ସୁଦର୍ଶନ ସହସ୍ର ନାମ ସ୍ତୋତ୍ରମ୍

ଶ୍ରୀ ଗଣେଶାୟ ନମଃ ॥

ଶ୍ରୀସୁଦର୍ଶନ ପରବ୍ରହ୍ମଣେ ନମଃ ॥

ଅଥ ଶ୍ରୀସୁଦର୍ଶନ ସହସ୍ରନାମ ସ୍ତୋତ୍ରମ୍ ॥

କୈଲାସଶିଖରେ ରମ୍ୟେ ମୁକ୍ତାମାଣିକ୍ୟ ମଂଡପେ ।
ରକ୍ତସିଂହାସନାସୀନଂ ପ୍ରମଥୈଃ ପରିଵାରିତମ୍ ॥ 1॥

ବଦ୍ଧାଂଜଲିପୁଟା ଭୂତ୍ଵା ପପ୍ରଚ୍ଛ ଵିନୟାନ୍ଵିତା ।
ଭର୍ତାରଂ ସର୍ଵଧର୍ମଜ୍ଞଂ ପାର୍ଵତୀ ପରମେଶ୍ଵରମ୍ ॥ 2॥

ପାର୍ଵତୀ —
ୟତ୍ ତ୍ଵୟୋକ୍ତଂ ଜଗନ୍ନାଥ ସୁଭ୍ରୁଶଂ କ୍ଷେମମିଚ୍ଛତାମ୍ ।
ସୌଦର୍ଶନଂ ରୁତେ ଶାସ୍ତ୍ରଂ ନାସ୍ତିଚାନ୍ୟଦିତି ପ୍ରଭୋ ॥ 3॥

ତତ୍ର କାଚିତ୍ ଵିଵକ୍ଷାସ୍ଥି ତମର୍ଥଂ ପ୍ରତି ମେ ପ୍ରଭୋ ।
ଏଵମୁକ୍ତସ୍ତ୍ଵହିର୍ବୁଦ୍ଧ୍ନ୍ୟଃ ପାର୍ଵତୀଂ ପ୍ରତ୍ୟୁଵାଚ ତାମ୍ ॥ 4॥

ଅହିର୍ବୁଦ୍ଧ୍ନ୍ୟ —
ସଂଶୟୋ ୟଦି ତେ ତତ୍ର ତଂ ବ୍ରୂହି ତ୍ଵଂ ଵରାନନେ ।
ଇତ୍ୟେଵମୁକ୍ତା ଗିରିଜା ଗିରିଶେନ ମହାତ୍ମନା ॥ 5॥

ପୁନଃ ପ୍ରୋଵାଚ ସର୍ଵଜ୍ଞଂ ଜ୍ଞାନମୁଦ୍ରାଧରଂ ପତିମ୍ ॥

ପାର୍ଵତ୍ୟୁଵାଚ —
ଲୋକେ ସୌଦର୍ଶନଂ ମଂତ୍ରଂ ୟଂତ୍ରଂତତ୍ତତ୍ ପ୍ରୟୋଗଵତ୍ ॥ 6॥

ସର୍ଵଂ ଵିଜ୍ଞାତୁମଭ୍ୟତ୍ର ୟଥାଵତ୍ ସମନୁଷ୍ଠିତୁମ୍ ।
ଅତିଵେଲମଶକ୍ତାନାଂ ତଂ ମାର୍ଗଂ ଭୃଶମୀଛ୍ତାମ୍ ॥ 7॥

କୋ ମାର୍ଗଃ କା କଥିସ୍ତେଷାଂ କାର୍ୟସିଦ୍ଧିଃ କଥଂ ଭଵେତ୍ ।
ଏତନ୍ମେ ବ୍ରୂହି ଲୋକେଶ ତ୍ଵଦନ୍ୟଃ କୋ ଵଦେତମୁମ୍ ॥ 8॥

ଈଶ୍ଵର ଉଵାଚ —
ଅହଂ ତେ କଥୟିଶ୍ୟାମି ସର୍ଵ ସିଦ୍ଧିକରଂ ଶୁଭମ୍ ।
ଅନାୟାସେନ ୟଜ୍ଜପ୍ତ୍ଵା ନରସ୍ସିଦ୍ଧିମଵାପ୍ନୁୟାତ୍ ॥ 9॥

ତଶ୍ଚ ସୌଦର୍ଶନଂ ଦିଵ୍ୟଂ ଗୁହ୍ୟଂ ନାମସହସ୍ରକମ୍ ।
ନିୟମାତ୍ ପଠତାଂ ନୄଣାଂ ଚିଂତିତାର୍ଥ ପ୍ରଦାୟକମ୍ ॥ 10॥

ତସ୍ୟ ନାମସହସ୍ରସ୍ୟ ସୋଽହମେଵ ଋଷିଃ ସ୍ମୃତଃ ।
ଛଂଦୋନୁଷ୍ଟୁପ୍ ଦେଵତା ତୁ ପରମାତ୍ମା ସୁଦର୍ଶନଃ ॥ 11॥

ଶ୍ରୀଂ ବୀଜଂ ହ୍ରୀଂ ତୁ ଶକ୍ତିସ୍ସା କ୍ଲୀଂ କୀଲକମୁଦାହୃତମ୍ ।
ସମସ୍ତାଭୀଷ୍ଟ ସିଧ୍ୟର୍ଥେ ଵିନିୟୋଗ ଉଦାହୃତଃ ॥ 12॥

ଶଂଖଂ ଚକ୍ରଂ ଚ ଚାପାଦି ଧ୍ୟାନମସ୍ୟ ସମୀରିତମ୍ ॥

ଧ୍ୟାନଂ —
ଶଂଖଂ ଚକ୍ରଂ ଚ ଚାପଂ ପରଶୁମସିମିଶୁଂ ଶୂଲ ପାଶାଂକୁଶାବ୍ଜମ୍
ବିଭ୍ରାଣଂ ଵଜ୍ରଖେଟୌ ହଲ ମୁସଲ ଗଦା କୁଂଦମତ୍ୟୁଗ୍ର ଦଂଷ୍ଟ୍ରମ୍ ।
ଜ୍ଵାଲା କେଶଂ ତ୍ରିନେତ୍ରଂ ଜ୍ଵଲ ଦଲନନିଭଂ ହାର କେୟୂର ଭୂଷମ୍
ଧ୍ୟାୟେତ୍ ଷଟ୍କୋଣ ସଂସ୍ଥଂ ସକଲ ରିପୁଜନ ପ୍ରାଣ ସଂହାରି ଚକ୍ରମ୍ ॥

॥ ହରିଃ ଓମ୍ ॥

ଶ୍ରୀଚକ୍ରଃ ଶ୍ରୀକରଃ ଶ୍ରୀଶଃ ଶ୍ରୀଵିଷ୍ଣୁଃ ଶ୍ରୀଵିଭାଵନଃ ।
ଶ୍ରୀମଦାଂତ୍ୟ ହରଃ ଶ୍ରୀମାନ୍ ଶ୍ରୀଵତ୍ସକୃତ ଲକ୍ଷଣଃ ॥ 1॥

ଶ୍ରୀନିଧିଃ ଶ୍ରୀଵରଃ ସ୍ରଗ୍ଵୀ ଶ୍ରୀଲକ୍ଷ୍ମୀ କରପୂଜିତଃ ।
ଶ୍ରୀରତଃ ଶ୍ରୀଵିଭୁଃ ସିଂଧୁକନ୍ୟାପତିଃ ଅଧୋକ୍ଷଜଃ ॥ 2॥

ଅଚ୍ୟୁତଶ୍ଚାଂବୁଜଗ୍ରୀଵଃ ସହସ୍ରାରଃ ସନାତନଃ ।
ସମର୍ଚିତୋ ଵେଦମୂର୍ତିଃ ସମତୀତ ସୁରାଗ୍ରଜଃ ॥ 3॥

ଷଟ୍କୋଣ ମଧ୍ୟଗୋ ଵୀରଃ ସର୍ଵଗୋଽଷ୍ଟଭୁଜଃ ପ୍ରଭୁଃ ।
ଚଂଡଵେଗୋ ଭୀମରଵଃ ଶିପିଵିଷ୍ଟାର୍ଚିତୋ ହରିଃ ॥ 4॥

ଶାଶ୍ଵତଃ ସକଲଃ ଶ୍ୟାମଃ ଶ୍ୟାମଲଃ ଶକଟାର୍ଥନଃ ।
ଦୈତ୍ୟାରିଃ ଶାରଦସ୍କଂଧଃ ସକଟାକ୍ଷଃ ଶିରୀଷଗଃ ॥ 5॥

ଶରପାରିର୍ଭକ୍ତଵଶ୍ୟଃ ଶଶାଂକୋ ଵାମନୋଵ୍ୟୟଃ ।
ଵରୂଥୀଵାରିଜଃ କଂଜଲୋଚନୋ ଵସୁଧାଦିପଃ ॥ 6॥

ଵରେଣ୍ୟୋ ଵାହନୋଽନଂତଃ ଚକ୍ରପାଣିର୍ଗଦାଗ୍ରଜଃ ।
ଗଭୀରୋ ଗୋଲକାଧୀଶୋ ଗଦାପଣିସ୍ସୁଲୋଚନଃ ॥ 7॥

ସହସ୍ରାକ୍ଷଃ ଚତୁର୍ବାହୁଃ ଶଂଖଚକ୍ର ଗଦାଧରଃ ।
ଭୀଷଣୋ ଭୀତିଦୋ ଭଦ୍ରୋ ଭୀମାଭୀଷ୍ଟ ଫଲପ୍ରଦଃ ॥ 8॥

ଭୀମାର୍ଚିତୋ ଭୀମସେନୋ ଭାନୁଵଂଶ ପ୍ରକାଶକଃ ।
ପ୍ରହ୍ଲାଦଵରଦଃ ବାଲଲୋଚନୋ ଲୋକପୂଜିତଃ ॥ 9॥

ଉତ୍ତରାମାନଦୋ ମାନୀ ମାନଵାଭୀଷ୍ଟ ସିଦ୍ଧିଦଃ ।
ଭକ୍ତପାଲଃ ପାପହାରୀ ବଲଦୋ ଦହନଧ୍ଵଜଃ ॥ 10॥

କରୀଶଃ କନକୋ ଦାତା କାମପାଲ ପୁରାତନଃ ।
ଅକ୍ରୂରଃ କ୍ରୂରଜନକଃ କ୍ରୂରଦଂଷ୍ଟ୍ରଃ କୁଲାଦିପଃ ॥ 11॥

କ୍ରୂରକର୍ମା କ୍ରୂରରୂପି କ୍ରୂରହାରୀ କୁଶେଶୟଃ ।
ମଂଦରୋ ମାନିନୀକାଂତୋ ମଧୁହା ମାଧଵପ୍ରିୟଃ ॥ 12॥

ସୁପ୍ରତପ୍ତ ସ୍ଵର୍ଣରୂପୀ ବାଣାସୁର ଭୁଜାଂତକୃତ୍ ।
ଧରାଧରୋ ଦାନଵାରିର୍ଦନୁଜେଂଦ୍ରାରି ପୂଜିତଃ ॥ 13॥

ଭାଗ୍ୟପ୍ରଦୋ ମହାସତ୍ତ୍ଵୋ ଵିଶ୍ଵାତ୍ମା ଵିଗତଜ୍ଵରଃ ।
ସୁରାଚାର୍ୟାର୍ଚିତୋ ଵଶ୍ୟୋ ଵାସୁଦେଵୋ ଵସୁପ୍ରଦଃ ॥ 14॥

ପ୍ରଣତାର୍ତିହରଃ ଶ୍ରେଷ୍ଟଃ ଶରଣ୍ୟଃ ପାପନାଶନଃ ।
ପାଵକୋ ଵାରଣାଦ୍ରୀଶୋ ଵୈକୁଂଠୋ ଵିଗତକଲ୍ମଷଃ ॥ 15॥

ଵଜ୍ରଦଂଷ୍ଟ୍ରୋ ଵଜ୍ରନଖୋ ଵାୟୁରୂପୀ ନିରାଶ୍ରୟଃ ।
ନିରୀହୋ ନିସ୍ପୃହୋ ନିତ୍ୟୋ ନୀତିଜ୍ଞୋ ନୀତିପାଵନଃ ॥ 16॥

ନୀରୂପୋ ନାରଦନୁତୋ ନକୁଲାଚଲ ଵାସକୃତ୍ ।
ନିତ୍ୟାନଂଦୋ ବୃହଦ୍ଭାନୁଃ ବୃହଦୀଶଃ ପୁରାତନଃ ॥ 17॥

ନିଧିନାମଧିପୋଽନଂଦୋ ନରକାର୍ଣଵ ତାରକଃ ।
ଅଗାଧୋଽଵିରଲୋ ମର୍ତ୍ୟୋ ଜ୍ଵାଲାକେଶଃ କକାର୍ଚ୍ଚିତଃ ॥ 18॥

ତରୁଣସ୍ତନୁକୃତ୍ ଭକ୍ତଃ ପରମଃ ଚିତ୍ତସଂଭଵଃ ।
ଚିଂତ୍ୟସ୍ସତ୍ଵନିଧିଃ ସାଗ୍ରସ୍ଚିଦାନଂଦଃ ଶିଵପ୍ରିୟଃ ॥ 19॥

ଶିନ୍ଶୁମାରଶ୍ଶତମଖଃ ଶାତକୁଂଭ ନିଭପ୍ରଭଃ ।
ଭୋକ୍ତାରୁଣେଶୋ ବଲଵାନ୍ ବାଲଗ୍ରହ ନିଵାରକଃ ॥ 20॥

ସର୍ଵାରିଷ୍ଟ ପ୍ରଶମନୋ ମହାଭୟ ନିଵାରକଃ ।
ବଂଧୁଃ ସୁବଂଧୁଃ ସୁପ୍ରୀତସ୍ସଂତୁଷ୍ଟସ୍ସୁରସନ୍ନୁତଃ ॥ 21॥

ବୀଜକେଶ୍ୟୋ ବକୋ ଭାନୁଃ ଅମିତାର୍ଚିର୍ପାଂପତିଃ ।
ସୁୟଜ୍ଞୋ ଜ୍ୟୋତିଷଶ୍ଶାଂତୋ ଵିରୂପାକ୍ଷଃ ସୁରେଶ୍ଵରଃ ॥ 22॥

ଵହ୍ନିପ୍ରାକାର ସଂଵୀତୋ ରକ୍ତଗର୍ଭଃ ପ୍ରଭାକରଃ ।
ସୁଶୀଲଃ ସୁଭଗଃ ସ୍ଵକ୍ଷଃ ସୁମୁଖଃ ସୁଖଦଃ ସୁଖୀ ॥ 23॥

ମହାସୁରଃ ଶିରଚ୍ଛେତା ପାକଶାସନ ଵଂଦିତଃ ।
ଶତମୂର୍ତି ସହସ୍ରାରୋ ହିରଣ୍ୟ ଜ୍ୟୋତିରଵ୍ୟୟଃ ॥ 24॥

ମଂଡଲୀ ମଂଡଲାକାରଃ ଚଂଦ୍ରସୂର୍ୟାଗ୍ନି ଲୋଚନଃ ।
ପ୍ରଭଂଜନଃ ତୀକ୍ଷ୍ଣଧାରଃ ପ୍ରଶାଂତଃ ଶାରଦପ୍ରିୟଃ ॥ 25॥

ଭକ୍ତପ୍ରିୟୋ ବଲିହରୋ ଲାଵଣ୍ୟୋଲକ୍ଷଣପ୍ରିୟଃ ।
ଵିମଲୋ ଦୁର୍ଲଭସ୍ସୋମ୍ୟସ୍ସୁଲଭୋ ଭୀମଵିକ୍ରମଃ ॥ 26॥

ଜିତମନ୍ୟୁଃ ଜିତାରାତିଃ ମହାକ୍ଷୋ ଭୃଗୁପୂଜିତଃ ।
ତତ୍ତ୍ଵରୂପଃ ତତ୍ତ୍ଵଵେଦିଃ ସର୍ଵତତ୍ଵ ପ୍ରତିଷ୍ଠିତଃ ॥27॥

ଭାଵଜ୍ଞୋ ବଂଧୁଜନକୋ ଦୀନବଂଧୁଃ ପୁରାଣଵିତ୍ ।
ଶସ୍ତ୍ରେଶୋ ନିର୍ମତୋ ନେତା ନରୋ ନାନାସୁରପ୍ରିୟଃ ॥ 28॥

ନାଭିଚକ୍ରୋ ନତାମିତ୍ରୋ ନଧୀଶ କରପୂଜିତଃ ।
ଦମନଃ କାଲିକଃ କର୍ମୀ କାଂତଃ କାଲାର୍ଥନଃ କଵିଃ ॥ 29॥

ଵସୁଂଧରୋ ଵାୟୁଵେଗୋ ଵରାହୋ ଵରୁଣାଲୟଃ ।
କମନୀୟକୃତିଃ କାଲଃ କମଲାସନ ସେଵିତଃ ।
କୃପାଲୁଃ କପିଲଃ କାମୀ କାମିତାର୍ଥ ପ୍ରଦାୟକଃ ॥ 30॥

ଧର୍ମସେତୁର୍ଧର୍ମପାଲୋ ଧର୍ମୀ ଧର୍ମମୟଃ ପରଃ ।
ଜ୍ଵାଲାଜିମ୍ହଃ ଶିଖାମୌଳୀଃ ସୁରକାର୍ୟ ପ୍ରଵର୍ତକଃ ॥ 31॥

କଲାଧରଃ ସୁରାରିଘ୍ନଃ କୋପହା କାଲରୂପଦୃକ୍ ।
ଦାତାଽଽନଂଦମୟୋ ଦିଵ୍ୟୋ ବ୍ରହ୍ମରୂପୀ ପ୍ରକାଶକୃତ୍ ॥ 32 ।
ସର୍ଵୟଜ୍ଞମୟୋ ୟଜ୍ଞୋ ୟଜ୍ଞଭୁକ୍ ୟଜ୍ଞଭାଵନଃ ।
ଵହ୍ନିଧ୍ଵଜୋ ଵହ୍ନିସଖୋ ଵଂଜୁଳଦ୍ରୁମ ମୂଲକଃ ॥ 33॥

ଦକ୍ଷହା ଦାନକାରୀ ଚ ନରୋ ନାରାୟଣପ୍ରିୟଃ ।
ଦୈତ୍ୟଦଂଡଧରୋ ଦାଂତଃ ଶୁଭ୍ରାଂଗଃ ଶୁଭଦାୟକଃ ॥ 34॥

ଲୋହିତାକ୍ଷୋ ମହାରୌଦ୍ରୌ ମାୟାରୂପଧରଃ ଖଗଃ ।
ଉନ୍ନତୋ ଭାନୁଜଃ ସାଂଗୋ ମହାଚକ୍ରଃ ପରାକ୍ରମୀ ॥ 35॥

ଅଗ୍ନୀଶୋଽଗ୍ନିମୟଃ ଦ୍ଵଗ୍ନିଲୋଚନୋଗ୍ନି ସମପ୍ରଭଃ ।
ଅଗ୍ନିମାନଗ୍ନିରସନୋ ୟୁଦ୍ଧସେଵୀ ରଵିପ୍ରିୟଃ ॥ 36॥

ଆଶ୍ରିତ ଘୌଘ ଵିଧ୍ଵଂସୀ ନିତ୍ୟାନଂଦ ପ୍ରଦାୟକଃ ।
ଅସୁରଘ୍ନୋ ମହାବାହୂର୍ଭୀମକର୍ମା ଶୁଭପ୍ରଦଃ ॥ 37॥

ଶଶାଂକ ପ୍ରଣଵାଧାରଃ ସମସ୍ଥାଶୀ ଵିଷାପହଃ ।
ତର୍କୋ ଵିତର୍କୋ ଵିମଲୋ ବିଲକୋ ବାଦରାୟଣଃ ॥ 38॥

ବଦିରଗ୍ନସ୍ଚକ୍ରଵାଳଃ ଷଟ୍କୋଣାଂତର୍ଗତସ୍ଶିଖୀଃ ।
ଦୃତଧନ୍ଵା ଶୋଡଷାକ୍ଷୋ ଦୀର୍ଘବାହୂର୍ଦରୀମୁଖଃ ॥ 39॥

ପ୍ରସନ୍ନୋ ଵାମଜନକୋ ନିମ୍ନୋ ନୀତିକରଃ ଶୁଚିଃ ।
ନରଭେଦି ସିଂହରୂପୀ ପୁରାଧୀଶଃ ପୁରଂଦରଃ ॥ 40॥

ରଵିସ୍ତୁତୋ ୟୂତପାଲୋ ୟୁତପାରିସ୍ସତାଂଗତିଃ ।
ହୃଷିକେଶୋ ଦ୍ଵିତ୍ରମୂର୍ତିଃ ଦ୍ଵିରଷ୍ଟାୟୁଦଭୃତ୍ ଵରଃ ॥ 41॥

ଦିଵାକରୋ ନିଶାନାଥୋ ଦିଲୀପାର୍ଚିତ ଵିଗ୍ରହଃ ।
ଧନ୍ଵଂତରିସ୍ଶ୍ୟାମଳାରିର୍ଭକ୍ତଶୋକ ଵିନାଶକଃ ॥ 42॥

ରିପୁପ୍ରାଣ ହରୋ ଜେତା ଶୂରସ୍ଚାତୁର୍ୟ ଵିଗ୍ରହଃ ।
ଵିଧାତା ସଚ୍ଚିଦାନଂଦସ୍ସର୍ଵଦୁଷ୍ଟ ନିଵାରକଃ ॥ 43॥

ଉଲ୍କୋ ମହୋଲ୍କୋ ରକ୍ତୋଲ୍କସ୍ସହସ୍ରୋଲ୍କସ୍ଶତାର୍ଚିଷଃ ।
ବୁଦ୍ଧୋ ବୌଦ୍ଧହରୋ ବୌଦ୍ଧ ଜନମୋହୋ ବୁଧାଶ୍ରୟଃ ॥ 44 ॥

ପୂର୍ଣବୋଧଃ ପୂର୍ଣରୂପଃ ପୂର୍ଣକାମୋ ମହାଦ୍ୟୁତିଃ ।
ପୂର୍ଣମଂତ୍ରଃ ପୂର୍ଣଗାତ୍ରଃ ପୂର୍ଣଷାଡ୍ଗୁଣ୍ୟ ଵିଗ୍ରହଃ ॥ 45॥

ପୂର୍ଣନେମିଃ ପୂର୍ନନାଭିଃ ପୂର୍ଣାଶୀ ପୂର୍ଣମାନସଃ ।
ପୂର୍ଣସାରଃ ପୂର୍ଣଶକ୍ତିଃ ରଂଗସେଵି ରଣପ୍ରିୟଃ ॥ 46॥

ପୂରିତାଶୋଽରିଷ୍ଟଦାତି ପୂର୍ଣାର୍ଥଃ ପୂର୍ଣଭୂଷଣଃ ।
ପଦ୍ମଗର୍ଭଃ ପାରିଜାତଃ ପରମିତ୍ରସ୍ଶରାକୃତିଃ ॥ 47॥

ଭୂବୃତ୍ଵପୁଃ ପୁଣ୍ୟମୂର୍ତି ଭୂଭୃତାଂ ପତିରାଶୁକଃ ।
ଭାଗ୍ୟୋଦୟୋ ଭକ୍ତଵଶ୍ୟୋ ଗିରିଜାଵଲ୍ଲଭପ୍ରିୟଃ ॥ 48॥

ଗଵିଷ୍ଟୋ ଗଜମାନୀଶୋ ଗମନାଗମନ ପ୍ରିୟଃ ।
ବ୍ରହ୍ମଚାରି ବଂଧୁମାନୀ ସୁପ୍ରତୀକସ୍ସୁଵିକ୍ରମଃ ॥ 49॥

ଶଂକରାଭୀଷ୍ଟଦୋ ଭଵ୍ୟଃ ସାଚିଵ୍ୟସ୍ସଵ୍ୟଲକ୍ଷଣଃ ।
ମହାହଂସସ୍ସୁଖକରୋ ନାଭାଗ ତନୟାର୍ଚିତଃ ॥ 50॥

କୋଟିସୂର୍ୟପ୍ରଭୋ ଦୀପ୍ତୋ ଵିଦ୍ୟୁତ୍କୋଟି ସମପ୍ରଭଃ ।
ଵଜ୍ରକଲ୍ପୋ ଵଜ୍ରସଖୋ ଵଜ୍ରନିର୍ଘାତ ନିସ୍ଵନଃ ॥ 51॥

ଗିରୀଶୋ ମାନଦୋ ମାନ୍ୟୋ ନାରାୟଣ କରାଲୟଃ ।
ଅନିରୁଦ୍ଧଃ ପରାମର୍ଷୀ ଉପେଂଦ୍ରଃ ପୂର୍ଣଵିଗ୍ରହଃ ॥ 52॥

ଆୟୁଧେଶସ୍ଶତାରିଘ୍ନଃ ଶମନଃ ଶତସୈନିକଃ ।
ସର୍ଵାସୁର ଵଧୋଦ୍ୟୁକ୍ତଃ ସୂର୍ୟ ଦୁର୍ମାନ ଭେଦକଃ ॥ 53॥

ରାହୁଵିପ୍ଲୋଷକାରୀ ଚ କାଶୀନଗର ଦାହକଃ ।
ପୀୟୁଷାଂଶୁ ପରଂଜ୍ୟୋତିଃ ସଂପୂର୍ଣ କ୍ରତୁଭୁକ୍ ପ୍ରଭୁଃ ॥ 54॥

ମାଂଧାତୃ ଵରଦସ୍ଶୁଦ୍ଧୋ ହରସେଵ୍ୟସ୍ଶଚୀଷ୍ଟଦଃ ।
ସହିଷ୍ଣୁର୍ବଲଭୁକ୍ ଵୀରୋ ଲୋକଭୃଲ୍ଲୋକନାୟକଃ ॥55॥

ଦୁର୍ଵାସୋମୁନି ଦର୍ପଘ୍ନୋ ଜୟତୋ ଵିଜୟପ୍ରିୟଃ ।
ପୁରାଧୀଶୋଽସୁରାରାତିଃ ଗୋଵିଂଦ କରଭୂଷଣଃ ॥ 56॥

ରଥରୂପୀ ରଥାଧୀଶଃ କାଲଚକ୍ର କୃପାନିଧିଃ ।
ଚକ୍ରରୂପଧରୋ ଵିଷ୍ଣୁଃ ସ୍ଥୂଲସୂକ୍ଷ୍ମଶ୍ଶିଖିପ୍ରଭଃ ॥ 57॥

ଶରଣାଗତ ସଂତ୍ରାତା ଵେତାଳାରିର୍ମହାବଲଃ ।
ଜ୍ଞାନଦୋ ଵାକ୍ପତିର୍ମାନୀ ମହାଵେଗୋ ମହାମଣିଃ ॥ 58॥

ଵିଦ୍ୟୁତ୍ କେଶୋ ଵିହାରେଶଃ ପଦ୍ମୟୋନିଃ ଚତୁର୍ଭୁଜଃ ।
କାମାତ୍ମା କାମଦଃ କାମୀ କାଲନେମି ଶିରୋହରଃ ॥ 59॥

ଶୁଭ୍ରସ୍ଶୁଚୀସ୍ଶୁନାସୀରଃ ଶୁକ୍ରମିତ୍ରଃ ଶୁଭାନନଃ ।
ଵୃଷକାୟୋ ଵୃଷାରାତିଃ ଵୃଷଭେଂଦ୍ର ସୁପୂଜିତଃ ॥ 60॥

ଵିଶ୍ଵଂଭରୋ ଵୀତିହୋତ୍ରୋ ଵୀର୍ୟୋ ଵିଶ୍ଵଜନପ୍ରିୟଃ ।
ଵିଶ୍ଵକୃତ୍ ଵିଶ୍ଵଭୋ ଵିଶ୍ଵହର୍ତା ସାହସକର୍ମକୃତ୍ ॥ 61॥

ବାଣବାହୂହରୋ ଜ୍ୟୋତିଃ ପରାତ୍ମା ଶୋକନାଶନଃ ।
ଵିମଲାଦିପତିଃ ପୁଣ୍ୟୋ ଜ୍ଞାତା ଜ୍ଞେୟଃ ପ୍ରକାଶକଃ ॥ 62॥

ମ୍ଲେଚ୍ଛ ପ୍ରହାରୀ ଦୁଷ୍ଟଘ୍ନଃ ସୂର୍ୟମଂଡଲମଧ୍ୟଗଃ ।
ଦିଗଂବରୋ ଵୃଶାଦ୍ରୀଶୋ ଵିଵିଧାୟୁଧ ରୂପକଃ ॥ 63॥

ସତ୍ଵଵାନ୍ ସତ୍ୟଵାଗୀଶଃ ସତ୍ୟଧର୍ମ ପରାୟଣଃ ।
ରୁଦ୍ରପ୍ରୀତିକରୋ ରୁଦ୍ର ଵରଦୋ ରୁଗ୍ଵିଭେଦକଃ ॥ 64॥

ନାରାୟଣୋ ନକ୍ରଭେଦୀ ଗଜେଂଦ୍ର ପରିମୋକ୍ଷକଃ ।
ଧର୍ମପ୍ରିୟଃ ଷଡାଧାରୋ ଵେଦାତ୍ମା ଗୁଣସାଗରଃ ॥ 65॥

ଗଦାମିତ୍ରଃ ପୃଥୁଭୁଜୋ ରସାତଲ ଵିଭେଦକଃ ।
ତମୋଵୈରୀ ମହାତେଜାଃ ମହାରାଜୋ ମହାତପାଃ ॥ 66॥

ସମସ୍ତାରିହରଃ ଶାଂତ କ୍ରୂରୋ ୟୋଗେଶ୍ଵରେଶ୍ଵରଃ ।
ସ୍ଥଵିରସ୍ସ୍ଵର୍ଣ ଵର୍ଣାଂଗଃ ଶତ୍ରୁସୈନ୍ୟ ଵିନାଶକୃତ୍ ॥ 67॥

ପ୍ରାଜ୍ଞୋ ଵିଶ୍ଵତନୁତ୍ରାତା ଶ‍ଋତିସ୍ମୃତିମୟଃ କୃତି ।
ଵ୍ୟକ୍ତାଵ୍ୟକ୍ତ ସ୍ଵରୂପାଂସଃ କାଲଚକ୍ରଃ କଲାନିଧିଃ ॥ 68॥

ମହାଧ୍ୟୁତିରମେୟାତ୍ମା ଵଜ୍ରନେମିଃ ପ୍ରଭାନିଧିଃ ।
ମହାସ୍ଫୁଲିଂଗ ଧାରାର୍ଚିଃ ମହାୟୁଦ୍ଧ କୃତଚ୍ୟୁତଃ ॥ 69॥

କୃତଜ୍ଞସ୍ସହନୋ ଵାଗ୍ମୀ ଜ୍ଵାଲାମାଲା ଵିଭୂଷଣଃ ।
ଚତୁର୍ମୁଖନୁତଃ ଶ୍ରୀମାନ୍ ଭ୍ରାଜିଷ୍ଣୁର୍ଭକ୍ତଵତ୍ସଲଃ ॥ 70॥

ଚାତୁର୍ୟଗମନଶ୍ଚକ୍ରୀ ଚାତୁର୍ଵର୍ଗ ପ୍ରଦାୟକଃ ।
ଵିଚିତ୍ରମାଲ୍ୟାଭରଣଃ ତୀକ୍ଷ୍ଣଧାରଃ ସୁରାର୍ଚିତଃ ॥ 71॥

ୟୁଗକୃତ୍ ୟୁଗପାଲଶ୍ଚ ୟୁଗସଂଧିର୍ୟୁଗାଂତକୃତ୍ ।
ସୁତୀକ୍ଷ୍ଣାରଗଣୋ ଗମ୍ୟୋ ବଲିଧ୍ଵଂସୀ ତ୍ରିଲୋକପଃ ॥ 72॥

ତ୍ରିନେତ୍ରସ୍ତ୍ରିଜଗଦ୍ଵଂଧ୍ୟଃ ତୃଣୀକୃତ ମହାସୁରଃ ।
ତ୍ରିକାଲଜ୍ଞସ୍ତ୍ରିଲୋକଜ୍ଞଃ ତ୍ରିନାଭିଃ ତ୍ରିଜଗତ୍ପ୍ରିୟଃ ॥ 73॥

ସର୍ଵୟଂତ୍ରମୟୋ ମଂତ୍ରସ୍ସର୍ଵଶତ୍ରୁ ନିବର୍ହଣଃ ।
ସର୍ଵଗସ୍ସର୍ଵଵିତ୍ ସୌମ୍ୟସ୍ସର୍ଵଲୋକହିତଂକରଃ ॥74॥

ଆଦିମୂଲଃ ସଦ୍ଗୁଣାଢ୍ୟୋ ଵରେଣ୍ୟସ୍ତ୍ରିଗୁଣାତ୍ମକଃ ।
ଧ୍ୟାନଗମ୍ୟଃ କଲ୍ମଷଘ୍ନଃ କଲିଗର୍ଵ ପ୍ରଭେଦକଃ ॥ 75॥

କମନୀୟ ତନୁତ୍ରାଣଃ କୁଂଡଲୀ ମଂଡିତାନନଃ ।
ସୁକୁଂଠୀକୃତ ଚଂଡେଶଃ ସୁସଂତ୍ରସ୍ଥ ଷଡାନନଃ ॥ 76॥

ଵିଷାଧୀକୃତ ଵିଘ୍ନେଶୋ ଵିଗତାନଂଦ ନଂଦିକଃ ।
ମଥିତ ପ୍ରମଥଵ୍ୟୂହଃ ପ୍ରଣତ ପ୍ରମଦାଧିପଃ ॥ 77॥

ପ୍ରାଣଭିକ୍ଷା ପ୍ରଦୋଽନଂତୋ ଲୋକସାକ୍ଷୀ ମହାସ୍ଵନଃ ।
ମେଧାଵୀ ଶାଶ୍ଵଥୋଽକ୍ରୂରଃ କ୍ରୂରକର୍ମାଽପରାଜିତଃ ॥ 78॥

ଅରୀ ଦୃଷ୍ଟୋଽପ୍ରମେୟାତ୍ମା ସୁଂଦରଶ୍ଶତ୍ରୁତାପନଃ ।
ୟୋଗ ୟୋଗୀଶ୍ଵରାଧୀଶୋ ଭକ୍ତାଭୀଷ୍ଟ ପ୍ରପୂରକଃ ॥ 79॥

ସର୍ଵକାମପ୍ରଦୋଽଚିଂତ୍ୟଃ ଶୁଭାଂଗଃ କୁଲଵର୍ଧନଃ ।
ନିର୍ଵିକାରୋଽଂତରୂପୋ ନରନାରାୟଣପ୍ରିୟଃ ॥ 80॥

ମଂତ୍ର ୟଂତ୍ର ସ୍ଵରୂପାତ୍ମା ପରମଂତ୍ର ପ୍ରଭେଦକଃ ।
ଭୂତଵେତାଳ ଵିଧ୍ଵଂସୀ ଚଂଡ କୂଷ୍ମାଂଡ ଖଂଡନଃ ॥ 81॥

ୟକ୍ଷ ରକ୍ଷୋଗଣ ଧ୍ଵଂସୀ ମହାକୃତ୍ୟା ପ୍ରଦାହକଃ ।
ସକଲୀକୃତ ମାରୀଚଃ ଭୈରଵ ଗ୍ରହ ଭେଦକଃ ॥ 82॥

ଚୂର୍ଣିକୃତ ମହାଭୂତଃ କବଲୀକୃତ ଦୁର୍ଗ୍ରହଃ ।
ସୁଦୁର୍ଗ୍ରହୋ ଜଂଭଭେଦୀ ସୂଚୀମୁଖ ନିଷୂଦନଃ ॥ 83॥

ଵୃକୋଦରବଲୋଦ୍ଧର୍ତ୍ତା ପୁରଂଦର ବଲାନୁଗଃ ।
ଅପ୍ରମେୟ ବଲଃ ସ୍ଵାମୀ ଭକ୍ତପ୍ରୀତି ଵିଵର୍ଧନଃ ॥ 84॥

ମହାଭୂତେଶ୍ଵରଶ୍ଶୂରୋ ନିତ୍ୟସ୍ଶାରଦଵିଗ୍ରହଃ ।
ଧର୍ମାଧ୍ୟକ୍ଷୋ ଵିଧର୍ମଘ୍ନଃ ସୁଧର୍ମସ୍ଥାପକଶ୍ଶିଵଃ ॥ 85॥

ଵିଧୂମଜ୍ଵଲନୋ ଭାନୁର୍ଭାନୁମାନ୍ ଭାସ୍ଵତାଂ ପତିଃ ।
ଜଗନ୍ମୋହନ ପାଟୀରସ୍ସର୍ଵୋପଦ୍ରଵ ଶୋଧକଃ ॥ 86॥

କୁଲିଶାଭରଣୋ ଜ୍ଵାଲାଵୃତସ୍ସୌଭାଗ୍ୟ ଵର୍ଧନଃ ।
ଗ୍ରହପ୍ରଧ୍ଵଂସକଃ ସ୍ଵାତ୍ମରକ୍ଷକୋ ଧାରଣାତ୍ମକଃ ॥ 87॥

ସଂତାପନୋ ଵଜ୍ରସାରସ୍ସୁମେଧାଽମୃତ ସାଗରଃ ।
ସଂତାନ ପଂଜରୋ ବାଣତାଟଂକୋ ଵଜ୍ରମାଲିକଃ ॥ 88॥

ମେଖାଲଗ୍ନିଶିଖୋ ଵଜ୍ର ପଂଜରସ୍ସସୁରାଂକୁଶଃ ।
ସର୍ଵରୋଗ ପ୍ରଶମନୋ ଗାଂଧର୍ଵ ଵିଶିଖାକୃତିଃ ॥ 89॥

ପ୍ରମୋହ ମଂଡଲୋ ଭୂତ ଗ୍ରହ ଶ‍ଋଂଖଲ କର୍ମକୃତ୍ ।
କଲାଵୃତୋ ମହାଶଂଖୁ ଧାରଣସ୍ଶଲ୍ୟ ଚଂଦ୍ରିକଃ ॥ 90॥

ଛେଦନୋ ଧାରକସ୍ଶଲ୍ୟ କ୍ଷୂତ୍ରୋନ୍ମୂଲନ ତତ୍ପରଃ ।
ବଂଧନାଵରଣସ୍ଶଲ୍ୟ କୃଂତନୋ ଵଜ୍ରକୀଲକଃ ॥ 91॥

ପ୍ରତୀକବଂଧନୋ ଜ୍ଵାଲା ମଂଡଲସ୍ଶସ୍ତ୍ରଧାରଣଃ ।
ଇଂଦ୍ରାକ୍ଷୀମାଲିକଃ କୃତ୍ୟା ଦଂଡସ୍ଚିତ୍ତପ୍ରଭେଦକଃ ॥ 92॥

ଗ୍ରହ ଵାଗୁରିକସ୍ସର୍ଵ ବଂଧନୋ ଵଜ୍ରଭେଦକଃ ।
ଲଘୁସଂତାନ ସଂକଲ୍ପୋ ବଦ୍ଧଗ୍ରହ ଵିମୋଚନଃ ॥ 93॥

ମୌଲିକାଂଚନ ସଂଧାତା ଵିପକ୍ଷ ମତଭେଦକଃ ।
ଦିଗ୍ବଂଧନ କରସ୍ସୂଚୀ ମୁଖାଗ୍ନିସ୍ଚିତ୍ତପାତକଃ ॥ 94॥

ଚୋରାଗ୍ନି ମଂଡଲାକାରଃ ପରକଂକାଳ ମର୍ଦନଃ ।
ତାଂତ୍ରୀକସ୍ଶତ୍ରୁଵଂଶଘ୍ନୋ ନାନାନିଗଳ ମୋଚନଃ ॥ 95॥

ସମସ୍ଥଲୋକ ସାରଂଗଃ ସୁମହା ଵିଷଦୂଷଣଃ ।
ସୁମହା ମେରୁକୋଦଂଡଃ ସର୍ଵ ଵଶ୍ୟକରେଶ୍ଵରଃ ॥ 96॥

ନିଖିଲାକର୍ଷଣପଟୁଃ ସର୍ଵ ସମ୍ମୋହ କର୍ମକୃତ୍ ।
ସଂସ୍ଥଂବନ କରଃ ସର୍ଵ ଭୂତୋଚ୍ଚାଟନ ତତ୍ପରଃ ॥ 97॥

ଅହିତାମୟ କାରୀ ଚ ଦ୍ଵିଷନ୍ମାରଣ କାରକଃ ।
ଏକାୟନ ଗଦାମିତ୍ର ଵିଦ୍ଵେଷଣ ପରାୟଣଃ ॥ 98॥

ସର୍ଵାର୍ଥ ସିଦ୍ଧିଦୋ ଦାତା ଵିଧାତା ଵିଶ୍ଵପାଲକଃ ।
ଵିରୂପାକ୍ଷୋ ମହାଵକ୍ଷାଃ ଵରିଷ୍ଟୋ ମାଧଵପ୍ରିୟଃ ॥ 99॥

ଅମିତ୍ରକର୍ଶନ ଶାଂତଃ ପ୍ରଶାଂତଃ ପ୍ରଣତାର୍ତିହା ।
ରମଣୀୟୋ ରଣୋତ୍ସାହୋ ରକ୍ତାକ୍ଷୋ ରଣପଂଡିତଃ ॥ 100॥

ରଣାଂତକୃତ୍ ରତାକାରଃ ରତାଂଗୋ ରଵିପୂଜିତଃ ।
ଵୀରହା ଵିଵିଧାକାରଃ ଵରୁଣାରାଧିତୋ ଵଶୀଃ ।
ସର୍ଵ ଶତ୍ରୁ ଵଧାକାଂକ୍ଷୀ ଶକ୍ତିମାନ୍ ଭକ୍ତମାନଦଃ ॥ 101॥

ସର୍ଵଲୋକଧରଃ ପୁଣ୍ୟଃ ପୁରୁଷଃ ପୁରୁଷୋତ୍ତମଃ ।
ପୁରାଣଃ ପୁଂଡରୀକାକ୍ଷଃ ପରମର୍ମ ପ୍ରଭେଦକଃ ॥ 102॥

ଵୀରାସନଗତୋ ଵର୍ମୀ ସର୍ଵାଧାରୋ ନିରଂକୁଶଃ ।
ଜଗତ୍ରକ୍ଷୋ ଜଗନ୍ମୂର୍ତିଃ ଜଗଦାନଂଦ ଵର୍ଧନଃ ॥ 103॥

ଶାରଦଃ ଶକଟାରାତିଃ ଶଂକରସ୍ଶକଟାକୃତିଃ ।
ଵିରକ୍ତୋ ରକ୍ତଵର୍ଣାଢ୍ୟୋ ରାମସାୟକ ରୂପଦୃତ୍ ॥ 104॥

ମହାଵରାହ୍ ଦଂଷ୍ଟ୍ରାତ୍ମା ନୃସିଂହ ନଗରାତ୍ମକଃ ।
ସମଦୃଙ୍ମୋକ୍ଷଦୋ ଵଂଧ୍ୟୋ ଵିହାରୀ ଵୀତକଲ୍ମଷଃ ॥ 105॥

ଗଂଭୀରୋ ଗର୍ଭଗୋ ଗୋପ୍ତା ଗଭସ୍ତିର୍ଗୁହ୍ୟଗୋଗୁରୁଃ ।
ଶ୍ରୀଧରଃ ଶ୍ରୀରତସ୍ଶ୍ରାଂତଃ ଶତ୍ରୁଘ୍ନସ୍ଶ‍ଋତିଗୋଚରଃ ॥ 106॥

ପୁରାଣୋ ଵିତତୋ ଵୀରଃ ପଵିତ୍ରସ୍ଚରଣାହ୍ଵୟଃ ।
ମହାଧୀରୋ ମହାଵୀର୍ୟୋ ମହାବଲ ପରାକ୍ରମଃ ॥ 107॥

ସୁଵିଗ୍ରହୋ ଵିଗ୍ରହଘ୍ନଃ ସୁମାନୀ ମାନଦାୟକଃ ।
ମାୟୀ ମାୟାପହୋ ମଂତ୍ରୀ ମାନ୍ୟୋ ମାନଵିଵର୍ଧନଃ ॥ 108॥

ଶତ୍ରୁସଂହାରକସ୍ଶୂରଃ ଶୁକ୍ରାରିଶ୍ଶଂକରାର୍ଚିତଃ ।
ସର୍ଵାଧାରଃ ପରଂଜ୍ୟୋତିଃ ପ୍ରାଣଃ ପ୍ରାଣଭୃତଚ୍ୟୁତଃ ॥ 109॥

ଚଂଦ୍ରଧାମାଽପ୍ରତିଦ୍ଵଂଦଃ ପରମାତ୍ମା ସୁଦୁର୍ଗମଃ ।
ଵିଶୁଦ୍ଧାତ୍ମା ମହାତେଜାଃ ପୁଣ୍ୟଶ୍ଲୋକଃ ପୁରାଣଵିତ୍ ॥ 110॥

ସମସ୍ଥ ଜଗଦାଧାରୋ ଵିଜେତା ଵିକ୍ରମଃ କ୍ରମଃ ।
ଆଦିଦେଵୋ ଧ୍ରୁଵୋ ଦୃଶ୍ୟଃ ସାତ୍ତ୍ଵିକଃ ପ୍ରୀତିଵର୍ଧନଃ ॥ 111॥

ସର୍ଵଲୋକାଶ୍ରୟସ୍ସେଵ୍ୟଃ ସର୍ଵାତ୍ମା ଵଂଶଵର୍ଧନଃ ।
ଦୁରାଧର୍ଷଃ ପ୍ରକାଶାତ୍ମା ସର୍ଵଦୃକ୍ ସର୍ଵଵିତ୍ସମଃ ॥ 112॥

ସଦ୍ଗତିସ୍ସତ୍ଵସଂପନ୍ନଃ ନିତ୍ୟସଂକଲ୍ପ କଲ୍ପକଃ ।
ଵର୍ଣୀ ଵାଚସ୍ପତିର୍ଵାଗ୍ମୀ ମହାଶକ୍ତିଃ କଲାନିଧିଃ ॥ 113॥

ଅଂତରିକ୍ଷଗତିଃ କଲ୍ୟଃ କଲିକାଲୁଷ୍ୟ ମୋଚନଃ ।
ସତ୍ୟଧର୍ମଃ ପ୍ରସନ୍ନାତ୍ମା ପ୍ରକୃଷ୍ଟୋ ଵ୍ୟୋମଵାହନଃ ॥ 114॥

ଶିତଧାରସ୍ଶିଖି ରୌଦ୍ରୋ ଭଦ୍ରୋ ରୁଦ୍ରସୁପୂଜିତଃ ।
ଦରିମୁଖାଗ୍ନିଜଂଭଘ୍ନୋ ଵୀରହା ଵାସଵପ୍ରିୟଃ ॥ 115॥

ଦୁସ୍ତରସ୍ସୁଦୁରାରୋହୋ ଦୁର୍ଜ୍ଞେୟୋ ଦୁଷ୍ଟନିଗ୍ରହଃ ।
ଭୂତାଵାସୋ ଭୂତହଂତା ଭୂତେଶୋ ଭୂତଭାଵନଃ ॥ 116॥

ଭାଵଜ୍ଞୋ ଭଵରୋଗଘ୍ନୋ ମନୋଵେଗୀ ମହାଭୁଜଃ ।
ସର୍ଵଦେଵମୟଃ କାଂତଃ ସ୍ମୃତିମାନ୍ ସର୍ଵପାଵନଃ ॥ 117॥

ନୀତିମନ୍ ସର୍ଵଜିତ୍ ସୌମ୍ୟୋ ମହର୍ଷୀରପରାଜିତଃ ।
ରୁଦ୍ରାଂବରୀଷ ଵରଦୋ ଜିତମାୟଃ ପୁରାତନଃ ॥ 118॥

ଅଧ୍ୟାତ୍ମ ନିଲୟୋ ଭୋକ୍ତା ସଂପୂର୍ଣସ୍ସର୍ଵକାମଦଃ ।
ସତ୍ୟୋଽକ୍ଷରୋ ଗଭୀରାତ୍ମା ଵିଶ୍ଵଭର୍ତା ମରୀଚିମାନ୍ ॥ 119॥

ନିରଂଜନୋ ଜିତଭ୍ରାଂଶୁଃ ଅଗ୍ନିଗର୍ଭୋଽଗ୍ନି ଗୋଚରଃ ।
ସର୍ଵଜିତ୍ ସଂଭଵୋ ଵିଷ୍ଣୁଃ ପୂଜ୍ୟୋ ମଂତ୍ରଵିତକ୍ରିୟଃ ॥ 120॥

ଶତାଵର୍ତ୍ତଃ କଲାନାଥଃ କାଲଃ କାଲମୟୋ ହରିଃ ।
ଅରୂପୋ ରୂପସଂପନ୍ନୋ ଵିଶ୍ଵରୂପୋ ଵିରୂପକୃତ୍ ॥ 121॥

ସ୍ଵାମ୍ୟାତ୍ମା ସମରଶ୍ଲାଘୀ ସୁଵ୍ରତୋ ଵିଜୟାଂଵିତଃ ।
ଚଂଡ୍ଘ୍ନସ୍ଚଂଡକିରଣଃ ଚତୁରସ୍ଚାରଣପ୍ରିୟଃ ॥ 122॥

ପୁଣ୍ୟକୀର୍ତିଃ ପରାମର୍ଷୀ ନୃସିଂହୋ ନାଭିମଧ୍ୟଗଃ ।
ୟଜ୍ଞାତ୍ମ ୟଜ୍ଞସଂକଲ୍ପୋ ୟଜ୍ଞକେତୁର୍ମହେଶ୍ଵରଃ ॥ 123॥

ଜିତାରିର୍ୟଜ୍ଞନିଲୟଶ୍ଶରଣ୍ୟଶ୍ଶକଟାକୃତିଃ ।
ଉତ୍ତ୍ମୋଽନୁତ୍ତ୍ମୋନଂଗସ୍ସାଂଗସ୍ସର୍ଵାଂଗ ଶୋଭନଃ ॥ 124॥

କାଲାଗ୍ନିଃ କାଲନେମିଘ୍ନଃ କାମି କାରୁଣ୍ୟସାଗରଃ ।
ରମାନଂଦକରୋ ରାମୋ ରଜନୀଶାଂତରସ୍ଥିତଃ ॥ 125॥

ସଂଵର୍ଧନ ସମରାଂଵେଷୀ ଦ୍ଵିଷତ୍ପ୍ରାଣ ପରିଗ୍ରହଃ ।
ମହାଭିମାନୀ ସଂଧାତା ସର୍ଵାଧୀଶୋ ମହାଗୁରୁଃ ॥ 126
ସିଦ୍ଧଃ ସର୍ଵଜଗଦ୍ୟୋନିଃ ସିଦ୍ଧାର୍ଥସ୍ସର୍ଵସିଦ୍ଧିଦଃ ।
ଚତୁର୍ଵେଦମୟଶ୍ଶାସ୍ଥା ସର୍ଵଶାସ୍ତ୍ର ଵିଶାରଦଃ ॥ 127 ॥

ତିରସ୍କୃତାର୍କ ତେଜସ୍କୋ ଭାସ୍କରାରାଧିତଶ୍ଶୁଭଃ ।
ଵ୍ୟାପୀ ଵିଶ୍ଵଂଭରୋ ଵ୍ୟଗ୍ରଃ ସ୍ଵୟଂଜ୍ୟୋତିରନଂତକୃତ୍ ॥ 128॥

ଜୟଶୀଲୋ ଜୟାକାଂକ୍ଷୀ ଜାତଵେଦୋ ଜୟପ୍ରଦଃ ।
କଵିଃ କଲ୍ୟାଣଦଃ କାମ୍ୟୋ ମୋକ୍ଷଦୋ ମୋହନାକୃତିଃ ॥ 129॥

କୁଂକୁମାରୁଣ ସର୍ଵାଂଗ କମଲାକ୍ଷଃ କଵୀଶ୍ଵରଃ ।
ସୁଵିକ୍ରମୋ ନିଷ୍କଳଂକୋ ଵିଶ୍ଵକ୍ସେନୋ ଵିହାରକୃତ୍ ॥ 130॥

କଦଂବାସୁର ଵିଧ୍ଵଂସୀ କେତନଗ୍ରହ ଦାହକଃ ।
ଜୁଗୁପ୍ସାଗ୍ନସ୍ତୀକ୍ଷ୍ଣଧାରୋ ଵୈକୁଂଠ ଭୁଜଵାସକୃତ୍ ॥ 131॥

ସାରଜ୍ଞଃ କରୁଣାମୂର୍ତିଃ ଵୈଷ୍ଣଵୋ ଵିଷ୍ଣୁଭକ୍ତିଦଃ ।
ସୁକ୍ରୁତଜ୍ଞୋ ମହୋଦାରୋ ଦୁଷ୍କୃତଘ୍ନସ୍ସୁଵିଗ୍ରହଃ ॥ 132॥

ସର୍ଵାଭୀଷ୍ଟ ପ୍ରଦୋଽଂତୋ ନିତ୍ୟାନଂଦୋ ଗୁଣାକରଃ ।
ଚକ୍ରୀ କୁଂଦଧରଃ ଖଡ୍ଗୀ ପରଶ୍ଵତ ଧରୋଽଗ୍ନିଭୃତ୍ ॥ 133॥

ଦୃତାଂକୁଶୋ ଦଂଡଧରଃ ଶକ୍ତିହସ୍ଥସ୍ସୁଶଂଖଭ୍ରୁତ୍ ।
ଧନ୍ଵୀ ଦୃତମହାପାଶୋ ହଲି ମୁସଲଭୂଷଣଃ ॥ 134॥

ଗଦାୟୁଧଧରୋ ଵଜ୍ରୀ ମହାଶୂଲ ଲସତ୍ଭୁଜଃ ।
ସମସ୍ତାୟୁଧ ସଂପୂର୍ଣସ୍ସୁଦର୍ଶନ ମହାପ୍ରଭୁଃ ॥ 135॥

॥ ଫଲଶ‍ଋତିଃ ॥

ଇତି ସୌଦର୍ଶନଂ ଦିଵ୍ୟଂ ଗୁହ୍ୟଂ ନାମସହସ୍ରକମ୍ ।
ସର୍ଵସିଦ୍ଧିକରଂ ସର୍ଵ ୟଂତ୍ର ମଂତ୍ରାତ୍ମକଂ ପରମ୍ ॥ 136॥

ଏତନ୍ନାମ ସହସ୍ରଂ ତୁ ନିତ୍ୟଂ ୟଃ ପଠେତ୍ ସୁଧୀଃ ।
ଶ‍ଋଣୋତି ଵା ଶ୍ରାଵୟତି ତସ୍ୟ ସିଦ୍ଧିଃ କରସ୍ତିତା ॥ 137॥

ଦୈତ୍ୟାନାଂ ଦେଵଶତ୍ରୂଣାଂ ଦୁର୍ଜୟାନାଂ ମହୌଜସାମ୍ ।
ଵିନାଶାର୍ଥମିଦଂ ଦେଵି ହରୋ ରାସାଧିତଂ ମୟା ॥ 138॥

ଶତ୍ରୁସଂହାରକମିଦଂ ସର୍ଵଦା ଜୟଵର୍ଧନମ୍ ।
ଜଲ ଶୈଲ ମହାରଣ୍ୟ ଦୁର୍ଗମେଷୁ ମହାପତି ॥ 139॥

ଭୟଂକରେଷୁ ଶାପତ୍ସୁ ସଂପ୍ରାପ୍ତେଷୁ ମହତ୍ସୁଚ ।
ୟସ୍ସକୃତ୍ ପଠନଂ କୁର୍ୟାତ୍ ତସ୍ୟ ନୈଵ ଭଵେତ୍ ଭୟମ୍ ॥ 140॥

ବ୍ରହ୍ମଘ୍ନଶ୍ଚ ପଶୁଘ୍ନଶ୍ଚ ମାତାପିତୄ ଵିନିଂଦକଃ ।
ଦେଵାନାଂ ଦୂଷକଶ୍ଚାପି ଗୁରୁତଲ୍ପଗତୋଽପି ଵା ॥ 141॥

ଜପ୍ତ୍ଵା ସକୃତିଦଂ ସ୍ତୋତ୍ରଂ ମୁଚ୍ୟତେ ସର୍ଵକିଲ୍ବିଷୈଃ ।
ତିଷ୍ଠନ୍ ଗଚ୍ଛନ୍ ସ୍ଵପନ୍ ଭୁଂଜନ୍ ଜାଗ୍ରନ୍ନପି ହସନ୍ନପି ॥ 142॥

ସୁଦର୍ଶନ ନୃସିଂହେତି ୟୋ ଵଦେତ୍ତୁ ସକୃନ୍ନରଃ ।
ସ ଵୈ ନ ଲିପ୍ୟତେ ପାପୈଃ ଭୁକ୍ତିଂ ମୁକ୍ତିଂ ଚ ଵିଂଦତି ॥ 143॥

ଆଦୟୋ ଵ୍ୟାଦୟସ୍ସର୍ଵେ ରୋଗା ରୋଗାଦିଦେଵତାଃ ।
ଶୀଘ୍ରଂ ନଶ୍ୟଂତି ତେ ସର୍ଵେ ପଠନାତ୍ତସ୍ୟ ଵୈ ନୃଣାମ୍ ॥ 144॥

ବହୂନାତ୍ର କିମୁକ୍ତେନ ଜପ୍ତ୍ଵେଦଂ ମଂତ୍ର ପୁଷ୍କଲମ୍ ।
ୟତ୍ର ମର୍ତ୍ୟଶ୍ଚରେତ୍ ତତ୍ର ରକ୍ଷତି ଶ୍ରୀସୁଦର୍ଶନଃ ॥ 145॥

ଇତି ଶ୍ରୀ ଵିହଗେଶ୍ଵର ଉତ୍ତରଖଂଡେ ଉମାମହେଶ୍ଵରସଂଵାଦେ
ମଂତ୍ରଵିଧାନେ ଶ୍ରୀ ସୁଦର୍ଶନ ସହସ୍ରନାମ ସ୍ତୋତ୍ରଂ ନାମ
ଷୋଡଶ ପ୍ରକାଶଃ ॥