ସୂର୍ୟ ସହସ୍ର ନାମ ସ୍ତୋତ୍ରମ୍

ଅସ୍ୟ ଶ୍ରୀ ସୂର୍ୟ ସହସ୍ରନାମ ସ୍ତୋତ୍ରସ୍ୟ ଵେଦଵ୍ୟାସ ଋଷିଃ ଅନୁଷ୍ଟୁପ୍ଛଂଦଃ ସଵିତା ଦେଵତା ସର୍ଵାଭୀଷ୍ଟ ସିଦ୍ଧ୍ୟର୍ଥେ ଜପେ ଵିନିୟୋଗଃ ।

ଧ୍ୟାନମ୍ ।
ଧ୍ୟେୟଃ ସଦା ସଵିତୃମଂଡଲମଧ୍ୟଵର୍ତୀ
ନାରାୟଣଃ ସରସିଜାସନସନ୍ନିଵିଷ୍ଟଃ ।
କେୟୂରଵାନ୍ ମକରକୁଂଡଲଵାନ୍ କିରୀଟୀ
ହାରୀ ହିରଣ୍ମୟଵପୁର୍ଧୃତଶଂଖଚକ୍ରଃ ॥

ସ୍ତୋତ୍ରମ୍ ।
ଓଂ ଵିଶ୍ଵଵିଦ୍ଵିଶ୍ଵଜିତ୍କର୍ତା ଵିଶ୍ଵାତ୍ମା ଵିଶ୍ଵତୋମୁଖଃ ।
ଵିଶ୍ଵେଶ୍ଵରୋ ଵିଶ୍ଵୟୋନିର୍ନିୟତାତ୍ମା ଜିତେଂଦ୍ରିୟଃ ॥ 1 ॥

କାଲାଶ୍ରୟଃ କାଲକର୍ତା କାଲହା କାଲନାଶନଃ ।
ମହାୟୋଗୀ ମହାସିଦ୍ଧିର୍ମହାତ୍ମା ସୁମହାବଲଃ ॥ 2 ॥

ପ୍ରଭୁର୍ଵିଭୁର୍ଭୂତନାଥୋ ଭୂତାତ୍ମା ଭୁଵନେଶ୍ଵରଃ ।
ଭୂତଭଵ୍ୟୋ ଭାଵିତାତ୍ମା ଭୂତାଂତଃକରଣଂ ଶିଵଃ ॥ 3 ॥

ଶରଣ୍ୟଃ କମଲାନଂଦୋ ନଂଦନୋ ନଂଦଵର୍ଧନଃ ।
ଵରେଣ୍ୟୋ ଵରଦୋ ୟୋଗୀ ସୁସଂୟୁକ୍ତଃ ପ୍ରକାଶକଃ ॥ 4 ॥

ପ୍ରାପ୍ତୟାନଃ ପରପ୍ରାଣଃ ପୂତାତ୍ମା ପ୍ରିୟତଃ ପ୍ରିୟଃ । [ପ୍ରୟତଃ]
ନୟଃ ସହସ୍ରପାତ୍ ସାଧୁର୍ଦିଵ୍ୟକୁଂଡଲମଂଡିତଃ ॥ 5 ॥

ଅଵ୍ୟଂଗଧାରୀ ଧୀରାତ୍ମା ସଵିତା ଵାୟୁଵାହନଃ ।
ସମାହିତମତିର୍ଦାତା ଵିଧାତା କୃତମଂଗଲଃ ॥ 6 ॥

କପର୍ଦୀ କଲ୍ପପାଦ୍ରୁଦ୍ରଃ ସୁମନା ଧର୍ମଵତ୍ସଲଃ ।
ସମାୟୁକ୍ତୋ ଵିମୁକ୍ତାତ୍ମା କୃତାତ୍ମା କୃତିନାଂ ଵରଃ ॥ 7 ॥

ଅଵିଚିଂତ୍ୟଵପୁଃ ଶ୍ରେଷ୍ଠୋ ମହାୟୋଗୀ ମହେଶ୍ଵରଃ ।
କାଂତଃ କାମାରିରାଦିତ୍ୟୋ ନିୟତାତ୍ମା ନିରାକୁଲଃ ॥ 8 ॥

କାମଃ କାରୁଣିକଃ କର୍ତା କମଲାକରବୋଧନଃ ।
ସପ୍ତସପ୍ତିରଚିଂତ୍ୟାତ୍ମା ମହାକାରୁଣିକୋତ୍ତମଃ ॥ 9 ॥

ସଂଜୀଵନୋ ଜୀଵନାଥୋ ଜୟୋ ଜୀଵୋ ଜଗତ୍ପତିଃ ।
ଅୟୁକ୍ତୋ ଵିଶ୍ଵନିଲୟଃ ସଂଵିଭାଗୀ ଵୃଷଧ୍ଵଜଃ ॥ 10 ॥

ଵୃଷାକପିଃ କଲ୍ପକର୍ତା କଲ୍ପାଂତକରଣୋ ରଵିଃ ।
ଏକଚକ୍ରରଥୋ ମୌନୀ ସୁରଥୋ ରଥିନାଂ ଵରଃ ॥ 11 ॥

ସକ୍ରୋଧନୋ ରଶ୍ମିମାଲୀ ତେଜୋରାଶିର୍ଵିଭାଵସୁଃ ।
ଦିଵ୍ୟକୃଦ୍ଦିନକୃଦ୍ଦେଵୋ ଦେଵଦେଵୋ ଦିଵସ୍ପତିଃ ॥ 12 ॥

ଦୀନନାଥୋ ହରୋ ହୋତା ଦିଵ୍ୟବାହୁର୍ଦିଵାକରଃ ।
ୟଜ୍ଞୋ ୟଜ୍ଞପତିଃ ପୂଷା ସ୍ଵର୍ଣରେତାଃ ପରାଵରଃ ॥ 13 ॥

ପରାପରଜ୍ଞସ୍ତରଣିରଂଶୁମାଲୀ ମନୋହରଃ ।
ପ୍ରାଜ୍ଞଃ ପ୍ରାଜ୍ଞପତିଃ ସୂର୍ୟଃ ସଵିତା ଵିଷ୍ଣୁରଂଶୁମାନ୍ ॥ 14 ॥

ସଦାଗତିର୍ଗଂଧଵହୋ ଵିହିତୋ ଵିଧିରାଶୁଗଃ ।
ପତଂଗଃ ପତଗଃ ସ୍ଥାଣୁର୍ଵିହଂଗୋ ଵିହଗୋ ଵରଃ ॥ 15 ॥

ହର୍ୟଶ୍ଵୋ ହରିତାଶ୍ଵଶ୍ଚ ହରିଦଶ୍ଵୋ ଜଗତ୍ପ୍ରିୟଃ ।
ତ୍ର୍ୟଂବକଃ ସର୍ଵଦମନୋ ଭାଵିତାତ୍ମା ଭିଷଗ୍ଵରଃ ॥ 16 ॥

ଆଲୋକକୃଲ୍ଲୋକନାଥୋ ଲୋକାଲୋକନମସ୍କୃତଃ ।
କାଲଃ କଲ୍ପାଂତକୋ ଵହ୍ନିସ୍ତପନଃ ସଂପ୍ରତାପନଃ ॥ 17 ॥

ଵିଲୋଚନୋ ଵିରୂପାକ୍ଷଃ ସହସ୍ରାକ୍ଷଃ ପୁରଂଦରଃ ।
ସହସ୍ରରଶ୍ମିର୍ମିହିରୋ ଵିଵିଧାଂବରଭୂଷଣଃ ॥ 18 ॥

ଖଗଃ ପ୍ରତର୍ଦନୋ ଧନ୍ୟୋ ହୟଗୋ ଵାଗ୍ଵିଶାରଦଃ ।
ଶ୍ରୀମାନଶିଶିରୋ ଵାଗ୍ମୀ ଶ୍ରୀପତିଃ ଶ୍ରୀନିକେତନଃ ॥ 19 ॥

ଶ୍ରୀକଂଠଃ ଶ୍ରୀଧରଃ ଶ୍ରୀମାନ୍ ଶ୍ରୀନିଵାସୋ ଵସୁପ୍ରଦଃ ।
କାମଚାରୀ ମହାମାୟୋ ମହୋଗ୍ରୋଽଵିଦିତାମୟଃ ॥ 20 ॥

ତୀର୍ଥକ୍ରିୟାଵାନ୍ ସୁନୟୋ ଵିଭକ୍ତୋ ଭକ୍ତଵତ୍ସଲଃ ।
କୀର୍ତିଃ କୀର୍ତିକରୋ ନିତ୍ୟଃ କୁଂଡଲୀ କଵଚୀ ରଥୀ ॥ 21 ॥

ହିରଣ୍ୟରେତାଃ ସପ୍ତାଶ୍ଵଃ ପ୍ରୟତାତ୍ମା ପରଂତପଃ ।
ବୁଦ୍ଧିମାନମରଶ୍ରେଷ୍ଠୋ ରୋଚିଷ୍ଣୁଃ ପାକଶାସନଃ ॥ 22 ॥

ସମୁଦ୍ରୋ ଧନଦୋ ଧାତା ମାଂଧାତା କଶ୍ମଲାପହଃ ।
ତମୋଘ୍ନୋ ଧ୍ଵାଂତହା ଵହ୍ନିର୍ହୋତାଽଂତଃକରଣୋ ଗୁହଃ ॥ 23 ॥

ପଶୁମାନ୍ ପ୍ରୟତାନଂଦୋ ଭୂତେଶଃ ଶ୍ରୀମତାଂ ଵରଃ ।
ନିତ୍ୟୋଽଦିତୋ ନିତ୍ୟରଥଃ ସୁରେଶଃ ସୁରପୂଜିତଃ ॥ 24 ॥

ଅଜିତୋ ଵିଜିତୋ ଜେତା ଜଂଗମସ୍ଥାଵରାତ୍ମକଃ ।
ଜୀଵାନଂଦୋ ନିତ୍ୟଗାମୀ ଵିଜେତା ଵିଜୟପ୍ରଦଃ ॥ 25 ॥

ପର୍ଜନ୍ୟୋଽଗ୍ନିଃ ସ୍ଥିତିଃ ସ୍ଥେୟଃ ସ୍ଥଵିରୋଽଥ ନିରଂଜନଃ ।
ପ୍ରଦ୍ୟୋତନୋ ରଥାରୂଢଃ ସର୍ଵଲୋକପ୍ରକାଶକଃ ॥ 26 ॥

ଧ୍ରୁଵୋ ମେଷୀ ମହାଵୀର୍ୟୋ ହଂସଃ ସଂସାରତାରକଃ ।
ସୃଷ୍ଟିକର୍ତା କ୍ରିୟାହେତୁର୍ମାର୍ତଂଡୋ ମରୁତାଂ ପତିଃ ॥ 27 ॥

ମରୁତ୍ଵାନ୍ ଦହନସ୍ତ୍ଵଷ୍ଟା ଭଗୋ ଭର୍ଗୋଽର୍ୟମା କପିଃ ।
ଵରୁଣେଶୋ ଜଗନ୍ନାଥଃ କୃତକୃତ୍ୟଃ ସୁଲୋଚନଃ ॥ 28 ॥

ଵିଵସ୍ଵାନ୍ ଭାନୁମାନ୍ କାର୍ୟଃ କାରଣସ୍ତେଜସାଂ ନିଧିଃ ।
ଅସଂଗଗାମୀ ତିଗ୍ମାଂଶୁର୍ଧର୍ମାଂଶୁର୍ଦୀପ୍ତଦୀଧିତିଃ ॥ 29 ॥

ସହସ୍ରଦୀଧିତିର୍ବ୍ରଧ୍ନଃ ସହସ୍ରାଂଶୁର୍ଦିଵାକରଃ ।
ଗଭସ୍ତିମାନ୍ ଦୀଧିତିମାନ୍ ସ୍ରଗ୍ଵୀ ମଣିକୁଲଦ୍ୟୁତିଃ ॥ 30 ॥

ଭାସ୍କରଃ ସୁରକାର୍ୟଜ୍ଞଃ ସର୍ଵଜ୍ଞସ୍ତୀକ୍ଷ୍ଣଦୀଧିତିଃ ।
ସୁରଜ୍ୟେଷ୍ଠଃ ସୁରପତିର୍ବହୁଜ୍ଞୋ ଵଚସାଂ ପତିଃ ॥ 31 ॥

ତେଜୋନିଧିର୍ବୃହତ୍ତେଜା ବୃହତ୍କୀର୍ତିର୍ବୃହସ୍ପତିଃ ।
ଅହିମାନୂର୍ଜିତୋ ଧୀମାନାମୁକ୍ତଃ କୀର୍ତିଵର୍ଧନଃ ॥ 32 ॥

ମହାଵୈଦ୍ୟୋ ଗଣପତିର୍ଧନେଶୋ ଗଣନାୟକଃ ।
ତୀଵ୍ରପ୍ରତାପନସ୍ତାପୀ ତାପନୋ ଵିଶ୍ଵତାପନଃ ॥ 33 ॥

କାର୍ତସ୍ଵରୋ ହୃଷୀକେଶଃ ପଦ୍ମାନଂଦୋଽତିନଂଦିତଃ ।
ପଦ୍ମନାଭୋଽମୃତାହାରଃ ସ୍ଥିତିମାନ୍ କେତୁମାନ୍ ନଭଃ ॥ 34 ॥

ଅନାଦ୍ୟଂତୋଽଚ୍ୟୁତୋ ଵିଶ୍ଵୋ ଵିଶ୍ଵାମିତ୍ରୋ ଘୃଣିର୍ଵିରାଟ୍ ।
ଆମୁକ୍ତକଵଚୋ ଵାଗ୍ମୀ କଂଚୁକୀ ଵିଶ୍ଵଭାଵନଃ ॥ 35 ॥

ଅନିମିତ୍ତଗତିଃ ଶ୍ରେଷ୍ଠଃ ଶରଣ୍ୟଃ ସର୍ଵତୋମୁଖଃ ।
ଵିଗାହୀ ଵେଣୁରସହଃ ସମାୟୁକ୍ତଃ ସମାକ୍ରତୁଃ ॥ 36 ॥

ଧର୍ମକେତୁର୍ଧର୍ମରତିଃ ସଂହର୍ତା ସଂୟମୋ ୟମଃ ।
ପ୍ରଣତାର୍ତିହରୋ ଵାୟୁଃ ସିଦ୍ଧକାର୍ୟୋ ଜନେଶ୍ଵରଃ ॥ 37 ॥

ନଭୋ ଵିଗାହନଃ ସତ୍ୟଃ ସଵିତାତ୍ମା ମନୋହରଃ ।
ହାରୀ ହରିର୍ହରୋ ଵାୟୁରୃତୁଃ କାଲାନଲଦ୍ୟୁତିଃ ॥ 38 ॥

ସୁଖସେଵ୍ୟୋ ମହାତେଜା ଜଗତାମେକକାରଣମ୍ ।
ମହେଂଦ୍ରୋ ଵିଷ୍ଟୁତଃ ସ୍ତୋତ୍ରଂ ସ୍ତୁତିହେତୁଃ ପ୍ରଭାକରଃ ॥ 39 ॥

ସହସ୍ରକର ଆୟୁଷ୍ମାନ୍ ଅରୋଷଃ ସୁଖଦଃ ସୁଖୀ ।
ଵ୍ୟାଧିହା ସୁଖଦଃ ସୌଖ୍ୟଂ କଲ୍ୟାଣଃ କଲତାଂ ଵରଃ ॥ 40 ॥

ଆରୋଗ୍ୟକାରଣଂ ସିଦ୍ଧିରୃଦ୍ଧିର୍ଵୃଦ୍ଧିର୍ବୃହସ୍ପତିଃ ।
ହିରଣ୍ୟରେତା ଆରୋଗ୍ୟଂ ଵିଦ୍ଵାନ୍ ବ୍ରଧ୍ନୋ ବୁଧୋ ମହାନ୍ ॥ 41 ॥

ପ୍ରାଣଵାନ୍ ଧୃତିମାନ୍ ଘର୍ମୋ ଘର୍ମକର୍ତା ରୁଚିପ୍ରଦଃ ।
ସର୍ଵପ୍ରିୟଃ ସର୍ଵସହଃ ସର୍ଵଶତ୍ରୁଵିନାଶନଃ ॥ 42 ॥

ପ୍ରାଂଶୁର୍ଵିଦ୍ୟୋତନୋ ଦ୍ୟୋତଃ ସହସ୍ରକିରଣଃ କୃତୀ ।
କେୟୂରୀ ଭୂଷଣୋଦ୍ଭାସୀ ଭାସିତୋ ଭାସନୋଽନଲଃ ॥ 43 ॥

ଶରଣ୍ୟାର୍ତିହରୋ ହୋତା ଖଦ୍ୟୋତଃ ଖଗସତ୍ତମଃ ।
ସର୍ଵଦ୍ୟୋତୋ ଭଵଦ୍ୟୋତଃ ସର୍ଵଦ୍ୟୁତିକରୋ ମତଃ ॥ 44 ॥

କଲ୍ୟାଣଃ କଲ୍ୟାଣକରଃ କଲ୍ୟଃ କଲ୍ୟକରଃ କଵିଃ ।
କଲ୍ୟାଣକୃତ୍ କଲ୍ୟଵପୁଃ ସର୍ଵକଲ୍ୟାଣଭାଜନମ୍ ॥ 45 ॥

ଶାଂତିପ୍ରିୟଃ ପ୍ରସନ୍ନାତ୍ମା ପ୍ରଶାଂତଃ ପ୍ରଶମପ୍ରିୟଃ ।
ଉଦାରକର୍ମା ସୁନୟଃ ସୁଵର୍ଚା ଵର୍ଚସୋଜ୍ଜ୍ଵଲଃ ॥ 46 ॥

ଵର୍ଚସ୍ଵୀ ଵର୍ଚସାମୀଶସ୍ତ୍ରୈଲୋକ୍ୟେଶୋ ଵଶାନୁଗଃ ।
ତେଜସ୍ଵୀ ସୁୟଶା ଵର୍ଷ୍ମୀ ଵର୍ଣାଧ୍ୟକ୍ଷୋ ବଲିପ୍ରିୟଃ ॥ 47 ॥

ୟଶସ୍ଵୀ ତେଜୋନିଲୟସ୍ତେଜସ୍ଵୀ ପ୍ରକୃତିସ୍ଥିତଃ ।
ଆକାଶଗଃ ଶୀଘ୍ରଗତିରାଶୁଗୋ ଗତିମାନ୍ ଖଗଃ ॥ 48 ॥

ଗୋପତିର୍ଗ୍ରହଦେଵେଶୋ ଗୋମାନେକଃ ପ୍ରଭଂଜନଃ ।
ଜନିତା ପ୍ରଜନୋ ଜୀଵୋ ଦୀପଃ ସର୍ଵପ୍ରକାଶକଃ ॥ 49 ॥

ସର୍ଵସାକ୍ଷୀ ୟୋଗନିତ୍ୟୋ ନଭସ୍ଵାନସୁରାଂତକଃ ।
ରକ୍ଷୋଘ୍ନୋ ଵିଘ୍ନଶମନଃ କିରୀଟୀ ସୁମନଃପ୍ରିୟଃ ॥ 50 ॥

ମରୀଚିମାଲୀ ସୁମତିଃ କୃତାଭିଖ୍ୟଵିଶେଷକଃ ।
ଶିଷ୍ଟାଚାରଃ ଶୁଭାଚାରଃ ସ୍ଵଚାରାଚାରତତ୍ପରଃ ॥ 51 ॥

ମଂଦାରୋ ମାଠରୋ ଵେଣୁଃ କ୍ଷୁଧାପଃ କ୍ଷ୍ମାପତିର୍ଗୁରୁଃ ।
ସୁଵିଶିଷ୍ଟୋ ଵିଶିଷ୍ଟାତ୍ମା ଵିଧେୟୋ ଜ୍ଞାନଶୋଭନଃ ॥ 52 ॥

ମହାଶ୍ଵେତଃ ପ୍ରିୟୋ ଜ୍ଞେୟଃ ସାମଗୋ ମୋକ୍ଷଦାୟକଃ ।
ସର୍ଵଵେଦପ୍ରଗୀତାତ୍ମା ସର୍ଵଵେଦଲୟୋ ମହାନ୍ ॥ 53 ॥

ଵେଦମୂର୍ତିଶ୍ଚତୁର୍ଵେଦୋ ଵେଦଭୃଦ୍ଵେଦପାରଗଃ ।
କ୍ରିୟାଵାନସିତୋ ଜିଷ୍ଣୁର୍ଵରୀୟାଂଶୁର୍ଵରପ୍ରଦଃ ॥ 54 ॥

ଵ୍ରତଚାରୀ ଵ୍ରତଧରୋ ଲୋକବଂଧୁରଲଂକୃତଃ ।
ଅଲଂକାରାକ୍ଷରୋ ଵେଦ୍ୟୋ ଵିଦ୍ୟାଵାନ୍ ଵିଦିତାଶୟଃ ॥ 55 ॥

ଆକାରୋ ଭୂଷଣୋ ଭୂଷ୍ୟୋ ଭୂଷ୍ଣୁର୍ଭୁଵନପୂଜିତଃ ।
ଚକ୍ରପାଣିର୍ଧ୍ଵଜଧରଃ ସୁରେଶୋ ଲୋକଵତ୍ସଲଃ ॥ 56 ॥

ଵାଗ୍ମିପତିର୍ମହାବାହୁଃ ପ୍ରକୃତିର୍ଵିକୃତିର୍ଗୁଣଃ ।
ଅଂଧକାରାପହଃ ଶ୍ରେଷ୍ଠୋ ୟୁଗାଵର୍ତୋ ୟୁଗାଦିକୃତ୍ ॥ 57 ॥

ଅପ୍ରମେୟଃ ସଦାୟୋଗୀ ନିରହଂକାର ଈଶ୍ଵରଃ ।
ଶୁଭପ୍ରଦଃ ଶୁଭଃ ଶାସ୍ତା ଶୁଭକର୍ମା ଶୁଭପ୍ରଦଃ ॥ 58 ॥

ସତ୍ୟଵାନ୍ ଶ୍ରୁତିମାନୁଚ୍ଚୈର୍ନକାରୋ ଵୃଦ୍ଧିଦୋଽନଲଃ ।
ବଲଭୃଦ୍ବଲଦୋ ବଂଧୁର୍ମତିମାନ୍ ବଲିନାଂ ଵରଃ ॥ 59 ॥

ଅନଂଗୋ ନାଗରାଜେଂଦ୍ରଃ ପଦ୍ମୟୋନିର୍ଗଣେଶ୍ଵରଃ ।
ସଂଵତ୍ସର ଋତୁର୍ନେତା କାଲଚକ୍ରପ୍ରଵର୍ତକଃ ॥ 60 ॥

ପଦ୍ମେକ୍ଷଣଃ ପଦ୍ମୟୋନିଃ ପ୍ରଭାଵାନମରଃ ପ୍ରଭୁଃ ।
ସୁମୂର୍ତିଃ ସୁମତିଃ ସୋମୋ ଗୋଵିଂଦୋ ଜଗଦାଦିଜଃ ॥ 61 ॥

ପୀତଵାସାଃ କୃଷ୍ଣଵାସା ଦିଗ୍ଵାସାସ୍ତ୍ଵିଂଦ୍ରିୟାତିଗଃ ।
ଅତୀଂଦ୍ରିୟୋଽନେକରୂପଃ ସ୍କଂଦଃ ପରପୁରଂଜୟଃ ॥ 62 ॥

ଶକ୍ତିମାନ୍ ଜଲଧୃଗ୍ଭାସ୍ଵାନ୍ ମୋକ୍ଷହେତୁରୟୋନିଜଃ ।
ସର୍ଵଦର୍ଶୀ ଜିତାଦର୍ଶୋ ଦୁଃସ୍ଵପ୍ନାଶୁଭନାଶନଃ ॥ 63 ॥

ମାଂଗଲ୍ୟକର୍ତା ତରଣିର୍ଵେଗଵାନ୍ କଶ୍ମଲାପହଃ ।
ସ୍ପଷ୍ଟାକ୍ଷରୋ ମହାମଂତ୍ରୋ ଵିଶାଖୋ ୟଜନପ୍ରିୟଃ ॥ 64 ॥

ଵିଶ୍ଵକର୍ମା ମହାଶକ୍ତିର୍ଦ୍ୟୁତିରୀଶୋ ଵିହଂଗମଃ ।
ଵିଚକ୍ଷଣୋ ଦକ୍ଷ ଇଂଦ୍ରଃ ପ୍ରତ୍ୟୂଷଃ ପ୍ରିୟଦର୍ଶନଃ ॥ 65 ॥

ଅଖିନ୍ନୋ ଵେଦନିଲୟୋ ଵେଦଵିଦ୍ଵିଦିତାଶୟଃ ।
ପ୍ରଭାକରୋ ଜିତରିପୁଃ ସୁଜନୋଽରୁଣସାରଥିଃ ॥ 66 ॥

କୁନାଶୀ ସୁରତଃ ସ୍କଂଦୋ ମହିତୋଽଭିମତୋ ଗୁରୁଃ ।
ଗ୍ରହରାଜୋ ଗ୍ରହପତିର୍ଗ୍ରହନକ୍ଷତ୍ରମଂଡଲଃ ॥ 67 ॥

ଭାସ୍କରଃ ସତତାନଂଦୋ ନଂଦନୋ ନରଵାହନଃ ।
ମଂଗଲୋଽଥ ମଂଗଲଵାନ୍ ମାଂଗଲ୍ୟୋ ମଂଗଲାଵହଃ ॥ 68 ॥

ମଂଗଲ୍ୟଚାରୁଚରିତଃ ଶୀର୍ଣଃ ସର୍ଵଵ୍ରତୋ ଵ୍ରତୀ ।
ଚତୁର୍ମୁଖଃ ପଦ୍ମମାଲୀ ପୂତାତ୍ମା ପ୍ରଣତାର୍ତିହା ॥ 69 ॥

ଅକିଂଚନଃ ସତାମୀଶୋ ନିର୍ଗୁଣୋ ଗୁଣଵାଂଛୁଚିଃ ।
ସଂପୂର୍ଣଃ ପୁଂଡରୀକାକ୍ଷୋ ଵିଧେୟୋ ୟୋଗତତ୍ପରଃ ॥ 70 ॥

ସହସ୍ରାଂଶୁଃ କ୍ରତୁମତିଃ ସର୍ଵଜ୍ଞଃ ସୁମତିଃ ସୁଵାକ୍ ।
ସୁଵାହନୋ ମାଲ୍ୟଦାମା କୃତାହାରୋ ହରିପ୍ରିୟଃ ॥ 71 ॥

ବ୍ରହ୍ମା ପ୍ରଚେତାଃ ପ୍ରଥିତଃ ପ୍ରୟତାତ୍ମା ସ୍ଥିରାତ୍ମକଃ ।
ଶତଵିଂଦୁଃ ଶତମୁଖୋ ଗରୀୟାନନଲପ୍ରଭଃ ॥ 72 ॥

ଧୀରୋ ମହତ୍ତରୋ ଵିପ୍ରଃ ପୁରାଣପୁରୁଷୋତ୍ତମଃ ।
ଵିଦ୍ୟାରାଜାଧିରାଜୋ ହି ଵିଦ୍ୟାଵାନ୍ ଭୂତିଦଃ ସ୍ଥିତଃ ॥ 73 ॥

ଅନିର୍ଦେଶ୍ୟଵପୁଃ ଶ୍ରୀମାନ୍ ଵିପାପ୍ମା ବହୁମଂଗଲଃ ।
ସ୍ଵଃସ୍ଥିତଃ ସୁରଥଃ ସ୍ଵର୍ଣୋ ମୋକ୍ଷଦୋ ବଲିକେତନଃ ॥ 74 ॥

ନିର୍ଦ୍ଵଂଦ୍ଵୋ ଦ୍ଵଂଦ୍ଵହା ସ୍ଵର୍ଗଃ ସର୍ଵଗଃ ସଂପ୍ରକାଶକଃ ।
ଦୟାଲୁଃ ସୂକ୍ଷ୍ମଧୀଃ କ୍ଷାଂତିଃ କ୍ଷେମାକ୍ଷେମସ୍ଥିତିପ୍ରିୟଃ ॥ 75 ॥

ଭୂଧରୋ ଭୂପତିର୍ଵକ୍ତା ପଵିତ୍ରାତ୍ମା ତ୍ରିଲୋଚନଃ ।
ମହାଵରାହଃ ପ୍ରିୟକୃଦ୍ଦାତା ଭୋକ୍ତାଽଭୟପ୍ରଦଃ ॥ 76 ॥

ଚକ୍ରଵର୍ତୀ ଧୃତିକରଃ ସଂପୂର୍ଣୋଽଥ ମହେଶ୍ଵରଃ ।
ଚତୁର୍ଵେଦଧରୋଽଚିଂତ୍ୟୋ ଵିନିଂଦ୍ୟୋ ଵିଵିଧାଶନଃ ॥ 77 ॥

ଵିଚିତ୍ରରଥ ଏକାକୀ ସପ୍ତସପ୍ତିଃ ପରାତ୍ପରଃ ।
ସର୍ଵୋଦଧିସ୍ଥିତିକରଃ ସ୍ଥିତିସ୍ଥେୟଃ ସ୍ଥିତିପ୍ରିୟଃ ॥ 78 ॥

ନିଷ୍କଲଃ ପୁଷ୍କଲୋ ଵିଭୁର୍ଵସୁମାନ୍ ଵାସଵପ୍ରିୟଃ ।
ପଶୁମାନ୍ ଵାସଵସ୍ଵାମୀ ଵସୁଧାମା ଵସୁପ୍ରଦଃ ॥ 79 ॥

ବଲଵାନ୍ ଜ୍ଞାନଵାଂସ୍ତତ୍ତ୍ଵମୋଂକାରସ୍ତ୍ରିଷୁସଂସ୍ଥିତଃ ।
ସଂକଲ୍ପୟୋନିର୍ଦିନକୃଦ୍ଭଗଵାନ୍ କାରଣାପହଃ ॥ 80 ॥

ନୀଲକଂଠୋ ଧନାଧ୍ୟକ୍ଷଶ୍ଚତୁର୍ଵେଦପ୍ରିୟଂଵଦଃ ।
ଵଷଟ୍କାରୋଦ୍ଗାତା ହୋତା ସ୍ଵାହାକାରୋ ହୁତାହୁତିଃ ॥ 81 ॥

ଜନାର୍ଦନୋ ଜନାନଂଦୋ ନରୋ ନାରାୟଣୋଽଂବୁଦଃ ।
ସଂଦେହନାଶନୋ ଵାୟୁର୍ଧନ୍ଵୀ ସୁରନମସ୍କୃତଃ ॥ 82 ॥

ଵିଗ୍ରହୀ ଵିମଲୋ ଵିଂଦୁର୍ଵିଶୋକୋ ଵିମଲଦ୍ୟୁତିଃ ।
ଦ୍ୟୁତିମାନ୍ ଦ୍ୟୋତନୋ ଵିଦ୍ୟୁଦ୍ଵିଦ୍ୟାଵାନ୍ ଵିଦିତୋ ବଲୀ ॥ 83 ॥

ଘର୍ମଦୋ ହିମଦୋ ହାସଃ କୃଷ୍ଣଵର୍ତ୍ମା ସୁତାଜିତଃ ।
ସାଵିତ୍ରୀଭାଵିତୋ ରାଜା ଵିଶ୍ଵାମିତ୍ରୋ ଘୃଣିର୍ଵିରାଟ୍ ॥ 84 ॥

ସପ୍ତାର୍ଚିଃ ସପ୍ତତୁରଗଃ ସପ୍ତଲୋକନମସ୍କୃତଃ ।
ସଂପୂର୍ଣୋଽଥ ଜଗନ୍ନାଥଃ ସୁମନାଃ ଶୋଭନପ୍ରିୟଃ ॥ 85 ॥

ସର୍ଵାତ୍ମା ସର୍ଵକୃତ୍ ସୃଷ୍ଟିଃ ସପ୍ତିମାନ୍ ସପ୍ତମୀପ୍ରିୟଃ ।
ସୁମେଧା ମେଧିକୋ ମେଧ୍ୟୋ ମେଧାଵୀ ମଧୁସୂଦନଃ ॥ 86 ॥

ଅଂଗିରଃପତିଃ କାଲଜ୍ଞୋ ଧୂମକେତୁଃ ସୁକେତନଃ ।
ସୁଖୀ ସୁଖପ୍ରଦଃ ସୌଖ୍ୟଃ କାଂତିଃ କାଂତିପ୍ରିୟୋ ମୁନିଃ ॥ 87 ॥

ସଂତାପନଃ ସଂତପନ ଆତପସ୍ତପସାଂ ପତିଃ ।
ଉମାପତିଃ ସହସ୍ରାଂଶୁଃ ପ୍ରିୟକାରୀ ପ୍ରିୟଂକରଃ ॥ 88 ॥

ପ୍ରୀତିର୍ଵିମନ୍ୟୁରଂଭୋତ୍ଥଃ ଖଂଜନୋ ଜଗତାଂ ପତିଃ ।
ଜଗତ୍ପିତା ପ୍ରୀତମନାଃ ସର୍ଵଃ ଖର୍ଵୋ ଗୁହୋଽଚଲଃ ॥ 89 ॥

ସର୍ଵଗୋ ଜଗଦାନଂଦୋ ଜଗନ୍ନେତା ସୁରାରିହା ।
ଶ୍ରେୟଃ ଶ୍ରେୟସ୍କରୋ ଜ୍ୟାୟାନ୍ ମହାନୁତ୍ତମ ଉଦ୍ଭଵଃ ॥ 90 ॥

ଉତ୍ତମୋ ମେରୁମେୟୋଽଥ ଧରଣୋ ଧରଣୀଧରଃ ।
ଧରାଧ୍ୟକ୍ଷୋ ଧର୍ମରାଜୋ ଧର୍ମାଧର୍ମପ୍ରଵର୍ତକଃ ॥ 91 ॥

ରଥାଧ୍ୟକ୍ଷୋ ରଥଗତିସ୍ତରୁଣସ୍ତନିତୋଽନଲଃ ।
ଉତ୍ତରୋଽନୁତ୍ତରସ୍ତାପୀ ଅଵାକ୍ପତିରପାଂ ପତିଃ ॥ 92 ॥

ପୁଣ୍ୟସଂକୀର୍ତନଃ ପୁଣ୍ୟୋ ହେତୁର୍ଲୋକତ୍ରୟାଶ୍ରୟଃ ।
ସ୍ଵର୍ଭାନୁର୍ଵିଗତାନଂଦୋ ଵିଶିଷ୍ଟୋତ୍କୃଷ୍ଟକର୍ମକୃତ୍ ॥ 93 ॥

ଵ୍ୟାଧିପ୍ରଣାଶନଃ କ୍ଷେମଃ ଶୂରଃ ସର୍ଵଜିତାଂ ଵରଃ ।
ଏକରଥୋ ରଥାଧୀଶଃ ପିତା ଶନୈଶ୍ଚରସ୍ୟ ହି ॥ 94 ॥

ଵୈଵସ୍ଵତଗୁରୁର୍ମୃତ୍ୟୁର୍ଧର୍ମନିତ୍ୟୋ ମହାଵ୍ରତଃ ।
ପ୍ରଲଂବହାରସଂଚାରୀ ପ୍ରଦ୍ୟୋତୋ ଦ୍ୟୋତିତାନଲଃ ॥ 95 ॥

ସଂତାପହୃତ୍ ପରୋ ମଂତ୍ରୋ ମଂତ୍ରମୂର୍ତିର୍ମହାବଲଃ ।
ଶ୍ରେଷ୍ଠାତ୍ମା ସୁପ୍ରିୟଃ ଶଂଭୁର୍ମରୁତାମୀଶ୍ଵରେଶ୍ଵରଃ ॥ 96 ॥

ସଂସାରଗତିଵିଚ୍ଚେତ୍ତା ସଂସାରାର୍ଣଵତାରକଃ ।
ସପ୍ତଜିହ୍ଵଃ ସହସ୍ରାର୍ଚୀ ରତ୍ନଗର୍ଭୋଽପରାଜିତଃ ॥ 97 ॥

ଧର୍ମକେତୁରମେୟାତ୍ମା ଧର୍ମାଧର୍ମଵରପ୍ରଦଃ ।
ଲୋକସାକ୍ଷୀ ଲୋକଗୁରୁର୍ଲୋକେଶଶ୍ଚଂଡଵାହନଃ ॥ 98 ॥

ଧର୍ମୟୂପୋ ୟୂପଵୃକ୍ଷୋ ଧନୁଷ୍ପାଣିର୍ଧନୁର୍ଧରଃ ।
ପିନାକଧୃଙ୍ମହୋତ୍ସାହୋ ମହାମାୟୋ ମହାଶନଃ ॥ 99 ॥

ଵୀରଃ ଶକ୍ତିମତାଂ ଶ୍ରେଷ୍ଠଃ ସର୍ଵଶସ୍ତ୍ରଭୃତାଂ ଵରଃ ।
ଜ୍ଞାନଗମ୍ୟୋ ଦୁରାରାଧ୍ୟୋ ଲୋହିତାଂଗୋ ଵିଵର୍ଧନଃ ॥ 100 ॥

ଖଗୋଽଂଧୋ ଧର୍ମଦୋ ନିତ୍ୟୋ ଧର୍ମକୃଚ୍ଚିତ୍ରଵିକ୍ରମଃ ।
ଭଗଵାନାତ୍ମଵାନ୍ ମଂତ୍ରସ୍ତ୍ର୍ୟକ୍ଷରୋ ନୀଲଲୋହିତଃ ॥ 101 ॥

ଏକୋଽନେକସ୍ତ୍ରୟୀ କାଲଃ ସଵିତା ସମିତିଂଜୟଃ ।
ଶାର୍ଙ୍ଗଧନ୍ଵାଽନଲୋ ଭୀମଃ ସର୍ଵପ୍ରହରଣାୟୁଧଃ ॥ 102 ॥

ସୁକର୍ମା ପରମେଷ୍ଠୀ ଚ ନାକପାଲୀ ଦିଵିସ୍ଥିତଃ ।
ଵଦାନ୍ୟୋ ଵାସୁକିର୍ଵୈଦ୍ୟ ଆତ୍ରେୟୋଽଥ ପରାକ୍ରମଃ ॥ 103 ॥

ଦ୍ଵାପରଃ ପରମୋଦାରଃ ପରମୋ ବ୍ରହ୍ମଚର୍ୟଵାନ୍ ।
ଉଦୀଚ୍ୟଵେଷୋ ମୁକୁଟୀ ପଦ୍ମହସ୍ତୋ ହିମାଂଶୁଭୃତ୍ ॥ 104 ॥

ସିତଃ ପ୍ରସନ୍ନଵଦନଃ ପଦ୍ମୋଦରନିଭାନନଃ ।
ସାୟଂ ଦିଵା ଦିଵ୍ୟଵପୁରନିର୍ଦେଶ୍ୟୋ ମହାଲୟଃ ॥ 105 ॥

ମହାରଥୋ ମହାନୀଶଃ ଶେଷଃ ସତ୍ତ୍ଵରଜସ୍ତମଃ ।
ଧୃତାତପତ୍ରପ୍ରତିମୋ ଵିମର୍ଷୀ ନିର୍ଣୟଃ ସ୍ଥିତଃ ॥ 106 ॥

ଅହିଂସକଃ ଶୁଦ୍ଧମତିରଦ୍ଵିତୀୟୋ ଵିଵର୍ଧନଃ ।
ସର୍ଵଦୋ ଧନଦୋ ମୋକ୍ଷୋ ଵିହାରୀ ବହୁଦାୟକଃ ॥ 107 ॥

ଚାରୁରାତ୍ରିହରୋ ନାଥୋ ଭଗଵାନ୍ ସର୍ଵଗୋଽଵ୍ୟୟଃ ।
ମନୋହରଵପୁଃ ଶୁଭ୍ରଃ ଶୋଭନଃ ସୁପ୍ରଭାଵନଃ ॥ 108 ॥

ସୁପ୍ରଭାଵଃ ସୁପ୍ରତାପଃ ସୁନେତ୍ରୋ ଦିଗ୍ଵିଦିକ୍ପତିଃ ।
ରାଜ୍ଞୀପ୍ରିୟଃ ଶବ୍ଦକରୋ ଗ୍ରହେଶସ୍ତିମିରାପହଃ ॥ 109 ॥

ସୈଂହିକେୟରିପୁର୍ଦେଵୋ ଵରଦୋ ଵରନାୟକଃ ।
ଚତୁର୍ଭୁଜୋ ମହାୟୋଗୀ ୟୋଗୀଶ୍ଵରପତିସ୍ତଥା ॥ 110 ॥

ଅନାଦିରୂପୋଽଦିତିଜୋ ରତ୍ନକାଂତିଃ ପ୍ରଭାମୟଃ ।
ଜଗତ୍ପ୍ରଦୀପୋ ଵିସ୍ତୀର୍ଣୋ ମହାଵିସ୍ତୀର୍ଣମଂଡଲଃ ॥ 111 ॥

ଏକଚକ୍ରରଥଃ ସ୍ଵର୍ଣରଥଃ ସ୍ଵର୍ଣଶରୀରଧୃକ୍ ।
ନିରାଲଂବୋ ଗଗନଗୋ ଧର୍ମକର୍ମପ୍ରଭାଵକୃତ୍ ॥ 112 ॥

ଧର୍ମାତ୍ମା କର୍ମଣାଂ ସାକ୍ଷୀ ପ୍ରତ୍ୟକ୍ଷଃ ପରମେଶ୍ଵରଃ ।
ମେରୁସେଵୀ ସୁମେଧାଵୀ ମେରୁରକ୍ଷାକରୋ ମହାନ୍ ॥ 113 ॥

ଆଧାରଭୂତୋ ରତିମାଂସ୍ତଥା ଚ ଧନଧାନ୍ୟକୃତ୍ ।
ପାପସଂତାପହର୍ତା ଚ ମନୋଵାଂଛିତଦାୟକଃ ॥ 114 ॥

ରୋଗହର୍ତା ରାଜ୍ୟଦାୟୀ ରମଣୀୟଗୁଣୋଽନୃଣୀ ।
କାଲତ୍ରୟାନଂତରୂପୋ ମୁନିଵୃଂଦନମସ୍କୃତଃ ॥ 115 ॥

ସଂଧ୍ୟାରାଗକରଃ ସିଦ୍ଧଃ ସଂଧ୍ୟାଵଂଦନଵଂଦିତଃ ।
ସାମ୍ରାଜ୍ୟଦାନନିରତଃ ସମାରାଧନତୋଷଵାନ୍ ॥ 116 ॥

ଭକ୍ତଦୁଃଖକ୍ଷୟକରୋ ଭଵସାଗରତାରକଃ ।
ଭୟାପହର୍ତା ଭଗଵାନପ୍ରମେୟପରାକ୍ରମଃ ।
ମନୁସ୍ଵାମୀ ମନୁପତିର୍ମାନ୍ୟୋ ମନ୍ଵଂତରାଧିପଃ ॥ 117 ॥

ଫଲଶ୍ରୁତିଃ ।
ଏତତ୍ତେ ସର୍ଵମାଖ୍ୟାତଂ ୟନ୍ମାଂ ତ୍ଵଂ ପରିପୃଚ୍ଛସି ।
ନାମ୍ନାଂ ସହସ୍ରଂ ସଵିତୁଃ ପରାଶର୍ୟୋ ୟଦାହ ମେ ॥ 1 ॥

ଧନ୍ୟଂ ୟଶସ୍ୟମାୟୁଷ୍ୟଂ ଦୁଃଖଦୁଃସ୍ଵପ୍ନନାଶନମ୍ ।
ବଂଧମୋକ୍ଷକରଂ ଚୈଵ ଭାନୋର୍ନାମାନୁକୀର୍ତନାତ୍ ॥ 2 ॥

ୟସ୍ତ୍ଵିଦଂ ଶୃଣୁୟାନ୍ନିତ୍ୟଂ ପଠେଦ୍ଵା ପ୍ରୟତୋ ନରଃ ।
ଅକ୍ଷୟଂ ସୁଖମନ୍ନାଦ୍ୟଂ ଭଵେତ୍ତସ୍ୟୋପସାଧିତମ୍ ॥ 3 ॥

ନୃପାଗ୍ନିତସ୍କରଭୟଂ ଵ୍ୟାଧିତୋ ନ ଭୟଂ ଭଵେତ୍ ।
ଵିଜୟୀ ଚ ଭଵେନ୍ନିତ୍ୟମାଶ୍ରୟଂ ପରମାପ୍ନୁୟାତ୍ ॥ 4 ॥

କୀର୍ତିମାନ୍ ସୁଭଗୋ ଵିଦ୍ଵାନ୍ ସ ସୁଖୀ ପ୍ରିୟଦର୍ଶନଃ ।
ଜୀଵେଦ୍ଵର୍ଷଶତାୟୁଶ୍ଚ ସର୍ଵଵ୍ୟାଧିଵିଵର୍ଜିତଃ ॥ 5 ॥

ନାମ୍ନାଂ ସହସ୍ରମିଦମଂଶୁମତଃ ପଠେଦ୍ୟଃ
ପ୍ରାତଃ ଶୁଚିର୍ନିୟମଵାନ୍ ସୁସମୃଦ୍ଧିୟୁକ୍ତଃ ।
ଦୂରେଣ ତଂ ପରିହରଂତି ସଦୈଵ ରୋଗାଃ
ଭୂତାଃ ସୁପର୍ଣମିଵ ସର୍ଵମହୋରଗେଂଦ୍ରାଃ ॥ 6 ॥

ଇତି ଶ୍ରୀ ଭଵିଷ୍ୟପୁରାଣେ ସପ୍ତମକଲ୍ପେ ଶ୍ରୀଭଗଵତ୍ସୂର୍ୟସ୍ୟ ସହସ୍ରନାମସ୍ତୋତ୍ରଂ ସଂପୂର୍ଣମ୍ ॥