ଵିଦୁର ନୀତି – ଉଦ୍ୟୋଗ ପର୍ଵମ୍, ଅଧ୍ୟାୟଃ 37
॥ ଇତି ଶ୍ରୀମହାଭାରତେ ଉଦ୍ୟୋଗପର୍ଵଣି ପ୍ରଜାଗରପର୍ଵଣି
ଵିଦୁରଵାକ୍ୟେ ସପ୍ତତ୍ରିଂଶୋଽଧ୍ୟାୟଃ ॥
ଵିଦୁର ଉଵାଚ ।
ସପ୍ତଦଶେମାନ୍ରାଜେଂଦ୍ର ମନୁଃ ସ୍ଵାୟଂଭୁଵୋଽବ୍ରଵୀତ୍ ।
ଵୈଚିତ୍ରଵୀର୍ୟ ପୁରୁଷାନାକାଶଂ ମୁଷ୍ଟିଭିର୍ଘ୍ନତଃ ॥ 1॥
ତାନେଵିଂଦ୍ରସ୍ୟ ହି ଧନୁରନାମ୍ୟଂ ନମତୋଽବ୍ରଵୀତ୍ ।
ଅଥୋ ମରୀଚିନଃ ପାଦାନନାମ୍ୟାନ୍ନମତସ୍ତଥା ॥ 2॥
ୟଶ୍ଚାଶିଷ୍ୟଂ ଶାସତି ୟଶ୍ ଚ କୁପ୍ୟତେ
ୟଶ୍ଚାତିଵେଲଂ ଭଜତେ ଦ୍ଵିଷଂତମ୍ ।
ସ୍ତ୍ରିୟଶ୍ଚ ୟୋଽରକ୍ଷତି ଭଦ୍ରମସ୍ତୁ ତେ
ୟଶ୍ଚାୟାଚ୍ୟଂ ୟାଚତି ୟଶ୍ ଚ କତ୍ଥତେ ॥ 3॥
ୟଶ୍ଚାଭିଜାତଃ ପ୍ରକରୋତ୍ୟକାର୍ୟଂ
ୟଶ୍ଚାବଲୋ ବଲିନା ନିତ୍ୟଵୈରୀ ।
ଅଶ୍ରଦ୍ଦଧାନାୟ ଚ ୟୋ ବ୍ରଵୀତି
ୟଶ୍ଚାକାମ୍ୟଂ କାମୟତେ ନରେଂଦ୍ର ॥ 4॥
ଵଧ୍ଵା ହାସଂ ଶ୍ଵଶୁରୋ ୟଶ୍ ଚ ମନ୍ୟତେ
ଵଧ୍ଵା ଵସନ୍ନୁତ ୟୋ ମାନକାମଃ ।
ପରକ୍ଷେତ୍ରେ ନିର୍ଵପତି ୟଶ୍ଚ ବୀଜଂ
ସ୍ତ୍ରିୟଂ ଚ ୟଃ ପରିଵଦତେଽତିଵେଲମ୍ ॥ 5॥
ୟଶ୍ଚୈଵ ଲବ୍ଧ୍ଵା ନ ସ୍ମରାମୀତ୍ୟୁଵାଚ
ଦତ୍ତ୍ଵା ଚ ୟଃ କତ୍ଥତି ୟାଚ୍ୟମାନଃ ।
ୟଶ୍ଚାସତଃ ସାଂତ୍ଵମୁପାସତୀହ
ଏତେଽନୁୟାଂତ୍ୟନିଲଂ ପାଶହସ୍ତାଃ ॥ 6॥
ୟସ୍ମିନ୍ୟଥା ଵର୍ତତେ ୟୋ ମନୁଷ୍ୟସ୍
ତସ୍ମିଂସ୍ତଥା ଵର୍ତିତଵ୍ୟଂ ସ ଧର୍ମଃ ।
ମାୟାଚାରୋ ମାୟୟା ଵର୍ତିତଵ୍ୟଃ
ସାଧ୍ଵାଚାରଃ ସାଧୁନା ପ୍ରତ୍ୟୁଦେୟଃ ॥ 7॥
ଧୃତରାଷ୍ଟ୍ର ଉଵାଚ ।
ଶତାୟୁରୁକ୍ତଃ ପୁରୁଷଃ ସର୍ଵଵେଦେଷୁ ଵୈ ୟଦା ।
ନାପ୍ନୋତ୍ୟଥ ଚ ତତ୍ସର୍ଵମାୟୁଃ କେନେହ ହେତୁନା ॥ 8॥
ଵିଦୁର ଉଵାଚ ।
ଅତିଵାଦୋଽତିମାନଶ୍ଚ ତଥାତ୍ୟାଗୋ ନରାଧିପଃ ।
କ୍ରୋଧଶ୍ଚାତିଵିଵିତ୍ସା ଚ ମିତ୍ରଦ୍ରୋହଶ୍ଚ ତାନି ଷଟ୍ ॥ 9॥
ଏତ ଏଵାସୟସ୍ତୀକ୍ଷ୍ଣାଃ କୃଂତଂତ୍ୟାୟୂଂଷି ଦେହିନାମ୍ ।
ଏତାନି ମାନଵାନ୍ଘ୍ନଂତି ନ ମୃତ୍ୟୁର୍ଭଦ୍ରମସ୍ତୁ ତେ ॥ 10॥
ଵିଶ୍ଵସ୍ତସ୍ୟୈତି ୟୋ ଦାରାନ୍ୟଶ୍ଚାପି ଗୁରୁ ତକ୍ପଗଃ ।
ଵୃଷଲୀ ପତିର୍ଦ୍ଵିଜୋ ୟଶ୍ଚ ପାନପଶ୍ଚୈଵ ଭାରତ ॥ 11॥
ଶରଣାଗତହା ଚୈଵ ସର୍ଵେ ବ୍ରହ୍ମହଣୈଃ ସମାଃ ।
ଏତୈଃ ସମେତ୍ୟ କର୍ତଵ୍ୟଂ ପ୍ରାୟଶ୍ଚିତ୍ତମିତି ଶ୍ରୁତିଃ ॥ 12॥
ଗୃହୀ ଵଦାନ୍ୟୋଽନପଵିଦ୍ଧ ଵାକ୍ୟଃ
ଶେଷାନ୍ନ ଭୋକାପ୍ୟଵିହିଂସକଶ୍ ଚ ।
ନାନର୍ଥକୃତ୍ତ୍ୟକ୍ତକଲିଃ କୃତଜ୍ଞଃ
ସତ୍ୟୋ ମୃଦୁଃ ସ୍ଵର୍ଗମୁପୈତି ଵିଦ୍ଵାନ୍ ॥ 13॥
ସୁଲଭାଃ ପୁରୁଷା ରାଜନ୍ସତତଂ ପ୍ରିୟଵାଦିନଃ ।
ଅପ୍ରିୟସ୍ୟ ତୁ ପଥ୍ୟସ୍ୟ ଵକ୍ତା ଶ୍ରୋତା ଚ ଦୁର୍ଲଭଃ ॥ 14॥
ୟୋ ହି ଧର୍ମଂ ଵ୍ୟପାଶ୍ରିତ୍ୟ ହିତ୍ଵା ଭର୍ତୁଃ ପ୍ରିୟାପ୍ରିୟେ ।
ଅପ୍ରିୟାଣ୍ୟାହ ପଥ୍ୟାନି ତେନ ରାଜା ସହାୟଵାନ୍ ॥ 15॥
ତ୍ୟଜେତ୍କୁଲାର୍ଥେ ପୁରୁଷଂ ଗ୍ରାମସ୍ୟାର୍ଥେ କୁଲଂ ତ୍ୟଜେତ୍ ।
ଗ୍ରାମଂ ଜନପଦସ୍ୟାର୍ଥେ ଆତ୍ମାର୍ଥେ ପୃଥିଵୀଂ ତ୍ୟଜେତ୍ ॥ 16॥
ଆପଦର୍ଥଂ ଧନଂ ରକ୍ଷେଦ୍ଦାରାନ୍ରକ୍ଷେଦ୍ଧନୈରପି ।
ଆତ୍ମାନଂ ସତତଂ ରକ୍ଷେଦ୍ଦାରୈରପି ଧନୈରପି ॥ 17॥
ଉକ୍ତଂ ମୟା ଦ୍ୟୂତକାଲେଽପି ରାଜନ୍
ନୈଵଂ ୟୁକ୍ତଂ ଵଚନଂ ପ୍ରାତିପୀୟ ।
ତଦୌଷଧଂ ପଥ୍ୟମିଵାତୁରସ୍ୟ
ନ ରୋଚତେ ତଵ ଵୈଚିତ୍ର ଵୀର୍ୟ ॥ 18॥
କାକୈରିମାଂଶ୍ଚିତ୍ରବର୍ହାନ୍ମୟୂରାନ୍
ପରାଜୈଷ୍ଠାଃ ପାଂଡଵାଂଧାର୍ତରାଷ୍ଟ୍ରୈଃ ।
ହିତ୍ଵା ସିଂହାନ୍କ୍ରୋଷ୍ଟୁ କାନ୍ଗୂହମାନଃ
ପ୍ରାପ୍ତେ କାଲେ ଶୋଚିତା ତ୍ଵଂ ନରେଂଦ୍ର ॥ 19॥
ୟସ୍ତାତ ନ କ୍ରୁଧ୍ୟତି ସର୍ଵକାଲଂ
ଭୃତ୍ୟସ୍ୟ ଭକ୍ତସ୍ୟ ହିତେ ରତସ୍ୟ ।
ତସ୍ମିନ୍ଭୃତ୍ୟା ଭର୍ତରି ଵିଶ୍ଵସଂତି
ନ ଚୈନମାପତ୍ସୁ ପରିତ୍ୟଜଂତି ॥ 20॥
ନ ଭୃତ୍ୟାନାଂ ଵୃତ୍ତି ସଂରୋଧନେନ
ବାହ୍ୟଂ ଜନଂ ସଂଜିଘୃକ୍ଷେଦପୂର୍ଵମ୍ ।
ତ୍ୟଜଂତି ହ୍ୟେନମୁଚିତାଵରୁଦ୍ଧାଃ
ସ୍ନିଗ୍ଧା ହ୍ୟମାତ୍ୟାଃ ପରିହୀନଭୋଗାଃ ॥ 21॥
କୃତ୍ୟାନି ପୂର୍ଵଂ ପରିସଂଖ୍ୟାୟ ସର୍ଵାଣ୍ୟ୍
ଆୟଵ୍ୟୟାଵନୁରୂପାଂ ଚ ଵୃତ୍ତିମ୍ ।
ସଂଗୃହ୍ଣୀୟାଦନୁରୂପାନ୍ସହାୟାନ୍
ସହାୟସାଧ୍ୟାନି ହି ଦୁଷ୍କରାଣି ॥ 22॥
ଅଭିପ୍ରାୟଂ ୟୋ ଵିଦିତ୍ଵା ତୁ ଭର୍ତୁଃ
ସର୍ଵାଣି କାର୍ୟାଣି କରୋତ୍ୟତଂଦ୍ରୀଃ ।
ଵକ୍ତା ହିତାନାମନୁରକ୍ତ ଆର୍ୟଃ
ଶକ୍ତିଜ୍ଞ ଆତ୍ମେଵ ହି ସୋଽନୁକଂପ୍ୟଃ ॥ 23॥
ଵାକ୍ୟଂ ତୁ ୟୋ ନାଦ୍ରିୟତେଽନୁଶିଷ୍ଟଃ
ପ୍ରତ୍ୟାହ ୟଶ୍ଚାପି ନିୟୁଜ୍ୟମାନଃ ।
ପ୍ରଜ୍ଞାଭିମାନୀ ପ୍ରତିକୂଲଵାଦୀ
ତ୍ୟାଜ୍ୟଃ ସ ତାଦୃକ୍ତ୍ଵରୟୈଵ ଭୃତ୍ୟଃ ॥ 24॥
ଅସ୍ତବ୍ଧମକ୍ଲୀବମଦୀର୍ଘସୂତ୍ରଂ
ସାନୁକ୍ରୋଶଂ ଶ୍ଲକ୍ଷ୍ଣମହାର୍ୟମନ୍ୟୈଃ ।
ଅରୋଗ ଜାତୀୟମୁଦାରଵାକ୍ୟଂ
ଦୂତଂ ଵଦଂତ୍ୟଷ୍ଟ ଗୁଣୋପପନ୍ନମ୍ ॥ 25॥
ନ ଵିଶ୍ଵାସାଜ୍ଜାତୁ ପରସ୍ୟ ଗେହଂ
ଗଚ୍ଛେନ୍ନରଶ୍ଚେତୟାନୋ ଵିକାଲେ ।
ନ ଚତ୍ଵରେ ନିଶି ତିଷ୍ଠେନ୍ନିଗୂଢୋ
ନ ରାଜନ୍ୟାଂ ୟୋଷିତଂ ପ୍ରାର୍ଥୟୀତ ॥ 26॥
ନ ନିହ୍ନଵଂ ସତ୍ର ଗତସ୍ୟ ଗଚ୍ଛେତ୍
ସଂସୃଷ୍ଟ ମଂତ୍ରସ୍ୟ କୁସଂଗତସ୍ୟ ।
ନ ଚ ବ୍ରୂୟାନ୍ନାଶ୍ଵସାମି ତ୍ଵୟୀତି
ସ କାରଣଂ ଵ୍ୟପଦେଶଂ ତୁ କୁର୍ୟାତ୍ ॥ 27॥
ଘୃଣୀ ରାଜା ପୁଂଶ୍ଚଲୀ ରାଜଭୃତ୍ୟଃ
ପୁତ୍ରୋ ଭ୍ରାତା ଵିଧଵା ବାଲ ପୁତ୍ରା ।
ସେନା ଜୀଵୀ ଚୋଦ୍ଧୃତ ଭକ୍ତ ଏଵ
ଵ୍ୟଵହାରେ ଵୈ ଵର୍ଜନୀୟାଃ ସ୍ୟୁରେତେ ॥ 28॥
ଗୁଣା ଦଶ ସ୍ନାନଶୀଲଂ ଭଜଂତେ
ବଲଂ ରୂପଂ ସ୍ଵରଵର୍ଣପ୍ରଶୁଦ୍ଧିଃ ।
ସ୍ପର୍ଶଶ୍ଚ ଗଂଧଶ୍ଚ ଵିଶୁଦ୍ଧତା ଚ
ଶ୍ରୀଃ ସୌକୁମାର୍ୟଂ ପ୍ରଵରାଶ୍ଚ ନାର୍ୟଃ ॥ 29॥
ଗୁଣାଶ୍ଚ ଷଣ୍ମିତଭୁକ୍ତଂ ଭଜଂତେ
ଆରୋଗ୍ୟମାୟୁଶ୍ଚ ସୁଖଂ ବଲଂ ଚ ।
ଅନାଵିଲଂ ଚାସ୍ୟ ଭଵେଦପତ୍ୟଂ
ନ ଚୈନମାଦ୍ୟୂନ ଇତି କ୍ଷିପଂତି ॥ 30॥
ଅକର୍ମ ଶୀଲଂ ଚ ମହାଶନଂ ଚ
ଲୋକଦ୍ଵିଷ୍ଟଂ ବହୁ ମାୟଂ ନୃଶଂସମ୍ ।
ଅଦେଶକାଲଜ୍ଞମନିଷ୍ଟ ଵେଷମ୍
ଏତାନ୍ଗୃହେ ନ ପ୍ରତିଵାସୟୀତ ॥ 31॥
କଦର୍ୟମାକ୍ରୋଶକମଶ୍ରୁତଂ ଚ
ଵରାକ ସଂଭୂତମମାନ୍ୟ ମାନିନମ୍ ।
ନିଷ୍ଠୂରିଣଂ କୃତଵୈରଂ କୃତଘ୍ନମ୍
ଏତାନ୍ଭୃତାର୍ତୋଽପି ନ ଜାତୁ ୟାଚେତ୍ ॥ 32॥
ସଂକ୍ଲିଷ୍ଟକର୍ମାଣମତିପ୍ରଵାଦଂ
ନିତ୍ୟାନୃତଂ ଚାଦୃଢ ଭକ୍ତିକଂ ଚ ।
ଵିକୃଷ୍ଟରାଗଂ ବହୁମାନିନଂ ଚାପ୍ୟ୍
ଏତାନ୍ନ ସେଵେତ ନରାଧମାନ୍ଷଟ୍ ॥ 33॥
ସହାୟବଂଧନା ହ୍ୟର୍ଥାଃ ସହାୟାଶ୍ଚାର୍ଥବଂଧନାଃ ।
ଅନ୍ୟୋନ୍ୟବଂଧନାଵେତୌ ଵିନାନ୍ୟୋନ୍ୟଂ ନ ସିଧ୍ୟତଃ ॥ 34॥
ଉତ୍ପାଦ୍ୟ ପୁତ୍ରାନନୃଣାଂଶ୍ଚ କୃତ୍ଵା
ଵୃତ୍ତିଂ ଚ ତେଭ୍ୟୋଽନୁଵିଧାୟ କାଂ ଚିତ୍ ।
ସ୍ଥାନେ କୁମାରୀଃ ପ୍ରତିପାଦ୍ୟ ସର୍ଵା
ଅରଣ୍ୟସଂସ୍ଥୋ ମୁନିଵଦ୍ବୁଭୂଷେତ୍ ॥ 35॥
ହିତଂ ୟତ୍ସର୍ଵଭୂତାନାମାତ୍ମନଶ୍ଚ ସୁଖାଵହମ୍ ।
ତତ୍କୁର୍ୟାଦୀଶ୍ଵରୋ ହ୍ୟେତନ୍ମୂଲଂ ଧର୍ମାର୍ଥସିଦ୍ଧୟେ ॥ 36॥
ବୁଦ୍ଧିଃ ପ୍ରଭାଵସ୍ତେଜଶ୍ଚ ସତ୍ତ୍ଵମୁତ୍ଥାନମେଵ ଚ ।
ଵ୍ୟଵସାୟଶ୍ଚ ୟସ୍ୟ ସ୍ୟାତ୍ତସ୍ୟାଵୃତ୍ତି ଭୟଂ କୁତଃ ॥ 37॥
ପଶ୍ୟ ଦୋଷାନ୍ପାଂଡଵୈର୍ଵିଗ୍ରହେ ତ୍ଵଂ
ୟତ୍ର ଵ୍ୟଥେରନ୍ନପି ଦେଵାଃ ସ ଶକ୍ରାଃ ।
ପୁତ୍ରୈର୍ଵୈରଂ ନିତ୍ୟମୁଦ୍ଵିଗ୍ନଵାସୋ
ୟଶଃ ପ୍ରଣାଶୋ ଦ୍ଵିଷତାଂ ଚ ହର୍ଷଃ ॥ 38॥
ଭୀଷ୍ମସ୍ୟ କୋପସ୍ତଵ ଚେଂଦ୍ର କଲ୍ପ
ଦ୍ରୋଣସ୍ୟ ରାଜ୍ଞଶ୍ଚ ୟୁଧିଷ୍ଠିରସ୍ୟ ।
ଉତ୍ସାଦୟେଲ୍ଲୋକମିମଂ ପ୍ରଵୃଦ୍ଧଃ
ଶ୍ଵେତୋ ଗ୍ରହସ୍ତିର୍ୟଗିଵାପତନ୍ଖେ ॥ 39॥
ତଵ ପୁତ୍ରଶତଂ ଚୈଵ କର୍ଣଃ ପଂଚ ଚ ପାଂଡଵାଃ ।
ପୃଥିଵୀମନୁଶାସେୟୁରଖିଲାଂ ସାଗରାଂବରାମ୍ ॥ 40॥
ଧାର୍ତରାଷ୍ଟ୍ରା ଵନଂ ରାଜନ୍ଵ୍ୟାଘ୍ରାଃ ପାଂଡୁସୁତା ମତାଃ ।
ମା ଵନଂ ଛିଂଧି ସ ଵ୍ୟାଘ୍ରଂ ମା ଵ୍ୟାଘ୍ରାନ୍ନୀନଶୋ ଵନାତ୍ ॥ 41॥
ନ ସ୍ୟାଦ୍ଵନମୃତେ ଵ୍ୟାଘ୍ରାନ୍ଵ୍ୟାଘ୍ରା ନ ସ୍ୟୁରୃତେ ଵନମ୍ ।
ଵନଂ ହି ରକ୍ଷ୍ୟତେ ଵ୍ୟାଘ୍ରୈର୍ଵ୍ୟାଘ୍ରାନ୍ରକ୍ଷତି କାନନମ୍ ॥ 42॥
ନ ତଥେଚ୍ଛଂତ୍ୟକଲ୍ୟାଣାଃ ପରେଷାଂ ଵେଦିତୁଂ ଗୁଣାନ୍ ।
ୟଥୈଷାଂ ଜ୍ଞାତୁମିଚ୍ଛଂତି ନୈର୍ଗୁଣ୍ୟଂ ପାପଚେତସଃ ॥ 43॥
ଅର୍ଥସିଦ୍ଧିଂ ପରାମିଚ୍ଛଂଧର୍ମମେଵାଦିତଶ୍ ଚରେତ୍ ।
ନ ହି ଧର୍ମାଦପୈତ୍ୟର୍ଥଃ ସ୍ଵର୍ଗଲୋକାଦିଵାମୃତମ୍ ॥ 44॥
ୟସ୍ୟାତ୍ମା ଵିରତଃ ପାପାତ୍କଲ୍ୟାଣେ ଚ ନିଵେଶିତଃ ।
ତେନ ସର୍ଵମିଦଂ ବୁଦ୍ଧଂ ପ୍ରକୃତିର୍ଵିକୃତିର୍ଶ୍ଚ ୟା ॥ 45॥
ୟୋ ଧର୍ମମର୍ଥଂ କାମଂ ଚ ୟଥାକାଲଂ ନିଷେଵତେ ।
ଧର୍ମାର୍ଥକାମସଂୟୋଗଂ ୟୋଽମୁତ୍ରେହ ଚ ଵିଂଦତି ॥ 46॥
ସନ୍ନିୟଚ୍ଛତି ୟୋ ଵେଗମୁତ୍ଥିତଂ କ୍ରୋଧହର୍ଷୟୋଃ ।
ସ ଶ୍ରିୟୋ ଭାଜନଂ ରାଜନ୍ୟଶ୍ଚାପତ୍ସୁ ନ ମୁହ୍ୟତି ॥ 47॥
ବଲଂ ପଂଚ ଵିଧଂ ନିତ୍ୟଂ ପୁରୁଷାଣାଂ ନିବୋଧ ମେ ।
ୟତ୍ତୁ ବାହୁବଲଂ ନାମ କନିଷ୍ଠଂ ବଲମୁଚ୍ୟତେ ॥ 48॥
ଅମାତ୍ୟଲାଭୋ ଭଦ୍ରଂ ତେ ଦ୍ଵିତୀୟଂ ବଲମୁଚ୍ୟତେ ।
ଧନଲାଭସ୍ତୃତୀୟଂ ତୁ ବଲମାହୁର୍ଜିଗୀଷଵଃ ॥ 49॥
ୟତ୍ତ୍ଵସ୍ୟ ସହଜଂ ରାଜନ୍ପିତୃପୈତାମହଂ ବଲମ୍ ।
ଅଭିଜାତ ବଲଂ ନାମ ତଚ୍ଚତୁର୍ଥଂ ବଲଂ ସ୍ମୃତମ୍ ॥ 50॥
ୟେନ ତ୍ଵେତାନି ସର୍ଵାଣି ସଂଗୃହୀତାନି ଭାରତ ।
ୟଦ୍ବଲାନାଂ ବଲଂ ଶ୍ରେଷ୍ଠଂ ତତ୍ପ୍ରଜ୍ଞା ବଲମୁଚ୍ୟତେ ॥ 51॥
ମହତେ ୟୋଽପକାରାୟ ନରସ୍ୟ ପ୍ରଭଵେନ୍ନରଃ ।
ତେନ ଵୈରଂ ସମାସଜ୍ୟ ଦୂରସ୍ଥୋଽସ୍ମୀତି ନାଶ୍ଵସେତ୍ ॥ 52॥
ସ୍ତ୍ରୀଷୁ ରାଜସୁ ସର୍ପେଷୁ ସ୍ଵାଧ୍ୟାୟେ ଶତ୍ରୁସେଵିଷୁ ।
ଭୋଗେ ଚାୟୁଷି ଵିଶ୍ଵାସଂ କଃ ପ୍ରାଜ୍ଞଃ କର୍ତୁମର୍ହତି ॥ 53॥
ପ୍ରଜ୍ଞା ଶରେଣାଭିହତସ୍ୟ ଜଂତୋଶ୍
ଚିକିତ୍ସକାଃ ସଂତି ନ ଚୌଷଧାନି ।
ନ ହୋମମଂତ୍ରା ନ ଚ ମଂଗଲାନି
ନାଥର୍ଵଣା ନାପ୍ୟଗଦାଃ ସୁସିଦ୍ଧାଃ ॥ 54॥
ସର୍ପଶ୍ଚାଗ୍ନିଶ୍ଚ ସିଂହଶ୍ଚ କୁଲପୁତ୍ରଶ୍ଚ ଭାରତ ।
ନାଵଜ୍ଞେୟା ମନୁଷ୍ୟେଣ ସର୍ଵେ ତେ ହ୍ୟତିତେଜସଃ ॥ 55॥
ଅଗ୍ନିସ୍ତେଜୋ ମହଲ୍ଲୋକେ ଗୂଢସ୍ତିଷ୍ଠତି ଦାରୁଷୁ ।
ନ ଚୋପୟୁଂକ୍ତେ ତଦ୍ଦାରୁ ୟାଵନ୍ନୋ ଦୀପ୍ୟତେ ପରୈଃ ॥ 56॥
ସ ଏଵ ଖଲୁ ଦାରୁଭ୍ୟୋ ୟଦା ନିର୍ମଥ୍ୟ ଦୀପ୍ୟତେ ।
ତଦା ତଚ୍ଚ ଵନଂ ଚାନ୍ୟନ୍ନିର୍ଦହତ୍ୟାଶୁ ତେଜସା ॥ 57॥
ଏଵମେଵ କୁଲେ ଜାତାଃ ପାଵକୋପମ ତେଜସଃ ।
କ୍ଷମାଵଂତୋ ନିରାକାରାଃ କାଷ୍ଠେଽଗ୍ନିରିଵ ଶେରତେ ॥ 58॥
ଲତା ଧର୍ମା ତ୍ଵଂ ସପୁତ୍ରଃ ଶାଲାଃ ପାଂଡୁସୁତା ମତାଃ ।
ନ ଲତା ଵର୍ଧତେ ଜାତୁ ମହାଦ୍ରୁମମନାଶ୍ରିତା ॥ 59॥
ଵନଂ ରାଜଂସ୍ତ୍ଵଂ ସପୁତ୍ରୋଽଂବିକେୟ
ସିଂହାନ୍ଵନେ ପାଂଡଵାଂସ୍ତାତ ଵିଦ୍ଧି ।
ସିଂହୈର୍ଵିହୀନଂ ହି ଵନଂ ଵିନଶ୍ୟେତ୍
ସିଂହା ଵିନଶ୍ୟେୟୁରୃତେ ଵନେନ ॥ 60॥
॥ ଇତି ଶ୍ରୀମହାଭାରତେ ଉଦ୍ୟୋଗପର୍ଵଣି ପ୍ରଜାଗରପର୍ଵଣି
ଵିଦୁରଵାକ୍ୟେ ସପ୍ତତ୍ରିଂଶୋଽଧ୍ୟାୟଃ ॥ 37॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଵିଦୁର ନୀତି - ଉଦ୍ୟୋଗ ପର୍ଵମ୍, ଅଧ୍ୟାୟଃ 37?
ଵିଦୁର ନୀତି - ଉଦ୍ୟୋଗ ପର୍ଵମ୍, ଅଧ୍ୟାୟଃ 37 is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଵିଦୁର ନୀତି - ଉଦ୍ୟୋଗ ପର୍ଵମ୍, ଅଧ୍ୟାୟଃ 37 online?
Yes. The imported text is available directly on this page for online reading and recitation.
Can I download ଵିଦୁର ନୀତି - ଉଦ୍ୟୋଗ ପର୍ଵମ୍, ଅଧ୍ୟାୟଃ 37 as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.