ନାରାୟଣୀୟଂ ଦଶକ 55 – କାଲିୟନର୍ତନମ୍
ଅଥ ଵାରିଣି ଘୋରତରଂ ଫଣିନଂ
ପ୍ରତିଵାରୟିତୁଂ କୃତଧୀର୍ଭଗଵନ୍ ।
ଦ୍ରୁତମାରିଥ ତୀରଗନୀପତରୁଂ
ଵିଷମାରୁତଶୋଷିତପର୍ଣଚୟମ୍ ॥1॥
ଅଧିରୁହ୍ୟ ପଦାଂବୁରୁହେଣ ଚ ତଂ
ନଵପଲ୍ଲଵତୁଲ୍ୟମନୋଜ୍ଞରୁଚା ।
ହ୍ରଦଵାରିଣି ଦୂରତରଂ ନ୍ୟପତଃ
ପରିଘୂର୍ଣିତଘୋରତରଂଗ୍ଗଣେ ॥2॥
ଭୁଵନତ୍ରୟଭାରଭୃତୋ ଭଵତୋ
ଗୁରୁଭାରଵିକଂପିଵିଜୃଂଭିଜଲା ।
ପରିମଜ୍ଜୟତି ସ୍ମ ଧନୁଶ୍ଶତକଂ
ତଟିନୀ ଝଟିତି ସ୍ଫୁଟଘୋଷଵତୀ ॥3॥
ଅଥ ଦିକ୍ଷୁ ଵିଦିକ୍ଷୁ ପରିକ୍ଷୁଭିତ-
ଭ୍ରମିତୋଦରଵାରିନିନାଦଭରୈଃ ।
ଉଦକାଦୁଦଗାଦୁରଗାଧିପତି-
ସ୍ତ୍ଵଦୁପାଂତମଶାଂତରୁଷାଽଂଧମନାଃ ॥4॥
ଫଣଶୃଂଗସହସ୍ରଵିନିସ୍ସୃମର-
ଜ୍ଵଲଦଗ୍ନିକଣୋଗ୍ରଵିଷାଂବୁଧରମ୍ ।
ପୁରତଃ ଫଣିନଂ ସମଲୋକୟଥା
ବହୁଶୃଂଗିଣମଂଜନଶୈଲମିଵ ॥5॥
ଜ୍ଵଲଦକ୍ଷି ପରିକ୍ଷରଦୁଗ୍ରଵିଷ-
ଶ୍ଵସନୋଷ୍ମଭରଃ ସ ମହାଭୁଜଗଃ ।
ପରିଦଶ୍ୟ ଭଵଂତମନଂତବଲଂ
ସମଵେଷ୍ଟୟଦସ୍ଫୁଟଚେଷ୍ଟମହୋ ॥6॥
ଅଵିଲୋକ୍ୟ ଭଵଂତମଥାକୁଲିତେ
ତଟଗାମିନି ବାଲକଧେନୁଗଣେ ।
ଵ୍ରଜଗେହତଲେଽପ୍ୟନିମିତ୍ତଶତଂ
ସମୁଦୀକ୍ଷ୍ୟ ଗତା ୟମୁନାଂ ପଶୁପାଃ ॥7॥
ଅଖିଲେଷୁ ଵିଭୋ ଭଵଦୀୟ ଦଶା-
ମଵଲୋକ୍ୟ ଜିହାସୁଷୁ ଜୀଵଭରମ୍ ।
ଫଣିବଂଧନମାଶୁ ଵିମୁଚ୍ୟ ଜଵା-
ଦୁଦଗମ୍ୟତ ହାସଜୁଷା ଭଵତା ॥8॥
ଅଧିରୁହ୍ୟ ତତଃ ଫଣିରାଜଫଣାନ୍
ନନୃତେ ଭଵତା ମୃଦୁପାଦରୁଚା ।
କଲଶିଂଜିତନୂପୁରମଂଜୁମିଲ-
ତ୍କରକଂକଣସଂକୁଲସଂକ୍ଵଣିତମ୍ ॥9॥
ଜହୃଷୁଃ ପଶୁପାସ୍ତୁତୁଷୁର୍ମୁନୟୋ
ଵଵୃଷୁଃ କୁସୁମାନି ସୁରେଂଦ୍ରଗଣାଃ ।
ତ୍ଵୟି ନୃତ୍ୟତି ମାରୁତଗେହପତେ
ପରିପାହି ସ ମାଂ ତ୍ଵମଦାଂତଗଦାତ୍ ॥10॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 55 - କାଲିୟନର୍ତନମ୍?
ନାରାୟଣୀୟଂ ଦଶକ 55 - କାଲିୟନର୍ତନମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 55 - କାଲିୟନର୍ତନମ୍ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 55 - କାଲିୟନର୍ତନମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.