ଶ୍ରୀ ମଧ୍ଵାଚାର୍ୟ କୃତ ଦ୍ଵାଦଶ ସ୍ତୋତ୍ର – ସପ୍ତମସ୍ତୋତ୍ରମ୍

ଅଥ ସପ୍ତମସ୍ତୋତ୍ରମ୍

ଵିଶ୍ଵସ୍ଥିତିପ୍ରଳୟସର୍ଗମହାଵିଭୂତି ଵୃତ୍ତିପ୍ରକାଶନିୟମାଵୃତି ବଂଧମୋକ୍ଷାଃ ।
ୟସ୍ୟା ଅପାଂଗଲଵମାତ୍ରତ ଊର୍ଜିତା ସା ଶ୍ରୀଃ ୟତ୍କଟାକ୍ଷବଲଵତ୍ୟଜିତଂ ନମାମି ॥ 1॥

ବ୍ରହ୍ମେଶଶକ୍ରରଵିଧର୍ମଶଶାଂକପୂର୍ଵ ଗୀର୍ଵାଣସଂତତିରିୟଂ ୟଦପାଂଗଲେଶମ୍ ।
ଆଶ୍ରିତ୍ୟ ଵିଶ୍ଵଵିଜୟଂ ଵିସୃଜତ୍ୟଚିଂତ୍ୟା ଶ୍ରୀଃ ୟତ୍କଟାକ୍ଷବଲଵତ୍ୟଜିତଂ ନମାମି ॥ 2॥

ଧର୍ମାର୍ଥକାମସୁମତିପ୍ରଚୟାଦ୍ୟଶେଷସନ୍ମଂଗଲଂ ଵିଦଧତେ ୟଦପାଂଗଲେଶମ୍ ।
ଆଶ୍ରିତ୍ୟ ତତ୍ପ୍ରଣତସତ୍ପ୍ରଣତା ଅପୀଡ୍ୟା ଶ୍ରୀଃ ୟତ୍କଟାକ୍ଷବଲଵତି ଅଜିତଂ ନମାମି ॥ 3॥

ଷଡ୍ଵର୍ଗନିଗ୍ରହନିରସ୍ତସମସ୍ତଦୋଷା ଧ୍ୟାୟଂତି ଵିଷ୍ଣୁମୃଷୟୋ ୟଦପାଂଗଲେଶମ୍ ।
ଆଶ୍ରିତ୍ୟ ୟାନପି ସମେତ୍ୟ ନ ୟାତି ଦୁଃଖଂ ଶ୍ରୀଃ ୟତ୍କଟାକ୍ଷବଲଵତି ଅଜିତଂ ନମାମି ॥ 4॥

ଶେଷାହିଵୈରିଶିଵଶକ୍ରମନୁପ୍ରଧାନ ଚିତ୍ରୋରୁକର୍ମରଚନଂ ୟଦପାଂଗଲେଶମ୍ ।
ଆଶ୍ରିତ୍ୟ ଵିଶ୍ଵମଖିଲଂ ଵିଦଧାତି ଧାତା ଶ୍ରୀଃ ୟତ୍କଟାକ୍ଷବଲଵତି ଅଜିତଂ ନମାମି ॥ 5॥

ଶକ୍ରୋଗ୍ରଦୀଧିତିହିମାକରସୂର୍ୟସୂନୁ ପୂର୍ଵଂ ନିହତ୍ୟ ନିଖିଲଂ ୟଦପାଂଗଲେଶମ୍ ।
ଆଶ୍ରିତ୍ୟ ନୃତ୍ୟତି ଶିଵଃ ପ୍ରକଟୋରୁଶକ୍ତିଃ ଶ୍ରୀଃ ୟତ୍କଟାକ୍ଷ ବଲଵତି ଅଜିତଂ ନମାମି ॥ 6॥

ତତ୍ପାଦପଂକଜମହାସନତାମଵାପ ଶର୍ଵାଦିଵଂଦ୍ୟଚରଣୋ ୟଦପାଂଗଲେଶମ୍ ।
ଆଶ୍ରିତ୍ୟ ନାଗପତିଃ ଅନ୍ୟସୁରୈର୍ଦୁରାପାଂ ଶ୍ରୀଃ ୟତ୍କଟାକ୍ଷବଲଵତି ଅଜିତଂ ନମାମି ॥ 7॥

ନାଗାରିରୁଗ୍ରବଲପୌରୁଷ ଆପ ଵିଷ୍ଣୁଵାହତ୍ଵମୁତ୍ତମଜଵୋ ୟଦପାଂଗଲେଶମ୍ । ଵର୍
ଵିଷ୍ଣୋର୍ଵାହ
ଆଶ୍ରିତ୍ୟ ଶକ୍ରମୁଖଦେଵଗଣୈଃ ଅଚିଂତ୍ୟଂ ଶ୍ରୀଃ ୟତ୍କଟାକ୍ଷ ବଲଵତି ଅଜିତଂ ନମାମି ॥ 8॥

ଆନଂଦତୀର୍ଥମୁନିସନ୍ମୁଖପଂକଜୋତ୍ଥଂ ସାକ୍ଷାଦ୍ରମାହରିମନଃ ପ୍ରିୟଂ ଉତ୍ତମାର୍ଥମ୍ ।
ଭକ୍ତ୍ୟା ପଠତି ଅଜିତମାତ୍ମନି ସନ୍ନିଧାୟ ୟଃ ସ୍ତୋତ୍ରମେତଭିୟାତି ତୟୋରଭୀଷ୍ଟମ୍ ॥ 9॥

ଇତି ଶ୍ରୀମଦାନଂଦତୀର୍ଥଭଗଵତ୍ପାଦାଚାର୍ୟ ଵିରଚିତଂ
ଦ୍ଵାଦଶସ୍ତୋତ୍ରେଷୁ ସପ୍ତମସ୍ତୋତ୍ରଂ ସଂପୂର୍ଣମ୍