑌸𑌤𑍍𑌯𑌪𑍍𑌰𑌤𑍍𑌯𑌯𑌨𑍀 𑌚𑍈𑌵 𑌸𑍍𑌵𑌪𑍍𑌰𑌕𑌾𑌶𑌾𑌤𑍍𑌮𑌰𑍂𑌪𑌿𑌣𑍀 ॥ 4 ॥

𑌤𑍍𑌰𑌿𑌪𑍁𑌰𑌾 𑌭𑍈𑌰𑌵𑍀 𑌵𑌿𑌦𑍍𑌯𑌾 𑌹𑌂𑌸𑌾 𑌵𑌾𑌗𑍀𑌶𑍍𑌵𑌰𑍀 𑌶𑌿𑌵𑌾 ।
𑌵𑌾𑌗𑍍𑌦𑍇𑌵𑍀 𑌚 𑌮𑌹𑌾𑌰𑌾𑌤𑍍𑌰𑌿𑌃 𑌕𑌾𑌲𑌰𑌾𑌤𑍍𑌰𑌿𑌸𑍍𑌤𑍍𑌰𑌿𑌲𑍋𑌚𑌨𑌾 ॥ 5 ॥

𑌭𑌦𑍍𑌰𑌕𑌾𑌳𑍀 𑌕𑌰𑌾𑌳𑍀 𑌚 𑌮𑌹𑌾𑌕𑌾𑌳𑍀 𑌤𑌿𑌲𑍋𑌤𑍍𑌤𑌮𑌾 ।
𑌕𑌾𑌳𑍀 𑌕𑌰𑌾𑌳𑌵𑌕𑍍𑌤𑍍𑌰𑌾𑌂𑌤𑌾 𑌕𑌾𑌮𑌾𑌕𑍍𑌷𑍀 𑌕𑌾𑌮𑌦𑌾 𑌶𑍁𑌭𑌾 ॥ 6 ॥

𑌚𑌂𑌡𑌿𑌕𑌾 𑌚𑌂𑌡𑌰𑍂𑌪𑍇𑌶𑌾 𑌚𑌾𑌮𑍁𑌂𑌡𑌾 𑌚𑌕𑍍𑌰𑌧𑌾𑌰𑌿𑌣𑍀 ।
𑌤𑍍𑌰𑍈𑌲𑍋𑌕𑍍𑌯𑌜𑌯𑌿𑌨𑍀 𑌦𑍇𑌵𑍀 𑌤𑍍𑌰𑍈𑌲𑍋𑌕𑍍𑌯𑌵𑌿𑌜𑌯𑍋𑌤𑍍𑌤𑌮𑌾 ॥ 𑍭 ॥

𑌸𑌿𑌦𑍍𑌧𑌲𑌕𑍍𑌷𑍍𑌮𑍀𑌃 𑌕𑍍𑌰𑌿𑌯𑌾𑌲𑌕𑍍𑌷𑍍𑌮𑍀𑌰𑍍𑌮𑍋𑌕𑍍𑌷𑌲𑌕𑍍𑌷𑍍𑌮𑍀𑌃 𑌪𑍍𑌰𑌸𑌾𑌦𑌿𑌨𑍀 ।
𑌉𑌮𑌾 𑌭𑌗𑌵𑌤𑍀 𑌦𑍁𑌰𑍍𑌗𑌾 𑌚𑌾𑌂𑌦𑍍𑌰𑍀 𑌦𑌾𑌕𑍍𑌷𑌾𑌯𑌣𑍀 𑌶𑌿𑌵𑌾 ॥ 𑍮 ॥

𑌪𑍍𑌰𑌤𑍍𑌯𑌂𑌗𑌿𑌰𑌾 𑌧𑌰𑌾𑌵𑍇𑌲𑌾 𑌲𑍋𑌕𑌮𑌾𑌤𑌾 𑌹𑌰𑌿𑌪𑍍𑌰𑌿𑌯𑌾 ।
𑌪𑌾𑌰𑍍𑌵𑌤𑍀 𑌪𑌰𑌮𑌾 𑌦𑍇𑌵𑍀 𑌬𑍍𑌰𑌹𑍍𑌮𑌵𑌿𑌦𑍍𑌯𑌾𑌪𑍍𑌰𑌦𑌾𑌯𑌿𑌨𑍀 ॥ 𑍯 ॥

𑌅𑌰𑍂𑌪𑌾 𑌬𑌹𑍁𑌰𑍂𑌪𑌾 𑌚 𑌵𑌿𑌰𑍂𑌪𑌾 𑌵𑌿𑌶𑍍𑌵𑌰𑍂𑌪𑌿𑌣𑍀 ।
𑌪𑌂𑌚𑌭𑍂𑌤𑌾𑌤𑍍𑌮𑌿𑌕𑌾 𑌵𑌾𑌣𑍀 𑌪𑌂𑌚𑌭𑍂𑌤𑌾𑌤𑍍𑌮𑌿𑌕𑌾 𑌪𑌰𑌾 ॥ 10 ॥

𑌕𑌾𑌳𑍀 𑌮𑌾 𑌪𑌂𑌚𑌿𑌕𑌾 𑌵𑌾𑌗𑍍𑌮𑍀 𑌹𑌵𑌿𑌃𑌪𑍍𑌰𑌤𑍍𑌯𑌧𑌿𑌦𑍇𑌵𑌤𑌾 ।
𑌦𑍇𑌵𑌮𑌾𑌤𑌾 𑌸𑍁𑌰𑍇𑌶𑌾𑌨𑌾 𑌦𑍇𑌵𑌗𑌰𑍍𑌭𑌾𑌽𑌂𑌬𑌿𑌕𑌾 𑌧𑍃𑌤𑌿𑌃 ॥ 11 ॥

𑌸𑌂𑌖𑍍𑌯𑌾 𑌜𑌾𑌤𑌿𑌃 𑌕𑍍𑌰𑌿𑌯𑌾𑌶𑌕𑍍𑌤𑌿𑌃 𑌪𑍍𑌰𑌕𑍃𑌤𑌿𑌰𑍍𑌮𑍋𑌹𑌿𑌨𑍀 𑌮𑌹𑍀 ।
𑌯𑌜𑍍𑌞𑌵𑌿𑌦𑍍𑌯𑌾 𑌮𑌹𑌾𑌵𑌿𑌦𑍍𑌯𑌾 𑌗𑍁𑌹𑍍𑌯𑌵𑌿𑌦𑍍𑌯𑌾 𑌵𑌿𑌭𑌾𑌵𑌰𑍀 ॥ 12 ॥

𑌜𑍍𑌯𑍋𑌤𑌿𑌷𑍍𑌮𑌤𑍀 𑌮𑌹𑌾𑌮𑌾𑌤𑌾 𑌸𑌰𑍍𑌵𑌮𑌂𑌤𑍍𑌰𑌫𑌲𑌪𑍍𑌰𑌦𑌾 ।
𑌦𑌾𑌰𑌿𑌦𑍍𑌰𑍍𑌯𑌧𑍍𑌵𑌂𑌸𑌿𑌨𑍀 𑌦𑍇𑌵𑍀 𑌹𑍃𑌦𑌯𑌗𑍍𑌰𑌂𑌥𑌿𑌭𑍇𑌦𑌿𑌨𑍀 ॥ 13 ॥

𑌸𑌹𑌸𑍍𑌰𑌾𑌦𑌿𑌤𑍍𑌯𑌸𑌂𑌕𑌾𑌶𑌾 𑌚𑌂𑌦𑍍𑌰𑌿𑌕𑌾 𑌚𑌂𑌦𑍍𑌰𑌰𑍂𑌪𑌿𑌣𑍀 ।
𑌗𑌾𑌯𑌤𑍍𑌰𑍀 𑌸𑍋𑌮𑌸𑌂𑌭𑍂𑌤𑌿𑌸𑍍𑌸𑌾𑌵𑌿𑌤𑍍𑌰𑍀 𑌪𑍍𑌰𑌣𑌵𑌾𑌤𑍍𑌮𑌿𑌕𑌾 ॥ 14 ॥

𑌶𑌾𑌂𑌕𑌰𑍀 𑌵𑍈𑌷𑍍𑌣𑌵𑍀 𑌬𑍍𑌰𑌾𑌹𑍍𑌮𑍀 𑌸𑌰𑍍𑌵𑌦𑍇𑌵𑌨𑌮𑌸𑍍𑌕𑍃𑌤𑌾 ।
𑌸𑍇𑌵𑍍𑌯𑌦𑍁𑌰𑍍𑌗𑌾 𑌕𑍁𑌬𑍇𑌰𑌾𑌕𑍍𑌷𑍀 𑌕𑌰𑌵𑍀𑌰𑌨𑌿𑌵𑌾𑌸𑌿𑌨𑍀 ॥ 15 ॥

𑌜𑌯𑌾 𑌚 𑌵𑌿𑌜𑌯𑌾 𑌚𑍈𑌵 𑌜𑌯𑌂𑌤𑍀 𑌚𑌾𑌽𑌪𑌰𑌾𑌜𑌿𑌤𑌾 ।
𑌕𑍁𑌬𑍍𑌜𑌿𑌕𑌾 𑌕𑌾𑌲𑌿𑌕𑌾 𑌶𑌾𑌸𑍍𑌤𑍍𑌰𑍀 𑌵𑍀𑌣𑌾𑌪𑍁𑌸𑍍𑌤𑌕𑌧𑌾𑌰𑌿𑌣𑍀 ॥ 16 ॥

𑌸𑌰𑍍𑌵𑌜𑍍𑌞𑌶𑌕𑍍𑌤𑌿𑌶𑍍𑌶𑍍𑌰𑍀𑌶𑌕𑍍𑌤𑌿𑌰𑍍𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌶𑌿𑌵𑌾𑌤𑍍𑌮𑌿𑌕𑌾 ।
𑌇𑌡𑌾𑌪𑌿𑌂𑌗𑌲𑌿𑌕𑌾𑌮𑌧𑍍𑌯𑌮𑍃𑌣𑌾𑌲𑍀𑌤𑌂𑌤𑍁𑌰𑍂𑌪𑌿𑌣𑍀 ॥ 1𑍭 ॥

𑌯𑌜𑍍𑌞𑍇𑌶𑌾𑌨𑍀 𑌪𑍍𑌰𑌥𑌾 𑌦𑍀𑌕𑍍𑌷𑌾 𑌦𑌕𑍍𑌷𑌿𑌣𑌾 𑌸𑌰𑍍𑌵𑌮𑍋𑌹𑌿𑌨𑍀 ।
𑌅𑌷𑍍𑌟𑌾𑌂𑌗𑌯𑍋𑌗𑌿𑌨𑍀 𑌦𑍇𑌵𑍀 𑌨𑌿𑌰𑍍𑌬𑍀𑌜𑌧𑍍𑌯𑌾𑌨𑌗𑍋𑌚𑌰𑌾 ॥ 1𑍮 ॥

𑌸𑌰𑍍𑌵𑌤𑍀𑌰𑍍𑌥𑌸𑍍𑌥𑌿𑌤𑌾 𑌶𑍁𑌦𑍍𑌧𑌾 𑌸𑌰𑍍𑌵𑌪𑌰𑍍𑌵𑌤𑌵𑌾𑌸𑌿𑌨𑍀 ।
𑌵𑍇𑌦𑌶𑌾𑌸𑍍𑌤𑍍𑌰𑌪𑍍𑌰𑌭𑌾 𑌦𑍇𑌵𑍀 𑌷𑌡𑌂𑌗𑌾𑌦𑌿𑌪𑌦𑌕𑍍𑌰𑌮𑌾 ॥ 1𑍯 ॥

𑌶𑌿𑌵𑌾 𑌧𑌾𑌤𑍍𑌰𑍀 𑌶𑍁𑌭𑌾𑌨𑌂𑌦𑌾 𑌯𑌜𑍍𑌞𑌕𑌰𑍍𑌮𑌸𑍍𑌵𑌰𑍂𑌪𑌿𑌣𑍀 ।
𑌵𑍍𑌰𑌤𑌿𑌨𑍀 𑌮𑍇𑌨𑌕𑌾 𑌦𑍇𑌵𑍀 𑌬𑍍𑌰𑌹𑍍𑌮𑌾𑌣𑍀 𑌬𑍍𑌰𑌹𑍍𑌮𑌚𑌾𑌰𑌿𑌣𑍀 ॥ 20 ॥

𑌏𑌕𑌾𑌕𑍍𑌷𑌰𑌪𑌰𑌾 𑌤𑌾𑌰𑌾 𑌭𑌵𑌬𑌂𑌧𑌵𑌿𑌨𑌾𑌶𑌿𑌨𑍀 ।
𑌵𑌿𑌶𑍍𑌵𑌂𑌭𑌰𑌾 𑌧𑌰𑌾𑌧𑌾𑌰𑌾 𑌨𑌿𑌰𑌾𑌧𑌾𑌰𑌾𑌽𑌧𑌿𑌕𑌸𑍍𑌵𑌰𑌾 ॥ 21 ॥

𑌰𑌾𑌕𑌾 𑌕𑍁𑌹𑍂𑌰𑌮𑌾𑌵𑌾𑌸𑍍𑌯𑌾 𑌪𑍂𑌰𑍍𑌣𑌿𑌮𑌾𑌽𑌨𑍁𑌮𑌤𑌿𑌰𑍍𑌦𑍍𑌯𑍁𑌤𑌿𑌃 ।
𑌸𑌿𑌨𑍀𑌵𑌾𑌲𑍀 𑌶𑌿𑌵𑌾𑌽𑌵𑌶𑍍𑌯𑌾 𑌵𑍈𑌶𑍍𑌵𑌦𑍇𑌵𑍀 𑌪𑌿𑌶𑌂𑌗𑌿𑌲𑌾 ॥ 22 ॥

𑌪𑌿𑌪𑍍𑌪𑌲𑌾 𑌚 𑌵𑌿𑌶𑌾𑌲𑌾𑌕𑍍𑌷𑍀 𑌰𑌕𑍍𑌷𑍋𑌘𑍍𑌨𑍀 𑌵𑍃𑌷𑍍𑌟𑌿𑌕𑌾𑌰𑌿𑌣𑍀 ।
𑌦𑍁𑌷𑍍𑌟𑌵𑌿𑌦𑍍𑌰𑌾𑌵𑌿𑌣𑍀 𑌦𑍇𑌵𑍀 𑌸𑌰𑍍𑌵𑍋𑌪𑌦𑍍𑌰𑌵𑌨𑌾𑌶𑌿𑌨𑍀 ॥ 23 ॥

𑌶𑌾𑌰𑌦𑌾 𑌶𑌰𑌸𑌂𑌧𑌾𑌨𑌾 𑌸𑌰𑍍𑌵𑌶𑌸𑍍𑌤𑍍𑌰𑌸𑍍𑌵𑌰𑍂𑌪𑌿𑌣𑍀 ।
𑌯𑍁𑌦𑍍𑌧𑌮𑌧𑍍𑌯𑌸𑍍𑌥𑌿𑌤𑌾 𑌦𑍇𑌵𑍀 𑌸𑌰𑍍𑌵𑌭𑍂𑌤𑌪𑍍𑌰𑌭𑌂𑌜𑌨𑍀 ॥ 24 ॥

𑌅𑌯𑍁𑌦𑍍𑌧𑌾 𑌯𑍁𑌦𑍍𑌧𑌰𑍂𑌪𑌾 𑌚 𑌶𑌾𑌂𑌤𑌾 𑌶𑌾𑌂𑌤𑌿𑌸𑍍𑌵𑌰𑍂𑌪𑌿𑌣𑍀 ।
𑌗𑌂𑌗𑌾 𑌸𑌰𑌸𑍍𑌵𑌤𑍀𑌵𑍇𑌣𑍀𑌯𑌮𑍁𑌨𑌾𑌨𑌰𑍍𑌮𑌦𑌾𑌪𑌗𑌾 ॥ 25 ॥

𑌸𑌮𑍁𑌦𑍍𑌰𑌵𑌸𑌨𑌾𑌵𑌾𑌸𑌾 𑌬𑍍𑌰𑌹𑍍𑌮𑌾𑌂𑌡𑌶𑍍𑌰𑍋𑌣𑌿𑌮𑍇𑌖𑌲𑌾 ।
𑌪𑌂𑌚𑌵𑌕𑍍𑌤𑍍𑌰𑌾 𑌦𑌶𑌭𑍁𑌜𑌾 𑌶𑍁𑌦𑍍𑌧𑌸𑍍𑌫𑌟𑌿𑌕𑌸𑌨𑍍𑌨𑌿𑌭𑌾 ॥ 26 ॥

𑌰𑌕𑍍𑌤𑌾 𑌕𑍃𑌷𑍍𑌣𑌾 𑌸𑌿𑌤𑌾 𑌪𑍀𑌤𑌾 𑌸𑌰𑍍𑌵𑌵𑌰𑍍𑌣𑌾 𑌨𑌿𑌰𑍀𑌶𑍍𑌵𑌰𑍀 ।
𑌕𑌾𑌳𑌿𑌕𑌾 𑌚𑌕𑍍𑌰𑌿𑌕𑌾 𑌦𑍇𑌵𑍀 𑌸𑌤𑍍𑌯𑌾 𑌤𑍁 𑌵𑌟𑍁𑌕𑌾𑌸𑍍𑌥𑌿𑌤𑌾 ॥ 2𑍭 ॥

𑌤𑌰𑍁𑌣𑍀 𑌵𑌾𑌰𑍁𑌣𑍀 𑌨𑌾𑌰𑍀 𑌜𑍍𑌯𑍇𑌷𑍍𑌠𑌾𑌦𑍇𑌵𑍀 𑌸𑍁𑌰𑍇𑌶𑍍𑌵𑌰𑍀 ।
𑌵𑌿𑌶𑍍𑌵𑌂𑌭𑌰𑌾𑌧𑌰𑌾 𑌕𑌰𑍍𑌤𑍍𑌰𑍀 𑌗𑌳𑌾𑌰𑍍𑌗𑌳𑌵𑌿𑌭𑌂𑌜𑌨𑍀 ॥ 2𑍮 ॥

𑌸𑌂𑌧𑍍𑌯𑌾𑌰𑌾𑌤𑍍𑌰𑌿𑌰𑍍𑌦𑌿𑌵𑌾𑌜𑍍𑌯𑍋𑌤𑍍𑌸𑍍𑌨𑌾 𑌕𑌲𑌾𑌕𑌾𑌷𑍍𑌠𑌾 𑌨𑌿𑌮𑍇𑌷𑌿𑌕𑌾 ।
𑌉𑌰𑍍𑌵𑍀 𑌕𑌾𑌤𑍍𑌯𑌾𑌯𑌨𑍀 𑌶𑍁𑌭𑍍𑌰𑌾 𑌸𑌂𑌸𑌾𑌰𑌾𑌰𑍍𑌣𑌵𑌤𑌾𑌰𑌿𑌣𑍀 ॥ 2𑍯 ॥

𑌕𑌪𑌿𑌲𑌾 𑌕𑍀𑌲𑌿𑌕𑌾𑌽𑌶𑍋𑌕𑌾 𑌮𑌲𑍍𑌲𑌿𑌕𑌾𑌨𑌵𑌮𑌲𑍍𑌲𑌿𑌕𑌾 । [ 𑌮𑌲𑍍𑌲𑌿𑌕𑌾𑌨𑌵𑌮𑌾𑌲𑌿𑌕𑌾 ]
𑌦𑍇𑌵𑌿𑌕𑌾 𑌨𑌂𑌦𑌿𑌕𑌾 𑌶𑌾𑌂𑌤𑌾 𑌭𑌂𑌜𑌿𑌕𑌾 𑌭𑌯𑌭𑌂𑌜𑌿𑌕𑌾 ॥ 30 ॥

𑌕𑍌𑌶𑌿𑌕𑍀 𑌵𑍈𑌦𑌿𑌕𑍀 𑌦𑍇𑌵𑍀 𑌸𑍌𑌰𑍀 𑌰𑍂𑌪𑌾𑌧𑌿𑌕𑌾𑌽𑌤𑌿𑌭𑌾 ।
𑌦𑌿𑌗𑍍𑌵𑌸𑍍𑌤𑍍𑌰𑌾 𑌨𑌵𑌵𑌸𑍍𑌤𑍍𑌰𑌾 𑌚 𑌕𑌨𑍍𑌯𑌕𑌾 𑌕𑌮𑌲𑍋𑌦𑍍𑌭𑌵𑌾 ॥ 31 ॥

𑌶𑍍𑌰𑍀𑌸𑍍𑌸𑍌𑌮𑍍𑌯𑌲𑌕𑍍𑌷𑌣𑌾𑌽𑌤𑍀𑌤𑌦𑍁𑌰𑍍𑌗𑌾 𑌸𑍂𑌤𑍍𑌰𑌪𑍍𑌰𑌬𑍋𑌧𑌿𑌕𑌾 ।
𑌶𑍍𑌰𑌦𑍍𑌧𑌾 𑌮𑍇𑌧𑌾 𑌕𑍃𑌤𑌿𑌃 𑌪𑍍𑌰𑌜𑍍𑌞𑌾 𑌧𑌾𑌰𑌣𑌾 𑌕𑌾𑌂𑌤𑌿𑌰𑍇𑌵 𑌚 ॥ 32 ॥

𑌶𑍍𑌰𑍁𑌤𑌿𑌃 𑌸𑍍𑌮𑍃𑌤𑌿𑌰𑍍𑌧𑍃𑌤𑌿𑌰𑍍𑌧𑌨𑍍𑌯𑌾 𑌭𑍂𑌤𑌿𑌰𑌿𑌷𑍍𑌟𑌿𑌰𑍍𑌮𑌨𑍀𑌷𑌿𑌣𑍀 ।
𑌵𑌿𑌰𑌕𑍍𑌤𑌿𑌰𑍍𑌵𑍍𑌯𑌾𑌪𑌿𑌨𑍀 𑌮𑌾𑌯𑌾 𑌸𑌰𑍍𑌵𑌮𑌾𑌯𑌾𑌪𑍍𑌰𑌭𑌂𑌜𑌨𑍀 ॥ 33 ॥

𑌮𑌾𑌹𑍇𑌂𑌦𑍍𑌰𑍀 𑌮𑌂𑌤𑍍𑌰𑌿𑌣𑍀 𑌸𑌿𑌂𑌹𑍀 𑌚𑍇𑌂𑌦𑍍𑌰𑌜𑌾𑌲𑌸𑍍𑌵𑌰𑍂𑌪𑌿𑌣𑍀 ।
𑌅𑌵𑌸𑍍𑌥𑌾𑌤𑍍𑌰𑌯𑌨𑌿𑌰𑍍𑌮𑍁𑌕𑍍𑌤𑌾 𑌗𑍁𑌣𑌤𑍍𑌰𑌯𑌵𑌿𑌵𑌰𑍍𑌜𑌿𑌤𑌾 ॥ 34 ॥

𑌈𑌷𑌣𑌾𑌤𑍍𑌰𑌯𑌨𑌿𑌰𑍍𑌮𑍁𑌕𑍍𑌤𑌾 𑌸𑌰𑍍𑌵𑌰𑍋𑌗𑌵𑌿𑌵𑌰𑍍𑌜𑌿𑌤𑌾 ।
𑌯𑍋𑌗𑌿𑌧𑍍𑌯𑌾𑌨𑌾𑌂𑌤𑌗𑌮𑍍𑌯𑌾 𑌚 𑌯𑍋𑌗𑌧𑍍𑌯𑌾𑌨𑌪𑌰𑌾𑌯𑌣𑌾 ॥ 35 ॥

𑌤𑍍𑌰𑌯𑍀𑌶𑌿𑌖𑌾 𑌵𑌿𑌶𑍇𑌷𑌜𑍍𑌞𑌾 𑌵𑍇𑌦𑌾𑌂𑌤𑌜𑍍𑌞𑌾𑌨𑌰𑍂𑌪𑌿𑌣𑍀 ।
𑌭𑌾𑌰𑌤𑍀 𑌕𑌮𑌲𑌾 𑌭𑌾𑌷𑌾 𑌪𑌦𑍍𑌮𑌾 𑌪𑌦𑍍𑌮𑌵𑌤𑍀 𑌕𑍃𑌤𑌿𑌃 ॥ 36 ॥

𑌗𑍌𑌤𑌮𑍀 𑌗𑍋𑌮𑌤𑍀 𑌗𑍌𑌰𑍀 𑌈𑌶𑌾𑌨𑌾 𑌹𑌂𑌸𑌵𑌾𑌹𑌿𑌨𑍀 ।
𑌨𑌾𑌰𑌾𑌯𑌣𑍀 𑌪𑍍𑌰𑌭𑌾𑌧𑌾𑌰𑌾 𑌜𑌾𑌹𑍍𑌨𑌵𑍀 𑌶𑌂𑌕𑌰𑌾𑌤𑍍𑌮𑌜𑌾 ॥ 3𑍭 ॥

𑌚𑌿𑌤𑍍𑌰𑌘𑌂𑌟𑌾 𑌸𑍁𑌨𑌂𑌦𑌾 𑌶𑍍𑌰𑍀𑌰𑍍𑌮𑌾𑌨𑌵𑍀 𑌮𑌨𑍁𑌸𑌂𑌭𑌵𑌾 ।
𑌸𑍍𑌤𑌂𑌭𑌿𑌨𑍀 𑌕𑍍𑌷𑍋𑌭𑌿𑌣𑍀 𑌮𑌾𑌰𑍀 𑌭𑍍𑌰𑌾𑌮𑌿𑌣𑍀 𑌶𑌤𑍍𑌰𑍁𑌮𑌾𑌰𑌿𑌣𑍀 ॥ 3𑍮 ॥

𑌮𑍋𑌹𑌿𑌨𑍀 𑌦𑍍𑌵𑍇𑌷𑌿𑌣𑍀 𑌵𑍀𑌰𑌾 𑌅𑌘𑍋𑌰𑌾 𑌰𑍁𑌦𑍍𑌰𑌰𑍂𑌪𑌿𑌣𑍀 ।
𑌰𑍁𑌦𑍍𑌰𑍈𑌕𑌾𑌦𑌶𑌿𑌨𑍀 𑌪𑍁𑌣𑍍𑌯𑌾 𑌕𑌲𑍍𑌯𑌾𑌣𑍀 𑌲𑌾𑌭𑌕𑌾𑌰𑌿𑌣𑍀 ॥ 3𑍯 ॥

𑌦𑍇𑌵𑌦𑍁𑌰𑍍𑌗𑌾 𑌮𑌹𑌾𑌦𑍁𑌰𑍍𑌗𑌾 𑌸𑍍𑌵𑌪𑍍𑌨𑌦𑍁𑌰𑍍𑌗𑌾𑌽𑌷𑍍𑌟𑌭𑍈𑌰𑌵𑍀 ।
𑌸𑍂𑌰𑍍𑌯𑌚𑌂𑌦𑍍𑌰𑌾𑌗𑍍𑌨𑌿𑌰𑍂𑌪𑌾 𑌚 𑌗𑍍𑌰𑌹𑌨𑌕𑍍𑌷𑌤𑍍𑌰𑌰𑍂𑌪𑌿𑌣𑍀 ॥ 40 ॥

𑌬𑌿𑌂𑌦𑍁𑌨𑌾𑌦𑌕𑌳𑌾𑌤𑍀𑌤𑌾 𑌬𑌿𑌂𑌦𑍁𑌨𑌾𑌦𑌕𑌳𑌾𑌤𑍍𑌮𑌿𑌕𑌾 ।
𑌦𑌶𑌵𑌾𑌯𑍁𑌜𑌯𑌾𑌕𑌾𑌰𑌾 𑌕𑌳𑌾𑌷𑍋𑌡𑌶𑌸𑌂𑌯𑍁𑌤𑌾 ॥ 41 ॥

𑌕𑌾𑌶𑍍𑌯𑌪𑍀 𑌕𑌮𑌲𑌾𑌦𑍇𑌵𑍀 𑌨𑌾𑌦𑌚𑌕𑍍𑌰𑌨𑌿𑌵𑌾𑌸𑌿𑌨𑍀 ।
𑌮𑍃𑌡𑌾𑌧𑌾𑌰𑌾 𑌸𑍍𑌥𑌿𑌰𑌾 𑌗𑍁𑌹𑍍𑌯𑌾 𑌦𑍇𑌵𑌿𑌕𑌾 𑌚𑌕𑍍𑌰𑌰𑍂𑌪𑌿𑌣𑍀 ॥ 42 ॥

𑌅𑌵𑌿𑌦𑍍𑌯𑌾 𑌶𑌾𑌰𑍍𑌵𑌰𑍀 𑌭𑍁𑌂𑌜𑌾 𑌜𑌂𑌭𑌾𑌸𑍁𑌰𑌨𑌿𑌬𑌰𑍍𑌹𑌿𑌣𑍀 ।
𑌶𑍍𑌰𑍀𑌕𑌾𑌯𑌾 𑌶𑍍𑌰𑍀𑌕𑌲𑌾 𑌶𑍁𑌭𑍍𑌰𑌾 𑌕𑌰𑍍𑌮𑌨𑌿𑌰𑍍𑌮𑍂𑌲𑌕𑌾𑌰𑌿𑌣𑍀 ॥ 43 ॥

𑌆𑌦𑌿𑌲𑌕𑍍𑌷𑍍𑌮𑍀𑌰𑍍𑌗𑍁𑌣𑌾𑌧𑌾𑌰𑌾 𑌪𑌂𑌚𑌬𑍍𑌰𑌹𑍍𑌮𑌾𑌤𑍍𑌮𑌿𑌕𑌾 𑌪𑌰𑌾 ।
𑌶𑍍𑌰𑍁𑌤𑌿𑌰𑍍𑌬𑍍𑌰𑌹𑍍𑌮𑌮𑍁𑌖𑌾𑌵𑌾𑌸𑌾 𑌸𑌰𑍍𑌵𑌸𑌂𑌪𑌤𑍍𑌤𑌿𑌰𑍂𑌪𑌿𑌣𑍀 ॥ 44 ॥

𑌮𑍃𑌤𑌸𑌂𑌜𑍀𑌵𑌨𑍀 𑌮𑍈𑌤𑍍𑌰𑍀 𑌕𑌾𑌮𑌿𑌨𑍀 𑌕𑌾𑌮𑌵𑌰𑍍𑌜𑌿𑌤𑌾 ।
𑌨𑌿𑌰𑍍𑌵𑌾𑌣𑌮𑌾𑌰𑍍𑌗𑌦𑌾 𑌦𑍇𑌵𑍀 𑌹𑌂𑌸𑌿𑌨𑍀 𑌕𑌾𑌶𑌿𑌕𑌾 𑌕𑍍𑌷𑌮𑌾 ॥ 45 ॥

𑌸𑌪𑌰𑍍𑌯𑌾 𑌗𑍁𑌣𑌿𑌨𑍀 𑌭𑌿𑌨𑍍𑌨𑌾 𑌨𑌿𑌰𑍍𑌗𑍁𑌣𑌾 𑌖𑌂𑌡𑌿𑌤𑌾𑌶𑍁𑌭𑌾 ।
𑌸𑍍𑌵𑌾𑌮𑌿𑌨𑍀 𑌵𑍇𑌦𑌿𑌨𑍀 𑌶𑌕𑍍𑌯𑌾 𑌶𑌾𑌂𑌬𑌰𑍀 𑌚𑌕𑍍𑌰𑌧𑌾𑌰𑌿𑌣𑍀 ॥ 46 ॥

𑌦𑌂𑌡𑌿𑌨𑍀 𑌮𑍁𑌂𑌡𑌿𑌨𑍀 𑌵𑍍𑌯𑌾𑌘𑍍𑌰𑍀 𑌶𑌿𑌖𑌿𑌨𑍀 𑌸𑍋𑌮𑌸𑌂𑌹𑌤𑌿𑌃 ।
𑌚𑌿𑌂𑌤𑌾𑌮𑌣𑌿𑌶𑍍𑌚𑌿𑌦𑌾𑌨𑌂𑌦𑌾 𑌪𑌂𑌚𑌬𑌾𑌣𑌪𑍍𑌰𑌬𑍋𑌧𑌿𑌨𑍀 ॥ 4𑍭 ॥

𑌬𑌾𑌣𑌶𑍍𑌰𑍇𑌣𑌿𑌸𑍍𑌸𑌹𑌸𑍍𑌰𑌾𑌕𑍍𑌷𑍀 𑌸𑌹𑌸𑍍𑌰𑌭𑍁𑌜𑌪𑌾𑌦𑍁𑌕𑌾 ।
𑌸𑌂𑌧𑍍𑌯𑌾𑌵𑌲𑌿𑌸𑍍𑌤𑍍𑌰𑌿𑌸𑌂𑌧𑍍𑌯𑌾𑌖𑍍𑌯𑌾 𑌬𑍍𑌰𑌹𑍍𑌮𑌾𑌂𑌡𑌮𑌣𑌿𑌭𑍂𑌷𑌣𑌾 ॥ 4𑍮 ॥

𑌵𑌾𑌸𑌵𑍀 𑌵𑌾𑌰𑍁𑌣𑍀𑌸𑍇𑌨𑌾 𑌕𑍁𑌳𑌿𑌕𑌾 𑌮𑌂𑌤𑍍𑌰𑌰𑌂𑌜𑌨𑍀 ।
𑌜𑌿𑌤𑌪𑍍𑌰𑌾𑌣𑌸𑍍𑌵𑌰𑍂𑌪𑌾 𑌚 𑌕𑌾𑌂𑌤𑌾 𑌕𑌾𑌮𑍍𑌯𑌵𑌰𑌪𑍍𑌰𑌦𑌾 ॥ 4𑍯 ॥

𑌮𑌂𑌤𑍍𑌰𑌬𑍍𑌰𑌾𑌹𑍍𑌮𑌣𑌵𑌿𑌦𑍍𑌯𑌾𑌰𑍍𑌥𑌾 𑌨𑌾𑌦𑌰𑍂𑌪𑌾 𑌹𑌵𑌿𑌷𑍍𑌮𑌤𑍀 ।
𑌆𑌥𑌰𑍍𑌵𑌣𑌿𑌃 𑌶𑍍𑌰𑍁𑌤𑌿𑌃 𑌶𑍂𑌨𑍍𑌯𑌾 𑌕𑌲𑍍𑌪𑌨𑌾𑌵𑌰𑍍𑌜𑌿𑌤𑌾 𑌸𑌤𑍀 ॥ 50 ॥

𑌸𑌤𑍍𑌤𑌾𑌜𑌾𑌤𑌿𑌃 𑌪𑍍𑌰𑌮𑌾𑌽𑌮𑍇𑌯𑌾𑌽𑌪𑍍𑌰𑌮𑌿𑌤𑌿𑌃 𑌪𑍍𑌰𑌾𑌣𑌦𑌾 𑌗𑌤𑌿𑌃 ।
𑌅𑌵𑌰𑍍𑌣𑌾 𑌪𑌂𑌚𑌵𑌰𑍍𑌣𑌾 𑌚 𑌸𑌰𑍍𑌵𑌦𑌾 𑌭𑍁𑌵𑌨𑍇𑌶𑍍𑌵𑌰𑍀 ॥ 51 ॥

𑌤𑍍𑌰𑍈𑌲𑍋𑌕𑍍𑌯𑌮𑍋𑌹𑌿𑌨𑍀 𑌵𑌿𑌦𑍍𑌯𑌾 𑌸𑌰𑍍𑌵𑌭𑌰𑍍𑌤𑍍𑌰𑍀 𑌕𑍍𑌷𑌰𑌾𑌽𑌕𑍍𑌷𑌰𑌾 ।
𑌹𑌿𑌰𑌣𑍍𑌯𑌵𑌰𑍍𑌣𑌾 𑌹𑌰𑌿𑌣𑍀 𑌸𑌰𑍍𑌵𑍋𑌪𑌦𑍍𑌰𑌵𑌨𑌾𑌶𑌿𑌨𑍀 ॥ 52 ॥

𑌕𑍈𑌵𑌲𑍍𑌯𑌪𑌦𑌵𑍀𑌰𑍇𑌖𑌾 𑌸𑍂𑌰𑍍𑌯𑌮𑌂𑌡𑌲𑌸𑌂𑌸𑍍𑌥𑌿𑌤𑌾 ।
𑌸𑍋𑌮𑌮𑌂𑌡𑌲𑌮𑌧𑍍𑌯𑌸𑍍𑌥𑌾 𑌵𑌹𑍍𑌨𑌿𑌮𑌂𑌡𑌲𑌸𑌂𑌸𑍍𑌥𑌿𑌤𑌾 ॥ 53 ॥

𑌵𑌾𑌯𑍁𑌮𑌂𑌡𑌲𑌮𑌧𑍍𑌯𑌸𑍍𑌥𑌾 𑌵𑍍𑌯𑍋𑌮𑌮𑌂𑌡𑌲𑌸𑌂𑌸𑍍𑌥𑌿𑌤𑌾 ।
𑌚𑌕𑍍𑌰𑌿𑌕𑌾 𑌚𑌕𑍍𑌰𑌮𑌧𑍍𑌯𑌸𑍍𑌥𑌾 𑌚𑌕𑍍𑌰𑌮𑌾𑌰𑍍𑌗𑌪𑍍𑌰𑌵𑌰𑍍𑌤𑌿𑌨𑍀 ॥ 54 ॥

𑌕𑍋𑌕𑌿𑌲𑌾𑌕𑍁𑌲𑌚𑌕𑍍𑌰𑍇𑌶𑌾 𑌪𑌕𑍍𑌷𑌤𑌿𑌃 𑌪𑌂𑌕𑍍𑌤𑌿𑌪𑌾𑌵𑌨𑍀 ।
𑌸𑌰𑍍𑌵𑌸𑌿𑌦𑍍𑌧𑌾𑌂𑌤𑌮𑌾𑌰𑍍𑌗𑌸𑍍𑌥𑌾 𑌷𑌡𑍍𑌵𑌰𑍍𑌣𑌾𑌵𑌰𑌵𑌰𑍍𑌜𑌿𑌤𑌾 ॥ 55 ॥

𑌶𑌰𑌰𑍁𑌦𑍍𑌰𑌹𑌰𑌾 𑌹𑌂𑌤𑍍𑌰𑍀 𑌸𑌰𑍍𑌵𑌸𑌂𑌹𑌾𑌰𑌕𑌾𑌰𑌿𑌣𑍀 ।
𑌪𑍁𑌰𑍁𑌷𑌾 𑌪𑍌𑌰𑍁𑌷𑍀 𑌤𑍁𑌷𑍍𑌟𑌿𑌸𑍍𑌸𑌰𑍍𑌵𑌤𑌂𑌤𑍍𑌰𑌪𑍍𑌰𑌸𑍂𑌤𑌿𑌕𑌾 ॥ 56 ॥

𑌅𑌰𑍍𑌧𑌨𑌾𑌰𑍀𑌶𑍍𑌵𑌰𑍀 𑌦𑍇𑌵𑍀 𑌸𑌰𑍍𑌵𑌵𑌿𑌦𑍍𑌯𑌾𑌪𑍍𑌰𑌦𑌾𑌯𑌿𑌨𑍀 ।
𑌭𑌾𑌰𑍍𑌗𑌵𑍀 𑌯𑌾𑌜𑍁𑌷𑍀𑌵𑌿𑌦𑍍𑌯𑌾 𑌸𑌰𑍍𑌵𑍋𑌪𑌨𑌿𑌷𑌦𑌾𑌸𑍍𑌥𑌿𑌤𑌾 ॥ 5𑍭 ॥ [ 𑌭𑍁𑌜𑍁𑌷𑍀𑌵𑌿𑌦𑍍𑌯𑌾 ]
𑌵𑍍𑌯𑍋𑌮𑌕𑍇𑌶𑌾𑌖𑌿𑌲𑌪𑍍𑌰𑌾𑌣𑌾 𑌪𑌂𑌚𑌕𑍋𑌶𑌵𑌿𑌲𑌕𑍍𑌷𑌣𑌾 ।
𑌪𑌂𑌚𑌕𑍋𑌶𑌾𑌤𑍍𑌮𑌿𑌕𑌾 𑌪𑍍𑌰𑌤𑍍𑌯𑌕𑍍𑌪𑌂𑌚𑌬𑍍𑌰𑌹𑍍𑌮𑌾𑌤𑍍𑌮𑌿𑌕𑌾 𑌶𑌿𑌵𑌾 ॥ 5𑍮 ॥

𑌜𑌗𑌜𑍍𑌜𑌰𑌾𑌜𑌨𑌿𑌤𑍍𑌰𑍀 𑌚 𑌪𑌂𑌚𑌕𑌰𑍍𑌮𑌪𑍍𑌰𑌸𑍂𑌤𑌿𑌕𑌾 ।
𑌵𑌾𑌗𑍍𑌦𑍇𑌵𑍍𑌯𑌾𑌭𑌰𑌣𑌾𑌕𑌾𑌰𑌾 𑌸𑌰𑍍𑌵𑌕𑌾𑌮𑍍𑌯𑌸𑍍𑌥𑌿𑌤𑌾𑌸𑍍𑌥𑌿𑌤𑌿𑌃 ॥ 5𑍯 ॥

𑌅𑌷𑍍𑌟𑌾𑌦𑌶𑌚𑌤𑍁𑌷𑍍𑌷𑌷𑍍𑌠𑌿𑌪𑍀𑌠𑌿𑌕𑌾 𑌵𑌿𑌦𑍍𑌯𑌯𑌾 𑌯𑍁𑌤𑌾 ।
𑌕𑌾𑌳𑌿𑌕𑌾𑌕𑌰𑍍𑌷𑌣𑌶𑍍𑌯𑌾𑌮𑌾 𑌯𑌕𑍍𑌷𑌿𑌣𑍀 𑌕𑌿𑌨𑍍𑌨𑌰𑍇𑌶𑍍𑌵𑌰𑍀 ॥ 60 ॥

𑌕𑍇𑌤𑌕𑍀 𑌮𑌲𑍍𑌲𑌿𑌕𑌾𑌽𑌶𑍋𑌕𑌾 𑌵𑌾𑌰𑌾𑌹𑍀 𑌧𑌰𑌣𑍀 𑌧𑍍𑌰𑍁𑌵𑌾 ।
𑌨𑌾𑌰𑌸𑌿𑌂𑌹𑍀 𑌮𑌹𑍋𑌗𑍍𑌰𑌾𑌸𑍍𑌯𑌾 𑌭𑌕𑍍𑌤𑌾𑌨𑌾𑌮𑌾𑌰𑍍𑌤𑌿𑌨𑌾𑌶𑌿𑌨𑍀 ॥ 61 ॥

𑌅𑌂𑌤𑌰𑍍𑌬𑌲𑌾 𑌸𑍍𑌥𑌿𑌰𑌾 𑌲𑌕𑍍𑌷𑍍𑌮𑍀𑌰𑍍𑌜𑌰𑌾𑌮𑌰𑌣𑌨𑌾𑌶𑌿𑌨𑍀 ।
𑌶𑍍𑌰𑍀𑌰𑌂𑌜𑌿𑌤𑌾 𑌮𑌹𑌾𑌕𑌾𑌯𑌾 𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌲𑍋𑌚𑌨𑌾 ॥ 62 ॥

𑌅𑌦𑌿𑌤𑌿𑌰𑍍𑌦𑍇𑌵𑌮𑌾𑌤𑌾 𑌚 𑌅𑌷𑍍𑌟𑌪𑍁𑌤𑍍𑌰𑌾𑌽𑌷𑍍𑌟𑌯𑍋𑌗𑌿𑌨𑍀 ।
𑌅𑌷𑍍𑌟𑌪𑍍𑌰𑌕𑍃𑌤𑌿𑌰𑌷𑍍𑌟𑌾𑌷𑍍𑌟𑌵𑌿𑌭𑍍𑌰𑌾𑌜𑌦𑍍𑌵𑌿𑌕𑍃𑌤𑌾𑌕𑍃𑌤𑌿𑌃 ॥ 63 ॥

𑌦𑍁𑌰𑍍𑌭𑌿𑌕𑍍𑌷𑌧𑍍𑌵𑌂𑌸𑌿𑌨𑍀 𑌦𑍇𑌵𑍀 𑌸𑍀𑌤𑌾 𑌸𑌤𑍍𑌯𑌾 𑌚 𑌰𑍁𑌕𑍍𑌮𑌿𑌣𑍀 ।
𑌖𑍍𑌯𑌾𑌤𑌿𑌜𑌾 𑌭𑌾𑌰𑍍𑌗𑌵𑍀 𑌦𑍇𑌵𑍀 𑌦𑍇𑌵𑌯𑍋𑌨𑌿𑌸𑍍𑌤𑌪𑌸𑍍𑌵𑌿𑌨𑍀 ॥ 64 ॥

𑌶𑌾𑌕𑌂𑌭𑌰𑍀 𑌮𑌹𑌾𑌶𑍋𑌣𑌾 𑌗𑌰𑍁𑌡𑍋𑌪𑌰𑌿𑌸𑌂𑌸𑍍𑌥𑌿𑌤𑌾 ।
𑌸𑌿𑌂𑌹𑌗𑌾 𑌵𑍍𑌯𑌾𑌘𑍍𑌰𑌗𑌾 𑌦𑍇𑌵𑍀 𑌵𑌾𑌯𑍁𑌗𑌾 𑌚 𑌮𑌹𑌾𑌦𑍍𑌰𑌿𑌗𑌾 ॥ 65 ॥

𑌅𑌕𑌾𑌰𑌾𑌦𑌿𑌕𑍍𑌷𑌕𑌾𑌰𑌾𑌂𑌤𑌾 𑌸𑌰𑍍𑌵𑌵𑌿𑌦𑍍𑌯𑌾𑌧𑌿𑌦𑍇𑌵𑌤𑌾 ।
𑌮𑌂𑌤𑍍𑌰𑌵𑍍𑌯𑌾𑌖𑍍𑌯𑌾𑌨𑌨𑌿𑌪𑍁𑌣𑌾 𑌜𑍍𑌯𑍋𑌤𑌿𑌶𑍍𑌶𑌾𑌸𑍍𑌤𑍍𑌰𑍈𑌕𑌲𑍋𑌚𑌨𑌾 ॥ 66 ॥

𑌇𑌡𑌾𑌪𑌿𑌂𑌗𑌳𑌿𑌕𑌾𑌮𑌧𑍍𑌯𑌾𑌸𑍁𑌷𑍁𑌮𑍍𑌨𑌾 𑌗𑍍𑌰𑌂𑌥𑌿𑌭𑍇𑌦𑌿𑌨𑍀 ।
𑌕𑌾𑌲𑌚𑌕𑍍𑌰𑌾𑌶𑍍𑌰𑌯𑍋𑌪𑍇𑌤𑌾 𑌕𑌾𑌲𑌚𑌕𑍍𑌰𑌸𑍍𑌵𑌰𑍂𑌪𑌿𑌣𑍀 ॥ 6𑍭 ॥

𑌵𑍈𑌶𑌾𑌰𑌦𑍀 𑌮𑌤𑌿𑌶𑍍𑌶𑍍𑌰𑍇𑌷𑍍𑌠𑌾 𑌵𑌰𑌿𑌷𑍍𑌠𑌾 𑌸𑌰𑍍𑌵𑌦𑍀𑌪𑌿𑌕𑌾 ।
𑌵𑍈𑌨𑌾𑌯𑌕𑍀 𑌵𑌰𑌾𑌰𑍋𑌹𑌾 𑌶𑍍𑌰𑍋𑌣𑌿𑌵𑍇𑌲𑌾 𑌬𑌹𑌿𑌰𑍍𑌵𑌲𑌿𑌃 ॥ 6𑍮 ॥

𑌜𑌂𑌭𑌿𑌨𑍀 𑌜𑍃𑌂𑌭𑌿𑌣𑍀 𑌜𑌂𑌭𑌕𑌾𑌰𑌿𑌣𑍀 𑌗𑌣𑌕𑌾𑌰𑌿𑌕𑌾 ।
𑌶𑌰𑌣𑍀 𑌚𑌕𑍍𑌰𑌿𑌕𑌾𑌽𑌨𑌂𑌤𑌾 𑌸𑌰𑍍𑌵𑌵𑍍𑌯𑌾𑌧𑌿𑌚𑌿𑌕𑌿𑌤𑍍𑌸𑌕𑍀 ॥ 6𑍯 ॥

𑌦𑍇𑌵𑌕𑍀 𑌦𑍇𑌵𑌸𑌂𑌕𑌾𑌶𑌾 𑌵𑌾𑌰𑌿𑌧𑌿𑌃 𑌕𑌰𑍁𑌣𑌾𑌕𑌰𑌾 ।
𑌶𑌰𑍍𑌵𑌰𑍀 𑌸𑌰𑍍𑌵𑌸𑌂𑌪𑌨𑍍𑌨𑌾 𑌸𑌰𑍍𑌵𑌪𑌾𑌪𑌪𑍍𑌰𑌭𑌂𑌜𑌨𑍀 ॥ 𑍭0 ॥

𑌏𑌕𑌮𑌾𑌤𑍍𑌰𑌾 𑌦𑍍𑌵𑌿𑌮𑌾𑌤𑍍𑌰𑌾 𑌚 𑌤𑍍𑌰𑌿𑌮𑌾𑌤𑍍𑌰𑌾 𑌚 𑌤𑌥𑌾𑌽𑌪𑌰𑌾 ।
𑌅𑌰𑍍𑌧𑌮𑌾𑌤𑍍𑌰𑌾 𑌪𑌰𑌾 𑌸𑍂𑌕𑍍𑌷𑍍𑌮𑌾 𑌸𑍂𑌕𑍍𑌷𑍍𑌮𑌾𑌰𑍍𑌥𑌾𑌽𑌰𑍍𑌥𑌪𑌰𑌾𑌽𑌪𑌰𑌾 ॥ 𑍭1 ॥

𑌏𑌕𑌵𑍀𑌰𑌾 𑌵𑌿𑌶𑍇𑌷𑌾𑌖𑍍𑌯𑌾 𑌷𑌷𑍍𑌠𑍀𑌦𑍇𑌵𑍀 𑌮𑌨𑌸𑍍𑌵𑌿𑌨𑍀 ।
𑌨𑍈𑌷𑍍𑌕𑌰𑍍𑌮𑍍𑌯𑌾 𑌨𑌿𑌷𑍍𑌕𑌲𑌾𑌲𑍋𑌕𑌾 𑌜𑍍𑌞𑌾𑌨𑌕𑌰𑍍𑌮𑌾𑌧𑌿𑌕𑌾 𑌗𑍁𑌣𑌾 ॥ 𑍭2 ॥

𑌸𑌬𑌂𑌧𑍍𑌵𑌾𑌨𑌂𑌦𑌸𑌂𑌦𑍋𑌹𑌾 𑌵𑍍𑌯𑍋𑌮𑌾𑌕𑌾𑌰𑌾𑌽𑌨𑌿𑌰𑍂𑌪𑌿𑌤𑌾 ।
𑌗𑌦𑍍𑌯𑌪𑌦𑍍𑌯𑌾𑌤𑍍𑌮𑌿𑌕𑌾 𑌵𑌾𑌣𑍀 𑌸𑌰𑍍𑌵𑌾𑌲𑌂𑌕𑌾𑌰𑌸𑌂𑌯𑍁𑌤𑌾 ॥ 𑍭3 ॥

𑌸𑌾𑌧𑍁𑌬𑌂𑌧𑌪𑌦𑌨𑍍𑌯𑌾𑌸𑌾 𑌸𑌰𑍍𑌵𑍌𑌕𑍋 𑌘𑌟𑌿𑌕𑌾𑌵𑌲𑌿𑌃 ।
𑌷𑌟𑍍𑌕𑌰𑍍𑌮𑌾 𑌕𑌰𑍍𑌕𑌶𑌾𑌕𑌾𑌰𑌾 𑌸𑌰𑍍𑌵𑌕𑌰𑍍𑌮𑌵𑌿𑌵𑌰𑍍𑌜𑌿𑌤𑌾 ॥ 𑍭4 ॥

𑌆𑌦𑌿𑌤𑍍𑌯𑌵𑌰𑍍𑌣𑌾 𑌚𑌾𑌪𑌰𑍍𑌣𑌾 𑌕𑌾𑌮𑌿𑌨𑍀 𑌵𑌰𑌰𑍂𑌪𑌿𑌣𑍀 ।
𑌬𑍍𑌰𑌹𑍍𑌮𑌾𑌣𑍀 𑌬𑍍𑌰𑌹𑍍𑌮𑌸𑌂𑌤𑌾𑌨𑌾 𑌵𑍇𑌦𑌵𑌾𑌗𑍀𑌶𑍍𑌵𑌰𑍀 𑌶𑌿𑌵𑌾 ॥ 𑍭5 ॥

𑌪𑍁𑌰𑌾𑌣𑌨𑍍𑌯𑌾𑌯𑌮𑍀𑌮𑌾𑌂𑌸𑌾𑌧𑌰𑍍𑌮𑌶𑌾𑌸𑍍𑌤𑍍𑌰𑌾𑌗𑌮𑌶𑍍𑌰𑍁𑌤𑌾 ।
𑌸𑌦𑍍𑌯𑍋𑌵𑍇𑌦𑌵𑌤𑍀 𑌸𑌰𑍍𑌵𑌾 𑌹𑌂𑌸𑍀 𑌵𑌿𑌦𑍍𑌯𑌾𑌧𑌿𑌦𑍇𑌵𑌤𑌾 ॥ 𑍭6 ॥

𑌵𑌿𑌶𑍍𑌵𑍇𑌶𑍍𑌵𑌰𑍀 𑌜𑌗𑌦𑍍𑌧𑌾𑌤𑍍𑌰𑍀 𑌵𑌿𑌶𑍍𑌵𑌨𑌿𑌰𑍍𑌮𑌾𑌣𑌕𑌾𑌰𑌿𑌣𑍀 ।
𑌵𑍈𑌦𑌿𑌕𑍀 𑌵𑍇𑌦𑌰𑍂𑌪𑌾 𑌚 𑌕𑌾𑌲𑌿𑌕𑌾 𑌕𑌾𑌲𑌰𑍂𑌪𑌿𑌣𑍀 ॥ 𑍭𑍭 ॥

𑌨𑌾𑌰𑌾𑌯𑌣𑍀 𑌮𑌹𑌾𑌦𑍇𑌵𑍀 𑌸𑌰𑍍𑌵𑌤𑌤𑍍𑌤𑍍𑌵𑌪𑍍𑌰𑌵𑌰𑍍𑌤𑌿𑌨𑍀 ।
𑌹𑌿𑌰𑌣𑍍𑌯𑌵𑌰𑍍𑌣𑌰𑍂𑌪𑌾 𑌚 𑌹𑌿𑌰𑌣𑍍𑌯𑌪𑌦𑌸𑌂𑌭𑌵𑌾 ॥ 𑍭𑍮 ॥

𑌕𑍈𑌵𑌲𑍍𑌯𑌪𑌦𑌵𑍀 𑌪𑍁𑌣𑍍𑌯𑌾 𑌕𑍈𑌵𑌲𑍍𑌯𑌜𑍍𑌞𑌾𑌨𑌲𑌕𑍍𑌷𑌿𑌤𑌾 ।
𑌬𑍍𑌰𑌹𑍍𑌮𑌸𑌂𑌪𑌤𑍍𑌤𑌿𑌰𑍂𑌪𑌾 𑌚 𑌬𑍍𑌰𑌹𑍍𑌮𑌸𑌂𑌪𑌤𑍍𑌤𑌿𑌕𑌾𑌰𑌿𑌣𑍀 ॥ 𑍭𑍯 ॥

𑌵𑌾𑌰𑍁𑌣𑍀 𑌵𑌾𑌰𑍁𑌣𑌾𑌰𑌾𑌧𑍍𑌯𑌾 𑌸𑌰𑍍𑌵𑌕𑌰𑍍𑌮𑌪𑍍𑌰𑌵𑌰𑍍𑌤𑌿𑌨𑍀 ।
𑌏𑌕𑌾𑌕𑍍𑌷𑌰𑌪𑌰𑌾𑌽𑌽𑌯𑍁𑌕𑍍𑌤𑌾 𑌸𑌰𑍍𑌵𑌦𑌾𑌰𑌿𑌦𑍍𑌰𑍍𑌯𑌭𑌂𑌜𑌿𑌨𑍀 ॥ 𑍮0 ॥

𑌪𑌾𑌶𑌾𑌂𑌕𑍁𑌶𑌾𑌨𑍍𑌵𑌿𑌤𑌾 𑌦𑌿𑌵𑍍𑌯𑌾 𑌵𑍀𑌣𑌾𑌵𑍍𑌯𑌾𑌖𑍍𑌯𑌾𑌕𑍍𑌷𑌸𑍂𑌤𑍍𑌰𑌭𑍃𑌤𑍍 ।
𑌏𑌕𑌮𑍂𑌰𑍍𑌤𑌿𑌸𑍍𑌤𑍍𑌰𑌯𑍀𑌮𑍂𑌰𑍍𑌤𑌿𑌰𑍍𑌮𑌧𑍁𑌕𑍈𑌟𑌭𑌭𑌂𑌜𑌿𑌨𑍀 ॥ 𑍮1 ॥

𑌸𑌾𑌂𑌖𑍍𑌯𑌾 𑌸𑌾𑌂𑌖𑍍𑌯𑌵𑌤𑍀 𑌜𑍍𑌵𑌾𑌲𑌾 𑌜𑍍𑌵𑌲𑌂𑌤𑍀 𑌕𑌾𑌮𑌰𑍂𑌪𑌿𑌣𑍀 ।
𑌜𑌾𑌗𑍍𑌰𑌤𑍀 𑌸𑌰𑍍𑌵𑌸𑌂𑌪𑌤𑍍𑌤𑌿𑌸𑍍𑌸𑍁𑌷𑍁𑌪𑍍𑌤𑌾 𑌸𑍍𑌵𑍇𑌷𑍍𑌟𑌦𑌾𑌯𑌿𑌨𑍀 ॥ 𑍮2 ॥

𑌕𑌪𑌾𑌲𑌿𑌨𑍀 𑌮𑌹𑌾𑌦𑌂𑌷𑍍𑌟𑍍𑌰𑌾 𑌭𑍍𑌰𑍁𑌕𑍁𑌟𑍀 𑌕𑍁𑌟𑌿𑌲𑌾𑌨𑌨𑌾 ।
𑌸𑌰𑍍𑌵𑌾𑌵𑌾𑌸𑌾 𑌸𑍁𑌵𑌾𑌸𑌾 𑌚 𑌬𑍃𑌹𑌤𑍍𑌯𑌷𑍍𑌟𑌿𑌶𑍍𑌚 𑌶𑌕𑍍𑌵𑌰𑍀 ॥ 𑍮3 ॥

𑌛𑌂𑌦𑍋𑌗𑌣𑌪𑍍𑌰𑌤𑌿𑌷𑍍𑌠𑌾 𑌚 𑌕𑌲𑍍𑌮𑌾𑌷𑍀 𑌕𑌰𑍁𑌣𑌾𑌤𑍍𑌮𑌿𑌕𑌾 ।
𑌚𑌕𑍍𑌷𑍁𑌷𑍍𑌮𑌤𑍀 𑌮𑌹𑌾𑌘𑍋𑌷𑌾 𑌖𑌡𑍍𑌗𑌚𑌰𑍍𑌮𑌧𑌰𑌾𑌽𑌶𑌨𑌿𑌃 ॥ 𑍮4 ॥

𑌶𑌿𑌲𑍍𑌪𑌵𑍈𑌚𑌿𑌤𑍍𑌰𑍍𑌯𑌵𑌿𑌦𑍍𑌯𑍋𑌤𑌾 𑌸𑌰𑍍𑌵𑌤𑍋𑌭𑌦𑍍𑌰𑌵𑌾𑌸𑌿𑌨𑍀 ।
𑌅𑌚𑌿𑌂𑌤𑍍𑌯𑌲𑌕𑍍𑌷𑌣𑌾𑌕𑌾𑌰𑌾 𑌸𑍂𑌤𑍍𑌰𑌭𑌾𑌷𑍍𑌯𑌨𑌿𑌬𑌂𑌧𑌨𑌾 ॥ 𑍮5 ॥

𑌸𑌰𑍍𑌵𑌵𑍇𑌦𑌾𑌰𑍍𑌥𑌸𑌂𑌪𑌤𑍍𑌤𑌿𑌸𑍍𑌸𑌰𑍍𑌵𑌶𑌾𑌸𑍍𑌤𑍍𑌰𑌾𑌰𑍍𑌥𑌮𑌾𑌤𑍃𑌕𑌾 ।
𑌅𑌕𑌾𑌰𑌾𑌦𑌿𑌕𑍍𑌷𑌕𑌾𑌰𑌾𑌂𑌤𑌸𑌰𑍍𑌵𑌵𑌰𑍍𑌣𑌕𑍃𑌤𑌸𑍍𑌥𑌲𑌾 ॥ 𑍮6 ॥

𑌸𑌰𑍍𑌵𑌲𑌕𑍍𑌷𑍍𑌮𑍀𑌸𑍍𑌸𑌦𑌾𑌨𑌂𑌦𑌾 𑌸𑌾𑌰𑌵𑌿𑌦𑍍𑌯𑌾 𑌸𑌦𑌾𑌶𑌿𑌵𑌾 ।
𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑌶𑌕𑍍𑌤𑌿𑌶𑍍𑌚 𑌖𑍇𑌚𑌰𑍀𑌰𑍂𑌪𑌗𑍋𑌚𑍍𑌛𑍍𑌰𑌿𑌤𑌾 ॥ 𑍮𑍭 ॥

𑌅𑌣𑌿𑌮𑌾𑌦𑌿𑌗𑍁𑌣𑍋𑌪𑍇𑌤𑌾 𑌪𑌰𑌾 𑌕𑌾𑌷𑍍𑌠𑌾 𑌪𑌰𑌾 𑌗𑌤𑌿𑌃 ।
𑌹𑌂𑌸𑌯𑍁𑌕𑍍𑌤𑌵𑌿𑌮𑌾𑌨𑌸𑍍𑌥𑌾 𑌹𑌂𑌸𑌾𑌰𑍂𑌢𑌾 𑌶𑌶𑌿𑌪𑍍𑌰𑌭𑌾 ॥ 𑍮𑍮 ॥

𑌭𑌵𑌾𑌨𑍀 𑌵𑌾𑌸𑌨𑌾𑌶𑌕𑍍𑌤𑌿𑌰𑌾𑌕𑍃𑌤𑌿𑌸𑍍𑌥𑌾𑌖𑌿𑌲𑌾𑌽𑌖𑌿𑌲𑌾 ।
𑌤𑌂𑌤𑍍𑌰𑌹𑍇𑌤𑍁𑌰𑍍𑌵𑌿𑌚𑌿𑌤𑍍𑌰𑌾𑌂𑌗𑍀 𑌵𑍍𑌯𑍋𑌮𑌗𑌂𑌗𑌾𑌵𑌿𑌨𑍋𑌦𑌿𑌨𑍀 ॥ 𑍮𑍯 ॥

𑌵𑌰𑍍𑌷𑌾 𑌚 𑌵𑌾𑌰𑍍𑌷𑌿𑌕𑌾 𑌚𑍈𑌵 𑌋𑌗𑍍𑌯𑌜𑍁𑌸𑍍𑌸𑌾𑌮𑌰𑍂𑌪𑌿𑌣𑍀 ।
𑌮𑌹𑌾𑌨𑌦𑍀𑌨𑌦𑍀𑌪𑍁𑌣𑍍𑌯𑌾𑌽𑌗𑌣𑍍𑌯𑌪𑍁𑌣𑍍𑌯𑌗𑍁𑌣𑌕𑍍𑌰𑌿𑌯𑌾 ॥ 𑍯0 ॥

𑌸𑌮𑌾𑌧𑌿𑌗𑌤𑌲𑌭𑍍𑌯𑌾𑌰𑍍𑌥𑌾 𑌶𑍍𑌰𑍋𑌤𑌵𑍍𑌯𑌾 𑌸𑍍𑌵𑌪𑍍𑌰𑌿𑌯𑌾 𑌘𑍃𑌣𑌾 ।
𑌨𑌾𑌮𑌾𑌕𑍍𑌷𑌰𑌪𑌰𑌾 𑌦𑍇𑌵𑍀 𑌉𑌪𑌸𑌰𑍍𑌗𑌨𑌖𑌾𑌂𑌚𑌿𑌤𑌾 ॥ 𑍯1 ॥

𑌨𑌿𑌪𑌾𑌤𑍋𑌰𑍁𑌦𑍍𑌵𑌯𑍀𑌜𑌂𑌘𑌾 𑌮𑌾𑌤𑍃𑌕𑌾 𑌮𑌂𑌤𑍍𑌰𑌰𑍂𑌪𑌿𑌣𑍀 ।
𑌆𑌸𑍀𑌨𑌾 𑌚 𑌶𑌯𑌾𑌨𑌾 𑌚 𑌤𑌿𑌷𑍍𑌠𑌂𑌤𑍀 𑌧𑌾𑌵𑌨𑌾𑌧𑌿𑌕𑌾 ॥ 𑍯2 ॥

𑌲𑌕𑍍𑌷𑍍𑌯𑌲𑌕𑍍𑌷𑌣𑌯𑍋𑌗𑌾𑌢𑍍𑌯𑌾 𑌤𑌾𑌦𑍍𑌰𑍂𑌪𑍍𑌯𑌗𑌣𑌨𑌾𑌕𑍃𑌤𑌿𑌃 ।
𑌸𑍈𑌕𑌰𑍂𑌪𑌾 𑌨𑍈𑌕𑌰𑍂𑌪𑌾 𑌸𑍇𑌂𑌦𑍁𑌰𑍂𑌪𑌾 𑌤𑌦𑌾𑌕𑍃𑌤𑌿𑌃 ॥ 𑍯3 ॥

𑌸𑌮𑌾𑌸𑌤𑌦𑍍𑌧𑌿𑌤𑌾𑌕𑌾𑌰𑌾 𑌵𑌿𑌭𑌕𑍍𑌤𑌿𑌵𑌚𑌨𑌾𑌤𑍍𑌮𑌿𑌕𑌾 ।
𑌸𑍍𑌵𑌾𑌹𑌾𑌕𑌾𑌰𑌾 𑌸𑍍𑌵𑌧𑌾𑌕𑌾𑌰𑌾 𑌶𑍍𑌰𑍀𑌪𑌤𑍍𑌯𑌰𑍍𑌧𑌾𑌂𑌗𑌨𑌂𑌦𑌿𑌨𑍀 ॥ 𑍯4 ॥

𑌗𑌂𑌭𑍀𑌰𑌾 𑌗𑌹𑌨𑌾 𑌗𑍁𑌹𑍍𑌯𑌾 𑌯𑍋𑌨𑌿𑌲𑌿𑌂𑌗𑌾𑌰𑍍𑌧𑌧𑌾𑌰𑌿𑌣𑍀 ।
𑌶𑍇𑌷𑌵𑌾𑌸𑍁𑌕𑌿𑌸𑌂𑌸𑍇𑌵𑍍𑌯𑌾 𑌚𑌪𑌲𑌾 𑌵𑌰𑌵𑌰𑍍𑌣𑌿𑌨𑍀 ॥ 𑍯5 ॥

𑌕𑌾𑌰𑍁𑌣𑍍𑌯𑌾𑌕𑌾𑌰𑌸𑌂𑌪𑌤𑍍𑌤𑌿𑌃 𑌕𑍀𑌲𑌕𑍃𑌨𑍍𑌮𑌂𑌤𑍍𑌰𑌕𑍀𑌲𑌿𑌕𑌾 ।
𑌶𑌕𑍍𑌤𑌿𑌬𑍀𑌜𑌾𑌤𑍍𑌮𑌿𑌕𑌾 𑌸𑌰𑍍𑌵𑌮𑌂𑌤𑍍𑌰𑍇𑌷𑍍𑌟𑌾𑌕𑍍𑌷𑌯𑌕𑌾𑌮𑌨𑌾 ॥ 𑍯6 ॥

𑌆𑌗𑍍𑌨𑍇𑌯𑍀 𑌪𑌾𑌰𑍍𑌥𑌿𑌵𑌾 𑌆𑌪𑍍𑌯𑌾 𑌵𑌾𑌯𑌵𑍍𑌯𑌾 𑌵𑍍𑌯𑍋𑌮𑌕𑍇𑌤𑌨𑌾 ।
𑌸𑌤𑍍𑌯𑌜𑍍𑌞𑌾𑌨𑌾𑌤𑍍𑌮𑌿𑌕𑌾𑌽𑌽𑌨𑌂𑌦𑌾 𑌬𑍍𑌰𑌾𑌹𑍍𑌮𑍀 𑌬𑍍𑌰𑌹𑍍𑌮 𑌸𑌨𑌾𑌤𑌨𑍀 ॥ 𑍯𑍭 ॥

𑌅𑌵𑌿𑌦𑍍𑌯𑌾𑌵𑌾𑌸𑌨𑌾 𑌮𑌾𑌯𑌾𑌪𑍍𑌰𑌕𑍃𑌤𑌿𑌸𑍍𑌸𑌰𑍍𑌵𑌮𑍋𑌹𑌿𑌨𑍀 ।
𑌶𑌕𑍍𑌤𑌿𑌰𑍍𑌧𑌾𑌰𑌣𑌶𑌕𑍍𑌤𑌿𑌶𑍍𑌚 𑌚𑌿𑌦𑌚𑌿𑌚𑍍𑌛𑌕𑍍𑌤𑌿𑌯𑍋𑌗𑌿𑌨𑍀 ॥ 𑍯𑍮 ॥

𑌵𑌕𑍍𑌤𑍍𑌰𑌾𑌰𑍁𑌣𑌾 𑌮𑌹𑌾𑌮𑌾𑌯𑌾 𑌮𑌰𑍀𑌚𑌿𑌰𑍍𑌮𑌦𑌮𑌰𑍍𑌦𑌿𑌨𑍀 ।
𑌵𑌿𑌰𑌾𑌟𑍍 𑌸𑍍𑌵𑌾𑌹𑌾 𑌸𑍍𑌵𑌧𑌾 𑌶𑍁𑌦𑍍𑌧𑌾 𑌨𑍀𑌰𑍂𑌪𑌾𑌸𑍍𑌤𑌿𑌸𑍍𑌸𑍁𑌭𑌕𑍍𑌤𑌿𑌗𑌾 ॥ 𑍯𑍯 ॥

𑌨𑌿𑌰𑍂𑌪𑌿𑌤𑌾𑌦𑍍𑌵𑌯𑍀𑌵𑌿𑌦𑍍𑌯𑌾 𑌨𑌿𑌤𑍍𑌯𑌾𑌨𑌿𑌤𑍍𑌯𑌸𑍍𑌵𑌰𑍂𑌪𑌿𑌣𑍀 ।
𑌵𑍈𑌰𑌾𑌜𑌮𑌾𑌰𑍍𑌗𑌸𑌂𑌚𑌾𑌰𑌾 𑌸𑌰𑍍𑌵𑌸𑌤𑍍𑌪𑌥𑌦𑌰𑍍𑌶𑌿𑌨𑍀 ॥ 100 ॥

𑌜𑌾𑌲𑌂𑌧𑌰𑍀 𑌮𑍃𑌡𑌾𑌨𑍀 𑌚 𑌭𑌵𑌾𑌨𑍀 𑌭𑌵𑌭𑌂𑌜𑌨𑍀 ।
𑌤𑍍𑌰𑍈𑌕𑌾𑌲𑌿𑌕𑌜𑍍𑌞𑌾𑌨𑌤𑌂𑌤𑍁𑌸𑍍𑌤𑍍𑌰𑌿𑌕𑌾𑌲𑌜𑍍𑌞𑌾𑌨𑌦𑌾𑌯𑌿𑌨𑍀 ॥ 101 ॥

𑌨𑌾𑌦𑌾𑌤𑍀𑌤𑌾 𑌸𑍍𑌮𑍃𑌤𑌿𑌃 𑌪𑍍𑌰𑌜𑍍𑌞𑌾 𑌧𑌾𑌤𑍍𑌰𑍀𑌰𑍂𑌪𑌾 𑌤𑍍𑌰𑌿𑌪𑍁𑌷𑍍𑌕𑌰𑌾 ।
𑌪𑌰𑌾𑌜𑌿𑌤𑌾𑌵𑌿𑌧𑌾𑌨𑌜𑍍𑌞𑌾 𑌵𑌿𑌶𑍇𑌷𑌿𑌤𑌗𑍁𑌣𑌾𑌤𑍍𑌮𑌿𑌕𑌾 ॥ 102 ॥

𑌹𑌿𑌰𑌣𑍍𑌯𑌕𑍇𑌶𑌿𑌨𑍀 𑌹𑍇𑌮𑌬𑍍𑌰𑌹𑍍𑌮𑌸𑍂𑌤𑍍𑌰𑌵𑌿𑌚𑌕𑍍𑌷𑌣𑌾 ।
𑌅𑌸𑌂𑌖𑍍𑌯𑍇𑌯𑌪𑌰𑌾𑌰𑍍𑌧𑌾𑌂𑌤𑌸𑍍𑌵𑌰𑌵𑍍𑌯𑌂𑌜𑌨𑌵𑍈𑌖𑌰𑍀 ॥ 103 ॥

𑌮𑌧𑍁𑌜𑌿𑌹𑍍𑌵𑌾 𑌮𑌧𑍁𑌮𑌤𑍀 𑌮𑌧𑍁𑌮𑌾𑌸𑍋𑌦𑌯𑌾 𑌮𑌧𑍁𑌃 ।
𑌮𑌾𑌧𑌵𑍀 𑌚 𑌮𑌹𑌾𑌭𑌾𑌗𑌾 𑌮𑍇𑌘𑌗𑌂𑌭𑍀𑌰𑌨𑌿𑌸𑍍𑌵𑌨𑌾 ॥ 104 ॥

𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌮𑌹𑍇𑌶𑌾𑌦𑌿𑌜𑍍𑌞𑌾𑌤𑌵𑍍𑌯𑌾𑌰𑍍𑌥𑌵𑌿𑌶𑍇𑌷𑌗𑌾 ।
𑌨𑌾𑌭𑍌 𑌵𑌹𑍍𑌨𑌿𑌶𑌿𑌖𑌾𑌕𑌾𑌰𑌾 𑌲𑌲𑌾𑌟𑍇 𑌚𑌂𑌦𑍍𑌰𑌸𑌨𑍍𑌨𑌿𑌭𑌾 ॥ 105 ॥

𑌭𑍍𑌰𑍂𑌮𑌧𑍍𑌯𑍇 𑌭𑌾𑌸𑍍𑌕𑌰𑌾𑌕𑌾𑌰𑌾 𑌸𑌰𑍍𑌵𑌤𑌾𑌰𑌾𑌕𑍃𑌤𑌿𑌰𑍍𑌹𑍃𑌦𑌿 ।
𑌕𑍃𑌤𑍍𑌤𑌿𑌕𑌾𑌦𑌿𑌭𑌰𑌣𑍍𑌯𑌂𑌤𑌨𑌕𑍍𑌷𑌤𑍍𑌰𑍇𑌷𑍍𑌟𑍍𑌯𑌾𑌰𑍍𑌚𑌿𑌤𑍋𑌦𑌯𑌾 ॥ 106 ॥

𑌗𑍍𑌰𑌹𑌵𑌿𑌦𑍍𑌯𑌾𑌤𑍍𑌮𑌿𑌕𑌾 𑌜𑍍𑌯𑍋𑌤𑌿𑌰𑍍𑌜𑍍𑌯𑍋𑌤𑌿𑌰𑍍𑌵𑌿𑌨𑍍𑌮𑌤𑌿𑌜𑍀𑌵𑌿𑌕𑌾 ।
𑌬𑍍𑌰𑌹𑍍𑌮𑌾𑌂𑌡𑌗𑌰𑍍𑌭𑌿𑌣𑍀 𑌬𑌾𑌲𑌾 𑌸𑌪𑍍𑌤𑌾𑌵𑌰𑌣𑌦𑍇𑌵𑌤𑌾 ॥ 10𑍭 ॥

𑌵𑍈𑌰𑌾𑌜𑍋𑌤𑍍𑌤𑌮𑌸𑌾𑌮𑍍𑌰𑌾𑌜𑍍𑌯𑌾 𑌕𑍁𑌮𑌾𑌰𑌕𑍁𑌶𑌲𑍋𑌦𑌯𑌾 ।
𑌬𑌗𑌳𑌾 𑌭𑍍𑌰𑌮𑌰𑌾𑌂𑌬𑌾 𑌚 𑌶𑌿𑌵𑌦𑍂𑌤𑍀 𑌶𑌿𑌵𑌾𑌤𑍍𑌮𑌿𑌕𑌾 ॥ 10𑍮 ॥

𑌮𑍇𑌰𑍁𑌵𑌿𑌂𑌧𑍍𑌯𑌾𑌦𑌿𑌸𑌂𑌸𑍍𑌥𑌾𑌨𑌾 𑌕𑌾𑌶𑍍𑌮𑍀𑌰𑌪𑍁𑌰𑌵𑌾𑌸𑌿𑌨𑍀 ।
𑌯𑍋𑌗𑌨𑌿𑌦𑍍𑌰𑌾 𑌮𑌹𑌾𑌨𑌿𑌦𑍍𑌰𑌾 𑌵𑌿𑌨𑌿𑌦𑍍𑌰𑌾 𑌰𑌾𑌕𑍍𑌷𑌸𑌾𑌶𑍍𑌰𑌿𑌤𑌾 ॥ 10𑍯 ॥

𑌸𑍁𑌵𑌰𑍍𑌣𑌦𑌾 𑌮𑌹𑌾𑌗𑌂𑌗𑌾 𑌪𑌂𑌚𑌾𑌖𑍍𑌯𑌾 𑌪𑌂𑌚𑌸𑌂𑌹𑌤𑌿𑌃 ।
𑌸𑍁𑌪𑍍𑌰𑌜𑌾𑌤𑌾 𑌸𑍁𑌵𑍀𑌰𑌾 𑌚 𑌸𑍁𑌪𑍋𑌷𑌾 𑌸𑍁𑌪𑌤𑌿𑌶𑍍𑌶𑌿𑌵𑌾 ॥ 110 ॥

𑌸𑍁𑌗𑍃𑌹𑌾 𑌰𑌕𑍍𑌤𑌬𑍀𑌜𑌾𑌂𑌤𑌾 𑌹𑌤𑌕𑌂𑌦𑌰𑍍𑌪𑌜𑍀𑌵𑌿𑌕𑌾 ।
𑌸𑌮𑍁𑌦𑍍𑌰𑌵𑍍𑌯𑍋𑌮𑌮𑌧𑍍𑌯𑌸𑍍𑌥𑌾 𑌸𑌮𑌬𑌿𑌂𑌦𑍁𑌸𑌮𑌾𑌶𑍍𑌰𑌯𑌾 ॥ 111 ॥

𑌸𑍌𑌭𑌾𑌗𑍍𑌯𑌰𑌸𑌜𑍀𑌵𑌾𑌤𑍁𑌸𑍍𑌸𑌾𑌰𑌾𑌸𑌾𑌰𑌵𑌿𑌵𑍇𑌕𑌦𑍃𑌕𑍍 ।
𑌤𑍍𑌰𑌿𑌵𑌲𑍍𑌯𑌾𑌦𑌿𑌸𑍁𑌪𑍁𑌷𑍍𑌟𑌾𑌂𑌗𑌾 𑌭𑌾𑌰𑌤𑍀 𑌭𑌰𑌤𑌾𑌶𑍍𑌰𑌿𑌤𑌾 ॥ 112 ॥

𑌨𑌾𑌦𑌬𑍍𑌰𑌹𑍍𑌮𑌮𑌯𑍀𑌵𑌿𑌦𑍍𑌯𑌾 𑌜𑍍𑌞𑌾𑌨𑌬𑍍𑌰𑌹𑍍𑌮𑌮𑌯𑍀𑌪𑌰𑌾 ।
𑌬𑍍𑌰𑌹𑍍𑌮𑌨𑌾𑌡𑍀 𑌨𑌿𑌰𑍁𑌕𑍍𑌤𑌿𑌶𑍍𑌚 𑌬𑍍𑌰𑌹𑍍𑌮𑌕𑍈𑌵𑌲𑍍𑌯𑌸𑌾𑌧𑌨𑌮𑍍 ॥ 113 ॥

𑌕𑌾𑌲𑌿𑌕𑍇𑌯𑌮𑌹𑍋𑌦𑌾𑌰𑌵𑍀𑌰𑍍𑌯𑌵𑌿𑌕𑍍𑌰𑌮𑌰𑍂𑌪𑌿𑌣𑍀 ।
𑌵𑌡𑌵𑌾𑌗𑍍𑌨𑌿𑌶𑌿𑌖𑌾𑌵𑌕𑍍𑌤𑍍𑌰𑌾 𑌮𑌹𑌾𑌕𑌵𑌲𑌤𑌰𑍍𑌪𑌣𑌾 ॥ 114 ॥

𑌮𑌹𑌾𑌭𑍂𑌤𑌾 𑌮𑌹𑌾𑌦𑌰𑍍𑌪𑌾 𑌮𑌹𑌾𑌸𑌾𑌰𑌾 𑌮𑌹𑌾𑌕𑍍𑌰𑌤𑍁𑌃 ।
𑌪𑌂𑌜𑌭𑍂𑌤𑌮𑌹𑌾𑌗𑍍𑌰𑌾𑌸𑌾 𑌪𑌂𑌚𑌭𑍂𑌤𑌾𑌧𑌿𑌦𑍇𑌵𑌤𑌾 ॥ 115 ॥

𑌸𑌰𑍍𑌵𑌪𑍍𑌰𑌮𑌾𑌣𑌾 𑌸𑌂𑌪𑌤𑍍𑌤𑌿𑌸𑍍𑌸𑌰𑍍𑌵𑌰𑍋𑌗𑌪𑍍𑌰𑌤𑌿𑌕𑍍𑌰𑌿𑌯𑌾 ।
𑌬𑍍𑌰𑌹𑍍𑌮𑌾𑌂𑌡𑌾𑌂𑌤𑌰𑍍𑌬𑌹𑌿𑌰𑍍𑌵𑍍𑌯𑌾𑌪𑍍𑌤𑌾 𑌵𑌿𑌷𑍍𑌣𑍁𑌵𑌕𑍍𑌷𑍋𑌵𑌿𑌭𑍂𑌷𑌿𑌣𑍀 ॥ 116 ॥

𑌶𑌾𑌂𑌕𑌰𑍀 𑌵𑌿𑌧𑌿𑌵𑌕𑍍𑌤𑍍𑌰𑌸𑍍𑌥𑌾 𑌪𑍍𑌰𑌵𑌰𑌾 𑌵𑌰𑌹𑍇𑌤𑍁𑌕𑍀 ।
𑌹𑍇𑌮𑌮𑌾𑌲𑌾 𑌶𑌿𑌖𑌾𑌮𑌾𑌲𑌾 𑌤𑍍𑌰𑌿𑌶𑌿𑌖𑌾 𑌪𑌂𑌚𑌲𑍋𑌚𑌨𑌾 ॥ 11𑍭 ॥ [ 𑌪𑌂𑌚𑌮𑍋𑌚𑌨𑌾 ]
𑌸𑌰𑍍𑌵𑌾𑌗𑌮𑌸𑌦𑌾𑌚𑌾𑌰𑌮𑌰𑍍𑌯𑌾𑌦𑌾 𑌯𑌾𑌤𑍁𑌭𑌂𑌜𑌨𑍀 ।
𑌪𑍁𑌣𑍍𑌯𑌶𑍍𑌲𑍋𑌕𑌪𑍍𑌰𑌬𑌂𑌧𑌾𑌢𑍍𑌯𑌾 𑌸𑌰𑍍𑌵𑌾𑌂𑌤𑌰𑍍𑌯𑌾𑌮𑌿𑌰𑍂𑌪𑌿𑌣𑍀 ॥ 11𑍮 ॥

𑌸𑌾𑌮𑌗𑌾𑌨𑌸𑌮𑌾𑌰𑌾𑌧𑍍𑌯𑌾 𑌶𑍍𑌰𑍋𑌤𑍍𑌰𑌕𑌰𑍍𑌣𑌰𑌸𑌾𑌯𑌨𑌮𑍍 ।
𑌜𑍀𑌵𑌲𑍋𑌕𑍈𑌕𑌜𑍀𑌵𑌾𑌤𑍁𑌰𑍍𑌭𑌦𑍍𑌰𑍋𑌦𑌾𑌰𑌵𑌿𑌲𑍋𑌕𑌨𑌾 ॥ 11𑍯 ॥

𑌤𑌟𑌿𑌤𑍍𑌕𑍋𑌟𑌿𑌲𑌸𑌤𑍍𑌕𑌾𑌂𑌤𑌿𑌸𑍍𑌤𑌰𑍁𑌣𑍀 𑌹𑌰𑌿𑌸𑍁𑌂𑌦𑌰𑍀 ।
𑌮𑍀𑌨𑌨𑍇𑌤𑍍𑌰𑌾 𑌚 𑌸𑍇𑌂𑌦𑍍𑌰𑌾𑌕𑍍𑌷𑍀 𑌵𑌿𑌶𑌾𑌲𑌾𑌕𑍍𑌷𑍀 𑌸𑍁𑌮𑌂𑌗𑌳𑌾 ॥ 120 ॥

𑌸𑌰𑍍𑌵𑌮𑌂𑌗𑌳𑌸𑌂𑌪𑌨𑍍𑌨𑌾 𑌸𑌾𑌕𑍍𑌷𑌾𑌨𑍍𑌮𑌂𑌗𑌳𑌦𑍇𑌵𑌤𑌾 ।
𑌦𑍇𑌹𑌹𑍃𑌦𑍍𑌦𑍀𑌪𑌿𑌕𑌾 𑌦𑍀𑌪𑍍𑌤𑌿𑌰𑍍𑌜𑌿𑌹𑍍𑌵𑌪𑌾𑌪𑌪𑍍𑌰𑌣𑌾𑌶𑌿𑌨𑍀 ॥ 121 ॥

𑌅𑌰𑍍𑌧𑌚𑌂𑌦𑍍𑌰𑍋𑌲𑍍𑌲𑌸𑌦𑍍𑌦𑌂𑌷𑍍𑌟𑍍𑌰𑌾 𑌯𑌜𑍍𑌞𑌵𑌾𑌟𑍀𑌵𑌿𑌲𑌾𑌸𑌿𑌨𑍀 ।
𑌮𑌹𑌾𑌦𑍁𑌰𑍍𑌗𑌾 𑌮𑌹𑍋𑌤𑍍𑌸𑌾𑌹𑌾 𑌮𑌹𑌾𑌦𑍇𑌵𑌬𑌲𑍋𑌦𑌯𑌾 ॥ 122 ॥

𑌡𑌾𑌕𑌿𑌨𑍀𑌡𑍍𑌯𑌾 𑌶𑌾𑌕𑌿𑌨𑍀𑌡𑍍𑌯𑌾 𑌸𑌾𑌕𑌿𑌨𑍀𑌡𑍍𑌯𑌾 𑌸𑌮𑌸𑍍𑌤𑌜𑍁𑌟𑍍 ।
𑌨𑌿𑌰𑌂𑌕𑍁𑌶𑌾 𑌨𑌾𑌕𑌿𑌵𑌂𑌦𑍍𑌯𑌾 𑌷𑌡𑌾𑌧𑌾𑌰𑌾𑌧𑌿𑌦𑍇𑌵𑌤𑌾 ॥ 123 ॥

𑌭𑍁𑌵𑌨𑌜𑍍𑌞𑌾𑌨𑌿𑌨𑌿𑌶𑍍𑌶𑍍𑌰𑍇𑌣𑍀 𑌭𑍁𑌵𑌨𑌾𑌕𑌾𑌰𑌵𑌲𑍍𑌲𑌰𑍀 ।
𑌶𑌾𑌶𑍍𑌵𑌤𑍀 𑌶𑌾𑌶𑍍𑌵𑌤𑌾𑌕𑌾𑌰𑌾 𑌲𑍋𑌕𑌾𑌨𑍁𑌗𑍍𑌰𑌹𑌕𑌾𑌰𑌿𑌣𑍀 ॥ 124 ॥

𑌸𑌾𑌰𑌸𑍀 𑌮𑌾𑌨𑌸𑍀 𑌹𑌂𑌸𑍀 𑌹𑌂𑌸𑌲𑍋𑌕𑌪𑍍𑌰𑌦𑌾𑌯𑌿𑌨𑍀 ।
𑌚𑌿𑌨𑍍𑌮𑍁𑌦𑍍𑌰𑌾𑌲𑌂𑌕𑍃𑌤𑌕𑌰𑌾 𑌕𑍋𑌟𑌿𑌸𑍂𑌰𑍍𑌯𑌸𑌮𑌪𑍍𑌰𑌭𑌾 ॥ 125 ॥

𑌸𑍁𑌖𑌪𑍍𑌰𑌾𑌣𑌿𑌶𑌿𑌰𑍋𑌰𑍇𑌖𑌾 𑌸𑌦𑌦𑍃𑌷𑍍𑌟𑌪𑍍𑌰𑌦𑌾𑌯𑌿𑌨𑍀 ।
𑌸𑌰𑍍𑌵𑌸𑌾𑌂𑌕𑌰𑍍𑌯𑌦𑍋𑌷𑌘𑍍𑌨𑍀 𑌗𑍍𑌰𑌹𑍋𑌪𑌦𑍍𑌰𑌵𑌨𑌾𑌶𑌿𑌨𑍀 ॥ 126 ॥

𑌕𑍍𑌷𑍁𑌦𑍍𑌰𑌜𑌂𑌤𑍁𑌭𑌯𑌘𑍍𑌨𑍀 𑌚 𑌵𑌿𑌷𑌰𑍋𑌗𑌾𑌦𑌿𑌭𑌂𑌜𑌨𑍀 ।
𑌸𑌦𑌾𑌶𑌾𑌂𑌤𑌾 𑌸𑌦𑌾𑌶𑍁𑌦𑍍𑌧𑌾 𑌗𑍃𑌹𑌚𑍍𑌛𑌿𑌦𑍍𑌰𑌨𑌿𑌵𑌾𑌰𑌿𑌣𑍀 ॥ 12𑍭 ॥

𑌕𑌲𑌿𑌦𑍋𑌷𑌪𑍍𑌰𑌶𑌮𑌨𑍀 𑌕𑍋𑌲𑌾𑌹𑌲𑌪𑍁𑌰𑌸𑍍𑌥𑌿𑌤𑌾 ।
𑌗𑍌𑌰𑍀 𑌲𑌾𑌕𑍍𑌷𑌣𑌿𑌕𑍀 𑌮𑍁𑌖𑍍𑌯𑌾 𑌜𑌘𑌨𑍍𑌯𑌾𑌕𑍃𑌤𑌿𑌵𑌰𑍍𑌜𑌿𑌤𑌾 ॥ 12𑍮 ॥

𑌮𑌾𑌯𑌾 𑌵𑌿𑌦𑍍𑌯𑌾 𑌮𑍂𑌲𑌭𑍂𑌤𑌾 𑌵𑌾𑌸𑌵𑍀 𑌵𑌿𑌷𑍍𑌣𑍁𑌚𑍇𑌤𑌨𑌾 ।
𑌵𑌾𑌦𑌿𑌨𑍀 𑌵𑌸𑍁𑌰𑍂𑌪𑌾 𑌚 𑌵𑌸𑍁𑌰𑌤𑍍𑌨𑌪𑌰𑌿𑌚𑍍𑌛𑌦𑌾 ॥ 12𑍯 ॥

𑌛𑌾𑌂𑌦𑌸𑍀 𑌚𑌂𑌦𑍍𑌰𑌹𑍃𑌦𑌯𑌾 𑌮𑌂𑌤𑍍𑌰𑌸𑍍𑌵𑌚𑍍𑌛𑌂𑌦𑌭𑍈𑌰𑌵𑍀 ।
𑌵𑌨𑌮𑌾𑌲𑌾 𑌵𑍈𑌜𑌯𑌂𑌤𑍀 𑌪𑌂𑌚𑌦𑌿𑌵𑍍𑌯𑌾𑌯𑍁𑌧𑌾𑌤𑍍𑌮𑌿𑌕𑌾 ॥ 130 ॥

𑌪𑍀𑌤𑌾𑌂𑌬𑌰𑌮𑌯𑍀 𑌚𑌂𑌚𑌤𑍍𑌕𑍌𑌸𑍍𑌤𑍁𑌭𑌾 𑌹𑌰𑌿𑌕𑌾𑌮𑌿𑌨𑍀 ।
𑌨𑌿𑌤𑍍𑌯𑌾 𑌤𑌥𑍍𑌯𑌾 𑌰𑌮𑌾 𑌰𑌾𑌮𑌾 𑌰𑌮𑌣𑍀 𑌮𑍃𑌤𑍍𑌯𑍁𑌭𑌂𑌜𑌨𑍀 ॥ 131 ॥

𑌜𑍍𑌯𑍇𑌷𑍍𑌠𑌾 𑌕𑌾𑌷𑍍𑌠𑌾 𑌧𑌨𑌿𑌷𑍍𑌠𑌾𑌂𑌤𑌾 𑌶𑌰𑌾𑌂𑌗𑍀 𑌨𑌿𑌰𑍍𑌗𑍁𑌣𑌪𑍍𑌰𑌿𑌯𑌾 ।
𑌮𑍈𑌤𑍍𑌰𑍇𑌯𑌾 𑌮𑌿𑌤𑍍𑌰𑌵𑌿𑌂𑌦𑌾 𑌚 𑌶𑍇𑌷𑍍𑌯𑌶𑍇𑌷𑌕𑌲𑌾𑌶𑌯𑌾 ॥ 132 ॥

𑌵𑌾𑌰𑌾𑌣𑌸𑍀𑌵𑌾𑌸𑌲𑌭𑍍𑌯𑌾 𑌚𑌾𑌰𑍍𑌯𑌾𑌵𑌰𑍍𑌤𑌜𑌨𑌸𑍍𑌤𑍁𑌤𑌾 । [ 𑌵𑌾𑌰𑌾𑌣𑌸𑍀𑌵𑌾𑌸𑌰𑌤𑌾 ]
𑌜𑌗𑌦𑍁𑌤𑍍𑌪𑌤𑍍𑌤𑌿𑌸𑌂𑌸𑍍𑌥𑌾𑌨𑌸𑌂𑌹𑌾𑌰𑌤𑍍𑌰𑌯𑌕𑌾𑌰𑌣𑌮𑍍 ॥ 133 ॥

𑌤𑍍𑌵𑌮𑌂𑌬 𑌵𑌿𑌷𑍍𑌣𑍁𑌸𑌰𑍍𑌵𑌸𑍍𑌵𑌂 𑌨𑌮𑌸𑍍𑌤𑍇𑌽𑌸𑍍𑌤𑍁 𑌮𑌹𑍇𑌶𑍍𑌵𑌰𑌿 ।
𑌨𑌮𑌸𑍍𑌤𑍇 𑌸𑌰𑍍𑌵𑌲𑍋𑌕𑌾𑌨𑌾𑌂 𑌜𑌨𑌨𑍍𑌯𑍈 𑌪𑍁𑌣𑍍𑌯𑌮𑍂𑌰𑍍𑌤𑌯𑍇 ॥ 134 ॥

𑌸𑌿𑌦𑍍𑌧𑌲𑌕𑍍𑌷𑍍𑌮𑍀𑌰𑍍𑌮𑌹𑌾𑌕𑌾𑌳𑌿 𑌮𑌹𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ।
𑌸𑌦𑍍𑌯𑍋𑌜𑌾𑌤𑌾𑌦𑌿𑌪𑌂𑌚𑌾𑌗𑍍𑌨𑌿𑌰𑍂𑌪𑌾 𑌪𑌂𑌚𑌕𑌪𑌂𑌚𑌕𑌮𑍍 ॥ 135 ॥

𑌯𑌂𑌤𑍍𑌰𑌲𑌕𑍍𑌷𑍍𑌮𑍀𑌰𑍍𑌭𑌵𑌤𑍍𑌯𑌾𑌦𑌿𑌰𑌾𑌦𑍍𑌯𑌾𑌦𑍍𑌯𑍇 𑌤𑍇 𑌨𑌮𑍋 𑌨𑌮𑌃 ।
𑌸𑍃𑌷𑍍𑌟𑍍𑌯𑌾𑌦𑌿𑌕𑌾𑌰𑌣𑌾𑌕𑌾𑌰𑌵𑌿𑌤𑌤𑍇 𑌦𑍋𑌷𑌵𑌰𑍍𑌜𑌿𑌤𑍇 ॥ 136 ॥

𑌜𑌗𑌲𑍍𑌲𑌕𑍍𑌷𑍍𑌮𑍀𑌰𑍍𑌜𑌗𑌨𑍍𑌮𑌾𑌤𑌰𑍍𑌵𑌿𑌷𑍍𑌣𑍁𑌪𑌤𑍍𑌨𑌿 𑌨𑌮𑍋𑌽𑌸𑍍𑌤𑍁 𑌤𑍇 ।
𑌨𑌵𑌕𑍋𑌟𑌿𑌮𑌹𑌾𑌶𑌕𑍍𑌤𑌿𑌸𑌮𑍁𑌪𑌾𑌸𑍍𑌯𑌪𑌦𑌾𑌂𑌬𑍁𑌜𑍇 ॥ 13𑍭 ॥

𑌕𑌨𑌤𑍍𑌸𑍌𑌵𑌰𑍍𑌣𑌰𑌤𑍍𑌨𑌾𑌢𑍍𑌯 𑌸𑌰𑍍𑌵𑌾𑌭𑌰𑌣𑌭𑍂𑌷𑌿𑌤𑍇 ।
𑌅𑌨𑌂𑌤𑌾𑌨𑌿𑌤𑍍𑌯𑌮𑌹𑌿𑌷𑍀𑌪𑍍𑌰𑌪𑌂𑌚𑍇𑌶𑍍𑌵𑌰𑌨𑌾𑌯𑌕𑌿 ॥ 13𑍮 ॥

𑌅𑌤𑍍𑌯𑍁𑌚𑍍𑌛𑍍𑌰𑌿𑌤𑌪𑌦𑌾𑌂𑌤𑌸𑍍𑌥𑍇 𑌪𑌰𑌮𑌵𑍍𑌯𑍋𑌮𑌨𑌾𑌯𑌕𑌿 ।
𑌨𑌾𑌕𑌪𑍃𑌷𑍍𑌠𑌗𑌤𑌾𑌰𑌾𑌧𑍍𑌯𑍇 𑌵𑌿𑌷𑍍𑌣𑍁𑌲𑍋𑌕𑌵𑌿𑌲𑌾𑌸𑌿𑌨𑌿 ॥ 13𑍯 ॥

𑌵𑍈𑌕𑍁𑌂𑌠𑌰𑌾𑌜𑌮𑌹𑌿𑌷𑌿 𑌶𑍍𑌰𑍀𑌰𑌂𑌗𑌨𑌗𑌰𑌾𑌶𑍍𑌰𑌿𑌤𑍇 ।
𑌰𑌂𑌗𑌨𑌾𑌯𑌕𑌿 𑌭𑍂𑌪𑍁𑌤𑍍𑌰𑌿 𑌕𑍃𑌷𑍍𑌣𑍇 𑌵𑌰𑌦𑌵𑌲𑍍𑌲𑌭𑍇 ॥ 140 ॥

𑌕𑍋𑌟𑌿𑌬𑍍𑌰𑌹𑍍𑌮𑌾𑌦𑌿𑌸𑌂𑌸𑍇𑌵𑍍𑌯𑍇 𑌕𑍋𑌟𑌿𑌰𑍁𑌦𑍍𑌰𑌾𑌦𑌿𑌕𑍀𑌰𑍍𑌤𑌿𑌤𑍇 ।
𑌮𑌾𑌤𑍁𑌲𑍁𑌂𑌗𑌮𑌯𑌂 𑌖𑍇𑌟𑌂 𑌸𑍌𑌵𑌰𑍍𑌣𑌚𑌷𑌕𑌂 𑌤𑌥𑌾 ॥ 141 ॥

𑌪𑌦𑍍𑌮𑌦𑍍𑌵𑌯𑌂 𑌪𑍂𑌰𑍍𑌣𑌕𑍁𑌂𑌭𑌂 𑌕𑍀𑌰𑌂𑌚 𑌵𑌰𑌦𑌾𑌭𑌯𑍇 ।
𑌪𑌾𑌶𑌮𑌂𑌕𑍁𑌶𑌕𑌂 𑌶𑌂𑌖𑌂 𑌚𑌕𑍍𑌰𑌂 𑌶𑍂𑌲𑌂 𑌕𑍃𑌪𑌾𑌣𑌿𑌕𑌾𑌮𑍍 ॥ 142 ॥

𑌧𑌨𑍁𑌰𑍍𑌬𑌾𑌣𑍌 𑌚𑌾𑌕𑍍𑌷𑌮𑌾𑌲𑌾𑌂 𑌚𑌿𑌨𑍍𑌮𑍁𑌦𑍍𑌰𑌾𑌮𑌪𑌿 𑌬𑌿𑌭𑍍𑌰𑌤𑍀 ।
𑌅𑌷𑍍𑌟𑌾𑌦𑌶𑌭𑍁𑌜𑍇 𑌲𑌕𑍍𑌷𑍍𑌮𑍀𑌰𑍍𑌮𑌹𑌾𑌷𑍍𑌟𑌾𑌦𑌶𑌪𑍀𑌠𑌗𑍇 ॥ 143 ॥

𑌭𑍂𑌮𑌿𑌨𑍀𑌲𑌾𑌦𑌿𑌸𑌂𑌸𑍇𑌵𑍍𑌯𑍇 𑌸𑍍𑌵𑌾𑌮𑌿𑌚𑌿𑌤𑍍𑌤𑌾𑌨𑍁𑌵𑌰𑍍𑌤𑌿𑌨𑌿 ।
𑌪𑌦𑍍𑌮𑍇 𑌪𑌦𑍍𑌮𑌾𑌲𑌯𑍇 𑌪𑌦𑍍𑌮𑌿 𑌪𑍂𑌰𑍍𑌣𑌕𑍁𑌂𑌭𑌾𑌭𑌿𑌷𑍇𑌚𑌿𑌤𑍇 ॥ 144 ॥

𑌇𑌂𑌦𑌿𑌰𑍇𑌂𑌦𑌿𑌂𑌦𑌿𑌰𑌾𑌭𑌾𑌕𑍍𑌷𑌿 𑌕𑍍𑌷𑍀𑌰𑌸𑌾𑌗𑌰𑌕𑌨𑍍𑌯𑌕𑍇 ।
𑌭𑌾𑌰𑍍𑌗𑌵𑌿 𑌤𑍍𑌵𑌂 𑌸𑍍𑌵𑌤𑌂𑌤𑍍𑌰𑍇𑌚𑍍𑌛𑌾 𑌵𑌶𑍀𑌕𑍃𑌤𑌜𑌗𑌤𑍍𑌪𑌤𑌿𑌃 ॥ 145 ॥

𑌮𑌂𑌗𑌳𑌂 𑌮𑌂𑌗𑌳𑌾𑌨𑌾𑌂 𑌤𑍍𑌵𑌂 𑌦𑍇𑌵𑌤𑌾𑌨𑌾𑌂 𑌚 𑌦𑍇𑌵𑌤𑌾 ।
𑌤𑍍𑌵𑌮𑍁𑌤𑍍𑌤𑌮𑍋𑌤𑍍𑌤𑌮𑌾𑌨𑌾𑌂 𑌚 𑌤𑍍𑌵𑌂 𑌶𑍍𑌰𑍇𑌯𑌃 𑌪𑌰𑌮𑌾𑌮𑍃𑌤𑌮𑍍 ॥ 146 ॥

𑌧𑌨𑌧𑌾𑌨𑍍𑌯𑌾𑌭𑌿𑌵𑍃𑌦𑍍𑌧𑌿𑌶𑍍𑌚 𑌸𑌾𑌰𑍍𑌵𑌭𑍌𑌮𑌸𑍁𑌖𑍋𑌚𑍍𑌛𑍍𑌰𑌯𑌾 ।
𑌆𑌂𑌦𑍋𑌳𑌿𑌕𑌾𑌦𑌿𑌸𑍌𑌭𑌾𑌗𑍍𑌯𑌂 𑌮𑌤𑍍𑌤𑍇𑌭𑌾𑌦𑌿𑌮𑌹𑍋𑌦𑌯𑌃 ॥ 14𑍭 ॥

𑌪𑍁𑌤𑍍𑌰𑌪𑍌𑌤𑍍𑌰𑌾𑌭𑌿𑌵𑍃𑌦𑍍𑌧𑌿𑌶𑍍𑌚 𑌵𑌿𑌦𑍍𑌯𑌾𑌭𑍋𑌗𑌬𑌲𑌾𑌦𑌿𑌕𑌮𑍍 ।
𑌆𑌯𑍁𑌰𑌾𑌰𑍋𑌗𑍍𑌯𑌸𑌂𑌪𑌤𑍍𑌤𑌿𑌰𑌷𑍍𑌟𑍈𑌶𑍍𑌵𑌰𑍍𑌯𑌂 𑌤𑍍𑌵𑌮𑍇𑌵 𑌹𑌿 ॥ 14𑍮 ॥

𑌪𑌰𑌮𑍇𑌶𑌵𑌿𑌭𑍂𑌤𑌿𑌶𑍍𑌚 𑌸𑍂𑌕𑍍𑌷𑍍𑌮𑌾𑌤𑍍𑌸𑍂𑌕𑍍𑌷𑍍𑌮𑌤𑌰𑌾𑌗𑌤𑌿𑌃 ।
𑌸𑌦𑌯𑌾𑌪𑌾𑌂𑌗𑌸𑌂𑌦𑌤𑍍𑌤𑌬𑍍𑌰𑌹𑍍𑌮𑍇𑌂𑌦𑍍𑌰𑌾𑌦𑌿𑌪𑌦𑌸𑍍𑌥𑌿𑌤𑌿𑌃 ॥ 14𑍯 ॥

𑌅𑌵𑍍𑌯𑌾𑌹𑌤𑌮𑌹𑌾𑌭𑌾𑌗𑍍𑌯𑌂 𑌤𑍍𑌵𑌮𑍇𑌵𑌾𑌕𑍍𑌷𑍋𑌭𑍍𑌯𑌵𑌿𑌕𑍍𑌰𑌮𑌃 ।
𑌸𑌮𑌨𑍍𑌵𑌯𑌶𑍍𑌚 𑌵𑍇𑌦𑌾𑌨𑌾𑌮𑌵𑌿𑌰𑍋𑌧𑌸𑍍𑌤𑍍𑌵𑌮𑍇𑌵 𑌹𑌿 ॥ 150 ॥

𑌨𑌿𑌃𑌶𑍍𑌰𑍇𑌯𑌸𑌪𑌦𑌪𑍍𑌰𑌾𑌪𑍍𑌤𑌿𑌸𑌾𑌧𑌨𑌂 𑌫𑌲𑌮𑍇𑌵 𑌚 ।
𑌶𑍍𑌰𑍀𑌮𑌂𑌤𑍍𑌰𑌰𑌾𑌜𑌰𑌾𑌜𑍍𑌞𑍀 𑌚 𑌶𑍍𑌰𑍀𑌵𑌿𑌦𑍍𑌯𑌾 𑌕𑍍𑌷𑍇𑌮𑌕𑌾𑌰𑌿𑌣𑍀 ॥ 151 ॥

𑌶𑍍𑌰𑍀𑌂𑌬𑍀𑌜𑌜𑌪𑌸𑌂𑌤𑍁𑌷𑍍𑌟𑌾 𑌐𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌬𑍀𑌜𑌪𑌾𑌲𑌿𑌕𑌾 ।
𑌪𑍍𑌰𑌪𑌤𑍍𑌤𑌿𑌮𑌾𑌰𑍍𑌗𑌸𑍁𑌲𑌭𑌾 𑌵𑌿𑌷𑍍𑌣𑍁𑌪𑍍𑌰𑌥𑌮𑌕𑌿𑌂𑌕𑌰𑍀 ॥ 152 ॥

𑌕𑍍𑌲𑍀𑌂𑌕𑌾𑌰𑌾𑌰𑍍𑌥𑌸𑌵𑌿𑌤𑍍𑌰𑍀 𑌚 𑌸𑍌𑌮𑌂𑌗𑌳𑍍𑌯𑌾𑌧𑌿𑌦𑍇𑌵𑌤𑌾 ।
𑌶𑍍𑌰𑍀𑌷𑍋𑌡𑌶𑌾𑌕𑍍𑌷𑌰𑍀𑌵𑌿𑌦𑍍𑌯𑌾 𑌶𑍍𑌰𑍀𑌯𑌂𑌤𑍍𑌰𑌪𑍁𑌰𑌵𑌾𑌸𑌿𑌨𑍀 ॥ 153 ॥

𑌸𑌰𑍍𑌵𑌮𑌂𑌗𑌳𑌮𑌾𑌂𑌗𑌳𑍍𑌯𑍇 𑌶𑌿𑌵𑍇 𑌸𑌰𑍍𑌵𑌾𑌰𑍍𑌥𑌸𑌾𑌧𑌿𑌕𑍇 ।
𑌶𑌰𑌣𑍍𑌯𑍇 𑌤𑍍𑌰𑍍𑌯𑌂𑌬𑌕𑍇 𑌗𑍌𑌰𑍀 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 154 ॥

𑌪𑍁𑌨𑌃 𑌪𑍁𑌨𑌰𑍍𑌨𑌮𑌸𑍍𑌤𑍇𑌽𑌸𑍍𑌤𑍁 𑌸𑌾𑌷𑍍𑌟𑌾𑌂𑌗𑌮𑌯𑍁𑌤𑌂 𑌪𑍁𑌨𑌃 ।
𑌸𑌨𑌤𑍍𑌕𑍁𑌮𑌾𑌰 𑌉𑌵𑌾𑌚-
𑌏𑌵𑌂 𑌸𑍍𑌤𑍁𑌤𑌾 𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌬𑍍𑌰𑌹𑍍𑌮𑌰𑍁𑌦𑍍𑌰𑌾𑌦𑌿𑌭𑌿𑌸𑍍𑌸𑍁𑌰𑍈𑌃 ।
𑌨𑌮𑌦𑍍𑌭𑌿𑌰𑌾𑌰𑍍𑌤𑍈𑌰𑍍𑌦𑍀𑌨𑍈𑌶𑍍𑌚 𑌨𑌿𑌸𑍍𑌸𑍍𑌵𑌤𑍍𑌵𑍈𑌰𑍍𑌭𑍋𑌗𑌵𑌰𑍍𑌜𑌿𑌤𑍈𑌃 ॥ 1 ॥

𑌜𑍍𑌯𑍇𑌷𑍍𑌠𑌾 𑌜𑍁𑌷𑍍𑌟𑍈𑌶𑍍𑌚 𑌨𑌿𑌶𑍍𑌶𑍍𑌰𑍀𑌕𑍈𑌸𑍍𑌸𑌂𑌸𑌾𑌰𑌾𑌤𑍍𑌸𑍍𑌵𑌪𑌰𑌾𑌯𑌣𑍈𑌃 ।
𑌵𑌿𑌷𑍍𑌣𑍁𑌪𑌤𑍍𑌨𑍀 𑌦𑌦𑍌 𑌤𑍇𑌷𑌾𑌂 𑌦𑌰𑍍𑌶𑌨𑌂 𑌦𑍃𑌷𑍍𑌟𑌿𑌤𑌰𑍍𑌪𑌣𑌮𑍍 ॥ 2 ॥

𑌶𑌰𑌤𑍍𑌪𑍂𑌰𑍍𑌣𑍇𑌂𑌦𑍁𑌕𑍋𑌟𑍍𑌯𑌾𑌭𑌧𑌵𑌳𑌾𑌪𑌾𑌂𑌗𑌵𑍀𑌕𑍍𑌷𑌣𑍈𑌃 ।
𑌸𑌰𑍍𑌵𑌾𑌨𑍍𑌸𑌤𑍍𑌤𑍍𑌵𑌸𑌮𑌾𑌵𑌿𑌷𑍍𑌟𑌾𑌨𑍍 𑌚𑌕𑍍𑌰𑍇 𑌹𑍃𑌷𑍍𑌟𑌾 𑌵𑌰𑌂 𑌦𑌦𑍌 ॥ 3 ॥

𑌮𑌹𑌾𑌲𑌕𑍍𑌷𑍍𑌮𑍀𑌰𑍁𑌵𑌾𑌚-
𑌨𑌾𑌮𑍍𑌨𑌾𑌂 𑌸𑌾𑌷𑍍𑌟𑌸𑌹𑌸𑍍𑌰𑌂 𑌮𑍇 𑌪𑍍𑌰𑌮𑌾𑌦𑌾𑌦𑍍𑌵𑌾𑌪𑌿 𑌯𑌸𑍍𑌸𑌕𑍃𑌤𑍍 ।
𑌕𑍀𑌰𑍍𑌤𑌯𑍇𑌤𑍍𑌤𑌤𑍍𑌕𑍁𑌲𑍇 𑌸𑌤𑍍𑌯𑌂 𑌵𑌸𑌾𑌮𑍍𑌯𑌾𑌚𑌂𑌦𑍍𑌰𑌤𑌾𑌰𑌕𑌮𑍍 ॥ 4 ॥

𑌕𑌿𑌂 𑌪𑍁𑌨𑌰𑍍𑌨𑌿𑌯𑌮𑌾𑌜𑍍𑌜𑌪𑍍𑌤𑍁𑌰𑍍𑌮𑌦𑍇𑌕𑌶𑌰𑌣𑌸𑍍𑌯 𑌚 ।
𑌮𑌾𑌤𑍃𑌵𑌤𑍍𑌸𑌾𑌨𑍁𑌕𑌂𑌪𑌾𑌹𑌂 𑌪𑍋𑌷𑌕𑍀 𑌸𑍍𑌯𑌾𑌮𑌹𑌰𑍍𑌨𑌿𑌶𑌮𑍍 ॥ 5 ॥

𑌮𑌨𑍍𑌨𑌾𑌮 𑌸𑍍𑌤𑌵𑌤𑌾𑌂 𑌲𑍋𑌕𑍇 𑌦𑍁𑌰𑍍𑌲𑌭𑌂 𑌨𑌾𑌸𑍍𑌤𑌿 𑌚𑌿𑌂𑌤𑌿𑌤𑌮𑍍 ।
𑌮𑌤𑍍𑌪𑍍𑌰𑌸𑌾𑌦𑍇𑌨 𑌸𑌰𑍍𑌵𑍇𑌽𑌪𑌿 𑌸𑍍𑌵𑌸𑍍𑌵𑍇𑌷𑍍𑌟𑌾𑌰𑍍𑌥𑌮𑌵𑌾𑌪𑍍𑌸𑍍𑌯𑌥 ॥ 6 ॥

𑌲𑍁𑌪𑍍𑌤𑌵𑍈𑌷𑍍𑌣𑌵𑌧𑌰𑍍𑌮𑌸𑍍𑌯 𑌮𑌦𑍍𑌵𑍍𑌰𑌤𑍇𑌷𑍍𑌵𑌵𑌕𑍀𑌰𑍍𑌣𑌿𑌨𑌃 ।
𑌭𑌕𑍍𑌤𑌿𑌪𑍍𑌰𑌪𑌤𑍍𑌤𑌿𑌹𑍀𑌨𑌸𑍍𑌯 𑌵𑌂𑌦𑍍𑌯𑍋 𑌨𑌾𑌮𑍍𑌨𑌾𑌂 𑌸𑍍𑌤𑌵𑍋𑌽𑌪𑌿 𑌮𑍇 ॥ 𑍭 ॥

𑌤𑌸𑍍𑌮𑌾𑌦𑌵𑌶𑍍𑌯𑌂 𑌤𑍈𑌰𑍍𑌦𑍋𑌷𑍈𑌰𑍍𑌵𑌿𑌹𑍀𑌨𑌃 𑌪𑌾𑌪𑌵𑌰𑍍𑌜𑌿𑌤𑌃 ।
𑌜𑌪𑍇𑌤𑍍𑌸𑌾𑌷𑍍𑌟𑌸𑌹𑌸𑍍𑌰𑌂 𑌮𑍇 𑌨𑌾𑌮𑍍𑌨𑌾𑌂 𑌪𑍍𑌰𑌤𑍍𑌯𑌹𑌮𑌾𑌦𑌰𑌾𑌤𑍍 ॥ 𑍮 ॥

𑌸𑌾𑌕𑍍𑌷𑌾𑌦𑌲𑌕𑍍𑌷𑍍𑌮𑍀𑌪𑍁𑌤𑍍𑌰𑍋𑌽𑌪𑌿 𑌦𑍁𑌰𑍍𑌭𑌾𑌗𑍍𑌯𑍋𑌽𑌪𑍍𑌯𑌲𑌸𑍋𑌽𑌪𑌿 𑌵𑌾 ।
𑌅𑌪𑍍𑌰𑌯𑌤𑍍𑌨𑍋𑌽𑌪𑌿 𑌮𑍂𑌢𑍋𑌽𑌪𑌿 𑌵𑌿𑌕𑌲𑌃 𑌪𑌤𑌿𑌤𑍋𑌽𑌪𑌿 𑌚 ॥ 𑍯 ॥

𑌅𑌵𑌶𑍍𑌯𑌂 𑌪𑍍𑌰𑌾𑌪𑍍𑌨𑍁𑌯𑌾𑌦𑍍𑌭𑌾𑌗𑍍𑌯𑌂 𑌮𑌤𑍍𑌪𑍍𑌰𑌸𑌾𑌦𑍇𑌨 𑌕𑍇𑌵𑌲𑌮𑍍 ।
𑌸𑍍𑌪𑍃𑌹𑍇𑌯𑌮𑌚𑌿𑌰𑌾𑌦𑍍𑌦𑍇𑌵𑌾 𑌵𑌰𑌦𑌾𑌨𑌾𑌯 𑌜𑌾𑌪𑌿𑌨𑌃 ।
𑌦𑌦𑌾𑌮𑌿 𑌸𑌰𑍍𑌵𑌮𑌿𑌷𑍍𑌟𑌾𑌰𑍍𑌥𑌂 𑌲𑌕𑍍𑌷𑍍𑌮𑍀𑌤𑌿 𑌸𑍍𑌮𑌰𑌤𑌾𑌂 𑌧𑍍𑌰𑍁𑌵𑌮𑍍 ॥ 10 ॥

𑌸𑌨𑌤𑍍𑌕𑍁𑌮𑌾𑌰 𑌉𑌵𑌾𑌚-
𑌇𑌤𑍍𑌯𑍁𑌕𑍍𑌤𑍍𑌵𑌾𑌽𑌂𑌤𑌰𑍍𑌦𑌧𑍇 𑌲𑌕𑍍𑌷𑍍𑌮𑍀𑌰𑍍𑌵𑍈𑌷𑍍𑌣𑌵𑍀 𑌭𑌗𑌵𑌤𑍍𑌕𑌲𑌾 ।
𑌇𑌷𑍍𑌟𑌾𑌪𑍂𑌰𑍍𑌤𑌂 𑌚 𑌸𑍁𑌕𑍃𑌤𑌂 𑌭𑌾𑌗𑌧𑍇𑌯𑌂 𑌚 𑌚𑌿𑌂𑌤𑌿𑌤𑌮𑍍 ॥ 11 ॥

𑌸𑍍𑌵𑌂 𑌸𑍍𑌵𑌂 𑌸𑍍𑌥𑌾𑌨𑌂 𑌚 𑌭𑍋𑌗𑌂 𑌚 𑌵𑌿𑌜𑌯𑌂 𑌲𑍇𑌭𑌿𑌰𑍇 𑌸𑍁𑌰𑌾𑌃 ।
𑌤𑌦𑍇𑌤𑌤𑍍 𑌪𑍍𑌰𑌵𑌦𑌾𑌮𑍍𑌯𑌦𑍍𑌯 𑌲𑌕𑍍𑌷𑍍𑌮𑍀𑌨𑌾𑌮𑌸𑌹𑌸𑍍𑌰𑌕𑌮𑍍 ।
𑌯𑍋𑌗𑌿𑌨𑌃 𑌪𑌠𑌤 𑌕𑍍𑌷𑌿𑌪𑍍𑌰𑌂 𑌚𑌿𑌂𑌤𑌿𑌤𑌾𑌰𑍍𑌥𑌾𑌨𑌵𑌾𑌪𑍍𑌸𑍍𑌯𑌥 ॥ 12 ॥

𑌗𑌾𑌰𑍍𑌗𑍍𑌯 𑌉𑌵𑌾𑌚-
𑌸𑌨𑌤𑍍𑌕𑍁𑌮𑌾𑌰𑍋𑌯𑍋𑌗𑍀𑌂𑌦𑍍𑌰 𑌇𑌤𑍍𑌯𑍁𑌕𑍍𑌤𑍍𑌵𑌾 𑌸 𑌦𑌯𑌾𑌨𑌿𑌧𑌿𑌃 ।
𑌅𑌨𑍁𑌗𑍃𑌹𑍍𑌯 𑌯𑌯𑍌 𑌕𑍍𑌷𑌿𑌪𑍍𑌰𑌂 𑌤𑌾𑌂𑌶𑍍𑌚 𑌦𑍍𑌵𑌾𑌦𑌶𑌯𑍋𑌗𑌿𑌨𑌃 ॥ 13 ॥

𑌤𑌸𑍍𑌮𑌾𑌦𑍇𑌤𑌦𑍍𑌰𑌹𑌸𑍍𑌯𑌂 𑌚 𑌗𑍋𑌪𑍍𑌯𑌂 𑌜𑌪𑍍𑌯𑌂 𑌪𑍍𑌰𑌯𑌤𑍍𑌨𑌤𑌃 ।
𑌅𑌷𑍍𑌟𑌮𑍍𑌯𑌾𑌂 𑌚 𑌚𑌤𑍁𑌰𑍍𑌦𑌶𑍍𑌯𑌾𑌂 𑌨𑌵𑌮𑍍𑌯𑌾𑌂 𑌭𑍃𑌗𑍁𑌵𑌾𑌸𑌰𑍇 ॥ 14 ॥

𑌪𑍌𑌰𑍍𑌣𑌮𑌾𑌸𑍍𑌯𑌾𑌮𑌮𑌾𑌯𑌾𑌂 𑌚 𑌪𑌰𑍍𑌵𑌕𑌾𑌲𑍇 𑌵𑌿𑌶𑍇𑌷𑌤𑌃 ।
𑌜𑌪𑍇𑌦𑍍𑌵𑌾 𑌨𑌿𑌤𑍍𑌯𑌕𑌾𑌰𑍍𑌯𑍇𑌷𑍁 𑌸𑌰𑍍𑌵𑌾𑌨𑍍𑌕𑌾𑌮𑌾𑌨𑌵𑌾𑌪𑍍𑌨𑍁𑌯𑌾𑌤𑍍 ॥ 15 ॥

𑌇𑌤𑌿 𑌶𑍍𑌰𑍀𑌸𑍍𑌕𑌂𑌦𑌪𑍁𑌰𑌾𑌣𑍇 𑌸𑌨𑌤𑍍𑌕𑍁𑌮𑌾𑌰𑌸𑌂𑌹𑌿𑌤𑌾𑌯𑌾𑌂 𑌲𑌕𑍍𑌷𑍍𑌮𑍀𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥