ଶ୍ରୀ ଦତ୍ତାତ୍ରେୟ ସହସ୍ର ନାମ ସ୍ତୋତ୍ରମ୍

ମୁନୟଃ ଊଚୁଃ
ନିଖିଲାଗମତତ୍ତ୍ଵଜ୍ଞ ବ୍ରହ୍ମଧ୍ୟାନପରାୟଣ ।
ଵଦାସ୍ମାକଂ ମୁକ୍ତ୍ୟୁପାୟଂ ସୂତ ସର୍ଵୋପକାରକମ୍ ॥ 1 ॥

ସର୍ଵଦେଵେଷୁ କୋ ଦେଵଃ ସଦ୍ୟୋ ମୋକ୍ଷପ୍ରଦୋ ଭଵେତ୍ ।
କୋ ମନୁର୍ଵା ଭଵେତ୍ତସ୍ୟ ସଦ୍ୟଃ ପ୍ରୀତିକରୋ ଧ୍ରୁଵମ୍ ॥ 2 ॥

ସୂତ ଉଵାଚ ।
ନିଗମାଗମତତ୍ତ୍ଵଜ୍ଞୋ ହ୍ୟଵଧୂତଶ୍ଚିଦଂବରଃ ।
ଭକ୍ତଵାତ୍ସଲ୍ୟପ୍ରଵଣୋ ଦତ୍ତ ଏଵ ହି କେଵଲଃ ॥ 3 ॥

ସଦା ପ୍ରସନ୍ନଵଦନୋ ଭକ୍ତଚିଂତୈକତତ୍ପରଃ ।
ତସ୍ୟ ନାମାନ୍ୟନଂତାନି ଵର୍ତଂତେଽଥାପ୍ୟଦଃ ପରମ୍ ॥ 4 ॥

ଦତ୍ତସ୍ୟ ନାମସାହସ୍ରଂ ତସ୍ୟ ପ୍ରୀତିଵିଵର୍ଧନମ୍ ।
ୟସ୍ତ୍ଵିଦଂ ପଠତେ ନିତ୍ୟଂ ଦତ୍ତାତ୍ରେୟୈକମାନସଃ ॥ 5 ॥

ମୁଚ୍ୟତେ ସର୍ଵପାପେଭ୍ୟଃ ସ ସଦ୍ୟୋ ନାତ୍ର ସଂଶୟଃ ।
ଅଂତେ ତଦ୍ଧାମ ସଂୟାତି ପୁନରାଵୃତ୍ତିଦୁର୍ଲଭମ୍ ॥ 6 ॥

ଅସ୍ୟ ଶ୍ରୀମଦ୍ଦତ୍ତାତ୍ରେୟସହସ୍ରନାମସ୍ତୋତ୍ରମଂତ୍ରସ୍ୟ ଅଵଧୂତ ଋଷିଃ, ଅନୁଷ୍ଟୁପ୍ ଛଂଦଃ, ଦିଗଂବରୋ ଦେଵତା, ଓଂ ବୀଜଂ, ହ୍ରୀଂ ଶକ୍ତିଃ, କ୍ରୌଂ କୀଲକଂ, ଶ୍ରୀଦତ୍ତାତ୍ରେୟପ୍ରୀତ୍ୟର୍ଥେ ଜପେ ଵିନିୟୋଗଃ ।

ଅଥ ଧ୍ୟାନମ୍
ଦିଗଂବରଂ ଭସ୍ମଵିଲେପିତାଂଗଂ
ବୋଧାତ୍ମକଂ ମୁକ୍ତିକରଂ ପ୍ରସନ୍ନମ୍ ।
ନିର୍ମାନସଂ ଶ୍ୟାମତନୁଂ ଭଜେଽହଂ
ଦତ୍ତାତ୍ରେୟଂ ବ୍ରହ୍ମସମାଧିୟୁକ୍ତମ୍ ॥

ଅଥ ସ୍ତୋତ୍ରମ୍
ଦତ୍ତାତ୍ରେୟୋ ମହାୟୋଗୀ ୟୋଗେଶଶ୍ଚାମରପ୍ରଭୁଃ ।
ମୁନିର୍ଦିଗଂବରୋ ବାଲୋ ମାୟାମୁକ୍ତୋ ମଦାପହଃ ॥ 1 ॥

ଅଵଧୂତୋ ମହାନାଥଃ ଶଂକରୋଽମରଵଲ୍ଲଭଃ ।
ମହାଦେଵଶ୍ଚାଦିଦେଵଃ ପୁରାଣପ୍ରଭୁରୀଶ୍ଵରଃ ॥ 2 ॥

ସତ୍ତ୍ଵକୃତ୍ସତ୍ତ୍ଵଭୃଦ୍ଭାଵଃ ସତ୍ତ୍ଵାତ୍ମା ସତ୍ତ୍ଵସାଗରଃ ।
ସତ୍ତ୍ଵଵିତ୍ସତ୍ତ୍ଵସାକ୍ଷୀ ଚ ସତ୍ତ୍ଵସାଧ୍ୟୋଽମରାଧିପଃ ॥ 3 ॥

ଭୂତକୃଦ୍ଭୂତଭୃଚ୍ଚୈଵ ଭୂତାତ୍ମା ଭୂତସଂଭଵଃ ।
ଭୂତଭାଵୋ ଭଵୋ ଭୂତଵିତ୍ତଥା ଭୂତକାରଣଃ ॥ 4 ॥

ଭୂତସାକ୍ଷୀ ପ୍ରଭୂତିଶ୍ଚ ଭୂତାନାଂ ପରମା ଗତିଃ ।
ଭୂତସଂଗଵିହୀନାତ୍ମା ଭୂତାତ୍ମା ଭୂତଶଂକରଃ ॥ 5 ॥

ଭୂତନାଥୋ ମହାନାଥ ଆଦିନାଥୋ ମହେଶ୍ଵରଃ ।
ସର୍ଵଭୂତନିଵାସାତ୍ମା ଭୂତସଂତାପନାଶନଃ ॥ 6 ॥

ସର୍ଵାତ୍ମା ସର୍ଵଭୃତ୍ସର୍ଵଃ ସର୍ଵଜ୍ଞଃ ସର୍ଵନିର୍ଣୟଃ ।
ସର୍ଵସାକ୍ଷୀ ବୃହଦ୍ଭାନୁଃ ସର୍ଵଵିତ୍ ସର୍ଵମଂଗଳଃ ॥ 7 ॥

ଶାଂତଃ ସତ୍ୟଃ ସମଃ ପୂର୍ଣୋ ଏକାକୀ କମଲାପତିଃ ।
ରାମୋ ରାମପ୍ରିୟଶ୍ଚୈଵ ଵିରାମୋ ରାମକାରଣଃ ॥ 8 ॥

ଶୁଦ୍ଧାତ୍ମା ପାଵନୋଽନଂତଃ ପ୍ରତୀତଃ ପରମାର୍ଥଭୃତ୍ ।
ହଂସସାକ୍ଷୀ ଵିଭୁଶ୍ଚୈଵ ପ୍ରଭୁଃ ପ୍ରଳୟ ଇତ୍ୟପି ॥ 9 ॥

ସିଦ୍ଧାତ୍ମା ପରମାତ୍ମା ଚ ସିଦ୍ଧାନାଂ ପରମା ଗତିଃ ।
ସିଦ୍ଧିସିଦ୍ଧସ୍ତଥା ସାଧ୍ୟଃ ସାଧନୋ ହ୍ୟୁତ୍ତମସ୍ତଥା ॥ 10 ॥

ସୁଲକ୍ଷଣଃ ସୁମେଧାଵୀ ଵିଦ୍ୟାଵାନ୍ଵିଗତାଂତରଃ ।
ଵିଜ୍ଵରଶ୍ଚ ମହାବାହୁର୍ବହୁଲାନଂଦଵର୍ଧନଃ ॥ 11 ॥

ଅଵ୍ୟକ୍ତପୁରୁଷଃ ପ୍ରାଜ୍ଞଃ ପରଜ୍ଞଃ ପରମାର୍ଥଦୃକ୍ ।
ପରାପରଵିନିର୍ମୁକ୍ତୋ ୟୁକ୍ତସ୍ତତ୍ତ୍ଵପ୍ରକାଶଵାନ୍ ॥ 12 ॥

ଦୟାଵାନ୍ ଭଗଵାନ୍ ଭାଵୀ ଭାଵାତ୍ମା ଭାଵକାରଣଃ ।
ଭଵସଂତାପନାଶଶ୍ଚ ପୁଷ୍ପଵାନ୍ ପଂଡିତୋ ବୁଧଃ ॥ 13 ॥

ପ୍ରତ୍ୟକ୍ଷଵସ୍ତୁର୍ଵିଶ୍ଵାତ୍ମା ପ୍ରତ୍ୟଗ୍ବ୍ରହ୍ମ ସନାତନଃ ।
ପ୍ରମାଣଵିଗତଶ୍ଚୈଵ ପ୍ରତ୍ୟାହାରନିୟୋଜକଃ ॥ 14 ॥

ପ୍ରଣଵଃ ପ୍ରଣଵାତୀତଃ ପ୍ରମୁଖଃ ପ୍ରଲୟାତ୍ମକଃ ।
ମୃତ୍ୟୁଂଜୟୋ ଵିଵିକ୍ତାତ୍ମା ଶଂକରାତ୍ମା ପରୋ ଵପୁଃ ॥ 15 ॥

ପରମସ୍ତନୁଵିଜ୍ଞେୟଃ ପରମାତ୍ମନି ସଂସ୍ଥିତଃ ।
ପ୍ରବୋଧକଲନାଧାରଃ ପ୍ରଭାଵପ୍ରଵରୋତ୍ତମଃ ॥ 16 ॥

ଚିଦଂବରଶ୍ଚିଦ୍ଵିଲାସଶ୍ଚିଦାକାଶଶ୍ଚିଦୁତ୍ତମଃ ।
ଚିତ୍ତଚୈତନ୍ୟଚିତ୍ତାତ୍ମା ଦେଵାନାଂ ପରମା ଗତିଃ ॥ 17 ॥

ଅଚେତ୍ୟଶ୍ଚେତନାଧାରଶ୍ଚେତନାଚିତ୍ତଵିକ୍ରମଃ ।
ଚିତ୍ତାତ୍ମା ଚେତନାରୂପୋ ଲସତ୍ପଂକଜଲୋଚନଃ ॥ 18 ॥

ପରଂ ବ୍ରହ୍ମ ପରଂ ଜ୍ୟୋତିଃ ପରଂ ଧାମ ପରଂତପଃ ।
ପରଂ ସୂତ୍ରଂ ପରଂ ତଂତ୍ରଂ ପଵିତ୍ରଃ ପରମୋହଵାନ୍ ॥ 19 ॥

କ୍ଷେତ୍ରଜ୍ଞଃ କ୍ଷେତ୍ରଗଃ କ୍ଷେତ୍ରଃ କ୍ଷେତ୍ରାଧାରଃ ପୁରଂଜନଃ ।
କ୍ଷେତ୍ରଶୂନ୍ୟୋ ଲୋକସାକ୍ଷୀ କ୍ଷେତ୍ରଵାନ୍ ବହୁନାୟକଃ ॥ 20 ॥

ୟୋଗେଂଦ୍ରୋ ୟୋଗପୂଜ୍ୟଶ୍ଚ ୟୋଗ୍ୟ ଆତ୍ମଵିଦାଂ ଶୁଚିଃ ।
ୟୋଗମାୟାଧରଃ ସ୍ଥାଣୁରଚଲଃ କମଲାପତିଃ ॥ 21 ॥

ୟୋଗେଶୋ ୟୋଗନିର୍ମାତା ୟୋଗଜ୍ଞାନପ୍ରକାଶନଃ ।
ୟୋଗପାଲୋ ଲୋକପାଲଃ ସଂସାରତମନାଶନଃ ॥ 22 ॥

ଗୁହ୍ୟୋ ଗୁହ୍ୟତମୋ ଗୁପ୍ତୋ ମୁକ୍ତୋ ୟୁକ୍ତଃ ସନାତନଃ ।
ଗହନୋ ଗଗନାକାରୋ ଗଂଭୀରୋ ଗଣନାୟକଃ ॥ 23 ॥

ଗୋଵିଂଦୋ ଗୋପତିର୍ଗୋପ୍ତା ଗୋଭାଗୋ ଭାଵସଂସ୍ଥିତଃ ।
ଗୋସାକ୍ଷୀ ଗୋତମାରିଶ୍ଚ ଗାଂଧାରୋ ଗଗନାକୃତିଃ ॥ 24 ॥

ୟୋଗୟୁକ୍ତୋ ଭୋଗୟୁକ୍ତଃ ଶଂକାମୁକ୍ତସମାଧିମାନ୍ ।
ସହଜଃ ସକଲେଶାନଃ କାର୍ତଵୀର୍ୟଵରପ୍ରଦଃ ॥ 25 ॥

ସରଜୋ ଵିରଜୋ ପୁଂସୋ ପାଵନଃ ପାପନାଶନଃ ।
ପରାଵରଵିନିର୍ମୁକ୍ତଃ ପରଂ‍ଜ୍ୟୋତିଃ ପୁରାତନଃ ॥ 26 ॥

ନାନାଜ୍ୟୋତିରନେକାତ୍ମା ସ୍ଵୟଂ‍ଜ୍ୟୋତିଃ ସଦାଶିଵଃ ।
ଦିଵ୍ୟଜ୍ୟୋତିର୍ମୟଶ୍ଚୈଵ ସତ୍ୟଵିଜ୍ଞାନଭାସ୍କରଃ ॥ 27 ॥

ନିତ୍ୟଶୁଦ୍ଧଃ ପରଃ ପୂର୍ଣଃ ପ୍ରକାଶଃ ପ୍ରକଟୋଦ୍ଭଵଃ ।
ପ୍ରମାଦଵିଗତଶ୍ଚୈଵ ପରେଶଃ ପରଵିକ୍ରମଃ ॥ 28 ॥

ୟୋଗୀ ୟୋଗୋ ୟୋଗପଶ୍ଚ ୟୋଗାଭ୍ୟାସପ୍ରକାଶନଃ ।
ୟୋକ୍ତା ମୋକ୍ତା ଵିଧାତା ଚ ତ୍ରାତା ପାତା ନିରାୟୁଧଃ ॥ 29 ॥

ନିତ୍ୟମୁକ୍ତୋ ନିତ୍ୟୟୁକ୍ତଃ ସତ୍ୟଃ ସତ୍ୟପରାକ୍ରମଃ ।
ସତ୍ତ୍ଵଶୁଦ୍ଧିକରଃ ସତ୍ତ୍ଵସ୍ତଥା ସତ୍ତ୍ଵଭୃତାଂ ଗତିଃ ॥ 30 ॥

ଶ୍ରୀଧରଃ ଶ୍ରୀଵପୁଃ ଶ୍ରୀମାନ୍ ଶ୍ରୀନିଵାସୋଽମରାର୍ଚିତଃ ।
ଶ୍ରୀନିଧିଃ ଶ୍ରୀପତିଃ ଶ୍ରେଷ୍ଠଃ ଶ୍ରେୟସ୍କଶ୍ଚରମାଶ୍ରୟଃ ॥ 31 ॥

ତ୍ୟାଗୀ ତ୍ୟାଗାର୍ଥସଂପନ୍ନସ୍ତ୍ୟାଗାତ୍ମା ତ୍ୟାଗଵିଗ୍ରହଃ ।
ତ୍ୟାଗଲକ୍ଷଣସିଦ୍ଧାତ୍ମା ତ୍ୟାଗଜ୍ଞସ୍ତ୍ୟାଗକାରଣଃ ॥ 32 ॥

ଭୋଗୋ ଭୋକ୍ତା ତଥା ଭୋଗ୍ୟୋ ଭୋଗସାଧନକାରଣଃ ।
ଭୋଗୀ ଭୋଗାର୍ଥସଂପନ୍ନୋ ଭୋଗଜ୍ଞାନପ୍ରକାଶନଃ ॥ 33 ॥

କେଵଲଃ କେଶଵଃ କୃଷ୍ଣଃ କଂଵାସାଃ କମଲାଲୟଃ ।
କମଲାସନପୂଜ୍ୟଶ୍ଚ ହରିରଜ୍ଞାନଖଂଡନଃ ॥ 34 ॥

ମହାତ୍ମା ମହଦାଦିଶ୍ଚ ମହେଶୋତ୍ତମଵଂଦିତଃ ।
ମନୋବୁଦ୍ଧିଵିହୀନାତ୍ମା ମାନାତ୍ମା ମାନଵାଧିପଃ ॥ 35 ॥

ଭୁଵନେଶୋ ଵିଭୂତିଶ୍ଚ ଧୃତିର୍ମେଧା ସ୍ମୃତିର୍ଦୟା ।
ଦୁଃଖଦାଵାନଲୋ ବୁଦ୍ଧଃ ପ୍ରବୁଦ୍ଧଃ ପରମେଶ୍ଵରଃ ॥ 36 ॥

କାମହା କ୍ରୋଧହା ଚୈଵ ଦଂଭଦର୍ପମଦାପହଃ ।
ଅଜ୍ଞାନତିମିରାରିଶ୍ଚ ଭଵାରିର୍ଭୁଵନେଶ୍ଵରଃ ॥ 37 ॥

ରୂପକୃଦ୍ରୂପଭୃଦ୍ରୂପୀ ରୂପାତ୍ମା ରୂପକାରଣଃ ।
ରୂପଜ୍ଞୋ ରୂପସାକ୍ଷୀ ଚ ନାମରୂପୋ ଗୁଣାଂତକଃ ॥ 38 ॥

ଅପ୍ରମେୟଃ ପ୍ରମେୟଶ୍ଚ ପ୍ରମାଣଂ ପ୍ରଣଵାଶ୍ରୟଃ ।
ପ୍ରମାଣରହିତୋଽଚିଂତ୍ୟଶ୍ଚେତନାଵିଗତୋଽଜରଃ ॥ 39 ॥

ଅକ୍ଷରୋଽକ୍ଷରମୁକ୍ତଶ୍ଚ ଵିଜ୍ଵରୋ ଜ୍ଵରନାଶନଃ ।
ଵିଶିଷ୍ଟୋ ଵିତ୍ତଶାସ୍ତ୍ରୀ ଚ ଦୃଷ୍ଟୋ ଦୃଷ୍ଟାଂତଵର୍ଜିତଃ ॥ 40 ॥

ଗୁଣେଶୋ ଗୁଣକାୟଶ୍ଚ ଗୁଣାତ୍ମା ଗୁଣଭାଵନଃ ।
ଅନଂତଗୁଣସଂପନ୍ନୋ ଗୁଣଗର୍ଭୋ ଗୁଣାଧିପଃ ॥ 41 ॥

ଗଣେଶୋ ଗୁଣନାଥଶ୍ଚ ଗୁଣାତ୍ମା ଗଣଭାଵନଃ ।
ଗଣବଂଧୁର୍ଵିଵେକାତ୍ମା ଗୁଣୟୁକ୍ତଃ ପରାକ୍ରମୀ ॥ 42 ॥

ଅତର୍କ୍ୟଃ କ୍ରତୁରଗ୍ନିଶ୍ଚ କୃତଜ୍ଞଃ ସଫଲାଶ୍ରୟଃ ।
ୟଜ୍ଞଶ୍ଚ ୟଜ୍ଞଫଲଦୋ ୟଜ୍ଞ ଇଜ୍ୟୋଽମରୋତ୍ତମଃ ॥ 43 ॥

ହିରଣ୍ୟଗର୍ଭଃ ଶ୍ରୀଗର୍ଭଃ ଖଗର୍ଭଃ କୁଣପେଶ୍ଵରଃ ।
ମାୟାଗର୍ଭୋ ଲୋକଗର୍ଭଃ ସ୍ଵୟଂଭୂର୍ଭୁଵନାଂତକଃ ॥ 44 ॥

ନିଷ୍ପାପୋ ନିବିଡୋ ନଂଦୀ ବୋଧୀ ବୋଧସମାଶ୍ରୟଃ ।
ବୋଧାତ୍ମା ବୋଧନାତ୍ମା ଚ ଭେଦଵୈତଂଡଖଂଡନଃ ॥ 45 ॥

ସ୍ଵାଭାଵ୍ୟୋ ଭାଵନିର୍ମୁକ୍ତୋ ଵ୍ୟକ୍ତୋଽଵ୍ୟକ୍ତସମାଶ୍ରୟଃ ।
ନିତ୍ୟତୃପ୍ତୋ ନିରାଭାସୋ ନିର୍ଵାଣଃ ଶରଣଃ ସୁହୃତ୍ ॥ 46 ॥

ଗୁହ୍ୟେଶୋ ଗୁଣଗଂଭୀରୋ ଗୁଣଦୋଷନିଵାରଣଃ ।
ଗୁଣସଂଗଵିହୀନଶ୍ଚ ୟୋଗାରେର୍ଦର୍ପନାଶନଃ ॥ 47 ॥

ଆନଂଦଃ ପରମାନଂଦଃ ସ୍ଵାନଂଦସୁଖଵର୍ଧନଃ ।
ସତ୍ୟାନଂଦଶ୍ଚିଦାନଂଦଃ ସର୍ଵାନଂଦପରାୟଣଃ ॥ 48 ॥

ସଦ୍ରୂପଃ ସହଜଃ ସତ୍ୟଃ ସ୍ଵାନଂଦଃ ସୁମନୋହରଃ ।
ସର୍ଵଃ ସର୍ଵାଂତରଶ୍ଚୈଵ ପୂର୍ଵାତ୍ପୂର୍ଵତରସ୍ତଥା ॥ 49 ॥

ଖମୟଃ ଖପରଃ ଖାଦିଃ ଖଂ‍ବ୍ରହ୍ମ ଖତନୁଃ ଖଗଃ ।
ଖଵାସାଃ ଖଵିହୀନଶ୍ଚ ଖନିଧିଃ ଖପରାଶ୍ରୟଃ ॥ 50 ॥

ଅନଂତଶ୍ଚାଦିରୂପଶ୍ଚ ସୂର୍ୟମଂଡଲମଧ୍ୟଗଃ ।
ଅମୋଘଃ ପରମାମୋଘଃ ପରୋକ୍ଷଃ ପରଦଃ କଵିଃ ॥ 51 ॥

ଵିଶ୍ଵଚକ୍ଷୁର୍ଵିଶ୍ଵସାକ୍ଷୀ ଵିଶ୍ଵବାହୁର୍ଧନେଶ୍ଵରଃ ।
ଧନଂଜୟୋ ମହାତେଜାସ୍ତେଜିଷ୍ଠସ୍ତୈଜସଃ ସୁଖୀ ॥ 52 ॥

ଜ୍ୟୋତିର୍ଜ୍ୟୋତିର୍ମୟୋ ଜେତା ଜ୍ୟୋତିଷାଂ ଜ୍ୟୋତିରାତ୍ମକଃ ।
ଜ୍ୟୋତିଷାମପି ଜ୍ୟୋତିଶ୍ଚ ଜନକୋ ଜନମୋହନଃ ॥ 53 ॥

ଜିତେଂଦ୍ରିୟୋ ଜିତକ୍ରୋଧୋ ଜିତାତ୍ମା ଜିତମାନସଃ ।
ଜିତସଂଗୋ ଜିତପ୍ରାଣୋ ଜିତସଂସାରଵାସନଃ ॥ 54 ॥

ନିର୍ଵାସନୋ ନିରାଲଂବୋ ନିର୍ୟୋଗକ୍ଷେମଵର୍ଜିତଃ ।
ନିରୀହୋ ନିରହଂକାରୋ ନିରାଶୀର୍ନିରୁପାଧିକଃ ॥ 55 ॥

ନିତ୍ୟବୋଧୋ ଵିଵିକ୍ତାତ୍ମା ଵିଶୁଦ୍ଧୋତ୍ତମଗୌରଵଃ ।
ଵିଦ୍ୟାର୍ଥୀ ପରମାର୍ଥୀ ଚ ଶ୍ରଦ୍ଧାର୍ଥୀ ସାଧନାତ୍ମକଃ ॥ 56 ॥

ପ୍ରତ୍ୟାହାରୀ ନିରାହାରୀ ସର୍ଵାହାରପରାୟଣଃ ।
ନିତ୍ୟଶୁଦ୍ଧୋ ନିରାକାଂକ୍ଷୀ ପାରାୟଣପରାୟଣଃ ॥ 57 ॥

ଅଣୋରଣୁତରଃ ସୂକ୍ଷ୍ମଃ ସ୍ଥୂଲଃ ସ୍ଥୂଲତରସ୍ତଥା ।
ଏକସ୍ତଥାଽନେକରୂପୋ ଵିଶ୍ଵରୂପଃ ସନାତନଃ ॥ 58 ॥

ନୈକରୂପୋ ଵିରୂପାତ୍ମା ନୈକବୋଧମୟସ୍ତଥା ।
ନୈକନାମମୟଶ୍ଚୈଵ ନୈକଵିଦ୍ୟାଵିଵର୍ଧନଃ ॥ 59 ॥

ଏକଶ୍ଚୈକାଂତିକଶ୍ଚୈଵ ନାନାଭାଵଵିଵର୍ଜିତଃ ।
ଏକାକ୍ଷରସ୍ତଥା ବୀଜଃ ପୂର୍ଣବିଂବଃ ସନାତନଃ ॥ 60 ॥

ମଂତ୍ରଵୀର୍ୟୋ ମଂତ୍ରବୀଜଃ ଶାସ୍ତ୍ରଵୀର୍ୟୋ ଜଗତ୍ପତିଃ ।
ନାନାଵୀର୍ୟଧରଶ୍ଚୈଵ ଶକ୍ରେଶଃ ପୃଥିଵୀପତିଃ ॥ 61 ॥

ପ୍ରାଣେଶଃ ପ୍ରାଣଦଃ ପ୍ରାଣଃ ପ୍ରାଣାୟାମପରାୟଣଃ ।
ପ୍ରାଣପଂଚକନିର୍ମୁକ୍ତଃ କୋଶପଂଚକଵର୍ଜିତଃ ॥ 62 ॥

ନିଶ୍ଚଲୋ ନିଷ୍କଲୋଽସଂଗୋ ନିଷ୍ପ୍ରପଂଚୋ ନିରାମୟଃ ।
ନିରାଧାରୋ ନିରାକାରୋ ନିର୍ଵିକାରୋ ନିରଂଜନଃ ॥ 63 ॥

ନିଷ୍ପ୍ରତୀତୋ ନିରାଭାସୋ ନିରାସକ୍ତୋ ନିରାକୁଲଃ ।
ନିଷ୍ଠାସର୍ଵଗତଶ୍ଚୈଵ ନିରାରଂଭୋ ନିରାଶ୍ରୟଃ ॥ 64 ॥

ନିରଂତରଃ ସର୍ଵଗୋପ୍ତା ଶାଂତୋ ଦାଂତୋ ମହାମୁନିଃ । [ସତ୍ତ୍ଵ]
ନିଃଶବ୍ଦଃ ସୁକୃତଃ ସ୍ଵସ୍ଥଃ ସତ୍ୟଵାଦୀ ସୁରେଶ୍ଵରଃ ॥ 65 ॥

ଜ୍ଞାନଦୋ ଜ୍ଞାନଵିଜ୍ଞାନୀ ଜ୍ଞାନାତ୍ମାଽଽନଂଦପୂରିତଃ ।
ଜ୍ଞାନୟଜ୍ଞଵିଦାଂ ଦକ୍ଷୋ ଜ୍ଞାନାଗ୍ନିର୍ଜ୍ଵଲନୋ ବୁଧଃ ॥ 66 ॥

ଦୟାଵାନ୍ ଭଵରୋଗାରିଶ୍ଚିକିତ୍ସାଚରମାଗତିଃ ।
ଚଂଦ୍ରମଂଡଲମଧ୍ୟସ୍ଥଶ୍ଚଂଦ୍ରକୋଟିସୁଶୀତଲଃ ॥ 67 ॥

ୟଂତ୍ରକୃତ୍ପରମୋ ୟଂତ୍ରୀ ୟଂତ୍ରାରୂଢାପରାଜିତଃ ।
ୟଂତ୍ରଵିଦ୍ୟଂତ୍ରଵାସଶ୍ଚ ୟଂତ୍ରାଧାରୋ ଧରାଧରଃ ॥ 68 ॥

ତତ୍ତ୍ଵଜ୍ଞସ୍ତତ୍ତ୍ଵଭୂତାତ୍ମା ମହତ୍ତତ୍ତ୍ଵପ୍ରକାଶନଃ ।
ତତ୍ତ୍ଵସଂଖ୍ୟାନୟୋଗଜ୍ଞଃ ସାଂଖ୍ୟଶାସ୍ତ୍ରପ୍ରଵର୍ତକଃ ॥ 69 ॥

ଅନଂତଵିକ୍ରମୋ ଦେଵୋ ମାଧଵଶ୍ଚ ଧନେଶ୍ଵରଃ ।
ସାଧୁଃ ସାଧୁଵରିଷ୍ଠାତ୍ମା ସାଵଧାନୋଽମରୋତ୍ତମଃ ॥ 70 ॥

ନିଃସଂକଲ୍ପୋ ନିରାଧାରୋ ଦୁର୍ଧରୋ ହ୍ୟାତ୍ମଵିତ୍ପତିଃ ।
ଆରୋଗ୍ୟସୁଖଦଶ୍ଚୈଵ ପ୍ରଵରୋ ଵାସଵସ୍ତଥା ॥ 71 ॥

ପରେଶଃ ପରମୋଦାରଃ ପ୍ରତ୍ୟକ୍ଚୈତନ୍ୟଦୁର୍ଗମଃ ।
ଦୁରାଧର୍ଷୋ ଦୁରାଵାସୋ ଦୂରତ୍ଵପରିନାଶନଃ ॥ 72 ॥

ଵେଦଵିଦ୍ଵେଦକୃଦ୍ଵେଦୋ ଵେଦାତ୍ମା ଵିମଲାଶୟଃ ।
ଵିଵିକ୍ତସେଵୀ ଚ ସଂସାରଶ୍ରମନାଶନସ୍ତଥା ॥ 73 ॥

ବ୍ରହ୍ମୟୋନିର୍ବୃହଦ୍ୟୋନିର୍ଵିଶ୍ଵୟୋନିର୍ଵିଦେହଵାନ୍ ।
ଵିଶାଲାକ୍ଷୋ ଵିଶ୍ଵନାଥୋ ହାଟକାଂଗଦଭୂଷଣଃ ॥ 74 ॥

ଅବାଧ୍ୟୋ ଜଗଦାରାଧ୍ୟୋ ଜଗଦାର୍ଜଵପାଲନଃ ।
ଜନଵାନ୍ ଧନଵାନ୍ ଧର୍ମୀ ଧର୍ମଗୋ ଧର୍ମଵର୍ଧନଃ ॥ 75 ॥

ଅମୃତଃ ଶାଶ୍ଵତଃ ସାଧ୍ୟଃ ସିଦ୍ଧିଦଃ ସୁମନୋହରଃ ।
ଖଲୁବ୍ରହ୍ମଖଲୁସ୍ଥାନୋ ମୁନୀନାଂ ପରମା ଗତିଃ ॥ 76 ॥

ଉପଦ୍ରଷ୍ଟା ତଥା ଶ୍ରେଷ୍ଠଃ ଶୁଚିଭୂତୋ ହ୍ୟନାମୟଃ ।
ଵେଦସିଦ୍ଧାଂତଵେଦ୍ୟଶ୍ଚ ମାନସାହ୍ଲାଦଵର୍ଧନଃ ॥ 77 ॥

ଦେହାଦନ୍ୟୋ ଗୁଣାଦନ୍ୟୋ ଲୋକାଦନ୍ୟୋ ଵିଵେକଵିତ୍ ।
ଦୁଷ୍ଟସ୍ଵପ୍ନହରଶ୍ଚୈଵ ଗୁରୁର୍ଗୁରୁଵରୋତ୍ତମଃ ॥ 78 ॥

କର୍ମୀ କର୍ମଵିନିର୍ମୁକ୍ତଃ ସଂନ୍ୟାସୀ ସାଧକେଶ୍ଵରଃ ।
ସର୍ଵଭାଵଵିହୀନଶ୍ଚ ତୃଷ୍ଣାସଂଗନିଵାରକଃ ॥ 79 ॥

ତ୍ୟାଗୀ ତ୍ୟାଗଵପୁସ୍ତ୍ୟାଗସ୍ତ୍ୟାଗଦାନଵିଵର୍ଜିତଃ ।
ତ୍ୟାଗକାରଣତ୍ୟାଗାତ୍ମା ସଦ୍ଗୁରୁଃ ସୁଖଦାୟକଃ ॥ 80 ॥

ଦକ୍ଷୋ ଦକ୍ଷାଦିଵଂଦ୍ୟଶ୍ଚ ଜ୍ଞାନଵାଦପ୍ରଵର୍ତକଃ ।
ଶବ୍ଦବ୍ରହ୍ମମୟାତ୍ମା ଚ ଶବ୍ଦବ୍ରହ୍ମପ୍ରକାଶଵାନ୍ ॥ 81 ॥

ଗ୍ରସିଷ୍ଣୁଃ ପ୍ରଭଵିଷ୍ଣୁଶ୍ଚ ସହିଷ୍ଣୁର୍ଵିଗତାଂତରଃ ।
ଵିଦ୍ଵତ୍ତମୋ ମହାଵଂଦ୍ୟୋ ଵିଶାଲୋତ୍ତମଵାଙ୍ମୁନିଃ ॥ 82 ॥

ବ୍ରହ୍ମଵିଦ୍ବ୍ରହ୍ମଭାଵଶ୍ଚ ବ୍ରହ୍ମର୍ଷିର୍ବ୍ରାହ୍ମଣପ୍ରିୟଃ ।
ବ୍ରହ୍ମ ବ୍ରହ୍ମପ୍ରକାଶାତ୍ମା ବ୍ରହ୍ମଵିଦ୍ୟାପ୍ରକାଶନଃ ॥ 83 ॥

ଅତ୍ରିଵଂଶପ୍ରଭୂତାତ୍ମା ତାପସୋତ୍ତମଵଂଦିତଃ ।
ଆତ୍ମଵାସୀ ଵିଧେୟାତ୍ମା ହ୍ୟତ୍ରିଵଂଶଵିଵର୍ଧନଃ ॥ 84 ॥

ପ୍ରଵର୍ତନୋ ନିଵୃତ୍ତାତ୍ମା ପ୍ରଲୟୋଦକସନ୍ନିଭଃ ।
ନାରାୟଣୋ ମହାଗର୍ଭୋ ଭାର୍ଗଵପ୍ରିୟକୃତ୍ତମଃ ॥ 85 ॥

ସଂକଲ୍ପଦୁଃଖଦଲନଃ ସଂସାରତମନାଶନଃ ।
ତ୍ରିଵିକ୍ରମସ୍ତ୍ରିଧାକାରସ୍ତ୍ରିମୂର୍ତିସ୍ତ୍ରିଗୁଣାତ୍ମକଃ ॥ 86 ॥

ଭେଦତ୍ରୟହରଶ୍ଚୈଵ ତାପତ୍ରୟନିଵାରକଃ ।
ଦୋଷତ୍ରୟଵିଭେଦୀ ଚ ସଂଶୟାର୍ଣଵଖଂଡନଃ ॥ 87 ॥

ଅସଂଶୟସ୍ତ୍ଵସମ୍ମୂଢୋ ହ୍ୟଵାଦୀ ରାଜଵଂଦିତଃ ।
ରାଜୟୋଗୀ ମହାୟୋଗୀ ସ୍ଵଭାଵଗଲିତସ୍ତଥା ॥ 88 ॥

ପୁଣ୍ୟଶ୍ଲୋକଃ ପଵିତ୍ରାଂଘ୍ରିର୍ଧ୍ୟାନୟୋଗପରାୟଣଃ ।
ଧ୍ୟାନସ୍ଥୋ ଧ୍ୟାନଗମ୍ୟଶ୍ଚ ଵିଧେୟାତ୍ମା ପୁରାତନଃ ॥ 89 ॥

ଅଵିଜ୍ଞେୟୋ ହ୍ୟଂତରାତ୍ମା ମୁଖ୍ୟବିଂବସନାତନଃ ।
ଜୀଵସଂଜୀଵନୋ ଜୀଵଶ୍ଚିଦ୍ଵିଲାସଶ୍ଚିଦାଶ୍ରୟଃ ॥ 90 ॥

ମହେଂଦ୍ରୋଽମରମାନ୍ୟଶ୍ଚ ୟୋଗେଂଦ୍ରୋ ୟୋଗଵିତ୍ତମଃ ।
ୟୋଗଧର୍ମସ୍ତଥା ୟୋଗସ୍ତତ୍ତ୍ଵସ୍ତତ୍ତ୍ଵଵିନିଶ୍ଚୟଃ ॥ 91 ॥

ନୈକବାହୁରନଂତାତ୍ମା ନୈକନାମପରାକ୍ରମଃ ।
ନୈକାକ୍ଷୀ ନୈକପାଦଶ୍ଚ ନାଥନାଥୋତ୍ତମୋତ୍ତମଃ ॥ 92 ॥

ସହସ୍ରଶୀର୍ଷା ପୁରୁଷଃ ସହସ୍ରାକ୍ଷଃ ସହସ୍ରପାତ୍ ।
ସହସ୍ରରୂପଦୃକ୍ ଚୈଵ ସହସ୍ରାରମୟୋଦ୍ଧଵଃ ॥ 93 ॥

ତ୍ରିପାଦପୁରୁଷଶ୍ଚୈଵ ତ୍ରିପାଦୂର୍ଧ୍ଵସ୍ତଥୈଵ ଚ ।
ତ୍ର୍ୟଂବକଶ୍ଚ ମହାଵୀର୍ୟୋ ୟୋଗଵୀର୍ୟଵିଶାରଦଃ ॥ 94 ॥

ଵିଜୟୀ ଵିନୟୀ ଜେତା ଵୀତରାଗୀ ଵିରାଜିତଃ ।
ରୁଦ୍ରୋ ରୌଦ୍ରୋ ମହାଭୀମଃ ପ୍ରାଜ୍ଞମୁଖ୍ୟଃ ସଦାଶୁଚିଃ ॥ 95 ॥

ଅଂତର୍ଜ୍ୟୋତିରନଂତାତ୍ମା ପ୍ରତ୍ୟଗାତ୍ମା ନିରଂତରଃ ।
ଅରୂପଶ୍ଚାତ୍ମରୂପଶ୍ଚ ସର୍ଵଭାଵଵିନିର୍ଵୃତଃ ॥ 96 ॥

ଅଂତଃଶୂନ୍ୟୋ ବହିଃଶୂନ୍ୟଃ ଶୂନ୍ୟାତ୍ମା ଶୂନ୍ୟଭାଵନଃ ।
ଅଂତଃପୂର୍ଣୋ ବହିଃପୂର୍ଣଃ ପୂର୍ଣାତ୍ମା ପୂର୍ଣଭାଵନଃ ॥ 97 ॥

ଅଂତସ୍ତ୍ୟାଗୀ ବହିସ୍ତ୍ୟାଗୀ ତ୍ୟାଗାତ୍ମା ସର୍ଵୟୋଗଵାନ୍ ।
ଅଂତର୍ୟୋଗୀ ବହିର୍ୟୋଗୀ ସର୍ଵୟୋଗପରାୟଣଃ ॥ 98 ॥

ଅଂତର୍ଭୋଗୀ ବହିର୍ଭୋଗୀ ସର୍ଵଭୋଗଵିଦୁତ୍ତମଃ ।
ଅଂତର୍ନିଷ୍ଠୋ ବହିର୍ନିଷ୍ଠଃ ସର୍ଵନିଷ୍ଠାମୟସ୍ତଥା ॥ 99 ॥

ବାହ୍ୟାଂତରଵିମୁକ୍ତଶ୍ଚ ବାହ୍ୟାଂତରଵିଵର୍ଜିତଃ ।
ଶାଂତଃ ଶୁଦ୍ଧୋ ଵିଶୁଦ୍ଧଶ୍ଚ ନିର୍ଵାଣଃ ପ୍ରକୃତେଃ ପରଃ ॥ 100 ॥

ଅକାଲଃ କାଲନେମୀ ଚ କାଲକାଲୋ ଜନେଶ୍ଵରଃ ।
କାଲାତ୍ମା କାଲକର୍ତା ଚ କାଲଜ୍ଞଃ କାଲନାଶନଃ ॥ 101 ॥

କୈଵଲ୍ୟପଦଦାତା ଚ କୈଵଲ୍ୟସୁଖଦାୟକଃ ।
କୈଵଲ୍ୟକଲନାଧାରୋ ନିର୍ଭରୋ ହର୍ଷଵର୍ଧନଃ ॥ 102 ॥

ହୃଦୟସ୍ଥୋ ହୃଷୀକେଶୋ ଗୋଵିଂଦୋ ଗର୍ଭଵର୍ଜିତଃ ।
ସକଲାଗମପୂଜ୍ୟଶ୍ଚ ନିଗମୋ ନିଗମାଶ୍ରୟଃ ॥ 103 ॥

ପରାଶକ୍ତିଃ ପରାକୀର୍ତିଃ ପରାଵୃତ୍ତିର୍ନିଧିସ୍ମୃତିଃ ।
ପରଵିଦ୍ୟା ପରାକ୍ଷାଂତିର୍ଵିଭକ୍ତିର୍ୟୁକ୍ତସଦ୍ଗତିଃ ॥ 104 ॥

ସ୍ଵପ୍ରକାଶଃ ପ୍ରକାଶାତ୍ମା ପରସଂଵେଦନାତ୍ମକଃ ।
ସ୍ଵସେଵ୍ୟଃ ସ୍ଵଵିଦାଂ ସ୍ଵାତ୍ମା ସ୍ଵସଂଵେଦ୍ୟୋଽନଘଃ କ୍ଷମୀ ॥ 105 ॥

ସ୍ଵାନୁସଂଧାନଶୀଲାତ୍ମା ସ୍ଵାନୁସଂଧାନଗୋଚରଃ ।
ସ୍ଵାନୁସଂଧାନଶୂନ୍ୟାତ୍ମା ସ୍ଵାନୁସଂଧାନକାଶ୍ରୟଃ ॥ 106 ॥

ସ୍ଵବୋଧଦର୍ପଣୋଽଭଂଗଃ କଂଦର୍ପକୁଲନାଶନଃ ।
ବ୍ରହ୍ମଚାରୀ ବ୍ରହ୍ମଵେତ୍ତା ବ୍ରାହ୍ମଣୋ ବ୍ରହ୍ମଵିତ୍ତମଃ ॥ 107 ॥

ତତ୍ତ୍ଵବୋଧଃ ସୁଧାଵର୍ଷଃ ପାଵନଃ ପାପପାଵକଃ ।
ବ୍ରହ୍ମସୂତ୍ରଵିଧେୟାତ୍ମା ବ୍ରହ୍ମସୂତ୍ରାର୍ଥନିର୍ଣୟଃ ॥ 108 ॥

ଆତ୍ୟଂତିକୋ ମହାକଲ୍ପଃ ସଂକଲ୍ପାଵର୍ତନାଶନଃ ।
ଆଧିଵ୍ୟାଧିହରଶ୍ଚୈଵ ସଂଶୟାର୍ଣଵଶୋଷକଃ ॥ 109 ॥

ତତ୍ତ୍ଵାତ୍ମଜ୍ଞାନସଂଦେଶୋ ମହାନୁଭଵଭାଵିତଃ ।
ଆତ୍ମାନୁଭଵସଂପନ୍ନଃ ସ୍ଵାନୁଭାଵସୁଖାଶ୍ରୟଃ ॥ 110 ॥

ଅଚିଂତ୍ୟଶ୍ଚ ବୃହଦ୍ଭାନୁଃ ପ୍ରମଦୋତ୍କର୍ଷନାଶନଃ ।
ଅନିକେତ ପ୍ରଶାଂତାତ୍ମା ଶୂନ୍ୟାଵାସୋ ଜଗଦ୍ଵପୁଃ ॥ 111 ॥

ଚିଦ୍ଗତିଶ୍ଚିନ୍ମୟଶ୍ଚକ୍ରୀ ମାୟାଚକ୍ରପ୍ରଵର୍ତକଃ ।
ସର୍ଵଵର୍ଣଵିଦାରଂଭୀ ସର୍ଵାରଂଭପରାୟଣଃ ॥ 112 ॥

ପୁରାଣଃ ପ୍ରଵରୋ ଦାତା ସୁଂଦରଃ କନକାଂଗଦୀ ।
ଅନସୂୟାତ୍ମଜୋ ଦତ୍ତଃ ସର୍ଵଜ୍ଞଃ ସର୍ଵକାମଦଃ ॥ 113 ॥

କାମଜିତ୍ କାମପାଲଶ୍ଚ କାମୀ କାମପ୍ରଦାଗମଃ ।
କାମଵାନ୍ କାମପୋଷଶ୍ଚ ସର୍ଵକାମନିଵର୍ତକଃ ॥ 114 ॥

ସର୍ଵକର୍ମଫଲୋତ୍ପତ୍ତିଃ ସର୍ଵକାମଫଲପ୍ରଦଃ ।
ସର୍ଵକର୍ମଫଲୈଃ ପୂଜ୍ୟଃ ସର୍ଵକର୍ମଫଲାଶ୍ରୟଃ ॥ 115 ॥

ଵିଶ୍ଵକର୍ମା କୃତାତ୍ମା ଚ କୃତଜ୍ଞଃ ସର୍ଵସାକ୍ଷିକଃ ।
ସର୍ଵାରଂଭପରିତ୍ୟାଗୀ ଜଡୋନ୍ମତ୍ତପିଶାଚଵାନ୍ ॥ 116 ॥

ଭିକ୍ଷୁର୍ଭୈକ୍ଷାକରଶ୍ଚୈଵ ଭୈକ୍ଷାହାରୀ ନିରାଶ୍ରମୀ ।
ଅକୂଲଶ୍ଚାନୁକୂଲଶ୍ଚ ଵିକଲୋ ହ୍ୟକଲସ୍ତଥା ॥ 117 ॥

ଜଟିଲୋ ଵନଚାରୀ ଚ ଦଂଡୀ ମୁଂଡୀ ଚ ଗଂଡଵାନ୍ ।
ଦେହଧର୍ମଵିହୀନାତ୍ମା ହ୍ୟେକାକୀ ସଂଗଵର୍ଜିତଃ ॥ 118 ॥

ଆଶ୍ରମ୍ୟନାଶ୍ରମାରଂଭୋଽନାଚାରୀ କର୍ମଵର୍ଜିତଃ ।
ଅସଂଦେହୀ ଚ ସଂଦେହୀ ନ କିଂଚିନ୍ନ ଚ କିଂଚନଃ ॥ 119 ॥

ନୃଦେହୀ ଦେହଶୂନ୍ୟଶ୍ଚ ନାଭାଵୀ ଭାଵନିର୍ଗତଃ ।
ନାବ୍ରହ୍ମା ଚ ପରବ୍ରହ୍ମ ସ୍ଵୟମେଵ ନିରାକୁଲଃ ॥ 120 ॥

ଅନଘଶ୍ଚାଗୁରୁଶ୍ଚୈଵ ନାଥନାଥୋତ୍ତମୋ ଗୁରୁଃ ।
ଦ୍ଵିଭୁଜଃ ପ୍ରାକୃତଶ୍ଚୈଵ ଜନକଶ୍ଚ ପିତାମହଃ ॥ 121 ॥

ଅନାତ୍ମା ନ ଚ ନାନାତ୍ମା ନୀତିର୍ନୀତିମତାଂ ଵରଃ ।
ସହଜଃ ସଦୃଶଃ ସିଦ୍ଧଶ୍ଚୈକଶ୍ଚିନ୍ମାତ୍ର ଏଵ ଚ ॥ 122 ॥

ନ କର୍ତାପି ଚ କର୍ତା ଚ ଭୋକ୍ତା ଭୋଗଵିଵର୍ଜିତଃ ।
ତୁରୀୟସ୍ତୁରୀୟାତୀତଃ ସ୍ଵଚ୍ଛଃ ସର୍ଵମୟସ୍ତଥା ॥ 123 ॥

ସର୍ଵାଧିଷ୍ଠାନରୂପଶ୍ଚ ସର୍ଵଧ୍ୟେୟଵିଵର୍ଜିତଃ ।
ସର୍ଵଲୋକନିଵାସାତ୍ମା ସକଲୋତ୍ତମଵଂଦିତଃ ॥ 124 ॥

ଦେହଭୃଦ୍ଦେହକୃଚ୍ଚୈଵ ଦେହାତ୍ମା ଦେହଭାଵନଃ ।
ଦେହୀ ଦେହଵିଭକ୍ତଶ୍ଚ ଦେହଭାଵପ୍ରକାଶନଃ ॥ 125 ॥

ଲୟସ୍ଥୋ ଲୟଵିଚ୍ଚୈଵ ଲୟାଭାଵଶ୍ଚ ବୋଧଵାନ୍ ।
ଲୟାତୀତୋ ଲୟସ୍ୟାଂତୋ ଲୟଭାଵନିଵାରଣଃ ॥ 126 ॥

ଵିମୁଖଃ ପ୍ରମୁଖଶ୍ଚୈଵ ପ୍ରତ୍ୟଙ୍ମୁଖଵଦାଚରୀ ।
ଵିଶ୍ଵଭୁଗ୍ଵିଶ୍ଵଧୃଗ୍ଵିଶ୍ଵୋ ଵିଶ୍ଵକ୍ଷେମକରସ୍ତଥା ॥ 127 ॥

ଅଵିକ୍ଷିପ୍ତୋଽପ୍ରମାଦୀ ଚ ପରର୍ଧିଃ ପରମାର୍ଥଦୃକ୍ ।
ସ୍ଵାନୁଭାଵଵିହୀନଶ୍ଚ ସ୍ଵାନୁଭାଵପ୍ରକାଶନଃ ॥ 128 ॥

ନିରିଂଦ୍ରିୟଶ୍ଚ ନିର୍ବୁଦ୍ଧିର୍ନିରାଭାସୋ ନିରାକୃତଃ ।
ନିରହଂକାରରୂପାତ୍ମା ନିର୍ଵପୁଃ ସକଲାଶ୍ରୟଃ ॥ 129 ॥

ଶୋକଦୁଃଖହରଶ୍ଚୈଵ ଭୋଗମୋକ୍ଷଫଲପ୍ରଦଃ ।
ସୁପ୍ରସନ୍ନସ୍ତଥା ସୂକ୍ଷ୍ମଃ ଶବ୍ଦବ୍ରହ୍ମାର୍ଥସଂଗ୍ରହଃ ॥ 130 ॥

ଆଗମାପାୟଶୂନ୍ୟଶ୍ଚ ସ୍ଥାନଦଶ୍ଚ ସତାଂଗତିଃ ।
ଅକୃତଃ ସୁକୃତଶ୍ଚୈଵ କୃତକର୍ମା ଵିନିର୍ଵୃତଃ ॥ 131 ॥

ଭେଦତ୍ରୟହରଶ୍ଚୈଵ ଦେହତ୍ରୟଵିନିର୍ଗତଃ ।
ସର୍ଵକାମମୟଶ୍ଚୈଵ ସର୍ଵକାମନିଵର୍ତକଃ ॥ 132 ॥

ସିଦ୍ଧେଶ୍ଵରୋଽଜରଃ ପଂଚବାଣଦର୍ପହୁତାଶନଃ ।
ଚତୁରକ୍ଷରବୀଜାତ୍ମା ସ୍ଵଭୂଶ୍ଚିତ୍କୀର୍ତିଭୂଷଣଃ ॥ 133 ॥

ଅଗାଧବୁଦ୍ଧିରକ୍ଷୁବ୍ଧଶ୍ଚଂଦ୍ରସୂର୍ୟାଗ୍ନିଲୋଚନଃ ।
ୟମଦଂଷ୍ଟ୍ରୋଽତିସଂହର୍ତା ପରମାନଂଦସାଗରଃ ॥ 134 ॥

ଲୀଲାଵିଶ୍ଵଂଭରୋ ଭାନୁର୍ଭୈରଵୋ ଭୀମଲୋଚନଃ ।
ବ୍ରହ୍ମଚର୍ମାଂବରଃ କାଲସ୍ତ୍ଵଚଲଶ୍ଚଲନାଂତକଃ ॥ 135 ॥

ଆଦିଦେଵୋ ଜଗଦ୍ୟୋନିର୍ଵାସଵାରିଵିମର୍ଦନଃ ।
ଵିକର୍ମକର୍ମକର୍ମଜ୍ଞୋ ଅନନ୍ୟଗମକୋଽଗମଃ ॥ 136 ॥

ଅବଦ୍ଧକର୍ମଶୂନ୍ୟଶ୍ଚ କାମରାଗକୁଲକ୍ଷୟଃ ।
ୟୋଗାଂଧକାରମଥନଃ ପଦ୍ମଜନ୍ମାଦିଵଂଦିତଃ ॥ 137 ॥

ଭକ୍ତକାମୋଽଗ୍ରଜଶ୍ଚକ୍ରୀ ଭାଵନିର୍ଭାଵଭାଵକଃ ।
ଭେଦାଂତକୋ ମହାନଗ୍ର୍ୟୋ ନିଗୂହୋ ଗୋଚରାଂତକଃ ॥ 138 ॥

କାଲାଗ୍ନିଶମନଃ ଶଂଖଚକ୍ରପଦ୍ମଗଦାଧରଃ ।
ଦୀପ୍ତୋ ଦୀନପତିଃ ଶାସ୍ତା ସ୍ଵଚ୍ଛଂଦୋ ମୁକ୍ତିଦାୟକଃ ॥ 139 ॥

ଵ୍ୟୋମଧର୍ମାଂବରୋ ଭେତ୍ତା ଭସ୍ମଧାରୀ ଧରାଧରଃ ।
ଧର୍ମଗୁପ୍ତୋଽନ୍ଵୟାତ୍ମା ଚ ଵ୍ୟତିରେକାର୍ଥନିର୍ଣୟଃ ॥ 140 ॥

ଏକାନେକଗୁଣାଭାସାଭାସନିର୍ଭାସଵର୍ଜିତଃ ।
ଭାଵାଭାଵସ୍ଵଭାଵାତ୍ମା ଭାଵାଭାଵଵିଭାଵଵିତ୍ ॥ 141 ॥

ୟୋଗିହୃଦୟଵିଶ୍ରାମୋଽନଂତଵିଦ୍ୟାଵିଵର୍ଧନଃ ।
ଵିଘ୍ନାଂତକସ୍ତ୍ରିକାଲଜ୍ଞସ୍ତତ୍ତ୍ଵାତ୍ମା ଜ୍ଞାନସାଗରଃ ॥ 142 ॥

ଇତୀଦଂ ଦତ୍ତସାହସ୍ରଂ ସାୟଂ ପ୍ରାତଃ ପଠେତ୍ତୁ ୟଃ ।
ସ ଇହାମୁତ୍ର ଲଭତେ ନିର୍ଵାଣଂ ପରମଂ ସୁଖମ୍ ॥ 143 ॥

ଗୁରୁଵାରେ ଦତ୍ତଭକ୍ତୋ ଭକ୍ତିଭାଵସମନ୍ଵିତଃ ।
ପଠେତ୍ ସଦୈଵ ୟୋ ହ୍ୟେତତ୍ ସ ଲଭେଚ୍ଚିଂତିତଂ ଧ୍ରୁଵମ୍ ॥ 144 ॥

ଇତି ଶ୍ରୀମଦ୍ଦତ୍ତାତ୍ରେୟପୁରାଣେ ଶ୍ରୀ ଦତ୍ତାତ୍ରେୟ ସହସ୍ରନାମ ସ୍ତୋତ୍ରମ୍ ।