ଶ୍ରୀ ରାମ ସହସ୍ରନାମ ସ୍ତୋତ୍ରମ୍

ଅସ୍ୟ ଶ୍ରୀରାମସହସ୍ରନାମସ୍ତୋତ୍ର ମହାମଂତ୍ରସ୍ୟ, ଭଗଵାନ୍ ଈଶ୍ଵର ଋଷିଃ, ଅନୁଷ୍ଟୁପ୍ଛଂଦଃ, ଶ୍ରୀରାମଃ ପରମାତ୍ମା ଦେଵତା, ଶ୍ରୀମାନ୍ମହାଵିଷ୍ଣୁରିତି ବୀଜଂ, ଗୁଣଭୃନ୍ନିର୍ଗୁଣୋ ମହାନିତି ଶକ୍ତିଃ, ସଂସାରତାରକୋ ରାମ ଇତି ମଂତ୍ରଃ, ସଚ୍ଚିଦାନଂଦଵିଗ୍ରହ ଇତି କୀଲକଂ, ଅକ୍ଷୟଃ ପୁରୁଷଃ ସାକ୍ଷୀତି କଵଚଂ, ଅଜେୟଃ ସର୍ଵଭୂତାନାଂ ଇତ୍ୟସ୍ତ୍ରଂ, ରାଜୀଵଲୋଚନଃ ଶ୍ରୀମାନିତି ଧ୍ୟାନଂ ଶ୍ରୀରାମପ୍ରୀତ୍ୟର୍ଥେ ଦିଵ୍ୟସହସ୍ରନାମଜପେ ଵିନିୟୋଗଃ ।

ଧ୍ୟାନଂ
ଶ୍ରୀରାଘଵଂ ଦଶରଥାତ୍ମଜମପ୍ରମେୟଂ
ସୀତାପତିଂ ରଘୁକୁଲାନ୍ଵୟରତ୍ନଦୀପମ୍ ।
ଆଜାନୁବାହୁମରଵିଂଦଦଲାୟତାକ୍ଷଂ
ରାମଂ ନିଶାଚରଵିନାଶକରଂ ନମାମି ॥

ନୀଲାଂ ଭୁଜଶ୍ୟାମଲ କୋମଲାଂଗଂ
ସୀତା ସମାରୋପିତ ଵାମଭାଗମ୍ ।
ପାଣୌ ମହାସାୟକ ଚାରୁ ଚାପଂ
ନମାମି ରାମଂ ରଘୁଵଂଶନାଥମ୍ ॥

ଲୋକାଭିରାମଂ ରଣରଂଗଧୀରଂ
ରାଜୀଵନେତ୍ରଂ ରଘୁଵଂଶନାଥମ୍ ।
କାରୁଣ୍ୟରୂପଂ କରୁଣାକରଂ ତଂ
ଶ୍ରୀ ରାମଚଂଦ୍ରଂ ଶରଣଂ ପ୍ରପଦ୍ୟେ ॥

ଧ୍ୟାୟେଦାଜାନୁବାହୁଂ ଧୃତଶରଧନୁଷଂ ବଦ୍ଧପଦ୍ମାସନସ୍ଥଂ
ପୀତଂ ଵାସୋ ଵସାନଂ ନଵକଲଦଳସ୍ପର୍ଧିନେତ୍ରଂ ପ୍ରସନ୍ନମ୍ ।
ଵାମାଂକାରୂଢସୀତାମୁଖକମଲମିଲଲୋଚନଂ ନୀରଦାଭଂ
ନାନାଲଂକାରଦୀପ୍ତଂ ଦଧତମୁରୁଜଟାମଂଡଲଂ ରାମଚଂଦ୍ରମ୍ ॥

ନୀଲାଂଭୋଦରକାଂତି କାଂତମନୁଷଂ ଵୀରାସନାଧ୍ୟାସିନଂ
ମୁଦ୍ରାଂ ଜ୍ଞାନମୟୀଂ ଦଧାନମପରଂ ହସ୍ତାଂବୁଜଂ ଜାନୁନି ।
ସୀତାଂ ପାର୍ଶ୍ଵଗତାଂ ସରୋରୁହକରାଂ ଵିଦ୍ୟୁନ୍ନିଭାଂ ରାଘଵଂ
ପଶ୍ୟଂତୀଂ ମୁକୁଟାଂଗଦାଦି ଵିଵିଧ କଲ୍ପୋଜ୍ଜ୍ଵଲାଂଗଂ ଭଜେ ॥

ସ୍ତୋତ୍ରଂ
ରାଜୀଵଲୋଚନଃ ଶ୍ରୀମାନ୍ ଶ୍ରୀରାମୋ ରଘୁପୁଂଗଵଃ ।
ରାମଭଦ୍ରଃ ସଦାଚାରୋ ରାଜେଂଦ୍ରୋ ଜାନକୀପତିଃ ॥ 1 ॥

ଅଗ୍ରଗଣ୍ୟୋ ଵରେଣ୍ୟଶ୍ଚ ଵରଦଃ ପରମେଶ୍ଵରଃ ।
ଜନାର୍ଦନୋ ଜିତାମିତ୍ରଃ ପରାର୍ଥୈକପ୍ରୟୋଜନଃ ॥ 2 ॥

ଵିଶ୍ଵାମିତ୍ରପ୍ରିୟୋ ଦାଂତଃ ଶତ୍ରୁଜିଚ୍ଛତ୍ରୁତାପନଃ ।
ସର୍ଵଜ୍ଞଃ ସର୍ଵଦେଵାଦିଃ ଶରଣ୍ୟୋ ଵାଲିମର୍ଦନଃ ॥ 3 ॥

ଜ୍ଞାନଭାଵ୍ୟୋଽପରିଚ୍ଛେଦ୍ୟୋ ଵାଗ୍ମୀ ସତ୍ୟଵ୍ରତଃ ଶୁଚିଃ ।
ଜ୍ଞାନଗମ୍ୟୋ ଦୃଢପ୍ରଜ୍ଞଃ ଖରଧ୍ଵଂସୀ ପ୍ରତାପଵାନ୍ ॥ 4 ॥

ଦ୍ୟୁତିମାନାତ୍ମଵାନ୍ଵୀରୋ ଜିତକ୍ରୋଧୋଽରିମର୍ଦନଃ ।
ଵିଶ୍ଵରୂପୋ ଵିଶାଲାକ୍ଷଃ ପ୍ରଭୁଃ ପରିଵୃଢୋ ଦୃଢଃ ॥ 5 ॥

ଈଶଃ ଖଡ୍ଗଧରଃ ଶ୍ରୀମାନ୍ କୌସଲେୟୋଽନସୂୟକଃ ।
ଵିପୁଲାଂସୋ ମହୋରସ୍କଃ ପରମେଷ୍ଠୀ ପରାୟଣଃ ॥ 6 ॥

ସତ୍ୟଵ୍ରତଃ ସତ୍ୟସଂଧୋ ଗୁରୁଃ ପରମଧାର୍ମିକଃ ।
ଲୋକଜ୍ଞୋ ଲୋକଵଂଦ୍ୟଶ୍ଚ ଲୋକାତ୍ମା ଲୋକକୃତ୍ପରଃ ॥ 7 ॥

ଅନାଦିର୍ଭଗଵାନ୍ ସେଵ୍ୟୋ ଜିତମାୟୋ ରଘୂଦ୍ଵହଃ ।
ରାମୋ ଦୟାକରୋ ଦକ୍ଷଃ ସର୍ଵଜ୍ଞଃ ସର୍ଵପାଵନଃ ॥ 8 ॥

ବ୍ରହ୍ମଣ୍ୟୋ ନୀତିମାନ୍ ଗୋପ୍ତା ସର୍ଵଦେଵମୟୋ ହରିଃ ।
ସୁଂଦରଃ ପୀତଵାସାଶ୍ଚ ସୂତ୍ରକାରଃ ପୁରାତନଃ ॥ 9 ॥

ସୌମ୍ୟୋ ମହର୍ଷିଃ କୋଦଂଡୀ ସର୍ଵଜ୍ଞଃ ସର୍ଵକୋଵିଦଃ ।
କଵିଃ ସୁଗ୍ରୀଵଵରଦଃ ସର୍ଵପୁଣ୍ୟାଧିକପ୍ରଦଃ ॥ 10 ॥

ଭଵ୍ୟୋ ଜିତାରିଷଡ୍ଵର୍ଗୋ ମହୋଦାରୋଽଘନାଶନଃ ।
ସୁକୀର୍ତିରାଦିପୁରୁଷଃ କାଂତଃ ପୁଣ୍ୟକୃତାଗମଃ ॥ 11 ॥

ଅକଲ୍ମଷଶ୍ଚତୁର୍ବାହୁଃ ସର୍ଵାଵାସୋ ଦୁରାସଦଃ ।
ସ୍ମିତଭାଷୀ ନିଵୃତ୍ତାତ୍ମା ସ୍ମୃତିମାନ୍ ଵୀର୍ୟଵାନ୍ ପ୍ରଭୁଃ ॥ 12 ॥

ଧୀରୋ ଦାଂତୋ ଘନଶ୍ୟାମଃ ସର୍ଵାୟୁଧଵିଶାରଦଃ ।
ଅଧ୍ୟାତ୍ମୟୋଗନିଲୟଃ ସୁମନା ଲକ୍ଷ୍ମଣାଗ୍ରଜଃ ॥ 13 ॥

ସର୍ଵତୀର୍ଥମୟଃ ଶୂରଃ ସର୍ଵୟଜ୍ଞଫଲପ୍ରଦଃ ।
ୟଜ୍ଞସ୍ଵରୂପୀ ୟଜ୍ଞେଶୋ ଜରାମରଣଵର୍ଜିତଃ ॥ 14 ॥

ଵର୍ଣାଶ୍ରମକରୋ ଵର୍ଣୀ ଶତ୍ରୁଜିତ୍ ପୁରୁଷୋତ୍ତମଃ ।
ଵିଭୀଷଣପ୍ରତିଷ୍ଠାତା ପରମାତ୍ମା ପରାତ୍ପରଃ ॥ 15 ॥

ପ୍ରମାଣଭୂତୋ ଦୁର୍ଜ୍ଞେୟଃ ପୂର୍ଣଃ ପରପୁରଂଜୟଃ ।
ଅନଂତଦୃଷ୍ଟିରାନଂଦୋ ଧନୁର୍ଵେଦୋ ଧନୁର୍ଧରଃ ॥ 16 ॥

ଗୁଣାକରୋ ଗୁଣଶ୍ରେଷ୍ଠଃ ସଚ୍ଚିଦାନଂଦଵିଗ୍ରହଃ ।
ଅଭିଵଂଦ୍ୟୋ ମହାକାୟୋ ଵିଶ୍ଵକର୍ମା ଵିଶାରଦଃ ॥ 17 ॥

ଵିନୀତାତ୍ମା ଵୀତରାଗଃ ତପସ୍ଵୀଶୋ ଜନେଶ୍ଵରଃ ।
କଳ୍ୟାଣପ୍ରକୃତିଃ କଲ୍ପଃ ସର୍ଵେଶଃ ସର୍ଵକାମଦଃ ॥ 18 ॥

ଅକ୍ଷୟଃ ପୁରୁଷଃ ସାକ୍ଷୀ କେଶଵଃ ପୁରୁଷୋତ୍ତମଃ ।
ଲୋକାଧ୍ୟକ୍ଷୋ ମହାମାୟୋ ଵିଭୀଷଣଵରପ୍ରଦଃ ॥ 19 ॥

ଆନଂଦଵିଗ୍ରହୋ ଜ୍ୟୋତିର୍ହନୁମତ୍ପ୍ରଭୁରଵ୍ୟୟଃ ।
ଭ୍ରାଜିଷ୍ଣୁଃ ସହନୋ ଭୋକ୍ତା ସତ୍ୟଵାଦୀ ବହୁଶ୍ରୁତଃ ॥ 20 ॥

ସୁଖଦଃ କାରଣଂ କର୍ତା ଭଵବଂଧଵିମୋଚନଃ ।
ଦେଵଚୂଡାମଣିର୍ନେତା ବ୍ରହ୍ମଣ୍ୟୋ ବ୍ରହ୍ମଵର୍ଧନଃ ॥ 21 ॥

ସଂସାରୋତ୍ତାରକୋ ରାମଃ ସର୍ଵଦୁଃଖଵିମୋକ୍ଷକୃତ୍ ।
ଵିଦ୍ଵତ୍ତମୋ ଵିଶ୍ଵକର୍ତା ଵିଶ୍ଵହର୍ତା ଚ ଵିଶ୍ଵଧୃତ୍ ॥ 22 ॥

ନିତ୍ୟୋ ନିୟତକଲ୍ୟାଣଃ ସୀତାଶୋକଵିନାଶକୃତ୍ ।
କାକୁତ୍ସ୍ଥଃ ପୁଂଡରୀକାକ୍ଷୋ ଵିଶ୍ଵାମିତ୍ରଭୟାପହଃ ॥ 23 ॥

ମାରୀଚମଥନୋ ରାମୋ ଵିରାଧଵଧପଂଡିତଃ ।
ଦୁସ୍ସ୍ଵପ୍ନନାଶନୋ ରମ୍ୟଃ କିରୀଟୀ ତ୍ରିଦଶାଧିପଃ ॥ 24 ॥

ମହାଧନୁର୍ମହାକାୟୋ ଭୀମୋ ଭୀମପରାକ୍ରମଃ ।
ତତ୍ତ୍ଵସ୍ଵରୂପୀ ତତ୍ତ୍ଵଜ୍ଞଃ ତତ୍ତ୍ଵଵାଦୀ ସୁଵିକ୍ରମଃ ॥ 25 ॥

ଭୂତାତ୍ମା ଭୂତକୃତ୍ସ୍ଵାମୀ କାଲଜ୍ଞାନୀ ମହାପଟୁଃ ।
ଅନିର୍ଵିଣ୍ଣୋ ଗୁଣଗ୍ରାହୀ ନିଷ୍କଲଂକଃ କଲଂକହା ॥ 26 ॥

ସ୍ଵଭାଵଭଦ୍ରଃ ଶତ୍ରୁଘ୍ନଃ କେଶଵଃ ସ୍ଥାଣୁରୀଶ୍ଵରଃ ।
ଭୂତାଦିଃ ଶଂଭୁରାଦିତ୍ୟଃ ସ୍ଥଵିଷ୍ଠଃ ଶାଶ୍ଵତୋ ଧ୍ରୁଵଃ ॥ 27 ॥

କଵଚୀ କୁଂଡଲୀ ଚକ୍ରୀ ଖଡ୍ଗୀ ଭକ୍ତଜନପ୍ରିୟଃ ।
ଅମୃତ୍ୟୁର୍ଜନ୍ମରହିତଃ ସର୍ଵଜିତ୍ସର୍ଵଗୋଚରଃ ॥ 28 ॥

ଅନୁତ୍ତମୋଽପ୍ରମେୟାତ୍ମା ସର୍ଵାଦିର୍ଗୁଣସାଗରଃ ।
ସମଃ ସମାତ୍ମା ସମଗୋ ଜଟାମୁକୁଟମଂଡିତଃ ॥ 29 ॥

ଅଜେୟଃ ସର୍ଵଭୂତାତ୍ମା ଵିଷ୍ଵକ୍ସେନୋ ମହାତପଃ ।
ଲୋକାଧ୍ୟକ୍ଷୋ ମହାବାହୁରମୃତୋ ଵେଦଵିତ୍ତମଃ ॥ 30 ॥

ସହିଷ୍ଣୁଃ ସଦ୍ଗତିଃ ଶାସ୍ତା ଵିଶ୍ଵୟୋନିର୍ମହାଦ୍ୟୁତିଃ ।
ଅତୀଂଦ୍ର ଊର୍ଜିତଃ ପ୍ରାଂଶୁରୁପେଂଦ୍ରୋ ଵାମନୋ ବଲୀ ॥ 31 ॥

ଧନୁର୍ଵେଦୋ ଵିଧାତା ଚ ବ୍ରହ୍ମା ଵିଷ୍ଣୁଶ୍ଚ ଶଂକରଃ ।
ହଂସୋ ମରୀଚିର୍ଗୋଵିଂଦୋ ରତ୍ନଗର୍ଭୋ ମହାମତିଃ ॥ 32 ॥

ଵ୍ୟାସୋ ଵାଚସ୍ପତିଃ ସର୍ଵଦର୍ପିତାଽସୁରମର୍ଦନଃ ।
ଜାନକୀଵଲ୍ଲଭଃ ପୂଜ୍ୟଃ ପ୍ରକଟଃ ପ୍ରୀତିଵର୍ଧନଃ ॥ 33 ॥

ସଂଭଵୋଽତୀଂଦ୍ରିୟୋ ଵେଦ୍ୟୋଽନିର୍ଦେଶୋ ଜାଂବଵତ୍ପ୍ରଭୁଃ ।
ମଦନୋ ମଥନୋ ଵ୍ୟାପୀ ଵିଶ୍ଵରୂପୋ ନିରଂଜନଃ ॥ 34 ॥

ନାରାୟଣୋଽଗ୍ରଣୀଃ ସାଧୁର୍ଜଟାୟୁପ୍ରୀତିଵର୍ଧନଃ ।
ନୈକରୂପୋ ଜଗନ୍ନାଥଃ ସୁରକାର୍ୟହିତଃ ସ୍ଵଭୂଃ ॥ 35 ॥

ଜିତକ୍ରୋଧୋ ଜିତାରାତିଃ ପ୍ଲଵଗାଧିପରାଜ୍ୟଦଃ ।
ଵସୁଦଃ ସୁଭୁଜୋ ନୈକମାୟୋ ଭଵ୍ୟପ୍ରମୋଦନଃ ॥ 36 ॥

ଚଂଡାଂଶୁଃ ସିଦ୍ଧିଦଃ କଲ୍ପଃ ଶରଣାଗତଵତ୍ସଲଃ ।
ଅଗଦୋ ରୋଗହର୍ତା ଚ ମଂତ୍ରଜ୍ଞୋ ମଂତ୍ରଭାଵନଃ ॥ 37 ॥

ସୌମିତ୍ରିଵତ୍ସଲୋ ଧୁର୍ୟୋ ଵ୍ୟକ୍ତାଵ୍ୟକ୍ତସ୍ଵରୂପଧୃକ୍ ।
ଵସିଷ୍ଠୋ ଗ୍ରାମଣୀଃ ଶ୍ରୀମାନନୁକୂଲଃ ପ୍ରିୟଂଵଦଃ ॥ 38 ॥

ଅତୁଲଃ ସାତ୍ତ୍ଵିକୋ ଧୀରଃ ଶରାସନଵିଶାରଦଃ ।
ଜ୍ୟେଷ୍ଠଃ ସର୍ଵଗୁଣୋପେତଃ ଶକ୍ତିମାଂସ୍ତାଟକାଂତକଃ ॥ 39 ॥

ଵୈକୁଂଠଃ ପ୍ରାଣିନାଂ ପ୍ରାଣଃ କମଠଃ କମଲାପତିଃ ।
ଗୋଵର୍ଧନଧରୋ ମତ୍ସ୍ୟରୂପଃ କାରୁଣ୍ୟସାଗରଃ ॥ 40 ॥

କୁଂଭକର୍ଣପ୍ରଭେତ୍ତା ଚ ଗୋପୀଗୋପାଲସଂଵୃତଃ ।
ମାୟାଵୀ ସ୍ଵାପନୋ ଵ୍ୟାପୀ ରୈଣୁକେୟବଲାପହଃ ॥ 41 ॥

ପିନାକମଥନୋ ଵଂଦ୍ୟଃ ସମର୍ଥୋ ଗରୁଡଧ୍ଵଜଃ ।
ଲୋକତ୍ରୟାଶ୍ରୟୋ ଲୋକଭରିତୋ ଭରତାଗ୍ରଜଃ ॥ 42 ॥

ଶ୍ରୀଧରଃ ସଦ୍ଗତିର୍ଲୋକସାକ୍ଷୀ ନାରାୟଣୋ ବୁଧଃ ।
ମନୋଵେଗୀ ମନୋରୂପୀ ପୂର୍ଣଃ ପୁରୁଷପୁଂଗଵଃ ॥ 43 ॥

ୟଦୁଶ୍ରେଷ୍ଠୋ ୟଦୁପତିର୍ଭୂତାଵାସଃ ସୁଵିକ୍ରମଃ ।
ତେଜୋଧରୋ ଧରାଧାରଶ୍ଚତୁର୍ମୂର୍ତିର୍ମହାନିଧିଃ ॥ 44 ॥

ଚାଣୂରମର୍ଦନୋ ଦିଵ୍ୟଃ ଶାଂତୋ ଭରତଵଂଦିତଃ ।
ଶବ୍ଦାତିଗୋ ଗଭୀରାତ୍ମା କୋମଲାଂଗଃ ପ୍ରଜାଗରଃ ॥ 45 ॥

ଲୋକଗର୍ଭଃ ଶେଷଶାୟୀ କ୍ଷୀରାବ୍ଧିନିଲୟୋଽମଲଃ ।
ଆତ୍ମୟୋନିରଦୀନାତ୍ମା ସହସ୍ରାକ୍ଷଃ ସହସ୍ରପାତ୍ ॥ 46 ॥

ଅମୃତାଂଶୁର୍ମହାଗର୍ଭୋ ନିଵୃତ୍ତଵିଷୟସ୍ପୃହଃ ।
ତ୍ରିକାଲଜ୍ଞୋ ମୁନିଃ ସାକ୍ଷୀ ଵିହାୟସଗତିଃ କୃତୀ ॥ 47 ॥

ପର୍ଜନ୍ୟଃ କୁମୁଦୋ ଭୂତାଵାସଃ କମଲଲୋଚନଃ ।
ଶ୍ରୀଵତ୍ସଵକ୍ଷାଃ ଶ୍ରୀଵାସୋ ଵୀରହା ଲକ୍ଷ୍ମଣାଗ୍ରଜଃ ॥ 48 ॥

ଲୋକାଭିରାମୋ ଲୋକାରିମର୍ଦନଃ ସେଵକପ୍ରିୟଃ ।
ସନାତନତମୋ ମେଘଶ୍ୟାମଲୋ ରାକ୍ଷସାଂତକୃତ୍ ॥ 49 ॥

ଦିଵ୍ୟାୟୁଧଧରଃ ଶ୍ରୀମାନପ୍ରମେୟୋ ଜିତେଂଦ୍ରିୟଃ ।
ଭୂଦେଵଵଂଦ୍ୟୋ ଜନକପ୍ରିୟକୃତ୍ପ୍ରପିତାମହଃ ॥ 50 ॥

ଉତ୍ତମଃ ସାତ୍ଵିକଃ ସତ୍ୟଃ ସତ୍ୟସଂଧସ୍ତ୍ରିଵିକ୍ରମଃ ।
ସୁଵ୍ରତଃ ସୁଲଭଃ ସୂକ୍ଷ୍ମଃ ସୁଘୋଷଃ ସୁଖଦଃ ସୁଧୀଃ ॥ 51 ॥

ଦାମୋଦରୋଽଚ୍ୟୁତଃ ଶାରଂଗୀ ଵାମନୋ ମଧୁରାଧିପଃ ।
ଦେଵକୀନଂଦନଃ ଶୌରିଃ ଶୂରଃ କୈଟଭମର୍ଦନଃ ॥ 52 ॥

ସପ୍ତତାଲପ୍ରଭେତ୍ତା ଚ ମିତ୍ରଵଂଶପ୍ରଵର୍ଧନଃ ।
କାଲସ୍ଵରୂପୀ କାଲାତ୍ମା କାଲଃ କଲ୍ୟାଣଦଃ କଵିଃ ।
ସଂଵତ୍ସର ଋତୁଃ ପକ୍ଷୋ ହ୍ୟୟନଂ ଦିଵସୋ ୟୁଗଃ ॥ 53 ॥

ସ୍ତଵ୍ୟୋ ଵିଵିକ୍ତୋ ନିର୍ଲେପଃ ସର୍ଵଵ୍ୟାପୀ ନିରାକୁଲଃ ।
ଅନାଦିନିଧନଃ ସର୍ଵଲୋକପୂଜ୍ୟୋ ନିରାମୟଃ ॥ 54 ॥

ରସୋ ରସଜ୍ଞଃ ସାରଜ୍ଞୋ ଲୋକସାରୋ ରସାତ୍ମକଃ ।
ସର୍ଵଦୁଃଖାତିଗୋ ଵିଦ୍ୟାରାଶିଃ ପରମଗୋଚରଃ ॥ 55 ॥

ଶେଷୋ ଵିଶେଷୋ ଵିଗତକଲ୍ମଷୋ ରଘୁନାୟକଃ ।
ଵର୍ଣଶ୍ରେଷ୍ଠୋ ଵର୍ଣଵାହ୍ୟୋ ଵର୍ଣ୍ୟୋ ଵର୍ଣ୍ୟଗୁଣୋଜ୍ଜ୍ଵଲଃ ॥ 56 ॥

କର୍ମସାକ୍ଷ୍ୟମରଶ୍ରେଷ୍ଠୋ ଦେଵଦେଵଃ ସୁଖପ୍ରଦଃ ।
ଦେଵାଧିଦେଵୋ ଦେଵର୍ଷିର୍ଦେଵାସୁରନମସ୍କୃତଃ ॥ 57 ॥

ସର୍ଵଦେଵମୟଶ୍ଚକ୍ରୀ ଶାର୍ଙ୍ଗପାଣିରନୁତ୍ତମଃ ।
ମନୋ ବୁଦ୍ଧିରହଂକାରଃ ପ୍ରକୃତିଃ ପୁରୁଷୋଽଵ୍ୟୟଃ ॥ 58 ॥

ଅହଲ୍ୟାପାଵନଃ ସ୍ଵାମୀ ପିତୃଭକ୍ତୋ ଵରପ୍ରଦଃ ।
ନ୍ୟାୟୋ ନ୍ୟାୟୀ ନୟୀ ଶ୍ରୀମାନ୍ନୟୋ ନଗଧରୋ ଧ୍ରୁଵଃ ॥ 59 ॥

ଲକ୍ଷ୍ମୀଵିଶ୍ଵଂଭରାଭର୍ତା ଦେଵେଂଦ୍ରୋ ବଲିମର୍ଦନଃ ।
ଵାଣାରିମର୍ଦନୋ ୟଜ୍ଵାନୁତ୍ତମୋ ମୁନିସେଵିତଃ ॥ 60 ॥

ଦେଵାଗ୍ରଣୀଃ ଶିଵଧ୍ୟାନତତ୍ପରଃ ପରମଃ ପରଃ ।
ସାମଗାନପ୍ରିୟୋଽକ୍ରୂରଃ ପୁଣ୍ୟକୀର୍ତିଃ ସୁଲୋଚନଃ ॥ 61 ॥

ପୁଣ୍ୟଃ ପୁଣ୍ୟାଧିକଃ ପୂର୍ଵଃ ପୂର୍ଣଃ ପୂରୟିତା ରଵିଃ ।
ଜଟିଲଃ କଲ୍ମଷଧ୍ଵାଂତପ୍ରଭଂଜନଵିଭାଵସୁଃ ॥ 62 ॥

ଅଵ୍ୟକ୍ତଲକ୍ଷଣୋଽଵ୍ୟକ୍ତୋ ଦଶାସ୍ୟଦ୍ଵୀପକେସରୀ ।
କଲାନିଧିଃ କଲାରୂପୋ କମଲାନଂଦଵର୍ଧନଃ ॥ 63 ॥

ଜୟୋ ଜିତାରିଃ ସର୍ଵାଦିଃ ଶମନୋ ଭଵଭଂଜନଃ ।
ଅଲଂକରିଷ୍ଣୁରଚଲୋ ରୋଚିଷ୍ଣୁର୍ଵିକ୍ରମୋତ୍ତମଃ ॥ 64 ॥

ଅଂଶୁଃ ଶବ୍ଦପତିଃ ଶବ୍ଦଗୋଚରୋ ରଂଜନୋ ରଘୁଃ ।
ନିଶ୍ଶବ୍ଦଃ ପ୍ରଣଵୋ ମାଲୀ ସ୍ଥୂଲଃ ସୂକ୍ଷ୍ମୋ ଵିଲକ୍ଷଣଃ ॥ 65 ॥

ଆତ୍ମୟୋନିରୟୋନିଶ୍ଚ ସପ୍ତଜିହ୍ଵଃ ସହସ୍ରପାତ୍ ।
ସନାତନତମଃ ସ୍ରଗ୍ଵୀ ପେଶଲୋ ଜଵିନାଂ ଵରଃ ॥ 66 ॥

ଶକ୍ତିମାନ୍ ଶଂଖଭୃନ୍ନାଥଃ ଗଦାପଦ୍ମରଥାଂଗଭୃତ୍ ।
ନିରୀହୋ ନିର୍ଵିକଲ୍ପଶ୍ଚ ଚିଦ୍ରୂପୋ ଵୀତସାଧ୍ଵସଃ ॥ 67 ॥

ଶତାନନଃ ସହସ୍ରାକ୍ଷଃ ଶତମୂର୍ତିର୍ଘନପ୍ରଭଃ ।
ହୃତ୍ପୁଂଡରୀକଶୟନଃ କଠିନୋ ଦ୍ରଵ ଏଵ ଚ ॥ 68 ॥

ଉଗ୍ରୋ ଗ୍ରହପତିଃ କୃଷ୍ଣୋ ସମର୍ଥୋଽନର୍ଥନାଶନଃ ।
ଅଧର୍ମଶତ୍ରୁଃ ରକ୍ଷୋଘ୍ନଃ ପୁରୁହୂତଃ ପୁରୁଷ୍ଟୁତଃ ॥ 69 ॥

ବ୍ରହ୍ମଗର୍ଭୋ ବୃହଦ୍ଗର୍ଭୋ ଧର୍ମଧେନୁର୍ଧନାଗମଃ ।
ହିରଣ୍ୟଗର୍ଭୋ ଜ୍ୟୋତିଷ୍ମାନ୍ ସୁଲଲାଟଃ ସୁଵିକ୍ରମଃ ॥ 70 ॥

ଶିଵପୂଜାରତଃ ଶ୍ରୀମାନ୍ ଭଵାନୀପ୍ରିୟକୃଦ୍ଵଶୀ ।
ନରୋ ନାରାୟଣଃ ଶ୍ୟାମଃ କପର୍ଦୀ ନୀଲଲୋହିତଃ ॥ 71 ॥

ରୁଦ୍ରଃ ପଶୁପତିଃ ସ୍ଥାଣୁର୍ଵିଶ୍ଵାମିତ୍ରୋ ଦ୍ଵିଜେଶ୍ଵରଃ ।
ମାତାମହୋ ମାତରିଶ୍ଵା ଵିରିଂଚୋ ଵିଷ୍ଟରଶ୍ରଵାଃ ॥ 72 ॥

ଅକ୍ଷୋଭ୍ୟଃ ସର୍ଵଭୂତାନାଂ ଚଂଡଃ ସତ୍ୟପରାକ୍ରମଃ ।
ଵାଲଖିଲ୍ୟୋ ମହାକଲ୍ପଃ କଲ୍ପଵୃକ୍ଷଃ କଲାଧରଃ ॥ 73 ॥

ନିଦାଘସ୍ତପନୋଽମୋଘଃ ଶ୍ଲକ୍ଷ୍ଣଃ ପରବଲାପହୃତ୍ ।
କବଂଧମଥନୋ ଦିଵ୍ୟଃ କଂବୁଗ୍ରୀଵଃ ଶିଵପ୍ରିୟଃ ॥ 74 ॥

ଶଂଖୋଽନିଲଃ ସୁନିଷ୍ପନ୍ନଃ ସୁଲଭଃ ଶିଶିରାତ୍ମକଃ ।
ଅସଂସୃଷ୍ଟୋଽତିଥିଃ ଶୂରଃ ପ୍ରମାଥୀ ପାପନାଶକୃତ୍ ॥ 75 ॥

ଵସୁଶ୍ରଵାଃ କଵ୍ୟଵାହଃ ପ୍ରତପ୍ତୋ ଵିଶ୍ଵଭୋଜନଃ ।
ରାମୋ ନୀଲୋତ୍ପଲଶ୍ୟାମୋ ଜ୍ଞାନସ୍କଂଧୋ ମହାଦ୍ୟୁତିଃ ॥ 76 ॥

ପଵିତ୍ରପାଦଃ ପାପାରିର୍ମଣିପୂରୋ ନଭୋଗତିଃ ।
ଉତ୍ତାରଣୋ ଦୁଷ୍କୃତିହା ଦୁର୍ଧର୍ଷୋ ଦୁସ୍ସହୋଽଭୟଃ ॥ 77 ॥

ଅମୃତେଶୋଽମୃତଵପୁର୍ଧର୍ମୀ ଧର୍ମଃ କୃପାକରଃ ।
ଭର୍ଗୋ ଵିଵସ୍ଵାନାଦିତ୍ୟୋ ୟୋଗାଚାର୍ୟୋ ଦିଵସ୍ପତିଃ ॥ 78 ॥

ଉଦାରକୀର୍ତିରୁଦ୍ୟୋଗୀ ଵାଙ୍ମୟଃ ସଦସନ୍ମୟଃ ।
ନକ୍ଷତ୍ରମାଲୀ ନାକେଶଃ ସ୍ଵାଧିଷ୍ଠାନଷଡାଶ୍ରୟଃ ॥ 79 ॥

ଚତୁର୍ଵର୍ଗଫଲୋ ଵର୍ଣୀ ଶକ୍ତିତ୍ରୟଫଲଂ ନିଧିଃ ।
ନିଧାନଗର୍ଭୋ ନିର୍ଵ୍ୟାଜୋ ଗିରୀଶୋ ଵ୍ୟାଲମର୍ଦନଃ ॥ 80 ॥

ଶ୍ରୀଵଲ୍ଲଭଃ ଶିଵାରଂଭଃ ଶାଂତିର୍ଭଦ୍ରଃ ସମଂଜସଃ ।
ଭୂଶୟୋ ଭୂତିକୃଦ୍ଭୂତିର୍ଭୂଷଣୋ ଭୂତଵାହନଃ ॥ 81 ॥

ଅକାୟୋ ଭକ୍ତକାୟସ୍ଥଃ କାଲଜ୍ଞାନୀ ମହାଵଟୁଃ ।
ପରାର୍ଥଵୃତ୍ତିରଚଲୋ ଵିଵିକ୍ତଃ ଶ୍ରୁତିସାଗରଃ ॥ 82 ॥

ସ୍ଵଭାଵଭଦ୍ରୋ ମଧ୍ୟସ୍ଥଃ ସଂସାରଭୟନାଶନଃ ।
ଵେଦ୍ୟୋ ଵୈଦ୍ୟୋ ଵିୟଦ୍ଗୋପ୍ତା ସର୍ଵାମରମୁନୀଶ୍ଵରଃ ॥ 83 ॥

ସୁରେଂଦ୍ରଃ କରଣଂ କର୍ମ କର୍ମକୃତ୍କର୍ମ୍ୟଧୋକ୍ଷଜଃ ।
ଧ୍ୟେୟୋ ଧୁର୍ୟୋ ଧରାଧୀଶଃ ସଂକଲ୍ପଃ ଶର୍ଵରୀପତିଃ ॥ 84 ॥

ପରମାର୍ଥଗୁରୁର୍ଵୃଦ୍ଧଃ ଶୁଚିରାଶ୍ରିତଵତ୍ସଲଃ ।
ଵିଷ୍ଣୁର୍ଜିଷ୍ଣୁର୍ଵିଭୁର୍ୟଜ୍ଞୋ ୟଜ୍ଞେଶୋ ୟଜ୍ଞପାଲକଃ ॥ 85 ॥

ପ୍ରଭଵିଷ୍ଣୁର୍ଗ୍ରସିଷ୍ଣୁଶ୍ଚ ଲୋକାତ୍ମା ଲୋକଭାଵନଃ ।
କେଶଵଃ କେଶିହା କାଵ୍ୟଃ କଵିଃ କାରଣକାରଣମ୍ ॥ 86 ॥

କାଲକର୍ତା କାଲଶେଷୋ ଵାସୁଦେଵଃ ପୁରୁଷ୍ଟୁତଃ ।
ଆଦିକର୍ତା ଵରାହଶ୍ଚ ମାଧଵୋ ମଧୁସୂଦନଃ ॥ 87 ॥

ନାରାୟଣୋ ନରୋ ହଂସୋ ଵିଷ୍ଵକ୍ସେନୋ ଜନାର୍ଦନଃ ।
ଵିଶ୍ଵକର୍ତା ମହାୟଜ୍ଞୋ ଜ୍ୟୋତିଷ୍ମାନ୍ ପୁରୁଷୋତ୍ତମଃ ॥ 88 ॥

ଵୈକୁଂଠଃ ପୁଂଡରୀକାକ୍ଷଃ କୃଷ୍ଣଃ ସୂର୍ୟଃ ସୁରାର୍ଚିତଃ ।
ନାରସିଂହୋ ମହାଭୀମୋ ଵକ୍ରଦଂଷ୍ଟ୍ରୋ ନଖାୟୁଧଃ ॥ 89 ॥

ଆଦିଦେଵୋ ଜଗତ୍କର୍ତା ୟୋଗୀଶୋ ଗରୁଡଧ୍ଵଜଃ ।
ଗୋଵିଂଦୋ ଗୋପତିର୍ଗୋପ୍ତା ଭୂପତିର୍ଭୁଵନେଶ୍ଵରଃ ॥ 90 ॥

ପଦ୍ମନାଭୋ ହୃଷୀକେଶୋ ଧାତା ଦାମୋଦରଃ ପ୍ରଭୁଃ ।
ତ୍ରିଵିକ୍ରମସ୍ତ୍ରିଲୋକେଶୋ ବ୍ରହ୍ମେଶଃ ପ୍ରୀତିଵର୍ଧନଃ ॥ 91 ॥

ଵାମନୋ ଦୁଷ୍ଟଦମନୋ ଗୋଵିଂଦୋ ଗୋପଵଲ୍ଲଭଃ ।
ଭକ୍ତପ୍ରିୟୋଽଚ୍ୟୁତଃ ସତ୍ୟଃ ସତ୍ୟକୀର୍ତିର୍ଧୃତିଃ ସ୍ମୃତିଃ ॥ 92 ॥

କାରୁଣ୍ୟଂ କରୁଣୋ ଵ୍ୟାସଃ ପାପହା ଶାଂତିଵର୍ଧନଃ ।
ସଂନ୍ୟାସୀ ଶାସ୍ତ୍ରତତ୍ତ୍ଵଜ୍ଞୋ ମଂଦରାଦ୍ରିନିକେତନଃ ॥ 93 ॥

ବଦରୀନିଲୟଃ ଶାଂତସ୍ତପସ୍ଵୀ ଵୈଦ୍ୟୁତପ୍ରଭଃ ।
ଭୂତାଵାସୋ ଗୁହାଵାସଃ ଶ୍ରୀନିଵାସଃ ଶ୍ରିୟଃ ପତିଃ ॥ 94 ॥

ତପୋଵାସୋ ମୁଦାଵାସଃ ସତ୍ୟଵାସଃ ସନାତନଃ ।
ପୁରୁଷଃ ପୁଷ୍କରଃ ପୁଣ୍ୟଃ ପୁଷ୍କରାକ୍ଷୋ ମହେଶ୍ଵରଃ ॥ 95 ॥

ପୂର୍ଣମୂର୍ତିଃ ପୁରାଣଜ୍ଞଃ ପୁଣ୍ୟଦଃ ପୁଣ୍ୟଵର୍ଧନଃ ।
ଶଂଖୀ ଚକ୍ରୀ ଗଦୀ ଶାରଂଗୀ ଲାଂଗଲୀ ମୁସଲୀ ହଲୀ ॥ 96 ॥

କିରୀଟୀ କୁଂଡଲୀ ହାରୀ ମେଖଲୀ କଵଚୀ ଧ୍ଵଜୀ ।
ୟୋଦ୍ଧା ଜେତା ମହାଵୀର୍ୟଃ ଶତ୍ରୁଜିଚ୍ଛତ୍ରୁତାପନଃ ॥ 97 ॥

ଶାସ୍ତା ଶାସ୍ତ୍ରକରଃ ଶାସ୍ତ୍ରଂ ଶଂକର ଶଂକରସ୍ତୁତଃ ।
ସାରଥିଃ ସାତ୍ତ୍ଵିକଃ ସ୍ଵାମୀ ସାମଵେଦପ୍ରିୟଃ ସମଃ ॥ 98 ॥

ପଵନଃ ସାହସଃ ଶକ୍ତିଃ ସଂପୂର୍ଣାଂଗଃ ସମୃଦ୍ଧିମାନ୍ ।
ସ୍ଵର୍ଗଦଃ କାମଦଃ ଶ୍ରୀଦଃ କୀର୍ତିଦୋଽକୀର୍ତିନାଶନଃ ॥ 99 ॥

ମୋକ୍ଷଦଃ ପୁଂଡରୀକାକ୍ଷଃ କ୍ଷୀରାବ୍ଧିକୃତକେତନଃ ।
ସର୍ଵାତ୍ମା ସର୍ଵଲୋକେଶଃ ପ୍ରେରକଃ ପାପନାଶନଃ ॥ 100 ॥

ସର୍ଵଦେଵୋ ଜଗନ୍ନାଥଃ ସର୍ଵଲୋକମହେଶ୍ଵରଃ ।
ସର୍ଗସ୍ଥିତ୍ୟଂତକୃଦ୍ଦେଵଃ ସର୍ଵଲୋକସୁଖାଵହଃ ॥ 101 ॥

ଅକ୍ଷୟ୍ୟଃ ଶାଶ୍ଵତୋଽନଂତଃ କ୍ଷୟଵୃଦ୍ଧିଵିଵର୍ଜିତଃ ।
ନିର୍ଲେପୋ ନିର୍ଗୁଣଃ ସୂକ୍ଷ୍ମୋ ନିର୍ଵିକାରୋ ନିରଂଜନଃ ॥ 102 ॥

ସର୍ଵୋପାଧିଵିନିର୍ମୁକ୍ତଃ ସତ୍ତାମାତ୍ରଵ୍ୟଵସ୍ଥିତଃ ।
ଅଧିକାରୀ ଵିଭୁର୍ନିତ୍ୟଃ ପରମାତ୍ମା ସନାତନଃ ॥ 103 ॥

ଅଚଲୋ ନିର୍ମଲୋ ଵ୍ୟାପୀ ନିତ୍ୟତୃପ୍ତୋ ନିରାଶ୍ରୟଃ ।
ଶ୍ୟାମୋ ୟୁଵା ଲୋହିତାକ୍ଷୋ ଦୀପ୍ତାସ୍ୟୋ ମିତଭାଷଣଃ ॥ 104 ॥

ଆଜାନୁବାହୁଃ ସୁମୁଖଃ ସିଂହସ୍କଂଧୋ ମହାଭୁଜଃ ।
ସତ୍ୟଵାନ୍ ଗୁଣସଂପନ୍ନଃ ସ୍ଵୟଂତେଜାଃ ସୁଦୀପ୍ତିମାନ୍ ॥ 105 ॥

କାଲାତ୍ମା ଭଗଵାନ୍ କାଲଃ କାଲଚକ୍ରପ୍ରଵର୍ତକଃ ।
ନାରାୟଣଃ ପରଂଜ୍ୟୋତିଃ ପରମାତ୍ମା ସନାତନଃ ॥ 106 ॥

ଵିଶ୍ଵସୃଡ୍ଵିଶ୍ଵଗୋପ୍ତା ଚ ଵିଶ୍ଵଭୋକ୍ତା ଚ ଶାଶ୍ଵତଃ ।
ଵିଶ୍ଵେଶ୍ଵରୋ ଵିଶ୍ଵମୂର୍ତିର୍ଵିଶ୍ଵାତ୍ମା ଵିଶ୍ଵଭାଵନଃ ॥ 107 ॥

ସର୍ଵଭୂତସୁହୃଚ୍ଛାଂତଃ ସର୍ଵଭୂତାନୁକଂପନଃ ।
ସର୍ଵେଶ୍ଵରେଶ୍ଵରଃ ସର୍ଵଃ ଶ୍ରୀମାନାଶ୍ରିତଵତ୍ସଲଃ ॥ 108 ॥

ସର୍ଵଗଃ ସର୍ଵଭୂତେଶଃ ସର୍ଵଭୂତାଶୟସ୍ଥିତଃ ।
ଅଭ୍ୟଂତରସ୍ଥସ୍ତମସଶ୍ଛେତ୍ତା ନାରାୟଣଃ ପରଃ ॥ 109 ॥

ଅନାଦିନିଧନଃ ସ୍ରଷ୍ଟା ପ୍ରଜାପତିପତିର୍ହରିଃ ।
ନରସିଂହୋ ହୃଷୀକେଶଃ ସର୍ଵାତ୍ମା ସର୍ଵଦୃଗ୍ଵଶୀ ॥ 110 ॥

ଜଗତସ୍ତସ୍ଥୁଷଶ୍ଚୈଵ ପ୍ରଭୁର୍ନେତା ସନାତନଃ ।
କର୍ତା ଧାତା ଵିଧାତା ଚ ସର୍ଵେଷାଂ ପ୍ରଭୁରୀଶ୍ଵରଃ ॥ 111 ॥

ସହସ୍ରମୂର୍ଧା ଵିଶ୍ଵାତ୍ମା ଵିଷ୍ଣୁର୍ଵିଶ୍ଵଦୃଗଵ୍ୟୟଃ ।
ପୁରାଣପୁରୁଷଃ ସ୍ରଷ୍ଟା ସହସ୍ରାକ୍ଷଃ ସହସ୍ରପାତ୍ ॥ 112 ॥

ତତ୍ତ୍ଵଂ ନାରାୟଣୋ ଵିଷ୍ଣୁର୍ଵାସୁଦେଵଃ ସନାତନଃ ।
ପରମାତ୍ମା ପରଂ ବ୍ରହ୍ମ ସଚ୍ଚିଦାନଂଦଵିଗ୍ରହଃ ॥ 113 ॥

ପରଂଜ୍ୟୋତିଃ ପରଂଧାମଃ ପରାକାଶଃ ପରାତ୍ପରଃ ।
ଅଚ୍ୟୁତଃ ପୁରୁଷଃ କୃଷ୍ଣଃ ଶାଶ୍ଵତଃ ଶିଵ ଈଶ୍ଵରଃ ॥ 114 ॥

ନିତ୍ୟଃ ସର୍ଵଗତଃ ସ୍ଥାଣୁରୁଗ୍ରଃ ସାକ୍ଷୀ ପ୍ରଜାପତିଃ ।
ହିରଣ୍ୟଗର୍ଭଃ ସଵିତା ଲୋକକୃଲ୍ଲୋକଭୃଦ୍ଵିଭୁଃ ॥ 115 ॥

ରାମଃ ଶ୍ରୀମାନ୍ ମହାଵିଷ୍ଣୁର୍ଜିଷ୍ଣୁର୍ଦେଵହିତାଵହଃ ।
ତତ୍ତ୍ଵାତ୍ମା ତାରକଂ ବ୍ରହ୍ମ ଶାଶ୍ଵତଃ ସର୍ଵସିଦ୍ଧିଦଃ ॥ 116 ॥

ଅକାରଵାଚ୍ୟୋ ଭଗଵାନ୍ ଶ୍ରୀର୍ଭୂନୀଲାପତିଃ ପୁମାନ୍ ।
ସର୍ଵଲୋକେଶ୍ଵରଃ ଶ୍ରୀମାନ୍ ସର୍ଵଜ୍ଞଃ ସର୍ଵତୋମୁଖଃ ॥ 117 ॥

ସ୍ଵାମୀ ସୁଶୀଲଃ ସୁଲଭଃ ସର୍ଵଜ୍ଞଃ ସର୍ଵଶକ୍ତିମାନ୍ ।
ନିତ୍ୟଃ ସଂପୂର୍ଣକାମଶ୍ଚ ନୈସର୍ଗିକସୁହୃତ୍ସୁଖୀ ॥ 118 ॥

କୃପାପୀୟୂଷଜଲଧିଃ ଶରଣ୍ୟଃ ସର୍ଵଦେହିନାମ୍ ।
ଶ୍ରୀମାନ୍ନାରାୟଣଃ ସ୍ଵାମୀ ଜଗତାଂ ପତିରୀଶ୍ଵରଃ ॥ 119 ॥

ଶ୍ରୀଶଃ ଶରଣ୍ୟୋ ଭୂତାନାଂ ସଂଶ୍ରିତାଭୀଷ୍ଟଦାୟକଃ ।
ଅନଂତଃ ଶ୍ରୀପତୀ ରାମୋ ଗୁଣଭୃନ୍ନିର୍ଗୁଣୋ ମହାନ୍ ॥ 120 ॥

॥ ଇତି ଆନଂଦରାମାୟଣେ ଵାଲ୍ମୀକୀୟେ ଶ୍ରୀରାମସହସ୍ରନାମସ୍ତୋତ୍ରମ୍ ॥