ନାରାୟଣୀୟଂ ଦଶକ 48 – ନଳକୂବର-ମଣିଗ୍ରୀଵୟୋଃ ଶାପମୋକ୍ଷମ୍

ମୁଦା ସୁରୌଘୈସ୍ତ୍ଵମୁଦାରସମ୍ମଦୈ-
ରୁଦୀର୍ୟ ଦାମୋଦର ଇତ୍ୟଭିଷ୍ଟୁତଃ ।
ମୃଦୁଦରଃ ସ୍ଵୈରମୁଲୂଖଲେ ଲଗ-
ନ୍ନଦୂରତୋ ଦ୍ଵୌ କକୁଭାଵୁଦୈକ୍ଷଥାଃ ॥1॥

କୁବେରସୂନୁର୍ନଲକୂବରାଭିଧଃ
ପରୋ ମଣିଗ୍ରୀଵ ଇତି ପ୍ରଥାଂ ଗତଃ ।
ମହେଶସେଵାଧିଗତଶ୍ରିୟୋନ୍ମଦୌ
ଚିରଂ କିଲ ତ୍ଵଦ୍ଵିମୁଖାଵଖେଲତାମ୍ ॥2॥

ସୁରାପଗାୟାଂ କିଲ ତୌ ମଦୋତ୍କଟୌ
ସୁରାପଗାୟଦ୍ବହୁୟୌଵତାଵୃତୌ ।
ଵିଵାସସୌ କେଲିପରୌ ସ ନାରଦୋ
ଭଵତ୍ପଦୈକପ୍ରଵଣୋ ନିରୈକ୍ଷତ ॥3॥

ଭିୟା ପ୍ରିୟାଲୋକମୁପାତ୍ତଵାସସଂ
ପୁରୋ ନିରୀକ୍ଷ୍ୟାପି ମଦାଂଧଚେତସୌ ।
ଇମୌ ଭଵଦ୍ଭକ୍ତ୍ୟୁପଶାଂତିସିଦ୍ଧୟେ
ମୁନିର୍ଜଗୌ ଶାଂତିମୃତେ କୁତଃ ସୁଖମ୍ ॥4॥

ୟୁଵାମଵାପ୍ତୌ କକୁଭାତ୍ମତାଂ ଚିରଂ
ହରିଂ ନିରୀକ୍ଷ୍ୟାଥ ପଦଂ ସ୍ଵମାପ୍ନୁତମ୍ ।
ଇତୀରେତୌ ତୌ ଭଵଦୀକ୍ଷଣସ୍ପୃହାଂ
ଗତୌ ଵ୍ରଜାଂତେ କକୁଭୌ ବଭୂଵତୁଃ ॥5॥

ଅତଂଦ୍ରମିଂଦ୍ରଦ୍ରୁୟୁଗଂ ତଥାଵିଧଂ
ସମେୟୁଷା ମଂଥରଗାମିନା ତ୍ଵୟା ।
ତିରାୟିତୋଲୂଖଲରୋଧନିର୍ଧୁତୌ
ଚିରାୟ ଜୀର୍ଣୌ ପରିପାତିତୌ ତରୂ ॥6॥

ଅଭାଜି ଶାଖିଦ୍ଵିତୟଂ ୟଦା ତ୍ଵୟା
ତଦୈଵ ତଦ୍ଗର୍ଭତଲାନ୍ନିରେୟୁଷା ।
ମହାତ୍ଵିଷା ୟକ୍ଷୟୁଗେନ ତତ୍କ୍ଷଣା-
ଦଭାଜି ଗୋଵିଂଦ ଭଵାନପି ସ୍ତଵୈଃ ॥7॥

ଇହାନ୍ୟଭକ୍ତୋଽପି ସମେଷ୍ୟତି କ୍ରମାତ୍
ଭଵଂତମେତୌ ଖଲୁ ରୁଦ୍ରସେଵକୌ ।
ମୁନିପ୍ରସାଦାଦ୍ଭଵ୍ଦଂଘ୍ରିମାଗତୌ
ଗତୌ ଵୃଣାନୌ ଖଲୁ ଭକ୍ତିମୁତ୍ତମାମ୍ ॥8॥

ତତସ୍ତରୂଦ୍ଦାରଣଦାରୁଣାରଵ-
ପ୍ରକଂପିସଂପାତିନି ଗୋପମଂଡଲେ ।
ଵିଲଜ୍ଜିତତ୍ଵଜ୍ଜନନୀମୁଖେକ୍ଷିଣା
ଵ୍ୟମୋକ୍ଷି ନଂଦେନ ଭଵାନ୍ ଵିମୋକ୍ଷଦଃ ॥9॥

ମହୀରୁହୋର୍ମଧ୍ୟଗତୋ ବତାର୍ଭକୋ
ହରେଃ ପ୍ରଭାଵାଦପରିକ୍ଷତୋଽଧୁନା ।
ଇତି ବ୍ରୁଵାଣୈର୍ଗମିତୋ ଗୃହଂ ଭଵାନ୍
ମରୁତ୍ପୁରାଧୀଶ୍ଵର ପାହି ମାଂ ଗଦାତ୍ ॥10॥