ନାରାୟଣୀୟଂ ଦଶକ 31 – ବଲିଦର୍ପହରଣମ୍
ପ୍ରୀତ୍ୟା ଦୈତ୍ୟସ୍ତଵ ତନୁମହଃପ୍ରେକ୍ଷଣାତ୍ ସର୍ଵଥାଽପି
ତ୍ଵାମାରାଧ୍ୟନ୍ନଜିତ ରଚୟନ୍ନଂଜଲିଂ ସଂଜଗାଦ ।
ମତ୍ତଃ କିଂ ତେ ସମଭିଲଷିତଂ ଵିପ୍ରସୂନୋ ଵଦ ତ୍ଵଂ
ଵିତ୍ତଂ ଭକ୍ତଂ ଭଵନମଵନୀଂ ଵାଽପି ସର୍ଵଂ ପ୍ରଦାସ୍ୟେ ॥1॥
ତାମୀକ୍ଷଣାଂ ବଲିଗିରମୁପାକର୍ଣ୍ୟ କାରୁଣ୍ୟପୂର୍ଣୋଽ-
ପ୍ୟସ୍ୟୋତ୍ସେକଂ ଶମୟିତୁମନା ଦୈତ୍ୟଵଂଶଂ ପ୍ରଶଂସନ୍ ।
ଭୂମିଂ ପାଦତ୍ରୟପରିମିତାଂ ପ୍ରାର୍ଥୟାମାସିଥ ତ୍ଵଂ
ସର୍ଵଂ ଦେହୀତି ତୁ ନିଗଦିତେ କସ୍ୟ ହାସ୍ୟଂ ନ ଵା ସ୍ୟାତ୍ ॥2॥
ଵିଶ୍ଵେଶଂ ମାଂ ତ୍ରିପଦମିହ କିଂ ୟାଚସେ ବାଲିଶସ୍ତ୍ଵଂ
ସର୍ଵାଂ ଭୂମିଂ ଵୃଣୁ କିମମୁନେତ୍ୟାଲପତ୍ତ୍ଵାଂ ସ ଦୃପ୍ୟନ୍ ।
ୟସ୍ମାଦ୍ଦର୍ପାତ୍ ତ୍ରିପଦପରିପୂର୍ତ୍ୟକ୍ଷମଃ କ୍ଷେପଵାଦାନ୍
ବଂଧଂ ଚାସାଵଗମଦତଦର୍ହୋଽପି ଗାଢୋପଶାଂତ୍ୟୈ ॥3॥
ପାଦତ୍ରୟ୍ୟା ୟଦି ନ ମୁଦିତୋ ଵିଷ୍ଟପୈର୍ନାପି ତୁଷ୍ୟେ-
ଦିତ୍ୟୁକ୍ତେଽସ୍ମିନ୍ ଵରଦ ଭଵତେ ଦାତୁକାମେଽଥ ତୋୟମ୍ ।
ଦୈତ୍ୟାଚାର୍ୟସ୍ତଵ ଖଲୁ ପରୀକ୍ଷାର୍ଥିନଃ ପ୍ରେରଣାତ୍ତଂ
ମା ମା ଦେୟଂ ହରିରୟମିତି ଵ୍ୟକ୍ତମେଵାବଭାଷେ ॥4॥
ୟାଚତ୍ୟେଵଂ ୟଦି ସ ଭଗଵାନ୍ ପୂର୍ଣକାମୋଽସ୍ମି ସୋଽହଂ
ଦାସ୍ୟାମ୍ୟେଵ ସ୍ଥିରମିତି ଵଦନ୍ କାଵ୍ୟଶପ୍ତୋଽପି ଦୈତ୍ୟଃ ।
ଵିଂଧ୍ୟାଵଲ୍ୟା ନିଜଦୟିତୟା ଦତ୍ତପାଦ୍ୟାୟ ତୁଭ୍ୟଂ
ଚିତ୍ରଂ ଚିତ୍ରଂ ସକଲମପି ସ ପ୍ରାର୍ପୟତ୍ତୋୟପୂର୍ଵମ୍ ॥5॥
ନିସ୍ସଂଦେହଂ ଦିତିକୁଲପତୌ ତ୍ଵୟ୍ୟଶେଷାର୍ପଣଂ ତଦ୍-
ଵ୍ୟାତନ୍ଵାନେ ମୁମୁଚୁଃ-ଋଷୟଃ ସାମରାଃ ପୁଷ୍ପଵର୍ଷମ୍ ।
ଦିଵ୍ୟଂ ରୂପଂ ତଵ ଚ ତଦିଦଂ ପଶ୍ୟତାଂ ଵିଶ୍ଵଭାଜା-
ମୁଚ୍ଚୈରୁଚ୍ଚୈରଵୃଧଦଵଧୀକୃତ୍ୟ ଵିଶ୍ଵାଂଡଭାଂଡମ୍ ॥6॥
ତ୍ଵତ୍ପାଦାଗ୍ରଂ ନିଜପଦଗତଂ ପୁଂଡରୀକୋଦ୍ଭଵୋଽସୌ
କୁଂଡୀତୋୟୈରସିଚଦପୁନାଦ୍ୟଜ୍ଜଲଂ ଵିଶ୍ଵଲୋକାନ୍ ।
ହର୍ଷୋତ୍କର୍ଷାତ୍ ସୁବହୁ ନନୃତେ ଖେଚରୈରୁତ୍ସଵେଽସ୍ମିନ୍
ଭେରୀଂ ନିଘ୍ନନ୍ ଭୁଵନମଚରଜ୍ଜାଂବଵାନ୍ ଭକ୍ତିଶାଲୀ ॥7॥
ତାଵଦ୍ଦୈତ୍ୟାସ୍ତ୍ଵନୁମତିମୃତେ ଭର୍ତୁରାରବ୍ଧୟୁଦ୍ଧା
ଦେଵୋପେତୈର୍ଭଵଦନୁଚରୈସ୍ସଂଗତା ଭଂଗମାପନ୍ ।
କାଲାତ୍ମାଽୟଂ ଵସତି ପୁରତୋ ୟଦ୍ଵଶାତ୍ ପ୍ରାଗ୍ଜିତାଃ ସ୍ମଃ
କିଂ ଵୋ ୟୁଦ୍ଧୈରିତି ବଲିଗିରା ତେଽଥ ପାତାଲମାପୁଃ ॥8॥
ପାଶୈର୍ବଦ୍ଧଂ ପତଗପତିନା ଦୈତ୍ୟମୁଚ୍ଚୈରଵାଦୀ-
ସ୍ତାର୍ତ୍ତୀୟୀକଂ ଦିଶ ମମ ପଦଂ କିଂ ନ ଵିଶ୍ଵେଶ୍ଵରୋଽସି ।
ପାଦଂ ମୂର୍ଧ୍ନି ପ୍ରଣୟ ଭଗଵନ୍ନିତ୍ୟକଂପଂ ଵଦଂତଂ
ପ୍ରହ୍ଲାଦ୍ସ୍ତଂ ସ୍ଵୟମୁପଗତୋ ମାନୟନ୍ନସ୍ତଵୀତ୍ତ୍ଵାମ୍ ॥9॥
ଦର୍ପୋଚ୍ଛିତ୍ତ୍ୟୈ ଵିହିତମଖିଲଂ ଦୈତ୍ୟ ସିଦ୍ଧୋଽସି ପୁଣ୍ୟୈ-
ର୍ଲୋକସ୍ତେଽସ୍ତୁ ତ୍ରିଦିଵଵିଜୟୀ ଵାସଵତ୍ଵଂ ଚ ପଶ୍ଚାତ୍ ।
ମତ୍ସାୟୁଜ୍ୟଂ ଭଜ ଚ ପୁନରିତ୍ୟନ୍ଵଗୃହ୍ଣା ବଲିଂ ତଂ
ଵିପ୍ରୈସ୍ସଂତାନିତମଖଵରଃ ପାହି ଵାତାଲୟେଶ ॥10॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 31 - ବଲିଦର୍ପହରଣମ୍?
ନାରାୟଣୀୟଂ ଦଶକ 31 - ବଲିଦର୍ପହରଣମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 31 - ବଲିଦର୍ପହରଣମ୍ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 31 - ବଲିଦର୍ପହରଣମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.