ନାରାୟଣୀୟଂ ଦଶକ 7 – ଵିରାଟ୍ସ୍ବ୍ରହ୍ମଣଃ ଜନ୍ମ, ତପଃ ତଥା ଵୈକୁଂଠଦର୍ଶନମ୍ଵରୂପଵର୍ଣନମ୍
ଏଵଂ ଦେଵ ଚତୁର୍ଦଶାତ୍ମକଜଗଦ୍ରୂପେଣ ଜାତଃ ପୁନ-
ସ୍ତସ୍ୟୋର୍ଧ୍ଵଂ ଖଲୁ ସତ୍ୟଲୋକନିଲୟେ ଜାତୋଽସି ଧାତା ସ୍ଵୟମ୍ ।
ୟଂ ଶଂସଂତି ହିରଣ୍ୟଗର୍ଭମଖିଲତ୍ରୈଲୋକ୍ୟଜୀଵାତ୍ମକଂ
ୟୋଽଭୂତ୍ ସ୍ଫୀତରଜୋଵିକାରଵିକସନ୍ନାନାସିସୃକ୍ଷାରସଃ ॥1॥
ସୋଽୟଂ ଵିଶ୍ଵଵିସର୍ଗଦତ୍ତହୃଦୟଃ ସଂପଶ୍ୟମାନଃ ସ୍ଵୟଂ
ବୋଧଂ ଖଲ୍ଵନଵାପ୍ୟ ଵିଶ୍ଵଵିଷୟଂ ଚିଂତାକୁଲସ୍ତସ୍ଥିଵାନ୍ ।
ତାଵତ୍ତ୍ଵଂ ଜଗତାଂ ପତେ ତପ ତପେତ୍ୟେଵଂ ହି ଵୈହାୟସୀଂ
ଵାଣୀମେନମଶିଶ୍ରଵଃ ଶ୍ରୁତିସୁଖାଂ କୁର୍ଵଂସ୍ତପଃପ୍ରେରଣାମ୍ ॥2॥
କୋଽସୌ ମାମଵଦତ୍ ପୁମାନିତି ଜଲାପୂର୍ଣେ ଜଗନ୍ମଂଡଲେ
ଦିକ୍ଷୂଦ୍ଵୀକ୍ଷ୍ୟ କିମପ୍ୟନୀକ୍ଷିତଵତା ଵାକ୍ୟାର୍ଥମୁତ୍ପଶ୍ୟତା ।
ଦିଵ୍ୟଂ ଵର୍ଷସହସ୍ରମାତ୍ତତପସା ତେନ ତ୍ଵମାରାଧିତ –
ସ୍ତସ୍ମୈ ଦର୍ଶିତଵାନସି ସ୍ଵନିଲୟଂ ଵୈକୁଂଠମେକାଦ୍ଭୁତମ୍ ॥3॥
ମାୟା ୟତ୍ର କଦାପି ନୋ ଵିକୁରୁତେ ଭାତେ ଜଗଦ୍ଭ୍ୟୋ ବହିଃ
ଶୋକକ୍ରୋଧଵିମୋହସାଧ୍ଵସମୁଖା ଭାଵାସ୍ତୁ ଦୂରଂ ଗତାଃ ।
ସାଂଦ୍ରାନଂଦଝରୀ ଚ ୟତ୍ର ପରମଜ୍ୟୋତିଃପ୍ରକାଶାତ୍ମକେ
ତତ୍ତେ ଧାମ ଵିଭାଵିତଂ ଵିଜୟତେ ଵୈକୁଂଠରୂପଂ ଵିଭୋ ॥4॥
ୟସ୍ମିନ୍ନାମ ଚତୁର୍ଭୁଜା ହରିମଣିଶ୍ୟାମାଵଦାତତ୍ଵିଷୋ
ନାନାଭୂଷଣରତ୍ନଦୀପିତଦିଶୋ ରାଜଦ୍ଵିମାନାଲୟାଃ ।
ଭକ୍ତିପ୍ରାପ୍ତତଥାଵିଧୋନ୍ନତପଦା ଦୀଵ୍ୟଂତି ଦିଵ୍ୟା ଜନା-
ତତ୍ତେ ଧାମ ନିରସ୍ତସର୍ଵଶମଲଂ ଵୈକୁଂଠରୂପଂ ଜୟେତ୍ ॥5॥
ନାନାଦିଵ୍ୟଵଧୂଜନୈରଭିଵୃତା ଵିଦ୍ୟୁଲ୍ଲତାତୁଲ୍ୟୟା
ଵିଶ୍ଵୋନ୍ମାଦନହୃଦ୍ୟଗାତ୍ରଲତୟା ଵିଦ୍ୟୋତିତାଶାଂତରା ।
ତ୍ଵତ୍ପାଦାଂବୁଜସୌରଭୈକକୁତୁକାଲ୍ଲକ୍ଷ୍ମୀଃ ସ୍ଵୟଂ ଲକ୍ଷ୍ୟତେ
ୟସ୍ମିନ୍ ଵିସ୍ମୟନୀୟଦିଵ୍ୟଵିଭଵଂ ତତ୍ତେ ପଦଂ ଦେହି ମେ ॥6॥
ତତ୍ରୈଵଂ ପ୍ରତିଦର୍ଶିତେ ନିଜପଦେ ରତ୍ନାସନାଧ୍ୟାସିତଂ
ଭାସ୍ଵତ୍କୋଟିଲସତ୍କିରୀଟକଟକାଦ୍ୟାକଲ୍ପଦୀପ୍ରାକୃତି ।
ଶ୍ରୀଵତ୍ସାଂକିତମାତ୍ତକୌସ୍ତୁଭମଣିଚ୍ଛାୟାରୁଣଂ କାରଣଂ
ଵିଶ୍ଵେଷାଂ ତଵ ରୂପମୈକ୍ଷତ ଵିଧିସ୍ତତ୍ତେ ଵିଭୋ ଭାତୁ ମେ ॥7॥
କାଲାଂଭୋଦକଲାୟକୋମଲରୁଚୀଚକ୍ରେଣ ଚକ୍ରଂ ଦିଶା –
ମାଵୃଣ୍ଵାନମୁଦାରମଂଦହସିତସ୍ୟଂଦପ୍ରସନ୍ନାନନମ୍ ।
ରାଜତ୍କଂବୁଗଦାରିପଂକଜଧରଶ୍ରୀମଦ୍ଭୁଜାମଂଡଲଂ
ସ୍ରଷ୍ଟୁସ୍ତୁଷ୍ଟିକରଂ ଵପୁସ୍ତଵ ଵିଭୋ ମଦ୍ରୋଗମୁଦ୍ଵାସୟେତ୍ ॥8॥
ଦୃଷ୍ଟ୍ଵା ସଂଭୃତସଂଭ୍ରମଃ କମଲଭୂସ୍ତ୍ଵତ୍ପାଦପାଥୋରୁହେ
ହର୍ଷାଵେଶଵଶଂଵଦୋ ନିପତିତଃ ପ୍ରୀତ୍ୟା କୃତାର୍ଥୀଭଵନ୍ ।
ଜାନାସ୍ୟେଵ ମନୀଷିତଂ ମମ ଵିଭୋ ଜ୍ଞାନଂ ତଦାପାଦୟ
ଦ୍ଵୈତାଦ୍ଵୈତଭଵତ୍ସ୍ଵରୂପପରମିତ୍ୟାଚଷ୍ଟ ତଂ ତ୍ଵାଂ ଭଜେ ॥9॥
ଆତାମ୍ରେ ଚରଣେ ଵିନମ୍ରମଥ ତଂ ହସ୍ତେନ ହସ୍ତେ ସ୍ପୃଶନ୍
ବୋଧସ୍ତେ ଭଵିତା ନ ସର୍ଗଵିଧିଭିର୍ବଂଧୋଽପି ସଂଜାୟତେ ।
ଇତ୍ୟାଭାଷ୍ୟ ଗିରଂ ପ୍ରତୋଷ୍ୟ ନିତରାଂ ତଚ୍ଚିତ୍ତଗୂଢଃ ସ୍ଵୟଂ
ସୃଷ୍ଟୌ ତଂ ସମୁଦୈରୟଃ ସ ଭଗଵନ୍ନୁଲ୍ଲାସୟୋଲ୍ଲାଘତାମ୍ ॥10॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 7 - ଵିରାଟ୍ସ୍ବ୍ରହ୍ମଣଃ ଜନ୍ମ, ତପଃ ତଥା ଵୈକୁଂଠଦର୍ଶନମ୍ଵରୂପଵର୍ଣନମ୍?
ନାରାୟଣୀୟଂ ଦଶକ 7 - ଵିରାଟ୍ସ୍ବ୍ରହ୍ମଣଃ ଜନ୍ମ, ତପଃ ତଥା ଵୈକୁଂଠଦର୍ଶନମ୍ଵରୂପଵର୍ଣନମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 7 - ଵିରାଟ୍ସ୍ବ୍ରହ୍ମଣଃ ଜନ୍ମ, ତପଃ ତଥା ଵୈକୁଂଠଦର୍ଶନମ୍ଵରୂପଵର୍ଣନମ୍ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 7 - ଵିରାଟ୍ସ୍ବ୍ରହ୍ମଣଃ ଜନ୍ମ, ତପଃ ତଥା ଵୈକୁଂଠଦର୍ଶନମ୍ଵରୂପଵର୍ଣନମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.