𑌶𑍍𑌰𑍀 𑌲𑌕𑍍𑌷𑍍𑌮𑍀 𑌨𑍃𑌸𑌿𑌂𑌹𑌾𑌷𑍍𑌟𑍋𑌤𑍍𑌤𑌰 𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌨𑌾𑌰𑌸𑌿𑌂𑌹𑍋 𑌮𑌹𑌾𑌸𑌿𑌂𑌹𑍋 𑌦𑌿𑌵𑍍𑌯𑌸𑌿𑌂𑌹𑍋 𑌮𑌹𑌾𑌬𑌲𑌃 ।
𑌉𑌗𑍍𑌰𑌸𑌿𑌂𑌹𑍋 𑌮𑌹𑌾𑌦𑍇𑌵𑌸𑍍𑌸𑍍𑌤𑌂𑌭𑌜𑌶𑍍𑌚𑍋𑌗𑍍𑌰𑌲𑍋𑌚𑌨𑌃 ॥ 1 ॥

𑌰𑍌𑌦𑍍𑌰𑌸𑍍𑌸𑌰𑍍𑌵𑌾𑌦𑍍𑌭𑍁𑌤𑌃 𑌶𑍍𑌰𑍀𑌮𑌾𑌨𑍍 𑌯𑍋𑌗𑌾𑌨𑌂𑌦𑌸𑍍𑌤𑍍𑌰𑌿𑌵𑌿𑌕𑍍𑌰𑌮𑌃 ।
𑌹𑌰𑌿𑌃 𑌕𑍋𑌲𑌾𑌹𑌲𑌶𑍍𑌚𑌕𑍍𑌰𑍀 𑌵𑌿𑌜𑌯𑍋 𑌜𑌯𑌵𑌰𑍍𑌧𑌨𑌃 ॥ 2 ॥

𑌪𑌂𑌚𑌾𑌨𑌨𑌃 𑌪𑌰𑌬𑍍𑌰𑌹𑍍𑌮 𑌚𑌾𑌽𑌘𑍋𑌰𑍋 𑌘𑍋𑌰𑌵𑌿𑌕𑍍𑌰𑌮𑌃 ।
𑌜𑍍𑌵𑌲𑌨𑍍𑌮𑍁𑌖𑍋 𑌜𑍍𑌵𑌾𑌲𑌮𑌾𑌲𑍀 𑌮𑌹𑌾𑌜𑍍𑌵𑌾𑌲𑍋 𑌮𑌹𑌾𑌪𑍍𑌰𑌭𑍁𑌃 ॥ 3 ॥

𑌨𑌿𑌟𑌿𑌲𑌾𑌕𑍍𑌷𑌸𑍍𑌸𑌹𑌸𑍍𑌰𑌾𑌕𑍍𑌷𑍋 𑌦𑍁𑌰𑍍𑌨𑌿𑌰𑍀𑌕𑍍𑌷𑌃 𑌪𑍍𑌰𑌤𑌾𑌪𑌨𑌃 ।
𑌮𑌹𑌾𑌦𑌂𑌷𑍍𑌟𑍍𑌰𑌾𑌯𑍁𑌧𑌃 𑌪𑍍𑌰𑌾𑌜𑍍𑌞𑌶𑍍𑌚𑌂𑌡𑌕𑍋𑌪𑍀 𑌸𑌦𑌾𑌶𑌿𑌵𑌃 ॥ 4 ॥

𑌹𑌿𑌰𑌣𑍍𑌯𑌕𑌶𑌿𑌪𑍁𑌧𑍍𑌵𑌂𑌸𑍀 𑌦𑍈𑌤𑍍𑌯𑌦𑌾𑌨𑌵𑌭𑌂𑌜𑌨𑌃 ।
𑌗𑍁𑌣𑌭𑌦𑍍𑌰𑍋 𑌮𑌹𑌾𑌭𑌦𑍍𑌰𑍋 𑌬𑌲𑌭𑌦𑍍𑌰𑌸𑍍𑌸𑍁𑌭𑌦𑍍𑌰𑌕𑌃 ॥ 5 ॥

𑌕𑌰𑌾𑌳𑍋 𑌵𑌿𑌕𑌰𑌾𑌳𑌶𑍍𑌚 𑌵𑌿𑌕𑌰𑍍𑌤𑌾 𑌸𑌰𑍍𑌵𑌕𑌰𑍍𑌤𑍃𑌕𑌃 ।
𑌶𑌿𑌂𑌶𑍁𑌮𑌾𑌰𑌸𑍍𑌤𑍍𑌰𑌿𑌲𑍋𑌕𑌾𑌤𑍍𑌮𑌾 𑌈𑌶𑌸𑍍𑌸𑌰𑍍𑌵𑍇𑌶𑍍𑌵𑌰𑍋 𑌵𑌿𑌭𑍁𑌃 ॥ 6 ॥

𑌭𑍈𑌰𑌵𑌾𑌡𑌂𑌬𑌰𑍋 𑌦𑌿𑌵𑍍𑌯𑌶𑍍𑌚𑌾𑌽𑌚𑍍𑌯𑍁𑌤𑌃 𑌕𑌵𑌿 𑌮𑌾𑌧𑌵𑌃 ।
𑌅𑌧𑍋𑌕𑍍𑌷𑌜𑍋𑌽𑌕𑍍𑌷𑌰𑌶𑍍𑌶𑌰𑍍𑌵𑍋 𑌵𑌨𑌮𑌾𑌲𑍀 𑌵𑌰𑌪𑍍𑌰𑌦𑌃 ॥ 𑍭 ॥

𑌵𑌿𑌶𑍍𑌵𑌂𑌭𑌰𑍋𑌽𑌦𑍍𑌭𑍁𑌤𑍋 𑌭𑌵𑍍𑌯𑌃 𑌶𑍍𑌰𑍀𑌵𑌿𑌷𑍍𑌣𑍁𑌃 𑌪𑍁𑌰𑍁𑌷𑍋𑌤𑍍𑌤𑌮𑌃 ।
𑌅𑌨𑌘𑌾𑌸𑍍𑌤𑍍𑌰𑍋 𑌨𑌖𑌾𑌸𑍍𑌤𑍍𑌰𑌶𑍍𑌚 𑌸𑍂𑌰𑍍𑌯𑌜𑍍𑌯𑍋𑌤𑌿𑌸𑍍𑌸𑍁𑌰𑍇𑌶𑍍𑌵𑌰𑌃 ॥ 𑍮 ॥

𑌸𑌹𑌸𑍍𑌰𑌬𑌾𑌹𑍁𑌃𑌸𑍍𑌸𑌰𑍍𑌵𑌜𑍍𑌞𑌸𑍍𑌸𑌰𑍍𑌵𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌕𑌃 ।
𑌵𑌜𑍍𑌰𑌦𑌂𑌷𑍍𑌟𑍍𑌰𑍋 𑌵𑌜𑍍𑌰𑌨𑌖𑍋 𑌮𑌹𑌾𑌨𑌂𑌦𑌃 𑌪𑌰𑌂𑌤𑌪𑌃 ॥ 𑍯 ॥

𑌸𑌰𑍍𑌵𑌮𑌂𑌤𑍍𑌰𑍈𑌕𑌰𑍂𑌪𑌶𑍍𑌚 𑌸𑌰𑍍𑌵𑌯𑌂𑌤𑍍𑌰𑌵𑌿𑌦𑌾𑌰𑌣𑌃 ।
𑌸𑌰𑍍𑌵𑌤𑌂𑌤𑍍𑌰𑌾𑌤𑍍𑌮𑌕𑍋𑌽𑌵𑍍𑌯𑌕𑍍𑌤𑌸𑍍𑌸𑍁𑌵𑍍𑌯𑌕𑍍𑌤𑍋 𑌭𑌕𑍍𑌤𑌵𑌤𑍍𑌸𑌲𑌃 ॥ 10 ॥

𑌵𑍈𑌶𑌾𑌖𑌶𑍁𑌕𑍍𑌲𑌭𑍂𑌤𑍋𑌤𑍍𑌥𑌃 𑌶𑌰𑌣𑌾𑌗𑌤𑌵𑌤𑍍𑌸𑌲𑌃 ।
𑌉𑌦𑌾𑌰𑌕𑍀𑌰𑍍𑌤𑌿𑌃 𑌪𑍁𑌣𑍍𑌯𑌾𑌤𑍍𑌮𑌾 𑌮𑌹𑌾𑌤𑍍𑌮𑌾 𑌚𑌂𑌡𑌵𑌿𑌕𑍍𑌰𑌮𑌃 ॥ 11 ॥

𑌵𑍇𑌦𑌤𑍍𑌰𑌯𑌪𑍍𑌰𑌪𑍂𑌜𑍍𑌯𑌶𑍍𑌚 𑌭𑌗𑌵𑌾𑌨𑍍𑌪𑌰𑌮𑍇𑌶𑍍𑌵𑌰𑌃 ।
𑌶𑍍𑌰𑍀𑌵𑌤𑍍𑌸𑌾𑌂𑌕𑌃 𑌶𑍍𑌰𑍀𑌨𑌿𑌵𑌾𑌸𑍋 𑌜𑌗𑌦𑍍𑌵𑍍𑌯𑌾𑌪𑍀 𑌜𑌗𑌨𑍍𑌮𑌯𑌃 ॥ 12 ॥

𑌜𑌗𑌤𑍍𑌪𑌾𑌲𑍋 𑌜𑌗𑌨𑍍𑌨𑌾𑌥𑍋 𑌮𑌹𑌾𑌕𑌾𑌯𑍋 𑌦𑍍𑌵𑌿𑌰𑍂𑌪𑌭𑍃𑌤𑍍 ।
𑌪𑌰𑌮𑌾𑌤𑍍𑌮𑌾 𑌪𑌰𑌂𑌜𑍍𑌯𑍋𑌤𑌿𑌰𑍍𑌨𑌿𑌰𑍍𑌗𑍁𑌣𑌶𑍍𑌚 𑌨𑍃𑌕𑍇𑌸𑌰𑍀 ॥ 13 ॥

𑌪𑌰𑌤𑌤𑍍𑌤𑍍𑌵𑌃 𑌪𑌰𑌂𑌧𑌾𑌮 𑌸𑌚𑍍𑌚𑌿𑌦𑌾𑌨𑌂𑌦𑌵𑌿𑌗𑍍𑌰𑌹𑌃 ।
𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹𑌸𑍍𑌸𑌰𑍍𑌵𑌾𑌤𑍍𑌮𑌾 𑌧𑍀𑌰𑌃 𑌪𑍍𑌰𑌹𑍍𑌲𑌾𑌦𑌪𑌾𑌲𑌕𑌃 ॥ 14 ॥

𑌇𑌦𑌂 𑌶𑍍𑌰𑍀𑌮𑌨𑍍𑌨𑍃𑌸𑌿𑌂𑌹𑌸𑍍𑌯 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ।
𑌤𑍍𑌰𑌿𑌸𑌂𑌧𑍍𑌯𑌂 𑌯𑌃 𑌪𑌠𑍇𑌦𑍍𑌭𑌕𑍍𑌤𑍍𑌯𑌾 𑌸𑌰𑍍𑌵𑌾𑌭𑍀𑌷𑍍𑌟𑌮𑌵𑌾𑌪𑍍𑌨𑍁𑌯𑌾𑌤𑍍 ॥ 15 ॥

𑌇𑌤𑌿 𑌶𑍍𑌰𑍀𑌨𑍃𑌸𑌿𑌂𑌹𑌪𑍂𑌜𑌾𑌕𑌲𑍍𑌪𑍇 𑌶𑍍𑌰𑍀 𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।