1.3 – ଵାଜପେୟବ୍ରାହ୍ମଣଂ – କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ – ଦେଵାସୁରାଃ ସଂ ୟତ୍ତା
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ପ୍ରଥମାଷ୍ଟକେ ତୃତୀୟଃ ପ୍ରପାଠକଃ – ଵାଜପେୟବ୍ରାହ୍ମଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଅନୁଵାକଂ 1 – ପୁନରାଧେୟଶେଷଃ ଆଜ୍ୟଭାଗୟୋର୍ଵିଶେଷଃ
ଦେ॒ଵା॒ସୁ॒ରା-ସ୍ସଂ-ୟଁ॑ତ୍ତା ଆସନ୍ନ୍ । ତେ ଦେ॒ଵା ଵି॑ଜ॒ୟ-ମୁ॑ପ॒ୟନ୍ତଃ॑ । ଅ॒ଗ୍ନୀଷୋମ॑ୟୋ-ସ୍ତେଜ॒ସ୍ଵିନୀ᳚ସ୍ତ॒ନୂ-ସ୍ସ-ନ୍ନ୍ୟ॑ଦଧତ । ଇ॒ଦମୁ॑ ନୋ ଭଵିଷ୍ୟତି । ୟଦି॑ ନୋ ଜେ॒ଷ୍ୟନ୍ତୀତି॑ । ତେନା॒ଗ୍ନୀଷୋମା॒-ଵପା᳚କ୍ରାମତାମ୍ । ତେ ଦେ॒ଵା ଵି॒ଜିତ୍ୟ॑ । ଅ॒ଗ୍ନୀଷୋମା॒-ଵନ୍ଵୈ᳚ଚ୍ଛନ୍ନ୍ । ତେ᳚-ଽଗ୍ନି-ମନ୍ଵ॑ଵିନ୍ଦ-ନ୍ନୃ॒ତୁଷୂ-ଥ୍ସ॑ନ୍ନମ୍ । ତସ୍ୟ॒ ଵିଭ॑କ୍ତୀଭି-ସ୍ତେଜ॒ସ୍ଵିନୀ᳚ସ୍ତ॒ନୂ-ରଵା॑ରୁନ୍ଧତ ॥ 1 ॥
ତେ ସୋମ॒-ମନ୍ଵ॑ଵିନ୍ଦନ୍ନ୍ । ତମ॑ଘ୍ନନ୍ନ୍ । ତସ୍ୟ॑ ୟଥା-ଽଭି॒ଜ୍ଞାୟ॑-ନ୍ତ॒ନୂ-ର୍ଵ୍ୟ॑ଗୃହ୍ଣତ । ତେ ଗ୍ରହା॑ ଅଭଵନ୍ନ୍ । ତ-ଦ୍ଗ୍ରହା॑ଣା-ଙ୍ଗ୍ରହ॒ତ୍ଵମ୍ । ୟସ୍ୟୈ॒ଵଂ-ଵିଁ॒ଦୁଷୋ॒ ଗ୍ରହା॑ ଗୃ॒ହ୍ୟନ୍ତେ᳚ । ତସ୍ୟ॒ ତ୍ଵେ॑ଵ ଗୃ॑ହୀ॒ତାଃ ॥ ନାନା᳚ଗ୍ନେୟ-ମ୍ପୁନରା॒ଧେୟେ॑ କୁର୍ୟାତ୍ । ୟଦନା᳚ଗ୍ନେୟ-ମ୍ପୁନରା॒ଧେୟେ॑ କୁ॒ର୍ୟାତ୍ । ଵ୍ୟୃ॑ଦ୍ଧମେ॒ଵ ତତ୍ ॥ 2 ॥
ଅନା᳚ଗ୍ନେୟଂ॒-ଵାଁ ଏ॒ତ-ତ୍କ୍ରି॑ୟତେ । ୟ-ଥ୍ସ॒ମିଧ॒-ସ୍ତନୂ॒ନପା॑ତମି॒ଡୋ ବ॒ର୍॒ହି-ର୍ୟ॑ଜତି ॥ ଉ॒ଭାଵା᳚ଗ୍ନେ॒ୟା-ଵାଜ୍ୟ॑ଭାଗୌ ସ୍ୟାତାମ୍ ॥ ଅନା᳚ଜ୍ୟଭାଗୌ-ଭଵତ॒ ଇତ୍ୟା॑ହୁଃ । ୟଦୁ॒ଭାଵା᳚ଗ୍ନେ॒ୟାଵ॒ନ୍ଵଞ୍ଚା॒ଵିତି॑ । ଅ॒ଗ୍ନୟେ॒ ପଵ॑ମାନା॒ୟୋତ୍ତ॑ର-ସ୍ସ୍ୟାତ୍ । ୟ-ତ୍ପଵ॑ମାନାୟ । ତେନାଜ୍ୟ॑ ଭାଗଃ । ତେନ॑ ସୌ॒ମ୍ୟଃ ॥ ବୁଧ॑ନ୍ଵତ୍ୟାଗ୍ନେ॒ୟ-ସ୍ୟାଜ୍ୟ॑-ଭାଗସ୍ୟ ପୁରୋ-ଽନୁଵା॒କ୍ୟା॑ ଭଵତି ॥ 3 ॥
ୟଥା॑ ସୁ॒ପ୍ତ-ମ୍ବୋ॒ଧୟ॑ତି । ତା॒ଦୃଗେ॒ଵ ତତ୍ ॥ ଅ॒ଗ୍ନିନ୍ୟ॑କ୍ତାଃ ପତ୍ନୀ ସଂୟାଁ॒ଜାନା॒ମୃଚ॑-ସ୍ସ୍ୟୁଃ । ତେନା᳚ଗ୍ନେ॒ୟଗ୍ମ୍ ସର୍ଵ॑-ମ୍ଭଵତି ॥ ଏ॒କ॒ଧା ତେ॑ଜ॒ସ୍ଵିନୀ᳚-ନ୍ଦେ॒ଵତା॒-ମୁପୈ॒ତୀତ୍ୟା॑ହୁଃ । ସୈନ॑ମୀଶ୍ଵ॒ରା ପ୍ର॒ଦହ॒ ଇତି॑ ॥ ନେତି॑ ବ୍ରୂୟାତ୍ । ପ୍ର॒ଜନ॑ନଂ॒-ଵାଁ ଅ॒ଗ୍ନିଃ । ପ୍ର॒ଜନ॑ନ-ମେ॒ଵୋପୈ॒ତୀତି॑ ॥ କୃ॒ତୟ॑ଜୁ॒-ସ୍ସମ୍ଭୃ॑ତ ସମ୍ଭାର॒ ଇତ୍ୟା॑ହୁଃ ॥ 4 ॥
ନ ସ॒ଭୃନ୍ତ୍ୟା᳚-ସ୍ସମ୍ଭା॒ରାଃ । ନ ୟଜୁଃ॑ କା॒ର୍ୟ॑ମିତି॑ ॥ ଅଥୋ॒ ଖଲୁ॑ । ସ॒ଭୃନ୍ତ୍ୟା॑ ଏ॒ଵ ସ॑ଭାଂ॒ରାଃ । କା॒ର୍ୟଂ॑-ୟଁଜୁଃ॑ । ପୁ॒ନ॒ରା॒ଧେୟ॑ସ୍ୟ॒ ସମୃ॑ଦ୍ଧ୍ୟୈ ॥ ତେନୋ॑ପା॒ଗ୍ମ୍॒ଶୁ ପ୍ରଚ॑ରତି । ଏଷ୍ୟ॑ ଇଵ॒ ଵା ଏ॒ଷଃ । ୟ-ତ୍ପୁ॑ନ-ରା॒ଧେୟଃ॑ । ୟଥୋ॑ପା॒ଗ୍ମ୍॒ଶୁ ନ॒ଷ୍ଟମି॒ଚ୍ଛତି॑ ॥ 5 ॥
ତା॒ଦୃଗେ॒ଵ ତତ୍ ॥ ଉ॒ଚ୍ଚୈ-ସ୍ସ୍ଵି॑ଷ୍ଟ॒କୃତ॒ମୁ-ଥ୍ସୃ॑ଜତି । ୟଥା॑ ନ॒ଷ୍ଟଂ-ଵିଁ॒ତ୍ଵା ପ୍ରାହା॒ୟମିତି॑ । ତା॒ଦୃଗେ॒ଵ ତତ୍ ॥ ଏ॒କ॒ଧା ତେ॑ଜ॒ସ୍ଵିନୀ᳚-ନ୍ଦେ॒ଵତା॒ମୁପୈ॒ତୀତ୍ୟା॑ହୁଃ । ସୈନ॑ମୀଶ୍ଵ॒ରା ପ୍ର॒ଦହ॒ ଇତି॑ । ତତ୍ତଥା॒ ନୋପୈ॑ତି । ପ୍ର॒ୟା॒ଜା॒ନୂ॒ୟା॒ଜେଷ୍ଵେ॒ଵ ଵିଭ॑କ୍ତୀଃ କୁର୍ୟାତ୍ । ୟ॒ଥା॒ପୂ॒ର୍ଵ-ମାଜ୍ୟ॑ଭାଗୌ॒ ସ୍ୟାତା᳚ମ୍ । ଏ॒ଵ-ମ୍ପ॑ତ୍ନୀ ସଂୟାଁ॒ଜାଃ ॥ 6 ॥
ତ-ଦ୍ଵୈ᳚ଶ୍ଵାନ॒ରଵ॑ତ୍-ପ୍ର॒ଜନ॑ନଵତ୍ତର॒-ମୁପୈ॒ତୀତି॑ ॥ ତଦା॑ହୁଃ । ଵ୍ୟୃ॑ଦ୍ଧଂ॒-ଵାଁ ଏ॒ତତ୍ । ଅନା᳚ଗ୍ନେୟଂ॒-ଵାଁ ଏ॒ତ-ତ୍କ୍ରି॑ୟତ॒ ଇତି॑ ॥ ନେତି॑ ବ୍ରୂୟାତ୍ । ଅ॒ଗ୍ନି-ମ୍ପ୍ର॑ଥ॒ମଂ-ଵିଁଭ॑କ୍ତୀନାଂ-ୟଁଜତି । ଅ॒ଗ୍ନିମୁ॑ତ୍ତ॒ମ-ମ୍ପ॑ତ୍ନୀ ସଂୟାଁ॒ଜାନା᳚ମ୍ । ତେନା᳚ଗ୍ନେ॒ୟମ୍ । ତେନ॒ ସମୃ॑ଦ୍ଧ-ଙ୍କ୍ରିୟତ॒ ଇତି॑ ॥ 7 ॥
(ଅ॒ରୁ॒ନ୍ଧ॒ – ତୈ॒ଵ ତ-ଦ୍- ଭ॑ଵତି॒ – ସମ୍ଭୃ॑ତସମ୍ଭାର॒ ଇତ୍ୟା॑ହୁ – ରି॒ଚ୍ଛତି॑ – ପତ୍ନୀସଂୟାଁ॒ଜା – +ନଵ॑ ଚ) ( ଆ1)
ଅନୁଵାକଂ 2 – ଵାଜପେୟସ୍ୟ ଵିଧିଃ
ଦେ॒ଵା ଵୈ ୟଥା॒ଦର୍ଶଂ॑-ୟଁ॒ଜ୍ଞାନାହ॑ରନ୍ତ । ୟୋ᳚-ଽଗ୍ନିଷ୍ଟୋ॒ମମ୍ । ୟ ଉ॒କ୍ଥ୍ୟ᳚ମ୍ । ୟୋ॑-ଽତିରା॒ତ୍ରମ୍ । ତେ ସ॒ହୈଵ ସର୍ଵେ॑ ଵାଜ॒ପେୟ॑-ମପଶ୍ୟନ୍ନ୍ । ତେ । ଅ॒ନ୍ୟୋ᳚ନ୍ୟସ୍ମୈ॒ ନାତି॑ଷ୍ଠନ୍ତ । ଅ॒ହମ॒ନେନ॑ ୟଜା॒ ଇତି॑ । ତେ᳚-ଽବ୍ରୁଵନ୍ନ୍ । ଆ॒ଜିମ॒ସ୍ୟ ଧା॑ଵା॒ମେତି॑ ॥ 8 ॥
ତସ୍ମି॑-ନ୍ନା॒ଜିମ॑ଧାଵନ୍ନ୍ । ତ-ମ୍ବୃହ॒ସ୍ପତି॒-ରୁଦ॑ଜୟତ୍ । ତେନା॑ୟଜତ । ସ ସ୍ଵାରା᳚ଜ୍ୟ-ମଗଚ୍ଛତ୍ । ତମିନ୍ଦ୍ରୋ᳚-ଽବ୍ରଵୀତ୍ । ମାମ॒ନେନ॑ ୟାଜ॒ୟେତି॑ । ତେନେନ୍ଦ୍ର॑-ମୟାଜୟତ୍ । ସୋ-ଽଗ୍ର॑-ନ୍ଦେ॒ଵତା॑ନା॒-ମ୍ପର୍ୟୈ᳚ତ୍ । ଅଗ॑ଚ୍ଛ॒-ଥ୍ସ୍ଵାରା᳚ଜ୍ୟମ୍ । ଅତି॑ଷ୍ଠନ୍ତାସ୍ମୈ॒ ଜ୍ୟୈଷ୍ଠ୍ୟା॑ୟ ॥ 9 ॥
ୟ ଏ॒ଵଂ-ଵିଁ॒ଦ୍ଵାନ୍. ଵା॑ଜ॒ପେୟେ॑ନ॒ ୟଜ॑ତେ । ଗଚ୍ଛ॑ତି॒ ସ୍ଵାରା᳚ଜ୍ୟମ୍ । ଅଗ୍ରଗ୍ମ୍॑ ସମା॒ନାନା॒-ମ୍ପର୍ୟେ॑ତି । ତିଷ୍ଠ॑ନ୍ତେ-ଽସ୍ମୈ॒ ଜ୍ୟୈଷ୍ଠ୍ୟା॑ୟ ॥ ସ ଵା ଏ॒ଷ ବ୍ରା᳚ହ୍ମ॒ଣସ୍ୟ॑ ଚୈ॒ଵ ରା॑ଜ॒ନ୍ୟ॑ସ୍ୟ ଚ ୟ॒ଜ୍ଞଃ ॥ ତଂ-ଵାଁ ଏ॒ତଂ-ଵାଁ॑ଜ॒ପେୟ॒ ଇତ୍ୟା॑ହୁଃ । ଵା॒ଜାପ୍ୟୋ॒ ଵା ଏ॒ଷଃ । ଵାଜ॒ଗ୍ଗ୍॒ ହ୍ୟେ॑ତେନ॑ ଦେ॒ଵା ଐଫ୍ସନ୍ନ୍॑ ॥ ସୋମୋ॒ ଵୈ ଵା॑ଜ॒ପେୟଃ॑ । ୟୋ ଵୈ ସୋମଂ॑-ଵାଁଜ॒ପେୟଂ॒-ଵେଁଦ॑ ॥ 10 ॥
ଵା॒ଜ୍ୟେ॑ଵୈନ॑-ମ୍ପୀ॒ତ୍ଵା ଭ॑ଵତି । ଆ-ଽସ୍ୟ॑ ଵା॒ଜୀ ଜା॑ୟତେ ॥ ଅନ୍ନଂ॒-ଵୈଁ ଵା॑ଜ॒ପେୟଃ॑ । ୟ ଏ॒ଵଂ-ଵେଁଦ॑ । ଅତ୍ତ୍ୟନ୍ନ᳚ମ୍ । ଆ-ଽସ୍ୟା᳚ନ୍ନା॒ଦୋ ଜା॑ୟତେ ॥ ବ୍ରହ୍ମ॒ ଵୈ ଵା॑ଜ॒ପେୟଃ॑ । ୟ ଏ॒ଵଂ-ଵେଁଦ॑ । ଅତ୍ତି॒ ବ୍ରହ୍ମ॒ଣା-ଽନ୍ନ᳚ମ୍ । ଆ-ଽସ୍ୟ॑ ବ୍ର॒ହ୍ମା ଜା॑ୟତେ ॥ 11 ॥
ଵାଗ୍ଵୈ ଵାଜ॑ସ୍ୟ ପ୍ରସ॒ଵଃ । ୟ ଏ॒ଵଂ-ଵେଁଦ॑ । କ॒ରୋତି॑ ଵା॒ଚା ଵୀ॒ର୍ୟ᳚ମ୍ । ଐନଂ॑-ଵାଁ॒ଚା ଗ॑ଚ୍ଛତି । ଅପି॑ଵତୀଂ॒-ଵାଁଚଂ॑-ଵଁଦତି ॥ ପ୍ର॒ଜାପ॑ତି-ର୍ଦେ॒ଵେଭ୍ୟୋ॑ ୟ॒ଜ୍ଞାନ୍ ଵ୍ୟାଦି॑ଶତ୍ । ସ ଆ॒ତ୍ମନ୍ ଵା॑ଜ॒ପେୟ॑-ମଧତ୍ତ । ତ-ନ୍ଦେ॒ଵା ଅ॑ବ୍ରୁଵନ୍ନ୍ । ଏ॒ଷ ଵାଵ ୟ॒ଜ୍ଞଃ । ୟ-ଦ୍ଵା॑ଜ॒ପେୟଃ॑ ॥ 12 ॥
ଅପ୍ୟେ॒ଵ ନୋ-ଽତ୍ରା॒ସ୍ତ୍ଵିତି॑ । ତେଭ୍ୟ॑ ଏ॒ତା ଉଜ୍ଜି॑ତୀଃ॒ ପ୍ରାୟ॑ଚ୍ଛତ୍ ॥ ତା ଵା ଏ॒ତା ଉଜ୍ଜି॑ତୟୋ॒ ଵ୍ୟାଖ୍ୟା॑ୟନ୍ତେ । ୟ॒ଜ୍ଞସ୍ୟ॑ ସର୍ଵ॒ତ୍ଵାୟ॑ । ଦେ॒ଵତା॑ନା॒-ମନି॑ର୍ଭାଗାୟ ॥ ଦେ॒ଵା ଵୈ ବ୍ରହ୍ମ॑ଣ॒ଶ୍ଚାନ୍ନ॑ସ୍ୟ ଚ॒ ଶମ॑ଲ॒ମପା᳚ଘ୍ନନ୍ନ୍ । ୟ-ଦ୍ବ୍ରହ୍ମ॑ଣ॒-ଶ୍ଶମ॑ଲ॒ମାସୀ᳚ତ୍ । ସା ଗାଥା॑ ନାରାଶ॒ଗ୍ଗ୍॒ସ୍ୟ॑ ଭଵତ୍ । ୟଦନ୍ନ॑ସ୍ୟ । ସା ସୁରା᳚ ॥ 13 ॥
ତସ୍ମା॒-ଦ୍ଗାୟ॑ତଶ୍ଚ ମ॒ତ୍ତସ୍ୟ॑ ଚ॒ ନ ପ୍ର॑ତି॒ଗୃହ୍ୟ᳚ମ୍ । ୟ-ତ୍ପ୍ର॑ତିଗୃହ୍ଣୀ॒ୟାତ୍ । ଶମ॑ଲ॒-ମ୍ପ୍ରତି॑ଗୃହ୍ଣୀୟାତ୍ ॥ ସର୍ଵା॒ ଵା ଏ॒ତସ୍ୟ॒ ଵାଚୋ ଽଵ॑ରୁଦ୍ଧାଃ । ୟୋ ଵା॑ଜପେୟୟା॒ଜୀ । ୟା ପୃ॑ଥି॒ଵ୍ୟାଂ-ୟାଁ-ଽଗ୍ନୌ ୟା ର॑ଥନ୍ତ॒ରେ । ୟା-ଽନ୍ତରି॑କ୍ଷେ॒ ୟା ଵା॒ୟୌ ୟା ଵା॑ମଦେ॒ଵ୍ୟେ । ୟା ଦି॒ଵି ୟା-ଽଽଦି॒ତ୍ୟେ ୟା ବୃ॑ହ॒ତି । ୟା-ଽଫ୍ସୁ ୟୌଷ॑ଧୀଷୁ॒ ୟା ଵନ॒ସ୍ପତି॑ଷୁ ॥ ତସ୍ମା᳚-ଦ୍ଵାଜପେୟୟା॒ଜ୍ୟାର୍ତ୍ଵି॑ଜୀନଃ । ସର୍ଵା॒ ହ୍ୟ॑ସ୍ୟ॒ ଵାଚୋ ଽଵ॑ରୁଦ୍ଧାଃ ॥ 14 ॥
(ଧା॒ଵା॒ମେତି॒ – ଜ୍ୟୈଷ୍ଠ୍ୟା॑ୟ॒ – ଵେଦ॑ – ବ୍ର॒ହ୍ମା ଜା॑ୟତେ-ଵାଜ॒ପେୟଃ॒-ସୁରା-ଽଽର୍ତ୍ଵି॑ଜୀନ॒ ଏକଂ॑ ଚ ) (ଅ. 2)
ଅନୁଵାକଂ 3 – ତସ୍ୟଗ୍ରହଵିଶେଷାଃ
ଦେ॒ଵା ଵୈ ୟଦ॒ନ୍ୟୈ-ର୍ଗ୍ରହୈ᳚-ର୍ୟ॒ଜ୍ଞସ୍ୟ॒ ନାଵାରୁ॑ନ୍ଧତ । ତଦ॑ତିଗ୍ରା॒ହ୍ୟୈ॑-ରତି॒ଗୃହ୍ୟା-ଵା॑ରୁନ୍ଧତ । ତଦ॑ତିଗ୍ରା॒ହ୍ୟା॑ଣା-ମତିଗ୍ରାହ୍ୟ॒ତ୍ଵମ୍ ॥ ୟଦ॑ତିଗ୍ରା॒ହ୍ୟା॑ ଗୃ॒ହ୍ୟନ୍ତେ᳚ । ୟଦେ॒ଵାନ୍ୟୈ-ର୍ଗ୍ରହୈ᳚-ର୍ୟ॒ଜ୍ଞସ୍ୟ॒ ନାଵ॑ରୁ॒ନ୍ଧେ । ତଦେ॒ଵ ତୈର॑ତି॒ଗୃହ୍ୟା-ଵ॑ରୁନ୍ଧେ ॥ ପଞ୍ଚ॑ ଗୃହ୍ୟନ୍ତେ । ପାଙ୍କ୍ତୋ॑ ୟ॒ଜ୍ଞଃ । ୟାଵା॑ନେ॒ଵ ୟ॒ଜ୍ଞଃ । ତମା॒ପ୍ତ୍ଵା ଽଵ॑ରୁନ୍ଧେ ॥ 15 ॥
ସର୍ଵ॑ ଐ॒ନ୍ଦ୍ରା ଭ॑ଵନ୍ତି । ଏ॒କ॒ଧୈଵ ୟଜ॑ମାନ ଇନ୍ଦ୍ରି॒ୟ-ନ୍ଦ॑ଧତି ॥ ସ॒ପ୍ତଦ॑ଶ ପ୍ରାଜାପ॒ତ୍ୟା ଗ୍ରହା॑ ଗୃହ୍ୟନ୍ତେ । ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒-ରାପ୍ତ୍ୟୈ᳚ ॥ ଏକ॑ୟ॒ର୍ଚା ଗୃ॑ହ୍ଣାତି । ଏ॒କ॒ଧୈଵ ୟଜ॑ମାନେ ଵୀ॒ର୍ୟ॑-ନ୍ଦଧାତି ॥ ସୋ॒ମ॒ଗ୍ର॒ହାଗ୍ଶ୍ଚ॑ ସୁରାଗ୍ର॒ହାଗ୍ଶ୍ଚ॑ ଗୃହ୍ଣାତି । ଏ॒ତ-ଦ୍ଵୈ ଦେ॒ଵାନା᳚-ମ୍ପର॒ମମନ୍ନ᳚ମ୍ । ୟ-ଥ୍ସୋମଃ॑ ॥ 16 ॥
ଏ॒ତ-ନ୍ମ॑ନୁ॒ଷ୍ୟା॑ଣାମ୍ । ୟ-ଥ୍ସୁରା᳚ । ପ॒ର॒ମେଣୈ॒ଵାସ୍ମା॑ ଅ॒ନ୍ନାଦ୍ୟେ॒ନାଵ॑ର-ମ॒ନ୍ନାଦ୍ୟ॒-ମଵ॑ରୁନ୍ଧେ ॥ ସୋ॒ମ॒ଗ୍ର॒ହା-ନ୍ଗୃ॑ହ୍ଣାତି । ବ୍ରହ୍ମ॑ଣୋ॒ ଵା ଏ॒ତ-ତ୍ତେଜଃ॑ । ୟ-ଥ୍ସୋମଃ॑ । ବ୍ରହ୍ମ॑ଣ ଏ॒ଵ ତେଜ॑ସା॒ ତେଜୋ॒ ୟଜ॑ମାନେ ଦଧାତି । ସୁ॒ରା॒ଗ୍ର॒ହା-ନ୍ଗୃ॑ହ୍ଣାତି । ଅନ୍ନ॑ସ୍ୟ॒ ଵା ଏ॒ତଚ୍ଛମ॑ଲମ୍ । ୟ-ଥ୍ସୁରା᳚ ॥ 17 ॥
ଅନ୍ନ॑ସ୍ୟୈ॒ଵ ଶମ॑ଲେନ॒ ଶମ॑ଲଂ॒-ୟଁଜ॑ମାନା॒-ଦପ॑ହନ୍ତି ॥ ସୋ॒ମ॒ଗ୍ର॒ହାଗ୍ଶ୍ଚ॑ ସୁରାଗ୍ର॒ହାଗ୍ଶ୍ଚ॑ ଗୃହ୍ଣାତି । ପୁମା॒ନ୍॒. ଵୈ ସୋମଃ॑ । ସ୍ତ୍ରୀ ସୁରା᳚ । ତ-ନ୍ମି॑ଥୁ॒ନମ୍ । ମି॒ଥୁ॒ନମେ॒ଵାସ୍ୟ॒ ତ-ଦ୍ୟ॒ଜ୍ଞେ କ॑ରୋତି ପ୍ର॒ଜନ॑ନାୟ । ଆ॒ତ୍ମାନ॑ମେ॒ଵ ସୋ॑ମଗ୍ର॒ହୈ-ସ୍ସ୍ପୃ॑ଣୋତି । ଜା॒ୟାଗ୍ମ୍ ସୁ॑ରା ଗ୍ର॒ହୈଃ । ତସ୍ମା᳚-ଦ୍ଵାଜପେୟୟା॒ଜ୍ୟ॑ମୁଷ୍ମି॑ଁଲ୍ଲୋ॒କେ ସ୍ତ୍ରିୟ॒ଗ୍ମ୍॒ ସମ୍ଭ॑ଵତି । ଵା॒ଜ॒ପେୟା॑-ଭିଜିତ॒ଗ୍ଗ୍॒ ହ୍ୟ॑ସ୍ୟ ॥ 18 ॥
ପୂର୍ଵେ॑ ସୋମଗ୍ର॒ହା ଗୃ॑ହ୍ୟନ୍ତେ । ଅପ॑ରେ ସୁରାଗ୍ର॒ହାଃ । ପୁ॒ରୋ॒କ୍ଷଗ୍ମ୍ ସୋ॑ମଗ୍ର॒ହାନ୍ଥ୍- ସା॑ଦୟତି । ପ॒ଶ୍ଚା॒ଦ॒କ୍ଷଗ୍ମ୍ ସୁ॑ରାଗ୍ର॒ହାନ୍ । ପା॒ପ॒ଵ॒ସ୍ୟ॒ସସ୍ୟ॒ ଵିଧୃ॑ତ୍ୟୈ ॥ ଏ॒ଷ ଵୈ ୟଜ॑ମାନଃ । ୟ-ଥ୍ସୋମଃ॑ । ଅନ୍ନ॒ଗ୍ମ୍॒ ସୁରା᳚ । ସୋ॒ମ॒ଗ୍ର॒ହାଗ୍ଶ୍ଚ॑ ସୁରାଗ୍ର॒ହାଗ୍ଶ୍ଚ॒ ଵ୍ୟତି॑ଷଜତି । ଅ॒ନ୍ନାଦ୍ୟେ॑ନୈ॒ଵୈନଂ॒-ଵ୍ୟଁତି॑ଷଜତି ॥ 19 ॥
ସ॒ପୃଞ୍ଚ॑-ସ୍ସ୍ଥ॒ ସ-ମ୍ମା॑ ଭ॒ଦ୍ରେଣ॑ ପୃ॒ଙ୍କ୍ତେତ୍ୟା॑ହ । ଅନ୍ନଂ॒-ଵୈଁ ଭ॒ଦ୍ରମ୍ । ଅ॒ନ୍ନାଦ୍ୟେ॑ନୈ॒ଵୈନ॒ଗ୍ମ୍॒ ସଗ୍ମ୍ସୃ॑ଜତି ॥ ଅନ୍ନ॑ସ୍ୟ॒ ଵା ଏ॒ତଚ୍ଛମ॑ଲମ୍ । ୟ-ଥ୍ସୁରା᳚ । ପା॒ପ୍ମେଵ॒ ଖଲୁ॒ ଵୈ ଶମ॑ଲମ୍ । ପା॒ପ୍ମନା॒ ଵା ଏ॑ନମେ॒ତଚ୍ଛମ॑ଲେନ॒ ଵ୍ୟତି॑ଷଜତି । ୟ-ଥ୍ସୋ॑ମଗ୍ର॒ହାଗ୍ଶ୍ଚ॑ ସୁରାଗ୍ର॒ହାଗ୍ଶ୍ଚ॑ ଵ୍ୟତି॒ଷଜ॑ତି ॥ ଵି॒ପୃଚ॑-ସ୍ସ୍ଥ॒ ଵି ମା॑ ପା॒ପ୍ମନା॑ ପୃ॒ଙ୍କ୍ତେତ୍ୟା॑ହ । ପା॒ପ୍ମନୈ॒ଵୈନ॒ଗ୍ମ୍॒ ଶମ॑ଲେନ॒ ଵ୍ୟାଵ॑ର୍ତୟତି ॥ 20 ॥
ତସ୍ମା᳚-ଦ୍ଵାଜପେୟୟା॒ଜୀ ପୂ॒ତୋ ମେଦ୍ଧ୍ୟୋ॑ ଦକ୍ଷି॒ଣ୍ୟଃ॑ ॥ ପ୍ରାଂଉ-ଦ୍ଦ୍ର॑ଵତି ସୋମଗ୍ର॒ହୈଃ । ଅ॒ମୁମେ॒ଵ ତୈ-ର୍ଲୋ॒କ-ମ॒ଭିଜ॑ୟତି । ପ୍ର॒ତ୍ୟଙ୍ଖ୍ସୁ॑ରା ଗ୍ର॒ହୈଃ । ଇ॒ମମେ॒ଵ ତୈ-ର୍ଲୋ॒କ-ମ॒ଭିଜ॑ୟତି ॥ ପ୍ରତି॑ଷ୍ଠନ୍ତି ସୋମଗ୍ର॒ହୈଃ । ୟାଵ॑ଦେ॒ଵ ସ॒ତ୍ୟମ୍ । ତେନ॑ ସୂୟତେ ॥ ଵା॒ଜ॒ସୃଦ୍ଭ୍ୟ॑-ସ୍ସୁରାଗ୍ର॒ହାନ୍. ହ॑ରନ୍ତି । ଅନୃ॑ତେନୈ॒ଵ ଵିଶ॒ଗ୍ମ୍॒ ସଗ୍ମ୍ସୃ॑ଜତି ॥ ହି॒ର॒ଣ୍ୟ॒ପା॒ତ୍ର-ମ୍ମଧୋଃ᳚ ପୂ॒ର୍ଣ-ନ୍ଦ॑ଦାତି । ମ॒ଧ॒ଵ୍ୟୋ॑-ଽସା॒ନୀତି॑ ॥ ଏ॒କ॒ଧା ବ୍ର॒ହ୍ମଣ॒ ଉପ॑ ହରତି । ଏ॒କ॒ଧୈଵ ୟଜ॑ମାନ॒ ଆୟୁ॒ସ୍ତେଜୋ॑ ଦଧାତି ॥ 21 ॥
(ଆ॒ପ୍ତ୍ଵା-ଽଵ॑ରୁନ୍ଧେ॒ – ସୋମଃ॒ – ଶମ॑ଲଂ॒-ୟଁ-ଥ୍ସୁରା॒ – ହ୍ୟ॑-ସ୍ୟୈନଂ॒-ଵ୍ୟଁତି॑ଷଜତି॒ – ଵ୍ୟାଵ॑ର୍ତୟତି – ସୃଜତି ଚ॒ତ୍ଵାରି॑ ଚ ) (ଅ. 3)
ଅନୁଵାକଂ 4 – ପଶଵ-ସ୍ସପ୍ତଦଶ
ବ୍ର॒ହ୍ମ॒ଵା॒ଦିନୋ॑ ଵଦନ୍ତି । ନାଗ୍ନି॑ଷ୍ଟୋ॒ମୋ ନୋକ୍ଥ୍ୟଃ॑ । ନ ଷୋ॑ଡ॒ଶୀ ନାତି॑ରା॒ତ୍ରଃ । ଅଥ॒ କସ୍ମା᳚-ଦ୍ଵାଜ॒ପେୟେ॒ ସର୍ଵେ॑ ୟଜ୍ଞକ୍ର॒ତଵୋ-ଽଵ॑ରୁଦ୍ଧ୍ୟନ୍ତ॒ ଇତି॑ । ପ॒ଶୁଭି॒ରିତି॑ ବ୍ରୂୟାତ୍ ॥ ଆ॒ଗ୍ନେ॒ୟ-ମ୍ପ॒ଶୁମାଲ॑ଭତେ । ଅ॒ଗ୍ନି॒ଷ୍ଟୋ॒ମମେ॒ଵ ତେନାଵ॑ରୁନ୍ଧେ । ଐ॒ନ୍ଦ୍ରା॒ଗ୍ନେନୋ॒କ୍ଥ୍ୟ᳚ମ୍ । ଐ॒ନ୍ଦ୍ରେଣ॑ ଷୋଡ॒ଶିନ॑-ସ୍ସ୍ତୋ॒ତ୍ରମ୍ । ସା॒ର॒ସ୍ଵ॒ତ୍ୟା-ଽତି॑ରା॒ତ୍ରମ୍ ॥ 22 ॥
ମା॒ରୁ॒ତ୍ୟା ବୃ॑ହ॒ତ-ସ୍ସ୍ତୋ॒ତ୍ରମ୍ । ଏ॒ତାଵ॑ନ୍ତୋ॒ ଵୈ ୟ॑ଜ୍ଞକ୍ର॒ତଵଃ॑ । ତା-ନ୍ପ॒ଶୁଭି॑ରେ॒ଵା-ଵ॑ରୁନ୍ଧେ ॥ ଆ॒ତ୍ମାନ॑ମେ॒ଵ ସ୍ପୃ॑ଣୋ-ତ୍ୟଗ୍ନିଷ୍ଟୋ॒ମେନ॑ । ପ୍ରା॒ଣା॒ପା॒ନା-ଵୁ॒କ୍ଥ୍ୟେ॑ନ । ଵୀ॒ର୍ୟଗ୍ମ୍॑ ଷୋଡ॒ଶିନ॑-ସ୍ସ୍ତୋ॒ତ୍ରେଣ॑ । ଵାଚ॑-ମତିରା॒ତ୍ରେଣ॑ । ପ୍ର॒ଜା-ମ୍ବୃ॑ହ॒ତ-ସ୍ସ୍ତୋ॒ତ୍ରେଣ॑ । ଇ॒ମମେ॒ଵ ଲୋ॒କମ॒ଭି ଜ॑ୟତ୍ୟଗ୍ନିଷ୍ଟୋ॒ମେନ॑ । ଅ॒ନ୍ତରି॑କ୍ଷ-ମୁ॒କ୍ଥ୍ୟେ॑ନ ॥ 23 ॥
ସୁ॒ଵ॒ର୍ଗଂ-ଲୋଁ॒କଗ୍ମ୍ ଷୋ॑ଡ॒ଶିନ॑-ସ୍ସ୍ତୋ॒ତ୍ରେଣ॑ । ଦେ॒ଵ॒ୟାନା॑ନେ॒ଵ ପ॒ଥ ଆରୋ॑ହ-ତ୍ୟତିରା॒ତ୍ରେଣ॑ । ନାକଗ୍ମ୍॑ ରୋହତି ବୃହ॒ତ-ସ୍ସ୍ତୋ॒ତ୍ରେଣ॑ । ତେଜ॑ ଏ॒ଵାତ୍ମ-ନ୍ଧ॑ତ୍ତ ଆଗ୍ନେ॒ୟେନ॑ ପ॒ଶୁନା᳚ । ଓଜୋ॒ ବଲ॑ମୈନ୍ଦ୍ରା॒ଗ୍ନେନ॑ । ଇ॒ନ୍ଦ୍ରି॒ୟ-ମୈ॒ନ୍ଦ୍ରେଣ॑ । ଵାଚଗ୍ମ୍॑ ସାରସ୍ଵ॒ତ୍ୟା । ଉ॒ଭାଵେ॒ଵ ଦେ॑ଵଲୋ॒କ-ଞ୍ଚ॑ ମନୁଷ୍ୟଲୋ॒କ-ଞ୍ଚା॒ଭିଜ॑ୟତି ମାରୁ॒ତ୍ୟା ଵ॒ଶୟା᳚ ॥ ସ॒ପ୍ତଦ॑ଶ ପ୍ରାଜାପ॒ତ୍ୟା-ନ୍ପ॒ଶୂନାଲ॑ଭତେ । ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ ॥ 24 ॥
ପ୍ର॒ଜାପ॑ତେ॒ରାପ୍ତ୍ୟୈ᳚ ॥ ଶ୍ୟା॒ମା ଏକ॑ରୂପା ଭଵନ୍ତି । ଏ॒ଵମି॑ଵ॒ ହି ପ୍ର॒ଜାପ॑ତି॒-ସ୍ସମୃ॑ଦ୍ଧ୍ୟୈ ॥ ତା-ନ୍ପର୍ୟ॑ଗ୍ନିକୃତା॒-ନୁଥ୍ସୃ॑ଜତି ॥ ମ॒ରୁତୋ॑ ୟ॒ଜ୍ଞମ॑ଜିଘାଗ୍ମ୍ସ-ନ୍ପ୍ର॒ଜାପ॑ତେଃ । ତେଭ୍ୟ॑ ଏ॒ତା-ମ୍ମା॑ରୁ॒ତୀଂ-ଵଁ॒ଶାମାଲ॑ଭତ । ତୟୈ॒ଵୈନା॑-ନଶମୟତ୍ ॥ ମା॒ରୁ॒ତ୍ୟା ପ୍ର॒ଚର୍ୟ॑ । ଏ॒ତାନ୍-ଥ୍ସଞ୍ଜ୍ଞ॑ପୟେତ୍ । ମ॒ରୁତ॑ ଏ॒ଵ ଶ॑ମୟି॒ତ୍ଵା ॥ 25 ॥
ଏ॒ତୈଃ ପ୍ରଚ॑ରତି । ୟ॒ଜ୍ଞସ୍ୟାଘା॑ତାୟ ॥ ଏ॒କ॒ଧା ଵ॒ପା ଜୁ॑ହୋତି । ଏ॒କ॒ଦେ॒ଵ॒ତ୍ୟା॑ ହି । ଏ॒ତେ । ଅଥୋ॑ ଏକ॒ଧୈଵ ୟଜ॑ମାନେ ଵୀ॒ର୍ୟ॑-ନ୍ଦଧାତି ॥ ନୈ॒ଵା॒ରେଣ॑ ସ॒ପ୍ତଦ॑ଶଶରାଵେ-ଣୈ॒ତର୍ହି॒ ପ୍ରଚ॑ରତି । ଏ॒ତ-ତ୍ପୁ॑ରୋଡାଶା॒ ହ୍ୟେ॑ତେ । ଅଥୋ॑ ପଶୂ॒ନାମେ॒ଵ ଛି॒ଦ୍ରମପି॑ଦଧାତି ॥ ସା॒ର॒ସ୍ଵ॒ତ୍ୟୋତ୍ତ॒ମୟା॒ ପ୍ରଚ॑ରତି । ଵାଗ୍ ଵୈ ସର॑ସ୍ଵତୀ । ତସ୍ମା᳚-ତ୍ପ୍ରା॒ଣାନାଂ॒-ଵାଁଗୁ॑ତ୍ତ॒ମା । ଅଥୋ᳚ ପ୍ର॒ଜାପ॑ତାଵେ॒ଵ ୟ॒ଜ୍ଞ-ମ୍ପ୍ରତି॑ଷ୍ଠାପୟତି । ପ୍ର॒ଜାପ॑ତି॒ର୍॒ ହି ଵାକ୍ ॥ ଅପ॑ନ୍ନଦତୀ ଭଵତି । ତସ୍ମା᳚-ନ୍ମନୁ॒ଷ୍ୟା᳚-ସ୍ସର୍ଵାଂ॒-ଵାଁଚଂ॑-ଵଁଦନ୍ତି ॥ 26 ॥
(ଅ॒ତି॒ରା॒ତ୍ର – ମ॒ନ୍ତରି॑କ୍ଷମୁ॒କ୍ଥ୍ୟେ॑ନ – ପ୍ର॒ଜାପ॑ତିଃ – ଶମୟି॒ତ୍ଵୋତ୍ – ତ॒ମୟା॒ ପ୍ରଚ॑ରତି॒ ଷଟ୍ ଚ॑) (ଅ. 4)
ଅନୁଵାକଂ 5 – ରଥୟାଜନମ୍
ସା॒ଵି॒ତ୍ର-ଞ୍ଜୁ॑ହୋତି॒ କର୍ମ॑ଣଃ କର୍ମଣଃ ପୁ॒ରସ୍ତା᳚ତ୍ ॥ କସ୍ତ-ଦ୍ଵେ॒ଦେତ୍ୟା॑ହୁଃ । ୟ-ଦ୍ଵା॑ଜ॒ପେୟ॑ସ୍ୟ॒ ପୂର୍ଵଂ॒-ୟଁଦପ॑ର॒ମିତି॑ । ସ॒ଵି॒ତୃପ୍ର॑ସୂତ ଏ॒ଵ ୟ॑ଥାପୂ॒ର୍ଵ-ଙ୍କର୍ମା॑ଣି କରୋତି ॥ ସଵ॑ନେ ସଵନେ ଜୁହୋତି । ଆ॒କ୍ରମ॑ଣମେ॒ଵ ତ-ଥ୍ସେତୁଂ॒-ୟଁଜ॑ମାନଃ କୁରୁତେ । ସୁ॒ଵ॒ର୍ଗସ୍ୟ॑ ଲୋ॒କସ୍ୟ॒ ସମ॑ଷ୍ଟ୍ୟୈ ॥ ଵା॒ଚସ୍ପତି॒-ର୍ଵାଚ॑ମ॒ଦ୍ୟ ସ୍ଵ॑ଦାତି ନ॒ ଇତ୍ୟା॑ହ । ଵାଗ୍ଵୈ ଦେ॒ଵାନା᳚-ମ୍ପୁ॒ରା-ଽନ୍ନ॑ମାସୀତ୍ । ଵାଚ॑ମେ॒ଵାସ୍ମା॒ ଅନ୍ନଗ୍ଗ୍॑ ସ୍ଵଦୟତି ॥ 27 ॥
ଇନ୍ଦ୍ର॑ସ୍ୟ॒ ଵଜ୍ରୋ॑-ଽସି॒ ଵାର୍ତ୍ର॑ଘ୍ନ॒ ଇତି॒ ରଥ॑ମୁ॒ପାଵ॑ହରତି॒ ଵିଜି॑ତ୍ୟୈ ॥ ଵାଜ॑ସ୍ୟ॒ ନୁ ପ୍ର॑ସ॒ଵେ ମା॒ତର॑-ମ୍ମ॒ହୀମିତ୍ୟା॑ହ । ୟଚ୍ଚୈ॒ଵେୟମ୍ । ୟଚ୍ଚା॒ସ୍ୟାମଧି॑ । ତଦେ॒ଵା-ଵ॑ରୁନ୍ଧେ । ଅଥୋ॒ ତସ୍ମି॑ନ୍ନେ॒ଵୋଭୟେ॒-ଽଭିଷି॑ଚ୍ୟତେ ॥ ଅ॒ଫ୍ସ୍ଵ॑ନ୍ତର॒-ମୃତ॑ମ॒ଫ୍ସୁ ଭେ॑ଷ॒ଜମିତ୍ୟଶ୍ଵା᳚-ନ୍ପଲ୍ପୂଲୟତି । ଅ॒ଫ୍ସୁ ଵା ଅଶ୍ଵ॑ସ୍ୟ॒ ତୃତୀ॑ୟ॒-ମ୍ପ୍ରଵି॑ଷ୍ଟମ୍ । ତଦ॑ନୁ॒ଵେନ॒ନ୍ଵଵ॑ପ୍ଲଵତେ । ୟଦ॒ଫ୍ସୁ ପ॑ଲ୍ପୂ॒ଲୟ॑ତି ॥ 28 ॥
ୟଦେ॒ଵାସ୍ୟା॒ଫ୍ସୁ ପ୍ରଵି॑ଷ୍ଟମ୍ । ତଦେ॒ଵାଵ॑ରୁନ୍ଧେ ॥ ବ॒ହୁ ଵା ଅଶ୍ଵୋ॑-ଽମେ॒ଦ୍ଧ୍ୟ-ମୁପ॑ଗଚ୍ଛତି । ୟଦ॒ଫ୍ସୁ ପ॑ଲ୍ପୂ॒ଲୟ॑ତି । ମେଦ୍ଧ୍ୟା॑ନେ॒ଵୈନା᳚ନ୍ କରୋତି ॥ ଵା॒ୟୁର୍ଵା᳚ ତ୍ଵା॒ ମନୁ॑ର୍ଵା॒ ତ୍ଵେତ୍ୟା॑ହ । ଏ॒ତା ଵା ଏ॒ତ-ନ୍ଦେ॒ଵତା॒ ଅଗ୍ରେ॒ ଅଶ୍ଵ॑ମୟୁଞ୍ଜନ୍ନ୍ । ତାଭି॑ରେ॒ଵୈନାନ୍॑. ୟୁନକ୍ତି । ସ॒ଵସ୍ୟୋଜ୍ଜି॑ତ୍ୟୈ ॥ ୟଜୁ॑ଷା ୟୁନକ୍ତି॒ ଵ୍ୟାଵୃ॑ତ୍ତ୍ୟୈ ॥ 29 ॥
ଅପା᳚-ନ୍ନ ପାଦାଶୁହେମ॒ନ୍ନିତି॒ ସମ୍ମା᳚ର୍ଷ୍ଟି । ମେଦ୍ଧ୍ୟା॑ନେ॒ଵୈନା᳚ନ୍ କରୋତି । ଅଥୋ॒ ସ୍ତୌତ୍ୟେ॒ଵୈନା॑ନା॒ଜିଗ୍ମ୍ ସ॑ରିଷ୍ୟ॒ତଃ ॥ ଵି॒ଷ୍ଣୁ॒ କ୍ର॒ମାନ୍ କ୍ର॑ମତେ । ଵିଷ୍ଣୁ॑ରେ॒ଵ ଭୂ॒ତ୍ଵେମାଁଲ୍ଲୋ॒କା-ନ॒ଭିଜ॑ୟତି ॥ ଵୈ॒ଶ୍ଵ॒ଦେ॒ଵୋ ଵୈ ରଥଃ॑ । ଅ॒ଙ୍କୌ ନ୍ୟ॒ଙ୍କାଵ॒ଭିତୋ॒ ରଥଂ॒-ୟାଁଵିତ୍ୟା॑ହ । ୟା ଏ॒ଵ ଦେ॒ଵତା॒ ରଥେ॒ ପ୍ରଵି॑ଷ୍ଟାଃ । ତାଭ୍ୟ॑ ଏ॒ଵ ନମ॑ସ୍କରୋତି । ଆ॒ତ୍ମନୋ-ଽନା᳚ର୍ତ୍ୟୈ ॥ ଅଶ॑ମରଥ-ମ୍ଭାଵୁକୋ-ଽସ୍ୟ॒ ରଥୋ॑ ଭଵତି । ୟ ଏ॒ଵଂ-ଵେଁଦ॑ ॥ 30 ॥
(ସ୍ଵ॒ଦ॒ୟ॒ତି॒ – ପ॒ଲ୍ପୂ॒ଲୟ॑ତି॒ – ଵ୍ୟାଵୃ॑ତ୍ତ୍ୟା॒ – ଅନା᳚ର୍ତ୍ୟୈ॒ ଦ୍ଵେ ଚ॑) (ଅ. 5)
ଅନୁଵାକଂ 6 – ରଥଧାଵନମ୍
ଦେ॒ଵସ୍ୟା॒ହଗ୍ମ୍ ସ॑ଵି॒ତୁଃ ପ୍ର॑ସ॒ଵେ ବୃହ॒ସ୍ପତି॑ନା ଵାଜ॒ଜିତା॒ ଵାଜ॑-ଞ୍ଜେଷ॒ମିତ୍ୟା॑ହ । ସ॒ଵି॒ତୃପ୍ର॑ସୂତ ଏ॒ଵ ବ୍ରହ୍ମ॑ଣା॒ ଵାଜ॒ମୁଜ୍ଜ॑ୟତି ॥ ଦେ॒ଵସ୍ୟା॒ହଗ୍ମ୍ ସ॑ଵି॒ତୁଃ ପ୍ର॑ସ॒ଵେ ବୃହ॒ସ୍ପତି॑ନା ଵାଜ॒ଜିତା॒ ଵର୍ଷି॑ଷ୍ଠ॒-ନ୍ନାକଗ୍ମ୍॑ ରୁହେୟ॒ମିତ୍ୟା॑ହ । ସ॒ଵି॒ତୃପ୍ର॑ସୂତ ଏ॒ଵ ବ୍ରହ୍ମ॑ଣା॒ ଵର୍ଷି॑ଷ୍ଠ॒-ନ୍ନାକଗ୍ମ୍॑ ରୋହତି ॥ ଚାତ୍ଵା॑ଲେ ରଥଚ॒କ୍ର-ନ୍ନିମି॑ତଗ୍ମ୍ ରୋହତି । ଅତୋ॒ ଵା ଅଙ୍ଗି॑ରସ ଉତ୍ତ॒ମା-ସ୍ସୁ॑ଵ॒ର୍ଗଂ-ଲୋଁ॒କମା॑ୟନ୍ନ୍ । ସା॒କ୍ଷାଦେ॒ଵ ୟଜ॑ମାନ-ସ୍ସୁଵ॒ର୍ଗଂ-ଲୋଁ॒କମେ॑ତି ॥ ଆଵେ᳚ଷ୍ଟୟତି । ଵଜ୍ରୋ॒ ଵୈ ରଥଃ॑ । ଵଜ୍ରେ॑ଣୈ॒ଵ ଦିଶୋ॒-ଽଭିଜ॑ୟତି ॥ 31 ॥
ଵା॒ଜିନା॒ଗ୍ମ୍॒ ସାମ॑ ଗାୟତେ । ଅନ୍ନଂ॒-ଵୈଁ ଵାଜଃ॑ । ଅନ୍ନ॑ମେ॒-ଵାଵ॑ରୁନ୍ଧେ ॥ ଵା॒ଚୋ ଵର୍ଷ୍ମ॑ ଦେ॒ଵେଭ୍ୟୋ-ଽପା᳚କ୍ରାମତ୍ । ତ-ଦ୍ଵନ॒ସ୍ପତୀ॒-ନ୍ପ୍ରାଵି॑ଶତ୍ । ସୈଷା ଵାଗ୍-ଵନ॒ସ୍ପତି॑ଷୁ ଵଦତି । ୟା ଦୁ॑ନ୍ଦୁ॒ଭୌ । ତସ୍ମା᳚-ଦ୍ଦୁନ୍ଦୁ॒ଭି-ସ୍ସର୍ଵା॒ ଵାଚୋତି॑ ଵଦତି ॥ ଦୁ॒ନ୍ଦୁ॒ଭୀନ୍-ଥ୍ସ॒ମାଘ୍ନ॑ନ୍ତି । ପ॒ର॒ମା ଵା ଏ॒ଷା ଵାକ୍ ॥ 32 ॥
ୟା ଦୁ॑ନ୍ଦୁ॒ଭୌ । ପ॒ର॒ମୟୈ॒ଵ ଵା॒ଚା-ଽଵ॑ରାଂ॒-ଵାଁଚ॒ମ-ଵ॑ରୁନ୍ଧେ । ଅଥୋ॑ ଵା॒ଚ ଏ॒ଵ ଵର୍ଷ୍ମ॒ ୟଜ॑ମା॒ନୋ ଽଵ॑ରୁନ୍ଧେ ॥ ଇନ୍ଦ୍ରା॑ୟ॒ ଵାଚଂ॑-ଵଁଦ॒ତେନ୍ଦ୍ରଂ॒-ଵାଁଜ॑-ଞ୍ଜାପୟ॒ତେନ୍ଦ୍ରୋ॒ ଵାଜ॑ମଜୟି॒-ଦିତ୍ୟା॑ହ । ଏ॒ଷ ଵା ଏ॒ତର୍ହୀନ୍ଦ୍ରଃ॑ । ୟୋ ୟଜ॑ତେ । ୟଜ॑ମାନ ଏ॒ଵ ଵାଜ॒ମୁଜ୍ଜ॑ୟତି ॥ ସ॒ପ୍ତଦ॑ଶ ପ୍ରଵ୍ୟା॒ଧାନା॒ଜି-ନ୍ଧା॑ଵନ୍ତି । ସ॒ପ୍ତ॒ଦ॒ଶଗ୍ଗ୍ ସ୍ତୋ॒ତ୍ର-ମ୍ଭ॑ଵତି । ସ॒ପ୍ତଦ॑ଶ ସପ୍ତଦଶ ଦୀୟନ୍ତେ ॥ 33 ॥
ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒-ରାପ୍ତ୍ୟୈ᳚ ॥ ଅର୍ଵା॑-ଽସି॒ ସପ୍ତି॑ରସି ଵା॒ଜ୍ୟ॑ସୀତ୍ୟା॑ହ । ଅ॒ଗ୍ନିର୍ଵା ଅର୍ଵା᳚ । ଵା॒ୟୁ-ସ୍ସପ୍ତିଃ॑ । ଆ॒ଦି॒ତ୍ୟୋ ଵା॒ଜୀ । ଏ॒ତାଭି॑ରେ॒ଵାସ୍ମୈ॑ ଦେ॒ଵତା॑ଭି-ର୍ଦେଵର॒ଥଂ-ୟୁଁ॑ନକ୍ତି ॥ ପ୍ର॒ଷ୍ଟି॒ଵା॒ହିନଂ॑-ୟୁଁନକ୍ତି । ପ୍ର॒ଷ୍ଟି॒ଵା॒ହୀ ଵୈ ଦେ॑ଵର॒ଥଃ । ଦେ॒ଵ॒ର॒ଥମେ॒ଵାସ୍ମୈ॑ ୟୁନକ୍ତି ॥ 34 ॥
ଵାଜି॑ନୋ॒ ଵାଜ॑-ନ୍ଧାଵତ॒ କାଷ୍ଠା᳚-ଙ୍ଗଚ୍ଛ॒ତେତ୍ୟା॑ହ । ସୁ॒ଵ॒ର୍ଗୋ ଵୈ ଲୋ॒କଃ କାଷ୍ଠା᳚ । ସୁ॒ଵ॒ର୍ଗମେ॒ଵ ଲୋ॒କଂ-ୟଁ॑ନ୍ତି ॥ ସୁ॒ଵ॒ର୍ଗଂ-ଵାଁ ଏ॒ତେ ଲୋ॒କଂ-ୟଁ॑ନ୍ତି । ୟ ଆ॒ଜି-ନ୍ଧାଵ॑ନ୍ତି ॥ ପ୍ରାଞ୍ଚୋ॑ ଧାଵନ୍ତି । ପ୍ରାଂଇ॑ଵ॒ ହି ସୁ॑ଵ॒ର୍ଗୋ ଲୋ॒କଃ ॥ ଚ॒ତ॒ସୃଭି॒ରନୁ॑ ମନ୍ତ୍ରୟତେ । ଚ॒ତ୍ଵାରି॒ ଛନ୍ଦାଗ୍ମ୍॑ସି । ଛନ୍ଦୋ॑ଭିରେ॒ଵୈନା᳚ନ୍-ଥ୍ସୁଵ॒ର୍ଗଂ-ଲୋଁ॒କ-ଙ୍ଗ॑ମୟତି ॥ 35 ॥
ପ୍ର ଵା ଏ॒ତେ᳚-ଽସ୍ମାଲ୍-ଲୋ॒କାଚ୍ଚ୍ୟ॑ଵନ୍ତେ । ୟ ଆ॒ଜି-ନ୍ଧାଵ॑ନ୍ତି । ଉଦ॑ଞ୍ଚ॒ ଆଵ॑ର୍ତନ୍ତେ । ଅ॒ସ୍ମାଦେ॒ଵ ତେନ॑ ଲୋ॒କାନ୍ନୟ॑ନ୍ତି ॥ ର॒ଥ॒ଵି॒ମୋ॒ଚ॒ନୀୟ॑-ଞ୍ଜୁହୋତି॒ ପ୍ରତି॑ଷ୍ଠିତ୍ୟୈ ॥ ଆ ମା॒ ଵାଜ॑ସ୍ୟ ପ୍ରସ॒ଵୋ ଜ॑ଗମ୍ୟା॒ଦିତ୍ୟା॑ହ । ଅନ୍ନଂ॒-ଵୈଁ ଵାଜଃ॑ । ଅନ୍ନ॑ମେ॒ଵାଵ॑ରୁନ୍ଧେ ॥ ୟ॒ଥା॒ଲୋ॒କଂ-ଵାଁ ଏ॒ତ ଉଜ୍ଜ॑ୟନ୍ତି । ୟ ଆ॒ଜି-ନ୍ଧାଵ॑ନ୍ତି ॥ 36 ॥
କୃ॒ଷ୍ଣଲ॑-ଙ୍କୃଷ୍ଣଲଂ-ଵାଁଜ॒ସୃଦ୍ଭ୍ୟଃ॒ ପ୍ରୟ॑ଚ୍ଛତି । ୟମେ॒ଵ ତେ ଵାଜଂ॑-ଲୋଁ॒କମୁ॒ଜ୍ଜୟ॑ନ୍ତି । ତ-ମ୍ପ॑ରି॒କ୍ରୀୟା-ଵ॑ରୁନ୍ଧେ ॥ ଏ॒କ॒ଧା ବ୍ର॒ହ୍ମଣ॒ ଉପ॑ହରତି । ଏ॒କ॒ଧୈଵ ୟଜ॑ମାନେ ଵୀ॒ର୍ୟ॑-ନ୍ଦଧାତି ॥ ଦେ॒ଵା ଵା ଓଷ॑ଧୀଷ୍ଵା॒ଜିମ॑ୟୁଃ । ତା ବୃହ॒ସ୍ପତି॒-ରୁଦ॑ଜୟତ୍ । ସ ନୀ॒ଵାରା॒ନ୍ନିର॑ଵୃଣୀତ । ତନ୍ନୀ॒ଵାରା॑ଣା-ନ୍ନୀଵାର॒ତ୍ଵମ୍ ॥ ନୈ॒ଵା॒ରଶ୍ଚ॒ରୁ-ର୍ଭ॑ଵତି ॥ 37 ॥
ଏ॒ତଦ୍ଵୈ ଦେ॒ଵାନା᳚-ମ୍ପର॒ମମନ୍ନ᳚ମ୍ । ୟନ୍ନୀ॒ଵାରାଃ᳚ । ପ॒ର॒ମେଣୈ॒ଵାସ୍ମା॑ ଅ॒ନ୍ନାଦ୍ୟେ॒-ନାଵ॑ର-ମ॒ନ୍ନାଦ୍ୟ॒ମଵ॑ରୁନ୍ଧେ ॥ ସ॒ପ୍ତଦ॑ଶଶରାଵୋ ଭଵତି । ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒-ରାପ୍ତ୍ୟୈ᳚ ॥ କ୍ଷୀ॒ରେ ଭ॑ଵତି । ରୁଚ॑ମେ॒ଵାସ୍ମି॑ନ୍-ଦଧାତି ॥ ସ॒ର୍ପିଷ୍ଵା᳚-ନ୍ଭଵତି ମେଦ୍ଧ୍ୟ॒ତ୍ଵାୟ॑ ॥ ବା॒ର୍॒ହ॒ସ୍ପ॒ତ୍ୟୋ ଵା ଏ॒ଷ ଦେ॒ଵତ॑ୟା ॥ 38 ॥
ୟୋ ଵା॑ଜ॒ପେୟେ॑ନ॒ ୟଜ॑ତେ । ବା॒ର୍॒ହ॒ସ୍ପ॒ତ୍ୟ ଏ॒ଷ ଚ॒ରୁଃ ॥ ଅଶ୍ଵା᳚ନ୍-ଥ୍ସରିଷ୍ୟ॒ତ-ସ୍ସ॒ସ୍ରୁଷ॒ଶ୍ଚାଵ॑-ଘ୍ରାପୟତି । ୟମେ॒ଵ ତେ ଵାଜଂ॑-ଲୋଁ॒କମୁ॒ଜ୍ଜୟ॑ନ୍ତି । ତମେ॒ଵାଵ॑ରୁନ୍ଧେ ॥ ଅଜୀ॑ଜିପତ ଵନସ୍ପତୟ॒ ଇନ୍ଦ୍ରଂ॒-ଵାଁଜଂ॒-ଵିଁମୁ॑ଚ୍ୟଦ୍ଧ୍ଵ॒ମିତି॑ ଦୁନ୍ଦୁ॒ଭୀନ୍. ଵିମୁ॑ଞ୍ଚତି । ୟମେ॒ଵ ତେ ଵାଜଂ॑-ଲୋଁ॒କମି॑ନ୍ଦ୍ରି॒ୟ-ନ୍ଦୁ॑ନ୍ଦୁ॒ଭୟ॑ ଉ॒ଜ୍ଜୟ॑ନ୍ତି । ତମେ॒ଵା-ଵ॑ରୁନ୍ଧେ ॥ 39 ॥
(ଅ॒ଭିଜ॑ୟତି॒ – ଵା ଏ॒ଷା ଵାଗ୍ – ଦୀ॑ୟନ୍ତେ – ଽସ୍ମୈ ୟୁନକ୍ତି – ଗମୟତି॒ – ୟ ଆ॒ଜି-ନ୍ଧାଵ॑ନ୍ତି – ଭଵତି – ଦେ॒ଵତ॑ୟା॒ – +-ଽଷ୍ଟୌ ଚ॑) (ଅ. 6)
ଅନୁଵାକଂ 7 – ୟୂପାରୋହଣମ୍
ତା॒ର୍ପ୍ୟଂ-ୟଁଜ॑ମାନ॒-ମ୍ପରି॑ଧାପୟତି । ୟ॒ଜ୍ଞୋ ଵୈ ତା॒ର୍ପ୍ୟମ୍ । ୟ॒ଜ୍ଞେନୈ॒ଵୈନ॒ଗ୍ମ୍॒ ସମ॑ର୍ଧୟତି । ଦ॒ର୍ଭ॒ମୟ॒-ମ୍ପରି॑ଧାପୟତି । ପ॒ଵିତ୍ରଂ॒-ଵୈଁ ଦ॒ର୍ଭାଃ । ପୁ॒ନାତ୍ୟେ॒ଵୈନ᳚ମ୍ । ଵାଜଂ॒-ଵାଁ ଏ॒ଷୋ-ଽଵ॑ରୁରୁଥ୍ସତେ । ୟୋ ଵା॑ଜ॒ପେୟେ॑ନ॒ ୟଜ॑ତେ । ଓଷ॑ଧୟଃ॒ ଖଲୁ॒ ଵୈ ଵାଜଃ॑ । ୟ-ଦ୍ଦ॑ର୍ଭ॒ମୟ॑-ମ୍ପରିଧା॒ପୟ॑ତି ॥ 40 ॥
ଵାଜ॒ସ୍ୟାଵ॑-ରୁଦ୍ଧ୍ୟୈ ॥ ଜାୟ॒ ଏହି॒ ସୁଵୋ॒ ରୋହା॒ଵେତ୍ୟା॑ହ । ପତ୍ନି॑ୟା ଏ॒ଵୈଷ ୟ॒ଜ୍ଞସ୍ୟା᳚ନ୍-ଵାର॒ମ୍ଭୋ-ଽନ॑ଵଚ୍ଛିତ୍ୟୈ ॥ ସ॒ପ୍ତଦ॑ଶା-ରତ୍ନି॒ର୍ୟୂପୋ॑ ଭଵତି । ସ॒ପ୍ତ॒ଦ॒ଶଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒ରାପ୍ତ୍ୟୈ᳚ ॥ ତୂ॒ପ॒ର-ଶ୍ଚତୁ॑ରଶ୍ରି-ର୍ଭଵତି ॥ ଗୌ॒ଧୂ॒ମ-ଞ୍ଚ॒ଷାଲ᳚ମ୍ । ନ ଵା ଏ॒ତେ ଵ୍ରୀ॒ହୟୋ॒ ନ ୟଵାଃ᳚ । ୟ-ଦ୍ଗୋ॒ଧୂମାଃ᳚ ॥ 41 ॥
ଏ॒ଵମି॑ଵ॒ ହି ପ୍ର॒ଜାପ॑ତି॒-ସ୍ସମୃ॑ଦ୍ଧ୍ୟୈ । ଅଥୋ॑ ଅ॒ମୁମେ॒ଵାସ୍ମୈ॑ ଲୋ॒କମନ୍ନ॑ଵନ୍ତ-ଙ୍କରୋତି ॥ ଵାସୋ॑ଭି-ର୍ଵେଷ୍ଟୟତି । ଏ॒ଷ ଵୈ ୟଜ॑ମାନଃ । ୟଦ୍ୟୂପଃ॑ । ସ॒ର୍ଵ॒ଦେ॒ଵ॒ତ୍ୟଂ॑-ଵାଁସଃ॑ । ସର୍ଵା॑ଭିରେ॒ଵୈନ॑-ନ୍ଦେ॒ଵତା॑ଭି॒-ସ୍ସମ॑ର୍ଧୟତି । ଅଥୋ॑ ଆ॒କ୍ରମ॑ଣମେ॒ଵ ତଥ୍ସେତୁଂ॒-ୟଁଜ॑ମାନଃ କୁରୁତେ । ସୁ॒ଵ॒ର୍ଗସ୍ୟ॑ ଲୋ॒କସ୍ୟ॒ ସମ॑ଷ୍ଟ୍ୟୈ ॥ ଦ୍ଵାଦ॑ଶ ଵାଜପ୍ରସ॒ଵୀୟା॑ନି ଜୁହୋତି ॥ 42 ॥
ଦ୍ଵାଦ॑ଶ॒ ମାସା᳚-ସ୍ସଂଵଁଥ୍ସ॒ରଃ । ସଂ॒ଵଁ॒ଥ୍ସ॒ରମେ॒ଵ ପ୍ରୀ॑ଣାତି । ଅଥୋ॑ ସଂଵଁଥ୍ସ॒ରମେ॒ଵାସ୍ମା॒ ଉପ॑ ଦଧାତି । ସୁ॒ଵ॒ର୍ଗସ୍ୟ॑ ଲୋ॒କସ୍ୟ॒ ସମ॑ଷ୍ଟ୍ୟୈ ॥ ଦ॒ଶଭିଃ॒ କଲ୍ପୈ॑ ରୋହତି । ନଵ॒ ଵୈ ପୁରୁ॑ଷେ ପ୍ରା॒ଣାଃ । ନାଭି॑ର୍ଦଶ॒ମୀ । ପ୍ରା॒ଣାନେ॒ଵ ୟ॑ଥାସ୍ଥା॒ନ-ଙ୍କ॑ଲ୍ପୟି॒ତ୍ଵା । ସୁ॒ଵ॒ର୍ଗଂ-ଲୋଁ॒କମେ॑ତି । ଏ॒ତାଵ॒ଦ୍ଵୈ ପୁରୁ॑ଷସ୍ୟ॒ ସ୍ଵମ୍ ॥ 43 ॥
ୟାଵ॑ତ୍-ପ୍ରା॒ଣାଃ । ୟାଵ॑ଦେ॒ଵାସ୍ୟାସ୍ତି॑ । ତେନ॑ ସ॒ହ ସୁ॑ଵ॒ର୍ଗଂ-ଲୋଁ॒କମେ॑ତି ॥ ସୁଵ॑ର୍ଦେ॒ଵାଗ୍ମ୍ ଅ॑ଗ॒ନ୍ମେତ୍ୟା॑ହ । ସୁ॒ଵ॒ର୍ଗମେ॒ଵ ଲୋ॒କମେ॑ତି । ଅ॒ମୃତା॑ ଅଭୂ॒ମେତ୍ୟା॑ହ । ଅ॒ମୃତ॑ମିଵ॒ ହି ସୁ॑ଵ॒ର୍ଗୋ ଲୋ॒କଃ । ପ୍ର॒ଜାପ॑ତେଃ ପ୍ର॒ଜା ଅ॑ଭୂ॒ମେତ୍ୟା॑ହ । ପ୍ରା॒ଜା॒ପ॒ତ୍ୟୋ ଵା ଅ॒ୟଂ-ଲୋଁ॒କଃ । ଅ॒ସ୍ମାଦେ॒ଵ ତେନ॑ ଲୋ॒କାନ୍ନୈତି॑ ॥ 44 ॥
ସମ॒ହ-ମ୍ପ୍ର॒ଜୟା॒ ସ-ମ୍ମୟା᳚ ପ୍ର॒ଜେତ୍ୟା॑ହ । ଆ॒ଶିଷ॑ମେ॒ଵୈତା-ମାଶା᳚ସ୍ତେ ॥ ଆ॒ସ॒ପୁ॒ଟୈ-ର୍ଘ୍ନ॑ନ୍ତି । ଅନ୍ନଂ॒-ଵାଁ ଇ॒ୟମ୍ । ଅ॒ନ୍ନାଦ୍ୟେ॑ନୈ॒ଵୈନ॒ଗ୍ମ୍॒ ସମ॑ର୍ଧୟନ୍ତି । ଊଷୈ᳚-ର୍ଘ୍ନନ୍ତି । ଏ॒ତେ ହି ସା॒କ୍ଷାଦନ୍ନ᳚ମ୍ । ୟଦୂଷାଃ᳚ । ସା॒କ୍ଷାଦେ॒ଵୈନ॑-ମ॒ନ୍ନାଦ୍ୟେ॑ନ॒ ସମ॑ର୍ଧୟନ୍ତି ॥ ପୁ॒ରସ୍ତା᳚ତ୍-ପ୍ର॒ତ୍ୟଞ୍ଚ᳚-ଙ୍ଘ୍ନନ୍ତି ॥ 45 ॥
ପୁ॒ରସ୍ତା॒ଦ୍ଧି ପ୍ର॑ତୀ॒ଚୀନ॒-ମନ୍ନ॑ମ॒ଦ୍ୟତେ᳚ ॥ ଶୀ॒ର୍॒ଷ॒ତୋ ଘ୍ନ॑ନ୍ତି । ଶୀ॒ର୍॒ଷ॒ତୋ ହ୍ୟନ୍ନ॑ମ॒ଦ୍ୟତେ᳚ ॥ ଦି॒ଗ୍ଭ୍ୟୋ ଘ୍ନ॑ନ୍ତି । ଦି॒ଗ୍ଭ୍ୟ ଏ॒ଵାସ୍ମା॑ ଅ॒ନ୍ନାଦ୍ୟ॒-ମଵ॑ରୁନ୍ଧତେ ॥ ଈ॒ଶ୍ଵ॒ରୋ ଵା ଏ॒ଷ ପରାଂ᳚-ପ୍ର॒ଦଘଃ॑ । ୟୋ ୟୂପ॒ଗ୍ମ୍॒ ରୋହ॑ତି ॥ ହିର॑ଣ୍ୟମ॒ଦ୍ଧ୍ୟ-ଵ॑ରୋହତି । ଅ॒ମୃତଂ॒-ଵୈଁ ହିର॑ଣ୍ୟମ୍ । ଅ॒ମୃତଗ୍ମ୍॑ ସୁଵ॒ର୍ଗୋ ଲୋ॒କଃ ॥ 46 ॥
ଅ॒ମୃତ॑ ଏ॒ଵ ସୁ॑ଵ॒ର୍ଗେ ଲୋ॒କେ ପ୍ରତି॑ ତିଷ୍ଠତି ॥ ଶ॒ତମା॑ନ-ମ୍ଭଵତି । ଶ॒ତାୟୁଃ॒ ପୁରୁ॑ଷ-ଶ୍ଶ॒ତେନ୍ଦ୍ରି॑ୟଃ । ଆୟୁ॑ଷ୍ୟେ॒ଵେନ୍ଦ୍ରି॒ୟେ ପ୍ରତି॑ ତିଷ୍ଠତି ॥ ପୁଷ୍ଟ୍ୟୈ॒ ଵା ଏ॒ତ-ଦ୍ରୂ॒ପମ୍ । ୟଦ॒ଜା । ତ୍ରି-ସ୍ସଂ॑ଵଁଥ୍ସ॒ରସ୍ୟା॒ନ୍ୟାନ୍-ପ॒ଶୂ-ନ୍ପରି॒ ପ୍ରଜା॑ୟତେ ॥ ବ॒ସ୍ତା॒ଜି॒ନ-ମ॒ଦ୍ଧ୍ୟଵ॑ ରୋହତି । ପୁଷ୍ଟ୍ୟା॑ମେ॒ଵ ପ୍ର॒ଜନ॑ନେ॒ ପ୍ରତି॑ତିଷ୍ଠତି ॥ 47 ॥
(ପ॒ରି॒ଧା॒ପୟ॑ତି – ଗୋ॒ଧୂମା॑ – ଜୁହୋତି॒ – ସ୍ଵଂ – ନୈତି॑ – ପ୍ର॒ତ୍ୟଞ୍ଜ॑-ଙ୍ଘ୍ନନ୍ତି – ଲୋ॒କୋ – +ନଵ॑ ଚ (ଅ. 7)
ଅନୁଵାକଂ 8 – ଅନ୍ନହୋମାଃ, ଅଭିଷେକଶ୍ଚ
ସ॒ପ୍ତାନ୍ନ॑-ହୋ॒ମାଞ୍ଜୁ॑ହୋତି । ସ॒ପ୍ତ ଵା ଅନ୍ନା॑ନି । ୟାଵ॑ନ୍ତ୍ୟେ॒ଵାନ୍ନା॑ନି । ତାନ୍ୟେ॒ଵାଵ॑ରୁନ୍ଧେ । ସ॒ପ୍ତ ଗ୍ରା॒ମ୍ୟା ଓଷ॑ଧୟଃ । ସ॒ପ୍ତାର॒ଣ୍ୟାଃ । ଉ॒ଭୟୀ॑ଷା॒-ମଵ॑ରୁଦ୍ଧ୍ୟୈ ॥ ଅନ୍ନ॑ସ୍ୟା-ନ୍ନସ୍ୟ ଜୁହୋତି । ଅନ୍ନ॑ସ୍ୟାନ୍ନ॒ସ୍ୟା-ଵ॑ରୁଦ୍ଧ୍ୟୈ ॥ ୟ-ଦ୍ଵା॑ଜପେୟୟା॒ଜ୍ୟ-ନ॑ଵରୁଦ୍ଧସ୍ୟାଶ୍ଞୀ॒ୟାତ୍ ॥ 48 ॥
ଅଵ॑ରୁଦ୍ଧେନ॒ ଵ୍ୟୃ॑ଦ୍ଧ୍ୟେତ । ସର୍ଵ॑ସ୍ୟ ସମଵ॒ଦାୟ॑ ଜୁହୋତି । ଅନ॑ଵରୁଦ୍ଧ॒-ସ୍ୟାଵ॑ରୁଦ୍ଧ୍ୟୈ ॥ ଔଦୁ॑ମ୍ବରେଣ ସ୍ରୁ॒ଵେଣ॑ ଜୁହୋତି । ଊର୍ଗ୍ଵା ଅନ୍ନ॑-ମୁଦୁ॒ମ୍ବରଃ॑ । ଊ॒ର୍ଜ ଏ॒ଵାନ୍ନାଦ୍ୟ॒ସ୍ୟାଵ॑ରୁଦ୍ଧ୍ୟୈ ॥ ଦେ॒ଵସ୍ୟ॑ ତ୍ଵା ସଵି॒ତୁଃ ପ୍ର॑ସ॒ଵ ଇତ୍ୟା॑ହ । ସ॒ଵି॒ତୃ ପ୍ର॑ସୂତ ଏ॒ଵୈନ॒-ମ୍ବ୍ରହ୍ମ॑ଣା ଦେ॒ଵତା॑ଭି-ର॒ଭିଷି॑ଞ୍ଚତି ॥ ଅନ୍ନ॑ସ୍ୟାନ୍ନସ୍ୟା॒ଭିଷି॑ଞ୍ଚତି । ଅନ୍ନ॑ସ୍ୟାନ୍ନ॒ସ୍ୟାଵ॑ରୁଦ୍ଧ୍ୟୈ ॥ 49 ॥
ପୁ॒ରସ୍ତା᳚ତ୍-ପ୍ର॒ତ୍ୟଞ୍ଚ॑-ମ॒ଭିଷି॑ଞ୍ଚତି । ପୁ॒ରସ୍ତା॒ଦ୍ଧି-ପ୍ର॑ତୀ॒ଚୀନ॒-ମନ୍ନ॑ମ॒ଦ୍ୟତେ᳚ । ଶୀ॒ର୍॒ଷ॒ତୋ॑-ଽଭିଷି॑ଞ୍ଚତି । ଶୀ॒ର୍॒ଷ॒ତୋ ହ୍ୟନ୍ନ॑ମ॒ଦ୍ୟତେ᳚ ॥ ଆମୁଖା॑ଦ॒ନ୍ଵଵ॑ ସ୍ରାଵୟତି । ମୁ॒ଖ॒ତ ଏ॒ଵାସ୍ମା॑ ଅ॒ନ୍ନାଦ୍ୟ॑-ନ୍ଦଧାତି ॥ ଅ॒ଗ୍ନେସ୍ତ୍ଵା॒ ସାମ୍ରା᳚ଜ୍ୟେନା॒ଭିଷି॑ଞ୍ଚା॒ମୀତ୍ୟା॑ହ । ଏ॒ଷ ଵା ଅ॒ଗ୍ନେ-ସ୍ସ॒ଵଃ । ତେନୈ॒ଵୈନ॑-ମ॒ଭିଷି॑ଞ୍ଚତି । ଇନ୍ଦ୍ର॑ସ୍ୟ ତ୍ଵା॒ ସାମ୍ରା᳚ଜ୍ୟେନା॒ଭିଷି॑ଞ୍ଚା॒ମୀତ୍ୟା॑ହ ॥ 50 ॥
ଇ॒ନ୍ଦ୍ରି॒ୟ-ମେ॒ଵାସ୍ମି॑-ନ୍ନେ॒ତେନ॑ ଦଧାତି । ବୃହ॒ସ୍ପତେ᳚ସ୍ତ୍ଵା॒ ସାମ୍ରା᳚ଜ୍ୟେନା॒ଭିଷି॑ଞ୍ଚା॒-ମୀତ୍ୟା॑ହ । ବ୍ରହ୍ମ॒ ଵୈ ଦେ॒ଵାନା॒-ମ୍ବୃହ॒ସ୍ପତିଃ॑ । ବ୍ରହ୍ମ॑ଣୈ॒ଵୈନ॑-ମ॒ଭିଷି॑ଞ୍ଚତି ॥ ସୋ॒ମ॒ଗ୍ର॒ହାଗ୍ଶ୍ଚା॑-ଵଦାନୀ॒ୟାନି॑ ଚ॒ର୍ତ୍ଵିଗ୍ଭ୍ୟ॒ ଉପ॑ ହରନ୍ତି । ଅ॒ମୁମେ॒ଵ ତୈ-ର୍ଲୋ॒କ-ମନ୍ନ॑ଵନ୍ତ-ଙ୍କରୋତି । ସୁ॒ରା॒ଗ୍ର॒ହାଗ୍ଶ୍ଚା॑-ନଵଦାନୀ॒ୟାନି॑ ଚ ଵାଜ॒ସୃଦ୍ଭ୍ୟଃ॑ । ଇ॒ମମେ॒ଵ ତୈ-ର୍ଲୋ॒କ-ମନ୍ନ॑ଵନ୍ତ-ଙ୍କରୋତି । ଅଥୋ॑ ଉ॒ଭୟୀ᳚ଷ୍ଵେ॒ଵାଭିଷି॑ଚ୍ୟତେ ॥ ଵି॒ମା॒ଥ-ଙ୍କୁ॑ର୍ଵତେ ଵାଜ॒ସୃତଃ॑ ॥ 51 ॥
ଇ॒ନ୍ଦ୍ରି॒ୟସ୍ୟାଵ॑ରୁଦ୍ଧ୍ୟୈ ॥ ଅନି॑ରୁକ୍ତାଭିଃ ପ୍ରାତସ୍ସଵ॒ନେ ସ୍ତୁ॑ଵତେ । ଅନି॑ରୁକ୍ତଃ ପ୍ର॒ଜାପ॑ତିଃ । ପ୍ର॒ଜାପ॑ତେ॒ରାପ୍ତ୍ୟୈ᳚ । ଵାଜ॑ଵତୀଭି॒-ର୍ମାଦ୍ଧ୍ୟ॑ନ୍ଦିନେ । ଅନ୍ନଂ॒-ଵୈଁ ଵାଜଃ॑ । ଅନ୍ନ॑ମେ॒ଵା-ଵ॑ରୁନ୍ଧେ । ଶି॒ପି॒ଵି॒ଷ୍ଟଵ॑ତୀଭି-ସ୍ତୃତୀୟସଵ॒ନେ । ୟ॒ଜ୍ଞୋ ଵୈ ଵିଷ୍ଣୁଃ॑ । ପ॒ଶଵ॒-ଶ୍ଶିପିଃ॑ । ୟ॒ଜ୍ଞ ଏ॒ଵ ପ॒ଶୁଷୁ॒ ପ୍ରତି॑ ତିଷ୍ଠତି ॥ ବୃ॒ହଦନ୍ତ୍ୟ॑-ମ୍ଭଵତି । ଅନ୍ତ॑ମେ॒ଵୈନଗ୍ଗ୍॑ ଶ୍ରି॒ୟୈ ଗ॑ମୟତି ॥ 52 ॥
(ଅ॒ଶ୍ଞୀ॒ୟା – ଦନ୍ନ॑ସ୍ୟାନ୍ନ॒ସ୍ୟା ଵ॑ରୁଦ୍ଧ୍ୟା॒ – ଇନ୍ଦ୍ର॑ସ୍ୟ ତ୍ଵା॒ ସାମ୍ରା᳚ଜ୍ୟେନା॒ଭିଷି॑ଞ୍ଚା॒ ମୀତ୍ୟା॑ହ-ଵାଜ॒ସୃତଃ॒ – ଶିପି॒ ସ୍ତ୍ରୀଣି॑ ଚ) (ଅ. 8)
ଅନୁଵାକଂ 9 – ଅତିଗ୍ରାହ୍ୟାଃ, ପଞ୍ଚୈନ୍ଦ୍ରାଃ
ନୃ॒ଷଦ॒-ନ୍ତ୍ଵେତ୍ୟା॑ହ । ପ୍ର॒ଜା ଵୈ ନୄନ୍ । ପ୍ର॒ଜାନା॑ମେ॒ଵୈତେନ॑ ସୂୟତେ । ଦ୍ରୁ॒ଷଦ॒ମିତ୍ୟା॑ହ । ଵନ॒ସ୍ପତ॑ୟୋ॒ ଵୈ ଦ୍ରୁ । ଵନ॒ସ୍ପତୀ॑ନାମେ॒ଵୈ ତେନ॑ ସୂୟତେ । ଭୁ॒ଵ॒ନ॒ସଦ॒-ମିତ୍ୟା॑ହ । ୟ॒ଦା ଵୈ ଵସୀ॑ୟା॒-ନ୍ଭଵ॑ତି । ଭୁଵ॑ନମଗ॒ନ୍ନିତି॒ ଵୈ ତମା॑ହୁଃ । ଭୁଵ॑ନମେ॒ଵୈତେନ॑ ଗଚ୍ଛତି ॥ 53 ॥
ଅ॒ଫ୍ସୁ॒ଷଦ॑-ନ୍ତ୍ଵା ଘୃତ॒ସଦ॒-ମିତ୍ୟା॑ହ । ଅ॒ପାମେ॒ଵୈତେନ॑ ଘୃ॒ତସ୍ୟ॑ ସୂୟତେ । ଵ୍ୟୋ॒ମ॒ସଦ॒-ମିତ୍ୟା॑ହ । ୟ॒ଦା ଵୈ ଵସୀ॑ୟା॒-ନ୍ଭଵ॑ତି । ଵ୍ୟୋ॑ମାଗ॒ନ୍ନିତି॒ ଵୈ ତମା॑ହୁଃ । ଵ୍ୟୋ॑ମୈ॒ଵୈତେନ॑ ଗଚ୍ଛତି ॥ ପୃ॒ଥି॒ଵି॒ଷଦ॑-ନ୍ତ୍ଵା-ଽନ୍ତରିକ୍ଷ॒ସଦ॒-ମିତ୍ୟା॑ହ । ଏ॒ଷାମେ॒ଵୈତେନ॑ ଲୋ॒କାନାଗ୍ମ୍॑ ସୂୟତେ । ତସ୍ମା᳚-ଦ୍ଵାଜପେ-ୟୟା॒ଜୀ ନ କ-ଞ୍ଚ॒ନ ପ୍ର॒ତ୍ୟଵ॑ରୋହତି । ଅପୀ॑ଵ॒ ହି ଦେ॒ଵତା॑ନାଗ୍ମ୍ ସୂ॒ୟତେ᳚ ॥ 54 ॥
ନା॒କ॒ସଦ॒-ମିତ୍ୟା॑ହ । ୟ॒ଦାଵୈ ଵସୀ॑ୟା॒-ନ୍ଭଵ॑ତି । ନାକ॑ମଗ॒ନ୍ନିତି॒ ଵୈ ତମା॑ହୁଃ । ନାକ॑ମେ॒ଵୈତେନ॑ ଗଚ୍ଛତି ॥ ୟେ ଗ୍ରହାଃ᳚ ପଞ୍ଚଜ॒ନୀନା॒ ଇତ୍ୟା॑ହ । ପ॒ଞ୍ଚ॒ଜ॒ନାନା॑-ମେ॒ଵୈତେନ॑ ସୂୟତେ ॥ ଅ॒ପାଗ୍ମ୍ ରସ॒ମୁଦ୍ଵ॑ୟସ॒-ମିତ୍ୟା॑ହ । ଅ॒ପାମେ॒ଵୈତେନ॒ ରସ॑ସ୍ୟ ସୂୟତେ । ସୂର୍ୟ॑ରଶ୍ମିଗ୍ମ୍ ସ॒ମାଭୃ॑ତ॒-ମିତ୍ୟା॑ହ ସଶୁକ୍ର॒ତ୍ଵାୟ॑ ॥ 55 ॥
(ଗ॒ଚ୍ଛ॒ତି॒ – ସୂ॒ୟତେ॒ – +ନଵ॑ ଚ) (ଅ. 9)
ଅନୁଵାକଂ 10 – ପିଣ୍ଡପିତୃୟଜ୍ଞଃ ଦର୍ଶପୂର୍ଣମାସବ୍ରାହ୍ମଣଶେଷଃ
ଇନ୍ଦ୍ରୋ॑ ଵୃ॒ତ୍ରଗ୍ମ୍ ହ॒ତ୍ଵା । ଅସୁ॑ରା-ନ୍ପରା॒ଭାଵ୍ୟ॑ । ସୋ॑-ଽମାଵା॒ସ୍ୟା᳚-ମ୍ପ୍ରତ୍ୟାଗ॑ଚ୍ଛତ୍ । ତେ ପି॒ତରଃ॑ ପୂର୍ଵେ॒ଦ୍ୟୁ-ରାଗ॑ଚ୍ଛନ୍ନ୍ । ପି॒ତୄନ୍. ୟ॒ଜ୍ଞୋ॑-ଽଗଚ୍ଛତ୍ । ତ-ନ୍ଦେ॒ଵାଃ ପୁନ॑ରୟାଚନ୍ତ । ତମେ᳚ଭ୍ୟୋ॒ ନ ପୁନ॑ରଦଦୁଃ । ତେ᳚-ଽବ୍ରୁଵ॒ନ୍ ଵରଂ॑-ଵୃଁଣାମହୈ । ଅଥ॑ ଵଃ॒ ପୁନ॑ର୍ଦାସ୍ୟାମଃ । ଅ॒ସ୍ମଭ୍ୟ॑ମେ॒ଵ ପୂ᳚ର୍ଵେ॒ଦ୍ୟୁଃ କ୍ରି॑ୟାତା॒ ଇତି॑ ॥ 56 ॥
ତମେ᳚ଭ୍ୟଃ॒ ପୁନ॑ରଦଦୁଃ । ତସ୍ମା᳚ତ୍-ପି॒ତୃଭ୍ୟଃ॑ ପୂର୍ଵେ॒ଦ୍ୟୁଃ କ୍ରି॑ୟତେ । ୟ-ତ୍ପି॒ତୃଭ୍ୟଃ॑ ପୂର୍ଵେ॒ଦ୍ୟୁଃ କ॒ରୋତି॑ । ପି॒ତୃଭ୍ୟ॑ ଏ॒ଵ ତ-ଦ୍ୟ॒ଜ୍ଞ-ନ୍ନି॒ଷ୍କ୍ରୀୟ॒ ୟଜ॑ମାନଃ॒ ପ୍ରତ॑ନୁତେ ॥ ସୋମା॑ୟ ପି॒ତୃପୀ॑ତାୟ ସ୍ଵ॒ଧା ନମ॒ ଇତ୍ୟା॑ହ । ପି॒ତୁରେ॒ଵାଧି॑ ସୋମପୀ॒ଥମଵ॑ ରୁନ୍ଧେ । ନ ହି ପି॒ତା ପ୍ର॒ମୀୟ॑ମାଣ॒ ଆହୈ॒ଷ ସୋ॑ମପୀ॒ଥ ଇତି॑ । ଇ॒ନ୍ଦ୍ରି॒ୟଂ-ଵୈଁ ସୋ॑ମପୀ॒ଥଃ । ଇ॒ନ୍ଦ୍ରି॒ୟମେ॒ଵ ସୋ॑ମପୀ॒ଥମଵ॑-ରୁନ୍ଧେ । ତେନ᳚ନ୍ଦ୍ରି॒ୟେଣ॑ ଦ୍ଵି॒ତୀୟା᳚-ଞ୍ଜା॒ୟାମ॒ଭ୍ୟ॑ଶ୍ଞୁତେ ॥ 57 ॥
ଏ॒ତ-ଦ୍ଵୈ ବ୍ରାହ୍ମ॑ଣ-ମ୍ପୁ॒ରା ଵା॑ଜଶ୍ରଵ॒ସା ଵି॒ଦାମ॑କ୍ରନ୍ନ୍ । ତସ୍ମା॒-ତ୍ତେ ଦ୍ଵେଦ୍ଵେ॑ ଜା॒ୟେ ଅ॒ଭ୍ୟା᳚କ୍ଷତ । ୟ ଏ॒ଵଂ-ଵେଁଦ॑ । ଅ॒ଭି ଦ୍ଵି॒ତୀୟା᳚-ଞ୍ଜା॒ୟାମ॑ଶ୍ଞୁତେ ॥ ଅ॒ଗ୍ନୟେ॑ କଵ୍ୟ॒ଵାହ॑ନାୟ ସ୍ଵ॒ଧା ନମ॒ ଇତ୍ୟା॑ହ । ୟ ଏ॒ଵ ପି॑ତୃ॒ଣାମ॒ଗ୍ନିଃ । ତ-ମ୍ପ୍ରୀ॑ଣାତି ॥ ତି॒ସ୍ର ଆହୁ॑ତୀ-ର୍ଜୁହୋତି ॥ ତ୍ରିର୍ନିଦ॑ଧାତି ॥ ଷଟ୍-ଥ୍ସମ୍ପ॑ଦ୍ୟନ୍ତେ ॥ 58 ॥
ଷଡ୍ଵା ଋ॒ତଵଃ॑ । ଋ॒ତୂନେ॒ଵ ପ୍ରୀ॑ଣାତି ॥ ତୂ॒ଷ୍ଣୀ-ମ୍ମେକ୍ଷ॑ଣ॒-ମାଦ॑ଧାତି । ଅସ୍ତି॑ ଵା॒ ହି ଷ॒ଷ୍ଠ ଋ॒ତୁର୍ନ ଵା᳚ ॥ ଦେ॒ଵାନ୍. ଵୈ ପି॒ତୄ-ନ୍ପ୍ରୀ॒ତାନ୍ । ମ॒ନୁ॒ଷ୍ୟାଃ᳚ ପି॒ତରୋ-ଽନୁ॒ ପ୍ରପି॑ପତେ । ତି॒ସ୍ର ଆହୁ॑ତୀ-ର୍ଜୁହୋତି । ତ୍ରିର୍ନିଦ॑ଧାତି । ଷଟ୍-ଥ୍ସମ୍ପ॑ଦ୍ୟନ୍ତେ । ଷଡ୍ଵା ଋ॒ତଵଃ॑ ॥ 59 ॥
ଋ॒ତଵଃ॒ ଖଲୁ॒ ଵୈ ଦେ॒ଵାଃ ପି॒ତରଃ॑ । ଋ॒ତୂନେ॒ଵ ଦେ॒ଵା-ନ୍ପି॒ତୄ-ନ୍ପ୍ରୀ॑ଣାତି । ତାନ୍ପ୍ରୀ॒ତାନ୍ । ମ॒ନୁ॒ଷ୍ୟାଃ᳚ ପି॒ତରୋ-ଽନୁ॒ ପ୍ରପି॑ପତେ ॥ ସ॒କୃ॒ଦା॒ଚ୍ଛି॒ନ୍ନ-ମ୍ବ॒ର୍॒ହି-ର୍ଭ॑ଵତି । ସ॒କୃଦି॑ଵ॒ ହି ପି॒ତରଃ॑ ॥ ତ୍ରିର୍ନିଦ॑ଧାତି । ତୃ॒ତୀୟେ॒ ଵା ଇ॒ତୋ ଲୋ॒କେ ପି॒ତରଃ॑ । ତାନେ॒ଵ ପ୍ରୀ॑ଣାତି ॥ ପରାଂ॒ଆଵ॑ର୍ତତେ ॥ 60 ॥
ହ୍ଲୀକା॒ ହି ପି॒ତରଃ॑ ॥ ଓଷ୍ମଣୋ᳚ ଵ୍ୟା॒ଵୃତ॒ ଉପା᳚ସ୍ତେ । ଊ॒ଷ୍ମଭା॑ଗା॒ ହି ପି॒ତରଃ॑ ॥ ବ୍ର॒ହ୍ମ॒ଵା॒ଦିନୋ॑ ଵଦନ୍ତି । ପ୍ରାଶ୍ୟାଂ(3)ନ ପ୍ରାଶ୍ୟା(3)ମିତି॑ । ୟ-ତ୍ପ୍ରା᳚ଶ୍ଞୀ॒ୟାତ୍ । ଜନ୍ୟ॒ମନ୍ନ॑ମଦ୍ୟାତ୍ । ପ୍ର॒ମାୟୁ॑କ-ସ୍ସ୍ୟାତ୍ । ୟନ୍ନ ପ୍ରା᳚ଶ୍ଞୀ॒ୟାତ୍ । ଅହ॑ଵି-ସ୍ସ୍ୟାତ୍ ॥ 61 ॥
ପି॒ତୃଭ୍ୟ॒ ଆଵୃ॑ଶ୍ଚ୍ୟେତ । ଅ॒ଵ॒ଘ୍ରେୟ॑ମେ॒ଵ । ତନ୍ନେଵ॒ ପ୍ରାଶି॑ତ॒-ନ୍ନେଵାପ୍ରା॑ଶିତମ୍ ॥ ଵୀ॒ରଂ-ଵାଁ॒ ଵୈ ପି॒ତରଃ॑ ପ୍ର॒ୟନ୍ତୋ॒ ହର॑ନ୍ତି । ଵୀ॒ରଂ-ଵାଁ॑ ଦଦତି । ଦ॒ଶା-ଞ୍ଛି॑ନତ୍ତି । ହର॑ଣଭାଗା॒ ହି ପି॒ତରଃ॑ । ପି॒ତୄନେ॒ଵ ନି॒ରଵ॑ଦୟତେ ॥ ଉତ୍ତ॑ର॒ ଆୟୁ॑ଷି॒ ଲୋମ॑ ଛିନ୍ଦୀତ । ପି॒ତୃ॒ଣାଗ୍ ହ୍ୟେ॑ତର୍ହି॒ ନେଦୀ॑ୟଃ ॥ 62 ॥
ନମ॑ସ୍କରୋତି । ନ॒ମ॒ସ୍କା॒ରୋ ହି ପି॑ତୃ॒ଣାମ୍ ॥ ନମୋ॑ ଵଃ ପିତରୋ॒ ରସା॑ୟ । ନମୋ॑ ଵଃ ପିତର॒-ଶ୍ଶୁଷ୍ମା॑ୟ । ନମୋ॑ ଵଃ ପିତରୋ ଜୀ॒ଵାୟ॑ । ନମୋ॑ ଵଃ ପିତର-ସ୍ସ୍ଵ॒ଧାୟୈ᳚ । ନମୋ॑ ଵଃ ପିତରୋ ମ॒ନ୍ୟଵେ᳚ । ନମୋ॑ ଵଃ ପିତରୋ ଘୋ॒ରାୟ॑ । ପିତ॑ରୋ॒ ନମୋ॑ ଵଃ । ୟ ଏ॒ତସ୍ମି॑ନ୍ ଁଲୋ॒କେ ସ୍ଥ ॥ 63 ॥
ୟୁ॒ଷ୍ମାଗ୍ସ୍ତେ-ଽନୁ॑ । ୟେ᳚-ଽସ୍ମିଁଲ୍ଲୋ॒କେ । ମା-ନ୍ତେ ନୁ॑ । ୟ ଏ॒ତସ୍ମି॑ଁଲ୍ଲୋ॒କେ ସ୍ଥ । ୟୂ॒ୟ-ନ୍ତେଷାଂ॒-ଵଁସି॑ଷ୍ଠା ଭୂୟାସ୍ତ । ୟେ᳚-ଽସ୍ମିଁଲ୍ଲୋ॒କେ । ଅ॒ହ-ନ୍ତେଷାଂ॒-ଵଁସି॑ଷ୍ଠୋ ଭୂୟାସ॒ମିତ୍ୟା॑ହ । ଵସି॑ଷ୍ଠ-ସ୍ସମା॒ନାନା᳚-ମ୍ଭଵତି । ୟ ଏ॒ଵଂ-ଵିଁ॒ଦ୍ଵାନ୍-ପି॒ତୃଭ୍ୟଃ॑ କ॒ରୋତି॑ ॥ ଏ॒ଷ ଵୈ ମ॑ନୁ॒ଷ୍ୟା॑ଣାଂ-ୟଁ॒ଜ୍ଞଃ ॥ 64 ॥
ଦେ॒ଵାନାଂ॒-ଵାଁ ଇତ॑ରେ ୟ॒ଜ୍ଞାଃ । ତେନ॒ ଵା ଏ॒ତ-ତ୍ପି॑ତୃଲୋ॒କେ ଚ॑ରତି ॥ ୟ-ତ୍ପି॒ତୃଭ୍ୟଃ॑ କ॒ରୋତି॑ । ସ ଈ᳚ଶ୍ଵ॒ରଃ ପ୍ରମେ॑ତୋଃ । ପ୍ରା॒ଜା॒ପ॒ତ୍ୟୟ॒ର୍ଚା ପୁନ॒ରୈତି॑ । ୟ॒ଜ୍ଞୋ ଵୈ ପ୍ର॒ଜାପ॑ତିଃ । ୟ॒ଜ୍ଞେନୈ॒ଵ ସ॒ହ ପୁନ॒ରୈତି॑ । ନ ପ୍ର॒ମାୟୁ॑କୋ ଭଵତି ॥ ପି॒ତୃ॒ଲୋ॒କେ ଵା ଏ॒ତ-ଦ୍ୟଜ॑ମାନଶ୍ଚରତି । ୟ-ତ୍ପି॒ତୃଭ୍ୟଃ॑ କ॒ରୋତି॑ । ସ ଈ᳚ଶ୍ଵ॒ର ଆର୍ତି॒ମାର୍ତୋଃ᳚ । ପ୍ର॒ଜାପ॑ତି॒-ସ୍ତ୍ଵାଵୈନ॒-ନ୍ତତ॒ ଉନ୍ନେ॑ତୁମର୍ହ॒ତୀତ୍ୟା॑ହୁଃ । ୟ-ତ୍ପ୍ରା॑ଜାପ॒ତ୍ୟୟ॒ର୍ଚା ପୁନ॒ରୈତି॑ । ପ୍ର॒ଜାପ॑ତିରେ॒ଵୈନ॒-ନ୍ତତ॒ ଉନ୍ନ॑ୟତି । ନାର୍ତି॒ମାର୍ଚ୍ଛ॑ତି॒ ୟଜ॑ମାନଃ ॥ 65 ॥
(ଇତ୍ୟ॑ – ଶ୍ଞୁତେ – ପଦ୍ୟନ୍ତେ – ପଦ୍ୟନ୍ତେ॒ ଷଡ୍ଵା ଋ॒ତଵୋ॑ – ଵର୍ତ॒ତେ-ଽ – ହ॑ଵି-ସ୍ସ୍ୟା॒ନ୍ – ନେଦୀ॑ୟଃ॒ – ସ୍ଥ – ୟ॒ଜ୍ଞୋ – ୟଜ॑ମାନଶ୍ଚରତି॒ ୟ-ତ୍ପି॒ତୃଭ୍ୟଃ॑ କ॒ରୋତି॒ ପଞ୍ଚ॑ ଚ) (ଅ. 10)
(ଦେ॒ଵା॒ସୁ॒ରା ଅ॒ଗ୍ନୀଷୋମ॑ୟୋ–ର୍ ଦେ॒ଵା ଵୈ ୟଥା॒ ଦର୍ଶଂ॑ – ଦେ॒ଵା ଵୈ ୟଦ॒ନ୍ୟୈ-ର୍ଗ୍ରହୈ᳚–ର୍ ବ୍ରହ୍ମଵା॒ଦିନୋ॒ ନାଗ୍ନି॑ଷ୍ଟୋ॒ମୋ ନ – ସା॑ଵି॒ତ୍ରଂ – ଦେ॒ଵସ୍ୟା॒ହଂ – ତା॒ର୍ପ୍ୟଗ୍ମ୍ – ସ॒ପ୍ତାନ୍ନ॑ହୋ॒ମାନ୍ – ନୃ॒ଷଦଂ॒ – ତ୍ଵେନ୍ଦ୍ରୋ॑ ଵୃ॒ତ୍ରଗ୍ମ୍ ହ॒ତ୍ଵା ଦଶ॑)
(ଦେ॒ଵା॒ସୁ॒ରା – ଵା॒ଜ୍ୟେ॑ଵୈନଂ॒ – ତସ୍ମା᳚-ଦ୍ଵାଜପେୟୟା॒ଜୀ – ଦେ॒ଵସ୍ୟା॒ହଂ – ଁଵାଜ॒ସ୍ୟାଵ॑ରୁଦ୍ଧ୍ୟା- ଇନ୍ଦ୍ରି॒ୟମେ॒ଵାସ୍ମି॒ନ୍॒. – ହ୍ଲୀକା॒ ହି ପି॒ତରଃ॒ ପଞ୍ଚ॑ଷଷ୍ଟିଃ)
(ଦେ॒ଵା॒ସୁ॒ରା – ୟଜ॑ମାନଃ)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ପ୍ରଥମାଷ୍ଟକେ ତୃତୀୟଃ ପ୍ରପାଠକ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 1.3 - ଵାଜପେୟବ୍ରାହ୍ମଣଂ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଦେଵାସୁରାଃ ସଂ ୟତ୍ତା?
1.3 - ଵାଜପେୟବ୍ରାହ୍ମଣଂ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଦେଵାସୁରାଃ ସଂ ୟତ୍ତା is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 1.3 - ଵାଜପେୟବ୍ରାହ୍ମଣଂ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଦେଵାସୁରାଃ ସଂ ୟତ୍ତା online?
Yes. The imported text is available directly on this page for online reading and recitation.
Can I download 1.3 - ଵାଜପେୟବ୍ରାହ୍ମଣଂ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଦେଵାସୁରାଃ ସଂ ୟତ୍ତା as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.