𑌮𑌹𑌾 𑌲𑌕𑍍𑌷𑍍𑌮𑍍𑌯𑌷𑍍𑌟𑌕𑌮𑍍

𑌇𑌂𑌦𑍍𑌰 𑌉𑌵𑌾𑌚 –

𑌨𑌮𑌸𑍍𑌤𑍇𑌽𑌸𑍍𑌤𑍁 𑌮𑌹𑌾𑌮𑌾𑌯𑍇 𑌶𑍍𑌰𑍀𑌪𑍀𑌠𑍇 𑌸𑍁𑌰𑌪𑍂𑌜𑌿𑌤𑍇 ।
𑌶𑌂𑌖𑌚𑌕𑍍𑌰 𑌗𑌦𑌾𑌹𑌸𑍍𑌤𑍇 𑌮𑌹𑌾𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 1 ॥

𑌨𑌮𑌸𑍍𑌤𑍇 𑌗𑌰𑍁𑌡𑌾𑌰𑍂𑌢𑍇 𑌕𑍋𑌲𑌾𑌸𑍁𑌰 𑌭𑌯𑌂𑌕𑌰𑌿 ।
𑌸𑌰𑍍𑌵𑌪𑌾𑌪𑌹𑌰𑍇 𑌦𑍇𑌵𑌿 𑌮𑌹𑌾𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 2 ॥

𑌸𑌰𑍍𑌵𑌜𑍍𑌞𑍇 𑌸𑌰𑍍𑌵𑌵𑌰𑌦𑍇 𑌸𑌰𑍍𑌵 𑌦𑍁𑌷𑍍𑌟 𑌭𑌯𑌂𑌕𑌰𑌿 ।
𑌸𑌰𑍍𑌵𑌦𑍁𑌃𑌖 𑌹𑌰𑍇 𑌦𑍇𑌵𑌿 𑌮𑌹𑌾𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 3 ॥

𑌸𑌿𑌦𑍍𑌧𑌿 𑌬𑍁𑌦𑍍𑌧𑌿 𑌪𑍍𑌰𑌦𑍇 𑌦𑍇𑌵𑌿 𑌭𑍁𑌕𑍍𑌤𑌿 𑌮𑍁𑌕𑍍𑌤𑌿 𑌪𑍍𑌰𑌦𑌾𑌯𑌿𑌨𑌿 ।
𑌮𑌂𑌤𑍍𑌰 𑌮𑍂𑌰𑍍𑌤𑍇 𑌸𑌦𑌾 𑌦𑍇𑌵𑌿 𑌮𑌹𑌾𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 4 ॥

𑌆𑌦𑍍𑌯𑌂𑌤 𑌰𑌹𑌿𑌤𑍇 𑌦𑍇𑌵𑌿 𑌆𑌦𑌿𑌶𑌕𑍍𑌤𑌿 𑌮𑌹𑍇𑌶𑍍𑌵𑌰𑌿 ।
𑌯𑍋𑌗𑌜𑍍𑌞𑍇 𑌯𑍋𑌗 𑌸𑌂𑌭𑍂𑌤𑍇 𑌮𑌹𑌾𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 5 ॥

𑌸𑍍𑌥𑍂𑌲 𑌸𑍂𑌕𑍍𑌷𑍍𑌮 𑌮𑌹𑌾𑌰𑍌𑌦𑍍𑌰𑍇 𑌮𑌹𑌾𑌶𑌕𑍍𑌤𑌿 𑌮𑌹𑍋𑌦𑌰𑍇 ।
𑌮𑌹𑌾 𑌪𑌾𑌪 𑌹𑌰𑍇 𑌦𑍇𑌵𑌿 𑌮𑌹𑌾𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 6 ॥

𑌪𑌦𑍍𑌮𑌾𑌸𑌨 𑌸𑍍𑌥𑌿𑌤𑍇 𑌦𑍇𑌵𑌿 𑌪𑌰𑌬𑍍𑌰𑌹𑍍𑌮 𑌸𑍍𑌵𑌰𑍂𑌪𑌿𑌣𑌿 ।
𑌪𑌰𑌮𑍇𑌶𑌿 𑌜𑌗𑌨𑍍𑌮𑌾𑌤𑌃 𑌮𑌹𑌾𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 𑍭 ॥

𑌶𑍍𑌵𑍇𑌤𑌾𑌂𑌬𑌰𑌧𑌰𑍇 𑌦𑍇𑌵𑌿 𑌨𑌾𑌨𑌾𑌲𑌂𑌕𑌾𑌰 𑌭𑍂𑌷𑌿𑌤𑍇 ।
𑌜𑌗𑌸𑍍𑌥𑌿𑌤𑍇 𑌜𑌗𑌨𑍍𑌮𑌾𑌤𑌃 𑌮𑌹𑌾𑌲𑌕𑍍𑌷𑍍𑌮𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 𑍮 ॥

𑌮𑌹𑌾𑌲𑌕𑍍𑌷𑍍𑌮𑌷𑍍𑌟𑌕𑌂 𑌸𑍍𑌤𑍋𑌤𑍍𑌰𑌂 𑌯𑌃 𑌪𑌠𑍇𑌦𑍍 𑌭𑌕𑍍𑌤𑌿𑌮𑌾𑌨𑍍 𑌨𑌰𑌃 ।
𑌸𑌰𑍍𑌵 𑌸𑌿𑌦𑍍𑌧𑌿 𑌮𑌵𑌾𑌪𑍍𑌨𑍋𑌤𑌿 𑌰𑌾𑌜𑍍𑌯𑌂 𑌪𑍍𑌰𑌾𑌪𑍍𑌨𑍋𑌤𑌿 𑌸𑌰𑍍𑌵𑌦𑌾 ॥

𑌏𑌕𑌕𑌾𑌲𑍇 𑌪𑌠𑍇𑌨𑍍𑌨𑌿𑌤𑍍𑌯𑌂 𑌮𑌹𑌾𑌪𑌾𑌪 𑌵𑌿𑌨𑌾𑌶𑌨𑌮𑍍 ।
𑌦𑍍𑌵𑌿𑌕𑌾𑌲𑌂 𑌯𑌃 𑌪𑌠𑍇𑌨𑍍𑌨𑌿𑌤𑍍𑌯𑌂 𑌧𑌨 𑌧𑌾𑌨𑍍𑌯 𑌸𑌮𑌨𑍍𑌵𑌿𑌤𑌃 ॥

𑌤𑍍𑌰𑌿𑌕𑌾𑌲𑌂 𑌯𑌃 𑌪𑌠𑍇𑌨𑍍𑌨𑌿𑌤𑍍𑌯𑌂 𑌮𑌹𑌾𑌶𑌤𑍍𑌰𑍁 𑌵𑌿𑌨𑌾𑌶𑌨𑌮𑍍 ।
𑌮𑌹𑌾𑌲𑌕𑍍𑌷𑍍𑌮𑍀 𑌰𑍍𑌭𑌵𑍇𑌨𑍍-𑌨𑌿𑌤𑍍𑌯𑌂 𑌪𑍍𑌰𑌸𑌨𑍍𑌨𑌾 𑌵𑌰𑌦𑌾 𑌶𑍁𑌭𑌾 ॥

[𑌇𑌤𑌿 𑌶𑍍𑌰𑍀 𑌇𑌂𑌦𑍍𑌰𑌕𑍃𑌤𑌂 𑌮𑌹𑌾𑌲𑌕𑍍𑌷𑍍𑌮𑍍𑌯𑌷𑍍𑌟𑌕𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍]