ଶ୍ରୀ ମଧ୍ଵାଚାର୍ୟ କୃତ ଦ୍ଵାଦଶ ସ୍ତୋତ୍ର – ପ୍ରଥମସ୍ତୋତ୍ରମ୍

॥ ଦ୍ଵାଦଶ ସ୍ତୋତ୍ରାଣି॥

ଅଥ ପ୍ରଥମସ୍ତୋତ୍ରମ୍

ଵଂଦେ ଵଂଦ୍ୟଂ ସଦାନଂଦଂ ଵାସୁଦେଵଂ ନିରଂଜନମ୍ ।
ଇଂଦିରାପତିମାଦ୍ୟାଦି ଵରଦେଶ ଵରପ୍ରଦମ୍ ॥ 1॥

ନମାମି ନିଖିଲାଧୀଶ କିରୀଟାଘୃଷ୍ଟପୀଠଵତ୍ ।
ହୃତ୍ତମଃ ଶମନେଽର୍କାଭଂ ଶ୍ରୀପତେଃ ପାଦପଂକଜମ୍ ॥ 2॥

ଜାଂବୂନଦାଂବରାଧାରଂ ନିତଂବଂ ଚିଂତ୍ୟମୀଶିତୁଃ ।
ସ୍ଵର୍ଣମଂଜୀରସଂଵୀତଂ ଆରୂଢଂ ଜଗଦଂବୟା ॥ 3॥

ଉଦରଂ ଚିଂତ୍ୟଂ ଈଶସ୍ୟ ତନୁତ୍ଵେଽପି ଅଖିଲଂଭରମ୍ ।
ଵଲିତ୍ରୟାଂକିତଂ ନିତ୍ୟଂ ଆରୂଢଂ ଶ୍ରିୟୈକୟା ॥ 4॥

ସ୍ମରଣୀୟମୁରୋ ଵିଷ୍ଣୋଃ ଇଂଦିରାଵାସମୁତ୍ତମୈଃ । ଵର୍
ଇଂଦିରାଵାସମୀଶିତୁଃ ଇଂଦିରାଵାସମୁତ୍ତମମ୍
ଅନଂତଂ ଅଂତଵଦିଵ ଭୁଜୟୋରଂତରଂଗତମ୍ ॥ 5॥

ଶଂଖଚକ୍ରଗଦାପଦ୍ମଧରାଶ୍ଚିଂତ୍ୟା ହରେର୍ଭୁଜାଃ ।
ପୀନଵୃତ୍ତା ଜଗଦ୍ରକ୍ଷା କେଵଲୋଦ୍ୟୋଗିନୋଽନିଶମ୍ ॥ 6॥

ସଂତତଂ ଚିଂତୟେତ୍କଂଠଂ ଭାସ୍ଵତ୍କୌସ୍ତୁଭଭାସକମ୍ ।
ଵୈକୁଂଠସ୍ୟାଖିଲା ଵେଦା ଉଦ୍ଗୀର୍ୟଂତେଽନିଶଂ ୟତଃ ॥ 7॥

ସ୍ମରେତ ୟାମିନୀନାଥ ସହସ୍ରାମିତକାଂତିମତ୍ ।
ଭଵତାପାପନୋଦୀଡ୍ୟଂ ଶ୍ରୀପତେଃ ମୁଖପଂକଜମ୍ ॥ 8॥

ପୂର୍ଣାନନ୍ୟସୁଖୋଦ୍ଭାସିଂ ଅଂଦସ୍ମିତମଧୀଶିତୁଃ ।
ଗୋଵିଂଦସ୍ୟ ସଦା ଚିଂତ୍ୟଂ ନିତ୍ୟାନଂଦପଦପ୍ରଦମ୍ ॥ 9॥

ସ୍ମରାମି ଭଵସଂତାପ ହାନିଦାମୃତସାଗରମ୍ ।
ପୂର୍ଣାନଂଦସ୍ୟ ରାମସ୍ୟ ସାନୁରାଗାଵଲୋକନମ୍ ॥ 10॥

ଧ୍ୟାୟେଦଜସ୍ରମୀଶସ୍ୟ ପଦ୍ମଜାଦିପ୍ରତୀକ୍ଷିତମ୍ ।
ଭ୍ରୂଭଂଗଂ ପାରମେଷ୍ଠ୍ୟାଦି ପଦଦାୟି ଵିମୁକ୍ତିଦମ୍ ॥ 11॥

ସଂତତଂ ଚିଂତୟେଽନଂତଂ ଅଂତକାଲେ । (ଅଂତ୍ୟକାଲେ ଵିଶେଷତଃ)
ନୈଵୋଦାପୁଃ ଗୃଣଂତୋଽଂତଂ ୟଦ୍ଗୁଣାନାଂ ଅଜାଦୟଃ ॥ 12॥

ଇତି ଶ୍ରୀମଦାନଂଦତୀର୍ଥଭଗଵତ୍ପାଦାଚାର୍ୟ ଵିରଚିତଂ
ଦ୍ଵାଦଶସ୍ତୋତ୍ରେଷୁ ପ୍ରଥମସ୍ତୋତ୍ରଂ ସଂପୂର୍ଣମ୍