ଶ୍ରୀ କୃଷ୍ଣ ସହସ୍ର ନାମ ସ୍ତୋତ୍ରମ୍
ଓଂ ଅସ୍ୟ ଶ୍ରୀକୃଷ୍ଣସହସ୍ରନାମସ୍ତୋତ୍ରମଂତ୍ରସ୍ୟ ପରାଶର ଋଷିଃ, ଅନୁଷ୍ଟୁପ୍ ଛଂଦଃ, ଶ୍ରୀକୃଷ୍ଣଃ ପରମାତ୍ମା ଦେଵତା, ଶ୍ରୀକୃଷ୍ଣେତି ବୀଜମ୍, ଶ୍ରୀଵଲ୍ଲଭେତି ଶକ୍ତିଃ, ଶାରଂଗୀତି କୀଲକଂ, ଶ୍ରୀକୃଷ୍ଣପ୍ରୀତ୍ୟର୍ଥେ ଜପେ ଵିନିୟୋଗଃ ॥
ନ୍ୟାସଃ
ପରାଶରାୟ ଋଷୟେ ନମଃ ଇତି ଶିରସି,
ଅନୁଷ୍ଟୁପ୍ ଛଂଦସେ ନମଃ ଇତି ମୁଖେ,
ଗୋପାଲକୃଷ୍ଣଦେଵତାୟୈ ନମଃ ଇତି ହୃଦୟେ,
ଶ୍ରୀକୃଷ୍ଣାୟ ବୀଜାୟ ନମଃ ଇତି ଗୁହ୍ୟେ,
ଶ୍ରୀଵଲ୍ଲଭାୟ ଶକ୍ତ୍ୟୈ ନମଃ ଇତି ପାଦୟୋଃ,
ଶାର୍ଙ୍ଗଧରାୟ କୀଲକାୟ ନମଃ ଇତି ସର୍ଵାଂଗେ ॥
କରନ୍ୟାସଃ
ଶ୍ରୀକୃଷ୍ଣ ଇତ୍ୟାରଭ୍ୟ ଶୂରଵଂଶୈକଧୀରିତ୍ୟଂତାନି ଅଂଗୁଷ୍ଠାଭ୍ୟାଂ ନମଃ ।
ଶୌରିରିତ୍ୟାରଭ୍ୟ ସ୍ଵଭାସୋଦ୍ଭାସିତଵ୍ରଜ ଇତ୍ୟଂତାନି ତର୍ଜନୀଭ୍ୟାଂ ନମଃ ।
କୃତାତ୍ମଵିଦ୍ୟାଵିନ୍ୟାସ ଇତ୍ୟାରଭ୍ୟ ପ୍ରସ୍ଥାନଶକଟାରୂଢ ଇତି ମଧ୍ୟମାଭ୍ୟାଂ ନମଃ,
ବୃଂଦାଵନକୃତାଲୟ ଇତ୍ୟାରଭ୍ୟ ମଧୁରାଜନଵୀକ୍ଷିତ ଇତ୍ୟନାମିକାଭ୍ୟାଂ ନମଃ,
ରଜକପ୍ରତିଘାତକ ଇତ୍ୟାରଭ୍ୟ ଦ୍ଵାରକାପୁରକଲ୍ପନ ଇତି କନିଷ୍ଠିକାଭ୍ୟାଂ ନମଃ
ଦ୍ଵାରକାନିଲୟ ଇତ୍ୟାରଭ୍ୟ ପରାଶର ଇତି କରତଲକରପୃଷ୍ଠାଭ୍ୟାଂ ନମଃ,
ଏଵଂ ହୃଦୟାଦିନ୍ୟାସଃ ॥
ଧ୍ୟାନମ୍
କେଷାଂଚିତ୍ପ୍ରେମପୁଂସାଂ ଵିଗଲିତମନସାଂ ବାଲଲୀଲାଵିଲାସଂ
କେଷାଂ ଗୋପାଲଲୀଲାଂକିତରସିକତନୁର୍ଵେଣୁଵାଦ୍ୟେନ ଦେଵମ୍ ।
କେଷାଂ ଵାମାସମାଜେ ଜନିତମନସିଜୋ ଦୈତ୍ୟଦର୍ପାପହୈଵଂ
ଜ୍ଞାତ୍ଵା ଭିନ୍ନାଭିଲାଷଂ ସ ଜୟତି ଜଗତାମୀଶ୍ଵରସ୍ତାଦୃଶୋଽଭୂତ୍ ॥ 1 ॥
କ୍ଷୀରାବ୍ଧୌ କୃତସଂସ୍ତଵସ୍ସୁରଗଣୈର୍ବ୍ରହ୍ମାଦିଭିଃ ପଂଡିତୈଃ
ପ୍ରୋଦ୍ଭୂତୋ ଵସୁଦେଵସଦ୍ମନି ମୁଦା ଚିକ୍ରୀଡ ୟୋ ଗୋକୁଲେ ।
କଂସଧ୍ଵଂସକୃତେ ଜଗାମ ମଧୁରାଂ ସାରାମସଦ୍ଵାରକାଂ
ଗୋପାଲୋଽଖିଲଗୋପିକାଜନସଖଃ ପାୟାଦପାୟାତ୍ ସ ନଃ ॥ 2 ॥
ଫୁଲ୍ଲେଂଦୀଵରକାଂତିମିଂଦୁଵଦନଂ ବର୍ହାଵତଂସପ୍ରିୟଂ
ଶ୍ରୀଵତ୍ସାଂକମୁଦାରକୌସ୍ତୁଭଧରଂ ପୀତାଂବରଂ ସୁଂଦରମ୍ ।
ଗୋପୀନାଂ ନୟନୋତ୍ପଲାର୍ଚିତତନୁଂ ଗୋଗୋପସଂଘାଵୃତଂ
ଗୋଵିଂଦଂ କଲଵେଣୁଵାଦନରତଂ ଦିଵ୍ୟାଂଗଭୂଷଂ ଭଜେ ॥ 3 ॥
ଓମ୍ ।
କୃଷ୍ଣଃ ଶ୍ରୀଵଲ୍ଲଭଃ ଶାରଂଗୀ ଵିଷ୍ଵକ୍ସେନଃ ସ୍ଵସିଦ୍ଧିଦଃ ।
କ୍ଷୀରୋଦଧାମା ଵ୍ୟୂହେଶଃ ଶେଷଶାୟୀ ଜଗନ୍ମୟଃ ॥ 1 ॥
ଭକ୍ତିଗମ୍ୟସ୍ତ୍ରୟୀମୂର୍ତିର୍ଭାରାର୍ତଵସୁଧାସ୍ତୁତଃ ।
ଦେଵଦେଵୋ ଦୟାସିଂଧୁର୍ଦେଵଦେଵଶିଖାମଣିଃ ॥ 2 ॥
ସୁଖଭାଵସ୍ସୁଖାଧାରୋ ମୁକୁଂଦୋ ମୁଦିତାଶୟଃ ।
ଅଵିକ୍ରିୟଃ କ୍ରିୟାମୂର୍ତିରଧ୍ୟାତ୍ମସ୍ଵସ୍ଵରୂପଵାନ୍ ॥ 3 ॥
ଶିଷ୍ଟାଭିଲକ୍ଷ୍ୟୋ ଭୂତାତ୍ମା ଧର୍ମତ୍ରାଣାର୍ଥଚେଷ୍ଟିତଃ ।
ଅଂତର୍ୟାମୀ କଲାରୂପଃ କାଲାଵୟଵସାକ୍ଷିକଃ ॥ 4 ॥
ଵସୁଧାୟାସହରଣୋ ନାରଦପ୍ରେରଣୋନ୍ମୁଖଃ ।
ପ୍ରଭୂଷ୍ଣୁର୍ନାରଦୋଦ୍ଗୀତୋ ଲୋକରକ୍ଷାପରାୟଣଃ ॥ 5 ॥
ରୌହିଣେୟକୃତାନଂଦୋ ୟୋଗଜ୍ଞାନନିୟୋଜକଃ ।
ମହାଗୁହାଂତର୍ନିକ୍ଷିପ୍ତଃ ପୁରାଣଵପୁରାତ୍ମଵାନ୍ ॥ 6 ॥
ଶୂରଵଂଶୈକଧୀଶ୍ଶୌରିଃ କଂସଶଂକାଵିଷାଦକୃତ୍ ।
ଵସୁଦେଵୋଲ୍ଲସଚ୍ଛକ୍ତିର୍ଦେଵକ୍ୟଷ୍ଟମଗର୍ଭଗଃ ॥ 7 ॥
ଵସୁଦେଵସୁତଃ ଶ୍ରୀମାଂଦେଵକୀନଂଦନୋ ହରିଃ ।
ଆଶ୍ଚର୍ୟବାଲଃ ଶ୍ରୀଵତ୍ସଲକ୍ଷ୍ମଵକ୍ଷାଶ୍ଚତୁର୍ଭୁଜଃ ॥ 8 ॥
ସ୍ଵଭାଵୋତ୍କୃଷ୍ଟସଦ୍ଭାଵଃ କୃଷ୍ଣାଷ୍ଟମ୍ୟଂତସଂଭଵଃ ।
ପ୍ରାଜାପତ୍ୟର୍କ୍ଷସଂଭୂତୋ ନିଶୀଥସମୟୋଦିତଃ ॥ 9 ॥
ଶଂଖଚକ୍ରଗଦାପଦ୍ମପାଣିଃ ପଦ୍ମନିଭେକ୍ଷଣଃ ।
କିରୀଟୀ କୌସ୍ତୁଭୋରସ୍କଃ ସ୍ଫୁରନ୍ମକରକୁଂଡଲଃ ॥ 10 ॥
ପୀତଵାସା ଘନଶ୍ୟାମଃ କୁଂଚିତାଂଚିତକୁଂତଲଃ ।
ସୁଵ୍ୟକ୍ତଵ୍ୟକ୍ତାଭରଣଃ ସୂତିକାଗୃହଭୂଷଣଃ ॥ 11 ॥
କାରାଗାରାଂଧକାରଘ୍ନଃ ପିତୃପ୍ରାଗ୍ଜନ୍ମସୂଚକଃ ।
ଵସୁଦେଵସ୍ତୁତଃ ସ୍ତୋତ୍ରଂ ତାପତ୍ରୟନିଵାରଣଃ ॥ 12 ॥
ନିରଵଦ୍ୟଃ କ୍ରିୟାମୂର୍ତିର୍ନ୍ୟାୟଵାକ୍ୟନିୟୋଜକଃ ।
ଅଦୃଷ୍ଟଚେଷ୍ଟଃ କୂଟସ୍ଥୋ ଧୃତଲୌକିକଵିଗ୍ରହଃ ॥ 13 ॥
ମହର୍ଷିମାନସୋଲ୍ଲାସୋ ମହୀମଂଗଲଦାୟକଃ ।
ସଂତୋଷିତସୁରଵ୍ରାତଃ ସାଧୁଚିତ୍ତପ୍ରସାଦକଃ ॥ 14 ॥
ଜନକୋପାୟନିର୍ଦେଷ୍ଟା ଦେଵକୀନୟନୋତ୍ସଵଃ ।
ପିତୃପାଣିପରିଷ୍କାରୋ ମୋହିତାଗାରରକ୍ଷକଃ ॥ 15 ॥
ସ୍ଵଶକ୍ତ୍ୟୁଦ୍ଧାଟିତାଶେଷକପାଟଃ ପିତୃଵାହକଃ ।
ଶେଷୋରଗଫଣାଚ୍ଛତ୍ରଶ୍ଶେଷୋକ୍ତାଖ୍ୟାସହସ୍ରକଃ ॥ 16 ॥
ୟମୁନାପୂରଵିଧ୍ଵଂସୀ ସ୍ଵଭାସୋଦ୍ଭାସିତଵ୍ରଜଃ ।
କୃତାତ୍ମଵିଦ୍ୟାଵିନ୍ୟାସୋ ୟୋଗମାୟାଗ୍ରସଂଭଵଃ ॥ 17 ॥
ଦୁର୍ଗାନିଵେଦିତୋଦ୍ଭାଵୋ ୟଶୋଦାତଲ୍ପଶାୟକଃ ।
ନଂଦଗୋପୋତ୍ସଵସ୍ଫୂର୍ତିର୍ଵ୍ରଜାନଂଦକରୋଦୟଃ ॥ 18 ॥
ସୁଜାତଜାତକର୍ମ ଶ୍ରୀର୍ଗୋପୀଭଦ୍ରୋକ୍ତିନିର୍ଵୃତଃ ।
ଅଲୀକନିଦ୍ରୋପଗମଃ ପୂତନାସ୍ତନପୀଡନଃ ॥ 19 ॥
ସ୍ତନ୍ୟାତ୍ତପୂତନାପ୍ରାଣଃ ପୂତନାକ୍ରୋଶକାରକଃ ।
ଵିନ୍ୟସ୍ତରକ୍ଷାଗୋଧୂଲିର୍ୟଶୋଦାକରଲାଲିତଃ ॥ 20 ॥
ନଂଦାଘ୍ରାତଶିରୋମଧ୍ୟଃ ପୂତନାସୁଗତିପ୍ରଦଃ ।
ବାଲଃ ପର୍ୟଂକନିଦ୍ରାଲୁର୍ମୁଖାର୍ପିତପଦାଂଗୁଲିଃ ॥ 21 ॥
ଅଂଜନସ୍ନିଗ୍ଧନୟନଃ ପର୍ୟାୟାଂକୁରିତସ୍ମିତଃ ।
ଲୀଲାକ୍ଷସ୍ତରଲାଲୋକଶ୍ଶକଟାସୁରଭଂଜନଃ ॥ 22 ॥
ଦ୍ଵିଜୋଦିତସ୍ଵସ୍ତ୍ୟୟନୋ ମଂତ୍ରପୂତଜଲାପ୍ଲୁତଃ ।
ୟଶୋଦୋତ୍ସଂଗପର୍ୟଂକୋ ୟଶୋଦାମୁଖଵୀକ୍ଷକଃ ॥ 23 ॥
ୟଶୋଦାସ୍ତନ୍ୟମୁଦିତସ୍ତୃଣାଵର୍ତାଦିଦୁସ୍ସହଃ ।
ତୃଣାଵର୍ତାସୁରଧ୍ଵଂସୀ ମାତୃଵିସ୍ମୟକାରକଃ ॥ 24 ॥
ପ୍ରଶସ୍ତନାମକରଣୋ ଜାନୁଚଂକ୍ରମଣୋତ୍ସୁକଃ ।
ଵ୍ୟାଲଂବିଚୂଲିକାରତ୍ନୋ ଘୋଷଗୋପପ୍ରହର୍ଷଣଃ ॥ 25 ॥
ସ୍ଵମୁଖପ୍ରତିବିଂବାର୍ଥୀ ଗ୍ରୀଵାଵ୍ୟାଘ୍ରନଖୋଜ୍ଜ୍ଵଲଃ ।
ପଂକାନୁଲେପରୁଚିରୋ ମାଂସଲୋରୁକଟୀତଟଃ ॥ 26 ॥
ଘୃଷ୍ଟଜାନୁକରଦ୍ଵଂଦ୍ଵଃ ପ୍ରତିବିଂବାନୁକାରକୃତ୍ ।
ଅଵ୍ୟକ୍ତଵର୍ଣଵାଗ୍ଵୃତ୍ତିଃ ସ୍ମିତଲକ୍ଷ୍ୟରଦୋଦ୍ଗମଃ ॥ 27 ॥
ଧାତ୍ରୀକରସମାଲଂବୀ ପ୍ରସ୍ଖଲଚ୍ଚିତ୍ରଚଂକ୍ରମଃ ।
ଅନୁରୂପଵୟସ୍ୟାଢ୍ୟଶ୍ଚାରୁକୌମାରଚାପଲଃ ॥ 28 ॥
ଵତ୍ସପୁଚ୍ଛସମାକୃଷ୍ଟୋ ଵତ୍ସପୁଚ୍ଛଵିକର୍ଷଣଃ ।
ଵିସ୍ମାରିତାନ୍ୟଵ୍ୟାପାରୋ ଗୋପଗୋପୀମୁଦାଵହଃ ॥ 29 ॥
ଅକାଲଵତ୍ସନିର୍ମୋକ୍ତା ଵ୍ରଜଵ୍ୟାକ୍ରୋଶସୁସ୍ମିତଃ ।
ନଵନୀତମହାଚୋରୋ ଦାରକାହାରଦାୟକଃ ॥ 30 ॥
ପୀଠୋଲୂଖଲସୋପାନଃ କ୍ଷୀରଭାଂଡଵିଭେଦନଃ ।
ଶିକ୍ୟଭାଂଡସମାକର୍ଷୀ ଧ୍ଵାଂତାଗାରପ୍ରଵେଶକୃତ୍ ॥ 31 ॥
ଭୂଷାରତ୍ନପ୍ରକାଶାଢ୍ୟୋ ଗୋପ୍ୟୁପାଲଂଭଭର୍ତ୍ସିତଃ ।
ପରାଗଧୂସରାକାରୋ ମୃଦ୍ଭକ୍ଷଣକୃତେକ୍ଷଣଃ ॥ 32 ॥
ବାଲୋକ୍ତମୃତ୍କଥାରଂଭୋ ମିତ୍ରାଂତର୍ଗୂଢଵିଗ୍ରହଃ ।
କୃତସଂତ୍ରାସଲୋଲାକ୍ଷୋ ଜନନୀପ୍ରତ୍ୟୟାଵହଃ ॥ 33॥
ମାତୃଦୃଶ୍ୟାତ୍ତଵଦନୋ ଵକ୍ତ୍ରଲକ୍ଷ୍ୟଚରାଚରଃ ।
ୟଶୋଦାଲାଲିତସ୍ଵାତ୍ମା ସ୍ଵୟଂ ସ୍ଵାଚ୍ଛଂଦ୍ୟମୋହନଃ ॥ 34 ॥
ସଵିତ୍ରୀସ୍ନେହସଂଶ୍ଲିଷ୍ଟଃ ସଵିତ୍ରୀସ୍ତନଲୋଲୁପଃ ।
ନଵନୀତାର୍ଥନାପ୍ରହ୍ଵୋ ନଵନୀତମହାଶନଃ ॥ 35 ॥
ମୃଷାକୋପପ୍ରକଂପୋଷ୍ଠୋ ଗୋଷ୍ଠାଂଗଣଵିଲୋକନଃ ।
ଦଧିମଂଥଘଟୀଭେତ୍ତା କିଂକିଣୀକ୍ଵାଣସୂଚିତଃ ॥ 36 ॥
ହୈୟଂଗଵୀନରସିକୋ ମୃଷାଶ୍ରୁଶ୍ଚୌର୍ୟଶଂକିତଃ ।
ଜନନୀଶ୍ରମଵିଜ୍ଞାତା ଦାମବଂଧନିୟଂତ୍ରିତଃ ॥ 37 ॥
ଦାମାକଲ୍ପଶ୍ଚଲାପାଂଗୋ ଗାଢୋଲୂଖଲବଂଧନଃ ।
ଆକୃଷ୍ଟୋଲୂଖଲୋଽନଂତଃ କୁବେରସୁତଶାପଵିତ୍ ॥ । 38 ॥
ନାରଦୋକ୍ତିପରାମର୍ଶୀ ୟମଲାର୍ଜୁନଭଂଜନଃ ।
ଧନଦାତ୍ମଜସଂଘୁଷ୍ଟୋ ନଂଦମୋଚିତବଂଧନଃ ॥ 39 ॥
ବାଲକୋଦ୍ଗୀତନିରତୋ ବାହୁକ୍ଷେପୋଦିତପ୍ରିୟଃ ।
ଆତ୍ମଜ୍ଞୋ ମିତ୍ରଵଶଗୋ ଗୋପୀଗୀତଗୁଣୋଦୟଃ ॥ 40 ॥
ପ୍ରସ୍ଥାନଶକଟାରୂଢୋ ବୃଂଦାଵନକୃତାଲୟଃ ।
ଗୋଵତ୍ସପାଲନୈକାଗ୍ରୋ ନାନାକ୍ରୀଡାପରିଚ୍ଛଦଃ ॥ 41 ॥
କ୍ଷେପଣୀକ୍ଷେପଣପ୍ରୀତୋ ଵେଣୁଵାଦ୍ୟଵିଶାରଦଃ ।
ଵୃଷଵତ୍ସାନୁକରଣୋ ଵୃଷଧ୍ଵାନଵିଡଂବନଃ ॥ 42 ॥
ନିୟୁଦ୍ଧଲୀଲାସଂହୃଷ୍ଟଃ କୂଜାନୁକୃତକୋକିଲଃ ।
ଉପାତ୍ତହଂସଗମନସ୍ସର୍ଵଜଂତୁରୁତାନୁକୃତ୍ ॥ 43 ॥
ଭୃଂଗାନୁକାରୀ ଦଧ୍ୟନ୍ନଚୋରୋ ଵତ୍ସପୁରସ୍ସରଃ ।
ବଲୀ ବକାସୁରଗ୍ରାହୀ ବକତାଲୁପ୍ରଦାହକଃ ॥ 44 ॥
ଭୀତଗୋପାର୍ଭକାହୂତୋ ବକଚଂଚୁଵିଦାରଣଃ ।
ବକାସୁରାରିର୍ଗୋପାଲୋ ବାଲୋ ବାଲାଦ୍ଭୁତାଵହଃ ॥ 45 ॥
ବଲଭଦ୍ରସମାଶ୍ଲିଷ୍ଟଃ କୃତକ୍ରୀଡାନିଲାୟନଃ ।
କ୍ରୀଡାସେତୁନିଧାନଜ୍ଞଃ ପ୍ଲଵଂଗୋତ୍ପ୍ଲଵନୋଽଦ୍ଭୁତଃ ॥ 46 ॥
କଂଦୁକକ୍ରୀଡନୋ ଲୁପ୍ତନଂଦାଦିଭଵଵେଦନଃ ।
ସୁମନୋଽଲଂକୃତଶିରାଃ ସ୍ଵାଦୁସ୍ନିଗ୍ଧାନ୍ନଶିକ୍ୟଭୃତ୍ ॥ 47 ॥
ଗୁଂଜାପ୍ରାଲଂବନଚ୍ଛନ୍ନଃ ପିଂଛୈରଲକଵେଷକୃତ୍ ।
ଵନ୍ୟାଶନପ୍ରିୟଃ ଶୃଂଗରଵାକାରିତଵତ୍ସକଃ ॥ 48 ॥
ମନୋଜ୍ଞପଲ୍ଲଵୋତ୍ତଂସପୁଷ୍ପସ୍ଵେଚ୍ଛାତ୍ତଷଟ୍ପଦଃ ।
ମଂଜୁଶିଂଜିତମଂଜୀରଚରଣଃ କରକଂକଣଃ ॥ 49 ॥
ଅନ୍ୟୋନ୍ୟଶାସନଃ କ୍ରୀଡାପଟୁଃ ପରମକୈତଵଃ ।
ପ୍ରତିଧ୍ଵାନପ୍ରମୁଦିତଃ ଶାଖାଚତୁରଚଂକ୍ରମଃ ॥ 50 ॥
ଅଘଦାନଵସଂହର୍ତା ଵ୍ରଜଵିଘ୍ନଵିନାଶନଃ ।
ଵ୍ରଜସଂଜୀଵନଃ ଶ୍ରେୟୋନିଧିର୍ଦାନଵମୁକ୍ତିଦଃ ॥ 51 ॥
କାଲିଂଦୀପୁଲିନାସୀନସ୍ସହଭୁକ୍ତଵ୍ରଜାର୍ଭକଃ ।
କକ୍ଷାଜଠରଵିନ୍ୟସ୍ତଵେଣୁର୍ଵଲ୍ଲଵଚେଷ୍ଟିତଃ ॥ 52 ॥
ଭୁଜସଂଧ୍ୟଂତରନ୍ୟସ୍ତଶୃଂଗଵେତ୍ରଃ ଶୁଚିସ୍ମିତଃ ।
ଵାମପାଣିସ୍ଥଦଧ୍ୟନ୍ନକବଲଃ କଲଭାଷଣଃ ॥ 53 ॥
ଅଂଗୁଲ୍ୟଂତରଵିନ୍ୟସ୍ତଫଲଃ ପରମପାଵନଃ ।
ଅଦୃଶ୍ୟତର୍ଣକାନ୍ଵେଷୀ ଵଲ୍ଲଵାର୍ଭକଭୀତିହା ॥ 54 ॥
ଅଦୃଷ୍ଟଵତ୍ସପଵ୍ରାତୋ ବ୍ରହ୍ମଵିଜ୍ଞାତଵୈଭଵଃ ।
ଗୋଵତ୍ସଵତ୍ସପାନ୍ଵେଷୀ ଵିରାଟ୍-ପୁରୁଷଵିଗ୍ରହଃ ॥ 55 ॥
ସ୍ଵସଂକଲ୍ପାନୁରୂପାର୍ଥୋ ଵତ୍ସଵତ୍ସପରୂପଧୃକ୍ ।
ୟଥାଵତ୍ସକ୍ରିୟାରୂପୋ ୟଥାସ୍ଥାନନିଵେଶନଃ ॥ 56 ॥
ୟଥାଵ୍ରଜାର୍ଭକାକାରୋ ଗୋଗୋପୀସ୍ତନ୍ୟପସ୍ସୁଖୀ ।
ଚିରାଦ୍ଵଲୋହିତୋ ଦାଂତୋ ବ୍ରହ୍ମଵିଜ୍ଞାତଵୈଭଵଃ ॥ 57 ॥
ଵିଚିତ୍ରଶକ୍ତିର୍ଵ୍ୟାଲୀନସୃଷ୍ଟଗୋଵତ୍ସଵତ୍ସପଃ ।
ବ୍ରହ୍ମତ୍ରପାକରୋ ଧାତୃସ୍ତୁତସ୍ସର୍ଵାର୍ଥସାଧକଃ ॥ 58 ॥
ବ୍ରହ୍ମ ବ୍ରହ୍ମମୟୋଽଵ୍ୟକ୍ତସ୍ତେଜୋରୂପସ୍ସୁଖାତ୍ମକଃ ।
ନିରୁକ୍ତଂ ଵ୍ୟାକୃତିର୍ଵ୍ୟକ୍ତୋ ନିରାଲଂବନଭାଵନଃ ॥ 59 ॥
ପ୍ରଭଵିଷ୍ଣୁରତଂତ୍ରୀକୋ ଦେଵପକ୍ଷାର୍ଥରୂପଧୃକ୍ ।
ଅକାମସ୍ସର୍ଵଵେଦାଦିରଣୀୟସ୍ଥୂଲରୂପଵାନ୍ ॥ 60 ॥
ଵ୍ୟାପୀ ଵ୍ୟାପ୍ୟଃ କୃପାକର୍ତା ଵିଚିତ୍ରାଚାରସମ୍ମତଃ ।
ଛଂଦୋମୟଃ ପ୍ରଧାନାତ୍ମା ମୂର୍ତାମୂର୍ତିଦ୍ଵୟାକୃତିଃ ॥ 61 ॥
ଅନେକମୂର୍ତିରକ୍ରୋଧଃ ପରଃ ପ୍ରକୃତିରକ୍ରମଃ ।
ସକଲାଵରଣୋପେତସ୍ସର୍ଵଦେଵୋ ମହେଶ୍ଵରଃ ॥ 62 ॥
ମହାପ୍ରଭାଵନଃ ପୂର୍ଵଵତ୍ସଵତ୍ସପଦର୍ଶକଃ ।
କୃଷ୍ଣୟାଦଵଗୋପାଲୋ ଗୋପାଲୋକନହର୍ଷିତଃ ॥ 63 ॥
ସ୍ମିତେକ୍ଷାହର୍ଷିତବ୍ରହ୍ମା ଭକ୍ତଵତ୍ସଲଵାକ୍ପ୍ରିୟଃ ।
ବ୍ରହ୍ମାନଂଦାଶ୍ରୁଧୌତାଂଘ୍ରିର୍ଲୀଲାଵୈଚିତ୍ର୍ୟକୋଵିଦଃ ॥ 64 ॥
ବଲଭଦ୍ରୈକହୃଦୟୋ ନାମାକାରିତଗୋକୁଲଃ ।
ଗୋପାଲବାଲକୋ ଭଵ୍ୟୋ ରଜ୍ଜୁୟଜ୍ଞୋପଵୀତଵାନ୍ ॥ 65 ॥
ଵୃକ୍ଷଚ୍ଛାୟାହତାଶାଂତିର୍ଗୋପୋତ୍ସଂଗୋପବର୍ହଣଃ ।
ଗୋପସଂଵାହିତପଦୋ ଗୋପଵ୍ୟଜନଵୀଜିତଃ ॥ 66।
ଗୋପଗାନସୁଖୋନ୍ନିଦ୍ରଃ ଶ୍ରୀଦାମାର୍ଜିତସୌହୃଦଃ ।
ସୁନଂଦସୁହୃଦେକାତ୍ମା ସୁବଲପ୍ରାଣରଂଜନଃ ॥ 67 ॥
ତାଲୀଵନକୃତକ୍ରୀଡୋ ବଲପାତିତଧେନୁକଃ ।
ଗୋପୀସୌଭାଗ୍ୟସଂଭାଵ୍ୟୋ ଗୋଧୂଲିଚ୍ଛୁରିତାଲକଃ ॥ 68 ॥
ଗୋପୀଵିରହସଂତପ୍ତୋ ଗୋପିକାକୃତମଜ୍ଜନଃ ।
ପ୍ରଲଂବବାହୁରୁତ୍ଫୁଲ୍ଲପୁଂଡରୀକାଵତଂସକଃ ॥ 69 ॥
ଵିଲାସଲଲିତସ୍ମେରଗର୍ଭଲୀଲାଵଲୋକନଃ ।
ସ୍ରଗ୍ଭୂଷଣାନୁଲେପାଢ୍ୟୋ ଜନନ୍ୟୁପହୃତାନ୍ନଭୁକ୍ ॥ 70 ॥
ଵରଶୟ୍ୟାଶୟୋ ରାଧାପ୍ରେମସଲ୍ଲାପନିର୍ଵୃତଃ ।
ୟମୁନାତଟସଂଚାରୀ ଵିଷାର୍ତଵ୍ରଜହର୍ଷଦଃ ॥ 71 ॥
କାଲିୟକ୍ରୋଧଜନକଃ ଵୃଦ୍ଧାହିକୁଲଵେଷ୍ଟିତଃ ।
କାଲିୟାହିଫଣାରଂଗନଟଃ କାଲିୟମର୍ଦନଃ ॥ 72 ॥
ନାଗପତ୍ନୀସ୍ତୁତିପ୍ରୀତୋ ନାନାଵେଷସମୃଦ୍ଧିକୃତ୍ ।
ଅଵିଷ୍ଵକ୍ତଦୃଗାତ୍ମେଶଃ ସ୍ଵଦୃଗାତ୍ମସ୍ତୁତିପ୍ରିୟଃ ॥ 73 ॥
ସର୍ଵେଶ୍ଵରସ୍ସର୍ଵଗୁଣଃ ପ୍ରସିଦ୍ଧସ୍ସର୍ଵସାତ୍ଵତଃ ।
ଅକୁଂଠଧାମା ଚଂଦ୍ରାର୍କଦୃଷ୍ଟିରାକାଶନିର୍ମଲଃ ॥ 74 ॥
ଅନିର୍ଦେଶ୍ୟଗତିର୍ନାଗଵନିତାପତିଭୈକ୍ଷଦଃ ।
ସ୍ଵାଂଘ୍ରିମୁଦ୍ରାଂକନାଗେଂଦ୍ରମୂର୍ଧା କାଲିୟସଂସ୍ତୁତଃ ॥ 75 ॥
ଅଭୟୋ ଵିଶ୍ଵତଶ୍ଚକ୍ଷୁଃ ସ୍ତୁତୋତ୍ତମଗୁଣଃ ପ୍ରଭୁଃ ।
ଅହମାତ୍ମା ମରୁତ୍ପ୍ରାଣଃ ପରମାତ୍ମା ଦ୍ୟୁଶୀର୍ଷଵାନ୍ ॥ 76 ॥
ନାଗୋପାୟନହୃଷ୍ଟାତ୍ମା ହ୍ରଦୋତ୍ସାରିତକାଲିୟଃ ।
ବଲଭଦ୍ରସୁଖାଲାପୋ ଗୋପାଲିଂଗନନିର୍ଵୃତଃ ॥ 77 ॥
ଦାଵାଗ୍ନିଭୀତଗୋପାଲଗୋପ୍ତା ଦାଵାଗ୍ନିନାଶନଃ ।
ନୟନାଚ୍ଛାଦନକ୍ରୀଡାଲଂପଟୋ ନୃପଚେଷ୍ଟିତଃ ॥ 78 ॥
କାକପକ୍ଷଧରସ୍ସୌମ୍ୟୋ ବଲଵାହକକେଲିମାନ୍ ।
ବଲଘାତିତଦୁର୍ଧର୍ଷପ୍ରଲଂବୋ ବଲଵତ୍ସଲଃ ॥ 79 ॥
ମୁଂଜାଟଵ୍ୟଗ୍ନିଶମନଃ ପ୍ରାଵୃଟ୍କାଲଵିନୋଦଵାନ୍ ।
ଶିଲାନ୍ୟସ୍ତାନ୍ନଭୃଦ୍ଦୈତ୍ୟସଂହର୍ତା ଶାଦ୍ଵଲାସନଃ ॥ 80 ॥
ସଦାପ୍ତଗୋପିକୋଦ୍ଗୀତଃ କର୍ଣିକାରାଵତଂସକଃ ।
ନଟଵେଷଧରଃ ପଦ୍ମମାଲାଂକୋ ଗୋପିକାଵୃତଃ ॥ 81 ॥
ଗୋପୀମନୋହରାପାଂଗୋ ଵେଣୁଵାଦନତତ୍ପରଃ ।
ଵିନ୍ୟସ୍ତଵଦନାଂଭୋଜଶ୍ଚାରୁଶବ୍ଦକୃତାନନଃ ॥ 82 ॥
ବିଂବାଧରାର୍ପିତୋଦାରଵେଣୁର୍ଵିଶ୍ଵଵିମୋହନଃ ।
ଵ୍ରଜସଂଵର୍ଣିତଶ୍ରାଵ୍ୟଵେଣୁନାଦଃ ଶ୍ରୁତିପ୍ରିୟଃ ॥ 83 ॥
ଗୋଗୋପଗୋପୀଜନ୍ମେପ୍ସୁର୍ବ୍ରହ୍ମେଂଦ୍ରାଦ୍ୟଭିଵଂଦିତଃ ।
ଗୀତସ୍ନୁତିସରିତ୍ପୂରୋ ନାଦନର୍ତିତବର୍ହିଣଃ ॥ 84 ॥
ରାଗପଲ୍ଲଵିତସ୍ଥାଣୁର୍ଗୀତାନମିତପାଦପଃ ।
ଵିସ୍ମାରିତତୃଣଗ୍ରାସମୃଗୋ ମୃଗଵିଲୋଭିତଃ ॥ 85 ॥
ଵ୍ୟାଘ୍ରାଦିହିଂସ୍ରସହଜଵୈରହର୍ତା ସୁଗାୟନଃ ।
ଗାଢୋଦୀରିତଗୋବୃଂଦପ୍ରେମୋତ୍କର୍ଣିତତର୍ଣକଃ ॥ 86 ॥
ନିଷ୍ପଂଦୟାନବ୍ରହ୍ମାଦିଵୀକ୍ଷିତୋ ଵିଶ୍ଵଵଂଦିତଃ ।
ଶାଖୋତ୍କର୍ଣଶକୁଂତୌଘଶ୍ଛତ୍ରାୟିତବଲାହକଃ ॥ 87 ॥
ପ୍ରସନ୍ନଃ ପରମାନଂଦଶ୍ଚିତ୍ରାୟିତଚରାଚରଃ ।
ଗୋପିକାମଦନୋ ଗୋପୀକୁଚକୁଂକୁମମୁଦ୍ରିତଃ ॥ 88 ॥
ଗୋପିକନ୍ୟାଜଲକ୍ରୀଡାହୃଷ୍ଟୋ ଗୋପ୍ୟଂଶୁକାପହୃତ୍ ।
ସ୍କଂଧାରୋପିତଗୋପସ୍ତ୍ରୀଵାସାଃ କୁଂଦନିଭସ୍ମିତଃ ॥ 89 ॥
ଗୋପୀନେତ୍ରୋତ୍ପଲଶଶୀ ଗୋପିକାୟାଚିତାଂଶୁକଃ ।
ଗୋପୀନମସ୍କ୍ରିୟାଦେଷ୍ଟା ଗୋପ୍ୟେକକରଵଂଦିତଃ ॥ 90 ॥
ଗୋପ୍ୟଂଜଲିଵିଶେଷାର୍ଥୀ ଗୋପକ୍ରୀଡାଵିଲୋଭିତଃ ।
ଶାଂତଵାସସ୍ଫୁରଦ୍ଗୋପୀକୃତାଂଜଲିରଘାପହଃ ॥ 91 ॥
ଗୋପୀକେଲିଵିଲାସାର୍ଥୀ ଗୋପୀସଂପୂର୍ଣକାମଦଃ ।
ଗୋପସ୍ତ୍ରୀଵସ୍ତ୍ରଦୋ ଗୋପୀଚିତ୍ତଚୋରଃ କୁତୂହଲୀ ॥ 92 ॥
ବୃଂଦାଵନପ୍ରିୟୋ ଗୋପବଂଧୁର୍ୟଜ୍ଵାନ୍ନୟାଚିତା ।
ୟଜ୍ଞେଶୋ ୟଜ୍ଞଭାଵଜ୍ଞୋ ୟଜ୍ଞପତ୍ନ୍ୟଭିଵାଂଛିତଃ ॥ 93 ॥
ମୁନିପତ୍ନୀଵିତୀର୍ଣାନ୍ନତୃପ୍ତୋ ମୁନିଵଧୂପ୍ରିୟଃ ।
ଦ୍ଵିଜପତ୍ନ୍ୟଭିଭାଵଜ୍ଞୋ ଦ୍ଵିଜପତ୍ନୀଵରପ୍ରଦଃ ॥ 94 ॥
ପ୍ରତିରୁଦ୍ଧସତୀମୋକ୍ଷପ୍ରଦୋ ଦ୍ଵିଜଵିମୋହିତା ।
ମୁନିଜ୍ଞାନପ୍ରଦୋ ୟଜ୍ଵସ୍ତୁତୋ ଵାସଵୟାଗଵିତ୍ ॥ 95 ॥
ପିତୃପ୍ରୋକ୍ତକ୍ରିୟାରୂପଶକ୍ରୟାଗନିଵାରଣଃ ।
ଶକ୍ରାଽମର୍ଷକରଶ୍ଶକ୍ରଵୃଷ୍ଟିପ୍ରଶମନୋନ୍ମୁଖଃ ॥ 96 ॥
ଗୋଵର୍ଧନଧରୋ ଗୋପଗୋବୃଂଦତ୍ରାଣତତ୍ପରଃ ।
ଗୋଵର୍ଧନଗିରିଚ୍ଛତ୍ରଚଂଡଦଂଡଭୁଜାର୍ଗଲଃ ॥ 97 ॥
ସପ୍ତାହଵିଧୃତାଦ୍ରୀଂଦ୍ରୋ ମେଘଵାହନଗର୍ଵହା ।
ଭୁଜାଗ୍ରୋପରିଵିନ୍ୟସ୍ତକ୍ଷ୍ମାଧରକ୍ଷ୍ମାଭୃଦଚ୍ୟୁତଃ ॥ 98 ॥
ସ୍ଵସ୍ଥାନସ୍ଥାପିତଗିରିର୍ଗୋପୀଦଧ୍ୟକ୍ଷତାର୍ଚିତଃ ।
ସୁମନସ୍ସୁମନୋଵୃଷ୍ଟିହୃଷ୍ଟୋ ଵାସଵଵଂଦିତଃ ॥ 99 ॥
କାମଧେନୁପୟଃପୂରାଭିଷିକ୍ତସ୍ସୁରଭିସ୍ତୁତଃ ।
ଧରାଂଘ୍ରିରୋଷଧୀରୋମା ଧର୍ମଗୋପ୍ତା ମନୋମୟଃ ॥ 100 ॥
ଜ୍ଞାନୟଜ୍ଞପ୍ରିୟଶ୍ଶାସ୍ତ୍ରନେତ୍ରସ୍ସର୍ଵାର୍ଥସାରଥିଃ ।
ଐରାଵତକରାନୀତଵିୟଦ୍ଗଂଗାପ୍ଲୁତୋ ଵିଭୁଃ ॥ 101 ॥
ବ୍ରହ୍ମାଭିଷିକ୍ତୋ ଗୋଗୋପ୍ତା ସର୍ଵଲୋକଶୁଭଂକରଃ ।
ସର୍ଵଵେଦମୟୋ ମଗ୍ନନଂଦାନ୍ଵେଷିପିତୃପ୍ରିୟଃ ॥ 102 ॥
ଵରୁଣୋଦୀରିତାତ୍ମେକ୍ଷାକୌତୁକୋ ଵରୁଣାର୍ଚିତଃ ।
ଵରୁଣାନୀତଜନକୋ ଗୋପଜ୍ଞାତାତ୍ମଵୈଭଵଃ ॥ 103 ॥
ସ୍ଵର୍ଲୋକାଲୋକସଂହୃଷ୍ଟଗୋପଵର୍ଗତ୍ରିଵର୍ଗଦଃ ।
ବ୍ରହ୍ମହୃଦ୍ଗୋପିତୋ ଗୋପଦ୍ରଷ୍ଟା ବ୍ରହ୍ମପଦପ୍ରଦଃ ॥ 104 ॥
ଶରଚ୍ଚଂଦ୍ରଵିହାରୋତ୍କଃ ଶ୍ରୀପତିର୍ଵଶକୋ କ୍ଷମଃ ।
ଭୟାପହୋ ଭର୍ତୃରୁଦ୍ଧଗୋପିକାଧ୍ୟାନଗୋଚରଃ ॥ 105 ॥
ଗୋପିକାନୟନାସ୍ଵାଦ୍ୟୋ ଗୋପୀନର୍ମୋକ୍ତିନିର୍ଵୃତଃ ।
ଗୋପିକାମାନହରଣୋ ଗୋପିକାଶତୟୂଥପଃ ॥ 106 ॥
ଵୈଜୟଂତୀସ୍ରଗାକଲ୍ପୋ ଗୋପିକାମାନଵର୍ଧନଃ ।
ଗୋପକାଂତାସୁନିର୍ଦେଷ୍ଟା କାଂତୋ ମନ୍ମଥମନ୍ମଥଃ ॥ 107 ॥
ସ୍ଵାତ୍ମାସ୍ୟଦତ୍ତତାଂବୂଲଃ ଫଲିତୋତ୍କୃଷ୍ଟୟୌଵନଃ ।
ଵଲ୍ଲଵୀସ୍ତନସକ୍ତାକ୍ଷୋ ଵଲ୍ଲଵୀପ୍ରେମଚାଲିତଃ ॥ 108 ॥
ଗୋପୀଚେଲାଂଚଲାସୀନୋ ଗୋପୀନେତ୍ରାବ୍ଜଷଟ୍ପଦଃ ।
ରାସକ୍ରୀଡାସମାସକ୍ତୋ ଗୋପୀମଂଡଲମଂଡନଃ ॥ 109 ॥
ଗୋପୀହେମମଣିଶ୍ରେଣିମଧ୍ୟେଂଦ୍ରମଣିରୁଜ୍ଜ୍ଵଲଃ ।
ଵିଦ୍ୟାଧରେଂଦୁଶାପଘ୍ନଶ୍ଶଂଖଚୂଡଶିରୋହରଃ ॥ 110 ॥
ଶଂଖଚୂଡଶିରୋରତ୍ନସଂପ୍ରୀଣିତବଲୋଽନଘଃ ।
ଅରିଷ୍ଟାରିଷ୍ଟକୃଦ୍ଦୁଷ୍ଟକେଶିଦୈତ୍ୟନିଷୂଦନଃ ॥ 111 ॥
ସରସସ୍ସସ୍ମିତମୁଖସ୍ସୁସ୍ଥିରୋ ଵିରହାକୁଲଃ ।
ସଂକର୍ଷଣାର୍ପିତପ୍ରୀତିରକ୍ରୂରଧ୍ୟାନଗୋଚରଃ ॥ 112 ॥
ଅକ୍ରୂରସଂସ୍ତୁତୋ ଗୂଢୋ ଗୁଣଵୃତ୍ୟୁପଲକ୍ଷିତଃ ।
ପ୍ରମାଣଗମ୍ୟସ୍ତନ୍ମାତ୍ରାଽଵୟଵୀ ବୁଦ୍ଧିତତ୍ପରଃ ॥ 113 ॥
ସର୍ଵପ୍ରମାଣପ୍ରମଧୀସ୍ସର୍ଵପ୍ରତ୍ୟୟସାଧକଃ ।
ପୁରୁଷଶ୍ଚ ପ୍ରଧାନାତ୍ମା ଵିପର୍ୟାସଵିଲୋଚନଃ ॥ 114 ॥
ମଧୁରାଜନସଂଵୀକ୍ଷ୍ୟୋ ରଜକପ୍ରତିଘାତକଃ ।
ଵିଚିତ୍ରାଂବରସଂଵୀତୋ ମାଲାକାରଵରପ୍ରଦଃ ॥ 115 ॥
କୁବ୍ଜାଵକ୍ରତ୍ଵନିର୍ମୋକ୍ତା କୁବ୍ଜାୟୌଵନଦାୟକଃ ।
କୁବ୍ଜାଂଗରାଗସୁରଭିଃ କଂସକୋଦଂଡଖଂଡନଃ ॥ 116 ॥
ଧୀରଃ କୁଵଲୟାପୀଡମର୍ଦନଃ କଂସଭୀତିକୃତ୍ ।
ଦଂତିଦଂତାୟୁଧୋ ରଂଗତ୍ରାସକୋ ମଲ୍ଲୟୁଦ୍ଧଵିତ୍ ॥ 117 ॥
ଚାଣୂରହଂତା କଂସାରିର୍ଦେଵକୀହର୍ଷଦାୟକଃ ।
ଵସୁଦେଵପଦାନମ୍ରଃ ପିତୃବଂଧଵିମୋଚନଃ ॥ 118 ॥
ଉର୍ଵୀଭୟାପହୋ ଭୂପ ଉଗ୍ରସେନାଧିପତ୍ୟଦଃ ।
ଆଜ୍ଞାସ୍ଥିତଶଚୀନାଥସ୍ସୁଧର୍ମାନୟନକ୍ଷମଃ ॥ 119 ॥
ଆଦ୍ୟୋ ଦ୍ଵିଜାତିସତ୍କର୍ତା ଶିଷ୍ଟାଚାରପ୍ରଦର୍ଶକଃ ।
ସାଂଦୀପନିକୃତାଭ୍ୟସ୍ତଵିଦ୍ୟାଭ୍ୟାସୈକଧୀସ୍ସୁଧୀଃ ॥ 120 ॥
ଗୁର୍ଵଭୀଷ୍ଟକ୍ରିୟାଦକ୍ଷଃ ପଶ୍ଚିମୋଦଧିପୂଜିତଃ ।
ହତପଂଚଜନପ୍ରାପ୍ତପାଂଚଜନ୍ୟୋ ୟମାର୍ଚିତଃ ॥ 121 ॥
ଧର୍ମରାଜଜୟାନୀତଗୁରୁପୁତ୍ର ଉରୁକ୍ରମଃ ।
ଗୁରୁପୁତ୍ରପ୍ରଦଶ୍ଶାସ୍ତା ମଧୁରାଜସଭାସଦଃ ॥ 122 ॥
ଜାମଦଗ୍ନ୍ୟସମଭ୍ୟର୍ଚ୍ୟୋ ଗୋମଂତଗିରିସଂଚରଃ ।
ଗୋମଂତଦାଵଶମନୋ ଗରୁଡାନୀତଭୂଷଣଃ ॥ 123 ॥
ଚକ୍ରାଦ୍ୟାୟୁଧସଂଶୋଭୀ ଜରାସଂଧମଦାପହଃ ।
ସୃଗାଲାଵନିପାଲଘ୍ନସ୍ସୃଗାଲାତ୍ମଜରାଜ୍ୟଦଃ ॥ 124 ॥
ଵିଧ୍ଵସ୍ତକାଲୟଵନୋ ମୁଚୁକୁଂଦଵରପ୍ରଦଃ ।
ଆଜ୍ଞାପିତମହାଂଭୋଧିର୍ଦ୍ଵାରକାପୁରକଲ୍ପନଃ ॥ 125 ॥
ଦ୍ଵାରକାନିଲୟୋ ରୁକ୍ମିମାନହଂତା ୟଦୂଦ୍ଵହଃ ।
ରୁଚିରୋ ରୁକ୍ମିଣୀଜାନିଃ ପ୍ରଦ୍ୟୁମ୍ନଜନକଃ ପ୍ରଭୁଃ ॥ 126 ॥
ଅପାକୃତତ୍ରିଲୋକାର୍ତିରନିରୁଦ୍ଧପିତାମହଃ ।
ଅନିରୁଦ୍ଧପଦାନ୍ଵେଷୀ ଚକ୍ରୀ ଗରୁଡଵାହନଃ ॥ 127 ॥
ବାଣାସୁରପୁରୀରୋଦ୍ଧା ରକ୍ଷାଜ୍ଵଲନୟଂତ୍ରଜିତ୍ ।
ଧୂତପ୍ରମଥସଂରଂଭୋ ଜିତମାହେଶ୍ଵରଜ୍ଵରଃ ॥ 128 ॥
ଷଟ୍ଚକ୍ରଶକ୍ତିନିର୍ଜେତା ଭୂତଵେତାଲମୋହକୃତ୍ ।
ଶଂଭୁତ୍ରିଶୂଲଜିଚ୍ଛଂଭୁଜୃଂଭଣଶ୍ଶଂଭୁସଂସ୍ତୁତଃ ॥ 129 ॥
ଇଂଦ୍ରିୟାତ୍ମେଂଦୁହୃଦୟସ୍ସର୍ଵୟୋଗେଶ୍ଵରେଶ୍ଵରଃ ।
ହିରଣ୍ୟଗର୍ଭହୃଦୟୋ ମୋହାଵର୍ତନିଵର୍ତନଃ ॥ 130 ॥
ଆତ୍ମଜ୍ଞାନନିଧିର୍ମେଧା କୋଶସ୍ତନ୍ମାତ୍ରରୂପଵାନ୍ ।
ଇଂଦ୍ରୋଽଗ୍ନିଵଦନଃ କାଲନାଭସ୍ସର୍ଵାଗମାଧ୍ଵଗଃ ॥ 131 ॥
ତୁରୀୟସର୍ଵଧୀସାକ୍ଷୀ ଦ୍ଵଂଦ୍ଵାରାମାତ୍ମଦୂରଗଃ ।
ଅଜ୍ଞାତପାରୋ ଵଶ୍ୟଶ୍ରୀରଵ୍ୟାକୃତଵିହାରଵାନ୍ ॥ 132 ॥
ଆତ୍ମପ୍ରଦୀପୋ ଵିଜ୍ଞାନମାତ୍ରାତ୍ମା ଶ୍ରୀନିକେତନଃ ।
ବାଣବାହୁଵନଚ୍ଛେତ୍ତା ମହେଂଦ୍ରପ୍ରୀତିଵର୍ଧନଃ ॥ 133 ॥
ଅନିରୁଦ୍ଧନିରୋଧଜ୍ଞୋ ଜଲେଶାହୃତଗୋକୁଲଃ ।
ଜଲେଶଵିଜୟୀ ଵୀରସ୍ସତ୍ରାଜିଦ୍ରତ୍ନୟାଚକଃ ॥ 134 ॥
ପ୍ରସେନାନ୍ଵେଷଣୋଦ୍ୟୁକ୍ତୋ ଜାଂବଵଦ୍ଧୃତରତ୍ନଦଃ ।
ଜିତର୍କ୍ଷରାଜତନୟାହର୍ତା ଜାଂବଵତୀପ୍ରିୟଃ ॥ 135 ॥
ସତ୍ୟଭାମାପ୍ରିୟଃ କାମଶ୍ଶତଧନ୍ଵଶିରୋହରଃ ।
କାଲିଂଦୀପତିରକ୍ରୂରବଂଧୁରକ୍ରୂରରତ୍ନଦଃ ॥ 136 ॥
କୈକେୟୀରମଣୋ ଭଦ୍ରାଭର୍ତା ନାଗ୍ନଜିତୀଧଵଃ ।
ମାଦ୍ରୀମନୋହରଶ୍ଶୈବ୍ୟାପ୍ରାଣବଂଧୁରୁରୁକ୍ରମଃ ॥ 137 ॥
ସୁଶୀଲାଦୟିତୋ ମିତ୍ରଵିଂଦାନେତ୍ରମହୋତ୍ସଵଃ ।
ଲକ୍ଷ୍ମଣାଵଲ୍ଲଭୋ ରୁଦ୍ଧପ୍ରାଗ୍ଜ୍ୟୋତିଷମହାପୁରଃ ॥ 138 ॥
ସୁରପାଶାଵୃତିଚ୍ଛେଦୀ ମୁରାରିଃ କ୍ରୂରୟୁଦ୍ଧଵିତ୍ ।
ହୟଗ୍ରୀଵଶିରୋହର୍ତା ସର୍ଵାତ୍ମା ସର୍ଵଦର୍ଶନଃ ॥ 139 ॥
ନରକାସୁରଵିଚ୍ଛେତ୍ତା ନରକାତ୍ମଜରାଜ୍ୟଦଃ।
ପୃଥ୍ଵୀସ୍ତୁତଃ ପ୍ରକାଶାତ୍ମା ହୃଦ୍ୟୋ ୟଜ୍ଞଫଲପ୍ରଦଃ ॥ 140 ॥
ଗୁଣଗ୍ରାହୀ ଗୁଣଦ୍ରଷ୍ଟା ଗୂଢସ୍ଵାତ୍ମା ଵିଭୂତିମାନ୍ ।
କଵିର୍ଜଗଦୁପଦ୍ରଷ୍ଟା ପରମାକ୍ଷରଵିଗ୍ରହଃ ॥ 141 ॥
ପ୍ରପନ୍ନପାଲନୋ ମାଲୀ ମହଦ୍ବ୍ରହ୍ମଵିଵର୍ଧନଃ ।
ଵାଚ୍ୟଵାଚକଶକ୍ତ୍ୟର୍ଥସ୍ସର୍ଵଵ୍ୟାକୃତସିଦ୍ଧିଦଃ ॥ 142 ॥
ସ୍ଵୟଂପ୍ରଭୁରନିର୍ଵେଦ୍ୟସ୍ସ୍ଵପ୍ରକାଶଶ୍ଚିରଂତନଃ ।
ନାଦାତ୍ମା ମଂତ୍ରକୋଟୀଶୋ ନାନାଵାଦନିରୋଧକଃ ॥ 143 ॥
କଂଦର୍ପକୋଟିଲାଵଣ୍ୟଃ ପରାର୍ଥୈକପ୍ରୟୋଜକଃ ।
ଅମରୀକୃତଦେଵୌଘଃ କନ୍ୟକାବଂଧମୋଚନଃ ॥ 144 ॥
ଷୋଡଶସ୍ତ୍ରୀସହସ୍ରେଶଃ କାଂତଃ କାଂତାମନୋଭଵଃ ।
କ୍ରୀଡାରତ୍ନାଚଲାହର୍ତା ଵରୁଣଚ୍ଛତ୍ରଶୋଭିତଃ ॥ 145 ॥
ଶକ୍ରାଭିଵଂଦିତଶ୍ଶକ୍ରଜନନୀକୁଂଡଲପ୍ରଦଃ ।
ଅଦିତିପ୍ରସ୍ତୁତସ୍ତୋତ୍ରୋ ବ୍ରାହ୍ମଣୋଦ୍ଘୁଷ୍ଟଚେଷ୍ଟନଃ ॥ 146 ॥
ପୁରାଣସ୍ସଂୟମୀ ଜନ୍ମାଲିପ୍ତଃ ଷଡ୍ଵିଂଶକୋଽର୍ଥଦଃ ।
ୟଶସ୍ୟନୀତିରାଦ୍ୟଂତରହିତସ୍ସତ୍କଥାପ୍ରିୟଃ ॥ 147 ॥
ବ୍ରହ୍ମବୋଧଃ ପରାନଂଦଃ ପାରିଜାତାପହାରକଃ ।
ପୌଂଡ୍ରକପ୍ରାଣହରଣଃ କାଶିରାଜନିଷୂଦନଃ ॥ 148 ॥
କୃତ୍ୟାଗର୍ଵପ୍ରଶମନୋ ଵିଚକ୍ରଵଧଦୀକ୍ଷିତଃ ।
କଂସଵିଧ୍ଵଂସନସ୍ସାଂବଜନକୋ ଡିଂଭକାର୍ଦନଃ ॥ 149 ॥
ମୁନିର୍ଗୋପ୍ତା ପିତୃଵରପ୍ରଦସ୍ସଵନଦୀକ୍ଷିତଃ ।
ରଥୀ ସାରଥ୍ୟନିର୍ଦେଷ୍ଟା ଫାଲ୍ଗୁନଃ ଫାଲ୍ଗୁନିପ୍ରିୟଃ ॥ 150 ॥
ସପ୍ତାବ୍ଧିସ୍ତଂଭନୋଦ୍ଭାତୋ ହରିସ୍ସପ୍ତାବ୍ଧିଭେଦନଃ ।
ଆତ୍ମପ୍ରକାଶଃ ପୂର୍ଣଶ୍ରୀରାଦିନାରାୟଣେକ୍ଷିତଃ ॥ 151 ॥
ଵିପ୍ରପୁତ୍ରପ୍ରଦଶ୍ଚୈଵ ସର୍ଵମାତୃସୁତପ୍ରଦଃ ।
ପାର୍ଥଵିସ୍ମୟକୃତ୍ପାର୍ଥପ୍ରଣଵାର୍ଥପ୍ରବୋଧନଃ ॥ 152 ॥
କୈଲାସୟାତ୍ରାସୁମୁଖୋ ବଦର୍ୟାଶ୍ରମଭୂଷଣଃ ।
ଘଂଟାକର୍ଣକ୍ରିୟାମୌଢ୍ୟାତ୍ତୋଷିତୋ ଭକ୍ତଵତ୍ସଲଃ ॥ 153 ॥
ମୁନିବୃଂଦାଦିଭିର୍ଧ୍ୟେୟୋ ଘଂଟାକର୍ଣଵରପ୍ରଦଃ ।
ତପଶ୍ଚର୍ୟାପରଶ୍ଚୀରଵାସାଃ ପିଂଗଜଟାଧରଃ ॥ 154 ॥
ପ୍ରତ୍ୟକ୍ଷୀକୃତଭୂତେଶଶ୍ଶିଵସ୍ତୋତା ଶିଵସ୍ତୁତଃ ।
କୃଷ୍ଣାସ୍ଵୟଂଵରାଲୋକକୌତୁକୀ ସର୍ଵସମ୍ମତଃ ॥ 155 ॥
ବଲସଂରଂଭଶମନୋ ବଲଦର୍ଶିତପାଂଡଵଃ ।
ୟତିଵେଷାର୍ଜୁନାଭୀଷ୍ଟଦାୟୀ ସର୍ଵାତ୍ମଗୋଚରଃ ॥ 156 ॥
ସୁଭଦ୍ରାଫାଲ୍ଗୁନୋଦ୍ଵାହକର୍ତା ପ୍ରୀଣିତଫାଲ୍ଗୁନଃ ।
ଖାଂଡଵପ୍ରୀଣିତାର୍ଚିଷ୍ମାନ୍ମୟଦାନଵମୋଚନଃ ॥ 157 ॥
ସୁଲଭୋ ରାଜସୂୟାର୍ହୟୁଧିଷ୍ଠିରନିୟୋଜକଃ ।
ଭୀମାର୍ଦିତଜରାସଂଧୋ ମାଗଧାତ୍ମଜରାଜ୍ୟଦଃ ॥ 158 ॥
ରାଜବଂଧନନିର୍ମୋକ୍ତା ରାଜସୂୟାଗ୍ରପୂଜନଃ ।
ଚୈଦ୍ୟାଦ୍ୟସହନୋ ଭୀଷ୍ମସ୍ତୁତସ୍ସାତ୍ଵତପୂର୍ଵଜଃ ॥ 159 ॥
ସର୍ଵାତ୍ମାର୍ଥସମାହର୍ତା ମଂଦରାଚଲଧାରକଃ ।
ୟଜ୍ଞାଵତାରଃ ପ୍ରହ୍ଲାଦପ୍ରତିଜ୍ଞାପ୍ରତିପାଲକଃ ॥ 160 ॥
ବଲିୟଜ୍ଞସଭାଧ୍ଵଂସୀ ଦୃପ୍ତକ୍ଷତ୍ରକୁଲାଂତକଃ ।
ଦଶଗ୍ରୀଵାଂତକୋ ଜେତା ରେଵତୀପ୍ରେମଵଲ୍ଲଭଃ ॥ 161 ॥
ସର୍ଵାଵତାରାଧିଷ୍ଠାତା ଵେଦବାହ୍ୟଵିମୋହନଃ ।
କଲିଦୋଷନିରାକର୍ତା ଦଶନାମା ଦୃଢଵ୍ରତଃ ॥ 162 ॥
ଅମେୟାତ୍ମା ଜଗତ୍ସ୍ଵାମୀ ଵାଗ୍ମୀ ଚୈଦ୍ୟଶିରୋହରଃ ।
ଦ୍ରୌପଦୀରଚିତସ୍ତୋତ୍ରଃ କେଶଵଃ ପୁରୁଷୋତ୍ତମଃ ॥ 163 ॥
ନାରାୟଣୋ ମଧୁପତିର୍ମାଧଵୋ ଦୋଷଵର୍ଜିତଃ ।
ଗୋଵିଂଦଃ ପୁଂଡରୀକାକ୍ଷୋ ଵିଷ୍ଣୁଶ୍ଚ ମଧୁସୂଦନଃ ॥ 164 ॥
ତ୍ରିଵିକ୍ରମସ୍ତ୍ରିଲୋକେଶୋ ଵାମନଃ ଶ୍ରୀଧରଃ ପୁମାନ୍ ।
ହୃଷୀକେଶୋ ଵାସୁଦେଵଃ ପଦ୍ମନାଭୋ ମହାହ୍ରଦଃ ॥ 165 ॥
ଦାମୋଦରଶ୍ଚତୁର୍ଵ୍ୟୂହଃ ପାଂଚାଲୀମାନରକ୍ଷଣଃ ।
ସାଲ୍ଵଘ୍ନସ୍ସମରଶ୍ଲାଘୀ ଦଂତଵକ୍ତ୍ରନିବର୍ହଣଃ ॥ 166 ॥
ଦାମୋଦରପ୍ରିୟସଖା ପୃଥୁକାସ୍ଵାଦନପ୍ରିୟଃ ॥
ଘୃଣୀ ଦାମୋଦରଃ ଶ୍ରୀଦୋ ଗୋପୀପୁନରଵେକ୍ଷକଃ ॥ 167 ॥
ଗୋପିକାମୁକ୍ତିଦୋ ୟୋଗୀ ଦୁର୍ଵାସସ୍ତୃପ୍ତିକାରକଃ ।
ଅଵିଜ୍ଞାତଵ୍ରଜାକୀର୍ଣପାଂଡଵାଲୋକନୋ ଜୟୀ ॥ 168 ॥
ପାର୍ଥସାରଥ୍ୟନିରତଃ ପ୍ରାଜ୍ଞଃ ପାଂଡଵଦୂତ୍ୟକୃତ୍ ।
ଵିଦୁରାତିଥ୍ୟସଂତୁଷ୍ଟଃ କୁଂତୀସଂତୋଷଦାୟକଃ ॥ 169 ॥
ସୁୟୋଧନତିରସ୍କର୍ତା ଦୁର୍ୟୋଧନଵିକାରଵିତ୍ ।
ଵିଦୁରାଭିଷ୍ଠୁତୋ ନିତ୍ୟୋ ଵାର୍ଷ୍ଣେୟୋ ମଂଗଲାତ୍ମକଃ ॥ 170 ॥
ପଂଚଵିଂଶତିତତ୍ତ୍ଵେଶଶ୍ଚତୁର୍ଵିଂଶତିଦେହଭାକ୍ ।
ସର୍ଵାନୁଗ୍ରାହକସ୍ସର୍ଵଦାଶାର୍ହସତତାର୍ଚିତଃ ॥ 171 ॥
ଅଚିଂତ୍ୟୋ ମଧୁରାଲାପସ୍ସାଧୁଦର୍ଶୀ ଦୁରାସଦଃ ।
ମନୁଷ୍ୟଧର୍ମାନୁଗତଃ କୌରଵେଂଦ୍ରକ୍ଷୟେକ୍ଷିତା ॥ 172 ॥
ଉପେଂଦ୍ରୋ ଦାନଵାରାତିରୁରୁଗୀତୋ ମହାଦ୍ୟୁତିଃ ।
ବ୍ରହ୍ମଣ୍ୟଦେଵଃ ଶ୍ରୁତିମାନ୍ ଗୋବ୍ରାହ୍ମଣହିତାଶୟଃ ॥ 173 ॥
ଵରଶୀଲଶ୍ଶିଵାରଂଭସ୍ସୁଵିଜ୍ଞାନଵିମୂର୍ତିମାନ୍ ।
ସ୍ଵଭାଵଶୁଦ୍ଧସ୍ସନ୍ମିତ୍ରସ୍ସୁଶରଣ୍ୟସ୍ସୁଲକ୍ଷଣଃ ॥ 174 ॥
ଧୃତରାଷ୍ଟ୍ରଗତୌଦୃଷ୍ଟିପ୍ରଦଃ କର୍ଣଵିଭେଦନଃ ।
ପ୍ରତୋଦଧୃଗ୍ଵିଶ୍ଵରୂପଵିସ୍ମାରିତଧନଂଜୟଃ ॥ 175 ॥
ସାମଗାନପ୍ରିୟୋ ଧର୍ମଧେନୁର୍ଵର୍ଣୋତ୍ତମୋଽଵ୍ୟୟଃ ।
ଚତୁର୍ୟୁଗକ୍ରିୟାକର୍ତା ଵିଶ୍ଵରୂପପ୍ରଦର୍ଶକଃ ॥ 176 ॥
ବ୍ରହ୍ମବୋଧପରିତ୍ରାତପାର୍ଥୋ ଭୀଷ୍ମାର୍ଥଚକ୍ରଭୃତ୍ ।
ଅର୍ଜୁନାୟାସଵିଧ୍ଵଂସୀ କାଲଦଂଷ୍ଟ୍ରାଵିଭୂଷଣଃ ॥ 177 ॥
ସୁଜାତାନଂତମହିମା ସ୍ଵପ୍ନଵ୍ୟାପାରିତାର୍ଜୁନଃ ।
ଅକାଲସଂଧ୍ୟାଘଟନଶ୍ଚକ୍ରାଂତରିତଭାସ୍କରଃ ॥ 178 ॥
ଦୁଷ୍ଟପ୍ରମଥନଃ ପାର୍ଥପ୍ରତିଜ୍ଞାପରିପାଲକଃ ।
ସିଂଧୁରାଜଶିରଃପାତସ୍ଥାନଵକ୍ତା ଵିଵେକଦୃକ୍ ॥ 179 ॥
ସୁଭଦ୍ରାଶୋକହରଣୋ ଦ୍ରୋଣୋତ୍ସେକାଦିଵିସ୍ମିତଃ ।
ପାର୍ଥମନ୍ୟୁନିରାକର୍ତା ପାଂଡଵୋତ୍ସଵଦାୟକଃ ॥ 180 ॥
ଅଂଗୁଷ୍ଠାକ୍ରାଂତକୌଂତେୟରଥଶ୍ଶକ୍ତୋଽହିଶୀର୍ଷଜିତ୍ ।
କାଲକୋପପ୍ରଶମନୋ ଭୀମସେନଜୟପ୍ରଦଃ ॥ 181 ॥
ଅଶ୍ଵତ୍ଥାମଵଧାୟାସତ୍ରାତପାଂଡୁସୁତଃ କୃତୀ ।
ଇଷୀକାସ୍ତ୍ରପ୍ରଶମନୋ ଦ୍ରୌଣିରକ୍ଷାଵିଚକ୍ଷଣଃ ॥ 182 ॥
ପାର୍ଥାପହାରିତଦ୍ରୌଣିଚୂଡାମଣିରଭଂଗୁରଃ ।
ଧୃତରାଷ୍ଟ୍ରପରାମୃଷ୍ଟଭୀମପ୍ରତିକୃତିସ୍ମୟଃ ॥ 183 ॥
ଭୀଷ୍ମବୁଦ୍ଧିପ୍ରଦଶ୍ଶାଂତଶ୍ଶରଚ୍ଚଂଦ୍ରନିଭାନନଃ ।
ଗଦାଗ୍ରଜନ୍ମା ପାଂଚାଲୀପ୍ରତିଜ୍ଞାପରିପାଲକଃ ॥ 184 ॥
ଗାଂଧାରୀକୋପଦୃଗ୍ଗୁପ୍ତଧର୍ମସୂନୁରନାମୟଃ ।
ପ୍ରପନ୍ନାର୍ତିଭୟଚ୍ଛେତ୍ତା ଭୀଷ୍ମଶଲ୍ୟଵ୍ୟଧାଵହଃ ॥ 185 ॥
ଶାଂତଶ୍ଶାଂତନଵୋଦୀର୍ଣସର୍ଵଧର୍ମସମାହିତଃ ।
ସ୍ମାରିତବ୍ରହ୍ମଵିଦ୍ୟାର୍ଥପ୍ରୀତପାର୍ଥୋ ମହାସ୍ତ୍ରଵିତ୍ ॥ 186 ॥
ପ୍ରସାଦପରମୋଦାରୋ ଗାଂଗେୟସୁଗତିପ୍ରଦଃ ।
ଵିପକ୍ଷପକ୍ଷକ୍ଷୟକୃତ୍ପରୀକ୍ଷିତ୍ପ୍ରାଣରକ୍ଷଣଃ ॥ 187 ॥
ଜଗଦ୍ଗୁରୁର୍ଧର୍ମସୂନୋର୍ଵାଜିମେଧପ୍ରଵର୍ତକଃ ।
ଵିହିତାର୍ଥାପ୍ତସତ୍କାରୋ ମାସକାତ୍ପରିଵର୍ତଦଃ ॥ 188 ॥
ଉତ୍ତଂକହର୍ଷଦାତ୍ମୀୟଦିଵ୍ୟରୂପପ୍ରଦର୍ଶକଃ ।
ଜନକାଵଗତସ୍ଵୋକ୍ତଭାରତସ୍ସର୍ଵଭାଵନଃ ॥ 189 ॥
ଅସୋଢୟାଦଵୋଦ୍ରେକୋ ଵିହିତାପ୍ତାଦିପୂଜନଃ ॥
ସମୁଦ୍ରସ୍ଥାପିତାଶ୍ଚର୍ୟମୁସଲୋ ଵୃଷ୍ଣିଵାହକଃ ॥ 190 ॥
ମୁନିଶାପାୟୁଧଃ ପଦ୍ମାସନାଦିତ୍ରିଦଶାର୍ଥିତଃ ।
ଵୃଷ୍ଟିପ୍ରତ୍ୟଵହାରୋତ୍କସ୍ସ୍ଵଧାମଗମନୋତ୍ସୁକଃ ॥ 191 ॥
ପ୍ରଭାସାଲୋକନୋଦ୍ୟୁକ୍ତୋ ନାନାଵିଧନିମିତ୍ତକୃତ୍ ।
ସର୍ଵୟାଦଵସଂସେଵ୍ୟସ୍ସର୍ଵୋତ୍କୃଷ୍ଟପରିଚ୍ଛଦଃ ॥ 192 ॥
ଵେଲାକାନନସଂଚାରୀ ଵେଲାନିଲହୃତଶ୍ରମଃ ।
କାଲାତ୍ମା ୟାଦଵୋଽନଂତସ୍ସ୍ତୁତିସଂତୁଷ୍ଟମାନସଃ ॥ 193 ॥
ଦ୍ଵିଜାଲୋକନସଂତୁଷ୍ଟଃ ପୁଣ୍ୟତୀର୍ଥମହୋତ୍ସଵଃ ।
ସତ୍କାରାହ୍ଲାଦିତାଶେଷଭୂସୁରସ୍ସୁରଵଲ୍ଲଭଃ ॥ 194 ॥
ପୁଣ୍ୟତୀର୍ଥାପ୍ଲୁତଃ ପୁଣ୍ୟଃ ପୁଣ୍ୟଦସ୍ତୀର୍ଥପାଵନଃ ।
ଵିପ୍ରସାତ୍କୃତଗୋକୋଟିଶ୍ଶତକୋଟିସୁଵର୍ଣଦଃ ॥ 195 ॥
ସ୍ଵମାୟାମୋହିତାଽଶେଷଵୃଷ୍ଣିଵୀରୋ ଵିଶେଷଵିତ୍ ।
ଜଲଜାୟୁଧନିର୍ଦେଷ୍ଟା ସ୍ଵାତ୍ମାଵେଶିତୟାଦଵଃ ॥ 196 ॥
ଦେଵତାଭୀଷ୍ଟଵରଦଃ କୃତକୃତ୍ୟଃ ପ୍ରସନ୍ନଧୀଃ ।
ସ୍ଥିରଶେଷାୟୁତବଲସ୍ସହସ୍ରଫଣିଵୀକ୍ଷଣଃ ॥ 197 ॥
ବ୍ରହ୍ମଵୃକ୍ଷଵରଚ୍ଛାୟାସୀନଃ ପଦ୍ମାସନସ୍ଥିତଃ ।
ପ୍ରତ୍ୟଗାତ୍ମା ସ୍ଵଭାଵାର୍ଥଃ ପ୍ରଣିଧାନପରାୟଣଃ ॥ 198 ॥
ଵ୍ୟାଧେଷୁଵିଦ୍ଧପୂଜ୍ୟାଂଘ୍ରିର୍ନିଷାଦଭୟମୋଚନଃ ।
ପୁଲିଂଦସ୍ତୁତିସଂତୁଷ୍ଟଃ ପୁଲିଂଦସୁଗତିପ୍ରଦଃ ॥ 199 ॥
ଦାରୁକାର୍ପିତପାର୍ଥାଦିକରଣୀୟୋକ୍ତିରୀଶିତା ।
ଦିଵ୍ୟଦୁଂଦୁଭିସଂୟୁକ୍ତଃ ପୁଷ୍ପଵୃଷ୍ଟିପ୍ରପୂଜିତଃ ॥ 200 ॥
ପୁରାଣଃ ପରମେଶାନଃ ପୂର୍ଣଭୂମା ପରିଷ୍ଟୁତଃ ।
ପତିରାଦ୍ୟଃ ପରଂ ବ୍ରହ୍ମ ପରମାତ୍ମା ପରାତ୍ପରଃ ॥ 201 ॥
ଶ୍ରୀପରମାତ୍ମା ପରାତ୍ପରଃ ଓଂ ନମଃ ଇତି ।
ଫଲଶ୍ରୁତିଃ –
ଇଦଂ ସହସ୍ରଂ କୃଷ୍ଣସ୍ୟ ନାମ୍ନାଂ ସର୍ଵାର୍ଥଦାୟକମ୍ ।
ଅନଂତରୂପୀ ଭଗଵାନ୍ ଵ୍ୟାଖ୍ୟାତାଦୌ ସ୍ଵୟଂଭୁଵେ ॥ 202 ॥
ତେନ ପ୍ରୋକ୍ତଂ ଵସିଷ୍ଠାୟ ତତୋ ଲବ୍ଧ୍ଵା ପରାଶରଃ ।
ଵ୍ୟାସାୟ ତେନ ସଂପ୍ରୋକ୍ତଂ ଶୁକୋ ଵ୍ୟାସାଦଵାପ୍ତଵାନ୍ ॥ 203 ॥
ତଚ୍ଛିଷ୍ୟୈର୍ବହୁଭିର୍ଭୂମୌ ଖ୍ୟାପିତଂ ଦ୍ଵାପରେ ୟୁଗେ ।
କୃଷ୍ଣାଜ୍ଞୟା ହରିହରଃ କଲୌ ପ୍ରଖ୍ୟାପୟଦ୍ଵିଭୁଃ ॥ 204 ॥
ଇଦଂ ପଠତି ଭକ୍ତ୍ୟା ୟଃ ଶୃଣୋତି ଚ ସମାହିତଃ ।
ସ୍ଵସିଦ୍ଧ୍ୟୈ ପ୍ରାର୍ଥୟଂତ୍ୟେନଂ ତୀର୍ଥକ୍ଷେତ୍ରାଦିଦେଵତାଃ ॥ 205 ॥
ପ୍ରାୟଶ୍ଚିତ୍ତାନ୍ୟଶେଷାଣି ନାଲଂ ୟାନି ଵ୍ୟପୋହିତୁମ୍ ।
ତାନି ପାପାନି ନଶ୍ୟଂତି ସକୃଦସ୍ୟ ପ୍ରଶଂସନାତ୍ ॥ 206 ॥
ଋଣତ୍ରୟଵିମୁକ୍ତସ୍ୟ ଶ୍ରୌତସ୍ମାର୍ତାନୁଵର୍ତିନଃ ।
ଋଷେସ୍ତ୍ରିମୂର୍ତିରୂପସ୍ୟ ଫଲଂ ଵିଂଦେଦିଦଂ ପଠନ୍ ॥ 207 ॥
ଇଦଂ ନାମସହସ୍ରଂ ୟଃ ପଠତ୍ୟେତଚ୍ଛୃଣୋତି ଚ ।
ଶିଵଲିଂଗସହସ୍ରସ୍ୟ ସ ପ୍ରତିଷ୍ଠାଫଲଂ ଲଭେତ୍ ॥ 208 ॥
ଇଦଂ କିରୀଟୀ ସଂଜପ୍ୟ ଜୟୀ ପାଶୁପତାସ୍ତ୍ରଭାକ୍ ।
କୃଷ୍ଣସ୍ୟ ପ୍ରାଣଭୂତସ୍ସନ୍ କୃଷ୍ଣଂ ସାରଥିମାପ୍ତଵାନ୍ ॥ 209 ॥
ଦ୍ରୌପଦ୍ୟା ଦମୟଂତ୍ୟା ଚ ସାଵିତ୍ର୍ୟା ଚ ସୁଶୀଲୟା ।
ଦୁରିତାନି ଜିତାନ୍ୟେତଜ୍ଜପାଦାପ୍ତଂ ଚ ଵାଂଛିତମ୍ ॥ 210 ॥
କିମିଦଂ ବହୁନା ଶଂସନ୍ମାନଵୋ ମୋଦନିର୍ଭରଃ ।
ବ୍ରହ୍ମାନଂଦମଵାପ୍ୟାଂତେ କୃଷ୍ଣସାୟୂଜ୍ୟମାପ୍ନୁୟାତ୍ ॥ 211 ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଶ୍ରୀ କୃଷ୍ଣ ସହସ୍ର ନାମ ସ୍ତୋତ୍ରମ୍?
ଶ୍ରୀ କୃଷ୍ଣ ସହସ୍ର ନାମ ସ୍ତୋତ୍ରମ୍ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଶ୍ରୀ କୃଷ୍ଣ ସହସ୍ର ନାମ ସ୍ତୋତ୍ରମ୍ online?
Yes. The imported text is available directly on this page for online reading and recitation.
Can I download ଶ୍ରୀ କୃଷ୍ଣ ସହସ୍ର ନାମ ସ୍ତୋତ୍ରମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.