ନାରାୟଣୀୟଂ ଦଶକ 76 – ଉଦ୍ଧଵଦୌତ୍ୟମ୍
ଗତ୍ଵା ସାଂଦୀପନିମଥ ଚତୁଷ୍ଷଷ୍ଟିମାତ୍ରୈରହୋଭିଃ
ସର୍ଵଜ୍ଞସ୍ତ୍ଵଂ ସହ ମୁସଲିନା ସର୍ଵଵିଦ୍ୟା ଗୃହୀତ୍ଵା ।
ପୁତ୍ରଂ ନଷ୍ଟଂ ୟମନିଲୟନାଦାହୃତଂ ଦକ୍ଷିଣାର୍ଥଂ
ଦତ୍ଵା ତସ୍ମୈ ନିଜପୁରମଗା ନାଦୟନ୍ ପାଂଚଜନ୍ୟମ୍ ॥1॥
ସ୍ମୃତ୍ଵା ସ୍ମୃତ୍ଵା ପଶୁପସୁଦୃଶଃ ପ୍ରେମଭାରପ୍ରଣୁନ୍ନାଃ
କାରୁଣ୍ୟେନ ତ୍ଵମପି ଵିଵଶଃ ପ୍ରାହିଣୋରୁଦ୍ଧଵଂ ତମ୍ ।
କିଂଚାମୁଷ୍ମୈ ପରମସୁହୃଦେ ଭକ୍ତଵର୍ୟାୟ ତାସାଂ
ଭକ୍ତ୍ୟୁଦ୍ରେକଂ ସକଲଭୁଵନେ ଦୁର୍ଲଭଂ ଦର୍ଶୟିଷ୍ୟନ୍ ॥2॥
ତ୍ଵନ୍ମାହାତ୍ମ୍ୟପ୍ରଥିମପିଶୁନଂ ଗୋକୁଲଂ ପ୍ରାପ୍ୟ ସାୟଂ
ତ୍ଵଦ୍ଵାର୍ତାଭିର୍ବହୁ ସ ରମୟାମାସ ନଂଦଂ ୟଶୋଦାମ୍ ।
ପ୍ରାତର୍ଦ୍ଦୃଷ୍ଟ୍ଵା ମଣିମୟରଥଂ ଶଂକିତାଃ ପଂକଜାକ୍ଷ୍ୟଃ
ଶ୍ରୁତ୍ଵା ପ୍ରାପ୍ତଂ ଭଵଦନୁଚରଂ ତ୍ୟକ୍ତକାର୍ୟାଃ ସମୀୟୁଃ ॥3॥
ଦୃଷ୍ଟ୍ଵା ଚୈନଂ ତ୍ଵଦୁପମଲସଦ୍ଵେଷଭୂଷାଭିରାମଂ
ସ୍ମୃତ୍ଵା ସ୍ମୃତ୍ଵା ତଵ ଵିଲସିତାନ୍ୟୁଚ୍ଚକୈସ୍ତାନି ତାନି ।
ରୁଦ୍ଧାଲାପାଃ କଥମପି ପୁନର୍ଗଦ୍ଗଦାଂ ଵାଚମୂଚୁଃ
ସୌଜନ୍ୟାଦୀନ୍ ନିଜପରଭିଦାମପ୍ୟଲଂ ଵିସ୍ମରଂତ୍ୟଃ ॥4॥
ଶ୍ରୀମାନ୍ କିଂ ତ୍ଵଂ ପିତୃଜନକୃତେ ପ୍ରେଷିତୋ ନିର୍ଦୟେନ
କ୍ଵାସୌ କାଂତୋ ନଗରସୁଦୃଶାଂ ହା ହରେ ନାଥ ପାୟାଃ ।
ଆଶ୍ଲେଷାଣାମମୃତଵପୁଷୋ ହଂତ ତେ ଚୁଂବନାନା-
ମୁନ୍ମାଦାନାଂ କୁହକଵଚସାଂ ଵିସ୍ମରେତ୍ କାଂତ କା ଵା ॥5॥
ରାସକ୍ରୀଡାଲୁଲିତଲଲିତଂ ଵିଶ୍ଲଥତ୍କେଶପାଶଂ
ମଂଦୋଦ୍ଭିନ୍ନଶ୍ରମଜଲକଣଂ ଲୋଭନୀୟଂ ତ୍ଵଦଂଗମ୍ ।
କାରୁଣ୍ୟାବ୍ଧେ ସକୃଦପି ସମାଲିଂଗିତୁଂ ଦର୍ଶୟେତି
ପ୍ରେମୋନ୍ମାଦାଦ୍ଭୁଵନମଦନ ତ୍ଵତ୍ପ୍ରିୟାସ୍ତ୍ଵାଂ ଵିଲେପୁଃ ॥6॥
ଏଵଂପ୍ରାୟୈର୍ଵିଵଶଵଚନୈରାକୁଲା ଗୋପିକାସ୍ତା-
ସ୍ତ୍ଵତ୍ସଂଦେଶୈଃ ପ୍ରକୃତିମନୟତ୍ ସୋଽଥ ଵିଜ୍ଞାନଗର୍ଭୈଃ ।
ଭୂୟସ୍ତାଭିର୍ମୁଦିତମତିଭିସ୍ତ୍ଵନ୍ମୟୀଭିର୍ଵଧୂଭି-
ସ୍ତତ୍ତଦ୍ଵାର୍ତାସରସମନୟତ୍ କାନିଚିଦ୍ଵାସରାଣି ॥7॥
ତ୍ଵତ୍ପ୍ରୋଦ୍ଗାନୈଃ ସହିତମନିଶଂ ସର୍ଵତୋ ଗେହକୃତ୍ୟଂ
ତ୍ଵଦ୍ଵାର୍ତୈଵ ପ୍ରସରତି ମିଥଃ ସୈଵ ଚୋତ୍ସ୍ଵାପଲାପାଃ ।
ଚେଷ୍ଟାଃ ପ୍ରାୟସ୍ତ୍ଵଦନୁକୃତୟସ୍ତ୍ଵନ୍ମୟଂ ସର୍ଵମେଵଂ
ଦୃଷ୍ଟ୍ଵା ତତ୍ର ଵ୍ୟମୁହଦଧିକଂ ଵିସ୍ମୟାଦୁଦ୍ଧଵୋଽୟମ୍ ॥8॥
ରାଧାୟା ମେ ପ୍ରିୟତମମିଦଂ ମତ୍ପ୍ରିୟୈଵଂ ବ୍ରଵୀତି
ତ୍ଵଂ କିଂ ମୌନଂ କଲୟସି ସଖେ ମାନିନୀମତ୍ପ୍ରିୟେଵ।
ଇତ୍ୟାଦ୍ୟେଵ ପ୍ରଵଦତି ସଖି ତ୍ଵତ୍ପ୍ରିୟୋ ନିର୍ଜନେ ମା-
ମିତ୍ଥଂଵାଦୈରରମଦୟଂ ତ୍ଵତ୍ପ୍ରିୟାମୁତ୍ପଲାକ୍ଷୀମ୍ ॥9॥
ଏଷ୍ୟାମି ଦ୍ରାଗନୁପଗମନଂ କେଵଲଂ କାର୍ୟଭାରା-
ଦ୍ଵିଶ୍ଲେଷେଽପି ସ୍ମରଣଦୃଢତାସଂଭଵାନ୍ମାସ୍ତୁ ଖେଦଃ ।
ବ୍ରହ୍ମାନଂଦେ ମିଲତି ନଚିରାତ୍ ସଂଗମୋ ଵା ଵିୟୋଗ-
ସ୍ତୁଲ୍ୟୋ ଵଃ ସ୍ୟାଦିତି ତଵ ଗିରା ସୋଽକରୋନ୍ନିର୍ଵ୍ୟଥାସ୍ତାଃ ॥10॥
ଏଵଂ ଭକ୍ତି ସକଲଭୁଵନେ ନେକ୍ଷିତା ନ ଶ୍ରୁତା ଵା
କିଂ ଶାସ୍ତ୍ରୌଘୈଃ କିମିହ ତପସା ଗୋପିକାଭ୍ୟୋ ନମୋଽସ୍ତୁ ।
ଇତ୍ୟାନଂଦାକୁଲମୁପଗତଂ ଗୋକୁଲାଦୁଦ୍ଧଵଂ ତଂ
ଦୃଷ୍ଟ୍ଵା ହୃଷ୍ଟୋ ଗୁରୁପୁରପତେ ପାହି ମାମାମୟୌଘାତ୍ ॥11॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 76 - ଉଦ୍ଧଵଦୌତ୍ୟମ୍?
ନାରାୟଣୀୟଂ ଦଶକ 76 - ଉଦ୍ଧଵଦୌତ୍ୟମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 76 - ଉଦ୍ଧଵଦୌତ୍ୟମ୍ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 76 - ଉଦ୍ଧଵଦୌତ୍ୟମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.