ନାରାୟଣୀୟଂ ଦଶକ 92 – କର୍ମମିଶ୍ରଭକ୍ତିଃ
ଵେଦୈସ୍ସର୍ଵାଣି କର୍ମାଣ୍ୟଫଲପରତୟା ଵର୍ଣିତାନୀତି ବୁଧ୍ଵା
ତାନି ତ୍ଵୟ୍ୟର୍ପିତାନ୍ୟେଵ ହି ସମନୁଚରନ୍ ୟାନି ନୈଷ୍କର୍ମ୍ୟମୀଶ ।
ମା ଭୂଦ୍ଵେଦୈର୍ନିଷିଦ୍ଧେ କୁହଚିଦପି ମନଃକର୍ମଵାଚାଂ ପ୍ରଵୃତ୍ତି-
ର୍ଦୁର୍ଵର୍ଜଂ ଚେଦଵାପ୍ତଂ ତଦପି ଖଲୁ ଭଵତ୍ୟର୍ପୟେ ଚିତ୍ପ୍ରକାଶେ ॥1॥
ୟସ୍ତ୍ଵନ୍ୟଃ କର୍ମୟୋଗସ୍ତଵ ଭଜନମୟସ୍ତତ୍ର ଚାଭୀଷ୍ଟମୂର୍ତିଂ
ହୃଦ୍ୟାଂ ସତ୍ତ୍ଵୈକରୂପାଂ ଦୃଷଦି ହୃଦି ମୃଦି କ୍ଵାପି ଵା ଭାଵୟିତ୍ଵା ।
ପୁଷ୍ପୈର୍ଗଂଧୈର୍ନିଵେଦ୍ୟୈରପି ଚ ଵିରଚିତୈଃ ଶକ୍ତିତୋ ଭକ୍ତିପୂତୈ-
ର୍ନିତ୍ୟଂ ଵର୍ୟାଂ ସପର୍ୟାଂ ଵିଦଧଦୟି ଵିଭୋ ତ୍ଵତ୍ପ୍ରସାଦଂ ଭଜେୟମ୍ ॥2॥
ସ୍ତ୍ରୀଶୂଦ୍ରାସ୍ତ୍ଵତ୍କଥାଦିଶ୍ରଵଣଵିରହିତା ଆସତାଂ ତେ ଦୟାର୍ହା-
ସ୍ତ୍ଵତ୍ପାଦାସନ୍ନୟାତାନ୍ ଦ୍ଵିଜକୁଲଜନୁଷୋ ହଂତ ଶୋଚାମ୍ୟଶାଂତାନ୍ ।
ଵୃତ୍ତ୍ୟର୍ଥଂ ତେ ୟଜଂତୋ ବହୁକଥିତମପି ତ୍ଵାମନାକର୍ଣୟଂତୋ
ଦୃପ୍ତା ଵିଦ୍ୟାଭିଜାତ୍ୟୈଃ କିମୁ ନ ଵିଦଧତେ ତାଦୃଶଂ ମା କୃଥା ମାମ୍ ॥3॥
ପାପୋଽୟଂ କୃଷ୍ଣରାମେତ୍ୟଭିଲପତି ନିଜଂ ଗୂହିତୁଂ ଦୁଶ୍ଚରିତ୍ରଂ
ନିର୍ଲଜ୍ଜସ୍ୟାସ୍ୟ ଵାଚା ବହୁତରକଥନୀୟାନି ମେ ଵିଘ୍ନିତାନି ।
ଭ୍ରାତା ମେ ଵଂଧ୍ୟଶୀଲୋ ଭଜତି କିଲ ସଦା ଵିଷ୍ଣୁମିତ୍ଥଂ ବୁଧାଂସ୍ତେ
ନିଂଦଂତ୍ୟୁଚ୍ଚୈର୍ହସଂତି ତ୍ଵୟି ନିହିତମତୀଂସ୍ତାଦୃଶଂ ମା କୃଥା ମାମ୍ ॥4॥
ଶ୍ଵେତଚ୍ଛାୟଂ କୃତେ ତ୍ଵାଂ ମୁନିଵରଵପୁଷଂ ପ୍ରୀଣୟଂତେ ତପୋଭି-
ସ୍ତ୍ରେତାୟାଂ ସ୍ରୁକ୍ସ୍ରୁଵାଦ୍ୟଂକିତମରୁଣତନୁଂ ୟଜ୍ଞରୂପଂ ୟଜଂତେ ।
ସେଵଂତେ ତଂତ୍ରମାର୍ଗୈର୍ଵିଲସଦରିଗଦଂ ଦ୍ଵାପରେ ଶ୍ୟାମଲାଂଗଂ
ନୀଲଂ ସଂକୀର୍ତନାଦ୍ୟୈରିହ କଲିସମୟେ ମାନୁଷାସ୍ତ୍ଵାଂ ଭଜଂତେ ॥5॥
ସୋଽୟଂ କାଲେୟକାଲୋ ଜୟତି ମୁରରିପୋ ୟତ୍ର ସଂକୀର୍ତନାଦ୍ୟୈ-
ର୍ନିର୍ୟତ୍ନୈରେଵ ମାର୍ଗୈରଖିଲଦ ନ ଚିରାତ୍ତ୍ଵତ୍ପ୍ରସାଦଂ ଭଜଂତେ ।
ଜାତାସ୍ତ୍ରେତାକୃତାଦାଵପି ହି କିଲ କଲୌ ସଂଭଵଂ କାମୟଂତେ
ଦୈଵାତ୍ତତ୍ରୈଵ ଜାତାନ୍ ଵିଷୟଵିଷରସୈର୍ମା ଵିଭୋ ଵଂଚୟାସ୍ମାନ୍ ॥6॥
ଭକ୍ତାସ୍ତାଵତ୍କଲୌ ସ୍ୟୁର୍ଦ୍ରମିଲଭୁଵି ତତୋ ଭୂରିଶସ୍ତତ୍ର ଚୋଚ୍ଚୈ:
କାଵେରୀଂ ତାମ୍ରପର୍ଣୀମନୁ କିଲ କୃତମାଲାଂ ଚ ପୁଣ୍ୟାଂ ପ୍ରତୀଚୀମ୍ ।
ହା ମାମପ୍ୟେତଦଂତର୍ଭଵମପି ଚ ଵିଭୋ କିଂଚିଦଂଚଦ୍ରସଂ ତ୍ଵ-
ୟ୍ୟାଶାପାଶୈର୍ନିବଧ୍ୟ ଭ୍ରମୟ ନ ଭଗଵନ୍ ପୂରୟ ତ୍ଵନ୍ନିଷେଵାମ୍ ॥7॥
ଦୃଷ୍ଟ୍ଵା ଧର୍ମଦ୍ରୁହଂ ତଂ କଲିମପକରୁଣଂ ପ୍ରାଙ୍ମହୀକ୍ଷିତ୍ ପରୀକ୍ଷିତ୍
ହଂତୁଂ ଵ୍ୟାକୃଷ୍ଟଖଡ୍ଗୋଽପି ନ ଵିନିହତଵାନ୍ ସାରଵେଦୀ ଗୁଣାଂଶାତ୍ ।
ତ୍ଵତ୍ସେଵାଦ୍ୟାଶୁ ସିଦ୍ଧ୍ୟେଦସଦିହ ନ ତଥା ତ୍ଵତ୍ପରେ ଚୈଷ ଭୀରୁ-
ର୍ୟତ୍ତୁ ପ୍ରାଗେଵ ରୋଗାଦିଭିରପହରତେ ତତ୍ର ହା ଶିକ୍ଷୟୈନମ୍ ॥8॥
ଗଂଗା ଗୀତା ଚ ଗାୟତ୍ର୍ୟପି ଚ ତୁଲସିକା ଗୋପିକାଚଂଦନଂ ତତ୍
ସାଲଗ୍ରାମାଭିପୂଜା ପରପୁରୁଷ ତଥୈକାଦଶୀ ନାମଵର୍ଣାଃ ।
ଏତାନ୍ୟଷ୍ଟାପ୍ୟୟତ୍ନାନ୍ୟପି କଲିସମୟେ ତ୍ଵତ୍ପ୍ରସାଦପ୍ରଵୃଦ୍ଧ୍ୟା
କ୍ଷିପ୍ରଂ ମୁକ୍ତିପ୍ରଦାନୀତ୍ୟଭିଦଧୁଃ ଋଷୟସ୍ତେଷୁ ମାଂ ସଜ୍ଜୟେଥାଃ ॥9॥
ଦେଵର୍ଷୀଣାଂ ପିତୃଣାମପି ନ ପୁନଃ ଋଣୀ କିଂକରୋ ଵା ସ ଭୂମନ୍ ।
ୟୋଽସୌ ସର୍ଵାତ୍ମନା ତ୍ଵାଂ ଶରଣମୁପଗତସ୍ସର୍ଵକୃତ୍ୟାନି ହିତ୍ଵା ।
ତସ୍ୟୋତ୍ପନ୍ନଂ ଵିକର୍ମାପ୍ୟଖିଲମପନୁଦସ୍ୟେଵ ଚିତ୍ତସ୍ଥିତସ୍ତ୍ଵଂ
ତନ୍ମେ ପାପୋତ୍ଥତାପାନ୍ ପଵନପୁରପତେ ରୁଂଧି ଭକ୍ତିଂ ପ୍ରଣୀୟାଃ ॥10॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 92 - କର୍ମମିଶ୍ରଭକ୍ତିଃ?
ନାରାୟଣୀୟଂ ଦଶକ 92 - କର୍ମମିଶ୍ରଭକ୍ତିଃ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 92 - କର୍ମମିଶ୍ରଭକ୍ତିଃ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 92 - କର୍ମମିଶ୍ରଭକ୍ତିଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.