ଶ୍ରୀ ଶ୍ରୀନିଵାସ ଗଦ୍ୟମ୍
ଶ୍ରୀମଦଖିଲମହୀମଂଡଲମଂଡନଧରଣୀଧର ମଂଡଲାଖଂଡଲସ୍ୟ,
ଵାନିଖିଲସୁରାସୁରଵଂଦିତ ଵରାହକ୍ଷେତ୍ର ଵିଭୂଷଣସ୍ୟ,
ଶେଷାଚଲ ଗରୁଡାଚଲ ସିଂହାଚଲ ଵୃଷଭାଚଲ ନାରାୟଣାଚଲାଂଜନାଚଲାଦି ଶିଖରିମାଲାକୁଲସ୍ୟ,
ନାଥମୁଖ ବୋଧନିଧିଵୀଥିଗୁଣସାଭରଣ ସତ୍ତ୍ଵନିଧି ତତ୍ତ୍ଵନିଧି ଭକ୍ତିଗୁଣପୂର୍ଣ ଶ୍ରୀଶୈଲପୂର୍ଣ
ଗୁଣଵଶଂଵଦ ପରମପୁରୁଷକୃପାପୂର ଵିଭ୍ରମଦତୁଂଗଶୃଂଗ ଗଲଦ୍ଗଗନଗଂଗାସମାଲିଂଗିତସ୍ୟ,
ସୀମାତିଗ ଗୁଣ ରାମାନୁଜମୁନି ନାମାଂକିତ ବହୁ ଭୂମାଶ୍ରୟ ସୁରଧାମାଲୟ ଵନରାମାୟତ ଵନସୀମାପରିଵୃତ ଵିଶଂକଟତଟ
ନିରଂତର ଵିଜୃଂଭିତ ଭକ୍ତିରସ ନିର୍ଘରାନଂତାର୍ୟାହାର୍ୟ ପ୍ରସ୍ରଵଣଧାରାପୂର ଵିଭ୍ରମଦ ସଲିଲଭରଭରିତ ମହାତଟାକ ମଂଡିତସ୍ୟ,
କଲିକର୍ଦମ ମଲମର୍ଦନ କଲିତୋଦ୍ୟମ ଵିଲସଦ୍ୟମ ନିୟମାଦିମ ମୁନିଗଣନିଷେଵ୍ୟମାଣ
ପ୍ରତ୍ୟକ୍ଷୀଭଵନ୍ନିଜସଲିଲ ସମଜ୍ଜନ ନମଜ୍ଜନ ନିଖିଲପାପନାଶନା ପାପନାଶନ ତୀର୍ଥାଧ୍ୟାସିତସ୍ୟ,
ମୁରାରିସେଵକ ଜରାଦିପୀଡିତ ନିରାର୍ତିଜୀଵନ ନିରାଶ ଭୂସୁର ଵରାତିସୁଂଦର ସୁରାଂଗନାରତି କରାଂଗସୌଷ୍ଠଵ
କୁମାରତାକୃତି କୁମାରତାରକ ସମାପନୋଦୟ ଦନୂନପାତକ ମହାପଦାମୟ ଵିହାପନୋଦିତ ସକଲଭୁଵନ ଵିଦିତ କୁମାରଧାରାଭିଧାନ ତୀର୍ଥାଧିଷ୍ଠିତସ୍ୟ,
ଧରଣିତଲ ଗତସକଲ ହତକଲିଲ ଶୁଭସଲିଲ ଗତବହୁଳ ଵିଵିଧମଲ ହତିଚତୁର
ରୁଚିରତର ଵିଲୋକନମାତ୍ର ଵିଦଳିତ ଵିଵିଧ ମହାପାତକ ସ୍ଵାମିପୁଷ୍କରିଣୀ ସମେତସ୍ୟ,
ବହୁସଂକଟ ନରକାଵଟ ପତଦୁତ୍କଟ କଲିକଂକଟ କଲୁଷୋଦ୍ଭଟ ଜନପାତକ ଵିନିପାତକ
ରୁଚିନାଟକ କରହାଟକ କଲଶାହୃତ କମଲାରତ ଶୁଭମଂଜନ ଜଲସଜ୍ଜନ
ଭରଭରିତ ନିଜଦୁରିତ ହତିନିରତ ଜନସତତ ନିରସ୍ତନିରର୍ଗଳ ପେପୀୟମାନ ସଲିଲ ସଂଭୃତ ଵିଶଂକଟ କଟାହତୀର୍ଥ ଵିଭୂଷିତସ୍ୟ,
ଏଵମାଦିମ ଭୂରିମଂଜିମ ସର୍ଵପାତକ ଗର୍ଵହାପକ ସିଂଧୁଡଂବର ହାରିଶଂବର ଵିଵିଧଵିପୁଲ ପୁଣ୍ୟତୀର୍ଥନିଵହ ନିଵାସସ୍ୟ,
ଶ୍ରୀମତୋ ଵେଂକଟାଚଲସ୍ୟ ଶିଖରଶେଖରମହାକଲ୍ପଶାଖୀ,
ଖର୍ଵୀଭଵଦତି ଗର୍ଵୀକୃତ ଗୁରୁମେର୍ଵୀଶଗିରି ମୁଖୋର୍ଵୀଧର କୁଲଦର୍ଵୀକର ଦୟିତୋର୍ଵୀଧର ଶିଖରୋର୍ଵୀ
ସତତ ସଦୂର୍ଵୀକୃତି ଚରଣଘନ ଗର୍ଵଚର୍ଵଣନିପୁଣ ତନୁକିରଣମସୃଣିତ ଗିରିଶିଖର ଶେଖରତରୁନିକର ତିମିରଃ,
ଵାଣୀପତିଶର୍ଵାଣୀ ଦୟିତେଂଦ୍ରାଣିଶ୍ଵର ମୁଖ ନାଣୀୟୋରସଵେଣୀ
ନିଭଶୁଭଵାଣୀ ନୁତମହିମାଣୀ ୟ ସ୍ତନ କୋଣୀ ଭଵଦଖିଲ ଭୁଵନଭଵନୋଦରଃ,
ଵୈମାନିକଗୁରୁ ଭୂମାଧିକ ଗୁଣ ରାମାନୁଜ କୃତଧାମାକର କରଧାମାରି ଦରଲଲାମାଚ୍ଛକନକ
ଦାମାୟିତ ନିଜରାମାଲୟ ନଵକିସଲୟମୟ ତୋରଣମାଲାୟିତ ଵନମାଲାଧରଃ,
କାଲାଂବୁଦ ମାଲାନିଭ ନୀଲାଲକ ଜାଲାଵୃତ ବାଲାବ୍ଜ ସଲୀଲାମଲ ଫାଲାଂକସମୂଲାମୃତ
ଧାରାଦ୍ଵୟାଵଧୀରଣ ଧୀରଲଲିତତର ଵିଶଦତର ଘନ ଘନସାର ମୟୋର୍ଧ୍ଵପୁଂଡ୍ର ରେଖାଦ୍ଵୟରୁଚିରଃ,
ସୁଵିକସ୍ଵର ଦଳଭାସ୍ଵର କମଲୋଦର ଗତମେଦୁର ନଵକେସର ତତିଭାସୁର
ପରିପିଂଜର କନକାଂବର କଲିତାଦର ଲଲିତୋଦର ତଦାଲଂବ ଜଂଭରିପୁ ମଣିସ୍ତଂଭ
ଗଂଭୀରିମଦଂଭସ୍ତଂଭ ସମୁଜ୍ଜୃଂଭମାଣ ପୀଵରୋରୁୟୁଗଳ ତଦାଲଂବ ପୃଥୁଲ
କଦଲୀ ମୁକୁଲ ମଦହରଣଜଂଘାଲ ଜଂଘାୟୁଗଳଃ,
ନଵ୍ୟଦଲ ଭଵ୍ୟମଲ ପୀତମଲ ଶୋଣିମଲସନ୍ମୃଦୁଲ ସତ୍କିସଲୟାଶ୍ରୁଜଲକାରି ବଲ ଶୋଣତଲ
ପଦକମଲ ନିଜାଶ୍ରୟ ବଲବଂଦୀକୃତ ଶରଦିଂଦୁମଂଡଲୀ
ଵିଭ୍ରମଦାଦଭ୍ର ଶୁଭ୍ର ପୁନର୍ଭଵାଧିଷ୍ଠିତାଂଗୁଳୀଗାଢ ନିପୀଡିତ ପଦ୍ମାଵନଃ,
ଜାନୁତଲାଵଧି ଲଂବ ଵିଡଂବିତ ଵାରଣ ଶୁଂଡାଦଂଡ ଵିଜୃଂଭିତ ନୀଲମଣିମୟ କଲ୍ପକଶାଖା
ଵିଭ୍ରମଦାୟି ମୃଣାଳଲତାୟିତ ସମୁଜ୍ଜ୍ଵଲତର କନକଵଲୟ ଵେଲ୍ଲିତୈକତର ବାହୁଦଂଡୟୁଗଳଃ,
ୟୁଗପଦୁଦିତ କୋଟି ଖରକର ହିମକର ମଂଡଲ ଜାଜ୍ଵଲ୍ୟମାନ ସୁଦର୍ଶନ ପାଂଚଜନ୍ୟ
ସମୁତ୍ତୁଂଗିତ ଶୃଂଗାପର ବାହୁୟୁଗଳଃ,
ଅଭିନଵଶାଣ ସମୁତ୍ତେଜିତ ମହାମହା ନୀଲଖଂଡ ମଦଖଂଡନ ନିପୁଣ
ନଵୀନ ପରିତପ୍ତ କାର୍ତସ୍ଵର କଵଚିତ ମହନୀୟ ପୃଥୁଲ ସାଲଗ୍ରାମ ପରଂପରା ଗୁଂଭିତ
ନାଭିମଂଡଲ ପର୍ୟଂତ ଲଂବମାନ ପ୍ରାଲଂବଦୀପ୍ତି ସମାଲଂବିତ ଵିଶାଲ ଵକ୍ଷଃସ୍ଥଲଃ,
ଗଂଗାଝର ତୁଂଗାକୃତି ଭଂଗାଵଳି ଭଂଗାଵହ ସୌଧାଵଳି ବାଧାଵହ ଧାରା
ନିଭ ହାରାଵଳି ଦୂରାହତ ଗେହାଂତର ମୋହାଵହ ମହିମ ମସୃଣିତ ମହାତିମିରଃ,
ପିଂଗାକୃତି ଭୃଂଗାର ନିଭାଂଗାର ଦଳାଂଗାମଲ ନିଷ୍କାସିତ ଦୁଷ୍କାର୍ୟଘ
ନିଷ୍କାଵଳି ଦୀପପ୍ରଭ ନୀପଚ୍ଛଵି ତାପପ୍ରଦ କନକମାଲିକା ପିଶଂଗିତ ସର୍ଵାଂଗଃ,
ନଵଦଳିତ ଦଳଵଲିତ ମୃଦୁଲଲିତ କମଲତତି ମଦଵିହତି ଚତୁରତର
ପୃଥୁଲତର ସରସତର କନକସରମୟ ରୁଚିରକଂଠିକା କମନୀୟକଂଠଃ,
ଵାତାଶନାଧିପତି ଶୟନ କମନ ପରିଚରଣ ରତିସମେତାଖିଲ ଫଣଧର
ତତି ମତିକରଵର କନକମୟ ନାଗାଭରଣ ପରିଵୀତାଖିଲାଂଗା ଵଗମିତ ଶୟନ ଭୂତାହିରାଜ ଜାତାତିଶୟଃ,
ରଵିକୋଟୀ ପରିପାଟୀ ଧରକୋଟୀ ରଵରାଟୀ କିତଵୀଟୀ ରସଧାଟୀ
ଧରମଣିଗଣକିରଣ ଵିସରଣ ସତତଵିଧୁତ ତିମିରମୋହ ଗାର୍ଭଗେହଃ,
ଅପରିମିତ ଵିଵିଧଭୁଵନ ଭରିତାଖଂଡ ବ୍ରହ୍ମାଂଡମଂଡଲ ପିଚଂଡିଲଃ,
ଆର୍ୟଧୁର୍ୟାନଂତାର୍ୟ ପଵିତ୍ର ଖନିତ୍ରପାତ ପାତ୍ରୀକୃତ
ନିଜଚୁବୁକ ଗତଵ୍ରଣକିଣ ଵିଭୂଷଣ ଵହନସୂଚିତ ଶ୍ରିତଜନ ଵତ୍ସଲତାତିଶୟଃ,
ମଡ୍ଡୁଡିଂଡିମ ଢମରୁ ଜର୍ଘର କାହଳୀ ପଟହାଵଳୀ ମୃଦୁମଦ୍ଦଲାଦି ମୃଦଂଗ ଦୁଂଦୁଭି
ଢକ୍କିକାମୁଖ ହୃଦ୍ୟ ଵାଦ୍ୟକ ମଧୁରମଂଗଳ ନାଦମେଦୁର
ନାଟାରଭି ଭୂପାଳ ବିଲହରି ମାୟାମାଳଵ ଗୌଳ ଅସାଵେରୀ ସାଵେରୀ ଶୁଦ୍ଧସାଵେରୀ ଦେଵଗାଂଧାରୀ
ଧନ୍ୟାସୀ ବେଗଡ ହିଂଦୁସ୍ତାନୀ କାପୀ ତୋଡି ନାଟକୁରୁଂଜୀ ଶ୍ରୀରାଗ
ସହନ ଅଠାଣ ସାରଂଗୀ ଦର୍ବାରୁ ପଂତୁଵରାଳୀ ଵରାଳୀ କଳ୍ୟାଣୀ ଭୂରିକଳ୍ୟାଣୀ ୟମୁନାକଳ୍ୟାଣୀ
ହୁଶେନୀ ଜଂଝୋଠୀ କୌମାରୀ କନ୍ନଡ ଖରହରପ୍ରିୟା
କଲହଂସ ନାଦନାମକ୍ରିୟା ମୁଖାରୀ ତୋଡୀ ପୁନ୍ନାଗଵରାଳୀ କାଂଭୋଜୀ ଭୈରଵୀ
ୟଦୁକୁଲକାଂଭୋଜୀ ଆନଂଦଭୈରଵୀ ଶଂକରାଭରଣ ମୋହନ ରେଗୁପ୍ତୀ ସୌରାଷ୍ଟ୍ରୀ ନୀଲାଂବରୀ ଗୁଣକ୍ରିୟା
ମେଘଗର୍ଜନୀ ହଂସଧ୍ଵନି ଶୋକଵରାଳୀ ମଧ୍ୟମାଵତୀ ଜେଂଜୁରୁଟୀ ସୁରଟୀ ଦ୍ଵିଜାଵଂତୀ ମଲୟାଂବରୀ
କାପୀପରଶୁ ଧନାସିରୀ ଦେଶିକତୋଡୀ ଆହିରୀ ଵସଂତଗୌଳୀ ସଂତୁ କେଦାରଗୌଳ
କନକାଂଗୀ ରତ୍ନାଂଗୀ ଗାନମୂର୍ତୀ ଵନସ୍ପତୀ ଵାଚସ୍ପତୀ ଦାନଵତୀ ମାନରୂପୀ ସେନାପତୀ
ହନୁମତ୍ତୋଡୀ ଧେନୁକା ନାଟକପ୍ରିୟା କୋକିଲପ୍ରିୟା ରୂପଵତୀ ଗାୟକପ୍ରିୟା
ଵକୁଳାଭରଣ ଚକ୍ରଵାକ ସୂର୍ୟକାଂତ ହାଟକାଂବରୀ
ଝଂକାରଧ୍ଵନୀ ନଟଭୈରଵୀ କୀରଵାଣୀ ହରିକାଂଭୋଦୀ ଧୀରଶଂକରାଭରଣ ନାଗାନଂଦିନୀ ୟାଗପ୍ରିୟାଦି
ଵିସୃମର ସରସ ଗାନରୁଚିର ସଂତତ ସଂତନ୍ୟମାନ ନିତ୍ୟୋତ୍ସଵ ପକ୍ଷୋତ୍ସଵ ମାସୋତ୍ସଵ
ସଂଵତ୍ସରୋତ୍ସଵାଦି ଵିଵିଧୋତ୍ସଵ କୃତାନଂଦଃ ଶ୍ରୀମଦାନଂଦନିଲୟ ଵିମାନଵାସଃ,
ସତତ ପଦ୍ମାଲୟା ପଦପଦ୍ମରେଣୁ ସଂଚିତଵକ୍ଷସ୍ତଲ ପଟଵାସଃ,
ଶ୍ରୀଶ୍ରୀନିଵାସଃ ସୁପ୍ରସନ୍ନୋ ଵିଜୟତାଂ.
ଶ୍ରୀଅଲର୍ମେଲ୍ମଂଗା ନାୟିକାସମେତଃ ଶ୍ରୀଶ୍ରୀନିଵାସ ସ୍ଵାମୀ ସୁପ୍ରୀତଃ ସୁପ୍ରସନ୍ନୋ ଵରଦୋ ଭୂତ୍ଵା, ପଵନ ପାଟଲୀ ପାଲାଶ ବିଲ୍ଵ ପୁନ୍ନାଗ ଚୂତ କଦଳୀ ଚଂଦନ ଚଂପକ ମଂଜୁଳ ମଂଦାର ହିଂଜୁଲାଦି ତିଲକ ମାତୁଲୁଂଗ ନାରିକେଳ କ୍ରୌଂଚାଶୋକ ମାଧୂକାମଲକ ହିଂଦୁକ ନାଗକେତକ ପୂର୍ଣକୁଂଦ ପୂର୍ଣଗଂଧ ରସ କଂଦ ଵନ ଵଂଜୁଳ ଖର୍ଜୂର ସାଲ କୋଵିଦାର ହିଂତାଲ ପନସ ଵିକଟ ଵୈକସଵରୁଣ ତରୁଘମରଣ ଵିଚୁଳଂକାଶ୍ଵତ୍ଥ ୟକ୍ଷ ଵସୁଧ ଵର୍ମାଧ ମଂତ୍ରିଣୀ ତିଂତ୍ରିଣୀ ବୋଧ ନ୍ୟଗ୍ରୋଧ ଘଟଵଟଲ ଜଂବୂମତଲ୍ଲୀ ଵୀରତଚୁଲ୍ଲୀ ଵସତି ଵାସତୀ ଜୀଵନୀ ପୋଷଣୀ ପ୍ରମୁଖ ନିଖିଲ ସଂଦୋହ ତମାଲ ମାଲା ମହିତ ଵିରାଜମାନ ଚଷକ ମୟୂର ହଂସ ଭାରଦ୍ଵାଜ କୋକିଲ ଚକ୍ରଵାକ କପୋତ ଗରୁଡ ନାରାୟଣ ନାନାଵିଧ ପକ୍ଷିଜାତି ସମୂହ ବ୍ରହ୍ମ କ୍ଷତ୍ରିୟ ଵୈଶ୍ୟ ଶୂଦ୍ର ନାନାଜାତ୍ୟୁଦ୍ଭଵ ଦେଵତା ନିର୍ମାଣ ମାଣିକ୍ୟ ଵଜ୍ର ଵୈଢୂର୍ୟ ଗୋମେଧିକ ପୁଷ୍ୟରାଗ ପଦ୍ମରାଗେଂଦ୍ର ନୀଲ ପ୍ରଵାଳମୌକ୍ତିକ ସ୍ଫଟିକ ହେମ ରତ୍ନଖଚିତ ଧଗଦ୍ଧଗାୟମାନ ରଥ ଗଜ ତୁରଗ ପଦାତି ସେନା ସମୂହ ଭେରୀ ମଦ୍ଦଳ ମୁରଵକ ଝଲ୍ଲରୀ ଶଂଖ କାହଳ ନୃତ୍ୟଗୀତ ତାଳଵାଦ୍ୟ କୁଂଭଵାଦ୍ୟ ପଂଚମୁଖଵାଦ୍ୟ ଅହମୀମାର୍ଗନ୍ନଟୀଵାଦ୍ୟ କିଟିକୁଂତଲଵାଦ୍ୟ ସୁରଟୀଚୌଂଡୋଵାଦ୍ୟ ତିମିଲକଵିତାଳଵାଦ୍ୟ ତକ୍କରାଗ୍ରଵାଦ୍ୟ ଘଂଟାତାଡନ ବ୍ରହ୍ମତାଳ ସମତାଳ କୋଟ୍ଟରୀତାଳ ଢକ୍କରୀତାଳ ଏକ୍କାଳ ଧାରାଵାଦ୍ୟ ପଟହକାଂସ୍ୟଵାଦ୍ୟ ଭରତନାଟ୍ୟାଲଂକାର କିନ୍ନେର କିଂପୁରୁଷ ରୁଦ୍ରଵୀଣା ମୁଖଵୀଣା ଵାୟୁଵୀଣା ତୁଂବୁରୁଵୀଣା ଗାଂଧର୍ଵଵୀଣା ନାରଦଵୀଣା ସ୍ଵରମଂଡଲ ରାଵଣହସ୍ତଵୀଣାସ୍ତକ୍ରିୟାଲଂକ୍ରିୟାଲଂକୃତାନେକଵିଧଵାଦ୍ୟ ଵାପୀକୂପତଟାକାଦି ଗଂଗାୟମୁନା ରେଵାଵରୁଣା
ଶୋଣନଦୀଶୋଭନଦୀ ସୁଵର୍ଣମୁଖୀ ଵେଗଵତୀ ଵେତ୍ରଵତୀ କ୍ଷୀରନଦୀ ବାହୁନଦୀ ଗରୁଡନଦୀ କାଵେରୀ ତାମ୍ରପର୍ଣୀ ପ୍ରମୁଖାଃ ମହାପୁଣ୍ୟନଦ୍ୟଃ ସଜଲତୀର୍ଥୈଃ ସହୋଭୟକୂଲଂଗତ ସଦାପ୍ରଵାହ ଋଗ୍ୟଜୁସ୍ସାମାଥର୍ଵଣ ଵେଦଶାସ୍ତ୍ରେତିହାସ ପୁରାଣ ସକଲଵିଦ୍ୟାଘୋଷ ଭାନୁକୋଟିପ୍ରକାଶ ଚଂଦ୍ରକୋଟି ସମାନ ନିତ୍ୟକଳ୍ୟାଣ ପରଂପରୋତ୍ତରୋତ୍ତରାଭିଵୃଦ୍ଧିର୍ଭୂୟାଦିତି ଭଵଂତୋ ମହାଂତୋzନୁଗୃହ୍ଣଂତୁ, ବ୍ରହ୍ମଣ୍ୟୋ ରାଜା ଧାର୍ମିକୋzସ୍ତୁ, ଦେଶୋୟଂ ନିରୁପଦ୍ରଵୋzସ୍ତୁ, ସର୍ଵେ ସାଧୁଜନାସ୍ସୁଖିନୋ ଵିଲସଂତୁ, ସମସ୍ତସନ୍ମଂଗଳାନି ସଂତୁ, ଉତ୍ତରୋତ୍ତରାଭିଵୃଦ୍ଧିରସ୍ତୁ, ସକଲକଳ୍ୟାଣ ସମୃଦ୍ଧିରସ୍ତୁ ॥
ହରିଃ ଓମ୍ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଶ୍ରୀ ଶ୍ରୀନିଵାସ ଗଦ୍ୟମ୍?
ଶ୍ରୀ ଶ୍ରୀନିଵାସ ଗଦ୍ୟମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଶ୍ରୀ ଶ୍ରୀନିଵାସ ଗଦ୍ୟମ୍ online?
Yes. The imported text is available directly on this page for online reading and recitation.
Can I download ଶ୍ରୀ ଶ୍ରୀନିଵାସ ଗଦ୍ୟମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.