𑌅𑌗𑌸𑍍𑌤𑍍𑌯 𑌕𑍃𑌤 𑌶𑍍𑌰𑍀 𑌲𑌕𑍍𑌷𑍍𑌮𑍀 𑌸𑍍𑌤𑍋𑌤𑍍𑌰𑌂

𑌜𑌯 𑌪𑌦𑍍𑌮𑌪𑌲𑌾𑌶𑌾𑌕𑍍𑌷𑌿 𑌜𑌯 𑌤𑍍𑌵𑌂 𑌶𑍍𑌰𑍀𑌪𑌤𑌿𑌪𑍍𑌰𑌿𑌯𑍇 ।
𑌜𑌯 𑌮𑌾𑌤𑌰𑍍𑌮𑌹𑌾𑌲𑌕𑍍𑌷𑍍𑌮𑌿 𑌸𑌂𑌸𑌾𑌰𑌾𑌰𑍍𑌣𑌵𑌤𑌾𑌰𑌿𑌣𑌿 ॥ 1 ॥

𑌮𑌹𑌾𑌲𑌕𑍍𑌷𑍍𑌮𑌿 𑌨𑌮𑌸𑍍𑌤𑍁𑌭𑍍𑌯𑌂 𑌨𑌮𑌸𑍍𑌤𑍁𑌭𑍍𑌯𑌂 𑌸𑍁𑌰𑍇𑌶𑍍𑌵𑌰𑌿 ।
𑌹𑌰𑌿𑌪𑍍𑌰𑌿𑌯𑍇 𑌨𑌮𑌸𑍍𑌤𑍁𑌭𑍍𑌯𑌂 𑌨𑌮𑌸𑍍𑌤𑍁𑌭𑍍𑌯𑌂 𑌦𑌯𑌾𑌨𑌿𑌧𑍇 ॥ 2 ॥

𑌪𑌦𑍍𑌮𑌾𑌲𑌯𑍇 𑌨𑌮𑌸𑍍𑌤𑍁𑌭𑍍𑌯𑌂 𑌨𑌮𑌸𑍍𑌤𑍁𑌭𑍍𑌯𑌂 𑌚 𑌸𑌰𑍍𑌵𑌦𑍇 ।
𑌸𑌰𑍍𑌵𑌭𑍂𑌤𑌹𑌿𑌤𑌾𑌰𑍍𑌥𑌾𑌯 𑌵𑌸𑍁𑌵𑍃𑌷𑍍𑌟𑌿𑌂 𑌸𑌦𑌾 𑌕𑍁𑌰𑍁 ॥ 3 ॥

𑌜𑌗𑌨𑍍𑌮𑌾𑌤𑌰𑍍𑌨𑌮𑌸𑍍𑌤𑍁𑌭𑍍𑌯𑌂 𑌨𑌮𑌸𑍍𑌤𑍁𑌭𑍍𑌯𑌂 𑌦𑌯𑌾𑌨𑌿𑌧𑍇 ।
𑌦𑌯𑌾𑌵𑌤𑌿 𑌨𑌮𑌸𑍍𑌤𑍁𑌭𑍍𑌯𑌂 𑌵𑌿𑌶𑍍𑌵𑍇𑌶𑍍𑌵𑌰𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 4 ॥

𑌨𑌮𑌃 𑌕𑍍𑌷𑍀𑌰𑌾𑌰𑍍𑌣𑌵𑌸𑍁𑌤𑍇 𑌨𑌮𑌸𑍍𑌤𑍍𑌰𑍈𑌲𑍋𑌕𑍍𑌯𑌧𑌾𑌰𑌿𑌣𑌿 ।
𑌵𑌸𑍁𑌵𑍃𑌷𑍍𑌟𑍇 𑌨𑌮𑌸𑍍𑌤𑍁𑌭𑍍𑌯𑌂 𑌰𑌕𑍍𑌷 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ 5 ॥

𑌰𑌕𑍍𑌷 𑌤𑍍𑌵𑌂 𑌦𑍇𑌵𑌦𑍇𑌵𑍇𑌶𑌿 𑌦𑍇𑌵𑌦𑍇𑌵𑌸𑍍𑌯 𑌵𑌲𑍍𑌲𑌭𑍇 ।
𑌦𑌾𑌰𑌿𑌦𑍍𑌰𑍍𑌯𑌾𑌤𑍍𑌤𑍍𑌰𑌾𑌹𑌿 𑌮𑌾𑌂 𑌲𑌕𑍍𑌷𑍍𑌮𑌿 𑌕𑍃𑌪𑌾𑌂 𑌕𑍁𑌰𑍁 𑌮𑌮𑍋𑌪𑌰𑌿 ॥ 6 ॥

𑌨𑌮𑌸𑍍𑌤𑍍𑌰𑍈𑌲𑍋𑌕𑍍𑌯𑌜𑌨𑌨𑌿 𑌨𑌮𑌸𑍍𑌤𑍍𑌰𑍈𑌲𑍋𑌕𑍍𑌯𑌪𑌾𑌵𑌨𑌿 ।
𑌬𑍍𑌰𑌹𑍍𑌮𑌾𑌦𑌯𑍋 𑌨𑌮𑌂𑌤𑌿 𑌤𑍍𑌵𑌾𑌂 𑌜𑌗𑌦𑌾𑌨𑌂𑌦𑌦𑌾𑌯𑌿𑌨𑌿 ॥ 𑍭 ॥

𑌵𑌿𑌷𑍍𑌣𑍁𑌪𑍍𑌰𑌿𑌯𑍇 𑌨𑌮𑌸𑍍𑌤𑍁𑌭𑍍𑌯𑌂 𑌨𑌮𑌸𑍍𑌤𑍁𑌭𑍍𑌯𑌂 𑌜𑌗𑌦𑍍𑌧𑌿𑌤𑍇 ।
𑌆𑌰𑍍𑌤𑌿𑌹𑌂𑌤𑍍𑌰𑌿 𑌨𑌮𑌸𑍍𑌤𑍁𑌭𑍍𑌯𑌂 𑌸𑌮𑍃𑌦𑍍𑌧𑌿𑌂 𑌕𑍁𑌰𑍁 𑌮𑍇 𑌸𑌦𑌾 ॥ 𑍮 ॥

𑌅𑌬𑍍𑌜𑌵𑌾𑌸𑍇 𑌨𑌮𑌸𑍍𑌤𑍁𑌭𑍍𑌯𑌂 𑌚𑌪𑌲𑌾𑌯𑍈 𑌨𑌮𑍋 𑌨𑌮𑌃 ।
𑌚𑌂𑌚𑌲𑌾𑌯𑍈 𑌨𑌮𑌸𑍍𑌤𑍁𑌭𑍍𑌯𑌂 𑌲𑌲𑌿𑌤𑌾𑌯𑍈 𑌨𑌮𑍋 𑌨𑌮𑌃 ॥ 𑍯 ॥

𑌨𑌮𑌃 𑌪𑍍𑌰𑌦𑍍𑌯𑍁𑌮𑍍𑌨𑌜𑌨𑌨𑌿 𑌮𑌾𑌤𑌸𑍍𑌤𑍁𑌭𑍍𑌯𑌂 𑌨𑌮𑍋 𑌨𑌮𑌃 ।
𑌪𑌰𑌿𑌪𑌾𑌲𑌯 𑌮𑌾𑌂 𑌮𑌾𑌤𑌃 𑌮𑌾𑌂 𑌤𑍁𑌭𑍍𑌯𑌂 𑌶𑌰𑌣𑌾𑌗𑌤𑌮𑍍 ॥ 10 ॥

𑌶𑌰𑌣𑍍𑌯𑍇 𑌤𑍍𑌵𑌾𑌂 𑌪𑍍𑌰𑌪𑌨𑍍𑌨𑍋𑌽𑌸𑍍𑌮𑌿 𑌕𑌮𑌲𑍇 𑌕𑌮𑌲𑌾𑌲𑌯𑍇 ।
𑌤𑍍𑌰𑌾𑌹𑌿 𑌤𑍍𑌰𑌾𑌹𑌿 𑌮𑌹𑌾𑌲𑌕𑍍𑌷𑍍𑌮𑌿 𑌪𑌰𑌿𑌤𑍍𑌰𑌾𑌣𑌪𑌰𑌾𑌯𑌣𑍇 ॥ 11 ॥

𑌪𑌾𑌂𑌡𑌿𑌤𑍍𑌯𑌂 𑌶𑍋𑌭𑌤𑍇 𑌨𑍈𑌵 𑌨 𑌶𑍋𑌭𑌂𑌤𑍇 𑌗𑍁𑌣𑌾 𑌨𑌰𑍇 ।
𑌶𑍀𑌲𑌤𑍍𑌵𑌂 𑌨𑍈𑌵 𑌶𑍋𑌭𑍇𑌤 𑌮𑌹𑌾𑌲𑌕𑍍𑌷𑍍𑌮𑌿 𑌤𑍍𑌵𑌯𑌾 𑌵𑌿𑌨𑌾 ॥ 12 ॥

𑌤𑌾𑌵𑌦𑍍𑌵𑌿𑌰𑌾𑌜𑌤𑍇 𑌰𑍂𑌪𑌂 𑌤𑌾𑌵𑌚𑍍𑌛𑍀𑌲𑌂 𑌵𑌿𑌰𑌾𑌜𑌤𑍇 ।
𑌤𑌾𑌵𑌦𑍍𑌗𑍁𑌣𑌾 𑌨𑌰𑌾𑌣𑌾𑌂 𑌚 𑌯𑌾𑌵𑌲𑍍𑌲𑌕𑍍𑌷𑍍𑌮𑍀𑌃 𑌪𑍍𑌰𑌸𑍀𑌦𑌤𑌿 ॥ 13 ॥

𑌲𑌕𑍍𑌷𑍍𑌮𑌿 𑌤𑍍𑌵𑌯𑌾𑌽𑌲𑌂𑌕𑍃𑌤𑌮𑌾𑌨𑌵𑌾 𑌯𑍇
𑌪𑌾𑌪𑍈𑌰𑍍𑌵𑌿𑌮𑍁𑌕𑍍𑌤𑌾 𑌨𑍃𑌪𑌲𑍋𑌕𑌮𑌾𑌨𑍍𑌯𑌾𑌃 ।
𑌗𑍁𑌣𑍈𑌰𑍍𑌵𑌿𑌹𑍀𑌨𑌾 𑌗𑍁𑌣𑌿𑌨𑍋 𑌭𑌵𑌂𑌤𑌿
𑌦𑍁𑌶𑍍𑌶𑍀𑌲𑌿𑌨𑌃 𑌶𑍀𑌲𑌵𑌤𑌾𑌂 𑌵𑌰𑌿𑌷𑍍𑌠𑌾𑌃 ॥ 14 ॥

𑌲𑌕𑍍𑌷𑍍𑌮𑍀𑌰𑍍𑌭𑍂𑌷𑌯𑌤𑍇 𑌰𑍂𑌪𑌂 𑌲𑌕𑍍𑌷𑍍𑌮𑍀𑌰𑍍𑌭𑍂𑌷𑌯𑌤𑍇 𑌕𑍁𑌲𑌮𑍍 ।
𑌲𑌕𑍍𑌷𑍍𑌮𑍀𑌰𑍍𑌭𑍂𑌷𑌯𑌤𑍇 𑌵𑌿𑌦𑍍𑌯𑌾𑌂 𑌸𑌰𑍍𑌵𑌾 𑌲𑌕𑍍𑌷𑍍𑌮𑍀𑌰𑍍𑌵𑌿𑌶𑌿𑌷𑍍𑌯𑌤𑍇 ॥ 15 ॥

𑌲𑌕𑍍𑌷𑍍𑌮𑍀 𑌤𑍍𑌵𑌦𑍍𑌗𑍁𑌣𑌕𑍀𑌰𑍍𑌤𑌨𑍇𑌨 𑌕𑌮𑌲𑌾 𑌭𑍂𑌰𑍍𑌯𑌾𑌤𑍍𑌯𑌲𑌂 𑌜𑌿𑌹𑍍𑌮𑌤𑌾𑌮𑍍
𑌰𑍁𑌦𑍍𑌰𑌾𑌦𑍍𑌯𑌾 𑌰𑌵𑌿𑌚𑌂𑌦𑍍𑌰𑌦𑍇𑌵𑌪𑌤𑌯𑍋 𑌵𑌕𑍍𑌤𑍁𑌂 𑌚 𑌨𑍈𑌵 𑌕𑍍𑌷𑌮𑌾𑌃 ।
𑌅𑌸𑍍𑌮𑌾𑌭𑌿𑌸𑍍𑌤𑌵 𑌰𑍂𑌪𑌲𑌕𑍍𑌷𑌣𑌗𑍁𑌣𑌾𑌨𑍍𑌵𑌕𑍍𑌤𑍁𑌂 𑌕𑌥𑌂 𑌶𑌕𑍍𑌯𑌤𑍇
𑌮𑌾𑌤𑌰𑍍𑌮𑌾𑌂 𑌪𑌰𑌿𑌪𑌾𑌹𑌿 𑌵𑌿𑌶𑍍𑌵𑌜𑌨𑌨𑍀 𑌕𑍃𑌤𑍍𑌵𑌾 𑌮𑌮𑍇𑌷𑍍𑌟𑌂 𑌧𑍍𑌰𑍁𑌵𑌮𑍍 ॥ 16 ॥

𑌦𑍀𑌨𑌾𑌰𑍍𑌤𑌿𑌭𑍀𑌤𑌂 𑌭𑌵𑌤𑌾𑌪𑌪𑍀𑌡𑌿𑌤𑌂
𑌧𑌨𑍈𑌰𑍍𑌵𑌿𑌹𑍀𑌨𑌂 𑌤𑌵 𑌪𑌾𑌰𑍍𑌶𑍍𑌵𑌮𑌾𑌗𑌤𑌮𑍍 ।
𑌕𑍃𑌪𑌾𑌨𑌿𑌧𑌿𑌤𑍍𑌵𑌾𑌨𑍍𑌮𑌮 𑌲𑌕𑍍𑌷𑍍𑌮𑌿 𑌸𑌤𑍍𑌵𑌰𑌂
𑌧𑌨𑌪𑍍𑌰𑌦𑌾𑌨𑌾𑌦𑍍𑌧𑌨𑌨𑌾𑌯𑌕𑌂 𑌕𑍁𑌰𑍁 ॥ 1𑍭 ॥

𑌮𑌾𑌂 𑌵𑌿𑌲𑍋𑌕𑍍𑌯 𑌜𑌨𑌨𑍀 𑌹𑌰𑌿𑌪𑍍𑌰𑌿𑌯𑍇
𑌨𑌿𑌰𑍍𑌧𑌨𑌂 𑌤𑌵 𑌸𑌮𑍀𑌪𑌮𑌾𑌗𑌤𑌮𑍍 ।
𑌦𑍇𑌹𑌿 𑌮𑍇 𑌝𑌟𑌿𑌤𑌿 𑌲𑌕𑍍𑌷𑍍𑌮𑌿 𑌕𑌰𑌾𑌗𑍍𑌰𑌂
𑌵𑌸𑍍𑌤𑍍𑌰𑌕𑌾𑌂𑌚𑌨𑌵𑌰𑌾𑌨𑍍𑌨𑌮𑌦𑍍𑌭𑍁𑌤𑌮𑍍 ॥ 1𑍮 ॥

𑌤𑍍𑌵𑌮𑍇𑌵 𑌜𑌨𑌨𑍀 𑌲𑌕𑍍𑌷𑍍𑌮𑍀𑌃 𑌪𑌿𑌤𑌾 𑌲𑌕𑍍𑌷𑍍𑌮𑍀𑌸𑍍𑌤𑍍𑌵𑌮𑍇𑌵 𑌚 ।
𑌭𑍍𑌰𑌾𑌤𑌾 𑌤𑍍𑌵𑌂 𑌚 𑌸𑌖𑌾 𑌲𑌕𑍍𑌷𑍍𑌮𑍀𑌰𑍍𑌵𑌿𑌦𑍍𑌯𑌾 𑌲𑌕𑍍𑌷𑍍𑌮𑍀𑌸𑍍𑌤𑍍𑌵𑌮𑍇𑌵 𑌚 ॥ 1𑍯 ॥

𑌤𑍍𑌰𑌾𑌹𑌿 𑌤𑍍𑌰𑌾𑌹𑌿 𑌮𑌹𑌾𑌲𑌕𑍍𑌷𑍍𑌮𑌿 𑌤𑍍𑌰𑌾𑌹𑌿 𑌤𑍍𑌰𑌾𑌹𑌿 𑌸𑍁𑌰𑍇𑌶𑍍𑌵𑌰𑌿 ।
𑌤𑍍𑌰𑌾𑌹𑌿 𑌤𑍍𑌰𑌾𑌹𑌿 𑌜𑌗𑌨𑍍𑌮𑌾𑌤𑌃 𑌦𑌾𑌰𑌿𑌦𑍍𑌰𑍍𑌯𑌾𑌤𑍍𑌤𑍍𑌰𑌾𑌹𑌿 𑌵𑍇𑌗𑌤𑌃 ॥ 20 ॥

𑌨𑌮𑌸𑍍𑌤𑍁𑌭𑍍𑌯𑌂 𑌜𑌗𑌦𑍍𑌧𑌾𑌤𑍍𑌰𑌿 𑌨𑌮𑌸𑍍𑌤𑍁𑌭𑍍𑌯𑌂 𑌨𑌮𑍋 𑌨𑌮𑌃 ।
𑌧𑌰𑍍𑌮𑌾𑌧𑌾𑌰𑍇 𑌨𑌮𑌸𑍍𑌤𑍁𑌭𑍍𑌯𑌂 𑌨𑌮𑌃 𑌸𑌂𑌪𑌤𑍍𑌤𑌿𑌦𑌾𑌯𑌿𑌨𑍀 ॥ 21 ॥

𑌦𑌾𑌰𑌿𑌦𑍍𑌰𑍍𑌯𑌾𑌰𑍍𑌣𑌵𑌮𑌗𑍍𑌨𑍋𑌽𑌹𑌂 𑌨𑌿𑌮𑌗𑍍𑌨𑍋𑌽𑌹𑌂 𑌰𑌸𑌾𑌤𑌲𑍇 ।
𑌮𑌜𑍍𑌜𑌂𑌤𑌂 𑌮𑌾𑌂 𑌕𑌰𑍇 𑌧𑍃𑌤𑍍𑌵𑌾 𑌤𑍂𑌦𑍍𑌧𑌰 𑌤𑍍𑌵𑌂 𑌰𑌮𑍇 𑌦𑍍𑌰𑍁𑌤𑌮𑍍 ॥ 22 ॥

𑌕𑌿𑌂 𑌲𑌕𑍍𑌷𑍍𑌮𑌿 𑌬𑌹𑍁𑌨𑍋𑌕𑍍𑌤𑍇𑌨 𑌜𑌲𑍍𑌪𑌿𑌤𑍇𑌨 𑌪𑍁𑌨𑌃 𑌪𑍁𑌨𑌃 ।
𑌅𑌨𑍍𑌯𑌨𑍍𑌮𑍇 𑌶𑌰𑌣𑌂 𑌨𑌾𑌸𑍍𑌤𑌿 𑌸𑌤𑍍𑌯𑌂 𑌸𑌤𑍍𑌯𑌂 𑌹𑌰𑌿𑌪𑍍𑌰𑌿𑌯𑍇 ॥ 23 ॥

𑌏𑌤𑌚𑍍𑌛𑍍𑌰𑍁𑌤𑍍𑌵𑌾𑌽𑌗𑌸𑍍𑌤𑍍𑌯𑌵𑌾𑌕𑍍𑌯𑌂 𑌹𑍃𑌷𑍍𑌯𑌮𑌾𑌣𑌾 𑌹𑌰𑌿𑌪𑍍𑌰𑌿𑌯𑌾 ।
𑌉𑌵𑌾𑌚 𑌮𑌧𑍁𑌰𑌾𑌂 𑌵𑌾𑌣𑍀𑌂 𑌤𑍁𑌷𑍍𑌟𑌾𑌽𑌹𑌂 𑌤𑌵 𑌸𑌰𑍍𑌵𑌦𑌾 ॥ 24 ॥

𑌶𑍍𑌰𑍀𑌲𑌕𑍍𑌷𑍍𑌮𑍀𑌰𑍁𑌵𑌾𑌚 ।
𑌯𑌤𑍍𑌤𑍍𑌵𑌯𑍋𑌕𑍍𑌤𑌮𑌿𑌦𑌂 𑌸𑍍𑌤𑍋𑌤𑍍𑌰𑌂 𑌯𑌃 𑌪𑌠𑌿𑌷𑍍𑌯𑌤𑌿 𑌮𑌾𑌨𑌵𑌃 ।
𑌶𑍃𑌣𑍋𑌤𑌿 𑌚 𑌮𑌹𑌾𑌭𑌾𑌗𑌸𑍍𑌤𑌸𑍍𑌯𑌾𑌹𑌂 𑌵𑌶𑌵𑌰𑍍𑌤𑌿𑌨𑍀 ॥ 25 ॥

𑌨𑌿𑌤𑍍𑌯𑌂 𑌪𑌠𑌤𑌿 𑌯𑍋 𑌭𑌕𑍍𑌤𑍍𑌯𑌾 𑌤𑍍𑌵𑌲𑌕𑍍𑌷𑍍𑌮𑍀𑌸𑍍𑌤𑌸𑍍𑌯 𑌨𑌶𑍍𑌯𑌤𑌿 ।
𑌋𑌣𑌂 𑌚 𑌨𑌶𑍍𑌯𑌤𑍇 𑌤𑍀𑌵𑍍𑌰𑌂 𑌵𑌿𑌯𑍋𑌗𑌂 𑌨𑍈𑌵 𑌪𑌶𑍍𑌯𑌤𑌿 ॥ 26 ॥

𑌯𑌃 𑌪𑌠𑍇𑌤𑍍𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌶𑍍𑌰𑌦𑍍𑌧𑌾𑌭𑌕𑍍𑌤𑌿𑌸𑌮𑌨𑍍𑌵𑌿𑌤𑌃 ।
𑌗𑍃𑌹𑍇 𑌤𑌸𑍍𑌯 𑌸𑌦𑌾 𑌤𑌿𑌷𑍍𑌟𑍇𑌨𑍍𑌨𑌿𑌤𑍍𑌯𑌂 𑌶𑍍𑌰𑍀𑌃 𑌪𑌤𑌿𑌨𑌾 𑌸𑌹 ॥ 2𑍭 ॥

𑌸𑍁𑌖𑌸𑍌𑌭𑌾𑌗𑍍𑌯𑌸𑌂𑌪𑌨𑍍𑌨𑍋 𑌮𑌨𑌸𑍍𑌵𑍀 𑌬𑍁𑌦𑍍𑌧𑌿𑌮𑌾𑌨𑍍𑌭𑌵𑍇𑌤𑍍 ।
𑌪𑍁𑌤𑍍𑌰𑌵𑌾𑌨𑍍 𑌗𑍁𑌣𑌵𑌾𑌨𑍍 𑌶𑍍𑌰𑍇𑌷𑍍𑌠𑍋 𑌭𑍋𑌗𑌭𑍋𑌕𑍍𑌤𑌾 𑌚 𑌮𑌾𑌨𑌵𑌃 ॥ 2𑍮 ॥

𑌇𑌦𑌂 𑌸𑍍𑌤𑍋𑌤𑍍𑌰𑌂 𑌮𑌹𑌾𑌪𑍁𑌣𑍍𑌯𑌂 𑌲𑌕𑍍𑌷𑍍𑌮𑍍𑌯𑌾𑌗𑌸𑍍𑌤𑍍𑌯𑌪𑍍𑌰𑌕𑍀𑌰𑍍𑌤𑌿𑌤𑌮𑍍 ।
𑌵𑌿𑌷𑍍𑌣𑍁𑌪𑍍𑌰𑌸𑌾𑌦𑌜𑌨𑌨𑌂 𑌚𑌤𑍁𑌰𑍍𑌵𑌰𑍍𑌗𑌫𑌲𑌪𑍍𑌰𑌦𑌮𑍍 ॥ 2𑍯 ॥

𑌰𑌾𑌜𑌦𑍍𑌵𑌾𑌰𑍇 𑌜𑌯𑌶𑍍𑌚𑍈𑌵 𑌶𑌤𑍍𑌰𑍋𑌶𑍍𑌚𑍈𑌵 𑌪𑌰𑌾𑌜𑌯𑌃 ।
𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑌾𑌨𑌾𑌂 𑌵𑍍𑌯𑌾𑌘𑍍𑌰𑌾𑌣𑌾𑌂 𑌨 𑌭𑌯𑌂 𑌤𑌥𑌾 ॥ 30 ॥

𑌨 𑌶𑌸𑍍𑌤𑍍𑌰𑌾𑌨𑌲𑌤𑍋𑌯𑍌𑌘𑌾𑌦𑍍𑌭𑌯𑌂 𑌤𑌸𑍍𑌯 𑌪𑍍𑌰𑌜𑌾𑌯𑌤𑍇 ।
𑌦𑍁𑌰𑍍𑌵𑍃𑌤𑍍𑌤𑌾𑌨𑌾𑌂 𑌚 𑌪𑌾𑌪𑌾𑌨𑌾𑌂 𑌬𑌹𑍁𑌹𑌾𑌨𑌿𑌕𑌰𑌂 𑌪𑌰𑌮𑍍 ॥ 31 ॥

𑌮𑌂𑌦𑍁𑌰𑌾𑌕𑌰𑌿𑌶𑌾𑌲𑌾𑌸𑍁 𑌗𑌵𑌾𑌂 𑌗𑍋𑌷𑍍𑌠𑍇 𑌸𑌮𑌾𑌹𑌿𑌤𑌃 ।
𑌪𑌠𑍇𑌤𑍍𑌤𑌦𑍍𑌦𑍋𑌷𑌶𑌾𑌂𑌤𑍍𑌯𑌰𑍍𑌥𑌂 𑌮𑌹𑌾𑌪𑌾𑌤𑌕𑌨𑌾𑌶𑌨𑌮𑍍 ॥ 32 ॥

𑌸𑌰𑍍𑌵𑌸𑍌𑌖𑍍𑌯𑌕𑌰𑌂 𑌨𑍄𑌣𑌾𑌮𑌾𑌯𑍁𑌰𑌾𑌰𑍋𑌗𑍍𑌯𑌦𑌂 𑌤𑌥𑌾 ।
𑌅𑌗𑌸𑍍𑌤𑍍𑌯𑌮𑍁𑌨𑌿𑌨𑌾 𑌪𑍍𑌰𑍋𑌕𑍍𑌤𑌂 𑌪𑍍𑌰𑌜𑌾𑌨𑌾𑌂 𑌹𑌿𑌤𑌕𑌾𑌮𑍍𑌯𑌯𑌾 ॥ 33 ॥

𑌇𑌤𑍍𑌯𑌗𑌸𑍍𑌤𑍍𑌯𑌵𑌿𑌰𑌚𑌿𑌤𑌂 𑌶𑍍𑌰𑍀 𑌲𑌕𑍍𑌷𑍍𑌮𑍀 𑌸𑍍𑌤𑍋𑌤𑍍𑌰𑌮𑍍 ।