𑌕𑌨𑌕𑌧𑌾𑌰𑌾 𑌸𑍍𑌤𑍋𑌤𑍍𑌰𑌮𑍍

𑌵𑌂𑌦𑍇 𑌵𑌂𑌦𑌾𑌰𑍁 𑌮𑌂𑌦𑌾𑌰𑌮𑌿𑌂𑌦𑌿𑌰𑌾𑌨𑌂𑌦𑌕𑌂𑌦𑌲𑌮𑍍 ।
𑌅𑌮𑌂𑌦𑌾𑌨𑌂𑌦𑌸𑌂𑌦𑍋𑌹 𑌬𑌂𑌧𑍁𑌰𑌂 𑌸𑌿𑌂𑌧𑍁𑌰𑌾𑌨𑌨𑌮𑍍 ॥

𑌅𑌂𑌗𑌂 𑌹𑌰𑍇𑌃 𑌪𑍁𑌲𑌕𑌭𑍂𑌷𑌣𑌮𑌾𑌶𑍍𑌰𑌯𑌂𑌤𑍀
𑌭𑍃𑌂𑌗𑌾𑌂𑌗𑌨𑍇𑌵 𑌮𑍁𑌕𑍁𑌳𑌾𑌭𑌰𑌣𑌂 𑌤𑌮𑌾𑌲𑌮𑍍 ।
𑌅𑌂𑌗𑍀𑌕𑍃𑌤𑌾𑌖𑌿𑌲𑌵𑌿𑌭𑍂𑌤𑌿𑌰𑌪𑌾𑌂𑌗𑌲𑍀𑌲𑌾
𑌮𑌾𑌂𑌗𑌳𑍍𑌯𑌦𑌾𑌸𑍍𑌤𑍁 𑌮𑌮 𑌮𑌂𑌗𑌳𑌦𑍇𑌵𑌤𑌾𑌯𑌾𑌃 ॥ 1 ॥

𑌮𑍁𑌗𑍍𑌧𑌾 𑌮𑍁𑌹𑍁𑌰𑍍𑌵𑌿𑌦𑌧𑌤𑍀 𑌵𑌦𑌨𑍇 𑌮𑍁𑌰𑌾𑌰𑍇𑌃
𑌪𑍍𑌰𑍇𑌮𑌤𑍍𑌰𑌪𑌾𑌪𑍍𑌰𑌣𑌿𑌹𑌿𑌤𑌾𑌨𑌿 𑌗𑌤𑌾𑌗𑌤𑌾𑌨𑌿 ।
𑌮𑌾𑌲𑌾 𑌦𑍃𑌶𑍋𑌰𑍍𑌮𑌧𑍁𑌕𑌰𑍀𑌵 𑌮𑌹𑍋𑌤𑍍𑌪𑌲𑍇 𑌯𑌾
𑌸𑌾 𑌮𑍇 𑌶𑍍𑌰𑌿𑌯𑌂 𑌦𑌿𑌶𑌤𑍁 𑌸𑌾𑌗𑌰𑌸𑌂𑌭𑌵𑌾𑌯𑌾𑌃 ॥ 2 ॥

𑌆𑌮𑍀𑌲𑌿𑌤𑌾𑌕𑍍𑌷𑌮𑌧𑌿𑌗𑌮𑍍𑌯 𑌮𑍁𑌦𑌾 𑌮𑍁𑌕𑍁𑌂𑌦𑌮𑍍-
𑌆𑌨𑌂𑌦𑌕𑌂𑌦𑌮𑌨𑌿𑌮𑍇𑌷𑌮𑌨𑌂𑌗𑌤𑌂𑌤𑍍𑌰𑌮𑍍 ।
𑌆𑌕𑍇𑌕𑌰𑌸𑍍𑌥𑌿𑌤𑌕𑌨𑍀𑌨𑌿𑌕𑌪𑌕𑍍𑌷𑍍𑌮𑌨𑍇𑌤𑍍𑌰𑌂
𑌭𑍂𑌤𑍍𑌯𑍈 𑌭𑌵𑍇𑌨𑍍𑌮𑌮 𑌭𑍁𑌜𑌂𑌗𑌶𑌯𑌾𑌂𑌗𑌨𑌾𑌯𑌾𑌃 ॥ 3 ॥

𑌬𑌾𑌹𑍍𑌵𑌂𑌤𑌰𑍇 𑌮𑌧𑍁𑌜𑌿𑌤𑌃 𑌶𑍍𑌰𑌿𑌤𑌕𑍌𑌸𑍍𑌤𑍁𑌭𑍇 𑌯𑌾
𑌹𑌾𑌰𑌾𑌵𑌳𑍀𑌵 𑌹𑌰𑌿𑌨𑍀𑌲𑌮𑌯𑍀 𑌵𑌿𑌭𑌾𑌤𑌿 ।
𑌕𑌾𑌮𑌪𑍍𑌰𑌦𑌾 𑌭𑌗𑌵𑌤𑍋𑌽𑌪𑌿 𑌕𑌟𑌾𑌕𑍍𑌷𑌮𑌾𑌲𑌾
𑌕𑌲𑍍𑌯𑌾𑌣𑌮𑌾𑌵𑌹𑌤𑍁 𑌮𑍇 𑌕𑌮𑌲𑌾𑌲𑌯𑌾𑌯𑌾𑌃 ॥ 4 ॥

𑌕𑌾𑌲𑌾𑌂𑌬𑍁𑌦𑌾𑌳𑌿𑌲𑌲𑌿𑌤𑍋𑌰𑌸𑌿 𑌕𑍈𑌟𑌭𑌾𑌰𑍇𑌃
𑌧𑌾𑌰𑌾𑌧𑌰𑍇 𑌸𑍍𑌫𑍁𑌰𑌤𑌿 𑌯𑌾 𑌤𑌟𑌿𑌦𑌂𑌗𑌨𑍇𑌵 ।
𑌮𑌾𑌤𑍁𑌸𑍍𑌸𑌮𑌸𑍍𑌤𑌜𑌗𑌤𑌾𑌂 𑌮𑌹𑌨𑍀𑌯𑌮𑍂𑌰𑍍𑌤𑌿𑌃
𑌭𑌦𑍍𑌰𑌾𑌣𑌿 𑌮𑍇 𑌦𑌿𑌶𑌤𑍁 𑌭𑌾𑌰𑍍𑌗𑌵𑌨𑌂𑌦𑌨𑌾𑌯𑌾𑌃 ॥ 5 ॥

𑌪𑍍𑌰𑌾𑌪𑍍𑌤𑌂 𑌪𑌦𑌂 𑌪𑍍𑌰𑌥𑌮𑌤𑌃 𑌖𑌲𑍁 𑌯𑌤𑍍𑌪𑍍𑌰𑌭𑌾𑌵𑌾𑌤𑍍
𑌮𑌾𑌂𑌗𑌳𑍍𑌯𑌭𑌾𑌜𑌿 𑌮𑌧𑍁𑌮𑌾𑌥𑌿𑌨𑌿 𑌮𑌨𑍍𑌮𑌥𑍇𑌨 ।
𑌮𑌯𑍍𑌯𑌾𑌪𑌤𑍇𑌤𑍍𑌤𑌦𑌿𑌹 𑌮𑌂𑌥𑌰𑌮𑍀𑌕𑍍𑌷𑌣𑌾𑌰𑍍𑌧𑌂
𑌮𑌂𑌦𑌾𑌲𑌸𑌂 𑌚 𑌮𑌕𑌰𑌾𑌲𑌯𑌕𑌨𑍍𑌯𑌕𑌾𑌯𑌾𑌃 ॥ 6 ॥

𑌵𑌿𑌶𑍍𑌵𑌾𑌮𑌰𑍇𑌂𑌦𑍍𑌰𑌪𑌦𑌵𑌿𑌭𑍍𑌰𑌮𑌦𑌾𑌨𑌦𑌕𑍍𑌷𑌂
𑌆𑌨𑌂𑌦𑌹𑍇𑌤𑍁𑌰𑌧𑌿𑌕𑌂 𑌮𑍁𑌰𑌵𑌿𑌦𑍍𑌵𑌿𑌷𑍋𑌽𑌪𑌿 ।
𑌈𑌷𑌨𑍍𑌨𑌿𑌷𑍀𑌦𑌤𑍁 𑌮𑌯𑌿 𑌕𑍍𑌷𑌣𑌮𑍀𑌕𑍍𑌷𑌣𑌾𑌰𑍍𑌥𑌂 [𑌕𑍍𑌷𑌣𑌮𑍀𑌕𑍍𑌷𑌣𑌾𑌰𑍍𑌧𑌂]
𑌇𑌂𑌦𑍀𑌵𑌰𑍋𑌦𑌰𑌸𑌹𑍋𑌦𑌰𑌮𑌿𑌂𑌦𑌿𑌰𑌾𑌯𑌾𑌃 ॥ 𑍭 ॥

𑌇𑌷𑍍𑌟𑌾 𑌵𑌿𑌶𑌿𑌷𑍍𑌟𑌮𑌤𑌯𑍋𑌽𑌪𑌿 𑌯𑌯𑌾 𑌦𑌯𑌾𑌰𑍍𑌦𑍍𑌰
𑌦𑍃𑌷𑍍𑌟𑍍𑌯𑌾 𑌤𑍍𑌰𑌿𑌵𑌿𑌷𑍍𑌟𑌪𑌪𑌦𑌂 𑌸𑍁𑌲𑌭𑌂 𑌲𑌭𑌂𑌤𑍇 ।
𑌦𑍃𑌷𑍍𑌟𑌿𑌃 𑌪𑍍𑌰𑌹𑍃𑌷𑍍𑌟𑌕𑌮𑌲𑍋𑌦𑌰𑌦𑍀𑌪𑍍𑌤𑌿-𑌰𑌿𑌷𑍍𑌟𑌾𑌂
𑌪𑍁𑌷𑍍𑌟𑌿𑌂 𑌕𑍃𑌷𑍀𑌷𑍍𑌟 𑌮𑌮 𑌪𑍁𑌷𑍍𑌕𑌰𑌵𑌿𑌷𑍍𑌟𑌰𑌾𑌯𑌾𑌃 ॥ 𑍮 ॥

𑌦𑌦𑍍𑌯𑌾𑌦𑍍𑌦𑌯𑌾𑌨𑍁𑌪𑌵𑌨𑍋 𑌦𑍍𑌰𑌵𑌿𑌣𑌾𑌂𑌬𑍁𑌧𑌾𑌰𑌾-
𑌮𑌸𑍍𑌮𑌿-𑌨𑍍𑌨𑌕𑌿𑌂𑌚𑌨 𑌵𑌿𑌹𑌂𑌗𑌶𑌿𑌶𑍌 𑌵𑌿𑌷𑌣𑍍𑌣𑍇 ।
𑌦𑍁𑌷𑍍𑌕𑌰𑍍𑌮𑌘𑌰𑍍𑌮𑌮𑌪𑌨𑍀𑌯 𑌚𑌿𑌰𑌾𑌯 𑌦𑍂𑌰𑌂
𑌨𑌾𑌰𑌾𑌯𑌣𑌪𑍍𑌰𑌣𑌯𑌿𑌨𑍀𑌨𑌯𑌨𑌾𑌂𑌬𑍁𑌵𑌾𑌹𑌃 ॥ 𑍯 ॥

𑌗𑍀𑌰𑍍𑌦𑍇𑌵𑌤𑍇𑌤𑌿 𑌗𑌰𑍁𑌡𑌧𑍍𑌵𑌜𑌸𑍁𑌂𑌦𑌰𑍀𑌤𑌿
𑌶𑌾𑌕𑌂𑌭𑌰𑍀𑌤𑌿 𑌶𑌶𑌿𑌶𑍇𑌖𑌰𑌵𑌲𑍍𑌲𑌭𑍇𑌤𑌿 ।
𑌸𑍃𑌷𑍍𑌟𑌿𑌸𑍍𑌥𑌿𑌤𑌿𑌪𑍍𑌰𑌳𑌯𑌕𑍇𑌲𑌿𑌷𑍁 𑌸𑌂𑌸𑍍𑌥𑌿𑌤𑌾𑌯𑍈
𑌤𑌸𑍍𑌯𑍈 𑌨𑌮𑌸𑍍𑌤𑍍𑌰𑌿𑌭𑍁𑌵𑌨𑍈𑌕𑌗𑍁𑌰𑍋𑌸𑍍𑌤𑌰𑍁𑌣𑍍𑌯𑍈 ॥ 10 ॥

𑌶𑍍𑌰𑍁𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌶𑍁𑌭𑌕𑌰𑍍𑌮𑌫𑌲𑌪𑍍𑌰𑌸𑍂𑌤𑍍𑌯𑍈
𑌰𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌰𑌮𑌣𑍀𑌯𑌗𑍁𑌣𑌾𑌰𑍍𑌣𑌵𑌾𑌯𑍈 ।
𑌶𑌕𑍍𑌤𑍍𑌯𑍈 𑌨𑌮𑍋𑌽𑌸𑍍𑌤𑍁 𑌶𑌤𑌪𑌤𑍍𑌰𑌨𑌿𑌕𑍇𑌤𑌨𑌾𑌯𑍈
𑌪𑍁𑌷𑍍𑌟𑍍𑌯𑍈 𑌨𑌮𑍋𑌽𑌸𑍍𑌤𑍁 𑌪𑍁𑌰𑍁𑌷𑍋𑌤𑍍𑌤𑌮𑌵𑌲𑍍𑌲𑌭𑌾𑌯𑍈 ॥ 11 ॥

𑌨𑌮𑍋𑌽𑌸𑍍𑌤𑍁 𑌨𑌾𑌳𑍀𑌕𑌨𑌿𑌭𑌾𑌨𑌨𑌾𑌯𑍈
𑌨𑌮𑍋𑌽𑌸𑍍𑌤𑍁 𑌦𑍁𑌗𑍍𑌧𑍋𑌦𑌧𑌿𑌜𑌨𑍍𑌮𑌭𑍂𑌮𑍍𑌯𑍈 ।
𑌨𑌮𑍋𑌽𑌸𑍍𑌤𑍁 𑌸𑍋𑌮𑌾𑌮𑍃𑌤𑌸𑍋𑌦𑌰𑌾𑌯𑍈
𑌨𑌮𑍋𑌽𑌸𑍍𑌤𑍁 𑌨𑌾𑌰𑌾𑌯𑌣𑌵𑌲𑍍𑌲𑌭𑌾𑌯𑍈 ॥ 12 ॥

𑌨𑌮𑍋𑌽𑌸𑍍𑌤𑍁 𑌹𑍇𑌮𑌾𑌂𑌬𑍁𑌜𑌪𑍀𑌠𑌿𑌕𑌾𑌯𑍈
𑌨𑌮𑍋𑌽𑌸𑍍𑌤𑍁 𑌭𑍂𑌮𑌂𑌡𑌲𑌨𑌾𑌯𑌿𑌕𑌾𑌯𑍈 ।
𑌨𑌮𑍋𑌽𑌸𑍍𑌤𑍁 𑌦𑍇𑌵𑌾𑌦𑌿𑌦𑌯𑌾𑌪𑌰𑌾𑌯𑍈
𑌨𑌮𑍋𑌽𑌸𑍍𑌤𑍁 𑌶𑌾𑌰𑌂𑌗𑌾𑌯𑍁𑌧𑌵𑌲𑍍𑌲𑌭𑌾𑌯𑍈 ॥ 13 ॥

𑌨𑌮𑍋𑌽𑌸𑍍𑌤𑍁 𑌦𑍇𑌵𑍍𑌯𑍈 𑌭𑍃𑌗𑍁𑌨𑌂𑌦𑌨𑌾𑌯𑍈
𑌨𑌮𑍋𑌽𑌸𑍍𑌤𑍁 𑌵𑌿𑌷𑍍𑌣𑍋𑌰𑍁𑌰𑌸𑌿𑌸𑍍𑌥𑌿𑌤𑌾𑌯𑍈 ।
𑌨𑌮𑍋𑌽𑌸𑍍𑌤𑍁 𑌲𑌕𑍍𑌷𑍍𑌮𑍍𑌯𑍈 𑌕𑌮𑌲𑌾𑌲𑌯𑌾𑌯𑍈
𑌨𑌮𑍋𑌽𑌸𑍍𑌤𑍁 𑌦𑌾𑌮𑍋𑌦𑌰𑌵𑌲𑍍𑌲𑌭𑌾𑌯𑍈 ॥ 14 ॥

𑌨𑌮𑍋𑌽𑌸𑍍𑌤𑍁 𑌕𑌾𑌂𑌤𑍍𑌯𑍈 𑌕𑌮𑌲𑍇𑌕𑍍𑌷𑌣𑌾𑌯𑍈
𑌨𑌮𑍋𑌽𑌸𑍍𑌤𑍁 𑌭𑍂𑌤𑍍𑌯𑍈 𑌭𑍁𑌵𑌨𑌪𑍍𑌰𑌸𑍂𑌤𑍍𑌯𑍈 ।
𑌨𑌮𑍋𑌽𑌸𑍍𑌤𑍁 𑌦𑍇𑌵𑌾𑌦𑌿𑌭𑌿𑌰𑌰𑍍𑌚𑌿𑌤𑌾𑌯𑍈
𑌨𑌮𑍋𑌽𑌸𑍍𑌤𑍁 𑌨𑌂𑌦𑌾𑌤𑍍𑌮𑌜𑌵𑌲𑍍𑌲𑌭𑌾𑌯𑍈 ॥ 15 ॥

𑌸𑌂𑌪𑌤𑍍𑌕𑌰𑌾𑌣𑌿 𑌸𑌕𑌲𑍇𑌂𑌦𑍍𑌰𑌿𑌯𑌨𑌂𑌦𑌨𑌾𑌨𑌿
𑌸𑌾𑌮𑍍𑌰𑌾𑌜𑍍𑌯𑌦𑌾𑌨𑌵𑌿𑌭𑌵𑌾𑌨𑌿 𑌸𑌰𑍋𑌰𑍁𑌹𑌾𑌕𑍍𑌷𑌿 ।
𑌤𑍍𑌵𑌦𑍍𑌵𑌂𑌦𑌨𑌾𑌨𑌿 𑌦𑍁𑌰𑌿𑌤𑍋𑌦𑍍𑌧𑌰𑌣𑍋𑌦𑍍𑌯𑌤𑌾𑌨𑌿
𑌮𑌾𑌮𑍇𑌵 𑌮𑌾𑌤𑌰𑌨𑌿𑌶𑌂 𑌕𑌲𑌯𑌂𑌤𑍁 𑌮𑌾𑌨𑍍𑌯𑍇 ॥ 16 ॥

𑌯𑌤𑍍𑌕𑌟𑌾𑌕𑍍𑌷𑌸𑌮𑍁𑌪𑌾𑌸𑌨𑌾𑌵𑌿𑌧𑌿𑌃
𑌸𑍇𑌵𑌕𑌸𑍍𑌯 𑌸𑌕𑌲𑌾𑌰𑍍𑌥𑌸𑌂𑌪𑌦𑌃 ।
𑌸𑌂𑌤𑌨𑍋𑌤𑌿 𑌵𑌚𑌨𑌾𑌂𑌗𑌮𑌾𑌨𑌸𑍈𑌃
𑌤𑍍𑌵𑌾𑌂 𑌮𑍁𑌰𑌾𑌰𑌿𑌹𑍃𑌦𑌯𑍇𑌶𑍍𑌵𑌰𑍀𑌂 𑌭𑌜𑍇 ॥ 1𑍭 ॥

𑌸𑌰𑌸𑌿𑌜𑌨𑌿𑌲𑌯𑍇 𑌸𑌰𑍋𑌜𑌹𑌸𑍍𑌤𑍇 [𑌸𑌰𑌸𑌿𑌜𑌨𑌯𑌨𑍇]
𑌧𑌵𑌳𑌤𑌮𑌾𑌂𑌶𑍁𑌕𑌗𑌂𑌧𑌮𑌾𑌲𑍍𑌯𑌶𑍋𑌭𑍇 ।
𑌭𑌗𑌵𑌤𑌿 𑌹𑌰𑌿𑌵𑌲𑍍𑌲𑌭𑍇 𑌮𑌨𑍋𑌜𑍍𑌞𑍇
𑌤𑍍𑌰𑌿𑌭𑍁𑌵𑌨𑌭𑍂𑌤𑌿𑌕𑌰𑌿 𑌪𑍍𑌰𑌸𑍀𑌦 𑌮𑌹𑍍𑌯𑌮𑍍 ॥ 1𑍮 ॥

𑌦𑌿𑌗𑍍𑌘𑌸𑍍𑌤𑌿𑌭𑌿𑌃 𑌕𑌨𑌕𑌕𑍁𑌂𑌭𑌮𑍁𑌖𑌾𑌵𑌸𑍃𑌷𑍍𑌟
𑌸𑍍𑌵𑌰𑍍𑌵𑌾𑌹𑌿𑌨𑍀𑌵𑌿𑌮𑌲𑌚𑌾𑌰𑍁𑌜𑌲𑌪𑍍𑌲𑍁𑌤𑌾𑌂𑌗𑍀𑌮𑍍 ।
𑌪𑍍𑌰𑌾𑌤𑌰𑍍𑌨𑌮𑌾𑌮𑌿 𑌜𑌗𑌤𑌾𑌂 𑌜𑌨𑌨𑍀𑌮𑌶𑍇𑌷
𑌲𑍋𑌕𑌾𑌧𑌿𑌨𑌾𑌥-𑌗𑍃𑌹𑌿𑌣𑍀𑌮𑍍-𑌅𑌮𑍃𑌤𑌾𑌬𑍍𑌧𑌿𑌪𑍁𑌤𑍍𑌰𑍀𑌮𑍍 ॥ 1𑍯 ॥

𑌕𑌮𑌲𑍇 𑌕𑌮𑌲𑌾𑌕𑍍𑌷𑌵𑌲𑍍𑌲𑌭𑍇 𑌤𑍍𑌵𑌂
𑌕𑌰𑍁𑌣𑌾𑌪𑍂𑌰𑌤𑌰𑌂𑌗𑌿𑌤𑍈𑌰𑌪𑌾𑌂𑌗𑍈𑌃 ।
𑌅𑌵𑌲𑍋𑌕𑌯 𑌮𑌾𑌮𑌕𑌿𑌂𑌚𑌨𑌾𑌨𑌾𑌂
𑌪𑍍𑌰𑌥𑌮𑌂 𑌪𑌾𑌤𑍍𑌰𑌮𑌕𑍃𑌤𑍍𑌰𑌿𑌮𑌂 𑌦𑌯𑌾𑌯𑌾𑌃 ॥ 20 ॥

𑌸𑍍𑌤𑍁𑌵𑌂𑌤𑌿 𑌯𑍇 𑌸𑍍𑌤𑍁𑌤𑌿𑌭𑌿𑌰𑌮𑍂𑌭𑌿𑌰𑌨𑍍𑌵𑌹𑌂
𑌤𑍍𑌰𑌯𑍀𑌮𑌯𑍀𑌂 𑌤𑍍𑌰𑌿𑌭𑍁𑌵𑌨𑌮𑌾𑌤𑌰𑌂 𑌰𑌮𑌾𑌮𑍍 ।
𑌗𑍁𑌣𑌾𑌧𑌿𑌕𑌾 𑌗𑍁𑌰𑍁𑌤𑌰-𑌭𑌾𑌗𑍍𑌯-𑌭𑌾𑌗𑌿𑌨𑍋 [𑌭𑌾𑌗𑌿𑌨𑌃]
𑌭𑌵𑌂𑌤𑌿 𑌤𑍇 𑌭𑍁𑌵𑌿 𑌬𑍁𑌧𑌭𑌾𑌵𑌿𑌤𑌾𑌶𑌯𑌾𑌃 ॥ 21 ॥

𑌸𑍁𑌵𑌰𑍍𑌣𑌧𑌾𑌰𑌾𑌸𑍍𑌤𑍋𑌤𑍍𑌰𑌂 𑌯𑌚𑍍𑌛𑌂𑌕𑌰𑌾𑌚𑌾𑌰𑍍𑌯 𑌨𑌿𑌰𑍍𑌮𑌿𑌤𑌮𑍍 ।
𑌤𑍍𑌰𑌿𑌸𑌂𑌧𑍍𑌯𑌂 𑌯𑌃 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸 𑌕𑍁𑌬𑍇𑌰𑌸𑌮𑍋 𑌭𑌵𑍇𑌤𑍍 ॥

𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌾𑌰𑍍𑌯𑌸𑍍𑌯 𑌶𑍍𑌰𑍀𑌗𑍋𑌵𑌿𑌂𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯 𑌶𑍍𑌰𑍀𑌮𑌚𑍍𑌛𑌂𑌕𑌰𑌭𑌗𑌵𑌤𑌃 𑌕𑍃𑌤𑍌 𑌕𑌨𑌕𑌧𑌾𑌰𑌾𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ।