ଶ୍ରୀ ହରି ଵାୟୁ ସ୍ତୁତି
ଅଥ ନଖସ୍ତୁତିଃ
ପାଂତ୍ଵସ୍ମାନ୍ ପୁରୁହୂତଵୈରିବଲଵନ୍ମାତଂଗମାଦ୍ୟଦ୍ଘଟା-
-କୁଂଭୋଚ୍ଚାଦ୍ରିଵିପାଟନାଧିକପଟୁ ପ୍ରତ୍ୟେକ ଵଜ୍ରାୟିତାଃ ।
ଶ୍ରୀମତ୍କଂଠୀରଵାସ୍ୟପ୍ରତତସୁନଖରା ଦାରିତାରାତିଦୂର-
-ପ୍ରଧ୍ଵସ୍ତଧ୍ଵାଂତଶାଂତପ୍ରଵିତତମନସା ଭାଵିତା ଭୂରିଭାଗୈଃ ॥ 1 ॥
ଲକ୍ଷ୍ମୀକାଂତ ସମଂତତୋଽପି କଲୟନ୍ ନୈଵେଶିତୁସ୍ତେ ସମଂ
ପଶ୍ୟାମ୍ୟୁତ୍ତମଵସ୍ତୁ ଦୂରତରତୋପାସ୍ତଂ ରସୋ ୟୋଽଷ୍ଟମଃ ।
ୟଦ୍ରୋଷୋତ୍କର ଦକ୍ଷ ନେତ୍ର କୁଟିଲ ପ୍ରାଂତୋତ୍ଥିତାଗ୍ନି ସ୍ଫୁରତ୍
ଖଦ୍ୟୋତୋପମ ଵିସ୍ଫୁଲିଂଗଭସିତା ବ୍ରହ୍ମେଶଶକ୍ରୋତ୍କରାଃ ॥ 2 ॥
ଅଥ ଵାୟୁସ୍ତୁତିଃ
ଶ୍ରୀମଦ୍ଵିଷ୍ଣ୍ଵଂଘ୍ରିନିଷ୍ଠାତିଗୁଣଗୁରୁତମଶ୍ରୀମଦାନଂଦତୀର୍ଥ-
-ତ୍ରୈଲୋକ୍ୟାଚାର୍ୟପାଦୋଜ୍ଜ୍ଵଲଜଲଜଲସତ୍ପାଂସଵୋଽସ୍ମାନ୍ ପୁନଂତୁ ।
ଵାଚାଂ ୟତ୍ର ପ୍ରଣେତ୍ରୀ ତ୍ରିଭୁଵନମହିତା ଶାରଦା ଶାରଦେଂଦୁ-
-ଜ୍ୟୋତ୍ସ୍ନାଭଦ୍ରସ୍ମିତଶ୍ରୀଧଵଳିତକକୁଭା ପ୍ରେମଭାରଂ ବଭାର ॥ 1 ॥
ଉତ୍କଂଠାକୁଂଠକୋଲାହଲଜଵଵିଜିତାଜସ୍ରସେଵାନୁଵୃଦ୍ଧ-
-ପ୍ରାଜ୍ଞାତ୍ମଜ୍ଞାନଧୂତାଂଧତମସସୁମନୋମୌଲିରତ୍ନାଵଳୀନାମ୍ ।
ଭକ୍ତ୍ୟୁଦ୍ରେକାଵଗାଢପ୍ରଘଟନସଧଟାତ୍କାରସଂଘୃଷ୍ୟମାଣ-
ପ୍ରାଂତପ୍ରାଗ୍ର୍ୟାଂଘ୍ରିପୀଠୋତ୍ଥିତକନକରଜଃପିଂଜରାରଂଜିତାଶାଃ ॥ 2 ॥
ଜନ୍ମାଧିଵ୍ୟାଧ୍ୟୁପାଧିପ୍ରତିହତିଵିରହପ୍ରାପକାଣାଂ ଗୁଣାନାଂ
ଅଗ୍ର୍ୟାଣାମର୍ପକାଣାଂ ଚିରମୁଦିତଚିଦାନଂଦସଂଦୋହଦାନାମ୍ ।
ଏତେଷାମେଷ ଦୋଷପ୍ରମୁଷିତମନସାଂ ଦ୍ଵେଷିଣାଂ ଦୂଷକାଣାଂ
ଦୈତ୍ୟାନାମାର୍ତିମଂଧେ ତମସି ଵିଦଧତାଂ ସଂସ୍ତଵେ ନାସ୍ମି ଶକ୍ତଃ ॥ 3 ॥
ଅସ୍ୟାଵିଷ୍କର୍ତୁକାମଂ କଲିମଲକଲୁଷେଽସ୍ମିନ୍ ଜନେ ଜ୍ଞାନମାର୍ଗଂ
ଵଂଦ୍ୟଂ ଚଂଦ୍ରେଂଦ୍ରରୁଦ୍ରଦ୍ୟୁମଣିଫଣିଵୟୋନାୟକାଦ୍ୟୈରିହାଦ୍ୟ ।
ମଧ୍ଵାଖ୍ୟଂ ମଂତ୍ରସିଦ୍ଧଂ କିମୁତ କୃତଵତୋ ମାରୁତସ୍ୟାଵତାରଂ
ପାତାରଂ ପାରମେଷ୍ଟ୍ୟଂ ପଦମପଵିପଦଃ ପ୍ରାପ୍ତୁରାପନ୍ନପୁଂସାମ୍ ॥ 4 ॥
ଉଦ୍ୟଦ୍ଵିଦ୍ୟୁତ୍ପ୍ରଚଂଡାଂ ନିଜରୁଚିନିକରଵ୍ୟାପ୍ତଲୋକାଵକାଶୋ
ବିଭ୍ରଦ୍ଭୀମୋ ଭୁଜେ ୟୋଽଭ୍ୟୁଦିତଦିନକରାଭାଂଗଦାଢ୍ୟ ପ୍ରକାଂଡେ ।
ଵୀର୍ୟୋଦ୍ଧାର୍ୟାଂ ଗଦାଗ୍ର୍ୟାମୟମିହ ସୁମତିଂ ଵାୟୁଦେଵୋ ଵିଦଧ୍ୟାତ୍
ଅଧ୍ୟାତ୍ମଜ୍ଞାନନେତା ୟତିଵରମହିତୋ ଭୂମିଭୂଷାମଣିର୍ମେ ॥ 5 ॥
ସଂସାରୋତ୍ତାପନିତ୍ୟୋପଶମଦସଦୟସ୍ନେହହାସାଂବୁପୂର-
-ପ୍ରୋଦ୍ୟଦ୍ଵିଦ୍ୟାନଵଦ୍ୟଦ୍ୟୁତିମଣିକିରଣଶ୍ରେଣିସଂପୂରିତାଶଃ ।
ଶ୍ରୀଵତ୍ସାଂକାଧିଵାସୋଚିତତରସରଳଶ୍ରୀମଦାନଂଦତୀର୍ଥ-
-କ୍ଷୀରାଂଭୋଧିର୍ଵିଭିଂଦ୍ୟାଦ୍ଭଵଦନଭିମତଂ ଭୂରି ମେ ଭୂତିହେତୁଃ ॥ 6 ॥
ମୂର୍ଧନ୍ୟେଷୋଽଂଜଲିର୍ମେ ଦୃଢତରମିହ ତେ ବଧ୍ୟତେ ବଂଧପାଶ-
-ଚ୍ଛେତ୍ରେ ଦାତ୍ରେ ସୁଖାନାଂ ଭଜତି ଭୁଵି ଭଵିଷ୍ୟଦ୍ଵିଧାତ୍ରେ ଦ୍ୟୁଭର୍ତ୍ରେ ।
ଅତ୍ୟଂତଂ ସଂତତଂ ତ୍ଵଂ ପ୍ରଦିଶ ପଦୟୁଗେ ହଂତ ସଂତାପଭାଜା-
-ମସ୍ମାକଂ ଭକ୍ତିମେକାଂ ଭଗଵତ ଉତ ତେ ମାଧଵସ୍ୟାଥ ଵାୟୋଃ ॥ 7 ॥
ସାଭ୍ରୋଷ୍ଣାଭୀଶୁଶୁଭ୍ରପ୍ରଭମଭୟ ନଭୋ ଭୂରିଭୂଭୃଦ୍ଵିଭୂତି-
-ଭ୍ରାଜିଷ୍ଣୁର୍ଭୂରୃଭୂଣାଂ ଭଵନମପି ଵିଭୋଽଭେଦି ବଭ୍ରେ ବଭୂଵେ ।
ୟେନ ଭ୍ରୂଵିଭ୍ରମସ୍ତେ ଭ୍ରମୟତୁ ସୁଭୃଶଂ ବଭ୍ରୁଵଦ୍ଦୁର୍ଭୃତାଶାନ୍
ଭ୍ରାଂତିର୍ଭେଦାଵଭାସସ୍ତ୍ଵିତି ଭୟମଭିଭୂର୍ଭୋକ୍ଷ୍ୟତୋ ମାୟିଭିକ୍ଷୂନ୍ ॥ 8 ॥
ୟେଽମୁଂ ଭାଵଂ ଭଜଂତେ ସୁରମୁଖସୁଜନାରାଧିତଂ ତେ ତୃତୀୟଂ
ଭାସଂତେ ଭାସୁରୈସ୍ତେ ସହଚରଚଲିତୈଶ୍ଚାମରୈଶ୍ଚାରୁଵେଷାଃ ।
ଵୈକୁଂଠେ କଂଠଲଗ୍ନସ୍ଥିରଶୁଚିଵିଲସତ୍କାଂତିତାରୁଣ୍ୟଲୀଲା-
ଲାଵଣ୍ୟାପୂର୍ଣକାଂତାକୁଚଭରସୁଲଭାଶ୍ଲେଷସମ୍ମୋଦସାଂଦ୍ରାଃ ॥ 9 ॥
ଆନଂଦାନ୍ମଂଦମଂଦା ଦଦତି ହି ମରୁତଃ କୁଂଦମଂଦାରନଂଦ୍ୟା-
-ଵର୍ତାମୋଦାନ୍ ଦଧାନା ମୃଦୁପଦମୁଦିତୋଦ୍ଗୀତକୈଃ ସୁଂଦରୀଣାମ୍ ।
ଵୃଂଦୈରାଵଂଦ୍ୟମୁକ୍ତେଂଦ୍ଵହିମଗୁମଦନାହୀଂଦ୍ରଦେଵେଂଦ୍ରସେଵ୍ୟେ
ମୌକୁଂଦେ ମଂଦିରେଽସ୍ମିନ୍ନଵିରତମୁଦୟନ୍ମୋଦିନାଂ ଦେଵଦେଵ ॥ 10 ॥
ଉତ୍ତପ୍ତାଽତ୍ୟୁତ୍କଟତ୍ଵିଟ୍ ପ୍ରକଟକଟକଟଧ୍ଵାନସଂଘଟ୍ଟନୋଦ୍ୟ-
-ଦ୍ଵିଦ୍ୟୁଦ୍ଵ୍ୟୂଢସ୍ଫୁଲିଂଗପ୍ରକରଵିକିରଣୋତ୍କ୍ଵାଥିତେ ବାଧିତାଂଗାନ୍ ।
ଉଦ୍ଗାଢଂ ପାତ୍ୟମାନା ତମସି ତତ ଇତଃ କିଂକରୈଃ ପଂକିଲେ ତେ
ପଂକ୍ତିର୍ଗ୍ରାଵ୍ଣାଂ ଗରିମ୍ଣା ଗ୍ଲପୟତି ହି ଭଵଦ୍ଵେଷିଣୋ ଵିଦ୍ଵଦାଦ୍ୟ ॥ 11 ॥
ଅସ୍ମିନ୍ନସ୍ମଦ୍ଗୁରୂଣାଂ ହରିଚରଣଚିରଧ୍ୟାନସନ୍ମଂଗଲାନାଂ
ୟୁଷ୍ମାକଂ ପାର୍ଶ୍ଵଭୂମିଂ ଧୃତରଣରଣିକସ୍ଵର୍ଗିସେଵ୍ୟାଂ ପ୍ରପନ୍ନଃ ।
ୟସ୍ତୂଦାସ୍ତେ ସ ଆସ୍ତେଽଧିଭଵମସୁଲଭକ୍ଲେଶନିର୍ମୂକମସ୍ତ-
-ପ୍ରାୟାନଂଦଂ କଥଂଚିନ୍ନ ଵସତି ସତତଂ ପଂଚକଷ୍ଟେଽତିକଷ୍ଟେ ॥ 12 ॥
କ୍ଷୁତ୍ କ୍ଷାମାନ୍ ରୂକ୍ଷରକ୍ଷୋରଦଖରନଖରକ୍ଷୁଣ୍ଣଵିକ୍ଷୋଭିତାକ୍ଷା-
-ନାମଗ୍ନାନାଂଧକୂପେ କ୍ଷୁରମୁଖମୁଖରୈଃ ପକ୍ଷିଭିର୍ଵିକ୍ଷତାଂଗାନ୍ ।
ପୂୟାସୃଙ୍ମୂତ୍ରଵିଷ୍ଠାକୃମିକୁଲକଲିଲେ ତତ୍କ୍ଷଣକ୍ଷିପ୍ତଶକ୍ତ୍ୟା-
-ଦ୍ୟସ୍ତ୍ରଵ୍ରାତାର୍ଦିତାଂସ୍ତ୍ଵଦ୍ଦ୍ଵିଷ ଉପଜିହତେ ଵଜ୍ରକଲ୍ପା ଜଲୂକାଃ ॥ 13 ॥
ମାତର୍ମେ ମାତରିଶ୍ଵନ୍ ପିତରତୁଲଗୁରୋ ଭ୍ରାତରିଷ୍ଟାପ୍ତବଂଧୋ
ସ୍ଵାମିନ୍ ସର୍ଵାଂତରାତ୍ମନ୍ନଜର ଜରୟିତର୍ଜନ୍ମମୃତ୍ୟାମୟାନାମ୍ ।
ଗୋଵିଂଦେ ଦେହି ଭକ୍ତିଂ ଭଵତି ଚ ଭଗଵନ୍ନୂର୍ଜିତାଂ ନିର୍ନିମିତ୍ତାଂ
ନିର୍ଵ୍ୟାଜାଂ ନିଶ୍ଚଲାଂ ସଦ୍ଗୁଣଗଣବୃହତୀଂ ଶାଶ୍ଵତୀମାଶୁ ଦେଵ ॥ 14 ॥
ଵିଷ୍ଣୋରତ୍ତ୍ୟୁତ୍ତମତ୍ଵାଦଖିଲଗୁଣଗଣୈସ୍ତତ୍ର ଭକ୍ତିଂ ଗରିଷ୍ଠାଂ
ଆଶ୍ଲିଷ୍ଟେ ଶ୍ରୀଧରାଭ୍ୟାମମୁମଥ ପରିଵାରାତ୍ମନା ସେଵକେଷୁ ।
ୟଃ ସଂଧତ୍ତେ ଵିରିଂଚଶ୍ଵସନଵିହଗପାନଂତରୁଦ୍ରେଂଦ୍ରପୂର୍ଵେ-
-ଷ୍ଵାଧ୍ୟାୟଂସ୍ତାରତମ୍ୟଂ ସ୍ଫୁଟମଵତି ସଦା ଵାୟୁରସ୍ମଦ୍ଗୁରୁସ୍ତମ୍ ॥ 15 ॥
ତତ୍ତ୍ଵଜ୍ଞାନ୍ ମୁକ୍ତିଭାଜଃ ସୁଖୟିସି ହି ଗୁରୋ ୟୋଗ୍ୟତାତାରତମ୍ୟା-
-ଦାଧତ୍ସେ ମିଶ୍ରବୁଦ୍ଧିଂସ୍ତ୍ରିଦିଵନିରୟଭୂଗୋଚରାନ୍ ନିତ୍ୟବଦ୍ଧାନ୍ ।
ତାମିସ୍ରାଂଧାଦିକାଖ୍ୟେ ତମସି ସୁବହୁଲଂ ଦୁଃଖୟସ୍ୟନ୍ୟଥାଜ୍ଞାନ୍
ଵିଷ୍ଣୋରାଜ୍ଞାଭିରିତ୍ଥଂ ଶୃତିଶତମିତିହାସାଦି ଚାକର୍ଣୟାମଃ ॥ 16 ॥
ଵଂଦେଽହଂ ତଂ ହନୂମାନିତି ମହିତମହାପୌରୁଷୋ ବାହୁଶାଲୀ
ଖ୍ୟାତସ୍ତେଽଗ୍ର୍ୟୋଽଵତାରଃ ସହିତ ଇହ ବହୁବ୍ରହ୍ମଚର୍ୟାଦିଧର୍ମୈଃ ।
ସସ୍ନେହାନାଂ ସହସ୍ଵାନହରହରହିତଂ ନିର୍ଦହନ୍ ଦେହଭାଜାଂ
ଅଂହୋମୋହାପହୋ ୟଃ ସ୍ପୃହୟତି ମହତୀଂ ଭକ୍ତିମଦ୍ୟାପି ରାମେ ॥ 17 ॥
ପ୍ରାକ୍ପଂଚାଶତ୍ସହସ୍ରୈର୍ଵ୍ୟଵହିତମହିତଂ ୟୋଜନୈଃ ପର୍ଵତଂ ତ୍ଵଂ
ୟାଵତ୍ସଂଜୀଵନାଦ୍ୟୌଷଧନିଧିମଧିକପ୍ରାଣ ଲଂକାମନୈଷିଃ ।
ଅଦ୍ରାକ୍ଷୀଦୁତ୍ପତଂତଂ ତତ ଉତ ଗିରିମୁତ୍ପାଟୟଂତଂ ଗୃହୀତ୍ଵା
ୟାଂତଂ ଖେ ରାଘଵାଂଘ୍ରୌ ପ୍ରଣତମପି ତଦୈକକ୍ଷଣେ ତ୍ଵାଂ ହି ଲୋକଃ ॥ 18 ॥
କ୍ଷିପ୍ତଃ ପଶ୍ଚାତ୍ସତ୍ସଲୀଲଂ ଶତମତୁଲମତେ ୟୋଜନାନାଂ ସ ଉଚ୍ଚ-
-ସ୍ତାଵଦ୍ଵିସ୍ତାରଵଂଶ୍ଚାପ୍ୟୁପଲଲଵ ଇଵ ଵ୍ୟଗ୍ରବୁଦ୍ଧ୍ୟା ତ୍ଵୟାଽତଃ ।
ସ୍ଵସ୍ଵସ୍ଥାନସ୍ଥିତାତିସ୍ଥିରଶକଲଶିଲାଜାଲସଂଶ୍ଲେଷନଷ୍ଟ-
-ଛ୍ଛେଦାଂକଃ ପ୍ରାଗିଵାଭୂତ୍ କପିଵରଵପୁଷସ୍ତେ ନମଃ କୌଶଲାୟ ॥ 19 ॥
ଦୃଷ୍ଟ୍ଵା ଦୁଷ୍ଟାଧିପୋରଃ ସ୍ଫୁଟିତକନକସଦ୍ଵର୍ମ ଘୃଷ୍ଟାସ୍ଥିକୂଟଂ
ନିଷ୍ପିଷ୍ଟଂ ହାଟକାଦ୍ରିପ୍ରକଟତଟତଟାକାତିଶଂକୋ ଜନୋଽଭୂତ୍ ।
ୟେନାଽଜୌ ରାଵଣାରିପ୍ରିୟନଟନପଟୁର୍ମୁଷ୍ଟିରିଷ୍ଟଂ ପ୍ରଦେଷ୍ଟୁଂ
କିଂ ନେଷ୍ଟେ ମେ ସ ତେଽଷ୍ଟାପଦକଟକତଟିତ୍କୋଟିଭାମୃଷ୍ଟକାଷ୍ଠଃ ॥ 20 ॥
ଦେଵ୍ୟାଦେଶପ୍ରଣୀତିଦୃହିଣହରଵରାଵଧ୍ୟରକ୍ଷୋଵିଘାତା-
-ଦ୍ୟାସେଵୋଦ୍ୟଦ୍ଦୟାର୍ଦ୍ରଃ ସହଭୁଜମକରୋଦ୍ରାମନାମା ମୁକୁଂଦଃ ।
ଦୁଷ୍ପ୍ରାପେ ପାରମେଷ୍ଠ୍ୟେ କରତଲମତୁଲଂ ମୂର୍ଧିଵିନ୍ୟସ୍ୟ ଧନ୍ୟଂ
ତନ୍ଵନ୍ଭୂୟଃ ପ୍ରଭୂତପ୍ରଣୟଵିକସିତାବ୍ଜେକ୍ଷଣସ୍ତ୍ଵେକ୍ଷମାଣଃ ॥ 21 ॥
ଜଘ୍ନେ ନିଘ୍ନେନ ଵିଘ୍ନୋ ବହୁଲବଲବକଧ୍ଵଂସନାଦ୍ୟେନ ଶୋଚ-
-ଦ୍ଵିପ୍ରାନୁକ୍ରୋଶପାଶୈରସୁଵିଧୃତିସୁଖସ୍ୟୈକଚକ୍ରାଜନାନାମ୍ ।
ତସ୍ମୈ ତେ ଦେଵ କୁର୍ମଃ କୁରୁକୁଲପତୟେ କର୍ମଣା ଚ ପ୍ରଣାମାନ୍
କିର୍ମୀରଂ ଦୁର୍ମତୀନାଂ ପ୍ରଥମମଥ ଚ ୟୋ ନର୍ମଣା ନିର୍ମମାଥ ॥ 22 ॥
ନିର୍ମୃଦ୍ନନ୍ନତ୍ୟୟତ୍ନଂ ଵିଜରଵର ଜରାସଂଧକାୟାସ୍ଥିସଂଧୀନ୍
ୟୁଦ୍ଧେ ତ୍ଵଂ ସ୍ଵଧ୍ଵରେ ଵା ପଶୁମିଵ ଦମୟନ୍ ଵିଷ୍ଣୁପକ୍ଷଦ୍ଵିଡୀଶମ୍ ।
ୟାଵତ୍ପ୍ରତ୍ୟକ୍ଷଭୂତଂ ନିଖିଲମଖଭୁଜଂ ତର୍ପୟାମାସିଥାସୌ
ତାଵତ୍ୟାଽୟୋଜି ତୃପ୍ତ୍ୟା କିମୁ ଵଦ ଭଗଵନ୍ ରାଜସୂୟାଶ୍ଵମେଧେ ॥ 23 ॥
କ୍ଷ୍ଵେଲାକ୍ଷୀଣାଟ୍ଟହାସଂ ତଵ ରଣମରିହନ୍ନୁଦ୍ଗଦୋଦ୍ଦାମବାହୋଃ
ବହ୍ଵକ୍ଷୌହିଣ୍ୟନୀକକ୍ଷପଣସୁନିପୁଣଂ ୟସ୍ୟ ସର୍ଵୋତ୍ତମସ୍ୟ ।
ଶୁଶ୍ରୂଷାର୍ଥଂ ଚକର୍ଥ ସ୍ଵୟମୟମଥ ସଂଵକ୍ତୁମାନଂଦତୀର୍ଥ-
-ଶ୍ରୀମନ୍ନାମନ୍ସମର୍ଥସ୍ତ୍ଵମପି ହି ୟୁଵୟୋଃ ପାଦପଦ୍ମଂ ପ୍ରପଦ୍ୟେ ॥ 24 ॥
ଦୃହ୍ୟଂତୀଂ ହୃଦୃହଂ ମାଂ ଦୃତମନିଲ ବଲାଦ୍ଦ୍ରାଵୟଂତୀମଵିଦ୍ୟା-
-ନିଦ୍ରାଂ ଵିଦ୍ରାଵ୍ୟ ସଦ୍ୟୋରଚନପଟୁମଥାଽପାଦ୍ୟ ଵିଦ୍ୟାସମୁଦ୍ର ।
ଵାଗ୍ଦେଵୀ ସା ସୁଵିଦ୍ୟାଦ୍ରଵିଣଦ ଵିଦିତା ଦ୍ରୌପଦୀ ରୁଦ୍ରପତ୍ନ୍ୟା-
-ଦୁଦ୍ରିକ୍ତା ଦ୍ରାଗଭଦ୍ରାଦ୍ରହୟତୁ ଦୟିତା ପୂର୍ଵଭୀମାଽଜ୍ଞୟା ତେ ॥ 25 ॥
ୟାଭ୍ୟାଂ ଶୁଶ୍ରୂଷୁରାସୀଃ କୁରୁକୁଲଜନନେ କ୍ଷତ୍ରଵିପ୍ରୋଦିତାଭ୍ୟାଂ
ବ୍ରହ୍ମଭ୍ୟାଂ ବୃଂହିତାଭ୍ୟାଂ ଚିତସୁଖଵପୁଷା କୃଷ୍ଣନାମାସ୍ପଦାଭ୍ୟାମ୍ ।
ନିର୍ଭେଦାଭ୍ୟାଂ ଵିଶେଷାଦ୍ଵିଵଚନଵିଷୟାଭ୍ୟାମମୂଭ୍ୟାମୁଭାଭ୍ୟାଂ
ତୁଭ୍ୟଂ ଚ କ୍ଷେମଦେଭ୍ୟଃ ସରିସିଜଵିଲସଲ୍ଲୋଚନେଭ୍ୟୋ ନମୋଽସ୍ତୁ ॥ 26 ॥
ଗଚ୍ଛନ୍ ସୌଗଂଧିକାର୍ଥଂ ପଥି ସ ହନୁମତଃ ପୁଚ୍ଛମଚ୍ଛସ୍ୟ ଭୀମଃ
ପ୍ରୋଦ୍ଧର୍ତୁଂ ନାଶକତ୍ସ ତ୍ଵମୁମୁରୁଵପୁଷା ଭୀଷୟାମାସ ଚେତି ।
ପୂର୍ଣଜ୍ଞାନୌଜସୋସ୍ତେ ଗୁରୁତମ ଵପୁଷୋଃ ଶ୍ରୀମଦାନଂଦତୀର୍ଥ
କ୍ରୀଡାମାତ୍ରଂ ତଦେତତ୍ ପ୍ରମଦଦ ସୁଧିୟାଂ ମୋହକ ଦ୍ଵେଷଭାଜାମ୍ ॥ 27 ॥
ବହ୍ଵୀଃ କୋଟୀରଟୀକଃ କୁଟଲକଟୁମତୀନୁତ୍କଟାଟୋପକୋପାନ୍
ଦ୍ରାକ୍ଚ ତ୍ଵଂ ସତ୍ଵରତ୍ଵାଚ୍ଚରଣଦ ଗଦୟା ପୋଥୟାମାସିଥାରୀନ୍ ।
ଉନ୍ମଥ୍ୟାତଥ୍ୟମିଥ୍ୟାତ୍ଵଵଚନଵଚନାନୁତ୍ପଥସ୍ଥାଂସ୍ତଥାଽନ୍ୟାନ୍
ପ୍ରାୟଚ୍ଛଃ ସ୍ଵପ୍ରିୟାୟୈ ପ୍ରିୟତମକୁସୁମଂ ପ୍ରାଣ ତସ୍ମୈ ନମସ୍ତେ ॥ 28 ॥
ଦେହାଦୁତ୍କ୍ରାମିତାନାମଧିପତିରସତାମକ୍ରମାଦ୍ଵକ୍ରବୁଦ୍ଧିଃ
କ୍ରୁଦ୍ଧଃ କ୍ରୋଧୈକଵଶ୍ୟଃ କ୍ରିମିରିଵ ମଣିମାନ୍ ଦୁଷ୍କୃତୀ ନିଷ୍କ୍ରିୟାର୍ଥମ୍ ।
ଚକ୍ରେ ଭୂଚକ୍ରମେତ୍ୟ କ୍ରକଚମିଵ ସତାଂ ଚେତସଃ କଷ୍ଟଶାସ୍ତ୍ରଂ
ଦୁସ୍ତର୍କଂ ଚକ୍ରପାଣେର୍ଗୁଣଗଣଵିରହଂ ଜୀଵତାଂ ଚାଧିକୃତ୍ୟ ॥ 29 ॥
ତଦ୍ଦୁଷ୍ପ୍ରେକ୍ଷାନୁସାରାତ୍କତିପୟକୁନରୈରାଦୃତୋଽନ୍ୟୈର୍ଵିସୃଷ୍ଟୋ
ବ୍ରହ୍ମାଽହଂ ନିର୍ଗୁଣୋଽହଂ ଵିତଥମିଦମିତି ହ୍ୟେଷ ପାଷଂଡଵାଦଃ ।
ତଦ୍ୟୁକ୍ତ୍ୟାଭାସଜାଲପ୍ରସରଵିଷତରୂଦ୍ଦାହଦକ୍ଷପ୍ରମାଣ-
-ଜ୍ଵାଲାମାଲାଧରାଗ୍ନିଃ ପଵନ ଵିଜୟତେ ତେଽଵତାରସ୍ତୃତୀୟଃ ॥ 30 ॥
ଆକ୍ରୋଶଂତୋ ନିରାଶା ଭୟଭରଵିଵଶସ୍ଵାଶୟାଶ୍ଛିନ୍ନଦର୍ପା
ଵାଶଂତୋ ଦେଶନାଶସ୍ଵିତି ବତ କୁଧିୟାଂ ନାଶମାଶାଦଶାଽଶୁ ।
ଧାଵଂତୋଽଶ୍ଲୀଲଶୀଲା ଵିତଥଶପଥଶାପାଶିଵାଃ ଶାଂତଶୌର୍ୟା-
-ସ୍ତ୍ଵଦ୍ଵ୍ୟାଖ୍ୟାସିଂହନାଦେ ସପଦି ଦଦୃଶିରେ ମାୟିଗୋମାୟଵସ୍ତେ ॥ 31 ॥
ତ୍ରିଷ୍ଵପ୍ୟେଵାଵତାରେଷ୍ଵରିଭିରପଘୃଣଂ ହିଂସିତୋ ନିର୍ଵିକାରଃ
ସର୍ଵଜ୍ଞଃ ସର୍ଵଶକ୍ତିଃ ସକଲଗୁଣଗଣାପୂର୍ଣରୂପପ୍ରଗଲ୍ଭଃ ।
ସ୍ଵଚ୍ଛଃ ସ୍ଵଚ୍ଛଂଦମୃତ୍ୟୁଃ ସୁଖୟସି ସୁଜନଂ ଦେଵ କିଂ ଚିତ୍ରମତ୍ର
ତ୍ରାତା ୟସ୍ୟ ତ୍ରିଧାମା ଜଗଦୁତ ଵଶଗଂ କିଂକରାଃ ଶଂକରାଦ୍ୟାଃ ॥ 32 ॥
ଉଦ୍ୟନ୍ମଂଦସ୍ମିତଶ୍ରୀମୃଦୁ ମଧୁମଧୁରାଲାପପୀୟୂଷଧାରା-
-ପୂରାସେକୋପଶାଂତାସୁଖସୁଜନମନୋଲୋଚନାପୀୟମାନମ୍ ।
ସଂଦ୍ରକ୍ଷ୍ୟେ ସୁଂଦରଂ ସଂଦୁହଦିହ ମହଦାନଂଦମାନଂଦତୀର୍ଥ
ଶ୍ରୀମଦ୍ଵକ୍ତ୍ରେଂଦୁବିଂବଂ ଦୁରତନୁଦୁଦିତଂ ନିତ୍ୟଦାଽହଂ କଦା ନୁ ॥ 33 ॥
ପ୍ରାଚୀନାଚୀର୍ଣପୁଣ୍ୟୋଚ୍ଚୟଚତୁରତରାଚାରତଶ୍ଚାରୁଚିତ୍ତା-
-ନତ୍ୟୁଚ୍ଚାଂ ରୋଚୟଂତୀଂ ଶ୍ରୁତିଚିତଵଚନାଂ ଶ୍ରାଵକାଂଶ୍ଚୋଦ୍ୟଚୁଂଚୂନ୍ ।
ଵ୍ୟାଖ୍ୟାମୁତ୍ଖାତଦୁଃଖାଂ ଚିରମୁଚିତମହାଚାର୍ୟ ଚିଂତାରତାଂସ୍ତେ
ଚିତ୍ରାଂ ସଚ୍ଛାସ୍ତ୍ରକର୍ତାଶ୍ଚରଣପରିଚରାଂଛ୍ରାଵୟାସ୍ମାଂଶ୍ଚ କିଂଚିତ୍ ॥ 34 ॥
ପୀଠେ ରତ୍ନୋକପକ୍ଲୃପ୍ତେ ରୁଚିରରୁଚିମଣିଜ୍ୟୋତିଷା ସନ୍ନିଷଣ୍ଣଂ
ବ୍ରହ୍ମାଣଂ ଭାଵିନଂ ତ୍ଵାଂ ଜ୍ଵଲତି ନିଜପଦେ ଵୈଦିକାଦ୍ୟା ହି ଵିଦ୍ୟାଃ ।
ସେଵଂତେ ମୂର୍ତିମତ୍ୟଃ ସୁଚରିତ ଚରିତଂ ଭାତି ଗଂଧର୍ଵ ଗୀତଂ
ପ୍ରତ୍ୟେକଂ ଦେଵସଂସତ୍ସ୍ଵପି ତଵ ଭଗଵନ୍ନର୍ତିତଦ୍ୟୋଵଧୂଷୁ ॥ 35 ॥
ସାନୁକ୍ରୋଶୈରଜସ୍ରଂ ଜନିମୃତିନିରୟାଦ୍ୟୂର୍ମିମାଲାଵିଲେଽସ୍ମିନ୍
ସଂସାରାବ୍ଧୌ ନିମଗ୍ନାନ୍ ଶରଣମଶରଣାନିଚ୍ଛତୋ ଵୀକ୍ଷ୍ୟ ଜଂତୂନ୍ ।
ୟୁଷ୍ମାଭିଃ ପ୍ରାର୍ଥିତଃ ସନ୍ ଜଲନିଧିଶୟନଃ ସତ୍ୟଵତ୍ୟାଂ ମହର୍ଷେ-
-ର୍ଵ୍ୟକ୍ତଶ୍ଚିନ୍ମାତ୍ରମୂର୍ତିର୍ନ ଖଲୁ ଭଗଵତଃ ପ୍ରାକୃତୋ ଜାତୁ ଦେହଃ ॥ 36 ॥
ଅସ୍ତଵ୍ୟସ୍ତଂ ସମସ୍ତଶ୍ରୁତିଗତମଧମୈ ରତ୍ନପୂଗଂ ୟଥାଽଂଧୈ-
-ରର୍ଥଂ ଲୋକୋପକୃତ୍ୟୈ ଗୁଣଗଣନିଲୟଃ ସୂତ୍ରୟାମାସ କୃତ୍ସ୍ନମ୍ ।
ୟୋଽସୌ ଵ୍ୟାସାଭିଧାନସ୍ତମହମହରହର୍ଭକ୍ତିତସ୍ତ୍ଵତ୍ପ୍ରସାଦାତ୍
ସଦ୍ୟୋ ଵିଦ୍ୟୋପଲବ୍ଧ୍ୟୈ ଗୁରୁତମମଗୁରୁଂ ଦେଵଦେଵଂ ନମାମି ॥ 37 ॥
ଆଜ୍ଞାମନ୍ୟୈରଧାର୍ୟାଂ ଶିରସି ପରିସରଦ୍ରଶ୍ମିକୋଟୀରକୋଟୌ
କୃଷ୍ଣସ୍ୟାକ୍ଲିଷ୍ଟକର୍ମା ଦଧଦନୁସରାଣାଦର୍ଥିତୋ ଦେଵସଂଘୈଃ ।
ଭୂମାଵାଗତ୍ୟ ଭୂମନ୍ନସୁକରମକରୋର୍ବ୍ରହ୍ମସୂତ୍ରସ୍ୟ ଭାଷ୍ୟଂ
ଦୁର୍ଭାଷ୍ୟଂ ଵ୍ୟସ୍ୟ ଦସ୍ୟୋର୍ମଣିମତ ଉଦିତଂ ଵେଦସଦ୍ୟୁକ୍ତିଭିସ୍ତ୍ଵମ୍ ॥ 38 ॥
ଭୂତ୍ଵା କ୍ଷେତ୍ରେ ଵିଶୁଦ୍ଧେ ଦ୍ଵିଜଗଣନିଲୟେ ରୌପ୍ୟପୀଠାଭିଧାନେ
ତତ୍ରାପି ବ୍ରହ୍ମଜାତିସ୍ତ୍ରିଭୁଵନଵିଶଦେ ମଧ୍ୟଗେହାଖ୍ୟଗେହେ ।
ପାରିଵ୍ରାଜ୍ୟାଧିରାଜଃ ପୁନରପି ବଦରୀଂ ପ୍ରାପ୍ୟ କୃଷ୍ଣଂ ଚ ନତ୍ଵା
କୃତ୍ଵା ଭାଷ୍ୟାଣି ସମ୍ୟଗ୍ ଵ୍ୟତନୁତ ଚ ଭଵାନ୍ ଭାରତାର୍ଥପ୍ରକାଶମ୍ ॥ 39 ॥
ଵଂଦେ ତଂ ତ୍ଵାଂ ସୁପୂର୍ଣପ୍ରମତିମନୁଦିନାସେଵିତଂ ଦେଵଵୃଂଦୈଃ
ଵଂଦେ ଵଂଦାରୁମୀଶେ ଶ୍ରିୟ ଉତ ନିୟତଂ ଶ୍ରୀମଦାନଂଦତୀର୍ଥମ୍ ।
ଵଂଦେ ମଂଦାକିନୀସତ୍ସରିଦମଲଜଲାସେକସାଧିକ୍ୟସଂଗଂ
ଵଂଦେଽହଂ ଦେଵ ଭକ୍ତ୍ୟା ଭଵଭୟଦହନଂ ସଜ୍ଜନାନ୍ମୋଦୟଂତମ୍ ॥ 40 ॥
ସୁବ୍ରହ୍ମଣ୍ୟାଖ୍ୟସୂରେଃ ସୁତ ଇତି ସୁଭୃଶଂ କେଶଵାନଂଦତୀର୍ଥ-
ଶ୍ରୀମତ୍ପାଦାବ୍ଜଭକ୍ତଃ ସ୍ତୁତିମକୃତ ହରେର୍ଵାୟୁଦେଵସ୍ୟ ଚାସ୍ୟ ।
ତତ୍ପାଦାର୍ଚାଦରେଣ ଗ୍ରଥିତପଦଲସନ୍ମାଲୟା ତ୍ଵେତୟା ୟେ
ସଂରାଧ୍ୟାମୂ ନମଂତି ପ୍ରତତମତିଗୁଣା ମୁକ୍ତିମେତେ ଵ୍ରଜଂତି ॥ 41 ॥
ଅଥ ଶ୍ରୀନଖସ୍ତୁତିଃ
ପାଂତ୍ଵସ୍ମାନ୍ ପୁରୁହୂତଵୈରିବଲଵନ୍ମାତଂଗମାଦ୍ୟଦ୍ଘଟା
କୁଂଭୋଚ୍ଚାଦ୍ରିଵିପାଟନାଧିକପଟୁପ୍ରତ୍ୟେକଵଜ୍ରାୟିତାଃ ।
ଶ୍ରୀମତ୍କଂଠୀରଵାସ୍ୟ ପ୍ରତତ ସୁନଖରା ଦାରିତାରାତିଦୂର-
ପ୍ରଧ୍ଵସ୍ତଧ୍ଵାଂତଶାଂତପ୍ରଵିତତମନସା ଭାଵିତା ନାକିଵୃଂଦୈଃ ॥ 1 ॥
ଲକ୍ଷ୍ମୀକାଂତ ସମଂତତୋଽଵିକଲୟନ୍ ନୈଵେଶିତୁସ୍ତେ ସମଂ
ପଶ୍ୟାମ୍ୟୁତ୍ତମଵସ୍ତୁ ଦୂରତରତୋଽପାସ୍ତଂ ରସୋ ୟୋଽଷ୍ଟମଃ ।
ୟଦ୍ରୋଷୋତ୍କରଦକ୍ଷନେତ୍ରକୁଟିଲପ୍ରାଂତୋତ୍ଥିତାଗ୍ନିସ୍ଫୁରତ୍
ଖଦ୍ୟୋତୋପମଵିସ୍ଫୁଲିଂଗଭସିତା ବ୍ରହ୍ମେଶଶକ୍ରୋତ୍କରାଃ ॥ 2 ॥
ଇତି ଶ୍ରୀତ୍ରିଵିକ୍ରମପଂଡିତାଚାର୍ୟ ଵିରଚିତା ଵାୟୁସ୍ତୁତିଃ ସମାପ୍ତା ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଶ୍ରୀ ହରି ଵାୟୁ ସ୍ତୁତି?
ଶ୍ରୀ ହରି ଵାୟୁ ସ୍ତୁତି is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଶ୍ରୀ ହରି ଵାୟୁ ସ୍ତୁତି online?
Yes. The imported text is available directly on this page for online reading and recitation.
Can I download ଶ୍ରୀ ହରି ଵାୟୁ ସ୍ତୁତି as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.