ନାରାୟଣୀୟଂ ଦଶକ 65 – ଗୋପିକାନାଂ ଭଗଵତ୍ସାମୀପ୍ୟପ୍ରାପ୍ତିଃ
ଗୋପୀଜନାୟ କଥିତଂ ନିୟମାଵସାନେ
ମାରୋତ୍ସଵଂ ତ୍ଵମଥ ସାଧୟିତୁଂ ପ୍ରଵୃତ୍ତଃ ।
ସାଂଦ୍ରେଣ ଚାଂଦ୍ରମହସା ଶିଶିରୀକୃତାଶେ
ପ୍ରାପୂରୟୋ ମୁରଲିକାଂ ୟମୁନାଵନାଂତେ ॥1॥
ସମ୍ମୂର୍ଛନାଭିରୁଦିତସ୍ଵରମଂଡଲାଭିଃ
ସମ୍ମୂର୍ଛୟଂତମଖିଲଂ ଭୁଵନାଂତରାଲମ୍ ।
ତ୍ଵଦ୍ଵେଣୁନାଦମୁପକର୍ଣ୍ୟ ଵିଭୋ ତରୁଣ୍ୟ-
ସ୍ତତ୍ତାଦୃଶଂ କମପି ଚିତ୍ତଵିମୋହମାପୁଃ ॥2॥
ତା ଗେହକୃତ୍ୟନିରତାସ୍ତନୟପ୍ରସକ୍ତାଃ
କାଂତୋପସେଵନପରାଶ୍ଚ ସରୋରୁହାକ୍ଷ୍ୟଃ ।
ସର୍ଵଂ ଵିସୃଜ୍ୟ ମୁରଲୀରଵମୋହିତାସ୍ତେ
କାଂତାରଦେଶମୟି କାଂତତନୋ ସମେତାଃ ॥3॥
କାଶ୍ଚିନ୍ନିଜାଂଗପରିଭୂଷଣମାଦଧାନା
ଵେଣୁପ୍ରଣାଦମୁପକର୍ଣ୍ୟ କୃତାର୍ଧଭୂଷାଃ ।
ତ୍ଵାମାଗତା ନନୁ ତଥୈଵ ଵିଭୂଷିତାଭ୍ୟ-
ସ୍ତା ଏଵ ସଂରୁରୁଚିରେ ତଵ ଲୋଚନାୟ ॥4॥
ହାରଂ ନିତଂବଭୁଵି କାଚନ ଧାରୟଂତୀ
କାଂଚୀଂ ଚ କଂଠଭୁଵି ଦେଵ ସମାଗତା ତ୍ଵାମ୍ ।
ହାରିତ୍ଵମାତ୍ମଜଘନସ୍ୟ ମୁକୁଂଦ ତୁଭ୍ୟଂ
ଵ୍ୟକ୍ତଂ ବଭାଷ ଇଵ ମୁଗ୍ଧମୁଖୀ ଵିଶେଷାତ୍ ॥5॥
କାଚିତ୍ କୁଚେ ପୁନରସଜ୍ଜିତକଂଚୁଲୀକା
ଵ୍ୟାମୋହତଃ ପରଵଧୂଭିରଲକ୍ଷ୍ୟମାଣା ।
ତ୍ଵାମାୟୟୌ ନିରୁପମପ୍ରଣୟାତିଭାର-
ରାଜ୍ୟାଭିଷେକଵିଧୟେ କଲଶୀଧରେଵ ॥6॥
କାଶ୍ଚିତ୍ ଗୃହାତ୍ କିଲ ନିରେତୁମପାରୟଂତ୍ୟ-
ସ୍ତ୍ଵାମେଵ ଦେଵ ହୃଦୟେ ସୁଦୃଢଂ ଵିଭାଵ୍ୟ ।
ଦେହଂ ଵିଧୂୟ ପରଚିତ୍ସୁଖରୂପମେକଂ
ତ୍ଵାମାଵିଶନ୍ ପରମିମା ନନୁ ଧନ୍ୟଧନ୍ୟାଃ ॥7॥
ଜାରାତ୍ମନା ନ ପରମାତ୍ମତୟା ସ୍ମରଂତ୍ୟୋ
ନାର୍ୟୋ ଗତାଃ ପରମହଂସଗତିଂ କ୍ଷଣେନ ।
ତଂ ତ୍ଵାଂ ପ୍ରକାଶପରମାତ୍ମତନୁଂ କଥଂଚି-
ଚ୍ଚିତ୍ତେ ଵହନ୍ନମୃତମଶ୍ରମମଶ୍ନୁଵୀୟ ॥8॥
ଅଭ୍ୟାଗତାଭିରଭିତୋ ଵ୍ରଜସୁଂଦରୀଭି-
ର୍ମୁଗ୍ଧସ୍ମିତାର୍ଦ୍ରଵଦନଃ କରୁଣାଵଲୋକୀ ।
ନିସ୍ସୀମକାଂତିଜଲଧିସ୍ତ୍ଵମଵେକ୍ଷ୍ୟମାଣୋ
ଵିଶ୍ଵୈକହୃଦ୍ୟ ହର ମେ ପଵନେଶ ରୋଗାନ୍ ॥9॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 65 - ଗୋପିକାନାଂ ଭଗଵତ୍ସାମୀପ୍ୟପ୍ରାପ୍ତିଃ?
ନାରାୟଣୀୟଂ ଦଶକ 65 - ଗୋପିକାନାଂ ଭଗଵତ୍ସାମୀପ୍ୟପ୍ରାପ୍ତିଃ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 65 - ଗୋପିକାନାଂ ଭଗଵତ୍ସାମୀପ୍ୟପ୍ରାପ୍ତିଃ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 65 - ଗୋପିକାନାଂ ଭଗଵତ୍ସାମୀପ୍ୟପ୍ରାପ୍ତିଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.