ଉଦ୍ଧଵଗୀତା – ତୃତୀୟୋଽଧ୍ୟାୟଃ
ଅଥ ତୃତୀୟୋଽଧ୍ୟାୟଃ ।
ପରସ୍ୟ ଵିଷ୍ଣୋଃ ଈଶସ୍ୟ ମାୟିନାମ ଅପି ମୋହିନୀମ୍ ।
ମାୟାଂ ଵେଦିତୁଂ ଇଚ୍ଛାମଃ ଭଗଵଂତଃ ବ୍ରୁଵଂତୁ ନଃ ॥ 1॥
ନ ଅନୁତୃପ୍ୟେ ଜୁଷନ୍ ୟୁଷ୍ମତ୍ ଵଚଃ ହରିକଥା ଅମୃତମ୍ ।
ସଂସାରତାପନିଃତପ୍ତଃ ମର୍ତ୍ୟଃ ତତ୍ ତାପ ଭେଷଜମ୍ ॥ 2॥
ଅଂତରିକ୍ଷଃ ଉଵାଚ ।
ଏଭିଃ ଭୂତାନି ଭୂତାତ୍ମା ମହାଭୂତୈଃ ମହାଭୁଜ ।
ସସର୍ଜୋତ୍ ଚ ଅଵଚାନି ଆଦ୍ୟଃ ସ୍ଵମାତ୍ରପ୍ରସିଦ୍ଧୟେ ॥ 3॥
ଏଵଂ ସୃଷ୍ଟାନି ଭୂତାନି ପ୍ରଵିଷ୍ଟଃ ପଂଚଧାତୁଭିଃ ।
ଏକଧା ଦଶଧା ଆତ୍ମାନଂ ଵିଭଜନ୍ ଜୁଷତେ ଗୁଣାନ୍ ॥ 4॥
ଗୁଣୈଃ ଗୁଣାନ୍ ସଃ ଭୁଂଜାନଃ ଆତ୍ମପ୍ରଦ୍ୟୋଦିତୈଃ ପ୍ରଭୁଃ ।
ମନ୍ୟମାନଃ ଇଦଂ ସୃଷ୍ଟଂ ଆତ୍ମାନଂ ଇହ ସଜ୍ଜତେ ॥ 5॥
କର୍ମାଣି କର୍ମଭିଃ କୁର୍ଵନ୍ ସନିମିତ୍ତାନି ଦେହଭୃତ୍ ।
ତତ୍ ତତ୍ କର୍ମଫଲଂ ଗୃହ୍ଣନ୍ ଭ୍ରମତି ଇହ ସୁଖୈତରମ୍ ॥ 6॥
ଇତ୍ଥଂ କର୍ମଗତୀଃ ଗଚ୍ଛନ୍ ବହ୍ଵଭଦ୍ରଵହାଃ ପୁମାନ୍ ।
ଆଭୂତସଂପ୍ଲଵାତ୍ ସର୍ଗପ୍ରଲୟୌ ଅଶ୍ନୁତେ ଅଵଶଃ ॥ 7॥
ଧାତୁ ଉପପ୍ଲଵଃ ଆସନ୍ନେ ଵ୍ୟକ୍ତଂ ଦ୍ରଵ୍ୟଗୁଣାତ୍ମକମ୍ ।
ଅନାଦିନିଧନଃ କାଲଃ ହି ଅଵ୍ୟକ୍ତାୟ ଅପକର୍ଷତି ॥ 8॥
ଶତଵର୍ଷାଃ ହି ଅନାଵୃଷ୍ଟିଃ ଭଵିଷ୍ୟତି ଉଲ୍ବଣା ଭୁଵି ।
ତତ୍ କାଲ ଉପଚିତ ଉଷ୍ଣ ଅର୍କଃ ଲୋକାନ୍ ତ୍ରୀନ୍ ପ୍ରତପିଷ୍ୟତି ॥9॥
ପାତାଲତଲଂ ଆରଭ୍ୟ ସଂକର୍ଷଣମୁଖ ଅନଲଃ ।
ଦହନ୍ ଊର୍ଧ୍ଵଶିଖଃ ଵିଷ୍ଵକ୍ ଵର୍ଧତେ ଵାୟୁନା ଈରିତଃ ॥ 10॥
ସାଂଵର୍ତକଃ ମେଘଗଣଃ ଵର୍ଷତି ସ୍ମ ଶତଂ ସମାଃ ।
ଧାରାଭିଃ ହସ୍ତିହସ୍ତାଭିଃ ଲୀୟତେ ସଲିଲେ ଵିରାଟ୍ ॥ 11॥
ତତଃ ଵିରାଜଂ ଉତ୍ସୃଜ୍ୟ ଵୈରାଜଃ ପୁରୁଷଃ ନୃପ ।
ଅଵ୍ୟକ୍ତଂ ଵିଶତେ ସୂକ୍ଷ୍ମଂ ନିରିଂଧନଃ ଇଵ ଅନଲଃ ॥ 12॥
ଵାୟୁନା ହୃତଗଂଧା ଭୂଃ ସଲିଲତ୍ଵାୟ କଲ୍ପତେ ।
ସଲିଲଂ ତତ୍ ଧୃତରସଂ ଜ୍ୟୋତିଷ୍ଟ୍ଵାୟ ଉପକଲ୍ପତେ ॥ 13॥
ହୃତରୂପଂ ତୁ ତମସା ଵାୟୌ ଜ୍ୟୋତିଃ ପ୍ରଲୀୟତେ ।
ହୃତସ୍ପର୍ଶଃ ଅଵକାଶେନ ଵାୟୁଃ ନଭସି ଲୀୟତେ ।
କାଲାତ୍ମନା ହୃତଗୁଣଂ ନଵଃ ଆତ୍ମନି ଲୀୟତେ ॥ 14॥
ଇଂଦ୍ରିୟାଣି ମନଃ ବୁଦ୍ଧିଃ ସହ ଵୈକାରିକୈଃ ନୃପ ।
ପ୍ରଵିଶଂତି ହି ଅହଂକାରଂ ସ୍ଵଗୁଣୈଃ ଅହଂ ଆତ୍ମନି ॥ 15॥
ଏଷା ମାୟା ଭଗଵତଃ ସର୍ଗସ୍ଥିତି ଅଂତକାରିଣୀ ।
ତ୍ରିଵର୍ଣା ଵର୍ଣିତା ଅସ୍ମାଭିଃ କିଂ ଭୂୟଃ ଶ୍ରୋତୁଂ ଇଚ୍ଛସି ॥ 16॥
ରାଜା ଉଵାଚ ।
ୟଥା ଏତାଂ ଐଶ୍ଵରୀଂ ମାୟାଂ ଦୁସ୍ତରାଂ ଅକୃତାତ୍ମଭିଃ ।
ତରଂତି ଅଂଜଃ ସ୍ଥୂଲଧିୟଃ ମହର୍ଷଃ ଇଦଂ ଉଚ୍ୟତାମ୍ ॥ 17॥
ପ୍ରବୁଦ୍ଧଃ ଉଵାଚ ।
କର୍ମାଣି ଆରଭମାଣାନାଂ ଦୁଃଖହତ୍ୟୈ ସୁଖାୟ ଚ ।
ପଶ୍ୟେତ୍ ପାକଵିପର୍ୟାସଂ ମିଥୁନୀଚାରିଣାଂ ନୃଣାମ୍ ॥ 18॥
ନିତ୍ୟାର୍ତିଦେନ ଵିତ୍ତେନ ଦୁର୍ଲଭେନ ଆତ୍ମମୃତ୍ୟୁନା ।
ଗୃହ ଅପତ୍ୟାପ୍ତପଶୁଭିଃ କା ପ୍ରୀତିଃ ସାଧିତୈଃ ଚଲୈଃ ॥
19॥
ଏଵଂ ଲୋକଂ ପରଂ ଵିଦ୍ୟାତ୍ ନଶ୍ଵରଂ କର୍ମନିର୍ମିତମ୍ ।
ସତୁଲ୍ୟ ଅତିଶୟ ଧ୍ଵଂସଂ ୟଥା ମଂଡଲଵର୍ତିନାମ୍ ॥ 20॥
ତସ୍ମାତ୍ ଗୁରୁଂ ପ୍ରପଦ୍ୟେତ ଜିଜ୍ଞାସୁଃ ଶ୍ରେୟଃ ଉତ୍ତମମ୍ ।
ଶାବ୍ଦେ ପରେ ଚ ନିଷ୍ଣାତଂ ବ୍ରହ୍ମଣି ଉପଶମାଶ୍ରୟମ୍ ॥ 21॥
ତତ୍ର ଭାଗଵତାନ୍ ଧର୍ମାନ୍ ଶିକ୍ଷେତ୍ ଗୁରୁଆତ୍ମଦୈଵତଃ ।
ଅମାୟୟା ଅନୁଵୃତ୍ୟା ୟୈଃ ତୁଷ୍ୟେତ୍ ଆତ୍ମା ଆତ୍ମଦଃ ହରିଃ ॥ 22॥
ସର୍ଵତଃ ମନସଃ ଅସଂଗଂ ଆଦୌ ସଂଗଂ ଚ ସାଧୁଷୁ ।
ଦୟାଂ ମୈତ୍ରୀଂ ପ୍ରଶ୍ରୟଂ ଚ ଭୂତେଷୁ ଅଦ୍ଧା ୟଥା ଉଚିତମ୍ ॥ 23॥
ଶୌଚଂ ତପଃ ତିତିକ୍ଷାଂ ଚ ମୌନଂ ସ୍ଵାଧ୍ୟାୟଂ ଆର୍ଜଵମ୍ ।
ବ୍ରହ୍ମଚର୍ୟଂ ଅହିଂସାଂ ଚ ସମତ୍ଵଂ ଦ୍ଵଂଦ୍ଵସଂଜ୍ଞୟୋଃ ॥ 24॥
ସର୍ଵତ୍ର ଆତ୍ମେଶ୍ଵର ଅନ୍ଵୀକ୍ଷାଂ କୈଵଲ୍ୟଂ ଅନିକେତତାମ୍ ।
ଵିଵିକ୍ତଚୀରଵସନଂ ସଂତୋଷଂ ୟେନ କେନଚିତ୍ ॥ 25॥
ଶ୍ରଦ୍ଧାଂ ଭାଗଵତେ ଶାସ୍ତ୍ରେ ଅନିଂଦାଂ ଅନ୍ୟତ୍ର ଚ ଅପି ହି ।
ମନୋଵାକ୍ କର୍ମଦଂଡଂ ଚ ସତ୍ୟଂ ଶମଦମୌ ଅପି ॥ 26॥
ଶ୍ରଵଣଂ କୀର୍ତନଂ ଧ୍ୟାନଂ ହରେଃ ଅଦ୍ଭୁତକର୍ମଣଃ ।
ଜନ୍ମକର୍ମଗୁଣାନାଂ ଚ ତଦର୍ଥେ ଅଖିଲଚେଷ୍ଟିତମ୍ ॥ 27॥
ଇଷ୍ଟଂ ଦତ୍ତଂ ତପଃ ଜପ୍ତଂ ଵୃତ୍ତଂ ୟତ୍ ଚ ଆତ୍ମନଃ ପ୍ରିୟମ୍ ।
ଦାରାନ୍ ସୁତାନ୍ ଗୃହାନ୍ ପ୍ରାଣାନ୍ ୟତ୍ ପରସ୍ମୈ ନିଵେଦନମ୍ ॥ 28॥
ଏଵଂ କୃଷ୍ଣାତ୍ମନାଥେଷୁ ମନୁଷ୍ୟେଷୁ ଚ ସୌହୃଦମ୍ ।
ପରିଚର୍ୟାଂ ଚ ଉଭୟତ୍ର ମହତ୍ସୁ ନୃଷୁ ସାଧୁଷୁ ॥ 29॥
ପରସ୍ପର ଅନୁକଥନଂ ପାଵନଂ ଭଗଵତ୍ ୟଶଃ ।
ମିଥଃ ରତିଃ ମିଥଃ ତୁଷ୍ଟିଃ ନିଵୃତ୍ତିଃ ମିଥଃ ଆତ୍ମନଃ ॥ 30॥
ସ୍ମରଂତଃ ସ୍ମାରୟଂତଃ ଚ ମିଥଃ ଅଘୌଘହରଂ ହରିମ୍ ।
ଭକ୍ତ୍ୟା ସଂଜାତୟା ଭକ୍ତ୍ୟା ବିଭ୍ରତି ଉତ୍ପୁଲକାଂ ତନୁମ୍ ॥ 31॥
କ୍ଵଚିତ୍ ରୁଦଂତି ଅଚ୍ୟୁତଚିଂତୟା କ୍ଵଚିତ୍
ହସଂତି ନଂଦଂତି ଵଦଂତି ଅଲୌକିକାଃ ।
ନୃତ୍ୟଂତି ଗାୟଂତି ଅନୁଶୀଲୟଂତି
ଅଜଂ ଭଵଂତି ତୂଷ୍ଣୀଂ ପରଂ ଏତ୍ୟ ନିର୍ଵୃତାଃ ॥ 32॥
ଇତି ଭାଗଵତାନ୍ ଧର୍ମାନ୍ ଶିକ୍ଷନ୍ ଭକ୍ତ୍ୟା ତଦୁତ୍ଥୟା ।
ନାରାୟଣପରଃ ମାୟଂ ଅଂଜଃ ତରତି ଦୁସ୍ତରାମ୍ ॥ 33॥
ରାଜା ଉଵାଚ ।
ନାରାୟଣ ଅଭିଧାନସ୍ୟ ବ୍ରହ୍ମଣଃ ପରମାତ୍ମନଃ ।
ନିଷ୍ଠାଂ ଅର୍ହଥ ନଃ ଵକ୍ତୁଂ ୟୂୟଂ ହି ବ୍ରହ୍ମଵିତ୍ତମାଃ ॥ 34॥
ପିପ୍ପଲାୟନଃ ଉଵାଚ ।
ସ୍ଥିତି ଉଦ୍ଭଵପ୍ରଲୟହେତୁଃ ଅହେତୁଃ ଅସ୍ୟ
ୟତ୍ ସ୍ଵପ୍ନଜାଗରସୁଷୁପ୍ତିଷୁ ସତ୍ ବହିଃ ଚ ।
ଦେହ ଇଂଦ୍ରିୟାସୁହୃଦୟାନି ଚରଂତି ୟେନ
ସଂଜୀଵିତାନି ତତ୍ ଅଵେହି ପରଂ ନରେଂଦ୍ର ॥ 35॥
ନ ଏତତ୍ ମନଃ ଵିଶତି ଵାଗୁତ ଚକ୍ଷୁଃ ଆତ୍ମା
ପ୍ରାଣେଂଦ୍ରିୟାଣି ଚ ୟଥା ଅନଲଂ ଅର୍ଚିଷଃ ସ୍ଵାଃ ।
ଶବ୍ଦଃ ଅପି ବୋଧକନିଷେଧତୟା ଆତ୍ମମୂଲମ୍
ଅର୍ଥ ଉକ୍ତଂ ଆହ ୟଦୃତେ ନ ନିଷେଧସିଦ୍ଧିଃ ॥ 36॥
ସତ୍ଵଂ ରଜଃ ତମଃ ଇତି ତ୍ରିଵୃଦେକଂ ଆଦୌ
ସୂତ୍ରଂ ମହାନ୍ ଅହଂ ଇତି ପ୍ରଵଦଂତି ଜୀଵମ୍ ।
ଜ୍ଞାନକ୍ରିୟା ଅର୍ଥଫଲରୂପତୟୋଃ ଉଶକ୍ତି
ବ୍ରହ୍ମ ଏଵ ଭାତି ସତ୍ ଅସତ୍ ଚ ତୟୋଃ ପରଂ ୟତ୍ ॥ 37॥
ନ ଆତ୍ମା ଜଜାନ ନ ମରିଷ୍ୟତି ନ ଏଧତେ ଅସୌ
ନ କ୍ଷୀୟତେ ସଵନଵିତ୍ ଵ୍ୟଭିଚାରିଣାଂ ହି ।
ସର୍ଵତ୍ର ଶସ୍ଵଦନପାୟି ଉପଲବ୍ଧିମାତ୍ରଂ
ପ୍ରାଣଃ ୟଥା ଇଂଦ୍ରିୟଵଲେନ ଵିକଲ୍ପିତଂ ସତ୍ ॥ 38॥
ଅଂଡେଷୁ ପେଶିଷୁ ତରୁଷୁ ଅଵିନିଶ୍ଚିତେଷୁ
ପ୍ରାଣଃ ହି ଜୀଵଂ ଉପଧାଵତି ତତ୍ର ତତ୍ର ।
ସନ୍ନେ ୟତ୍ ଇଂଦ୍ରିୟଗଣେ ଅହମି ଚ ପ୍ରସୁପ୍ତେ
କୂଟସ୍ଥଃ ଆଶୟମୃତେ ତତ୍ ଅନୁସ୍ମୃତିଃ ନଃ ॥ 39॥
ୟଃ ହି ଅବ୍ଜ ନାଭ ଚରଣ ଏଷଣୟୋଃ ଉଭକ୍ତ୍ୟା
ଚେତୋମଲାନି ଵିଧମେତ୍ ଗୁଣକର୍ମଜାନି ।
ତସ୍ମିନ୍ ଵିଶୁଦ୍ଧଃ ଉପଲଭ୍ୟତଃ ଆତ୍ମତତ୍ତ୍ଵମ୍
ସାକ୍ଷାତ୍ ୟଥା ଅମଲଦୃଶଃ ସଵିତୃପ୍ରକାଶଃ ॥ 40॥
କର୍ମୟୋଗଂ ଵଦତ ନଃ ପୁରୁଷଃ ୟେନ ସଂସ୍କୃତଃ ।
ଵିଧୂୟ ଇହ ଆଶୁ କର୍ମାଣି ନୈଷ୍କର୍ମ୍ୟଂ ଵିଂଦତେ ପରମ୍ ॥ 41॥
ଏଵଂ ପ୍ରଶ୍ନଂ ଋଷିନ୍ ପୂର୍ଵଂ ଅପୃଚ୍ଛଂ ପିତୁଃ ଅଂତିକେ ।
ନ ଅବ୍ରୁଵନ୍ ବ୍ରହ୍ମଣଃ ପୁତ୍ରାଃ ତତ୍ର କାରଣଂ ଉଚ୍ୟତାମ୍ ॥ 42॥
ଆଵିର୍ହୋତ୍ରଃ ଉଵାଚ ।
କର୍ମ ଅକର୍ମଵିକର୍ମ ଇତି ଵେଦଵାଦଃ ନ ଲୌକିକଃ ।
ଵେଦସ୍ୟ ଚ ଈଶ୍ଵରାତ୍ମତ୍ଵାତ୍ ତତ୍ର ମୁହ୍ୟଂତି ସୂରୟଃ ॥ 43॥
ପରୋକ୍ଷଵାଦଃ ଵେଦଃ ଅୟଂ ବାଲାନାଂ ଅନୁଶାସନମ୍ ।
କର୍ମମୋକ୍ଷାୟ କର୍ମାଣି ଵିଧତ୍ତେ ହି ଅଗଦଂ ୟଥା ॥ 44॥
ନ ଆଚରେତ୍ ୟଃ ତୁ ଵେଦ ଉକ୍ତଂ ସ୍ଵୟଂ ଅଜ୍ଞଃ ଅଜିତେଂଦ୍ରିୟଃ ।
ଵିକର୍ମଣା ହି ଅଧର୍ମେଣ ମୃତ୍ୟୋଃ ମୃତ୍ୟୁଂ ଉପୈତି ସଃ ॥ 45॥
ଵେଦ ଉକ୍ତଂ ଏଵ କୁର୍ଵାଣଃ ନିଃସଂଗଃ ଅର୍ପିତଂ ଈଶ୍ଵରେ ।
ନୈଷ୍କର୍ମ୍ୟାଂ ଲଭତେ ସିଦ୍ଧିଂ ରୋଚନାର୍ଥା ଫଲଶ୍ରୁତିଃ ॥ 46॥
ୟଃ ଆଶୁ ହୃଦୟଗ୍ରଂଥିଂ ନିର୍ଜିହୀଷୁଃ ପରାତ୍ମନଃ ।
ଵିଧିନା ଉପଚରେତ୍ ଦେଵଂ ତଂତ୍ର ଉକ୍ତେନ ଚ କେଶଵମ୍ ॥ 47॥
ଲବ୍ଧ ଅନୁଗ୍ରହଃ ଆଚାର୍ୟାତ୍ ତେନ ସଂଦର୍ଶିତାଗମଃ ।
ମହାପୁରୁଷଂ ଅଭ୍ୟର୍ଚେତ୍ ମୂର୍ତ୍ୟା ଅଭିମତୟା ଆତ୍ମନଃ ॥ 48॥
ଶୁଚିଃ ସଂମୁଖଂ ଆସୀନଃ ପ୍ରାଣସଂୟମନାଦିଭିଃ ।
ପିଂଡଂ ଵିଶୋଧ୍ୟ ସଂନ୍ୟାସକୃତରକ୍ଷଃ ଅର୍ଚୟେତ୍ ହରିମ୍ ॥ 49॥
ଅର୍ଚାଦୌ ହୃଦୟେ ଚ ଅପି ୟଥାଲବ୍ଧ ଉପଚାରକୈଃ ।
ଦ୍ରଵ୍ୟକ୍ଷିତିଆତ୍ମଲିଂଗାନି ନିଷ୍ପାଦ୍ୟ ପ୍ରୋକ୍ଷ୍ୟ ଚ ଆସନମ୍ ॥ 50॥
ପାଦ୍ୟାଦୀନ୍ ଉପକଲ୍ପ୍ୟା ଅଥ ସଂନିଧାପ୍ୟ ସମାହିତଃ ।
ହୃତ୍ ଆଦିଭିଃ କୃତନ୍ୟାସଃ ମୂଲମଂତ୍ରେଣ ଚ ଅର୍ଚୟେତ୍ ॥ 51॥
ସାଂଗୋପାଂଗାଂ ସପାର୍ଷଦାଂ ତାଂ ତାଂ ମୂର୍ତିଂ ସ୍ଵମଂତ୍ରତଃ ।
ପାଦ୍ୟ ଅର୍ଘ୍ୟାଚମନୀୟାଦ୍ୟୈଃ ସ୍ନାନଵାସଃଵିଭୂଷଣୈଃ ॥ 52॥
ଗଂଧମାଲ୍ୟାକ୍ଷତସ୍ରଗ୍ଭିଃ ଧୂପଦୀପହାରକୈଃ ।
ସାଂଗଂ ସଂପୂଜ୍ୟ ଵିଧିଵତ୍ ସ୍ତଵୈଃ ସ୍ତୁତ୍ଵା ନମେତ୍ ହରିମ୍ ॥ 53॥
ଆତ୍ମାଂ ତନ୍ମୟଂ ଧ୍ୟାୟନ୍ ମୂର୍ତିଂ ସଂପୂଜୟେତ୍ ହରେଃ ।
ଶେଷାଂ ଆଧାୟ ଶିରସି ସ୍ଵଧାମ୍ନି ଉଦ୍ଵାସ୍ୟ ସତ୍କୃତମ୍ ॥ 54॥
ଏଵଂ ଅଗ୍ନି ଅର୍କତୋୟାଦୌ ଅତିଥୌ ହୃଦୟେ ଚ ୟଃ ।
ୟଜତି ଈଶ୍ଵରଂ ଆତ୍ମାନଂ ଅଚିରାତ୍ ମୁଚ୍ୟତେ ହି ସଃ ॥ 55॥
ଇତି ଶ୍ରୀମଦ୍ଭାଗଵତେ ମହାପୁରାଣେ ପାରମହଂସ୍ୟାଂ
ସଂହିତାୟାମେକାଦଶସ୍କଂଧେ ନିମିଜାୟଂତସଂଵାଦେ
ମାୟାକର୍ମବ୍ରହ୍ମନିରୂପଣଂ ତୃତୀୟୋଽଧ୍ୟାୟଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଉଦ୍ଧଵଗୀତା - ତୃତୀୟୋଽଧ୍ୟାୟଃ?
ଉଦ୍ଧଵଗୀତା - ତୃତୀୟୋଽଧ୍ୟାୟଃ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଉଦ୍ଧଵଗୀତା - ତୃତୀୟୋଽଧ୍ୟାୟଃ online?
Yes. The imported text is available directly on this page for online reading and recitation.
Can I download ଉଦ୍ଧଵଗୀତା - ତୃତୀୟୋଽଧ୍ୟାୟଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.