1.4 – ସୋମାଦିବ୍ରାହ୍ମଣଂ – କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ – ଉଭୟେ ଵା
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ପ୍ରଥମାଷ୍ଟକେ ଚତୁର୍ଥଃ ପ୍ରପାଠକଃ – ସୋମାଦିବ୍ରାହ୍ମଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଅନୁଵାକଂ 1 – ଗ୍ରହଣା ଗ୍ରହଣମ୍
ଉ॒ଭୟେ॒ ଵା ଏ॒ତେ ପ୍ର॒ଜାପ॑ତେ॒ରଦ୍ଧ୍ୟ॑-ସୃଜ୍ୟନ୍ତ । ଦେ॒ଵାଶ୍ଚାସୁ॑ରାଶ୍ଚ । ତାନ୍ନ ଵ୍ୟ॑ଜାନାତ୍ । ଇ॒ମେ᳚-ଽନ୍ୟ ଇ॒ମେ᳚-ଽନ୍ୟ ଇତି॑ । ସ ଦେ॒ଵାନ॒ଗ୍ମ୍॒ ଶୂନ॑କରୋତ୍ । ତାନ॒ଭ୍ୟ॑ଷୁଣୋତ୍ । ତା-ନ୍ପ॒ଵିତ୍ରେ॑ଣା-ପୁନାତ୍ । ତାନ୍-ପ॒ରସ୍ତା᳚ତ୍-ପ॒ଵିତ୍ର॑ସ୍ୟ॒-ଵ୍ୟ॑ଗୃହ୍ଣାତ୍ । ତେ ଗ୍ରହା॑ ଅଭଵନ୍ନ୍ । ତଦ୍ଗ୍ରହା॑ଣା-ଙ୍ଗ୍ରହ॒ତ୍ଵମ୍ ॥ 1 ॥
ଦେ॒ଵତା॒ ଵା ଏ॒ତା ୟଜ॑ମାନସ୍ୟ ଗୃ॒ହେ ଗୃ॑ହ୍ୟନ୍ତେ । ୟ-ଦ୍ଗ୍ରହାଃ᳚ । ଵି॒ଦୁରେ॑ନ-ନ୍ଦେ॒ଵାଃ । ୟସ୍ୟୈ॒ଵଂ-ଵିଁ॒ଦୁଷ॑ ଏ॒ତେ ଗ୍ରହା॑ ଗୃ॒ହ୍ୟନ୍ତେ᳚ ॥ ଏ॒ଷା ଵୈ ସୋମ॒ସ୍ୟାହୁ॑ତିଃ । ୟଦୁ॑ପା॒ଗ୍ମ୍॒ଶୁଃ । ସୋମେ॑ନ ଦେ॒ଵାଗ୍ ସ୍ତ॑ର୍ପୟା॒ଣୀତି॒ ଖଲୁ॒ ଵୈ ସୋମେ॑ନ ୟଜତେ । ୟଦୁ॑ପା॒ଗ୍ମ୍॒ଶୁ-ଞ୍ଜୁ॒ହୋତି॑ । ସୋମେ॑ନୈ॒ଵ ତ-ଦ୍ଦେ॒ଵାଗ୍ ସ୍ତ॑ର୍ପୟତି ॥ ୟଦ୍ଗ୍ରହା᳚ଞ୍ଜୁ॒ହୋତି॑ ॥ 2 ॥
ଦେ॒ଵା ଏ॒ଵ ତ-ଦ୍ଦେ॒ଵାନ୍-ଗ॑ଚ୍ଛନ୍ତି ॥ ୟଚ୍ଚ॑ମ॒ସାଞ୍ଜୁ॒ହୋତି॑ । ତେନୈ॒ଵାନୁ॑ରୂପେଣ॒ ୟଜ॑ମାନ-ସ୍ସୁଵ॒ର୍ଗଂ-ଲୋଁ॒କମେ॑ତି ॥ କି-ନ୍ନ୍ଵେ॑ତଦଗ୍ର॑ ଆସୀ॒ଦିତ୍ୟା॑ହୁଃ । ୟ-ତ୍ପାତ୍ରା॒ଣୀତି॑ । ଇ॒ୟଂ-ଵାଁ ଏ॒ତଦଗ୍ର॑ ଆସୀତ୍ । ମୃ॒ନ୍ମୟା॑ନି॒ ଵା ଏ॒ତାନ୍ୟା॑ସନ୍ନ୍ । ତୈର୍ଦେ॒ଵା ନ ଵ୍ୟା॒ଵୃତ॑-ମଗଚ୍ଛନ୍ନ୍ । ତ ଏ॒ତାନି॑ ଦାରୁ॒ମୟା॑ଣି॒ ପାତ୍ରା᳚ଣ୍ୟ-ପଶ୍ୟନ୍ନ୍ । ତାନ୍ୟ॑କୁର୍ଵତ ॥ 3 ॥
ତୈର୍ଵୈ ତେ ଵ୍ୟା॒ଵୃତ॑-ମଗଚ୍ଛନ୍ନ୍ । ୟ-ଦ୍ଦା॑ରୁ॒ମୟା॑ଣି॒ ପାତ୍ରା॑ଣି॒ ଭଵ॑ନ୍ତି । ଵ୍ୟା॒ଵୃତ॑ମେ॒ଵ ତୈ-ର୍ୟଜ॑ମାନୋ ଗଚ୍ଛତି ॥ ୟାନି॑ ଦାରୁ॒ମୟା॑ଣି॒ ପାତ୍ରା॑ଣି॒ ଭଵ॑ନ୍ତି । ଅ॒ମୁମେ॒ଵ ତୈ-ର୍ଲୋ॒କ-ମ॒ଭିଜ॑ୟତି । ୟାନି॑ ମୃ॒ନ୍ମୟା॑ନି । ଇ॒ମମେ॒ଵ ତୈ-ର୍ଲୋ॒କ-ମ॒ଭିଜ॑ୟତି ॥ ବ୍ର॒ହ୍ମ॒ଵା॒ଦିନୋ॑ ଵଦନ୍ତି । କାଶ୍ଚତ॑ସ୍ର-ସ୍ସ୍ଥା॒ଲୀର୍ଵା॑ୟ॒ଵ୍ୟା᳚-ସ୍ସୋମ॒ଗ୍ରହ॑ଣୀ॒ରିତି॑ । ଦେ॒ଵା ଵୈ ପୃଶ୍ଞି॑ମଦୁହ୍ରନ୍ନ୍ ॥ 4 ॥
ତସ୍ୟା॑ ଏ॒ତେ ସ୍ତନା॑ ଆସନ୍ନ୍ । ଇ॒ୟଂ-ଵୈଁ ପୃଶ୍ଞିଃ॑ । ତାମା॑ଦି॒ତ୍ୟା ଆ॑ଦିତ୍ୟସ୍ଥା॒ଲ୍ୟା ଚତୁ॑ଷ୍ପଦଃ ପ॒ଶୂନ॑ଦୁହ୍ରନ୍ନ୍ । ୟଦା॑ଦିତ୍ୟସ୍ଥା॒ଲୀ ଭଵ॑ତି । ଚତୁ॑ଷ୍ପଦ ଏ॒ଵ ତୟା॑ ପ॒ଶୂନ୍. ୟଜ॑ମାନ ଇ॒ମା-ନ୍ଦୁ॑ହେ । ତାମିନ୍ଦ୍ର॑ ଉକ୍ଥ୍ୟସ୍ଥା॒ଲ୍ୟେନ୍ଦ୍ରି॒ୟ-ମ॑ଦୁହତ୍ । ୟଦୁ॑କ୍ଥ୍ୟସ୍ଥା॒ଲୀ ଭଵ॑ତି । ଇ॒ନ୍ଦ୍ରି॒ୟମେ॒ଵ ତୟା॒ ୟଜ॑ମାନ ଇ॒ମା-ନ୍ଦୁ॑ହେ । ତାଂ-ଵିଁଶ୍ଵେ॑ ଦେ॒ଵା ଆ᳚ଗ୍ରୟଣସ୍ଥା॒ଲ୍ୟୋର୍ଜ॑-ମଦୁହ୍ରନ୍ନ୍ । ୟଦା᳚ଗ୍ରୟଣସ୍ଥା॒ଲୀ ଭଵ॑ତି ॥ 5 ॥
ଊର୍ଜ॑ମେ॒ଵ ତୟା॒ ୟଜ॑ମାନ ଇ॒ମା-ନ୍ଦୁ॑ହେ । ତା-ମ୍ମ॑ନୁ॒ଷ୍ୟା᳚ ଧ୍ରୁଵସ୍ଥା॒ଲ୍ୟା ଽଽୟୁ॑ରଦୁହ୍ରନ୍ନ୍ । ୟଦ୍ଧ୍ରୁ॑ଵସ୍ଥା॒ଲୀ ଭଵ॑ତି । ଆୟୁ॑ରେ॒ଵ ତୟା॒ ୟଜ॑ମାନ ଇ॒ମା-ନ୍ଦୁ॑ହେ । ସ୍ଥା॒ଲ୍ୟା ଗୃ॒ହ୍ଣାତି॑ । ଵା॒ୟ॒ଵ୍ୟେ॑ନ ଜୁହୋତି । ତସ୍ମା॑ଦ॒ନ୍ୟେନ॒ ପାତ୍ରେ॑ଣ ପ॒ଶୂ-ନ୍ଦୁ॒ହନ୍ତି॑ । ଅ॒ନ୍ୟେନ॒ ପ୍ରତି॑ଗୃହ୍ଣନ୍ତି । ଅଥୋ᳚ ଵ୍ୟା॒ଵୃତ॑ମେ॒ଵ ତ-ଦ୍ୟଜ॑ମାନୋ ଗଚ୍ଛତି ॥ 6 ॥
(ଗ୍ର॒ହ॒ତ୍ଵଂ – ଗ୍ରହା᳚ନ୍ ଜୁ॒ହୋତ୍ୟ॑-କୁର୍ଵ-ତାଦୁହ୍ର-ନ୍ନାଗ୍ରୟଣସ୍ଥା॒ଲୀ ଭଵ॑ତି॒-+ନଵ॑ ଚ) (ଅ. 1)
ଅନୁଵାକଂ 2 – ସୋତ୍ରାମଣୀଶେଷା ମନ୍ତ୍ରାଃ
ୟୁ॒ଵଗ୍ମ୍ ସୁ॒ରାମ॑ମଶ୍ଵିନା । ନମୁ॑ଚାଵା-ଽସୁ॒ରେ ସଚା᳚ । ଵି॒ପି॒ପା॒ନା ଶୁ॑ଭସ୍ପତୀ । ଇନ୍ଦ୍ର॒-ଙ୍କର୍ମ॑ସ୍ଵାଵତମ୍ ॥ ପୁ॒ତ୍ରମି॑ଵ ପି॒ତରା॑ଵ॒ଶ୍ଵିନୋ॒ଭା । ଇନ୍ଦ୍ରାଵ॑ତ॒-ଙ୍କର୍ମ॑ଣା ଦ॒ଗ୍ମ୍॒ସନା॑ଭିଃ । ୟ-ଥ୍ସୁ॒ରାମଂ॒-ଵ୍ୟଁପି॑ବ॒-ଶ୍ଶଚୀ॑ଭିଃ । ସର॑ସ୍ଵତୀ ତ୍ଵା ମଘଵନ୍ନଭୀଷ୍ଣାତ୍ ॥ ଅହା᳚ଵ୍ୟଗ୍ନେ ହ॒ଵିରା॒ସ୍ୟେ॑ ତେ । ସ୍ରୁ॒ଚୀଵ॑ ଘୃ॒ତ-ଞ୍ଚ॒ମୂ ଇ॑ଵ॒ ସୋମଃ॑ ॥ 7 ॥
ଵା॒ଜ॒ସନିଗ୍ମ୍॑ ର॒ୟିମ॒ସ୍ମେ ସୁ॒ଵୀର᳚ମ୍ । ପ୍ର॒ଶ॒ସ୍ତ-ନ୍ଧେ॑ହି ୟ॒ଶସ॑-ମ୍ବୃ॒ହନ୍ତ᳚ମ୍ ॥ ୟସ୍ମି॒ନ୍ନଶ୍ଵା॑ସ ଋଷ॒ଭାସ॑ ଉ॒କ୍ଷଣଃ॑ । ଵ॒ଶା ମେ॒ଷା ଅ॑ଵସୃ॒ଷ୍ଟାସ॒ ଆହୁ॑ତାଃ । କୀ॒ଲା॒ଲ॒ପେ ସୋମ॑ପୃଷ୍ଠାୟ ଵେ॒ଧସେ᳚ । ହୃ॒ଦାମ॒ତି-ଞ୍ଜ॑ନୟ॒ ଚାରୁ॑ମ॒ଗ୍ନୟେ᳚ ॥ ନାନା॒ ହି ଵା᳚-ନ୍ଦେ॒ଵହି॑ତ॒ଗ୍ମ୍॒ ସଦୋ॑ ମି॒ତମ୍ । ମା ସଗ୍ମ୍ସୃ॑କ୍ଷାଥା-ମ୍ପର॒ମେ ଵ୍ୟୋ॑ମନ୍ନ୍ । ସୁରା॒ ତ୍ଵମସି॑ ଶୁ॒ଷ୍ମିଣୀ॒ ସୋମ॑ ଏ॒ଷଃ । ମା ମା॑ ହିଗ୍ମ୍ସୀ॒-ସ୍ସ୍ଵାଂ-ୟୋଁନି॑ମାଵି॒ଶନ୍ନ୍ ॥ 8 ॥
ୟଦତ୍ର॑ ଶି॒ଷ୍ଟଗ୍ମ୍ ର॒ସିନ॑-ସ୍ସୁ॒ତସ୍ୟ॑ । ୟଦିନ୍ଦ୍ରୋ॒ ଅପି॑ବ॒ଚ୍ଛଚୀ॑ଭିଃ । ଅ॒ହ-ନ୍ତଦ॑ସ୍ୟ॒ ମନ॑ସା ଶି॒ଵେନ॑ । ସୋମ॒ଗ୍ମ୍॒ ରାଜା॑ନମି॒ହ ଭ॑କ୍ଷୟାମି ॥ ଦ୍ଵେ ସ୍ରୁ॒ତୀ ଅ॑ଶୃଣଵ-ମ୍ପିତୃ॒ଣାମ୍ । ଅ॒ହ-ନ୍ଦେ॒ଵାନା॑ମୁ॒ତ ମର୍ତ୍ୟା॑ନାମ୍ । ତାଭ୍ୟା॑ମି॒ଦଂ-ଵିଁଶ୍ଵ॒-ମ୍ଭୁଵ॑ନ॒ଗ୍ମ୍॒ ସମେ॑ତି । ଅ॒ନ୍ତ॒ରା ପୂର୍ଵ॒ମପ॑ର-ଞ୍ଚ କେ॒ତୁମ୍ ॥ ୟସ୍ତେ॑ ଦେଵ ଵରୁଣ ଗାୟ॒ତ୍ରଛ॑ନ୍ଦାଃ॒ ପାଶଃ॑ । ତ-ନ୍ତ॑ ଏ॒ତେନାଵ॑ୟଜେ ॥ 9 ॥
ୟସ୍ତେ॑ ଦେଵ ଵରୁଣ ତ୍ରି॒ଷ୍ଟୁପ୍ଛ॑ନ୍ଦାଃ॒ ପାଶଃ॑ । ତ-ନ୍ତ॑ ଏ॒ତେନାଵ॑ୟଜେ । ୟସ୍ତେ॑ ଦେଵ ଵରୁଣ॒ ଜଗ॑ତୀଛନ୍ଦାଃ॒ ପାଶଃ॑ । ତ-ନ୍ତ॑ ଏ॒ତେନାଵ॑ୟଜେ ॥ ସୋମୋ॒ ଵା ଏ॒ତସ୍ୟ॑ ରା॒ଜ୍ୟମାଦ॑ତ୍ତେ । ୟୋ ରାଜା॒ ସ-ନ୍ରା॒ଜ୍ୟୋ ଵା॒ ସୋମେ॑ନ॒ ୟଜ॑ତେ । ଦେ॒ଵ॒ସୁ॒ଵାମେ॒ତାନି॑ ହ॒ଵୀଗ୍ମ୍ଷି॑ ଭଵନ୍ତି । ଏ॒ତାଵ॑ନ୍ତୋ॒ ଵୈ ଦେ॒ଵାନାଗ୍ମ୍॑ ସ॒ଵାଃ । ତ ଏ॒ଵାସ୍ମୈ॑ ସ॒ଵା-ନ୍ପ୍ରୟ॑ଚ୍ଛନ୍ତି । ତ ଏ॑ନ॒-ମ୍ପୁନ॑-ସ୍ସୁଵନ୍ତେ ରା॒ଜ୍ୟାୟ॑ । ଦେ॒ଵ॒ସୂ ରାଜା॑ ଭଵତି ॥ 10 ॥
(ସୋମ॑ – ଆଵି॒ଶନ୍. – ୟ॑ଜେ – ରା॒ଜ୍ୟାୟୈକଂ॑ ଚ) (ଅ. 2)
ଅନୁଵାକଂ 3 – ଦୋହପ୍ରାୟଶ୍ଚିତ୍ତମ୍, ଅଗ୍ନିହୋତ୍ରେ
ଉଦ॑ସ୍ଥା-ଦ୍ଦେ॒ଵ୍ୟଦି॑ତି-ର୍ଵିଶ୍ଵରୂ॒ପୀ । ଆୟୁ॑ର୍ୟ॒ଜ୍ଞପ॑ତାଵଧାତ୍ । ଇନ୍ଦ୍ରା॑ୟ କୃଣ୍ଵ॒ତୀ ଭା॒ଗମ୍ । ମି॒ତ୍ରାୟ॒ ଵରୁ॑ଣାୟ ଚ ॥ ଇ॒ୟଂ-ଵାଁ ଅ॑ଗ୍ନିହୋ॒ତ୍ରୀ । ଇ॒ୟଂ-ଵାଁ ଏ॒ତସ୍ୟ॒ ନିଷୀ॑ଦତି । ୟସ୍ୟା᳚ଗ୍ନିହୋ॒ତ୍ରୀ ନି॒ଷୀଦ॑ତି । ତାମୁତ୍ଥା॑ପୟେତ୍ । ଉଦ॑ସ୍ଥା-ଦ୍ଦେ॒ଵ୍ୟଦି॑ତି॒ରିତି॑ । ଇ॒ୟଂ-ଵୈଁ ଦେ॒ଵ୍ୟଦି॑ତିଃ ॥ 11 ॥
ଇ॒ମାମେ॒ଵାସ୍ମା॒ ଉତ୍ଥା॑ପୟତି ॥ ଆୟୁ॑ର୍ୟ॒ଜ୍ଞପ॑ତାଵଧା॒ଦିତ୍ୟା॑ହ । ଆୟୁ॑ରେ॒ଵାସ୍ମି॑-ନ୍ଦଧାତି ॥ ଇନ୍ଦ୍ରା॑ୟ କୃଣ୍ଵ॒ତୀ ଭା॒ଗ-ମ୍ମି॒ତ୍ରାୟ॒ ଵରୁ॑ଣାୟ॒ ଚେତ୍ୟା॑ହ । ୟ॒ଥା॒ ୟ॒ଜୁରେ॒ଵୈତତ୍ ॥ ଅଵ॑ର୍ତିଂ॒-ଵାଁ ଏ॒ଷୈତସ୍ୟ॑ ପା॒ପ୍ମାନ॑-ମ୍ପ୍ରତି॒ଖ୍ୟାୟ॒ ନିଷୀ॑ଦତି । ୟସ୍ୟା᳚-ଗ୍ନିହୋ॒ତ୍ର୍ୟୁପ॑ସୃଷ୍ଟା ନି॒ଷୀଦ॑ତି । ତା-ନ୍ଦୁ॒ଗ୍ଧ୍ଵା ବ୍ରା᳚ହ୍ମ॒ଣାୟ॑ ଦଦ୍ୟାତ୍ । ୟସ୍ୟାନ୍ନ॒-ନ୍ନାଦ୍ୟାତ୍ । ଅଵ॑ର୍ତିମେ॒ଵାସ୍ମି॑-ନ୍ପା॒ପ୍ମାନ॒-ମ୍ପ୍ରତି॑ମୁଞ୍ଚତି ॥ 12 ॥
ଦୁ॒ଗ୍ଧ୍ଵା ଦ॑ଦାତି । ନ ହ୍ୟଦୃ॑ଷ୍ଟା॒ ଦକ୍ଷି॑ଣା ଦୀ॒ୟତେ᳚ ॥ ପୃ॒ଥି॒ଵୀଂ-ଵାଁ ଏ॒ତସ୍ୟ॒ ପୟଃ॒ ପ୍ରଵି॑ଶତି । ୟସ୍ୟା᳚ଗ୍ନିହୋ॒ତ୍ର-ନ୍ଦୁ॒ହ୍ୟମା॑ନ॒ଗ୍ଗ୍॒ ସ୍କନ୍ଦ॑ତି ॥ ୟଦ॒ଦ୍ୟ ଦୁ॒ଗ୍ଧ-ମ୍ପୃ॑ଥି॒ଵୀମସ॑କ୍ତ । ୟଦୋଷ॑ଧୀ-ର॒ପ୍ୟସ॑ର॒-ଦ୍ୟଦାପଃ॑ । ପୟୋ॑ ଗୃ॒ହେଷୁ॒ ପୟୋ॑ ଅଘ୍ନି॒ୟାସୁ॑ । ପୟୋ॑ ଵ॒ଥ୍ସେଷୁ॒ ପୟୋ॑ ଅସ୍ତୁ॒ ତନ୍ମୟୀତ୍ୟା॑ହ । ପୟ॑ ଏ॒ଵାତ୍ମ-ନ୍ଗୃ॒ହେଷୁ॑ ପ॒ଶୁଷୁ॑ ଧତ୍ତେ ॥ ଅ॒ପ ଉପ॑ସୃଜତି ॥ 13 ॥
ଅ॒ଦ୍ଭିରେ॒ଵୈନ॑ଦାପ୍ନୋତି ॥ ୟୋ ଵୈ ୟ॒ଜ୍ଞସ୍ୟାର୍ତେ॒ନାନା᳚ର୍ତଗ୍ମ୍ ସଗ୍ମ୍ ସୃ॒ଜତି॑ । ଉ॒ଭେ ଵୈ ତେ ତର୍ହ୍ୟାର୍ଚ୍ଛ॑ତଃ । ଆର୍ଚ୍ଛ॑ତି॒ ଖଲୁ॒ ଵା ଏ॒ତଦ॑ଗ୍ନିହୋ॒ତ୍ରମ୍ । ୟ-ଦ୍ଦୁ॒ହ୍ୟମା॑ନ॒ଗ୍ଗ୍॒ ସ୍କନ୍ଦ॑ତି । ୟଦ॑ଭିଦୁ॒ହ୍ୟାତ୍ । ଆର୍ତେ॒ନାନା᳚ର୍ତଂ-ୟଁ॒ଜ୍ଞସ୍ୟ॒ ସଗ୍ମ୍ସୃ॑ଜେତ୍ । ତଦେ॒ଵ ୟା॒ଦୃକ୍କୀ॒ଦୃକ୍ଚ॑ ହୋତ॒ଵ୍ୟ᳚ମ୍ । ଅଥା॒ନ୍ୟା-ନ୍ଦୁ॒ଗ୍ଧ୍ଵା ପୁନ॑ର୍-ହୋତ॒ଵ୍ୟ᳚ମ୍ । ଅନା᳚ର୍ତେନୈ॒ଵାର୍ତଂ॑-ୟଁ॒ଜ୍ଞସ୍ୟ॒ ନିଷ୍କ॑ରୋତି ॥ 14 ॥
ୟ-ଦ୍ୟୁଦ୍ଦ୍ରୁ॑ତସ୍ୟ॒ ସ୍କନ୍ଦେ᳚ତ୍ । ୟ-ତ୍ତତୋ-ଽହୁ॑ତ୍ଵା॒ ପୁନ॑ରେ॒ୟାତ୍ । ୟ॒ଜ୍ଞଂ-ଵିଁଚ୍ଛି॑ନ୍ଦ୍ୟାତ୍ । ୟତ୍ର॒ ସ୍କନ୍ଦେ᳚ତ୍ । ତନ୍ନି॒ଷଦ୍ୟ॒ ପୁନ॑ର୍ଗୃହ୍ଣୀୟାତ୍ । ୟତ୍ରୈ॒ଵ ସ୍କନ୍ଦ॑ତି । ତତ॑ ଏ॒ଵୈନ॒ତ୍-ପୁନ॑ର୍ଗୃହ୍ଣାତି । ତଦେ॒ଵ ୟା॒ଦୃକ୍-କୀ॒ଦୃକ୍ଚ॑ ହୋତ॒ଵ୍ୟ᳚ମ୍ । ଅଥା॒ନ୍ୟା-ନ୍ଦୁ॒ଗ୍ଧ୍ଵା ପୁନ॑ର୍-ହୋତ॒ଵ୍ୟ᳚ମ୍ । ଅନା᳚ର୍ତେନୈ॒ଵାର୍ତଂ॑-ୟଁ॒ଜ୍ଞସ୍ୟ॒ ନିଷ୍କ॑ରୋତି ॥ 15 ॥
ଵି ଵା ଏ॒ତସ୍ୟ॑ ୟ॒ଜ୍ଞଶ୍ଛି॑ଦ୍ୟତେ । ୟସ୍ୟା᳚ଗ୍ନିହୋ॒ତ୍ରେ॑-ଽଧିଶ୍ରି॑ତେ॒ ଶ୍ଵା-ଽନ୍ତ॒ରା ଧାଵ॑ତି । ରୁ॒ଦ୍ରଃ ଖଲୁ॒ ଵା ଏ॒ଷଃ । ୟଦ॒ଗ୍ନିଃ । ୟ-ଦ୍ଗାମ॑ନ୍ଵତ୍ୟାଵ॒ର୍ତୟେ᳚ତ୍ । ରୁ॒ଦ୍ରାୟ॑ ପ॒ଶୂ-ନପି॑ଦଦ୍ଧ୍ୟାତ୍ । ଅ॒ପ॒ଶୁ-ର୍ୟଜ॑ମାନ-ସ୍ସ୍ୟାତ୍ । ୟଦ॒ପୋ᳚ ଽନ୍ଵତିଷି॒ଞ୍ଚେତ୍ । ଅ॒ନା॒ଦ୍ୟ-ମ॒ଗ୍ନେରାପଃ॑ । ଅ॒ନା॒ଦ୍ୟମା᳚ଭ୍ୟା॒-ମପି॑ଦଦ୍ଧ୍ୟାତ୍ । ଗାର୍ହ॑ପତ୍ୟା॒-ଦ୍ଭସ୍ମା॒ଦାୟ॑ । ଇ॒ଦଂ-ଵିଁଷ୍ଣୁ॒-ର୍ଵିଚ॑କ୍ରମ॒ ଇତି॑ ଵୈଷ୍ଣ॒ଵ୍ୟର୍ଚା ଽଽହ॑ଵ॒ନୀୟା᳚ଦ୍ଧ୍ଵ॒ଗ୍ମ୍॒ ସୟ॒ନ୍ନୁଦ୍ର॑ଵେତ୍ । ୟ॒ଜ୍ଞୋ ଵୈ ଵିଷ୍ଣୁଃ॑ । ୟ॒ଜ୍ଞେନୈ॒ଵ ୟ॒ଜ୍ଞଗ୍ମ୍ ସନ୍ତ॑ନୋତି । ଭସ୍ମ॑ନା ପ॒ଦମପି॑ଵପତି॒ ଶାନ୍ତ୍ୟୈ᳚ ॥ 16 ॥
(ଵୈ ଦେ॒ଵ୍ୟଦି॑ତି–ର୍ ମୁଞ୍ଚତି – ସୃଜତି – କରୋତି – କରୋତ୍ୟା – ଭ୍ୟା॒ମପି॑ଦଦ୍ଧ୍ୟା॒-ତ୍ପଞ୍ଚ॑ ଚ) (ଅ. 3)
ଅନୁଵାକଂ 4 – ଅଗ୍ନିପ୍ରାୟଶ୍ଚିତ୍ତଂ ଅଗ୍ନିହୋତ୍ରେ
ନି ଵା ଏ॒ତସ୍ୟା॑ହଵ॒ନୀୟୋ॒ ଗାର୍ହ॑ପତ୍ୟ-ଙ୍କାମୟତେ । ନି ଗାର୍ହ॑ପତ୍ୟ ଆହଵ॒ନୀୟ᳚ମ୍ । ୟସ୍ୟା॒ଗ୍ନିମନୁ॑ଦ୍ଧୃତ॒ଗ୍ମ୍॒ ସୂର୍ୟୋ॒-ଽଭିନି॒ମ୍ରୋଚ॑ତି । ଦ॒ର୍ଭେଣ॒ ହିର॑ଣ୍ୟ-ମ୍ପ୍ର॒ବଦ୍ଧ୍ୟ॑ ପୁ॒ରସ୍ତା᳚ଦ୍ଧରେତ୍ । ଅଥା॒ଗ୍ନିମ୍ । ଅଥା᳚ଗ୍ନିହୋ॒ତ୍ରମ୍ । ୟଦ୍ଧିର॑ଣ୍ୟ-ମ୍ପୁ॒ରସ୍ତା॒ଦ୍ଧର॑ତି । ଜ୍ୟୋତି॒ର୍ଵୈ ହିର॑ଣ୍ୟମ୍ । ଜ୍ୟୋତି॑ରେ॒ଵୈନ॒-ମ୍ପଶ୍ୟ॒-ନ୍ନୁଦ୍ଧ॑ରତି । ୟଦ॒ଗ୍ନି-ମ୍ପୂର୍ଵ॒ଗ୍ମ୍॒ ହର॒ତ୍ୟଥା᳚-ଗ୍ନିହୋ॒ତ୍ରମ୍ ॥ 17 ॥
ଭା॒ଗ॒ଧେୟେ॑ନୈ॒ଵୈନ॒-ମ୍ପ୍ରଣ॑ୟତି ॥ ବ୍ରା॒ହ୍ମ॒ଣ ଆ॑ର୍ଷେ॒ୟ ଉଦ୍ଧ॑ରେତ୍ । ବ୍ରା॒ହ୍ମ॒ଣୋ ଵୈ ସର୍ଵା॑ ଦେ॒ଵତାଃ᳚ । ସର୍ଵା॑ଭିରେ॒ଵୈନ॑-ନ୍ଦେ॒ଵତା॑ଭି॒ରୁଦ୍ଧ॑ରତି ॥ ଅ॒ଗ୍ନି॒ହୋ॒ତ୍ର-ମୁ॑ପ॒ସା-ଦ୍ୟାତମି॑ତୋ-ରାସୀତ । ଵ୍ର॒ତମେ॒ଵ ହ॒ତମନୁ॑ ମ୍ରିୟତେ ॥ ଅନ୍ତଂ॒-ଵାଁ ଏ॒ଷ ଆ॒ତ୍ମନୋ॑ ଗଚ୍ଛତି । ୟସ୍ତାମ୍ୟ॑ତି । ଅନ୍ତ॑ମେ॒ଷ ୟ॒ଜ୍ଞସ୍ୟ॑ ଗଚ୍ଛତି । ୟସ୍ୟା॒ଗ୍ନିମନୁ॑ଦ୍ଧୃତ॒ଗ୍ମ୍॒ ସୂର୍ୟୋ॒-ଽଭିନି॒ମ୍ରୋଚ॑ତି ॥ 18 ॥
ପୁନ॑-ସ୍ସ॒ମନ୍ୟ॑ ଜୁହୋତି । ଅନ୍ତେ॑ନୈ॒ଵାନ୍ତଂ॑-ୟଁ॒ଜ୍ଞସ୍ୟ॒ ନିଷ୍କ॑ରୋତି ॥ ଵରୁ॑ଣୋ॒ ଵା ଏ॒ତସ୍ୟ॑ ୟ॒ଜ୍ଞ-ଙ୍ଗୃ॑ହ୍ଣାତି । ୟସ୍ୟା॒ଗ୍ନି-ମନୁ॑ଦ୍ଧୃତ॒ଗ୍ମ୍॒ ସୂର୍ୟୋ॒-ଽଭିନି॒ମ୍ରୋଚ॑ତି । ଵା॒ରୁ॒ଣ-ଞ୍ଚ॒ରୁ-ନ୍ନିର୍ଵ॑ପେତ୍ । ତେନୈ॒ଵ ୟ॒ଜ୍ଞ-ନ୍ନିଷ୍କ୍ରୀ॑ଣୀତେ ॥ ନି ଵା ଏ॒ତସ୍ୟା॑ହଵ॒ନୀୟୋ॒ ଗାର୍ହ॑ପତ୍ୟ-ଙ୍କାମୟତେ । ନି ଗାର୍ହ॑ପତ୍ୟ ଆହଵ॒ନୀୟ᳚ମ୍ । ୟସ୍ୟା॒ଗ୍ନି-ମନୁ॑ଦ୍ଧୃତ॒ଗ୍ମ୍॒ ସୂର୍ୟୋ॒-ଽଭ୍ୟୁ॑ଦେତି॑ । ଚ॒ତୁ॒ର୍ଗୃ॒ହୀ॒ତ-ମାଜ୍ୟ॑-ମ୍ପୁ॒ରସ୍ତା᳚ଦ୍ଧରେତ୍ ॥ 19 ॥
ଅଥା॒ଗ୍ନିମ୍ । ଅଥା᳚ଗ୍ନିହୋ॒ତ୍ରମ୍ । ୟଦାଜ୍ୟ॑-ମ୍ପୁ॒ରସ୍ତା॒ଦ୍ଧର॑ତି । ଏ॒ତଦ୍ଵା ଅ॒ଗ୍ନେଃ ପ୍ରି॒ୟ-ନ୍ଧାମ॑ । ୟଦାଜ୍ୟ᳚ମ୍ । ପ୍ରି॒ୟେଣୈ॒ଵୈନ॒-ନ୍ଧାମ୍ନା॒ ସମ॑ର୍ଧୟତି । ୟଦ॒ଗ୍ନି-ମ୍ପୂର୍ଵ॒ଗ୍ମ୍॒ ହର॒ତ୍ୟଥା᳚-ଗ୍ନିହୋ॒ତ୍ରମ୍ । ଭା॒ଗ॒ଧେୟେ॑ନୈ॒ଵୈନ॒-ମ୍ପ୍ରଣ॑ୟତି । ବ୍ରା॒ହ୍ମ॒ଣ ଆ॑ର୍ଷେ॒ୟ ଉଦ୍ଧ॑ରେତ୍ । ବ୍ରା॒ହ୍ମ॒ଣୋ ଵୈ ସର୍ଵା॑ ଦେ॒ଵତାଃ᳚ ॥ 20 ॥
ସର୍ଵା॑ଭିରେ॒ଵୈନ॑-ନ୍ଦେ॒ଵତା॑ଭି॒ରୁଦ୍ଧ॑ରତି ॥ ପରା॑ଚୀ॒ ଵା ଏ॒ତସ୍ମୈ᳚ ଵ୍ୟୁ॒ଚ୍ଛନ୍ତୀ॒ ଵ୍ୟୁ॑ଚ୍ଛତି । ୟସ୍ୟା॒ଗ୍ନି-ମନୁ॑ଦ୍ଧୃତ॒ଗ୍ମ୍॒ ସୂର୍ୟୋ॒-ଽଭ୍ୟୁ॑ଦେତି॑ । ଉ॒ଷାଃ କେ॒ତୁନା॑ ଜୁଷତାମ୍ । ୟ॒ଜ୍ଞ-ନ୍ଦେ॒ଵେଭି॑ରିନ୍ଵି॒ତମ୍ । ଦେ॒ଵେଭ୍ୟୋ॒ ମଧୁ॑ମତ୍ତମ॒ଗ୍ଗ୍॒ ସ୍ଵାହେତି॑ ପ୍ର॒ତ୍ୟଂ-ନି॒ଷଦ୍ୟାଜ୍ୟେ॑ନ ଜୁହୁୟାତ୍ । ପ୍ର॒ତୀଚୀ॑ମେ॒ଵାସ୍ମୈ॒ ଵିଵା॑ସୟତି ॥ ଅ॒ଗ୍ନି॒ହୋ॒ତ୍ର-ମୁ॑ପ॒ସାଦ୍ୟାତମି॑ତୋ-ରାସୀତ । ଵ୍ର॒ତମେ॒ଵ ହ॒ତମନୁ॑ ମ୍ରିୟତେ । ଅନ୍ତଂ॒-ଵାଁ ଏ॒ଷ ଆ॒ତ୍ମନୋ॑ ଗଚ୍ଛତି ॥ 21 ॥
ୟସ୍ତାମ୍ୟ॑ତି । ଅନ୍ତ॑ମେ॒ଷ ୟ॒ଜ୍ଞସ୍ୟ॑ ଗଚ୍ଛତି । ୟସ୍ୟା॒ଗ୍ନି-ମନୁ॑ଦ୍ଧୃତ॒ଗ୍ମ୍॒ ସୂର୍ୟୋ॒-ଽଭ୍ୟୁ॑ଦେତି॑ । ପୁନ॑-ସ୍ସ॒ମନ୍ୟ॑ ଜୁହୋତି । ଅନ୍ତେ॑ନୈ॒ଵାନ୍ତଂ॑-ୟଁ॒ଜ୍ଞସ୍ୟ॒ ନିଷ୍କ॑ରୋତି । ମି॒ତ୍ରୋ ଵା ଏ॒ତସ୍ୟ॑ ୟ॒ଜ୍ଞ-ଙ୍ଗୃ॑ହ୍ଣାତି । ୟସ୍ୟା॒ଗ୍ନି-ମନୁ॑ଦ୍ଧୃତ॒ଗ୍ମ୍॒ ସୂର୍ୟୋ॒-ଽଭ୍ୟୁ॑ଦେତି॑ । ମୈ॒ତ୍ର-ଞ୍ଚ॒ରୁ-ନ୍ନିର୍ଵ॑ପେତ୍ । ତେନୈ॒ଵ ୟ॒ଜ୍ଞ-ନ୍ନିଷ୍କ୍ରୀ॑ଣୀତେ ॥ ୟସ୍ୟା॑-ହଵ॒ନୀୟେ-ଽନୁ॑ଦ୍ଵାତେ॒ ଗାର୍ହ॑ପତ୍ୟ ଉ॒ଦ୍ଵାୟେ᳚ତ୍ ॥ 22 ॥
ୟଦା॑ହଵ॒ନୀୟ॒-ମନୁ॑ଦ୍ଵାପ୍ୟ॒ ଗାର୍ହ॑ପତ୍ୟ॒-ମ୍ମନ୍ଥେ᳚ତ୍ । ଵିଚ୍ଛି॑ନ୍ଦ୍ୟାତ୍ । ଭ୍ରାତୃ॑ଵ୍ୟମସ୍ମୈ ଜନୟେତ୍ । ୟଦ୍ଵୈ ୟ॒ଜ୍ଞସ୍ୟ॑ ଵାସ୍ତ॒ଵ୍ୟ॑-ଙ୍କ୍ରି॒ୟତେ᳚ । ତଦନୁ॑ ରୁ॒ଦ୍ରୋ-ଽଵ॑ଚରତି । ୟ-ତ୍ପୂର୍ଵ॑-ମନ୍ଵଵ॒ସ୍ୟେତ୍ । ଵା॒ସ୍ତ॒ଵ୍ୟ॑-ମ॒ଗ୍ନିମୁପା॑ସୀତ । ରୁ॒ଦ୍ରୋ᳚-ଽସ୍ୟ ପ॒ଶୂ-ନ୍ଘାତୁ॑କ-ସ୍ସ୍ୟାତ୍ । ଆ॒ହ॒ଵ॒ନୀୟ॑-ମୁ॒ଦ୍ଵାପ୍ୟ॑ । ଗାର୍ହ॑ପତ୍ୟ-ମ୍ମନ୍ଥେତ୍ ॥ 23 ॥
ଇ॒ତଃ ପ୍ର॑ଥ॒ମ-ଞ୍ଜ॑ଜ୍ଞେ ଅ॒ଗ୍ନିଃ । ସ୍ଵାଦ୍ୟୋନେ॒ରଧି॑ ଜା॒ତଵେ॑ଦାଃ । ସ ଗା॑ୟତ୍ରି॒ୟା ତ୍ରି॒ଷ୍ଟୁଭା॒ ଜଗ॑ତ୍ୟା । ଦେ॒ଵେଭ୍ୟୋ॑ ହ॒ଵ୍ୟଂ-ଵଁ॑ହତୁ ପ୍ରଜା॒ନନ୍ନିତି॑ । ଛନ୍ଦୋ॑ଭିରେ॒ଵୈନ॒ଗ୍ଗ୍॒ ସ୍ଵାଦ୍ୟୋନେଃ॒ ପ୍ରଜ॑ନୟତି ॥ ଗାର୍ହ॑ପତ୍ୟ-ମ୍ମନ୍ଥତି । ଗାର୍ହ॑ପତ୍ୟଂ॒-ଵାଁ ଅନ୍ଵାହି॑ତାଗ୍ନେଃ ପ॒ଶଵ॒ ଉପ॑ ତିଷ୍ଠନ୍ତେ । ସ ୟଦୁ॒ଦ୍ଵାୟ॑ତି । ତଦନୁ॑ ପ॒ଶଵୋ-ଽପ॑କ୍ରାମନ୍ତି । ଇ॒ଷେ ର॒ୟ୍ୟୈ ର॑ମସ୍ଵ ॥ 24 ॥
ସହ॑ସେ ଦ୍ୟୁ॒ମ୍ନାୟ॑ । ଊ॒ର୍ଜେ ପତ୍ୟା॒ୟେତ୍ୟା॑ହ । ପ॒ଶଵୋ॒ ଵୈ ର॒ୟିଃ । ପ॒ଶୂନେ॒ଵାସ୍ମୈ॑ ରମୟତି ॥ ସା॒ର॒ସ୍ଵ॒ତୌ ତ୍ଵୋଥ୍ସୌ॒ ସମି॑ନ୍ଧାତା॒ମିତ୍ୟା॑ହ । ଋ॒-ଖ୍ସା॒ମେ ଵୈ ସା॑ରସ୍ଵ॒ତାଵୁଥ୍ସୌ᳚ । ଋ॒ଖ୍-ସା॒ମାଭ୍ୟା॑ମେ॒ଵୈନ॒ଗ୍ମ୍॒ ସମି॑ନ୍ଧେ ॥ ସ॒ମ୍ରାଡ॑ସି ଵି॒ରାଡ॒ସୀତ୍ୟା॑ହ । ର॒ଥ॒ନ୍ତ॒ରଂ-ଵୈଁ ସ॒ମ୍ରାଟ୍ । ବୃ॒ହ-ଦ୍ଵି॒ରାଟ୍ ॥ 25 ॥
ତାଭ୍ୟା॑ମେ॒ଵୈନ॒ଗ୍ମ୍॒ ସମି॑ନ୍ଧେ ॥ ଵଜ୍ରୋ॒ ଵୈ ଚ॒କ୍ରମ୍ । ଵଜ୍ରୋ॒ ଵା ଏ॒ତସ୍ୟ॑ ୟ॒ଜ୍ଞଂ-ଵିଁଚ୍ଛି॑ନତ୍ତି । ୟସ୍ୟାନୋ॑ ଵା॒ ରଥୋ॑ ଵା-ଽନ୍ତ॒ରା-ଽଗ୍ନୀ ୟାତି॑ । ଆ॒ହ॒ଵ॒ନୀୟ॑-ମୁ॒ଦ୍ଵାପ୍ୟ॑ । ଗାର୍ହ॑ପତ୍ୟା॒-ଦୁଦ୍ଧ॑ରେତ୍ । ୟଦ॑ଗ୍ନେ॒ ପୂର୍ଵ॒-ମ୍ପ୍ରଭୃ॑ତ-ମ୍ପ॒ଦଗ୍ମ୍ ହି ତେ᳚ । ସୂର୍ୟ॑ସ୍ୟ ର॒ଶ୍ମୀନ-ନ୍ଵା॑ତ॒ତାନ॑ । ତତ୍ର॑ ରୟି॒ଷ୍ଠାମନୁ॒ ସମ୍ଭ॑ରୈ॒ତମ୍ । ସ-ନ୍ନ॑-ସ୍ସୃଜ ସୁମ॒ତ୍ୟା ଵାଜ॑ଵ॒ତ୍ୟେତି॑ ॥ 26 ॥
ପୂର୍ଵେ॑ଣୈ॒ଵାସ୍ୟ॑ ୟ॒ଜ୍ଞେନ॑ ୟ॒ଜ୍ଞମନୁ॒ ସ-ନ୍ତ॑ନୋତି ॥ ତ୍ଵମ॑ଗ୍ନେ ସ॒ପ୍ରଥା॑ ଅ॒ସୀତ୍ୟା॑ହ । ଅ॒ଗ୍ନି-ସ୍ସର୍ଵା॑ ଦେ॒ଵତାଃ᳚ । ଦେ॒ଵତା॑ଭିରେ॒ଵ ୟ॒ଜ୍ଞଗ୍ମ୍ ସ-ନ୍ତ॑ନୋତି ॥ ଅ॒ଗ୍ନୟେ॑ ପଥି॒କୃତେ॑ ପୁରୋ॒ଡାଶ॑ମ॒ଷ୍ଟାକ॑ପାଲ॒-ନ୍ନିର୍ଵ॑ପେତ୍ । ଅ॒ଗ୍ନିମେ॒ଵ ପ॑ଥି॒କୃତ॒ଗ୍ଗ୍॒ ସ୍ଵେନ॑ ଭାଗ॒ଧେୟେ॒ନୋପ॑ ଧାଵତି । ସ ଏ॒ଵୈନଂ॑-ୟଁ॒ଜ୍ଞିୟ॒-ମ୍ପନ୍ଥା॒ମପି॑-ନୟତି । ଅ॒ନ॒ଡ୍ଵାନ୍-ଦକ୍ଷି॑ଣା । ଵ॒ହୀ ହ୍ୟେ॑ଷ ସମୃ॑ଦ୍ଧ୍ୟୈ ॥ 27 ॥
(ହର॒ତ୍ୟଥା᳚ଗ୍ନିହୋ॒ତ୍ରଂ – ନି॒ମ୍ରୋଚ॑ତି – ହରେ-ଦ୍- ଦେ॒ଵତା॑ – ଗଚ୍ଛ – ତ୍ୟୁ॒ଦ୍ଵାୟେ᳚-ନ୍ମନ୍ଥେ-ଦ୍ରମସ୍ଵ-ବୃ॒ହ-ଦ୍ଵି॒ରାଡ୍-ଇତି॒-ନଵ॑ ଚ) (ଅ. 4)
(ନି ଵୈ ପୂର୍ଵ॒-ନ୍ତ୍ରୀଣି॑ ନି॒ମ୍ରୋଚ॑ତି ଦ॒ର୍ଭେଣ॒ ୟଦ୍ଧିର॑ଣ୍ୟମଗ୍ନିହୋ॒ତ୍ର-ମ୍ପୁନ॒ର୍ଵରୁ॑ଣୋ
ଵାରୁ॒ଣ-ନ୍ନି ଵା ଏ॒ତସ୍ୟା॒ଭ୍ୟୁ॑ଦେତି॑ ଚତୁର୍ଗୃହୀ॒ତମାଜ୍ୟଂ॒ ୟଦାଜ୍ୟଂ॒ ପରା᳚ଚ୍ୟୁ॒ଷାଃ ପୁନ॑ର୍ମି॒ତ୍ରୋ ମେ॒ତ୍ରଂ-ୟଁସ୍ୟା॑ହଵ॒ନୀୟେ-ଽନୁ॑ଦ୍ଵାତେ॒ ଗାର୍ହ॑ପତ୍ୟୋ॒ ୟଦ୍ଵୈ ମ॑ନ୍ଥେ॒ଦୁଦ୍ଧ॑ରେତ୍)
ଅନୁଵାକଂ 5 – ସୋମାତିରେକପ୍ରାୟଶ୍ଚିତ୍ତମ୍
ୟସ୍ୟ॑ ପ୍ରାତସ୍ସଵ॒ନେ ସୋମୋ॑-ଽତି॒ରିଚ୍ୟ॑ତେ । ମାଦ୍ଧ୍ୟ॑ନ୍ଦିନ॒ଗ୍ମ୍॒ ସଵ॑ନ-ଙ୍କା॒ମୟ॑ମାନୋ॒-ଽଭ୍ୟତି॑ରିଚ୍ୟତେ । ଗୌର୍ଧ॑ୟତି ମ॒ରୁତା॒ମିତି॒ ଧୟ॑ଦ୍ଵତୀଷୁ କୁର୍ଵନ୍ତି । ହି॒ନସ୍ତି॒ ଵୈ ସ॒ନ୍ଧ୍ୟଧୀ॑ତମ୍ । ସ॒ନ୍ଧୀଵ॒ ଖଲୁ॒ ଵା ଏ॒ତତ୍ । ୟ-ଥ୍ସଵ॑ନ ସ୍ୟାତି॒ରିଚ୍ୟ॑ତେ । ୟଦ୍ଧୟ॑ଦ୍ଵତୀଷୁ କୁ॒ର୍ଵନ୍ତି॑ । ସ॒ନ୍ଧେ-ଶ୍ଶାନ୍ତ୍ୟୈ᳚ ॥ ଗା॒ୟ॒ତ୍ରଗ୍ମ୍ ସାମ॑ ଭଵତି ପଞ୍ଚଦ॒ଶ-ସ୍ସ୍ତୋମଃ॑ । ତେନୈ॒ଵ ପ୍ରା॑ତସ୍ସଵ॒ନାନ୍ନୟ॑ନ୍ତି ॥ 28 ॥
ମ॒ରୁତ୍ଵ॑ତୀଷୁ କୁର୍ଵନ୍ତି । ତେନୈ॒ଵ ମାଦ୍ଧ୍ୟ॑ନ୍ଦିନା॒-ଥ୍ସଵ॑ନା॒ନ୍ନୟ॑ନ୍ତି ॥ ହୋତୁ॑ଶ୍ଚ ମ॒ସମନୂନ୍ନ॑ୟନ୍ତେ । ହୋତା-ଽନୁ॑ଶଗ୍ମ୍ସତି । ମ॒ଦ୍ଧ୍ୟ॒ତ ଏ॒ଵ ୟ॒ଜ୍ଞଗ୍ମ୍ ସ॒ମାଦ॑ଧାତି ॥ ୟସ୍ୟ॒ ମାଦ୍ଧ୍ୟ॑ନ୍ଦିନେ॒ ସଵ॑ନେ॒ ସୋମୋ॑-ଽତି॒ରିଚ୍ୟ॑ତେ । ଆ॒ଦି॒ତ୍ୟ-ନ୍ତୃ॑ତୀୟସଵ॒ନ-ଙ୍କା॒ମୟ॑ମାନୋ॒-ଽଭ୍ୟତି॑ରିଚ୍ୟତେ । ଗୌ॒ରି॒ଵୀ॒ତଗ୍ମ୍ ସାମ॑ ଭଵତି । ଅତି॑ରିକ୍ତଂ॒-ଵୈଁ ଗୌ॑ରିଵୀ॒ତମ୍ । ଅତି॑ରିକ୍ତଂ॒-ୟଁ-ଥ୍ସଵ॑ନସ୍ୟା-ତି॒ରିଚ୍ୟ॑ତେ ॥ 29 ॥
ଅତି॑ରିକ୍ତସ୍ୟ॒ ଶାନ୍ତ୍ୟୈ᳚ ॥ ବଣ୍ମ॒ହାଗ୍ମ୍ ଅ॑ସି ସୂ॒ର୍ୟେତି॑ କୁର୍ଵନ୍ତି । ୟସ୍ୟୈ॒ଵାଦି॒ତ୍ୟସ୍ୟ॒ ସଵ॑ନସ୍ୟ॒ କାମେ॑ନାତି॒ରିଚ୍ୟ॑ତେ । ତେନୈ॒ଵୈନ॒-ଙ୍କାମେ॑ନ॒ ସମ॑ର୍ଧୟନ୍ତି ॥ ଗୌ॒ରି॒ଵୀ॒ତଗ୍ମ୍ ସାମ॑ ଭଵତି । ତେନୈ॒ଵ ମାଦ୍ଧ୍ୟ॑ନ୍ଦିନା॒-ଥ୍ସଵ॑ନା॒ନ୍ନୟ॑ନ୍ତି ॥ ସ॒ପ୍ତ॒ଦ॒ଶ-ସ୍ସ୍ତୋମଃ॑ । ତେନୈ॒ଵ ତୃ॑ତୀୟସଵ॒ନାନ୍ନୟ॑ନ୍ତି ॥ ହୋତୁ॑ଶ୍ଚମ॒ସମନୂନ୍ନ॑ୟନ୍ତେ । ହୋତା-ଽନୁ॑ଶଗ୍ମ୍ ସତି ॥ 30 ॥
ମ॒ଦ୍ଧ୍ୟ॒ତ ଏ॒ଵ ୟ॒ଜ୍ଞଗ୍ମ୍ ସ॒ମାଦ॑ଧାତି ॥ ୟସ୍ୟ॑ ତୃତୀୟସଵ॒ନେ ସୋମୋ॑-ଽତି॒ରିଚ୍ୟେ॑ତ । ଉ॒କ୍ଥ୍ୟ॑-ଙ୍କୁର୍ଵୀତ । ୟସ୍ୟୋ॒କ୍ଥ୍ୟେ॑-ଽତି॒ରିଚ୍ୟେ॑ତ । ଅ॒ତି॒ରା॒ତ୍ର-ଙ୍କୁ॑ର୍ଵୀତ । ୟସ୍ୟା॑-ତିରା॒ତ୍ରେ॑-ଽତି॒ରିଚ୍ୟ॑ତେ। ତତ୍ତ୍ଵୈ ଦୁ॑ଷ୍ପ୍ରଜ୍ଞା॒ନମ୍ । ୟଜ॑ମାନଂ॒-ଵାଁ ଏ॒ତ-ତ୍ପ॒ଶଵ॑ ଆ॒ସାହ୍ୟ॑ ୟନ୍ତି । ବୃ॒ହ-ଥ୍ସାମ॑ ଭଵତି । ବୃ॒ହଦ୍ଵା ଇ॒ମାଂ-ଲୋଁ॒କା-ନ୍ଦା॑ଧାର । ବାର୍ହ॑ତାଃ ପ॒ଶଵଃ॑ । ବୃ॒ହ॒ତୈଵାସ୍ମୈ॑ ପ॒ଶୂ-ନ୍ଦା॑ଧାର ॥ ଶି॒ପି॒ଵି॒ଷ୍ଟଵ॑ତୀଷୁ କୁର୍ଵନ୍ତି । ଶି॒ପି॒ଵି॒ଷ୍ଟୋ ଵୈ ଦେ॒ଵାନା᳚-ମ୍ପୁ॒ଷ୍ଟମ୍ । ପୁଷ୍ଟ୍ୟୈ॒ଵୈନ॒ଗ୍ମ୍॒ ସମ॑ର୍ଧୟନ୍ତି ॥ ହୋତୁ॑ଶ୍ଚମ॒ସମନୂନ୍ନ॑ୟନ୍ତେ । ହୋତା-ଽନୁ॑ଶଗ୍ମ୍ସତି । ମ॒ଦ୍ଧ୍ୟ॒ତ ଏ॒ଵ ୟ॒ଜ୍ଞଗ୍ମ୍ ସ॒ମାଦ॑ଧାତି ॥ 31 ॥
(ୟ॒ନ୍ତି॒ – ସଵ॑ନସ୍ୟାତି॒ରିଚ୍ୟ॑ତେ – ଶଗ୍ମ୍ସତି – ଦାଧାରା॒ଷ୍ଟୌ ଚ॑) (ଅ. 5)
ଅନୁଵାକଂ 6 – ସଵନନିମିତ୍ତ-ମ୍ପ୍ରାୟଶ୍ଚିତ୍ତମ୍
ଏକୈ॑କୋ॒ ଵୈ ଜ॒ନତା॑ୟା॒-ମିନ୍ଦ୍ରଃ॑ । ଏକଂ॒-ଵାଁ ଏ॒ତାଵିନ୍ଦ୍ର॑ମ॒ଭି ସଗ୍ମ୍ସୁ॑ନୁତଃ । ୟୌ ଦ୍ଵୌ ସଗ୍ମ୍॑ସୁନୁ॒ତଃ । ପ୍ର॒ଜାପ॑ତି॒ର୍ଵା ଏ॒ଷ ଵିତା॑ୟତେ । ୟ-ଦ୍ୟ॒ଜ୍ଞଃ । ତସ୍ୟ॒ ଗ୍ରାଵା॑ଣୋ॒ ଦନ୍ତାଃ᳚ । ଅ॒ନ୍ୟ॒ତ॒ରଂ-ଵାଁ ଏ॒ତେ ସଗ୍ମ୍॑ସୁନ୍ଵ॒ତୋ-ର୍ନିର୍ବ॑ଫ୍ସତି । ପୂର୍ଵେ॑ଣୋପ॒ସୃତ୍ୟା॑ ଦେ॒ଵତା॒ ଇତ୍ୟା॑ହୁଃ । ପୂ॒ର୍ଵୋ॒ପ॒ସୃ॒ତସ୍ୟ॒ ଵୈ ଶ୍ରେୟା᳚-ନ୍ଭଵତି । ଏତି॑ଵ॒ନ୍ତ୍ୟାଜ୍ୟା॑ନି ଭଵନ୍ତ୍ୟ॒-ଭିଜି॑ତ୍ୟୈ ॥ 32 ॥
ମ॒ରୁତ୍ଵ॑ତୀଃ ପ୍ରତି॒ପଦଃ॑ । ମ॒ରୁତୋ॒ ଵୈ ଦେ॒ଵାନା॒-ମପ॑ରାଜିତ-ମା॒ୟତ॑ନମ୍ । ଦେ॒ଵାନା॑-ମେ॒ଵାପ॑ରାଜିତ ଆ॒ୟତ॑ନେ ୟତତେ ॥ଉ॒ଭେ ବୃ॑ହଦ୍ରଥନ୍ତ॒ରେ ଭ॑ଵତଃ । ଇ॒ୟଂ-ଵାଁଵ ର॑ଥନ୍ତ॒ରମ୍ । ଅ॒ସୌ ବୃ॒ହତ୍ । ଆ॒ଭ୍ୟାମେ॒ଵୈନ॑-ମ॒ନ୍ତରେ॑ତି । ଵା॒ଚଶ୍ଚ॒ ମନ॑ସଶ୍ଚ । ପ୍ରା॒ଣାଚ୍ଚା॑-ପା॒ନାଚ୍ଚ॑ । ଦି॒ଵଶ୍ଚ॑ ପୃଥି॒ଵ୍ୟାଶ୍ଚ॑ ॥ 33 ॥
ସର୍ଵ॑ସ୍ମା-ଦ୍ଵି॒ତ୍ତା-ଦ୍ଵେଦ୍ୟା᳚ତ୍ ॥ ଅ॒ଭି॒ଵ॒ର୍ତୋ ବ୍ର॑ହ୍ମସା॒ମ-ମ୍ଭ॑ଵତି । ସୁ॒ଵ॒ର୍ଗସ୍ୟ॑ ଲୋ॒କସ୍ୟା॒-ଭିଵୃ॑ତ୍ତ୍ୟୈ ॥ ଅ॒ଭି॒ଜି-ଦ୍ଭ॑ଵତି । ସୁ॒ଵ॒ର୍ଗସ୍ୟ॑ ଲୋ॒କସ୍ୟା॒-ଭିଜି॑ତ୍ୟୈ । ଵି॒ଶ୍ଵ॒ଜି-ଦ୍ଭ॑ଵତି । ଵିଶ୍ଵ॑ସ୍ୟ॒ ଜିତ୍ୟୈ᳚ ॥ ୟସ୍ୟ॒ ଭୂୟାଗ୍ମ୍॑ସୋ ୟଜ୍ଞକ୍ର॒ତଵ॒ ଇତ୍ୟା॑ହୁଃ । ସ ଦେ॒ଵତା॑ ଵୃଙ୍କ୍ତ॒ ଇତି॑ । ୟଦ୍ୟ॑ଗ୍ନିଷ୍ଟୋ॒ମ-ସ୍ସୋମଃ॑ ପ॒ରସ୍ତା॒-ଥ୍ସ୍ୟାତ୍ ॥ 34 ॥
ଉ॒କ୍ଥ୍ୟ॑-ଙ୍କୁର୍ଵୀତ । ୟଦ୍ୟୁ॒କ୍ଥ୍ୟ॑-ସ୍ସ୍ୟାତ୍ । ଅ॒ତି॒ରା॒ତ୍ର-ଙ୍କୁ॑ର୍ଵୀତ । ୟ॒ଜ୍ଞ॒କ୍ର॒ତୁଭି॑-ରେ॒ଵାସ୍ୟ॑ ଦେ॒ଵତା॑ ଵୃଙ୍କ୍ତେ ॥ ୟୋ ଵୈ ଛନ୍ଦୋ॑ଭି-ରଭି॒ଭଵ॑ତି । ସ ସଗ୍ମ୍॑ ସୁନ୍ଵ॒ତୋ-ର॒ଭିଭ॑ଵତି । ସଂ॒ଵେଁ॒ଶାୟ॑ ତ୍ଵୋପଵେ॒ଶାୟ॒-ତ୍ଵେତ୍ୟା॑ହ । ଛନ୍ଦାଗ୍ମ୍॑ସି॒ ଵୈ ସଂ॑ଵେଁ॒ଶ ଉ॑ପଵେ॒ଶଃ । ଛନ୍ଦୋ॑ଭିରେ॒ଵାସ୍ୟ॒ ଛନ୍ଦାଗ୍॑ସ୍ୟ॒-ଭିଭ॑ଵତି ॥ ଇ॒ଷ୍ଟର୍ଗୋ॒ ଵା ଋ॒ତ୍ଵିଜା॑-ମଦ୍ଧ୍ଵ॒ର୍ୟୁଃ ॥ 35 ॥
ଇ॒ଷ୍ଟର୍ଗଃ॒ ଖଲୁ॒ ଵୈ ପୂର୍ଵୋ॒-ଽର୍ଷ୍ଟୁଃ, କ୍ଷୀ॑ୟତେ । ପ୍ରାଣା॑ପାନୌ ମୃ॒ତ୍ୟୋର୍ମା॑ ପାତ॒ମିତ୍ୟା॑ହ । ପ୍ରା॒ଣା॒ପା॒ନୟୋ॑ରେ॒ଵ ଶ୍ର॑ୟତେ । ପ୍ରାଣା॑ପାନୌ॒ ମା ମା॑ ହାସିଷ୍ଟ॒ମିତ୍ୟା॑ହ । ନୈନ॑-ମ୍ପୁ॒ରା-ଽଽୟୁ॑ଷଃ ପ୍ରାଣାପା॒ନୌ ଜ॑ହିତଃ ॥ ଆର୍ତିଂ॒-ଵାଁ ଏ॒ତେ ନିୟ॑ନ୍ତି । ୟେଷା᳚-ନ୍ଦୀକ୍ଷି॒ତାନା᳚-ମ୍ପ୍ର॒ମୀୟ॑ତେ । ତଂ-ୟଁଦ॑ଵ॒ଵର୍ଜେ॑ୟୁଃ । କ୍ରୂ॒ର॒କୃତା॑ମିଵୈଷାଂ-ଲୋଁ॒କ-ସ୍ସ୍ୟା᳚ତ୍ । ଆହ॑ର ଦ॒ହେତି॑ ବ୍ରୂୟାତ୍ ॥ 36 ॥
ତ-ନ୍ଦ॑କ୍ଷିଣ॒ତୋ ଵେଦ୍ୟୈ॑ ନି॒ଧାୟ॑ । ସ॒ର୍ପ॒ରା॒ଜ୍ଞିୟା॑ ଋ॒ଗ୍ଭି-ସ୍ସ୍ତୁ॑ୟୁଃ । ଇ॒ୟଂ-ଵୈଁ ସର୍ପ॑ତୋ॒ ରାଜ୍ଞୀ᳚ । ଅ॒ସ୍ୟା ଏ॒ଵୈନ॒-ମ୍ପରି॑ଦଦତି ॥ ଵ୍ୟୃ॑ଦ୍ଧ॒-ନ୍ତଦିତ୍ୟା॑ହୁଃ । ୟ-ଥ୍ସ୍ତୁ॒ତ-ମନ॑ନୁଶସ୍ତ॒-ମିତି॑ । ହୋତା᳚ ପ୍ରଥ॒ମଃ ପ୍ରା॑ଚୀନାଵୀ॒ତୀ ମା᳚ର୍ଜା॒ଲୀୟ॒-ମ୍ପରୀ॑ୟାତ୍ । ୟା॒ମୀର॑ନୁ-ବ୍ରୁ॒ଵନ୍ନ୍ । ସ॒ର୍ପ॒ରା॒ଜ୍ଞୀନା᳚-ଙ୍କୀର୍ତୟେତ୍ । ଉ॒ଭୟୋ॑ରେ॒ଵୈନଂ॑-ଲୋଁ॒କୟୋଃ॒ ପରି॑ଦଦତି ॥ 37 ॥
ଅଥୋ॑ ଧୁ॒ଵନ୍ତ୍ୟେ॒ଵୈନ᳚ମ୍ । ଅଥୋ॒ ନ୍ୟେ॑ଵାସ୍ମୈ᳚ ହ୍ନୁଵତେ ॥ ତ୍ରିଃ ପରି॑ୟନ୍ତି । ତ୍ରୟ॑ ଇ॒ମେ ଲୋ॒କାଃ । ଏ॒ଭ୍ୟ ଏ॒ଵୈନଂ॑-ଲୋଁ॒କେଭ୍ୟୋ॑ ଧୁଵତେ । ତ୍ରିଃ ପୁନଃ॒ ପରି॑ୟନ୍ତି । ଷଟ୍-ଥ୍ସମ୍ପ॑ଦ୍ୟନ୍ତେ । ଷଡ୍ଵା ଋ॒ତଵଃ॑ । ଋ॒ତୁଭି॑ରେ॒ଵୈନ॑-ନ୍ଧୁଵତେ ॥ ଅଗ୍ନ॒ ଆୟୂଗ୍ମ୍॑ଷି ପଵସ॒ ଇତି॑ ପ୍ରତି॒ପଦ॑-ଙ୍କୁର୍ଵୀରନ୍ନ୍ । ର॒ଥ॒ନ୍ତ॒ରସା॑ମୈଷା॒ଗ୍ମ୍॒ ସୋମ॑-ସ୍ସ୍ୟାତ୍ । ଆୟୁ॑ରେ॒ଵାତ୍ମନ୍-ଦ॑ଧତେ । ଅଥୋ॑ ପା॒ପ୍ମାନ॑ମେ॒ଵ ଵି॒ଜହ॑ତୋ ୟନ୍ତି ॥ 38 ॥
(ଅ॒ଭିଜି॑ତ୍ୟୈ – ପୃଥି॒ଵ୍ୟାଶ୍ଚ॒ – ସ୍ୟା – ଦ॑ଦ୍ଧ୍ଵ॒ର୍ୟୁ–ର୍ ବ୍ରୁ॑ୟାଲ୍ – ଲୋ॒କୟୋଃ॒ ପରି॑ଦଦତି – କୁର୍ଵର॒ଗ୍ଗ୍॒ ସ୍ତ୍ରୀଣି॑ ଚ) (ଅ. 6)
ଅନୁଵାକଂ 7 – ୟୂପଵିରୋହଣାଦିପ୍ରାୟଶ୍ଚିତ୍ତମ୍
ଅ॒ସୁ॒ର୍ୟଂ॑-ଵାଁ ଏ॒ତସ୍ମା॒-ଦ୍ଵର୍ଣ॑-ଙ୍କୃ॒ତ୍ଵା । ପ॒ଶଵୋ॑ ଵୀ॒ର୍ୟ॑-ମପ॑କ୍ରାମନ୍ତି । ୟସ୍ୟ॒ ୟୂପୋ॑ ଵି॒ରୋହ॑ତି । ତ୍ଵା॒ଷ୍ଟ୍ର-ମ୍ବ॑ହୁରୂ॒ପ-ମାଲ॑ଭେତ । ତ୍ଵଷ୍ଟା॒ ଵୈ ରୂ॒ପାଣା॑ମୀଶେ । ୟ ଏ॒ଵ ରୂ॒ପାଣା॒ମୀଶେ᳚ । ସୋ᳚-ଽସ୍ମି-ନ୍ପ॒ଶୂନ୍. ଵୀ॒ର୍ୟଂ॑-ୟଁଚ୍ଛତି । ନାସ୍ମା᳚ତ୍-ପ॒ଶଵୋ॑ ଵୀ॒ର୍ୟ॑-ମପ॑କ୍ରାମନ୍ତି ॥ ଆର୍ତିଂ॒-ଵାଁ ଏ॒ତେ ନିୟ॑ନ୍ତି । ୟେଷା᳚-ନ୍ଦୀକ୍ଷି॒ତାନା॑-ମ॒ଗ୍ନି-ରୁ॒ଦ୍ଵାୟ॑ତି ॥ 39 ॥
ୟଦା॑ହଵ॒ନୀୟ॑ ଉ॒ଦ୍ଵାୟେ᳚ତ୍ । ୟତ୍ତ-ମ୍ମନ୍ଥେ᳚ତ୍ । ଵିଚ୍ଛି॑ନ୍ଦ୍ୟାତ୍ । ଭ୍ରାତୃ॑ଵ୍ୟମସ୍ମୈ ଜନୟେତ୍ । ୟଦା॑ହଵ॒ନୀୟ॑ ଉ॒ଦ୍ଵାୟେ᳚ତ୍ । ଆଗ୍ନୀ᳚ଦ୍ଧ୍ରା॒-ଦୁଦ୍ଧ॑ରେତ୍ । ୟଦାଗ୍ନୀ᳚ଦ୍ଧ୍ର ଉ॒ଦ୍ଵାୟେ᳚ତ୍ । ଗାର୍ହ॑ପତ୍ୟା॒-ଦୁଦ୍ଧ॑ରେତ୍ । ୟ-ଦ୍ଗାର୍ହ॑ପତ୍ୟ ଉ॒ଦ୍ଵାୟେ᳚ତ୍ । ଅତ॑ ଏ॒ଵ ପୁନ॑-ର୍ମନ୍ଥେତ୍ ॥ 40 ॥
ଅତ୍ର॒ ଵାଵ ସ ନିଲ॑ୟତେ । ୟତ୍ର॒ ଖଲୁ॒ ଵୈ ନିଲୀ॑ନ-ମୁତ୍ତ॒ମ-ମ୍ପଶ୍ୟ॑ନ୍ତି । ତଦେ॑ନ-ମିଚ୍ଛନ୍ତି ॥ ୟସ୍ମା॒-ଦ୍ଦାରୋ॑ରୁ॒ଦ୍ଵାୟେ᳚ତ୍ । ତସ୍ୟା॒ରଣୀ॑ କୁର୍ୟାତ୍ । କ୍ରୁ॒ମୁ॒କମପି॑ କୁର୍ୟାତ୍ । ଏ॒ଷା ଵା ଅ॒ଗ୍ନେଃ ପ୍ରି॒ୟା ତ॒ନୂଃ । ୟତ୍-କ୍ରୁ॑ମୁ॒କଃ । ପ୍ରି॒ୟୟୈ॒ଵୈନ॑-ନ୍ତ॒ନୁଵା॒ ସମ॑ର୍ଧୟତି ॥ ଗାର୍ହ॑ପତ୍ୟ-ମ୍ମନ୍ଥତି ॥ 41 ॥
ଗାର୍ହ॑ପତ୍ୟୋ॒ ଵା ଅ॒ଗ୍ନେର୍ୟୋନିଃ॑ । ସ୍ଵାଦେ॒ଵୈନଂ॒-ୟୋଁନେ᳚-ର୍ଜନୟତି । ନାସ୍ମୈ॒ ଭ୍ରାତୃ॑ଵ୍ୟ-ଞ୍ଜନୟତି ॥ ୟସ୍ୟ॒ ସୋମ॑ ଉପ॒ଦସ୍ୟେ᳚ତ୍ । ସୁ॒ଵର୍ଣ॒ଗ୍ମ୍॒ ହିର॑ଣ୍ୟ-ନ୍ଦ୍ଵେ॒ଧା ଵି॒ଚ୍ଛିଦ୍ୟ॑ । ଋ॒ଜୀ॒ଷେ᳚-ଽନ୍ୟଦା॑ଧୂନୁ॒ୟାତ୍ । ଜୁ॒ହୁ॒ୟାଦ॒ନ୍ୟତ୍ । ସୋମ॑ମେ॒ଵା-ଭି॑ଷୁ॒ଣୋତି॑ । ସୋମ॑-ଞ୍ଜୁହୋତି ॥ ସୋମ॑ସ୍ୟ॒ ଵା ଅ॑ଭିଷୂ॒ୟମା॑ଣସ୍ୟ ପ୍ରି॒ୟା ତ॒ନୂ-ରୁଦ॑କ୍ରାମତ୍ ॥ 42 ॥
ତ-ଥ୍ସୁ॒ଵର୍ଣ॒ଗ୍ମ୍॒ ହିର॑ଣ୍ୟ-ମଭଵତ୍ । ୟ-ଥ୍ସୁ॒ଵର୍ଣ॒ଗ୍ମ୍॒ ହିର॑ଣ୍ୟ-ଙ୍କୁ॒ର୍ଵନ୍ତି॑ । ପ୍ରି॒ୟୟୈ॒ଵୈନ॑-ନ୍ତ॒ନୁଵା॒ ସମ॑ର୍ଧୟନ୍ତି ॥ ୟସ୍ୟାକ୍ରୀ॑ତ॒ଗ୍ମ୍॒ ସୋମ॑-ମପ॒ହରେ॑ୟୁଃ । କ୍ରୀ॒ଣୀ॒ୟାଦେ॒ଵ । ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥ ୟସ୍ୟ॑ କ୍ରୀ॒ତମ॑ପ॒ହରେ॑ୟୁଃ । ଆ॒ଦା॒ରାଗ୍ଶ୍ଚ॑ ଫାଲ୍ଗୁ॒ନାନି॑ ଚା॒ଭିଷୁ॑ଣୁୟାତ୍ । ଗା॒ୟ॒ତ୍ରୀ ୟଗ୍ମ୍ ସୋମ॒ମାହ॑ରତ୍ । ତସ୍ୟ॒ ୟୋ-ଽଗ୍ମ୍॑ଶୁଃ ପ॒ରା-ଽପ॑ତତ୍ ॥ 43 ॥
ତ ଆ॑ଦା॒ରା ଅ॑ଭଵନ୍ନ୍ । ଇନ୍ଦ୍ରୋ॑ ଵୃ॒ତ୍ରମ॑ହନ୍ନ୍ । ତସ୍ୟ॑ ଵ॒ଲ୍କଃ ପରା॑-ଽପତତ୍ । ତାନି॑ ଫାଲ୍ଗୁ॒ନାନ୍ୟ॑ଭଵନ୍ନ୍ । ପ॒ଶଵୋ॒ ଵୈ ଫା᳚ଲ୍ଗୁ॒ନାନି॑ । ପ॒ଶଵ॒-ସ୍ସୋମୋ॒ ରାଜା᳚ । ୟଦା॑ଦା॒ରାଗ୍ଶ୍ଚ॑ ଫାଲ୍ଗୁ॒ନାନି॑ ଚାଭିଷୁ॒ଣୋତି॑ । ସୋମ॑ମେ॒ଵ ରାଜା॑ନମ॒ଭିଷୁ॑ଣୋତି ॥ ଶୃ॒ତେନ॑ ପ୍ରାତସ୍ସଵ॒ନେ ଶ୍ରୀ॑ଣୀୟାତ୍ । ଦ॒ଦ୍ଧ୍ନା ମ॒ଦ୍ଧ୍ୟନ୍ଦି॑ନେ ॥ 44 ॥
ନୀ॒ତ॒ମି॒ଶ୍ରେଣ॑ ତୃତୀୟସଵ॒ନେ । ଅ॒ଗ୍ନି॒ଷ୍ଟୋ॒ମ-ସ୍ସୋମ॑-ସ୍ସ୍ୟା-ଦ୍ରଥନ୍ତ॒ରସା॑ମା । ୟ ଏ॒ଵର୍ତ୍ଵିଜୋ॑ ଵୃ॒ତା-ସ୍ସ୍ୟୁଃ । ତ ଏ॑ନଂ-ୟାଁଜୟେୟୁଃ । ଏକା॒-ଙ୍ଗା-ନ୍ଦକ୍ଷି॑ଣା-ନ୍ଦଦ୍ୟା॒ତ୍ତେଭ୍ୟ॑ ଏ॒ଵ । ପୁନ॒-ସ୍ସୋମ॑-ଙ୍କ୍ରୀଣୀୟାତ୍ । ୟ॒ଜ୍ଞେନୈ॒ଵ ତ-ଦ୍ୟ॒ଜ୍ଞ-ମି॑ଚ୍ଛତି । ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥ ସର୍ଵା᳚ଭ୍ୟୋ॒ ଵା ଏ॒ଷ ଦେ॒ଵତା᳚ଭ୍ୟ॒-ସ୍ସର୍ଵେ᳚ଭ୍ୟଃ ପୃ॒ଷ୍ଠେଭ୍ୟ॑ ଆ॒ତ୍ମାନ॒-ମାଗୁ॑ରତେ । ୟ-ସ୍ସ॒ତ୍ରାୟା॑ଗୁ॒ରତେ᳚ । ଏ॒ତାଵା॒ନ୍-ଖଲୁ॒ ଵୈ ପୁରୁ॑ଷଃ । ୟାଵ॑ଦସ୍ୟ ଵି॒ତ୍ତମ୍ । ସ॒ର୍ଵ॒ଵେ॒ଦ॒ସେନ॑ ୟଜେତ । ସର୍ଵ॑ପୃଷ୍ଠୋ-ଽସ୍ୟ॒ ସୋମ॑-ସ୍ସ୍ୟାତ୍ । ସର୍ଵା᳚ଭ୍ୟ ଏ॒ଵ ଦେ॒ଵତା᳚ଭ୍ୟ॒-ସ୍ସର୍ଵେ᳚ଭ୍ୟଃ ପୃ॒ଷ୍ଠେଭ୍ୟ॑ ଆ॒ତ୍ମାନ॒-ନ୍ନିଷ୍କ୍ରୀ॑ଣୀତେ ॥ 45 ॥
(ଉ॒ଦ୍ଵାୟ॑ତି – ମନ୍ଥେନ୍ – ମନ୍ଥ – ତ୍ୟକ୍ରାମତ୍ – ପ॒ରା-ଽପ॑ତନ୍ – ମ॒ଦ୍ଧ୍ୟନ୍ଦି॑ନ – ଆଗୁ॒ରତେ॒ ପଞ୍ଚ॑ ଚ) (ଅ. 7)
ଅନୁଵାକଂ 8 – ପାଵମାନୀମନ୍ତ୍ରାଃ (ସ୍ମାର୍ତେ ଶ୍ଞାନାଦୌ ମାର୍ଜନାର୍ଥାଶ୍ଚ)
ପଵ॑ମାନ॒-ସ୍ସୁଵ॒ର୍ଜନଃ॑ । ପ॒ଵିତ୍ରେ॑ଣ॒ ଵିଚ॑ର୍ଷଣିଃ । ୟଃ ପୋତା॒ ସ ପୁ॑ନାତୁ ମା ॥ ପୁ॒ନନ୍ତୁ॑ ମା ଦେଵଜ॒ନାଃ । ପୁ॒ନନ୍ତୁ॒ ମନ॑ ଵୋ ଧି॒ୟା । ପୁ॒ନନ୍ତୁ॒ ଵିଶ୍ଵ॑ ଆ॒ୟଵଃ॑ ॥ ଜାତ॑ଵେଦଃ ପ॒ଵିତ୍ର॑ଵତ୍ । ପ॒ଵିତ୍ରେ॑ଣ ପୁନାହି ମା । ଶୁ॒କ୍ରେଣ॑ ଦେଵ॒ ଦୀଦ୍ୟ॑ତ୍ । ଅଗ୍ନେ॒ କ୍ରତ୍ଵା॒ କ୍ରତୂ॒ଗ୍ମ୍॒ ରନୁ॑ ॥ 46 ॥
ୟତ୍ତେ॑ ପ॒ଵିତ୍ର॑-ମ॒ର୍ଚିଷି॑ । ଅଗ୍ନେ॒ ଵିତ॑ତମନ୍ତ॒ରା । ବ୍ରହ୍ମ॒ ତେନ॑ ପୁନୀମହେ ॥ ଉ॒ଭାଭ୍ୟା᳚-ନ୍ଦେଵ ସଵିତଃ ।ପ॒ଵିତ୍ରେ॑ଣ ସ॒ଵେନ॑ ଚ । ଇ॒ଦ-ମ୍ବ୍ରହ୍ମ॑ ପୁନୀମହେ ॥ ଵୈ॒ଶ୍ଵ॒ଦେ॒ଵୀ ପୁ॑ନ॒ତୀ ଦେ॒ଵ୍ୟାଗା᳚ତ୍ । ୟସ୍ୟୈ॑ ବ॒ହ୍ଵୀ-ସ୍ତ॒ନୁଵୋ॑ ଵୀ॒ତପୃ॑ଷ୍ଠାଃ । ତୟା॒ ମଦ॑ନ୍ତ-ସ୍ସଧ॒ମାଦ୍ୟେ॑ଷୁ । ଵ॒ୟଗ୍ଗ୍ ସ୍ୟା॑ମ॒ ପତ॑ୟୋ ରୟୀ॒ଣାମ୍ ॥ 47 ॥
ଵୈ॒ଶ୍ଵା॒ନ॒ରୋ ର॒ଶ୍ମିଭି॑ର୍ମା ପୁନାତୁ । ଵାତଃ॑ ପ୍ରା॒ଣେନେ॑ଷି॒ରୋ ମ॑ୟୋ॒ଭୂଃ । ଦ୍ୟାଵା॑ପୃଥି॒ଵୀ ପୟ॑ସା॒ ପୟୋ॑ଭିଃ । ଋ॒ତାଵ॑ରୀ ୟ॒ଜ୍ଞିୟେ॑ ମା ପୁନୀତାମ୍ ॥ ବୃ॒ହଦ୍ଭି॑-ସ୍ସଵିତ॒ସ୍ତୃଭିଃ॑ । ଵର୍ଷି॑ଷ୍ଠୈ-ର୍ଦେଵ॒ ମନ୍ମ॑ଭିଃ । ଅଗ୍ନେ॒ ଦକ୍ଷୈଃ᳚ ପୁନାହି ମା ॥ ୟେନ॑ ଦେ॒ଵା ଅପୁ॑ନତ । ୟେନାପୋ॑ ଦି॒ଵ୍ୟ-ଙ୍କଶଃ॑ । ତେନ॑ ଦି॒ଵ୍ୟେନ॒ ବ୍ରହ୍ମ॑ଣା ॥ 48 ॥
ଇ॒ଦ-ମ୍ବ୍ରହ୍ମ॑ ପୁନୀମହେ ॥ ୟଃ ପା॑ଵମା॒ନୀର॒ଦ୍ଧ୍ୟେତି॑ । ଋଷି॑ଭି॒-ସ୍ସମ୍ଭୃ॑ତ॒ଗ୍ମ୍॒ ରସ᳚ମ୍ । ସର୍ଵ॒ଗ୍ମ୍॒ ସ ପୂ॒ତମ॑ଶ୍ଞାତି । ସ୍ଵ॒ଦି॒ତ-ମ୍ମା॑ତ॒ରିଶ୍ଵ॑ନା ॥ ପା॒ଵ॒ମା॒ନୀର୍ୟୋ ଅ॒ଦ୍ଧ୍ୟେତି॑ । ଋଷି॑ଭି॒-ସ୍ସମ୍ଭୃ॑ତ॒ଗ୍ମ୍॒ ରସ᳚ମ୍ । ତସ୍ମୈ॒ ସର॑ସ୍ଵତୀ ଦୁହେ । କ୍ଷୀ॒ରଗ୍ମ୍ ସ॒ର୍ପି-ର୍ମଧୂ॑ଦ॒କମ୍ ॥ ପା॒ଵ॒ମା॒ନୀ-ସ୍ସ୍ଵ॒ସ୍ତ୍ୟୟ॑ନୀଃ ॥ 49 ॥
ସୁ॒ଦୁଘା॒ ହି ପୟ॑ସ୍ଵତୀଃ । ଋଷି॑ଭି॒-ସ୍ସମ୍ଭୃ॑ତୋ॒ ରସଃ॑ । ବ୍ରା॒ହ୍ମ॒ଣେଷ୍ଵ॒ମୃତଗ୍ମ୍॑ ହି॒ତମ୍ ॥ ପା॒ଵ॒ମା॒ନୀ-ର୍ଦି॑ଶନ୍ତୁ ନଃ । ଇ॒ମଂ-ଲୋଁ॒କମଥୋ॑ ଅ॒ମୁମ୍ । କାମା॒ନ୍-ଥ୍ସମ॑ର୍ଧୟନ୍ତୁ ନଃ । ଦେ॒ଵୀ-ର୍ଦେ॒ଵୈ-ସ୍ସ॒ମାଭୃ॑ତାଃ ॥ ପା॒ଵ॒ମା॒ନୀ-ସ୍ସ୍ଵ॒ସ୍ତ୍ୟୟ॑ନୀଃ । ସୁ॒ଦୁଘା॒ହି ଘୃ॑ତ॒ଶ୍ଚୁତଃ॑ । ଋଷି॑ଭି॒-ସ୍ସମ୍ଭୃ॑ତୋ॒ ରସଃ॑ ॥ 50 ॥
ବ୍ରା॒ହ୍ମ॒ଣେଷ୍ଵ॒ମୃତଗ୍ମ୍॑ ହି॒ତମ୍ ॥ ୟେନ॑ ଦେ॒ଵାଃ ପ॒ଵିତ୍ରେ॑ଣ । ଆ॒ତ୍ମାନ॑-ମ୍ପୁ॒ନତେ॒ ସଦା᳚ । ତେନ॑ ସ॒ହସ୍ର॑ଧାରେଣ । ପା॒ଵ॒ମା॒ନ୍ୟଃ ପୁ॑ନନ୍ତୁ ମା ॥ ପ୍ରା॒ଜା॒ପ॒ତ୍ୟ-ମ୍ପ॒ଵିତ୍ର᳚ମ୍ । ଶ॒ତୋଦ୍ୟା॑ମଗ୍ମ୍ ହିର॒ଣ୍ମୟ᳚ମ୍ । ତେନ॑ ବ୍ରହ୍ମ॒ ଵିଦୋ॑ ଵ॒ୟମ୍ । ପୂ॒ତ-ମ୍ବ୍ରହ୍ମ॑ ପୁନୀମହେ ॥ ଇନ୍ଦ୍ର॑-ସ୍ସୁନୀ॒ତୀ ସ॒ହ ମା॑ ପୁନାତୁ । ସୋମ॑-ସ୍ସ୍ଵ॒ସ୍ତ୍ୟା ଵରୁ॑ଣ-ସ୍ସ॒ମୀଚ୍ୟା᳚ । ୟ॒ମୋ ରାଜା᳚ ପ୍ରମୃ॒ଣାଭିଃ॑ ପୁନାତୁ ମା । ଜା॒ତଵେ॑ଦା ମୋ॒ର୍ଜୟ॑ନ୍ତ୍ୟା ପୁନାତୁ ॥ 51 ॥
(ଅନୁ॑ – ରୟୀ॒ଣାଂ – ବ୍ରହ୍ମ॑ଣା – ସ୍ଵ॒ସ୍ତ୍ୟୟ॑ନୀଃ – ସୁ॒ଦୁଘା॒ ହି ଘୃ॑ତ॒ଶ୍ଚୁତ॒ ଋଷି॑ଭି॒-ସ୍ସମ୍ଭୃ॑ତୋ॒ ରସଃ॑ – ପୁନାତୁ॒ ତ୍ରୀଣି॑ ଚ ) (ଅ. 8)
ଅନୁଵାକଂ 9 – ରାଜସୂୟଗତଚାତୁର୍ମାସ୍ୟଶେଷଃ
ପ୍ର॒ଜା ଵୈ ସ॒ତ୍ରମା॑ସତ॒ ତପ॒ସ୍ତପ୍ୟ॑ମାନା॒ ଅଜୁ॑ହ୍ଵତୀଃ । ଦେ॒ଵା ଅ॑ପଶ୍ୟ-ଞ୍ଚମ॒ସ-ଙ୍ଘୃ॒ତସ୍ୟ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ । ତମୁପୋଦ॑ତିଷ୍ଠ॒ନ୍ତ-ମ॑ଜୁହଵୁଃ । ତେନା᳚ର୍ଧମା॒ସ ଊର୍ଜ॒ମଵା॑ରୁନ୍ଧତ । ତସ୍ମା॑ଦର୍ଧମା॒ସେ ଦେ॒ଵା ଇ॑ଜ୍ୟନ୍ତେ ॥ ପି॒ତରୋ॑-ଽପଶ୍ୟ-ଞ୍ଚମ॒ସ-ଙ୍ଘୃ॒ତସ୍ୟ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ । ତମୁପୋଦ॑ତିଷ୍ଠ॒ନ୍ତ- ମ॑ଜୁହଵୁଃ । ତେନ॑ ମା॒ସ୍ୟୂର୍ଜ॒ମଵା॑ରୁନ୍ଧତ । ତସ୍ମା᳚-ନ୍ମା॒ସି ପି॒ତୃଭ୍ୟଃ॑ କ୍ରିୟତେ । ମ॒ନୁ॒ଷ୍ୟା॑ ଅପଶ୍ୟ-ଞ୍ଚମ॒ସ-ଙ୍ଘୃ॒ତସ୍ୟ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ ॥ 52 ॥
ତମୁପୋଦ॑ତିଷ୍ଠ॒ନ୍ତ-ମ॑ଜୁହଵୁଃ । ତେନ॑-ଦ୍ଵ॒ୟୀମୂର୍ଜ॒ମଵା॑ରୁନ୍ଧତ । ତସ୍ମା॒-ଦ୍ଦ୍ଵିରହ୍ନୋ॑-ମନୁ॒ଷ୍ୟେ᳚ଭ୍ୟ॒ ଉପ॑ହ୍ରିୟତେ । ପ୍ରା॒ତଶ୍ଚ॑ ସା॒ୟ-ଞ୍ଚ॑ । ପ॒ଶଵୋ॑-ଽପଶ୍ୟ-ଞ୍ଚମ॒ସ-ଙ୍ଘୃ॒ତସ୍ୟ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ । ତମୁପୋଦ॑ତିଷ୍ଠ॒ନ୍ତ-ମ॑ଜୁହଵୁଃ । ତେନ॑-ତ୍ର॒ୟୀମୂର୍ଜ॒ମଵା॑-ରୁନ୍ଧତ । ତସ୍ମା॒-ତ୍ତ୍ରିରହ୍ନଃ॑ ପ॒ଶଵଃ॒ ପ୍ରେର॑ତେ । ପ୍ରା॒ତସ୍ସ॑ଗଂ॒ଵେ ସା॒ୟମ୍ । ଅସୁ॑ରା ଅପଶ୍ୟ-ଞ୍ଚମ॒ସ-ଙ୍ଘୃ॒ତସ୍ୟ॑ ପୂ॒ର୍ଣଗ୍ଗ୍ ସ୍ଵ॒ଧାମ୍ ॥ 53 ॥
ତମୁପୋଦ॑ତିଷ୍ଠ॒ନ୍ତ-ମ॑ଜୁହଵୁଃ । ତେନ॑ ସଂଵଁଥ୍ସ॒ର ଊର୍ଜ॒ମଵା॑-ରୁନ୍ଧତ ॥ ତେ ଦେ॒ଵା ଅ॑ମନ୍ୟନ୍ତ । ଅ॒ମୀ ଵା ଇ॒ଦମ॑ଭୂଵନ୍ନ୍ । ୟଦ୍ଵ॒ୟଗ୍ଗ୍ସ୍ମ ଇତି॑ । ତ ଏ॒ତାନି॑ ଚାତୁର୍ମା॒ସ୍ୟାନ୍ୟ॑ପଶ୍ୟନ୍ନ୍ । ତାନି॒ ନିର॑ଵପନ୍ନ୍ । ତୈରେ॒ଵୈଷା॒-ନ୍ତାମୂର୍ଜ॑ମଵୃଞ୍ଜତ । ତତୋ॑ ଦେ॒ଵା ଅଭ॑ଵନ୍ନ୍ । ପରା-ଽସୁ॑ରାଃ ॥ 54 ॥
ୟ-ଦ୍ୟଜ॑ତେ । ୟାମେ॒ଵ ଦେ॒ଵା ଊର୍ଜ॑ମ॒ଵାରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ୟ-ତ୍ପି॒ତୃଭ୍ୟଃ॑ କ॒ରୋତି॑ । ୟାମେ॒ଵ ପି॒ତର॒ ଊର୍ଜ॑ମ॒ଵା-ରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ୟଦା॑ଵସ॒ଥେ-ଽନ୍ନ॒ଗ୍ମ୍॒ ହର॑ନ୍ତି । ୟାମେ॒ଵ ମ॑ନୁ॒ଷ୍ୟା॑ ଊର୍ଜ॑ମ॒ଵା-ରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ୟ-ଦ୍ଦକ୍ଷି॑ଣା॒-ନ୍ଦଦା॑ତି ॥ 55 ॥
ୟାମେ॒ଵ ପ॒ଶଵ॒ ଊର୍ଜ॑ମ॒ଵା-ରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ୟଚ୍ଚା॑ତୁ-ର୍ମା॒ସ୍ୟୈ-ର୍ୟଜ॑ତେ । ୟାମେ॒ଵାସୁ॑ରା॒ ଊର୍ଜ॑ମ॒-ଵାରୁ॑ନ୍ଧତ । ତା-ନ୍ତେନା-ଵ॑ରୁନ୍ଧେ । ଭଵ॑ତ୍ୟା॒ତ୍ମନା᳚ । ପରା᳚-ଽସ୍ୟ॒ ଭ୍ରାତୃ॑ଵ୍ୟୋ ଭଵତି ॥ ଵି॒ରାଜୋ॒ ଵା ଏ॒ଷା ଵିକ୍ରା᳚ନ୍ତିଃ । ୟଚ୍ଚା॑ତୁ-ର୍ମା॒ସ୍ୟାନି॑ । ଵୈ॒ଶ୍ଵ॒ଦେ॒ଵେନା॒ସ୍ମିଁଲ୍ଲୋ॒କେ ପ୍ରତ୍ୟ॑ତିଷ୍ଠତ୍ । ଵ॒ରୁ॒ଣ॒ ପ୍ର॒ଘା॒ସୈ-ର॒ନ୍ତରି॑କ୍ଷେ । ସା॒କ॒ମେ॒ଧୈ-ର॒ମୁଷ୍ମି॑ଁଲ୍ଲୋ॒କେ । ଏ॒ଷ ହ॒ ତ୍ଵାଵୈତ-ଥ୍ସର୍ଵ॑-ମ୍ଭଵତି । ୟ ଏ॒ଵଂ-ଵିଁ॒ଦ୍ଵାଗ୍ଶ୍ଚା॑ତୁର୍ମା॒ସ୍ୟୈ-ର୍ୟଜ॑ତେ ॥ 56 ॥
(ମ॒ନୁ॒ଷ୍ୟା॑ ଅପଶ୍ୟଞ୍ଚମ॒ସ-ଙ୍ଘୃ॒ତସ୍ୟ॑ ପୂ॒ର୍ଣଗ୍ଗ୍ ସ୍ଵ॒ଧା-ମସୁ॑ରା ଅପଶ୍ୟଞ୍ଚମ॒ସ-ଙ୍ଘୃ॒ତସ୍ୟ॑ ପୂ॒ର୍ଣଗ୍ଗ୍ ସ୍ଵ॒ଧା-ମସୁ॑ରା॒-ଦଦା᳚-ତ୍ୟତିଷ୍ଠ ଚ୍ଚ॒ତ୍ଵାରି॑ ଚ) (ଅ. 9)
ଅନୁଵାକଂ 10 – ଚାତୁର୍ମାସ୍ୟପ୍ରଶଂସନମ୍
ଅ॒ଗ୍ନିର୍ଵାଵ ସଂ॑ଵଁଥ୍ସ॒ରଃ । ଆ॒ଦି॒ତ୍ୟଃ ପ॑ରିଵଥ୍ସ॒ରଃ । ଚ॒ନ୍ଦ୍ରମା॑ ଇଦାଵଥ୍ସ॒ରଃ । ଵା॒ୟୁ-ର॑ନୁଵଥ୍ସ॒ରଃ ॥ ୟ-ଦ୍ଵୈ᳚ଶ୍ଵଦେ॒ଵେନ॒ ୟଜ॑ତେ । ଅ॒ଗ୍ନିମେ॒ଵ ତ-ଥ୍ସଂ॑ଵଁଥ୍ସ॒ର-ମା᳚ପ୍ନୋତି । ତସ୍ମା᳚-ଦ୍ଵୈଶ୍ଵଦେ॒ଵେନ॒ ୟଜ॑ମାନଃ । ସଂ॒ଵଁ॒ଥ୍ସ॒ରୀଣାଗ୍॑ ସ୍ଵ॒ସ୍ତି-ମାଶା᳚ସ୍ତ॒ ଇତ୍ୟାଶା॑ସୀତ ॥ ୟ-ଦ୍ଵ॑ରୁଣ ପ୍ରଘା॒ସୈ-ର୍ୟଜ॑ତେ । ଆ॒ଦି॒ତ୍ୟମେ॒ଵ ତ-ତ୍ପ॑ରିଵଥ୍ସ॒ର-ମା᳚ପ୍ନୋତି ॥ 57 ॥
ତସ୍ମା᳚-ଦ୍ଵରୁଣ-ପ୍ରଘା॒ସୈ-ର୍ୟଜ॑ମାନଃ । ପ॒ରି॒ଵ॒ଥ୍ସ॒ରୀଣାଗ୍॑ ସ୍ଵ॒ସ୍ତି-ମାଶା᳚ସ୍ତ॒ ଇତ୍ୟାଶା॑ସୀତ । ୟ-ଥ୍ସା॑କମେ॒ଧୈ-ର୍ୟଜ॑ତେ । ଚ॒ନ୍ଦ୍ରମ॑ସମେ॒ଵ ତଦି॑ଦାଵଥ୍ସ॒ର-ମା᳚ପ୍ନୋତି । ତସ୍ମା᳚-ଥ୍ସାକମେ॒ଧୈ-ର୍ୟଜ॑ମାନଃ । ଇ॒ଦା॒ଵ॒ଥ୍ସ॒ରୀଣାଗ୍॑ ସ୍ଵ॒ସ୍ତି-ମାଶା᳚ସ୍ତ॒ ଇତ୍ୟାଶା॑ସୀତ ॥ ୟ-ତ୍ପି॑ତୃ ୟ॒ଜ୍ଞେନ॒ ୟଜ॑ତେ । ଦେ॒ଵାନେ॒ଵ ତଦ॒ନ୍ଵଵ॑ସ୍ୟତି ॥ ଅଥ॒ ଵା ଅ॑ସ୍ୟ ଵା॒ୟୁଶ୍ଚା॑-ନୁଵଥ୍ସ॒ରଶ୍ଚା ପ୍ରୀ॑ତା॒ଵୁଚ୍ଛି॑ଷ୍ୟେତେ । ୟଚ୍ଛୁ॑ନାସୀ॒ରୀୟେ॑ଣ॒ ୟଜ॑ତେ ॥ 58 ॥
ଵା॒ୟୁମେ॒ଵ ତଦ॑ନୁଵଥ୍ସ॒ର-ମା᳚ପ୍ନୋତି । ତସ୍ମା᳚-ଚ୍ଛୁନାସୀ॒ରୀୟେ॑ଣ॒ ୟଜ॑ମାନଃ । ଅ॒ନୁ॒ଵ॒ଥ୍ସ॒ରୀଣାଗ୍॑ ସ୍ଵ॒ସ୍ତି-ମାଶା᳚ସ୍ତ॒ ଇତ୍ୟାଶା॑ସୀତ ॥ ସଂ॒ଵଁ॒ଥ୍ସ॒ରଂ-ଵାଁ ଏ॒ଷ ଈ᳚ଫ୍ସ॒ତୀତ୍ୟା॑ହୁଃ । ୟଶ୍ଚା॑ତୁ-ର୍ମା॒ସ୍ୟୈ-ର୍ୟଜ॑ତ॒ ଇତି॑ । ଏ॒ଷ ହ॒ ତ୍ଵୈ ସ॑ଵନ୍ଥ୍ସ॒ର-ମା᳚ପ୍ନୋତି । ୟ ଏ॒ଵଂ-ଵିଁ॒ଦ୍ଵାଗ୍ ଶ୍ଚା॑ତୁର୍ମା॒ସ୍ୟୈ-ର୍ୟଜ॑ତେ ॥ ଵିଶ୍ଵେ॑ ଦେ॒ଵା-ସ୍ସମ॑ୟଜନ୍ତ । ତେ᳚-ଽଗ୍ନିମେ॒ଵାୟ॑ଜନ୍ତ । ତ ଏ॒ତଂ-ଲୋଁ॒କମ॑ଜୟନ୍ନ୍ ॥ 59 ॥
ୟସ୍ମି॑ନ୍ନ॒ଗ୍ନିଃ । ୟ-ଦ୍ଵୈ᳚ଶ୍ଵଦେ॒ଵେନ॒ ୟଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ୟତି । ୟସ୍ମି॑ନ୍ନ॒ଗ୍ନିଃ । ଅ॒ଗ୍ନେରେ॒ଵ ସାୟୁ॑ଜ୍ୟ॒ମୁପୈ॑ତି ॥ ୟ॒ଦା ଵୈ᳚ଶ୍ଵଦେ॒ଵେନ॒ ୟଜ॑ତେ । ଅଥ॑ ସଂଵଁଥ୍ସ॒ରସ୍ୟ॑ ଗୃ॒ହପ॑ତି-ମାପ୍ନୋତି । ୟ॒ଦା ସଂ॑ଵଁଥ୍ସ॒ରସ୍ୟ॑ ଗୃ॒ହପ॑ତି-ମା॒ପ୍ନୋତି॑ । ଅଥ॑ ସହସ୍ରୟା॒ଜିନ॑-ମାପ୍ନୋତି । ୟ॒ଦା ସ॑ହସ୍ରୟା॒ଜିନ॑-ମା॒ପ୍ନୋତି॑ ॥ 60 ॥
ଅଥ॑ ଗୃହମେ॒ଧିନ॑-ମାପ୍ନୋତି । ୟ॒ଦା ଗୃ॑ହମେ॒ଧିନ॑-ମା॒ପ୍ନୋତି॑ । ଅଥା॒ଗ୍ନି-ର୍ଭ॑ଵତି । ୟ॒ଦା-ଽଗ୍ନି-ର୍ଭଵ॑ତି । ଅଥ॒ ଗୌର୍ଭ॑ଵତି । ଏ॒ଷା ଵୈ ଵୈ᳚ଶ୍ଵଦେ॒ଵସ୍ୟ॒ ମାତ୍ରା᳚ । ଏ॒ତ-ଦ୍ଵା ଏ॒ତେଷା॑ମଵ॒ମମ୍ । ଅତୋ॑-ଽତୋ॒ ଵା ଉତ୍ତ॑ରାଣି॒ ଶ୍ରେୟାଗ୍ମ୍॑ସି ଭଵନ୍ତି । ୟ-ଦ୍ଵିଶ୍ଵେ॑ ଦେ॒ଵା-ସ୍ସ॒ମୟ॑ଜନ୍ତ । ତ-ଦ୍ଵୈ᳚ଶ୍ଵଦେ॒ଵସ୍ୟ॑ ଵୈଶ୍ଵଦେଵ॒ତ୍ଵମ୍ ॥ 61 ॥
ଅଥା॑ଦି॒ତ୍ୟୋ ଵରୁ॑ଣ॒ଗ୍ମ୍॒ ରାଜା॑ନଂ-ଵଁରୁଣ ପ୍ରଘା॒ସୈର॑ୟଜତ । ସ ଏ॒ତଂ-ଲୋଁ॒କମ॑ଜୟତ୍ । ୟସ୍ମି॑ନ୍ନାଦି॒ତ୍ୟଃ । ୟ-ଦ୍ଵ॑ରୁଣ-ପ୍ରଘା॒ସୈ-ର୍ୟଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ୟତି । ୟସ୍ମି॑ନ୍ନାଦି॒ତ୍ୟଃ । ଆ॒ଦି॒ତ୍ୟସ୍ୟୈ॒ଵ-ସାୟୁ॑ଜ୍ୟ॒-ମୁପୈ॑ତି । ୟଦା॑ଦି॒ତ୍ୟୋ ଵରୁ॑ଣ॒ଗ୍ମ୍॒ ରାଜା॑ନଂ-ଵଁରୁଣ ପ୍ରଘା॒ସୈରୟ॑ଜତ । ତ-ଦ୍ଵ॑ରୁଣ ପ୍ରଘା॒ସାନାଂ᳚-ଵଁରୁଣ ପ୍ରଘାସ॒ତ୍ଵମ୍ ॥ ଅଥ॒ ସୋମୋ॒ ରାଜା॒ ଛନ୍ଦାଗ୍ମ୍॑ସି ସାକମେ॒ଧୈର॑ୟଜତ ॥ 62 ॥
ସ ଏ॒ତଂ-ଲୋଁ॒କମ॑ଜୟତ୍ । ୟସ୍ମିଗ୍ଗ୍॑ ଶ୍ଚ॒ନ୍ଦ୍ରମା॑ ଵି॒ଭାତି॑ । ୟ-ଥ୍ସା॑କମେ॒ଧୈ-ର୍ୟଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ୟତି । ୟସ୍ମିଗ୍ଗ୍॑ ଶ୍ଚ॒ନ୍ଦ୍ରମା॑ ଵି॒ଭାତି॑ । ଚ॒ନ୍ଦ୍ରମ॑ସ ଏ॒ଵ ସାୟୁ॑ଜ୍ୟ॒-ମୁପୈ॑ତି । ସୋମୋ॒ ଵୈ ଚ॒ନ୍ଦ୍ରମାଃ᳚ । ଏ॒ଷ ହ॒ ତ୍ଵୈ ସା॒କ୍ଷା-ଥ୍ସୋମ॑-ମ୍ଭକ୍ଷୟତି । ୟ ଏ॒ଵଂ-ଵିଁ॒ଦ୍ଵାନ୍-ଥ୍ସା॑କମେ॒ଧୈ-ର୍ୟଜ॑ତେ । ୟ-ଥ୍ସୋମ॑ଶ୍ଚ॒ ରାଜା॒ ଛନ୍ଦାଗ୍ମ୍॑ସି ଚ ସ॒ମୈଧ॑ନ୍ତ ॥ 63 ॥
ତ-ଥ୍ସା॑କମେ॒ଧାନାଗ୍ମ୍॑ ସାକମେଧ॒ତ୍ଵମ୍ ॥ ଅଥ॒ର୍ତଵଃ॑ ପି॒ତରଃ॑ ପ୍ର॒ଜାପ॑ତି-ମ୍ପି॒ତର॑-ମ୍ପିତୃୟ॒ଜ୍ଞେ-ନା॑ୟଜନ୍ତ । ତ ଏ॒ତଂ-ଲୋଁ॒କମ॑ଜୟନ୍ନ୍ । ୟସ୍ମି॑ନ୍ନୃ॒ତଵଃ॑ । ୟ-ତ୍ପି॑ତୃୟ॒ଜ୍ଞେନ॒ ୟଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ୟତି । ୟସ୍ମି॑ନ୍ନୃ॒ତଵଃ॑ । ଋ॒ତୂ॒ନାମେ॒ଵ ସାୟୁ॑ଜ୍ୟ॒-ମୁପୈ॑ତି । ୟଦ୍-ଋ॒ତଵଃ॑ ପି॒ତରଃ॑ ପ୍ର॒ଜାପ॑ତି-ମ୍ପି॒ତର॑-ମ୍ପିତୃୟ॒ଜ୍ଞେନାୟ॑ଜନ୍ତ । ତ-ତ୍ପି॑ତୃୟ॒ଜ୍ଞସ୍ୟ॑ ପିତୃୟଜ୍ଞ॒ତ୍ଵମ୍ ॥ 64 ॥
ଅଥୌଷ॑ଧୟ ଇ॒ମ-ନ୍ଦେ॒ଵ-ନ୍ତ୍ର୍ୟ॑ମ୍ବକୈ-ରୟଜନ୍ତ॒ ପ୍ରଥେ॑ମ॒ହୀତି॑ । ତତୋ॒ ଵୈ ତା ଅ॑ପ୍ରଥନ୍ତ । ୟ ଏ॒ଵଂ-ଵିଁ॒ଦ୍ଵାଗ୍ ସ୍ତ୍ର୍ୟ॑ମ୍ବକୈ॒-ର୍ୟଜ॑ତେ । ପ୍ରଥ॑ତେ ପ୍ର॒ଜୟା॑ ପ॒ଶୁଭିଃ॑ ॥ ଅଥ॑ ଵା॒ୟୁଃ ପ॑ରମେ॒ଷ୍ଠିନଗ୍ମ୍॑ ଶୁନାସୀ॒ରୀୟେ॑ଣାୟଜତ । ସ ଏ॒ତଂ-ଲୋଁ॒କମ॑ଜୟତ୍ । ୟସ୍ମି॑ନ୍-ଵା॒ୟୁଃ । ୟଚ୍ଛୁ॑ନାସୀ॒ରୀୟେ॑ଣ॒ ୟଜ॑ତେ । ଏ॒ତମେ॒ଵ ଲୋ॒କ-ଞ୍ଜ॑ୟତି । ୟସ୍ମି॑ନ୍-ଵା॒ୟୁଃ ॥ 65 ॥
ଵା॒ୟୋରେ॒ଵ ସାୟୁ॑ଜ୍ୟ॒-ମୁପୈ॑ତି ॥ ବ୍ର॒ହ୍ମ॒ଵା॒ଦିନୋ॑ ଵଦନ୍ତି । ପ୍ର ଚା॑ତୁର୍ମାସ୍ୟୟା॒ଜୀ-ମୀ॑ୟ॒ତା(3) ନ ପ୍ରମୀ॑ୟ॒ତା(3) ଇତି॑ । ଜୀଵ॒ନ୍ଵା ଏ॒ଷ ଋ॒ତୂନପ୍ୟେ॑ତି । ୟଦି॑ ଵ॒ସନ୍ତା᳚ ପ୍ର॒ମୀୟ॑ତେ । ଵ॒ସ॒ନ୍ତୋ ଭ॑ଵତି । ୟଦି॑ ଗ୍ରୀ॒ଷ୍ମେ ଗ୍ରୀ॒ଷ୍ମଃ । ୟଦି॑ ଵ॒ର୍॒ଷାସୁ॑ ଵ॒ର୍॒ଷାଃ । ୟଦି॑ ଶ॒ରଦି॑ ଶ॒ରତ୍ । ୟଦି॒ ହେମ॑ନ୍. ହେମ॒ନ୍ତଃ । ଋ॒ତୁର୍ଭୂ॒ତ୍ଵା ସଂ॑ଵଁଥ୍ସ॒ରମପ୍ୟେ॑ତି । ସଂ॒ଵଁ॒ଥ୍ସ॒ରଃ ପ୍ର॒ଜାପ॑ତିଃ । ପ୍ର॒ଜାପ॑ତି॒ର୍ଵା ଵୈଷଃ ॥ 66 ॥
(ପ॒ରି॒ଵ॒ଥ୍ସ॒ରମା᳚ପ୍ନୋତି – ଶୁନାସୀ॒ରୀୟେ॑ଣ॒ ୟଜ॑ତେ – ଽଜୟନ୍ଥ୍ – ସହସ୍ରୟା॒ଜିନ॑ମା॒ପ୍ନୋତି॑ – ଵୈଶ୍ଵଦେଵ॒ତ୍ଵଗ୍ମ୍ – ସା॑କମେ॒ଧୈର॑ୟଜତ – ସ॒ମୈଧ॑ନ୍ତ – ପିତୃୟଜ୍ଞ॒ତ୍ଵଂ – ଜ॑ୟତି॒ ୟସ୍ମି॑ନ୍ ଵା॒ୟୁ–ର୍ ହେ॑ମ॒ନ୍ତ ସ୍ତ୍ରୀଣୀ॑ ଚ) (ଅ. 10)
(ଉ॒ଭୟେ॑ – ୟୁ॒ଵଗ୍ମ୍ ସୁ॒ରାମ॒ – ମୁଦ॑ସ୍ଥା॒ନ୍ – ନି ଵୈ – ୟସ୍ୟ॑ ପ୍ରାତସ୍ସଵ॒ନ – ଏକୈ॑କୋ – ଽସୁ॒ର୍ୟମ୍ – ପଵ॑ମାନଃ – ପ୍ର॒ଜା ଵୈ ସ॒ତ୍ରମା॑ସ – ତା॒ଗ୍ନିର୍ଵାଵ ସଂ॑ଵଁଥ୍ସ॒ରୋ ଦଶ॑ )
(ଉ॒ଭୟେ॒ ଵା – ଉଦ॑ସ୍ଥା॒ଥ୍ – ସର୍ଵା॑ଭି–ର୍ ମଦ୍ଧ୍ୟ॒ତୋ – ଽତ୍ର॒ ଵାଵ – ବ୍ରା᳚ହ୍ମ॒ଣେଷ୍ଵ – ଥ॑ ଗୃହମେ॒ଧିନ॒ଗ୍ମ୍॒ ଷଟ୍-ଥ୍ଷ॑ଷ୍ଟିଃ)
(ଉ॒ଭୟେ॒ – ଵାଵୈଷଃ)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ପ୍ରଥମାଷ୍ଟକେ ଚତୁର୍ଥଃ ପ୍ରପାଠକ-ସ୍ସମାପ୍ତଃ ॥
1 କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ପ୍ରଥମାଷ୍ଟକଂ
ବାରମ୍ବାର ପଚରାଯାଉଥିବା ପ୍ରଶ୍ନ
What is 1.4 - ସୋମାଦିବ୍ରାହ୍ମଣଂ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଉଭୟେ ଵା?
1.4 - ସୋମାଦିବ୍ରାହ୍ମଣଂ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଉଭୟେ ଵା is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 1.4 - ସୋମାଦିବ୍ରାହ୍ମଣଂ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଉଭୟେ ଵା online?
Yes. The imported text is available directly on this page for online reading and recitation.
Can I download 1.4 - ସୋମାଦିବ୍ରାହ୍ମଣଂ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଉଭୟେ ଵା as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.