ଶ୍ରୀ ଲଲିତା ତ୍ରିଶତି ସ୍ତୋତ୍ରମ୍

ଅସ୍ୟ ଶ୍ରୀଲଲିତା ତ୍ରିଶତୀସ୍ତୋତ୍ର ମହାମଂତ୍ରସ୍ୟ, ଭଗଵାନ୍ ହୟଗ୍ରୀଵ ଋଷିଃ, ଅନୁଷ୍ଟୁପ୍ ଛଂଦଃ, ଶ୍ରୀଲଲିତାମହାତ୍ରିପୁରସୁଂଦରୀ ଦେଵତା, ଐଂ ବୀଜଂ, ସୌଃ ଶକ୍ତିଃ, କ୍ଲୀଂ କୀଲକଂ, ମମ ଚତୁର୍ଵିଧପୁରୁଷାର୍ଥଫଲସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଐମିତ୍ୟାଦିଭିରଂଗନ୍ୟାସକରନ୍ୟାସାଃ କାର୍ୟାଃ ।

ଧ୍ୟାନମ୍ ।
ଅତିମଧୁରଚାପହସ୍ତା-
-ମପରିମିତାମୋଦବାଣସୌଭାଗ୍ୟାମ୍ ।
ଅରୁଣାମତିଶୟକରୁଣା-
-ମଭିନଵକୁଲସୁଂଦରୀଂ ଵଂଦେ ।

ଶ୍ରୀ ହୟଗ୍ରୀଵ ଉଵାଚ ।
କକାରରୂପା କଲ୍ୟାଣୀ କଲ୍ୟାଣଗୁଣଶାଲିନୀ ।
କଲ୍ୟାଣଶୈଲନିଲୟା କମନୀୟା କଲାଵତୀ ॥ 1 ॥

କମଲାକ୍ଷୀ କଲ୍ମଷଘ୍ନୀ କରୁଣାମୃତସାଗରା ।
କଦଂବକାନନାଵାସା କଦଂବକୁସୁମପ୍ରିୟା ॥ 2 ॥

କଂଦର୍ପଵିଦ୍ୟା କଂଦର୍ପଜନକାପାଂଗଵୀକ୍ଷଣା ।
କର୍ପୂରଵୀଟିସୌରଭ୍ୟକଲ୍ଲୋଲିତକକୁପ୍ତଟା ॥ 3 ॥

କଲିଦୋଷହରା କଂଜଲୋଚନା କମ୍ରଵିଗ୍ରହା ।
କର୍ମାଦିସାକ୍ଷିଣୀ କାରୟିତ୍ରୀ କର୍ମଫଲପ୍ରଦା ॥ 4 ॥

ଏକାରରୂପା ଚୈକାକ୍ଷର୍ୟେକାନେକାକ୍ଷରାକୃତିଃ ।
ଏତତ୍ତଦିତ୍ୟନିର୍ଦେଶ୍ୟା ଚୈକାନଂଦଚିଦାକୃତିଃ ॥ 5 ॥

ଏଵମିତ୍ୟାଗମାବୋଧ୍ୟା ଚୈକଭକ୍ତିମଦର୍ଚିତା ।
ଏକାଗ୍ରଚିତ୍ତନିର୍ଧ୍ୟାତା ଚୈଷଣାରହିତାଦୃତା ॥ 6 ॥

ଏଲାସୁଗଂଧିଚିକୁରା ଚୈନଃକୂଟଵିନାଶିନୀ ।
ଏକଭୋଗା ଚୈକରସା ଚୈକୈଶ୍ଵର୍ୟପ୍ରଦାୟିନୀ ॥ 7 ॥

ଏକାତପତ୍ରସାମ୍ରାଜ୍ୟପ୍ରଦା ଚୈକାଂତପୂଜିତା ।
ଏଧମାନପ୍ରଭା ଚୈଜଦନେକଜଗଦୀଶ୍ଵରୀ ॥ 8 ॥

ଏକଵୀରାଦିସଂସେଵ୍ୟା ଚୈକପ୍ରାଭଵଶାଲିନୀ ।
ଈକାରରୂପା ଚେଶିତ୍ରୀ ଚେପ୍ସିତାର୍ଥପ୍ରଦାୟିନୀ ॥ 9 ॥

ଈଦୃଗିତ୍ୟଵିନିର୍ଦେଶ୍ୟା ଚେଶ୍ଵରତ୍ଵଵିଧାୟିନୀ ।
ଈଶାନାଦିବ୍ରହ୍ମମୟୀ ଚେଶିତ୍ଵାଦ୍ୟଷ୍ଟସିଦ୍ଧିଦା ॥ 10 ॥

ଈକ୍ଷିତ୍ରୀକ୍ଷଣସୃଷ୍ଟାଂଡକୋଟିରୀଶ୍ଵରଵଲ୍ଲଭା ।
ଈଡିତା ଚେଶ୍ଵରାର୍ଧାଂଗଶରୀରେଶାଧିଦେଵତା ॥ 11 ॥

ଈଶ୍ଵରପ୍ରେରଣକରୀ ଚେଶତାଂଡଵସାକ୍ଷିଣୀ ।
ଈଶ୍ଵରୋତ୍ସଂଗନିଲୟା ଚେତିବାଧାଵିନାଶିନୀ ॥ 12 ॥

ଈହାଵିରହିତା ଚେଶଶକ୍ତିରୀଷତ୍ସ୍ମିତାନନା ।
ଲକାରରୂପା ଲଲିତା ଲକ୍ଷ୍ମୀଵାଣୀନିଷେଵିତା ॥ 13 ॥

ଲାକିନୀ ଲଲନାରୂପା ଲସଦ୍ଦାଡିମପାଟଲା ।
ଲଲଂତିକାଲସତ୍ଫାଲା ଲଲାଟନୟନାର୍ଚିତା ॥ 14 ॥

ଲକ୍ଷଣୋଜ୍ଜ୍ଵଲଦିଵ୍ୟାଂଗୀ ଲକ୍ଷକୋଟ୍ୟଂଡନାୟିକା ।
ଲକ୍ଷ୍ୟାର୍ଥା ଲକ୍ଷଣାଗମ୍ୟା ଲବ୍ଧକାମା ଲତାତନୁଃ ॥ 15 ॥

ଲଲାମରାଜଦଲିକା ଲଂବିମୁକ୍ତାଲତାଂଚିତା ।
ଲଂବୋଦରପ୍ରସୂର୍ଲଭ୍ୟା ଲଜ୍ଜାଢ୍ୟା ଲୟଵର୍ଜିତା ॥ 16 ॥

ହ୍ରୀଂ‍କାରରୂପା ହ୍ରୀଂ‍କାରନିଲୟା ହ୍ରୀଂ‍ପଦପ୍ରିୟା ।
ହ୍ରୀଂ‍କାରବୀଜା ହ୍ରୀଂ‍କାରମଂତ୍ରା ହ୍ରୀଂ‍କାରଲକ୍ଷଣା ॥ 17 ॥

ହ୍ରୀଂ‍କାରଜପସୁପ୍ରୀତା ହ୍ରୀଂ‍ମତୀ ହ୍ରୀଂ‍ଵିଭୂଷଣା ।
ହ୍ରୀଂ‍ଶୀଲା ହ୍ରୀଂ‍ପଦାରାଧ୍ୟା ହ୍ରୀଂ‍ଗର୍ଭା ହ୍ରୀଂ‍ପଦାଭିଧା ॥ 18 ॥

ହ୍ରୀଂ‍କାରଵାଚ୍ୟା ହ୍ରୀଂ‍କାରପୂଜ୍ୟା ହ୍ରୀଂ‍କାରପୀଠିକା ।
ହ୍ରୀଂ‍କାରଵେଦ୍ୟା ହ୍ରୀଂ‍କାରଚିଂତ୍ୟା ହ୍ରୀଂ ହ୍ରୀଂ‍ଶରୀରିଣୀ ॥ 19 ॥

ହକାରରୂପା ହଲଧୃକ୍ପୂଜିତା ହରିଣେକ୍ଷଣା ।
ହରପ୍ରିୟା ହରାରାଧ୍ୟା ହରିବ୍ରହ୍ମେଂଦ୍ରଵଂଦିତା ॥ 20 ॥

ହୟାରୂଢାସେଵିତାଂଘ୍ରିର୍ହୟମେଧସମର୍ଚିତା ।
ହର୍ୟକ୍ଷଵାହନା ହଂସଵାହନା ହତଦାନଵା ॥ 21 ॥

ହତ୍ୟାଦିପାପଶମନୀ ହରିଦଶ୍ଵାଦିସେଵିତା ।
ହସ୍ତିକୁଂଭୋତ୍ତୁଂଗକୁଚା ହସ୍ତିକୃତ୍ତିପ୍ରିୟାଂଗନା ॥ 22 ॥

ହରିଦ୍ରାକୁଂକୁମାଦିଗ୍ଧା ହର୍ୟଶ୍ଵାଦ୍ୟମରାର୍ଚିତା ।
ହରିକେଶସଖୀ ହାଦିଵିଦ୍ୟା ହାଲାମଦାଲସା ॥ 23 ॥

ସକାରରୂପା ସର୍ଵଜ୍ଞା ସର୍ଵେଶୀ ସର୍ଵମଂଗଲା ।
ସର୍ଵକର୍ତ୍ରୀ ସର୍ଵଭର୍ତ୍ରୀ ସର୍ଵହଂତ୍ରୀ ସନାତନା ॥ 24 ॥

ସର୍ଵାନଵଦ୍ୟା ସର୍ଵାଂଗସୁଂଦରୀ ସର୍ଵସାକ୍ଷିଣୀ ।
ସର୍ଵାତ୍ମିକା ସର୍ଵସୌଖ୍ୟଦାତ୍ରୀ ସର୍ଵଵିମୋହିନୀ ॥ 25 ॥

ସର୍ଵାଧାରା ସର୍ଵଗତା ସର୍ଵାଵଗୁଣଵର୍ଜିତା ।
ସର୍ଵାରୁଣା ସର୍ଵମାତା ସର୍ଵଭୂଷଣଭୂଷିତା ॥ 26 ॥

କକାରାର୍ଥା କାଲହଂତ୍ରୀ କାମେଶୀ କାମିତାର୍ଥଦା ।
କାମସଂଜୀଵନୀ କଲ୍ୟା କଠିନସ୍ତନମଂଡଲା ॥ 27 ॥

କରଭୋରୂଃ କଲାନାଥମୁଖୀ କଚଜିତାଂବୁଦା ।
କଟାକ୍ଷସ୍ୟଂଦିକରୁଣା କପାଲିପ୍ରାଣନାୟିକା ॥ 28 ॥

କାରୁଣ୍ୟଵିଗ୍ରହା କାଂତା କାଂତିଧୂତଜପାଵଲିଃ ।
କଲାଲାପା କଂବୁକଂଠୀ କରନିର୍ଜିତପଲ୍ଲଵା ॥ 29 ॥

କଲ୍ପଵଲ୍ଲୀସମଭୁଜା କସ୍ତୂରୀତିଲକାଂଚିତା ।
ହକାରାର୍ଥା ହଂସଗତିର୍ହାଟକାଭରଣୋଜ୍ଜ୍ଵଲା ॥ 30 ॥

ହାରହାରିକୁଚାଭୋଗା ହାକିନୀ ହଲ୍ୟଵର୍ଜିତା ।
ହରିତ୍ପତିସମାରାଧ୍ୟା ହଠାତ୍କାରହତାସୁରା ॥ 31 ॥

ହର୍ଷପ୍ରଦା ହଵିର୍ଭୋକ୍ତ୍ରୀ ହାର୍ଦସଂତମସାପହା ।
ହଲ୍ଲୀସଲାସ୍ୟସଂତୁଷ୍ଟା ହଂସମଂତ୍ରାର୍ଥରୂପିଣୀ ॥ 32 ॥

ହାନୋପାଦାନନିର୍ମୁକ୍ତା ହର୍ଷିଣୀ ହରିସୋଦରୀ ।
ହାହାହୂହୂମୁଖସ୍ତୁତ୍ୟା ହାନିଵୃଦ୍ଧିଵିଵର୍ଜିତା ॥ 33 ॥

ହୟ୍ୟଂଗଵୀନହୃଦୟା ହରିଗୋପାରୁଣାଂଶୁକା ।
ଲକାରାଖ୍ୟା ଲତାପୂଜ୍ୟା ଲୟସ୍ଥିତ୍ୟୁଦ୍ଭଵେଶ୍ଵରୀ ॥ 34 ॥

ଲାସ୍ୟଦର୍ଶନସଂତୁଷ୍ଟା ଲାଭାଲାଭଵିଵର୍ଜିତା ।
ଲଂଘ୍ୟେତରାଜ୍ଞା ଲାଵଣ୍ୟଶାଲିନୀ ଲଘୁସିଦ୍ଧିଦା ॥ 35 ॥

ଲାକ୍ଷାରସସଵର୍ଣାଭା ଲକ୍ଷ୍ମଣାଗ୍ରଜପୂଜିତା ।
ଲଭ୍ୟେତରା ଲବ୍ଧଭକ୍ତିସୁଲଭା ଲାଂଗଲାୟୁଧା ॥ 36 ॥

ଲଗ୍ନଚାମରହସ୍ତଶ୍ରୀଶାରଦାପରିଵୀଜିତା ।
ଲଜ୍ଜାପଦସମାରାଧ୍ୟା ଲଂପଟା ଲକୁଲେଶ୍ଵରୀ ॥ 37 ॥

ଲବ୍ଧମାନା ଲବ୍ଧରସା ଲବ୍ଧସଂପତ୍ସମୁନ୍ନତିଃ ।
ହ୍ରୀଂ‍କାରିଣୀ ହ୍ରୀଂ‍କାରାଦ୍ୟା ହ୍ରୀଂ‍ମଧ୍ୟା ହ୍ରୀଂ‍ଶିଖାମଣିଃ ॥ 38 ॥

ହ୍ରୀଂ‍କାରକୁଂଡାଗ୍ନିଶିଖା ହ୍ରୀଂ‍କାରଶଶିଚଂଦ୍ରିକା ।
ହ୍ରୀଂ‍କାରଭାସ୍କରରୁଚିର୍ହ୍ରୀଂ‍କାରାଂଭୋଦଚଂଚଲା ॥ 39 ॥

ହ୍ରୀଂ‍କାରକଂଦାଂକୁରିକା ହ୍ରୀଂ‍କାରୈକପରାୟଣା ।
ହ୍ରୀଂ‍କାରଦୀର୍ଘିକାହଂସୀ ହ୍ରୀଂ‍କାରୋଦ୍ୟାନକେକିନୀ ॥ 40 ॥

ହ୍ରୀଂ‍କାରାରଣ୍ୟହରିଣୀ ହ୍ରୀଂ‍କାରାଵାଲଵଲ୍ଲରୀ ।
ହ୍ରୀଂ‍କାରପଂଜରଶୁକୀ ହ୍ରୀଂ‍କାରାଂଗଣଦୀପିକା ॥ 41 ॥

ହ୍ରୀଂ‍କାରକଂଦରାସିଂହୀ ହ୍ରୀଂ‍କାରାଂଭୋଜଭୃଂଗିକା ।
ହ୍ରୀଂ‍କାରସୁମନୋମାଧ୍ଵୀ ହ୍ରୀଂ‍କାରତରୁମଂଜରୀ ॥ 42 ॥

ସକାରାଖ୍ୟା ସମରସା ସକଲାଗମସଂସ୍ତୁତା ।
ସର୍ଵଵେଦାଂତତାତ୍ପର୍ୟଭୂମିଃ ସଦସଦାଶ୍ରୟା ॥ 43 ॥

ସକଲା ସଚ୍ଚିଦାନଂଦା ସାଧ୍ୟା ସଦ୍ଗତିଦାୟିନୀ ।
ସନକାଦିମୁନିଧ୍ୟେୟା ସଦାଶିଵକୁଟୁଂବିନୀ ॥ 44 ॥

ସକାଲାଧିଷ୍ଠାନରୂପା ସତ୍ୟରୂପା ସମାକୃତିଃ ।
ସର୍ଵପ୍ରପଂଚନିର୍ମାତ୍ରୀ ସମନାଧିକଵର୍ଜିତା ॥ 45 ॥

ସର୍ଵୋତ୍ତୁଂଗା ସଂଗହୀନା ସଗୁଣା ସକଲେଷ୍ଟଦା ।
କକାରିଣୀ କାଵ୍ୟଲୋଲା କାମେଶ୍ଵରମନୋହରା ॥ 46 ॥

କାମେଶ୍ଵରପ୍ରାଣନାଡୀ କାମେଶୋତ୍ସଂଗଵାସିନୀ ।
କାମେଶ୍ଵରାଲିଂଗିତାଂଗୀ କାମେଶ୍ଵରସୁଖପ୍ରଦା ॥ 47 ॥

କାମେଶ୍ଵରପ୍ରଣୟିନୀ କାମେଶ୍ଵରଵିଲାସିନୀ ।
କାମେଶ୍ଵରତପଃସିଦ୍ଧିଃ କାମେଶ୍ଵରମନଃପ୍ରିୟା ॥ 48 ॥

କାମେଶ୍ଵରପ୍ରାଣନାଥା କାମେଶ୍ଵରଵିମୋହିନୀ ।
କାମେଶ୍ଵରବ୍ରହ୍ମଵିଦ୍ୟା କାମେଶ୍ଵରଗୃହେଶ୍ଵରୀ ॥ 49 ॥

କାମେଶ୍ଵରାହ୍ଲାଦକରୀ କାମେଶ୍ଵରମହେଶ୍ଵରୀ ।
କାମେଶ୍ଵରୀ କାମକୋଟିନିଲୟା କାଂକ୍ଷିତାର୍ଥଦା ॥ 50 ॥

ଲକାରିଣୀ ଲବ୍ଧରୂପା ଲବ୍ଧଧୀର୍ଲବ୍ଧଵାଂଛିତା ।
ଲବ୍ଧପାପମନୋଦୂରା ଲବ୍ଧାହଂକାରଦୁର୍ଗମା ॥ 51 ॥

ଲବ୍ଧଶକ୍ତିର୍ଲବ୍ଧଦେହା ଲବ୍ଧୈଶ୍ଵର୍ୟସମୁନ୍ନତିଃ ।
ଲବ୍ଧଵୃଦ୍ଧିର୍ଲବ୍ଧଲୀଲା ଲବ୍ଧୟୌଵନଶାଲିନୀ ॥ 52 ॥

ଲବ୍ଧାତିଶୟସର୍ଵାଂଗସୌଂଦର୍ୟା ଲବ୍ଧଵିଭ୍ରମା ।
ଲବ୍ଧରାଗା ଲବ୍ଧପତିର୍ଲବ୍ଧନାନାଗମସ୍ଥିତିଃ ॥ 53 ॥

ଲବ୍ଧଭୋଗା ଲବ୍ଧସୁଖା ଲବ୍ଧହର୍ଷାଭିପୂରିତା ।
ହ୍ରୀଂ‍କାରମୂର୍ତିର୍ହ୍ରୀଂ‍କାରସୌଧଶୃଂଗକପୋତିକା ॥ 54 ॥

ହ୍ରୀଂ‍କାରଦୁଗ୍ଧାବ୍ଧିସୁଧା ହ୍ରୀଂ‍କାରକମଲେଂଦିରା ।
ହ୍ରୀଂ‍କାରମଣିଦୀପାର୍ଚିର୍ହ୍ରୀଂ‍କାରତରୁଶାରିକା ॥ 55 ॥

ହ୍ରୀଂ‍କାରପେଟକମଣିର୍ହ୍ରୀଂ‍କାରାଦର୍ଶବିଂବିତା ।
ହ୍ରୀଂ‍କାରକୋଶାସିଲତା ହ୍ରୀଂ‍କାରାସ୍ଥାନନର୍ତକୀ ॥ 56 ॥

ହ୍ରୀଂ‍କାରଶୁକ୍ତିକାମୁକ୍ତାମଣିର୍ହ୍ରୀଂ‍କାରବୋଧିତା ।
ହ୍ରୀଂ‍କାରମୟସୌଵର୍ଣସ୍ତଂଭଵିଦ୍ରୁମପୁତ୍ରିକା ॥ 57 ॥

ହ୍ରୀଂ‍କାରଵେଦୋପନିଷଦ୍ ହ୍ରୀଂ‍କାରାଧ୍ଵରଦକ୍ଷିଣା ।
ହ୍ରୀଂ‍କାରନଂଦନାରାମନଵକଲ୍ପକଵଲ୍ଲରୀ ॥ 58 ॥

ହ୍ରୀଂ‍କାରହିମଵଦ୍ଗଂଗା ହ୍ରୀଂ‍କାରାର୍ଣଵକୌସ୍ତୁଭା ।
ହ୍ରୀଂ‍କାରମଂତ୍ରସର୍ଵସ୍ଵା ହ୍ରୀଂ‍କାରପରସୌଖ୍ୟଦା ॥ 59 ॥

ଉତ୍ତରପୀଠିକା (ଫଲଶୃତିଃ)
ହୟଗ୍ରୀଵ ଉଵାଚ ।
ଇତ୍ୟେଵଂ ତେ ମୟାଖ୍ୟାତଂ ଦେଵ୍ୟା ନାମଶତତ୍ରୟମ୍ ।
ରହସ୍ୟାତିରହସ୍ୟତ୍ଵାଦ୍ଗୋପନୀୟଂ ତ୍ଵୟା ମୁନେ ॥ 1 ॥

ଶିଵଵର୍ଣାନି ନାମାନି ଶ୍ରୀଦେଵ୍ୟା କଥିତାନି ହି ।
ଶକ୍ତ୍ୟକ୍ଷରାଣି ନାମାନି କାମେଶକଥିତାନି ଚ ॥ 2 ॥

ଉଭୟାକ୍ଷରନାମାନି ହ୍ୟୁଭାଭ୍ୟାଂ କଥିତାନି ଵୈ ।
ତଦନ୍ୟୈର୍ଗ୍ରଥିତଂ ସ୍ତୋତ୍ରମେତସ୍ୟ ସଦୃଶଂ କିମୁ ॥ 3 ॥

ନାନେନ ସଦୃଶଂ ସ୍ତୋତ୍ରଂ ଶ୍ରୀଦେଵୀପ୍ରୀତିଦାୟକମ୍ ।
ଲୋକତ୍ରୟେଽପି କଲ୍ୟାଣଂ ସଂଭଵେନ୍ନାତ୍ର ସଂଶୟଃ ॥ 4 ॥

ସୂତ ଉଵାଚ ।
ଇତି ହୟମୁଖଗୀତଂ ସ୍ତୋତ୍ରରାଜଂ ନିଶମ୍ୟ
ପ୍ରଗଲିତକଲୁଷୋଽଭୂଚ୍ଚିତ୍ତପର୍ୟାପ୍ତିମେତ୍ୟ ।
ନିଜଗୁରୁମଥ ନତ୍ଵା କୁଂଭଜନ୍ମା ତଦୁକ୍ତଂ
ପୁନରଧିକରହସ୍ୟଂ ଜ୍ଞାତୁମେଵଂ ଜଗାଦ ॥ 5 ॥

ଅଗସ୍ତ୍ୟ ଉଵାଚ ।
ଅଶ୍ଵାନନ ମହାଭାଗ ରହସ୍ୟମପି ମେ ଵଦ ।
ଶିଵଵର୍ଣାନି କାନ୍ୟତ୍ର ଶକ୍ତିଵର୍ଣାନି କାନି ହି ॥ 6 ॥

ଉଭୟୋରପି ଵର୍ଣାନି କାନି ଵା ଵଦ ଦେଶିକ ।
ଇତି ପୃଷ୍ଟଃ କୁଂଭଜେନ ହୟଗ୍ରୀଵୋଽଵଦତ୍ପୁନଃ ॥ 7 ॥

ହୟଗ୍ରୀଵ ଉଵାଚ ।
ତଵ ଗୋପ୍ୟଂ କିମସ୍ତୀହ ସାକ୍ଷାଦଂବାନୁଶାସନାତ୍ ।
ଇଦଂ ତ୍ଵତିରହସ୍ୟଂ ତେ ଵକ୍ଷ୍ୟାମି ଶୃଣୁ କୁଂଭଜ ॥ 8 ॥

ଏତଦ୍ଵିଜ୍ଞାନମାତ୍ରେଣ ଶ୍ରୀଵିଦ୍ୟା ସିଦ୍ଧିଦା ଭଵେତ୍ ।
କତ୍ରୟଂ ହଦ୍ଵୟଂ ଚୈଵ ଶୈଵୋ ଭାଗଃ ପ୍ରକୀର୍ତିତଃ ॥ 9 ॥

ଶକ୍ତ୍ୟକ୍ଷରାଣି ଶେଷାଣି ହ୍ରୀଂକାର ଉଭୟାତ୍ମକଃ ।
ଏଵଂ ଵିଭାଗମଜ୍ଞାତ୍ଵା ୟେ ଵିଦ୍ୟାଜପଶାଲିନଃ ॥ 10 ॥

ନ ତେଷାଂ ସିଦ୍ଧିଦା ଵିଦ୍ୟା କଲ୍ପକୋଟିଶତୈରପି ।
ଚତୁର୍ଭିଃ ଶିଵଚକ୍ରୈଶ୍ଚ ଶକ୍ତିଚକ୍ରୈଶ୍ଚ ପଂଚଭିଃ ॥ 11 ॥

ନଵଚକ୍ରୈଶ୍ଚ ସଂସିଦ୍ଧଂ ଶ୍ରୀଚକ୍ରଂ ଶିଵୟୋର୍ଵପୁଃ ।
ତ୍ରିକୋଣମଷ୍ଟକୋଣଂ ଚ ଦଶକୋଣଦ୍ଵୟଂ ତଥା ॥ 12 ॥

ଚତୁର୍ଦଶାରଂ ଚୈତାନି ଶକ୍ତିଚକ୍ରାଣି ପଂଚ ଚ ।
ବିଂଦୁଶ୍ଚାଷ୍ଟଦଲଂ ପଦ୍ମଂ ପଦ୍ମଂ ଷୋଡଶପତ୍ରକମ୍ ॥ 13 ॥

ଚତୁରଶ୍ରଂ ଚ ଚତ୍ଵାରି ଶିଵଚକ୍ରାଣ୍ୟନୁକ୍ରମାତ୍ ।
ତ୍ରିକୋଣେ ବୈଂଦଵଂ ଶ୍ଲିଷ୍ଟଂ ଅଷ୍ଟାରେଽଷ୍ଟଦଲାଂବୁଜମ୍ ॥ 14 ॥

ଦଶାରୟୋଃ ଷୋଡଶାରଂ ଭୂଗୃହଂ ଭୁଵନାଶ୍ରକେ ।
ଶୈଵାନାମପି ଶାକ୍ତାନାଂ ଚକ୍ରାଣାଂ ଚ ପରସ୍ପରମ୍ ॥ 15 ॥

ଅଵିନାଭାଵସଂବଂଧଂ ୟୋ ଜାନାତି ସ ଚକ୍ରଵିତ୍ ।
ତ୍ରିକୋଣରୂପିଣୀ ଶକ୍ତିର୍ବିଂଦୁରୂପପରଃ ଶିଵଃ ॥ 16 ॥

ଅଵିନାଭାଵସଂବଂଧଂ ତସ୍ମାଦ୍ବିଂଦୁତ୍ରିକୋଣୟୋଃ ।
ଏଵଂ ଵିଭାଗମଜ୍ଞାତ୍ଵା ଶ୍ରୀଚକ୍ରଂ ୟଃ ସମର୍ଚୟେତ୍ ॥ 17 ॥

ନ ତତ୍ଫଲମଵାପ୍ନୋତି ଲଲିତାଂବା ନ ତୁଷ୍ୟତି ।
ୟେ ଚ ଜାନଂତି ଲୋକେଽସ୍ମିନ୍ ଶ୍ରୀଵିଦ୍ୟାଚକ୍ରଵେଦିନଃ ॥ 18 ॥

ସାମନ୍ୟଵେଦିନଃ ସର୍ଵେ ଵିଶେଷଜ୍ଞୋଽତିଦୁର୍ଲଭଃ ।
ସ୍ଵୟଂଵିଦ୍ୟାଵିଶେଷଜ୍ଞୋ ଵିଶେଷଜ୍ଞଂ ସମର୍ଚୟେତ୍ ॥ 19 ॥

ତସ୍ମୈ ଦେୟଂ ତତୋ ଗ୍ରାହ୍ୟମଶକ୍ତସ୍ତସ୍ୟ ଦାପୟେତ୍ ।
ଅଂଧଂ ତମଃ ପ୍ରଵିଶଂତି ୟେଽଵିଦ୍ୟାଂ ସମୁପାସତେ ॥ 20 ॥

ଇତି ଶ୍ରୁତିରପାହୈତାନଵିଦ୍ୟୋପାସକାନ୍ପୁନଃ ।
ଵିଦ୍ୟାନ୍ୟୋପାସକାନେଵ ନିଂଦତ୍ୟାରୁଣିକୀ ଶ୍ରୁତିଃ ॥ 21 ॥

ଅଶ୍ରୁତା ସଶ୍ରୁତାସଶ୍ଚ ୟଜ୍ଵାନୋ ୟେଽପ୍ୟୟଜ୍ଵନଃ ।
ସ୍ଵର୍ୟଂତୋ ନାପେକ୍ଷଂତେ ଇଂଦ୍ରମଗ୍ନିଂ ଚ ୟେ ଵିଦୁଃ ॥ 22 ॥

ସିକତା ଇଵ ସଂୟଂତି ରଶ୍ମିଭିଃ ସମୁଦୀରିତାଃ ।
ଅସ୍ମାଲ୍ଲୋକାଦମୁଷ୍ମାଚ୍ଚେତ୍ୟାହ ଚାରଣ୍ୟକଶ୍ରୁତିଃ ॥ 23 ॥

ୟସ୍ୟ ନୋ ପଶ୍ଚିମଂ ଜନ୍ମ ୟଦି ଵା ଶଂକରଃ ସ୍ଵୟମ୍ ।
ତେନୈଵ ଲଭ୍ୟତେ ଵିଦ୍ୟା ଶ୍ରୀମତ୍ପଂଚଦଶାକ୍ଷରୀ ॥ 24 ॥

ଇତି ମଂତ୍ରେଷୁ ବହୁଧା ଵିଦ୍ୟାୟା ମହିମୋଚ୍ୟତେ ।
ମୋକ୍ଷୈକହେତୁଵିଦ୍ୟା ତୁ ଶ୍ରୀଵିଦ୍ୟା ନାତ୍ର ସଂଶୟଃ ॥ 25 ॥

ନ ଶିଲ୍ପାଦିଜ୍ଞାନୟୁକ୍ତେ ଵିଦ୍ଵଚ୍ଛବ୍ଧଃ ପ୍ରୟୁଜ୍ୟତେ ।
ମୋକ୍ଷୈକହେତୁଵିଦ୍ୟା ସା ଶ୍ରୀଵିଦ୍ୟୈଵ ନ ସଂଶୟଃ ॥ 26 ॥

ତସ୍ମାଦ୍ଵିଦ୍ୟାଵିଦେଵାତ୍ର ଵିଦ୍ଵାନ୍ଵିଦ୍ଵାନିତୀର୍ୟତେ ।
ସ୍ଵୟଂ ଵିଦ୍ୟାଵିଦେ ଦଦ୍ୟାତ୍ଖ୍ୟାପୟେତ୍ତଦ୍ଗୁଣାନ୍ସୁଧୀଃ ॥ 27 ॥

ସ୍ଵୟଂଵିଦ୍ୟାରହସ୍ୟଜ୍ଞୋ ଵିଦ୍ୟାମାହାତ୍ମ୍ୟଵେଦ୍ୟପି ।
ଵିଦ୍ୟାଵିଦଂ ନାର୍ଚୟେଚ୍ଚେତ୍କୋ ଵା ତଂ ପୂଜୟେଜ୍ଜନଃ ॥ 28 ॥

ପ୍ରସଂଗାଦିଦମୁକ୍ତଂ ତେ ପ୍ରକୃତଂ ଶୃଣୁ କୁଂଭଜ ।
ୟଃ କୀର୍ତୟେତ୍ସକୃଦ୍ଭକ୍ତ୍ୟା ଦିଵ୍ୟନାମଶତତ୍ରୟମ୍ ॥ 29 ॥

ତସ୍ୟ ପୁଣ୍ୟମହଂ ଵକ୍ଷ୍ୟେ ଶୃଣୁ ତ୍ଵଂ କୁଂଭସଂଭଵ ।
ରହସ୍ୟନାମସାହସ୍ରପାଠେ ୟତ୍ଫଲମୀରିତମ୍ ॥ 30 ॥

ତତ୍ଫଲଂ କୋଟିଗୁଣିତମେକନାମଜପାଦ୍ଭଵେତ୍ ।
କାମେଶ୍ଵରୀକାମେଶାଭ୍ୟାଂ କୃତଂ ନାମଶତତ୍ରୟମ୍ ॥ 31 ॥

ନାନ୍ୟେନ ତୁଲୟେଦେତତ୍ ସ୍ତୋତ୍ରେଣାନ୍ୟକୃତେନ ଚ ।
ଶ୍ରିୟଃ ପରଂପରା ୟସ୍ୟ ଭାଵି ଵା ଚୋତ୍ତରୋତ୍ତରମ୍ ॥ 32 ॥

ତେନୈଵ ଲଭ୍ୟତେ ଚୈତତ୍ପଶ୍ଚାଚ୍ଛ୍ରେୟଃ ପରୀକ୍ଷୟେତ୍ ।
ଅସ୍ୟା ନାମ୍ନାଂ ତ୍ରିଶତ୍ୟାସ୍ତୁ ମହିମା କେନ ଵର୍ଣ୍ୟତେ ॥ 33 ॥

ୟା ସ୍ଵୟଂ ଶିଵୟୋର୍ଵକ୍ତ୍ରପଦ୍ମାଭ୍ୟାଂ ପରିନିଃସୃତା ।
ନିତ୍ୟଂ ଷୋଡଶସଂଖ୍ୟାକାନ୍ଵିପ୍ରାନାଦୌ ତୁ ଭୋଜୟେତ୍ ॥ 34 ॥

ଅଭ୍ୟକ୍ତାଂସ୍ତିଲତୈଲେନ ସ୍ନାତାନୁଷ୍ଣେନ ଵାରିଣା ।
ଅଭ୍ୟର୍ଚ୍ୟ ଗଂଧପୁଷ୍ପାଦ୍ୟୈଃ କାମେଶ୍ଵର୍ୟାଦିନାମଭିଃ ॥ 35 ॥

ସୂପାପୂପୈଃ ଶର୍କରାଦ୍ୟୈଃ ପାୟସୈଃ ଫଲସଂୟୁତୈଃ ।
ଵିଦ୍ୟାଵିଦୋ ଵିଶେଷେଣ ଭୋଜୟେତ୍ଷୋଡଶ ଦ୍ଵିଜାନ୍ ॥ 36 ॥

ଏଵଂ ନିତ୍ୟାର୍ଚନଂ କୁର୍ୟାଦାଦୌ ବ୍ରାହ୍ମଣଭୋଜନମ୍ ।
ତ୍ରିଶତୀନାମଭିଃ ପଶ୍ଚାଦ୍ବ୍ରାହ୍ମଣାନ୍କ୍ରମଶୋଽର୍ଚୟେତ୍ ॥ 37 ॥

ତୈଲାଭ୍ୟଂଗାଦିକଂ ଦତ୍ଵା ଵିଭଵେ ସତି ଭକ୍ତିତଃ ।
ଶୁକ୍ଲପ୍ରତିପଦାରଭ୍ୟ ପୌର୍ଣମାସ୍ୟଵଧି କ୍ରମାତ୍ ॥ 38 ॥

ଦିଵସେ ଦିଵସେ ଵିପ୍ରା ଭୋଜ୍ୟା ଵିଂଶତିସଂଖ୍ୟୟା ।
ଦଶଭିଃ ପଂଚଭିର୍ଵାପି ତ୍ରିଭିରେକେନ ଵା ଦିନୈଃ ॥ 39 ॥

ତ୍ରିଂଶତ୍ଷଷ୍ଟିଃ ଶତଂ ଵିପ୍ରାଃ ସଂଭୋଜ୍ୟାସ୍ତ୍ରିଶତଂ କ୍ରମାତ୍ ।
ଏଵଂ ୟଃ କୁରୁତେ ଭକ୍ତ୍ୟା ଜନ୍ମମଧ୍ୟେ ସକୃନ୍ନରଃ ॥ 40 ॥

ତସ୍ୟୈଵ ସଫଲଂ ଜନ୍ମ ମୁକ୍ତିସ୍ତସ୍ୟ କରେ ସ୍ଥିରା ।
ରହସ୍ୟନାମସାହସ୍ରଭୋଜନେଽପ୍ୟେଵମେଵ ହି ॥ 41 ॥

ଆଦୌ ନିତ୍ୟବଲିଂ କୁର୍ୟାତ୍ପଶ୍ଚାଦ୍ବ୍ରାହ୍ମଣଭୋଜନମ୍ ।
ରହସ୍ୟନାମସାହସ୍ରମହିମା ୟୋ ମୟୋଦିତଃ ॥ 42 ॥

ସ ଶୀକରାଣୁରତ୍ନୈକନାମ୍ନୋ ମହିମଵାରିଧେଃ ।
ଵାଗ୍ଦେଵୀରଚିତେ ନାମସାହସ୍ରେ ୟଦ୍ୟଦୀରିତମ୍ ॥ 43 ॥

ତତ୍ଫଲଂ କୋଟିଗୁଣିତଂ ନାମ୍ନୋଽପ୍ୟେକସ୍ୟ କୀର୍ତନାତ୍ ।
ଏତଦନ୍ୟୈର୍ଜପୈଃ ସ୍ତୋତ୍ରୈରର୍ଚନୈର୍ୟତ୍ଫଲଂ ଭଵେତ୍ ॥ 44 ॥

ତତ୍ଫଲଂ କୋଟିଗୁଣିତଂ ଭଵେନ୍ନାମଶତତ୍ରୟାତ୍ ।
ଵାଗ୍ଦେଵୀରଚିତେ ସ୍ତୋତ୍ରେ ତାଦୃଶୋ ମହିମା ୟଦି ॥ 45 ॥

ସାକ୍ଷାତ୍କାମେଶକାମେଶୀକୃତେଽସ୍ମିନ୍ଗୃହ୍ୟତାମିତି ।
ସକୃତ୍ସଂକୀର୍ତନାଦେଵ ନାମ୍ନାମସ୍ମିନ୍ ଶତତ୍ରୟେ ॥ 46 ॥

ଭଵେଚ୍ଚିତ୍ତସ୍ୟ ପର୍ୟାପ୍ତିର୍ନ୍ୟୂନମନ୍ୟାନପେକ୍ଷିଣୀ ।
ନ ଜ୍ଞାତଵ୍ୟମିତୋଽପ୍ୟନ୍ୟତ୍ର ଜପ୍ତଵ୍ୟଂ ଚ କୁଂଭଜ ॥ 47 ॥

ୟଦ୍ୟତ୍ସାଧ୍ୟତମଂ କାର୍ୟଂ ତତ୍ତଦର୍ଥମିଦଂ ଜପେତ୍ ।
ତତ୍ତତ୍ଫଲମଵାପ୍ନୋତି ପଶ୍ଚାତ୍କାର୍ୟଂ ପରୀକ୍ଷୟେତ୍ ॥ 48 ॥

ୟେ ୟେ ପ୍ରୟୋଗାସ୍ତଂତ୍ରେଷୁ ତୈସ୍ତୈର୍ୟତ୍ସାଧ୍ୟତେ ଫଲମ୍ ।
ତତ୍ସର୍ଵଂ ସିଧ୍ୟତି କ୍ଷିପ୍ରଂ ନାମତ୍ରିଶତକୀର୍ତନାତ୍ ॥ 49 ॥

ଆୟୁଷ୍କରଂ ପୁଷ୍ଟିକରଂ ପୁତ୍ରଦଂ ଵଶ୍ୟକାରକମ୍ ।
ଵିଦ୍ୟାପ୍ରଦଂ କୀର୍ତିକରଂ ସୁକଵିତ୍ଵପ୍ରଦାୟକମ୍ ॥ 50 ॥

ସର୍ଵସଂପତ୍ପ୍ରଦଂ ସର୍ଵଭୋଗଦଂ ସର୍ଵସୌଖ୍ୟଦମ୍ ।
ସର୍ଵାଭୀଷ୍ଟପ୍ରଦଂ ଚୈଵ ଦେଵ୍ୟା ନାମଶତତ୍ରୟମ୍ ॥ 51 ॥

ଏତଜ୍ଜପପରୋ ଭୂୟାନ୍ନାନ୍ୟଦିଚ୍ଛେତ୍କଦାଚନ ।
ଏତତ୍କୀର୍ତନସଂତୁଷ୍ଟା ଶ୍ରୀଦେଵୀ ଲଲିତାଂବିକା ॥ 52 ॥

ଭକ୍ତସ୍ୟ ୟଦ୍ୟଦିଷ୍ଟଂ ସ୍ୟାତ୍ତତ୍ତତ୍ପୂରୟତେ ଧ୍ରୁଵମ୍ ।
ତସ୍ମାତ୍କୁଂଭୋଦ୍ଭଵ ମୁନେ କୀର୍ତୟ ତ୍ଵମିଦଂ ସଦା ॥ 53 ॥

ନାପରଂ କିଂଚିଦପି ତେ ବୋଦ୍ଧଵ୍ୟମଵଶିଷ୍ୟତେ ।
ଇତି ତେ କଥିତଂ ସ୍ତୋତ୍ରଂ ଲଲିତାପ୍ରୀତିଦାୟକମ୍ ॥ 54 ॥

ନାଵିଦ୍ୟାଵେଦିନେ ବ୍ରୂୟାନ୍ନାଭକ୍ତାୟ କଦାଚନ ।
ନ ଶଠାୟ ନ ଦୁଷ୍ଟାୟ ନାଵିଶ୍ଵାସାୟ କର୍ହିଚିତ୍ ॥ 56 ॥

ୟୋ ବ୍ରୂୟାତ୍ତ୍ରିଶତୀଂ ନାମ୍ନାଂ ତସ୍ୟାନର୍ଥୋ ମହାନ୍ଭଵେତ୍ ।
ଇତ୍ୟାଜ୍ଞା ଶାଂକରୀ ପ୍ରୋକ୍ତା ତସ୍ମାଦ୍ଗୋପ୍ୟମିଦଂ ତ୍ଵୟା ॥ 57 ॥

ଲଲିତାପ୍ରେରିତେନୈଵ ମୟୋକ୍ତଂ ସ୍ତୋତ୍ରମୁତ୍ତମମ୍ ।
ରହସ୍ୟନାମସାହସ୍ରାଦପି ଗୋପ୍ୟମିଦଂ ମୁନେ ॥ 58 ॥

ସୂତ ଉଵାଚ ।
ଏଵମୁକ୍ତ୍ଵା ହୟଗ୍ରୀଵଃ କୁଂଭଜଂ ତାପସୋତ୍ତମମ୍ ।
ସ୍ତୋତ୍ରେଣାନେନ ଲଲିତାଂ ସ୍ତୁତ୍ଵା ତ୍ରିପୁରସୁଂଦରୀମ୍ ।
ଆନଂଦଲହରୀମଗ୍ନମାନସଃ ସମଵର୍ତତ ॥ 59 ॥

ଇତି ବ୍ରହ୍ମାଂଡପୁରାଣେ ଉତ୍ତରଖଂଡେ ହୟଗ୍ରୀଵାଗସ୍ତ୍ୟସଂଵାଦେ ଲଲିତୋପାଖ୍ୟାନେ ସ୍ତୋତ୍ରଖଂଡେ ଶ୍ରୀଲଲିତାତ୍ରିଶତୀସ୍ତୋତ୍ରରତ୍ନମ୍ ।