ନାରାୟଣୀୟଂ ଦଶକ 97 – ଉତ୍ତମଭକ୍ତିପ୍ରାର୍ଥନା ତଥା ମାର୍କଂଡେୟ କଥା
ତ୍ରୈଗୁଣ୍ୟାଦ୍ଭିନ୍ନରୂପଂ ଭଵତି ହି ଭୁଵନେ ହୀନମଧ୍ୟୋତ୍ତମଂ ୟତ୍
ଜ୍ଞାନଂ ଶ୍ରଦ୍ଧା ଚ କର୍ତା ଵସତିରପି ସୁଖଂ କର୍ମ ଚାହାରଭେଦାଃ ।
ତ୍ଵତ୍କ୍ଷେତ୍ରତ୍ଵନ୍ନିଷେଵାଦି ତୁ ୟଦିହ ପୁନସ୍ତ୍ଵତ୍ପରଂ ତତ୍ତୁ ସର୍ଵଂ
ପ୍ରାହୁର୍ନୈଗୁଣ୍ୟନିଷ୍ଠଂ ତଦନୁଭଜନତୋ ମଂକ୍ଷୁ ସିଦ୍ଧୋ ଭଵେୟମ୍ ॥1॥
ତ୍ଵୟ୍ୟେଵ ନ୍ୟସ୍ତଚିତ୍ତଃ ସୁଖମୟି ଵିଚରନ୍ ସର୍ଵଚେଷ୍ଟାସ୍ତ୍ଵଦର୍ଥଂ
ତ୍ଵଦ୍ଭକ୍ତୈଃ ସେଵ୍ୟମାନାନପି ଚରିତଚରାନାଶ୍ରୟନ୍ ପୁଣ୍ୟଦେଶାନ୍ ।
ଦସ୍ୟୌ ଵିପ୍ରେ ମୃଗାଦିଷ୍ଵପି ଚ ସମମତିର୍ମୁଚ୍ୟମାନାଵମାନ-
ସ୍ପର୍ଧାସୂୟାଦିଦୋଷଃ ସତତମଖିଲଭୂତେଷୁ ସଂପୂଜୟେ ତ୍ଵାମ୍ ॥2॥
ତ୍ଵଦ୍ଭାଵୋ ୟାଵଦେଷୁ ସ୍ଫୁରତି ନ ଵିଶଦଂ ତାଵଦେଵଂ ହ୍ୟୁପାସ୍ତିଂ
କୁର୍ଵନ୍ନୈକାତ୍ମ୍ୟବୋଧେ ଝଟିତି ଵିକସତି ତ୍ଵନ୍ମୟୋଽହଂ ଚରେୟମ୍ ।
ତ୍ଵଦ୍ଧର୍ମସ୍ୟାସ୍ୟ ତାଵତ୍ କିମପି ନ ଭଗଵନ୍ ପ୍ରସ୍ତୁତସ୍ୟ ପ୍ରଣାଶ-
ସ୍ତସ୍ମାତ୍ସର୍ଵାତ୍ମନୈଵ ପ୍ରଦିଶ ମମ ଵିଭୋ ଭକ୍ତିମାର୍ଗଂ ମନୋଜ୍ଞମ୍ ॥3॥
ତଂ ଚୈନଂ ଭକ୍ତିୟୋଗଂ ଦ୍ରଢୟିତୁମୟି ମେ ସାଧ୍ୟମାରୋଗ୍ୟମାୟୁ-
ର୍ଦିଷ୍ଟ୍ୟା ତତ୍ରାପି ସେଵ୍ୟଂ ତଵ ଚରଣମହୋ ଭେଷଜାୟେଵ ଦୁଗ୍ଧମ୍ ।
ମାର୍କଂଡେୟୋ ହି ପୂର୍ଵଂ ଗଣକନିଗଦିତଦ୍ଵାଦଶାବ୍ଦାୟୁରୁଚ୍ଚୈଃ
ସେଵିତ୍ଵା ଵତ୍ସରଂ ତ୍ଵାଂ ତଵ ଭଟନିଵହୈର୍ଦ୍ରାଵୟାମାସ ମୃତ୍ୟୁମ୍ ॥4॥
ମାର୍କଂଡେୟଶ୍ଚିରାୟୁଃ ସ ଖଲୁ ପୁନରପି ତ୍ଵତ୍ପରଃ ପୁଷ୍ପଭଦ୍ରା-
ତୀରେ ନିନ୍ୟେ ତପସ୍ୟନ୍ନତୁଲସୁଖରତିଃ ଷଟ୍ ତୁ ମନ୍ଵଂତରାଣି ।
ଦେଵେଂଦ୍ରଃ ସପ୍ତମସ୍ତଂ ସୁରୟୁଵତିମରୁନ୍ମନ୍ମଥୈର୍ମୋହୟିଷ୍ୟନ୍
ୟୋଗୋଷ୍ମପ୍ଲୁଷ୍ୟମାଣୈର୍ନ ତୁ ପୁନରଶକତ୍ତ୍ଵଜ୍ଜନଂ ନିର୍ଜୟେତ୍ କଃ ॥5॥
ପ୍ରୀତ୍ୟା ନାରାୟଣାଖ୍ୟସ୍ତ୍ଵମଥ ନରସଖଃ ପ୍ରାପ୍ତଵାନସ୍ୟ ପାର୍ଶ୍ଵଂ
ତୁଷ୍ଟ୍ୟା ତୋଷ୍ଟୂୟମାନଃ ସ ତୁ ଵିଵିଧଵରୈର୍ଲୋଭିତୋ ନାନୁମେନେ ।
ଦ୍ରଷ୍ଟୁଂ ମାୟାଂ ତ୍ଵଦୀୟାଂ କିଲ ପୁନରଵୃଣୋଦ୍ଭକ୍ତିତୃପ୍ତାଂତରାତ୍ମା
ମାୟାଦୁଃଖାନଭିଜ୍ଞସ୍ତଦପି ମୃଗୟତେ ନୂନମାଶ୍ଚର୍ୟହେତୋଃ ॥6॥
ୟାତେ ତ୍ଵୟ୍ୟାଶୁ ଵାତାକୁଲଜଲଦଗଲତ୍ତୋୟପୂର୍ଣାତିଘୂର୍ଣତ୍-
ସପ୍ତାର୍ଣୋରାଶିମଗ୍ନେ ଜଗତି ସ ତୁ ଜଲେ ସଂଭ୍ରମନ୍ ଵର୍ଷକୋଟୀଃ ।
ଦୀନଃ ପ୍ରୈକ୍ଷିଷ୍ଟ ଦୂରେ ଵଟଦଲଶୟନଂ କଂଚିଦାଶ୍ଚର୍ୟବାଲଂ
ତ୍ଵାମେଵ ଶ୍ୟାମଲାଂଗଂ ଵଦନସରସିଜନ୍ୟସ୍ତପାଦାଂଗୁଲୀକମ୍ ॥7॥
ଦୃଷ୍ଟ୍ଵା ତ୍ଵାଂ ହୃଷ୍ଟରୋମା ତ୍ଵରିତମୁପଗତଃ ସ୍ପ୍ରଷ୍ଟୁକାମୋ ମୁନୀଂଦ୍ରଃ
ଶ୍ଵାସେନାଂତର୍ନିଵିଷ୍ଟଃ ପୁନରିହ ସକଲଂ ଦୃଷ୍ଟଵାନ୍ ଵିଷ୍ଟପୌଘମ୍ ।
ଭୂୟୋଽପି ଶ୍ଵାସଵାତୈର୍ବହିରନୁପତିତୋ ଵୀକ୍ଷିତସ୍ତ୍ଵତ୍କଟାକ୍ଷୈ-
ର୍ମୋଦାଦାଶ୍ଲେଷ୍ଟୁକାମସ୍ତ୍ଵୟି ପିହିତତନୌ ସ୍ଵାଶ୍ରମେ ପ୍ରାଗ୍ଵଦାସୀତ୍ ॥8॥
ଗୌର୍ୟା ସାର୍ଧଂ ତଦଗ୍ରେ ପୁରଭିଦଥ ଗତସ୍ତ୍ଵତ୍ପ୍ରିୟପ୍ରେକ୍ଷଣାର୍ଥୀ
ସିଦ୍ଧାନେଵାସ୍ୟ ଦତ୍ଵା ସ୍ଵୟମୟମଜରାମୃତ୍ୟୁତାଦୀନ୍ ଗତୋଽଭୂତ୍ ।
ଏଵଂ ତ୍ଵତ୍ସେଵୟୈଵ ସ୍ମରରିପୁରପି ସ ପ୍ରୀୟତେ ୟେନ ତସ୍ମା-
ନ୍ମୂର୍ତିତ୍ରୟ୍ୟାତ୍ମକସ୍ତ୍ଵଂ ନନୁ ସକଲନିୟଂତେତି ସୁଵ୍ୟକ୍ତମାସୀତ୍ ॥9॥
ତ୍ର୍ୟଂଶେସ୍ମିନ୍ ସତ୍ୟଲୋକେ ଵିଧିହରିପୁରଭିନ୍ମଂଦିରାଣ୍ୟୂର୍ଧ୍ଵମୂର୍ଧ୍ଵଂ
ତେଭୋଽପ୍ୟୂର୍ଧ୍ଵଂ ତୁ ମାୟାଵିକୃତିଵିରହିତୋ ଭାତି ଵୈକୁଂଠଲୋକଃ ।
ତତ୍ର ତ୍ଵଂ କାରଣାଂଭସ୍ୟପି ପଶୁପକୁଲେ ଶୁଦ୍ଧସତ୍ତ୍ଵୈକରୂପୀ
ସଚ୍ଚିତ୍ବ୍ରହ୍ମାଦ୍ଵୟାତ୍ମା ପଵନପୁରପତେ ପାହି ମାଂ ସର୍ଵରୋଗାତ୍ ॥10॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 97 - ଉତ୍ତମଭକ୍ତିପ୍ରାର୍ଥନା ତଥା ମାର୍କଂଡେୟ କଥା?
ନାରାୟଣୀୟଂ ଦଶକ 97 - ଉତ୍ତମଭକ୍ତିପ୍ରାର୍ଥନା ତଥା ମାର୍କଂଡେୟ କଥା is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 97 - ଉତ୍ତମଭକ୍ତିପ୍ରାର୍ଥନା ତଥା ମାର୍କଂଡେୟ କଥା online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 97 - ଉତ୍ତମଭକ୍ତିପ୍ରାର୍ଥନା ତଥା ମାର୍କଂଡେୟ କଥା as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.