ଉଦ୍ଧଵଗୀତା – ଦ୍ଵିତୀୟୋଽଧ୍ୟାୟଃ
ଅଥ ଦ୍ଵିତୀୟୋଽଧ୍ୟାୟଃ ।
ଶ୍ରୀଶୁକଃ ଉଵାଚ ।
ଗୋଵିଂଦଭୁଜଗୁପ୍ତାୟାଂ ଦ୍ଵାରଵତ୍ୟାଂ କୁରୂଦ୍ଵହ ।
ଅଵାତ୍ସୀତ୍ ନାରଦଃ ଅଭୀକ୍ଷ୍ଣଂ କୃଷ୍ଣୌପାସନଲାଲସଃ ॥ 1॥
କୋ ନୁ ରାଜନ୍ ଇଂଦ୍ରିୟଵାନ୍ ମୁକୁଂଦଚରଣାଂବୁଜମ୍ ।
ନ ଭଜେତ୍ ସର୍ଵତଃ ମୃତ୍ୟୁଃ ଉପାସ୍ୟଂ ଅମରୌତ୍ତମୈଃ ॥ 2॥
ତଂ ଏକଦା ଦେଵର୍ଷିଂ ଵସୁଦେଵଃ ଗୃହ ଆଗତମ୍ ।
ଅର୍ଚିତଂ ସୁଖଂ ଆସୀନଂ ଅଭିଵାଦ୍ୟ ଇଦଂ ଅବ୍ରଵୀତ୍ ॥ 3॥
ଵସୁଦେଵଃ ଉଵାଚ ।
ଭଗଵନ୍ ଭଵତଃ ୟାତ୍ରା ସ୍ଵସ୍ତୟେ ସର୍ଵଦେହିନାମ୍ ।
କୃପଣାନାଂ ୟଥା ପିତ୍ରୋଃ ଉତ୍ତମଶ୍ଲୋକଵର୍ତ୍ମନାମ୍ ॥ 4॥
ଭୂତାନାଂ ଦେଵଚରିତଂ ଦୁଃଖାୟ ଚ ସୁଖାୟ ଚ ।
ସୁଖାୟ ଏଵ ହି ସାଧୂନାଂ ତ୍ଵାଦୃଶାଂ ଅଚ୍ୟୁତ ଆତ୍ମନାମ୍ ॥ 5॥
ଭଜଂତି ୟେ ୟଥା ଦେଵାନ୍ ଦେଵାଃ ଅପି ତଥା ଏଵ ତାନ୍ ।
ଛାୟା ଇଵ କର୍ମସଚିଵାଃ ସାଧଵଃ ଦୀନଵତ୍ସଲାଃ ॥ 6॥
ବ୍ରହ୍ମନ୍ ତଥା ଅପି ପୃଚ୍ଛାମଃ ଧର୍ମାନ୍ ଭାଗଵତାନ୍ ତଵ ।
ୟାନ୍ ଶ୍ରୁତ୍ଵା ଶ୍ରଦ୍ଧୟା ମର୍ତ୍ୟଃ ମୁଚ୍ୟତେ ସର୍ଵତଃ ଭୟାତ୍ ॥ 7॥
ଅହଂ କିଲ ପୁରା ଅନଂତଂ ପ୍ରଜାର୍ଥଃ ଭୁଵି ମୁକ୍ତିଦମ୍ ।
ଅପୂଜୟଂ ନ ମୋକ୍ଷାୟ ମୋହିତଃ ଦେଵମାୟୟା ॥ 8॥
ୟୟା ଵିଚିତ୍ରଵ୍ୟସନାତ୍ ଭଵଦ୍ଭିଃ ଵିଶ୍ଵତଃ ଭୟାତ୍ ।
ମୁଚ୍ୟେମ ହି ଅଂଜସା ଏଵ ଅଦ୍ଧା ତଥା ନଃ ଶାଧି ସୁଵ୍ରତ ॥ 9॥
ଶ୍ରୀଶୁକଃ ଉଵାଚ ।
ରାଜନ୍ ଏଵଂ କୃତପ୍ରଶ୍ନଃ ଵସୁଦେଵେନ ଧୀମତା ।
ପ୍ରୀତଃ ତଂ ଆହ ଦେଵର୍ଷିଃ ହରେଃ ସଂସ୍ମାରିତଃ ଗୁଣୈଃ ॥ 10॥
ନାରଦଃ ଉଵାଚ ।
ସମ୍ୟକ୍ ଏତତ୍ ଵ୍ୟଵସିତଂ ଭଵତା ସାତ୍ଵତର୍ଷଭ ।
ୟତ୍ ପୃଚ୍ଛସେ ଭାଗଵତାନ୍ ଧର୍ମାନ୍ ତ୍ଵଂ ଵିଶ୍ଵଭାଵନାନ୍ ॥
11॥
ଶ୍ରୁତଃ ଅନୁପଠିତଃ ଧ୍ୟାତଃ ଆଦୃତଃ ଵା ଅନୁମୋଦିତଃ ।
ସଦ୍ୟଃ ପୁନାତି ସଦ୍ଧର୍ମଃ ଦେଵଵିଶ୍ଵଦ୍ରୁହଃ ଅପି ॥ 12॥
ତ୍ଵୟା ପରମକଲ୍ୟାଣଃ ପୁଣ୍ୟଶ୍ରଵଣକୀର୍ତନଃ ।
ସ୍ମାରିତଃ ଭଗଵାନ୍ ଅଦ୍ୟ ଦେଵଃ ନାରାୟଣଃ ମମ ॥ 13॥
ଅତ୍ର ଅପି ଉଦାହରଂତି ଇମଂ ଇତିହାସଂ ପୁରାତନମ୍ ।
ଆର୍ଷଭାଣାଂ ଚ ସଂଵାଦଂ ଵିଦେହସ୍ୟ ମହାତ୍ମନଃ ॥ 14॥
ପ୍ରିୟଵ୍ରତଃ ନାମ ସୁତଃ ମନୋଃ ସ୍ଵାୟଂଭୁଵସ୍ୟ ୟଃ ।
ତସ୍ୟ ଅଗ୍ନୀଧ୍ରଃ ତତଃ ନାଭିଃ ଋଷଭଃ ତତ୍ ସୁତଃ ସ୍ମୃତଃ ॥ 15॥
ତଂ ଆହୁଃ ଵାସୁଦେଵାଂଶଂ ମୋକ୍ଷଧର୍ମଵିଵକ୍ଷୟା ।
ଅଵତୀର୍ଣଂ ସୁତଶତଂ ତସ୍ୟ ଆସୀତ୍ ଵେଦପାରଗମ୍ ॥ 16॥
ତେଷାଂ ଵୈ ଭରତଃ ଜ୍ୟେଷ୍ଠଃ ନାରାୟଣପରାୟଣଃ ।
ଵିଖ୍ୟାତଂ ଵର୍ଷଂ ଏତତ୍ ୟତ୍ ନାମ୍ନା ଭାରତଂ ଅଦ୍ଭୁତମ୍ ॥ 17॥
ସଃ ଭୁକ୍ତଭୋଗାଂ ତ୍ୟକ୍ତ୍ଵା ଇମାଂ ନିର୍ଗତଃ ତପସା ହରିମ୍ ।
ଉପାସୀନଃ ତତ୍ ପଦଵୀଂ ଲେଭେ ଵୈ ଜନ୍ମଭିଃ ତ୍ରିଭିଃ ॥ 18॥
ତେଷାଂ ନଵ ନଵଦ୍ଵୀପପତୟଃ ଅସ୍ୟ ସମଂତତଃ ।
କର୍ମତଂତ୍ରପ୍ରଣେତାରଃ ଏକାଶୀତିଃ ଦ୍ଵିଜାତୟଃ ॥ 19॥
ନଵ ଅଭଵନ୍ ମହାଭାଗାଃ ମୁନୟଃ ହି ଅର୍ଥଶଂସିନଃ ।
ଶ୍ରମଣାଃ ଵାତଃ ଅଶନାଃ ଆତ୍ମଵିଦ୍ୟାଵିଶାରଦାଃ ॥ 20॥
କଵିଃ ହରିଃ ଅଂତରିକ୍ଷଃ ପ୍ରବୁଦ୍ଧଃ ପିପ୍ପଲାୟନଃ ।
ଆଵିର୍ହୋତ୍ରଃ ଅଥ ଦ୍ରୁମିଲଃ ଚମସଃ କରଭାଜନଃ ॥ 21॥
ଏତେ ଵୈ ଭଗଵଦ୍ରୂପଂ ଵିଶ୍ଵଂ ସଦସଦ୍ ଆତ୍ମକମ୍ ।
ଆତ୍ମନଃ ଅଵ୍ୟତିରେକେଣ ପଶ୍ୟଂତଃ ଵ୍ୟଚରତ୍ ମହୀମ୍ ॥ 22॥
ଅଵ୍ୟାହତ ଇଷ୍ଟଗତୟାଃ ସୁରସିଦ୍ଧସିଦ୍ଧସାଧ୍ୟ
ଗଂଧର୍ଵୟକ୍ଷନରକିନ୍ନରନାଗଲୋକାନ୍ ।
ମୁକ୍ତାଃ ଚରଂତି ମୁନିଚାରଣଭୂତନାଥ
ଵିଦ୍ୟାଧରଦ୍ଵିଜଗଵାଂ ଭୁଵନାନି କାମମ୍ ॥ 23॥
ତଃ ଏକଦା ନିମେଃ ସତ୍ରଂ ଉପଜଗ୍ମୁଃ ୟତ୍ ଋଚ୍ଛୟା ।
ଵିତାୟମାନଂ ଋଷିଭିଃ ଅଜନାଭେ ମହାତ୍ମନଃ ॥ 24॥
ତାନ୍ ଦୃଷ୍ଟ୍ଵା ସୂର୍ୟସଂକାଶାନ୍ ମହାଭଗଵତାନ୍ ନୃପଃ ।
ୟଜମାନଃ ଅଗ୍ନୟଃ ଵିପ୍ରାଃ ସର୍ଵଃ ଏଵ ଉପତସ୍ଥିରେ ॥ 25॥
ଵିଦେହଃ ତାନ୍ ଅଭିପ୍ରେତ୍ୟ ନାରାୟଣପରାୟଣାନ୍ ।
ପ୍ରୀତଃ ସଂପୂଜୟାନ୍ ଚକ୍ରେ ଆସନସ୍ଥାନ୍ ୟଥା ଅର୍ହତଃ ॥ 26॥
ତାନ୍ ରୋଚମାନାନ୍ ସ୍ଵରୁଚା ବ୍ରହ୍ମପୁତ୍ରୌପମାନ୍ ନଵ ।
ପପ୍ରଚ୍ଛ ପରମପ୍ରୀତଃ ପ୍ରଶ୍ରୟ ଅଵନତଃ ନୃପଃ ॥ 27॥
ଵିଦେହଃ ଉଵାଚ ।
ମନ୍ୟେ ଭଗଵତଃ ସାକ୍ଷାତ୍ ପାର୍ଷଦାନ୍ ଵଃ ମଧୁଦ୍ଵିଷଃ ।
ଵିଷ୍ଣୋଃ ଭୂତାନି ଲୋକାନାଂ ପାଵନାୟ ଚରଂତି ହି ॥ 28॥
ଦୁର୍ଲଭଃ ମାନୁଷଃ ଦେହଃ ଦେହିନାଂ କ୍ଷଣଭଂଗୁରଃ ।
ତତ୍ର ଅପି ଦୁର୍ଲଭଂ ମନ୍ୟେ ଵୈକୁଂଠପ୍ରିୟଦର୍ଶନମ୍ ॥ 29॥
ଅତଃ ଆତ୍ୟଂତିକଂ କହେମଂ ପୃଚ୍ଛାମଃ ଭଵତଃ ଅନଘାଃ ।
ସଂସାରେ ଅସ୍ମିନ୍ କ୍ଷଣାର୍ଧଃ ଅପି ସତ୍ସଂଗଃ ଶେଵଧିଃ ନୃଣାମ୍ ॥
30॥
ଧର୍ମାନ୍ ଭାଗଵତାନ୍ ବ୍ରୂତ ୟଦି ନଃ ଶ୍ରୁତୟେ କ୍ଷମମ୍ ।
ୟୈଃ ପ୍ରସନ୍ନଃ ପ୍ରପନ୍ନାୟ ଦାସ୍ୟତି ଆତ୍ମାନଂ ଅପି ଅଜଃ ॥ 31॥
ଶ୍ରୀନାରଦଃ ଉଵାଚ ।
ଏଵଂ ତେ ନିମିନା ପୃଷ୍ଟା ଵସୁଦେଵ ମହତ୍ତମାଃ ।
ପ୍ରତିପୂଜ୍ୟ ଅବ୍ରୁଵନ୍ ପ୍ରୀତ୍ୟା ସସଦସି ଋତ୍ଵିଜଂ ନୃପମ୍ ॥ 32॥
କଵିଃ ଉଵାଚ ।
ମନ୍ୟେ ଅକୁତଶ୍ଚିତ୍ ଭୟଂ ଅଚ୍ୟୁତସ୍ୟ
ପାଦାଂବୁଜୌପାସନଂ ଅତ୍ର ନିତ୍ୟମ୍ ।
ଉଦ୍ଵିଗ୍ନବୁଦ୍ଧେଃ ଅସତ୍ ଆତ୍ମଭାଵାତ୍
ଵିଶ୍ଵାତ୍ମନା ୟତ୍ର ନିଵର୍ତତେ ଭୀଃ ॥ 33॥
ୟେ ଵୈ ଭଗଵତା ପ୍ରୋକ୍ତାଃ ଉପାୟାଃ ହି ଆତ୍ମଲବ୍ଧୟେ ।
ଅଂଜଃ ପୁଂସାଂ ଅଵିଦୁଷାଂ ଵିଦ୍ଧି ଭାଗଵତାନ୍ ହି ତାନ୍ ॥ 34॥
ୟାନ୍ ଆସ୍ଥାୟ ନରଃ ରାଜନ୍ ନ ପ୍ରମାଦ୍ୟେତ କର୍ହିଚିତ୍ ।
ଧାଵନ୍ ନିମୀଲ୍ୟ ଵା ନେତ୍ରେ ନ ସ୍ଖଲେନ ପତେତ୍ ଇହ ॥ 35॥
କାୟେନ ଵାଚା ମନସା ଇଂଦ୍ରିୟୈଃ ଵା
ବୁଦ୍ଧ୍ୟା ଆତ୍ମନା ଵା ଅନୁସୃତସ୍ଵଭାଵାତ୍ ।
କରୋତି ୟତ୍ ୟତ୍ ସକଲଂ ପରସ୍ମୈ
ନାରାୟଣାୟ ଇତି ସମର୍ପୟେତ୍ ତତ୍ ॥ 36॥
ଭୟଂ ଦ୍ଵିତୀୟାଭିନିଵେଶତଃ ସ୍ୟାତ୍
ଈଶାତ୍ ଅପେତସ୍ୟ ଵିପର୍ୟୟଃ ଅସ୍ମୃତିଃ ।
ତତ୍ ମାୟୟା ଅତଃ ବୁଧଃ ଆଭଜେତ୍ ତଂ
ଭକ୍ତ୍ୟା ଏକ ଈଶଂ ଗୁରୁଦେଵତାତ୍ମା ॥ 37।
ଅଵିଦ୍ୟମାନଃ ଅପି ଅଵଭାତି ହି ଦ୍ଵୟୋଃ
ଧ୍ୟାତୁଃ ଧିୟା ସ୍ଵପ୍ନମନୋରଥୌ ୟଥା ।
ତତ୍ କର୍ମସଂକଲ୍ପଵିକଲ୍ପକଂ ମନଃ
ବୁଧଃ ନିରୁଂଧ୍ୟାତ୍ ଅଭୟଂ ତତଃ ସ୍ୟାତ୍ ॥ 38॥
ଶ୍ରୁଣ୍ଵନ୍ ସୁଭଦ୍ରାଣି ରଥାଂଗପାଣେଃ
ଜନ୍ମାନି କର୍ମାଣି ଚ ୟାନି ଲୋକେ ।
ଗୀତାନି ନାମାନି ତତ୍ ଅର୍ଥକାନି
ଗାୟନ୍ ଵିଲଜ୍ଜଃ ଵିଚରେତ୍ ଅସଂଗଃ ॥ 39॥
ଏଵଂ ଵ୍ରତଃ ସ୍ଵପ୍ରିୟନାମକୀର୍ତ୍ୟା
ଜାତାନୁରାଗଃ ଦ୍ରୁତଚିତ୍ତଃ ଉଚ୍ଚୈଃ ।
ହସତି ଅଥଃ ରୋଦିତି ରୌତି ଗାୟତି
ଉନ୍ମାଦଵତ୍ ନୃତ୍ୟତି ଲୋକବାହ୍ୟଃ ॥ 40॥
ଖଂ ଵାୟୁଂ ଅଗ୍ନିଂ ସଲିଲଂ ମହୀଂ ଚ
ଜ୍ୟୋତୀଂଷି ସତ୍ତ୍ଵାନି ଦିଶଃ ଦ୍ରୁମାଦୀନ୍ ।
ସରିତ୍ ସମୁଦ୍ରାନ୍ ଚ ହରେଃ ଶରୀରଂ
ୟତ୍କିଂଚ ଭୂତଂ ପ୍ରଣମେତ୍ ଅନନ୍ୟଃ ॥ 41॥
ଭକ୍ତିଃ ପରେଶ ଅନୁଭଵଃ ଵିରକ୍ତିଃ
ଅନ୍ୟତ୍ର ଏଷ ତ୍ରିକଃ ଏକକାଲଃ ।
ପ୍ରପଦ୍ୟମାନସ୍ୟ ୟଥା ଅଶ୍ନତଃ ସ୍ୟୁଃ
ତୁଷ୍ଟିଃ ପୁଷ୍ଟିଃ କ୍ଷୁତ୍ ଅପାୟଃ ଅନୁଘାସମ୍ ॥ 42॥
ଇତି ଅଚ୍ୟୁତ ଅଂଘ୍ରିଂ ଭଜତଃ ଅନୁଵୃତ୍ତ୍ୟା
ଭକ୍ତିଃ ଵିରକ୍ତିଃ ଭଗଵତ୍ ପ୍ରବୋଧଃ ।
ଭଵଂତି ଵୈ ଭାଗଵତସ୍ୟ ରାଜନ୍
ତତଃ ପରାଂ ଶାଂତିଂ ଉପୈତି ସାକ୍ଷାତ୍ ॥ 43॥
ରାଜା ଉଵାଚ ।
ଅଥ ଭାଗଵତଂ ବ୍ରୂତ ୟତ୍ ଧର୍ମଃ ୟାଦୃଶଃ ନୃଣାମ୍ ।
ୟଥା ଚରତି ୟତ୍ ବ୍ରୂତେ ୟୈଃ ଲିଂଗୈଃ ଭଗଵତ୍ ପ୍ରିୟଃ ॥ 44॥
ହରିଃ ଉଵାଚ ।
ସର୍ଵଭୂତେଷୁ ୟଃ ପଶ୍ୟେତ୍ ଭଗଵତ୍ ଭାଵ ଆତ୍ମନଃ ।
ଭୂତାନି ଭାଗଵତି ଆତ୍ମନି ଏଷ ଭାଗଵତୌତ୍ତମଃ ॥ 45॥
ଈଶ୍ଵରେ ତତ୍ ଅଧୀନେଷୁ ବାଲିଶେଷୁ ଦ୍ଵିଷତ୍ସୁ ଚ ।
ପ୍ରେମମୈତ୍ରୀକୃପାଉପେକ୍ଷା ୟଃ କରୋତି ସ ମଧ୍ୟମଃ ॥ 46॥
ଅର୍ଚାୟାଂ ଏଵ ହରୟେ ପୂଜାଂ ୟଃ ଶ୍ରଦ୍ଧୟା ଈହତେ ।
ନ ତତ୍ ଭକ୍ତେଷୁ ଚ ଅନ୍ୟେଷୁ ସଃ ଭକ୍ତଃ ପ୍ରାକୃତଃ ସ୍ମୃତଃ ॥
47॥
ଗୃହୀତ୍ଵା ଅପି ଇଂଦ୍ରିୟୈଃ ଅର୍ଥାନ୍ୟଃ ନ ଦ୍ଵେଷ୍ଟି ନ ହୃଷ୍ୟତି ।
ଵିଷ୍ଣୋଃ ମାୟାଂ ଇଦଂ ପଶ୍ୟନ୍ ସଃ ଵୈ ଭାଗଵତ ଉତ୍ତମଃ ॥ 48॥
ଦେହୈଂଦ୍ରିୟପ୍ରାଣମନଃଧିୟାଂ ୟଃ
ଜନ୍ମାପିଅୟକ୍ଷୁତ୍ ଭୟତର୍ଷକୃଚ୍ଛ୍ରୈଃ ।
ସଂସାରଧର୍ମୈଃ ଅଵିମୁହ୍ୟମାନଃ
ସ୍ମୃତ୍ୟା ହରେଃ ଭାଗଵତପ୍ରଧାନଃ ॥ 49॥
ନ କାମକର୍ମବୀଜାନାଂ ୟସ୍ୟ ଚେତସି ସଂଭଵଃ ।
ଵାସୁଦେଵେକନିଲୟଃ ସଃ ଵୈ ଭାଗଵତ ଉତ୍ତମଃ ॥ 50॥
ନ ୟସ୍ୟ ଜନ୍ମକର୍ମଭ୍ୟାଂ ନ ଵର୍ଣାଶ୍ରମଜାତିଭିଃ ।
ସଜ୍ଜତେ ଅସ୍ମିନ୍ ଅହଂଭାଵଃ ଦେହେ ଵୈ ସଃ ହରେଃ ପ୍ରିୟଃ ॥ 51॥
ନ ୟସ୍ୟ ସ୍ଵଃ ପରଃ ଇତି ଵିତ୍ତେଷୁ ଆତ୍ମନି ଵା ଭିଦା ।
ସର୍ଵଭୂତସମଃ ଶାଂତଃ ସଃ ଵୌ ଭାଗଵତ ଉତ୍ତମଃ ॥ 52॥
ତ୍ରିଭୁଵନଵିଭଵହେତଵେ ଅପି ଅକୁଂଠସ୍ମୃତିଃ
ଅଜିତାତ୍ମସୁରାଦିଭିଃ ଵିମୃଗ୍ୟାତ୍ ।
ନ ଚଲତି ଭଗଵତ୍ ପଦ ଅରଵିଂଦାତ୍
ଲଵନିମିଷ ଅର୍ଧଂ ଅପି ୟଃ ସଃ ଵୈଷ୍ଣଵ ଅଗ୍ର୍ୟଃ ॥ 53॥
ଭଗଵତଃ ଉରୁଵିକ୍ରମ ଅଂଘ୍ରିଶାଖା
ନଖମଣିଚଂଦ୍ରିକୟା ନିରସ୍ତତାପେ ।
ହୃଦି କଥଂ ଉପସୀଦତାଂ ପୁନଃ ସଃ
ପ୍ରଭଵତି ଚଂଦ୍ରଃ ଇଵ ଉଦିତେ ଅର୍କତାପଃ ॥ 54॥
ଵିସୃଜତି ହୃଦୟଂ ନ ୟସ୍ୟ ସାକ୍ଷାତ୍
ହରିଃ ଅଵଶ ଅଭିହିତଃ ଅପି ଅଘୌଘନାଶଃ ।
ପ୍ରଣୟଃ ଅଶନୟା ଧୃତ ଅଂଘ୍ରିପଦ୍ମଃ
ସଃ ଭଵତି ଭାଗଵତପ୍ରଧାନଃ ଉକ୍ତଃ ॥ 55॥
ଇତି ଶ୍ରୀମତ୍ ଭାଗଵତେ ମହାପୁରାଣେ ପାରମହଂସ୍ୟାଂ
ସଂହିତାୟାଂ ଏକାଦଶସ୍କଂଧେ ନିମିଜାୟଂତସଂଵାଦେ ଦ୍ଵିତୀୟଃ
ଅଧ୍ୟାୟଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଉଦ୍ଧଵଗୀତା - ଦ୍ଵିତୀୟୋଽଧ୍ୟାୟଃ?
ଉଦ୍ଧଵଗୀତା - ଦ୍ଵିତୀୟୋଽଧ୍ୟାୟଃ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଉଦ୍ଧଵଗୀତା - ଦ୍ଵିତୀୟୋଽଧ୍ୟାୟଃ online?
Yes. The imported text is available directly on this page for online reading and recitation.
Can I download ଉଦ୍ଧଵଗୀତା - ଦ୍ଵିତୀୟୋଽଧ୍ୟାୟଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.